ਪੰਜਾਬ ਦੀ ਮਾਂ ਖੇਡ
ਕਬੱਡੀ ਨੂੰ ਹੁਣ ਅਸੀ ਭੁੱਲਦੇ ਜਾ ਰਹੇ ਹਨ- ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ
ਗਿੱਦੜਬਾਹਾ,5 ਜਨਵਰੀ (ਗੁਰਮੀਤ ਮਾਨ)-
ਫੋਟੋ ਕੈਪਸ਼ਨ- ਪਿੰਡ ਭਲਾਈਆਣਾ (ਗਿੱਦੜਬਾਹਾ) ਵਿਖੇ ਯੁਵਕ ਸੇਵਾਵਾਂ ਕਲੱਬ ਵੱਲੋ
ਬਾਬੇ ਮੁੰਦਰਾਂ ਵਾਲੇ ਦੀ ਯਾਦ ਵਿੱਚ ਕਰਵਾਏ ਵਿਸ਼ਾਲ ਟੂਰਨਾਂਮੈਂਟ ਵਿਚ ਖਿਡਾਰੀਆਂ
ਨਾਲ ਜਾਣ ਪਹਿਚਾਨ ਕਰਦੇ ਹੋਏ ਖਜਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ, ਕਲੱਬ ਪ੍ਰਧਾਨ
ਇਕਬਾਲ ਸਿੰਘ ਅਤੇ ਵਿੱਤ ਮੰਤਰੀ ਨੂੰ ਸਨਮਾਨਿਤ ਕਰਦੇ ਕਲੱਬ ਮੈਬਰ।
ਤਸਵੀਰਾਂ - ਗੁਰਮੀਤ ਮਾਨ
ਯੁਵਕ ਸੇਵਾਵਾਂ ਕਲੱਬ ਪਿੰਡ ਭਲਾਈਆਣਾ , ਗ੍ਰਾਮ ਪੰਚਾਇਤ ਅਤੇ ਨਗਰ ਨਿਵਾਸੀਆਂ ਦੇ
ਸਹਿਯੋਗ ਨਾਲ ਬਾਬੇ ਮੁੰਦਰਾਂ ਵਾਲੇ ਦੀ ਯਾਦ ਵਿੱਚ ਕਰਵਾਇਆ ਦਸਵਾਂ ਵਿਸਾਲ ਕਬੱਡੀ
ਟੂਰਨਾਂਮੈਟ ਪੂਰੀ ਸਾਨੋ ਸੌਕਤ ਨਾਲ ਸਮਾਪਤ ਹੋ ਗਿਆ।ਅਤੇ ਟੂਰਨਾਂਮੈਂਟ ਦੇ ਸਮਾਪਤੀ
ਸਮਾਰੋਹ ਦੀ ਪ੍ਰਧਾਨਗੀ ਪੰਜਾਬ ਦੇ ਯੋਜਨਾ ਅਤੇ ਖਜਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ
ਨੇ ਕੀਤੀ। ਇਸ ਮੌਕੇ ਬੋਲਦਿਆਂ ਪੰਜਾਬ ਦੇ ਖਜਾਨਾਂ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੇ
ਕਿਹਾ ਕਿ ਪੰਜਾਬ ਦੀ ਮਾਂ ਖੇਡ ਕਬੱਡੀ ਨੂੰ ਹੁਣ ਲੋਕ ਭੁੱਲਦੇ ਜਾ ਰਹੇ ਹਨ ਅਤੇ
ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਪਿੰਡਾਂ ਵਿਚ ਅਜੇ ਤੱਕ ਲੋਕਾਂ ਨੇ ਇਸ ਮਾਂ ਖੇਡ ਨੂੰ
ਜਿੰਦਾ ਰੱਖਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਭਾਂਵੇਂ ਪੰਜਾਬ ਨੇ ਹੋਰ ਖੇਡਾਂ ਵਿਚ ਵੀ
ਮਾਅਰਕੇ ਮਾਰੇ ਹਨ ਪਰ ਕੱਬਡੀ ਵਿਚ ਪੰਜਾਬੀਆਂ ਦੇ ਯੋਗਦਾਨ ਨੂੰ ਕਦਿ ਵੀ ਅੱਖੋ ਪਰੋਖੇ
ਨਹੀ ਕੀਤਾ ਜਾ ਸਕਦਾ। ਉਨ੍ਹਾਂ ਪਿੰਡ ਭਲਾਈਆਣਾ ਦੇ ਨੌਜਵਾਨ ਖਿਡਾਰੀਆਂ ਦੀ ਤਾਰੀਫ
ਕਰਦੇ ਹੋਏ ਕਿਹਾ ਕਿ ਚੰਗੇ ਖਿਡਾਰੀ ਹੀ ਦੇਸ਼ ਦੀ ਤਰੱਕੀ ਵਿਚ ਯੋਗਦਾਨ ਪਾ ਸਕਦੇ ਹਨ
ਅਤੇ ਇਸੇ ਦਾ ਨਤੀਜਾ ਹੈ ਕਿ ਪਿੰਡ ਭਲਾਈਆਣਾ ਦੇ 35 ਨੌਜਵਾਨ ਇਸ ਸਮੇਂ ਫੌਜ ਵਿਚ
ਭਰਤੀ ਹਨ। ਉਨ੍ਹਾਂ ਯੁਵਕ ਸੇਵਾਵਾਂ ਕੱਲਬ ਭਲਾਈਆਣਾ ਨੂੰ ਆਪਣੇ ਅਖਤਿਆਰੀ ਕੋਟੇ
ਵਿਚੋਂ 1 ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਐਲਾਨ ਕੀਤਾ ਕਿ ਪਿੰਡ ਦੇ ਸਕੂਲ
ਵਿਚ ਇੱਕ ਸ਼ਾਨਦਾਰ ਖੇਡ ਸਟੇਡੀਅਮ ਦਾ ਨਿਰਮਾਨ ਕੀਤਾ ਜਾਵੇਗਾ ਜਿਸ ਤੇ ਸਰਕਾਰ ਵਲੋਂ
25 ਲੱਖ ਰੁਪਏ ਖਰਚ ਕੀਤੇ ਜਾਣਗੇ। ਉਨ੍ਹਾਂ ਜੇਤੂ ਖਿਡਾਰੀਆਂ ਨੂੰ ਇਨਾਮ ਵੀ ਵੰਡੇ।
ਇਸ ਮੌਕੇ ਪ੍ਰਾਪਤ ਵੇਰਵਿਆਂ ਅਨੁਸਾਰ ਕਬੱਡੀ 70 ਕਿੱਲੋ ਸੇਖਾ ਪਹਿਲੇ ਤੇ ਮਾਣੂਕੇ
ਗਿੱਲ ਦੂਸਰੇ,ਕਬੱਡੀ 62 ਕਿੱਲੋ ਰਾਈਆ ਪਹਿਲੇ ਤੇ ਰਾਏਪੁਰ ਦੂਸਰੇ,ਕਬੱਡੀ 53 ਕਿੱਲੋ
ਭਲਾਈਆਣਾ ਪਹਿਲੇ ਤੇ ਬਰਗਾੜੀ ਦੂਜੇ,ਕਬੱਡੀ 48 ਕਿੱਲੋ ਜੰਡ ਸਾਹਿਬ ਪਹਿਲੇ ਤੇ
ਭਲਾਈਆਣਾ ਦੂਜੇ ਅਤੇ ਕਬੱਡੀ 35 ਕਿੱਲੋ ਸੁਖਨਾ ਅਬਲੂ ਪਹਿਲੇ ਤੇ ਰਾਮ ਨਿਵਾਸ ਦੂਜੇ
ਸਥਾਨ ਤੇ ਰਿਹਾ ਜਦਕਿ ਫੁੱਟਬਾਲ ਉਪਨ ਵਿੱਚ ਰੁਪਾਣਾ ਪਹਿਲੇ ਅਤੇ ਭਲਾਈਆਣਾ ਦੂਸਰੇ
ਸਥਾਨ ਤੇ ਰਿਹਾ। ਇਸ ਮੌਕੇ ਪੰਜਾਬ ਦੇ ਮਸ਼ਹੂਰ ਪੰਜਾਬੀ ਗਾਇਕ ਸੁਖਪਾਲ ਪਾਲੀ-ਜਤਿੰਦਰ
ਕੌਰ ਅਤੇ ਜਸਵੰਤ ਪੱਪੂ- ਰਾਜਵਿੰਦਰ ਕੌਰ ਆਪਣਾ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕੀਤਾ। ਇਸ
ਮੌਕੇ ਹੋਰਨਾਂ ਤੋਂ ਇਲਾਵਾ ਬੀਬੀ ਗੁਰਦਿਆਲ ਕੌਰ ਮਲ੍ਹੱਣ ਸਾਬਕਾ ਚੇਅਰਪਰਸਨ ਸਮਾਜ
ਭਲਾਈ ਸਲਾਹਕਾਰ ਬੋਰਡ ਪੰਜਾਬ, ਜਬਰਜੰਗ ਸਿੰਘ ਦੋਦਾ, ਜਥੇਦਾਰ ਨਵਤੇਜ ਸਿੰਘ ਕਾਉਣੀ,
ਜਗਤਾਰ ਸਿੰਘ ਓ.ਐਸ.ਡੀ, ਗੁਰਚਰਨ ਸਿੰਘ ਸਰਪੰਚ, ਇੱਕਬਾਲ ਸਿੰਘ ਕੱਲਬ ਪ੍ਰਧਾਨ,
ਲਖਵੀਰ ਸਿੰਘ ਮੋਨਾ, ਹਰਦੀਪ ਸਿੰਘ, ਰਣਬੀਰ ਸਿੰਘ, ਬਲਵੀਰ ਸਿੰਘ ਕੋਟਲੀ ਅਬਲੂ,
ਗੁਰਤਾਰ ਸਿੰਘ ਬੁੱਟਰ ਸਰੀਂਹ, ਪਟਵਾਰੀ ਸੁਰਜੀਤ ਸਿੰਘ ਕੋਟਭਾਈ, ਬੋਹੜ ਸਿੰਘ ਬੈਕ
ਮੈਨੇਜਰ, ਅਤੇ ਪ੍ਰਿੰਸੀਪਲ ਕਮਲੇਸ਼ ਚੰਦਰ ਸ਼ਰਮਾ, ਸੁਖਰਾਜ ਸਿੰਘ ਸਰਪੰਚ ਮੰਚ ਸੰਚਾਲਨ
ਮਾਸਟਰ ਸੁਖਪਾਲ ਪਾਲੀ ਬਲਾੜ ਨੇ ਕੀਤਾ।
ਕ੍ਰਿਕਟ ਤਾਂ ਕੋਈ ਵੀ ਖੇਡ ਸਕਦਾ ਹੈ: ਗਿਲ
ਇੰਦੌਰ, 5 ਜਨਵਰੀ :ਕ੍ਰਿਕਟ ਨੂੰ ਰਾਸ਼ਟਰੀ ਖੇਡ ਬਣਾਉਣ ਨੂੰ ਲੈ ਕੇ ਸਾਬਕਾ ਕਪਤਾਨ
ਮੰਸੂਰ ਅਲੀ ਖਾ ਪਟੌਦੀ ਦੇ ਹਾਲ ਦੇ ਸੁਝਾਅ ਤੋ ਂ ਬਾਅਦ ਭੰਗ ਭਾਰਤੀ ਹਾਕੀ ਮਹਾਸੰਘ
(ਆਈ ਐਚ ਐਫ) ਦੇ ਪ੍ਰਧਾਨ ਕੇ ਪੀ ਐਸ ਗਿਲ ਹਾਕੀ ਦੇ ਬਚਾਅ ਵਿੱਚ ਆ ਗਏ ਹਨ। ਗਿਲ ਨੇ
ਹਾਕੀ ਦੀ ਜਬਰਦਸਤ ਪੈਰਵੀ ਕਰਦਿਆਂ ਕਿਹਾ ਕਿ ਇਸ ਨੂੰ ਖੇਡਣ ਵਾਲੇ ਨੂੰ ਚੰਗਾ ਐਥਲੀਟ
ਹੋਣਾ ਪੈਂਦਾ ਹੈ ਜਦੋਂਕਿ ਕ੍ਰਿਕਟ ਤਾਂ ਕੋਈ ਵੀ ਖੇਡ ਸਕਦਾ ਹੈ। ਲਗਭਗ 15 ਸਾਲ ਤੱਕ
ਆਈ ਐਚ ਐਫ ਪ੍ਰਧਾਨ ਰਹੇ ਗਿਲ ਨੇ ਕਿਹਾ ਕਿ ਹਾਕੀ ਉਲੰਪਿਕ ਦਾ ਹਿੱਸਾ ਹੈ ਜਦੋਂਕਿ
ਕ੍ਰਿਕਟ ਨਹੀਂ। ਕ੍ਰਿਕਟ ਅੱਠ ਦਸ ਦੇਸ਼ ਖੇਡਦੇ ਹਨ ਜਦੋਂਕਿ ਹਾਕੀ ਸੌ ਤੋਂ ਜ਼ਿਆਦਾ
ਦੇਸ਼ਾਂ ਵਿੱਚ ਖੇਡੀ ਜਾਂਦੀ ਹੈ। ਗਿਲ ਦਾ ਧਿਆਨ ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਮੰਸੂਰ
ਅਲੀ ਖਾਂ ਪਟੌਦੀ ਦੇ ਹਾਲ ਦੇ ਸੁਝਾਅ ਵੱਲ ਖਿੱਚਿਆ ਗਿਆ ਸੀ। ਪਟੌਦੀ ਨੇ ਹਾਲ ਵਿੱਚ
ਇੱਕ ਪ੍ਰੋਗਰਾਮ ਦੌਰਾਨ ਕਿਹਾ ਸੀ ਕਿ ਵਕਤ ਆ ਗਿਆ ਹੈ ਜਦੋਂ ਹਾਕੀ ਦੀ ਥਾਂ ਕ੍ਰਿਕਟ
ਨੂੰ ਭਾਰਤ ਦੀ ਰਾਸ਼ਟਰੀ ਖੇਡ ਐਲਾਨਿਆ ਜਾਵੇ।ਬਹਿਰਹਾਲ ਗਿਲ ਪਟੌਦੀ ਦਾ ਨਾਮ ਲਏ ਬਗੈਰ
ਇਸ ਸੁਝਾਅ ਨੂੰ ਸਿਰੇ ਤੋਂ ਖਾਰਿਜ ਕਰਦੇ ਦਿਖੇ। ਗਿਲ ਨੇ ਜੋਰ ਦੇ ਕੇ ਕਿਹਾ ਕਿ
ਕ੍ਰਿਕਟ ਤਾਂ ਕੋਈ ਵੀ ਖੇਡ ਸਕਦਾ ਹੈ ਜਦੋਂਕਿ ਹਾਕੀ ਦੇ ਖਿਡਾਰੀ ਨੂੰ ਚੰਗਾ ਅਥਲੀਟ
ਹੋਣਾ ਜਰੂਰੀ ਹੈ। ਗਿਲ ਹਾਕੀ ਵਿੱਚ ਭਾਰਤ ਨੂੰ ਸੁਨਹਿਰੀਆਂ ਸੰਭਾਵਨਾਵਾਂ ਨਾਲ ਭਰਿਆ
ਮੰਨਦੇ ਹਨ ਪਰ ਇਸ ਦੇ ਨਾਲ ਹੀ ਉਹਨਾਂ ਦਾ ਕਹਿਣਾ ਹੈ ਕਿ ਇਹਨਾਂ ਸੰਭਾਵਨਾਵਾਂ ਨੂੰ
ਸੱਚ ਕਰਨ ਲਈ ਐਥਲੈਟਿਕਸ ਵਿੱਚ ਸੁਧਾਰ ਹੋਣਾ ਬਹੁਤ ਜਰੂਰੀ ਹੈ। ਉਹਨਾਂ ਕਿਹਾ ਕਿ ਦੇਸ਼
ਵਿੱਚ ਐਥਲੈਟਿਕਸ ਦੀ ਸਥਿਤੀ ਠੀਕ ਨਹੀਂ ਹੈ। ਜੇ ਸਾਡੇ ਕੋਲ ਚੰਗੇ ਐਥਲੀਟ ਨਹੀਂ ਹਨ
ਤਾਂ ਚੰਗੇ ਹਾਕੀ ਖਿਡਾਰੀ ਕਿੱਥੋਂ ਪੈਦਾ ਹੋਣਗੇ।
ਆਸਟਰੇਲੀਆ ਨੇ ਸਿਕੰਜਾ ਕੱਸਿਆ
ਸਿਡਨੀ , ਸੋਮਵਾਰ, 5 ਜਨਵਰੀ 2009
ਪੀਟਰ ਸਿਡਲ ਦੀ ਤੂਫ਼ਾਨੀ ਗੇਂਦਬਾਜੀ ਦੇ ਦਮ ਉੱਤੇ ਦੱਖਣੀ ਅਫਰੀਕੀ ਬੱਲੇਬਾਜੀ ਨੂੰ
ਸਮੇਟਣ ਦੇ ਬਾਅਦ ਆਸਟਰੇਲੀਆ ਨੇ ਅੱਜ ਇੱਥੇ ਤੀਜੇ ਅਤੇ ਅੰਤਿਮ ਕ੍ਰਿਕਟ ਟੈਸਟ ਦੇ
ਤੀਜੇ ਦਿਨ ਮੈਚ ਉੱਤੇ ਪਕੜ੍ਹ ਮਜਬੂਤ ਕਰਦੇ ਹੋਏ ਆਪਣੀ ਕੁੱਲ ਬੜ੍ਹਤ 151 ਦੌੜਾਂ ਤੱਕ
ਪਹੁੰਚਾਈ. ਸਿਡਲ ਨੇ ਕੈਰੀਅਰ ਵਿੱਚ ਪਹਿਲੀ ਵਾਰ ਪੰਜ ਵਿਕਟਾਂ ਲਈਆਂ, ਜਿਸ ਨਾਲ ਅੱਜ
ਸਵੇਰੇ ਇੱਕ ਵਿਕਟ ਉੱਤੇ 125 ਦੌੜਾਂ ਨਾਲ ਅੱਗੇ ਖੇਡਣ ਉਤਰੀ. ਦੱਖਣੀ ਅਫਰੀਕਾ ਦੀ
ਟੀਮ 327 ਦੌੜਾਂ ਉੱਤੇ ਸਿਮਟ ਗਈ. ਮਹਿਮਾਨ ਟੀਮ ਦੇ ਲਈ ਮਾਰਕ ਬਾਊਚਰ (89), ਹਾਸ਼ਿਮ
ਅਮਲਾ (51) ਅਤੇ ਮਾਰਨੇ ਮੋਰਕਲ (40) ਨੇ ਸਾਹਸਿਕ ਪਾਰੀਆਂ ਖੇਡੀਆਂ. ਬਾਊਚਰ ਅਤੇ
ਮੋਰਕਲ ਨੇ ਛੇਵੇਂ ਵਿਕਟਾਂ ਦੇ ਲਈ 115 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਦੱਖਣੀ ਅਫਰੀਕਾ
ਦਾ ਸਕੋਰ 300 ਦੌੜਾਂ ਦੇ ਪਾਰ ਪਹੁੰਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ.
ਆਈਪੀਐਲ 'ਚ ਖੇਡਣਾ ਬਣਿਆ ਸ਼ਰਾਪ
ਮੈਲਬੋਰਨ, 5 ਜਨਵਰੀ 2009
ਆਸਟਰੇਲੀਆਈ ਮੀਡੀਆ ਦੇ ਮੁਤਾਬਕ ਇਸ ਸਾਲ ਟੀਮ ਦੇ ਪੱਧਰ 'ਚ ਆ ਰਹੀ ਗਿਰਾਵਟ ਦਾ ਕਾਰਣ
ਭਾਰਤ ਵਿੱਚ ਪਹਿਲੀ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਖੇਡਣਾ ਸੀ ਕਿਉਂਕਿ ਉੱਚ ਖਿਡਾਰੀ
ਇਸਦੇ ਬਾਅਦ ਤੋਂ ਹੀ ਖਰਾਬ ਦੌਰ ਤੋਂ ਗੁੱਜਰ ਰਹੇ ਹਨ.ਅਖ਼ਬਾਰਾਂ ਨੇ ਆਈਪੀਐੱਲ ਨੂੰ
ਖਿਡਾਰੀਆਂ ਦੇ ਲਈ ਸ਼ਰਾਪ ਦੱਸਿਆ. ਸਿਡਨੀ ਮਾਰਨਿੰਗ ਹੇਰਾਲਡ ਨੇ ਲਿਖਿਆ ਕਿ ਇਹ ਇੱਕ
ਸੰਯੋਗ ਵੀ ਹੋ ਸਕਦਾ ਹੈ ਪਰੰਤੂ ਜਿਹਨਾਂ ਆਸਟਰੇਲੀਆਈ ਕ੍ਰਿਕਟਰਾਂ ਨੇ ਪਿਛਲੇ ਸਾਲ
ਅਪ੍ਰੈਲ ਮਈ ਆਈਪੀਐੱਲ ਵਿੱਚ ਹਿੱਸਾ ਲਿਆ ਸੀ ਉਹ ਜਾਂ ਤਾਂ ਜ਼ਖਮੀ ਹੋਏ ਸਨ ਜਾਂ ਬਹੁਤੇ
ਥੱਕ ਗਏ ਸਨ ਅਤੇ ਭਾਰਤ ਵਿੱਚ ਇਹ ਸਮੱਸਿਆ ਹੋਰ ਵੱਧ ਗਈ. ਇਸਦੇ ਮੁਤਾਬਕ ਮਾਈਕਲ
ਕਲਾਰਕ ਅਤੇ ਮਿਸ਼ੈਲ ਜਾਨਸਨ ਆਈਪੀਐੱਲ ਦੀ ਲੁਭਾਉਣੀ ਰਾਸ਼ੀ ਦੇ ਮੋਹ ਵਿੱਚ ਨਹੀਂ ਬੱਝੇ
ਅਤੇ ਟੀਮ ਦੇ ਤਾਰਨਹਾਰ ਬਣਨ ਵਿੱਚ ਸਫ਼ਲ ਰਹੇ ਜਿਸ ਉੱਤੇ ਵਿਸ਼ਵ ਚੈਂਪੀਅਨ ਦਾ ਖਿਤਾਬ
ਖੋਹਣ ਦਾ ਖ਼ਤਰਾ ਮੰਡਰਾ ਰਿਹਾ ਹੈ. ਅਖ਼ਬਾਰ ਨੇ ਲਿਖਿਆ ਕਿ ਭਾਵੇਂ ਜੋ ਕੁੱਝ ਵੀ ਕਾਰਣ
ਹੋਣ, ਪਰੰਤੂ ਜਦੋਂ ਆਸਟਰੇਲੀਆਈ ਕ੍ਰਿਕਟਰ ਭਾਰਤ ਵਿੱਚ ਟਵੈਂਟੀ 20 ਟੂਰਨਾਮੈਂਟ ਵਿੱਚ
ਖੇਡਣ ਦੇ ਬਾਅਦ ਪਰਤੇ ਹਨ, ਤਦ ਤੋਂ ਉਹ ਟੈਸਟ ਅਤੇ ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ
ਜੂਝਦੇ ਵਿਖਾਈ ਦੇ ਰਹੇ ਹਨ.
ਉਟਾਲਾਂ
ਦਾ ਖੇਡ ਮੇਲਾ ਧੂਮ ਧੜੱ ਕੇ ਨਾਲ ਸ਼ੁਰੂ
ਸਮਰਾਲਾ,2 ਜਨਵਰੀ-ਸੁਰਿੰਦਰ ਬੇਦੀ-
ਇਲਾਕੇ ਵਿੱਚ ਮਿੰਨੀ ਉਲੰਪਿੰਕ ਵਜੋਂ ਜਾਣਿਆ ਜਾਂਦਾ ਉਟਾਲਾਂ ਦਾ ਖੇਡ ਮੇਲਾ ਅੱਜ
ਪੂਰੇ ਧੂਮ-ਧੜੱਕੇ ਨਾਲ ਸ਼ੁਰੂ ਹੋ ਗਿਆ ਹੈ। ਅੱਜ ਖੇਡ ਮੇਲੇ ਦਾ ਉਦਘਾਟਨ ਸਤਿੰਦਰ
ਸਿੰਘ ਛਿੰਦਾ ਨੇ ਕਰ ਕਮਲਾਂ ਨਾਲ ਕੀਤਾ ਅਤੇ ਪ੍ਰਧਾਨਗੀ ਹਰਬੰਸ ਸਿੰਘ ਉਟਾਲਾਂ ਅਤੇ
ਮੈਂਬਰ ਪਾਰਲੀਮੈਂਟ ਸੁਖਦੇਵ ਸਿੰਘ ਲਿਬੜਾ ਨੇ ਕੀਤੀ। ਖੇਡਾਂ ਬਾਰੇ ਜਾਣਕਾਰੀ ਦਿੰਦਿਆ
ਸਕੱਤਰ ਕੁਲਦੀਪ ਸਿੰਘ ਉਟਾਲ ਨੇ ਦਸਿਆ ਕਿ ਅੱਜ ਹਾਕੀ ਕੱਪ ਦਾ ਉਦਘਾਟਨ ਮੁਖਤਿਆਰ
ਸਿੰਘ ਨੈਬ ਤਹਿਸੀਲਦਾਰ ਅਤੇ ਘੌੜਿਆ ਦੀ ਦੌੜ ਦੀ ਸ਼ੁਰੂਆਤ ਬਲਵਿੰਦਰ ਸਿੰਘ ਉਟਾਲਾਂ ਨੇ
ਕੀਤੀ। ਅੱਜ ਦੇ ਖੇਡ ਮੇਲੇ ਦੇ ਅਥਲੈਟਿਕਸ ਮੂਕਾਬਲਿਆ ਵਿੱਚ 400 ਮੀਟਰ ਦੌੜ ਰਮਨਦੀਪ
ਸਿੰਘ ਜੰਡਿਆਂਲੀ ਨੇ ਪਹਿਲਾ,ਹਰਪਾਲ ਸਿੰਘ ਖਮਾਣੌਂ ਦੂਜਾ,ਬਲਵਿੰਦਰ ਪੰਜ ਗਰਾਈਆਂ ਨੇ
ਤੀਜਾ ਸਥਾਨ ਲਿਆ। ਚਾਰ ਸੌ ਮੀਟਰ ਲੜਕੀਆਂ ਦੀ ਦੌੜ ਵਿੱਚ ਸਿਮਰਨਜੀਤ ਕੌਰ ਕਟਾਣਾ
ਸਾਹਿਬ,ਰਮਦੀਪ ਕੌਰ ਸਮਰਾਲਾ ਤੇ ਅੰਜਲੀ ਰਾਣੀ ਨੇ ਕ੍ਰਮਵਾਰ ਪਹਿਲਾ,ਦੂਜਾ ਤੇ ਤੀਜਾ
ਸਥਾਨ ਲਿਆ।ਪੰਦਰਾਂ ਸੌ ਮੀਟਰ ਲੜਕਿਆ ਵਿੱਚ ਨਿਰਭੈ ਸਿੰਘ ਦੁਧਾਹਰੂ ਨੇ
ਪਹਿਲਾ,ਪਵਨਦੀਪ ਸਿੰਘ ਨੇ ਦੂਜਾ,ਰਾਜ ਕੁਮਾਰ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।ਪੰਦਰਾਂ
ਸੌ ਮੀਟਰ ਲੜਕੀਆਂ ਵਿੱਚ ਸਿਮਰਨਜੀਤ ਕੌਰ ਕਟਾਣਾ ਸਾਹਿਬ,ਗੁਰਵਿੰਦਰ ਕੌਰ
ਸਮਰਾਲਾਂ,ਰਮਨਦੀਪ ਕੌਰ ਨੇ ਪਹਿਲਾਂ,ਦੂਜਾ ਤੇ ਤੀਜਾ ਸਥਾਨ ਕੁਟਿਆ। ਅੱਠ ਸੌ ਮੀਟਰ
ਲੜਕੇ ਵਿੱਚ ਜਸਮੇਲ ਸਿੰਘ ਖੰਨਾਂ ਪਹਿਲਾ,ਨਿਰਭੈ ਸਿੰਘ ਦੂਜਾ ਤੇ ਅਮਨਦੀਪ ਸਿੰਘ ਤੀਜੇ
ਸਥਾਨ ਤੇ ਰਹੇ। ਅੱਠ ਸੌ ਮੀਟਰ ਲੜਕੀਆਂ ਸਿਮਰਨਜੀਤ ਕੌਰ ਕਟਾਣਾ ਸਾਹਿਬ ਨੇ
ਪਹਿਲਾ,ਅਮਨਦੀਪ ਕੌਰ ਨੇ ਦੂਜਾ ਤੇ ਗੁਰਵਿੰਦਰ ਕੌਰ ਨੇ ਤੀਜਾ ਸਥਾਨ ਲਿਆ। ਸ਼ਾਟ ਪੁੱਟ
ਮੁਕਾਬਲੇ ਵਿੱਚ ਮਨਜੀਤ ਸਿੰਘ ਨੇ ਪਹਿਲਾ,ਪਰਮਿੰਦਰ ਸਿੰਘ ਨੇ ਦੂਜਾ ਤੇ ਸੁਖਰਾਜ ਸ਼ਿੰਘ
ਨੇ ਤੀਜੇ ਨੰਬਰ ਤੇ ਰਹੇ। ਘੋੜਿਆ ਦੀ ਦੌੜ ਵਿੱਚ ਲਵਲੀ ਨਾਂ ਦੇ ਘੋੜੇ ਨੇ
ਪਹਿਲਾਂ,ਹੈਪੀ ਦੁਬਰਜੀ ਨੇ ਦੂਜਾ,ਕਰਨਬੀਰ ਸਿੰਘ ਨੇ ਤੀਜਾ,ਜੀਲਾਖਾਨ ਚੌਥਾ,ਹਰਦੇਵ
ਸਿੰਘ ਫਰੌਰ ਪੰਜਵੇ ਸਥਾਨ ਤੇ ਰਹੇ।ਇ੍ਹਨਾਂ ਪੰਜਾਂ ਘੌੜਿਆਂ ਨੂੰ ਝੁੱਲ਼ਾਂ ਦੀਆ
ਜੌੜੀਆਂ ਦੇ ਕੇ ਸਨਮਾਨਿਤ ਕੀਤਾ ਗਿਆ।ਇਸ ਮੇਲੇ ਵਿੱਚ ਅੱਜ ਕੁਲ 90 ਬੈਲ ਗੱਡੀਆ ਨੇ
ਭਾਗ ਲਿਆ। ਇਸ ਮੇਲੇ ਦੇ ਪ੍ਰਧਾਨ ਰੁਪਿੰਦਰ ਸਿੰਘ,ਖਜਾਨਚੀ ਧਰਮਵੀਰ ਸਿੰਘ,ਸੁਰਿੰਦਰ
ਸਿੰਘ,ਅਮਨਦੀਪ ਸਿੰਘ,ਸਤਿੰਦਰ ਸਿੰਘ ਨੇ ਦਸਿਆ ਕਿ ਸਾਰਾ ਦਿਨ ਗਰਾਊਂਡ ਵਿੱਚ ਭਰਪੂਰ
ਰੌਣਕਾਂ ਰਹੀਆ ਅਤੇ ਹਾਕੀ ਦੇ ਮੁਕਾਬਲੇ ਫਸਟ ਰਾਊਂਡ ਪੂਰੇ ਕਰ ਚੁਕੇ ਹਨ।
ਅਹਿਮਦਗੜ
01 ਜਨਵਰੀ ()
ਲਾਗਲੇ ਪਿੰਡ ਜੰਡਾਲੀ ਖੁਰਦ ਵਿਖੇ ਤੀਸਰਾ ਸਲਾਨਾ ਕੱਬਡੀ ਕੱਪ ਧੂਮ ਧਾਮ ਨਾਲ ਸੰਪਨ
ਹੋਇਆ। ਬਾਬਾ ਸ਼੍ਰੀ ਚੰਦ ਸਪੋਰਟਸ ਕਲੱਬ ਵਲੌ ਕਰਵਾਏ ਗਏ ਇੱਸ ਟੂਰਨਾਂਮੈਟ ਦਾ ਉਦਘਾਟਨ
ਸੰਤ ਸੁਰਸਤੀ ਦਾਸ , ਸੰਤ ਭੀਮ ਸਿੰਘ, ਸੰਤ ਗਗਨਦੀਪ ਸਿੰਘ ਨੇ ਸਾਂਝੇ ਤੋਰ ਤੇ ਕੀਤਾ।
ਕੱਬਡੀ ਦੇ ਹੋਏ ਮੁਕਾਬਲੇ ਚ ਆਲ ਓਪਨ ਕੱਬਡੀ ਕੱਪ 51 ਹਜ਼ਾਰ ਰੁਪੈ ਦਾ ਪਹਿਲਾ ਇਨਾਮ
ਚੌਧਰੀ ਸਵੀਟ ਸ਼ਾਪ ਨੇ ਜਿੱਤਿਆ, ਰਕਬਾ ਕਲੱਬ ਦੂਜੇ ਸਥਾਨ ਤੇ ਰਿਹਾ ਜਿਸਨੂੰ 41 ਹਜ਼ਾਰ
ਦਾ ਇਨਾਮ ਦਿੱਤਾ ਗਿਆ। ਤੀਜੇ ਸਥਾਨ ਤੇ ਜੰਡਾਲੀ ਖੁਰਦ ਦੀ ਟੀਮ ਰਹੀ ਜਿਸਨੂੰ 21
ਹਜ਼ਾਰ ਰੁਪੈ ਇਨਾਮ ਦਿੱਤਾ ਗਿਆ। ਕੱਬਡੀ 70 ਕਿੱਲੋ ਚ ਜੰਡਾਲੀ ਖੁਰਦ ਪਹਿਲੇ ਅਤੇ
ਰਛੀਨ ਦੂਜੇ ਸਥਾਨ ਤੇ ਰਹੇ। ਕੱਬਡੀ 37 ਕਿੱਲੋ ਵਿਚ ਜਲੂਰ ਕਲੱਬ ਪਹਿਲੇ ਤੇ ਡੱਡਹੇੜੀ
ਦੂਸਰੇ ਸਥਾਨ ਤੇ ਰਹੇ। ਕੱਬਡੀ 47 ਕਿੱਲੋ ਵਿਚ ਕੁਟਾਰੀ ਪਹਿਲੇ ਤੇ ਜੋਧਪੁਰ ਚੀਮਾਂ
ਦੂਸਰੇ ਸਥਾਨ ਤੇ ਰਹੇ। ਕੱਬਡੀ 58 ਕਿੱਲੋ ਬੀਹਲਾਂ ਪਹਿਲੇ ਤੇ ਕਰਾਚੌ ਦੂਜੇ ਸਥਾਨ ਤੇ
ਰਹੇ। ਅੱਜ ਅੰਤਰਾਸ਼ਟਰੀ ਕੱਬਡੀ ਖਿਡਾਰੀ ਲਾਲੀ ਬੁਟਾਰੀ, ਚਰਨਜੀਤ ਸਿੰਘ ਸਿਲਕਾ,
ਪ੍ਰੇਮ ਸਾਗਰ ਨਾਰੀਕੇ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਤਿੰਨ ਦਿਨਾਂ ਇਸ ਖੇਡ ਮੇਲੇ
ਵਿਚ ਵਿਸ਼ੇਸ਼ ਮਹਿਮਾਨ ਬੱਗਾ ਸਿੰਘ ਜੰਡਾਲੀ, ਗੁਰਮੀਤ ਸਿੰਘ, ਜੁਗਰਾਜ ਸਿੰਘ ਸਪੇਨ,
ਸੁਖਚੈਨ ਸਿੰਘ ਨੰਬਰਦਾਰ, ਮਾਸਟਰ ਮੋਹਤਮ ਸਿੰਘ, ਇੰਦਰਜੀਤ ਸਿੰਘ ਕਨੇਡਾ, ਜੀਤਾ ਸਿੰਘ
ਆੜਤੀਆ, ਹਰੀ ਸਿੰਘ ਠੇਕੇਦਾਰ ਆਦਿ ਵਿਸ਼ੇਸ਼ ਮਹਿਮਾਨ ਸਨ। ਖੇਡ ਮੇਲੇ ਦੇ ਜੈਤੂ
ਖਿਡਾਰੀਆਂ ਨੂੰ ਸ. ਚਰਨਜੀਤ ਸਿੰਘ ਅਟਵਾਲ ਡਿਪਟੀ ਸਪੀਕਰ ਲੋਕ ਸਭਾ, ਚੌਧਰੀ ਅਬਦੁੱਲ
ਗਫਾਰ, ਸ. ਅਜੀਤ ਸਿੰਘ ਚੰਦੂਰਾਈਆ, ਸ. ਜੈਪਾਲ ਸਿੰਘ ਮੰਡੀਆ, ਨਿਰਮਲ ਸਿੰਘ ਸਰਪੰਚ
ਬੌੜਆਈ, ਕੌਸਲਰ ਅਵਤਾਰ ਸਿੰਘ ਜੱਸਲ, ਭਾਗ ਸਿੰਘ ਭਾਗਾ, ਕੁਲਦੀਪ ਸਿੰਘ ਕੜਵੱਲ ,
ਪ੍ਰਧਾਨ ਸੰਜੇ ਸੂਦ, ਸ. ਬਲਵਿੰਦਰ ਸਿੰਘ ਯੂ.ਐਸ.ਏ. , ਸ. ਬਲਵੰਤ ਸਿੰਘ ਚੇਅਰਮੈਨ
ਬਲਾਕ ਸੰਮਤੀ ਮਾਲੇਰਕੋਟਲਾ, ਮਹੁੰਮਦ ਸੁਦਾਗਰ, ਮੇਜਰ ਸਿੰਘ ਸਰਪੰਚ, ਸੁਰਿੰਦਰਪਾਲ
ਸਿੰਘ ਸਰਪੰਚ ਮੋਮਨਾਬਾਦ, ਗੁਰਮੀਤ ਸਿੰਘ ਜੰਡਾਲੀ, ਜੀਵਨ ਸਿੰਘ ਪੰਧੇਰ ਆਦਿ ਨੇ
ਜੈਤੂਆਂ ਨੂੰ ਇਨਾਮ ਵੰਡੇ। ਖੇਡ ਮੇਲੇ ਨੂੰ ਨੇਪਰੇ ਚਾੜਣ ਲਈ ਕਲੱਬ ਪ੍ਰਧਾਨ
ਕੁਲਜਿੰਦਰ ਸਿੰਘ ਕਿੰਦੀ, ਸ਼ੰਮੀ ਗਰੇਵਾਲ, ਧਰਮਿੰਦਰ ਸਿੰਘ, ਸੁਖਚੈਨ ਸਿੰਘ ਬਾਵਾ,
ਦਵਇੰਦਰ ਸਿੰਘ, ਗੁੱਡੂ, ਜੋਰਾ, ਲਾਡੀ, ਕੁਲਜਿੰਦਰ ਸਿੰਘ ਯੂ.ਐਸ.ਏ., ਮਨਦੀਪ ਸਿੰਘ,
ਨਛੱਤਰ ਸਿੰਘ ਦਲੀਜ, ਹਰਜੋਧ ਸਿਹੋੜਾ ਆਦਿ ਦਾ ਵਿਸ਼ੇਸ ਯੋਗਦਾਨ ਰਿਹਾ।
ਪਿੰਡ ਭਾਂਬਰੀ ਵਿਖੇ ਦੂਜਾ ਖੇਡ ਟੂਰਨਾਮੈਂਟ 8,9,10 ਨੂੰ
ਖਮਾਣੋਂ 1 ਜਨਵਰੀ (ਰਣਬੀਰ ਸਿੰਘ ਰਾਣਾ)
ਨਜ਼ਦੀਕੀ ਪਿੰਡ ਭਾਂਬਰੀ ਵਿਖੇ ਗ੍ਰਾਮ ਪੰਚਾਇਤ ਅਤੇ ਸਮੂਹ ਨਗਰ ਨਿਵਾਸੀਆਂ ਵੱਲੋਂ
ਐਨ.ਐਰ.ਆਈ. ਭਰਾਵਾਂ ਦੇ ਸਹਿਯੋਗ ਨਾਲ ਦੂਜਾ ਪੇਂਡੂ ਖੇਡ ਟੂਰਨਾਮੈਂਟ 8,9,10 ਜਨਵਰੀ
ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਖੇਡ ਮੇਲੇ ਦੇ
ਪ੍ਰਬੰਧਕ ਗੁਰਜੱਪ ਸਿੰਘ ਭਾਂਬਰੀ ਅਤੇ ਰਜਿੰਦਰ ਸਿੰਘ ਭਾਂਬਰੀ ਨੇ ਦੱਸਿਆ ਕਿ ਤਿੰਨ
ਦਿਨਾਂ ਇਸ ਖੇਡ ਟੂਰਨਾਮੈਂਟ ਵਿੱਚ ਕਬੱਡੀ 32, 37, 42, 47, 52, 57, 70 ਕਿਲੋ,
ਕਬੱਡੀ ਇੱਕ ਪਿੰਡ ਓਪਨ, ਬੈਲ ਗੱਡੀਆਂ ਦੀਆਂ ਦੌੜਾਂ, ਘੋੜਿਆਂ ਦੀਆਂ ਦੌੜਾਂ,
ਕੁੱਤਿਆਂ ਦੀਆਂ ਦੌੜਾਂ, ਦਸਤਾਰਬੰਦੀ ਦੇ ਮੁਕਾਬਲੇ ਕਰਵਾਏ ਜਾਣਗੇ। ਟੂਰਨਾਮੈਂਟ ਦੇ
ਵੱਖ ਵੱਖ ਦਿਨ ਮੈਂਬਰ ਬਲਾਕ ਸੰਮਤੀ ਚੇਅਰਮੈਨ ਅਵਤਾਰ ਸਿੰਘ ਰਿਆ, ਸ਼੍ਰੋਮਣੀ
ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੈਂਬਰ ਰਵਿੰਦਰ ਸਿੰਘ ਖਾਲਸਾ, ਹਲਕਾ ਸਰਹਿੰਦ ਦੇ
ਵਿਧਾਇਕ ਦੀਦਾਰ ਸਿੰਘ ਭੱਟੀ, ਹਲਕਾ ਸਮਰਾਲਾ ਦੇ ਵਿਧਾਇਕ ਜਗਜੀਵਨ ਸਿੰਘ ਖੀਰਨੀਆਂ,
ਮੁੱਖ ਪਾਰਲੀਮਾਨੀ ਸਕੱਤਰ ਬਿਕਰਮਜੀਤ ਸਿੰਘ ਖਾਲਸਾ, ਡਿਪਟੀ ਸਪੀਕਰ ਲੋਕ ਸਭਾ ਚਰਨਜੀਤ
ਸਿੰਘ ਅਟਵਾਲ ਤੋਂ ਬਿਨ੍ਹਾਂ ਹੋਰ ਕਈ ਉਘੀਆਂ ਸ਼ਖਸ਼ੀਅਤਾਂ ਖਿਡਾਰੀਆਂ ਦੀ ਹੌਂਸਲਾ
ਅਫਜਾਈ ਕਰਨ ਲਈ ਪਹੰਚਣਗੇ। ਟੂਰਨਾਮੈਂਟ ਦੌਰਾਨ ਰੰਗਾਰੰਗ ਪ੍ਰੋਗਰਾਮ ਮਨਦੀਪ ਰੰਧਾਵਾ,
ਗੁਰਬਖਸ਼ ਸੌਂਕੀ ਪੇਸ਼ ਕਰਨਗੇ।
ਪਿੰਡ ਸੇਖ
ਵਿਖੇ ਕਬੱਡੀ ਟੂਰਨਾਮੈਟ ਸਮਾਪਤ
ਗਿੱਦੜਬਾਹਾ 31 ਦਸੰਬਰ (ਗੁਰਮੀਤ ਮਾਨ )
ਫੋਟੋ ਕੈਪਸਨ- ਪਿੰਡ ਸੇਖ ਗਿੱਦੜਬਾਹਾ ਵਿਖੇ ਕਰਵਾਏ ਕਬੱਡੀ ਟੂਰਨਾਮੈਟ ਦੇ ਵੱਖ ਵੱਖ
ਦ੍ਰਿਸ। ਤਸਵੀਰਾਂ- ਗੁਰਮੀਤ ਮਾਨ ਗਿੱਦੜਬਾਹਾ
ਗਰਾਮ ਪੰਚਾਇਤ ਅਤੇ ਸਮੂਹ ਨਗਰ ਨਿਵਾਸੀਟਾ ਦੇ ਸਹਿਯੋਗ ਨਾਲ ਪਿੰਡ ਸੇਖ ਵਿਖੇ ਕਰਵਾਇਆ
ਗਿਆ ਤਿੰਨ ਰੋਜਾ ਕਬੱਡੀ ਟੂਰਨਾਮੈਟ ਅੱਜ ਸਮਾਪਤ ਹੋ ਗਿਆ। ਇਸ ਟੂਰਨਾਮੈਟ ਦਾ ਉਦਘਾਟਨ
ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਬਰ ਨਵਤੇਜ ਸਿੰਘ ਕਾਉਣੀ ਅਤੇ ਗੁਰਮੀਤ
ਸਿੰਘ ਕਾਉਣੀ ਨੇ ਕੀਤਾ ਅਤੇ ਇਨਾਮਾਂ ਦੀ ਵੰਡ ਸੁਰਜੀਤ ਸਿੰਘ ਮਾਨ ਚੱਕ ਗਿਲਜੇਵਾਲਾ
ਚੇਅਰਮੈਨ ਮਾਰਕੀਟ ਕਮੇਟੀ ਗਿੱਦੜਬਾਹਾ ਨੇ ਕੀਤੀ। ਇਸ ਮੌਕੇ ਬੋਲਦਿਆਂ ਸੁਰਜੀਤ ਸਿੰਘ
ਮਾਨ ਨੇ ਕਿਹਾ ਨਸਿਆਂ ਤੇ ਚਿੰਤਾ ਪ੍ਰਗਟ ਕਰਦਿਆਂ ਖਿਡਾਰੀਆਂ ਨੂੰ ਨਸਿਆਂ ਤੋ ਦੂਰ
ਰਹਿਣ ਦੀ ਅਪੀਲ ਕੀਤੀ। ਇਸ ਟੂਰਨਾਮੈਟ ਵਿੱਚ ਕਬੱਡੀ 48 ਕਿਲੋ ਵਰਗ ਵਿੱਚ ਭਲਾਈਆਣਾ
ਨੇ ਪਹਿਲਾ ਅਤੇ ਬੱਲੂਆਣਾ ( ਬਠਿੰਡਾ) ਨੇ ਦੂਸਰਾ, ਕਬੱਡੀ 58 ਕਿਲੋ ਵਿੱਚ
ਫੱਕਰਝੇੜਾ( ਸਰਦੂਲਗੜ੍ਹ) ਨੇ ਪਹਿਲਾ ਅਤੇ ਮੱਲਣ ਨੇ ਦੂਸਰਾ ਸਥਾਨ, ਉਪਨ ਕਬੱਡੀ ਵਿੱਚ
ਭਾਗੀਬਾਂਦਰ ਨੇ ਪਹਿਲਾ ਅਤੇ ਫੱਕਰਝੇੜਾ( ਸਰਦੂਲਗੜ੍ਹ) ਨੇ ਦੂਸਰਾ ਸਥਾਨ ਪ੍ਰਾਪਤ
ਕੀਤਾ। ਇਸ ਟੂਰਨਾਮੈਟ ਵਿੱਚ ਛੱਤਰਿਆਂ ਦੇ ਭੇੜ ਅਤੇ 50 ਸਾਲ ਤੋ ਉਪਰ ਦੇ ਬਜੁਰਗਾਂ
ਦੀਆਂ ਦੌੜਾਂ ਕਰਵਾਈਆਂ ਗਈਆਂ। ਇਸ ਟੂਰਨਾਮੈਟ ਨੂੰ ਸਫਲ ਕਰਨ ਵਿੱਚ ਸਰਪੰਚ ਜਸਵੀਰ
ਸਿੰਘ, ਐਡਵੋਕੇਟ ਕੁਲਜਿੰਦਰ ਸਿੰਘ ਸੇਖ , ਚੂਹੜ ਸਿੰਘ, ਗੋਪਾਲ ਰਾਮ, ਬਲਵਿੰਦਰ ਕੌਰ,
ਤੇਜਾ ਸਿੰਘ ਮੈਬਰ , ਜਗਦੇਵ ਸਿੰਘ ਗਿਆਨੀ, ਪ੍ਰਧਾਨ ਜਸਵੰਤ ਸਿੰਘ, ਕਮੇਟੀ ਮੈਬਰ
ਜਗਦੇਵ ਸਿੰਘ ਚਹਿਲ ,ਲਖਵੀਰ ਸਿੰਘ ਲੱਖਾ ਨੇ ਵਿਸੇਸ ਸਹਿਯੋਗ ਦਿੱਤਾ। ਇਹ ਜਾਣਕਾਰੀ
ਐਡਵੋਕੇਟ ਕੁਲਜਿੰਦਰ ਸਿੰਘ ਸੇਖ ਨੇ ਦਿੱਤੇ।
ਅਹਿਮਦਗੜ 31 ਦਸੰਬਰ ()
ਫੋਟੋ ਕੈਪਸ਼ਨ- ਅਹਿਮਦਗੜ ਵਿਖੇ ਫੁੱਟਬਾਲ ਟੂਰਨਾਂਮੈਟ ਦੇ ਜੈਤੂਆਂ ਨੂੰ ਇਨਾਮ ਵੰਡਦੇ
ਹੋਏ ਸ. ਮਾਨ ਸਿੰਘ ਗਰਚਾ, ਪ੍ਰਧਾਨ ਊਸ਼ਾ ਸ਼ੂਦ, ਸ਼੍ਰੀ ਆਰ.ਪੀ. ਗੁਪਤਾ ਆਦਿ।
ਆਰ.ਐਸ. ਫਰੈਡਜ਼ ਕਲੱਬ ਵਲੌ ਰਾਜੀਵ ਸੰਜੀਵ ਯਾਦਗਾਰੀ ਫੁੱਟਬਾਲ ਟੂਰਨਾਂਮੈਟ ਕਰਵਾਇਆ
ਗਿਆ। ਤਿੰਨ ਰੋਜ਼ਾ ਚੱਲੇ ਇੱਸ ਟੂਰਨਾਂਮੈਟ ਵਿਚ 24 ਦੇ ਲਗਭਗ ਟੀਮਾਂ ਨੇ ਭਾਗ ਲਿਆ।
ਟੂਰਨਾਂਮੇਟ ਦੇ ਪਹਿਲੇ ਦਿਨ ਖੇਡਾਂ ਦਾ ਉਦਘਾਟਨ ਸ਼੍ਰੀਆਂਸ ਪੇਪਰ ਮਿੱਲ ਦੇ ਈ.ਡੀ.
ਸ਼੍ਰੀ ਅਨਿਲ ਕੁਮਾਰ,ਪੱਤਰਕਾਰ ਯੂਨੀਅਨ ਦੇ ਪ੍ਰਧਾਨ ਕੌਸਲਰ ਰਵਿੰਦਰ ਪੁਰੀ, ਨਗਰ ਕੌਸਲ
ਦੀ ਪ੍ਰਧਾਨ ਸ਼੍ਰੀਮਤੀ ਊਸ਼ਾ ਰਾਣੀ ਸੂਦ ਨੇ ਕੀਤਾ। ਟੂਰਨਾਂਮੈਟ ਵਿਚ 24 ਟੀਮਾਂ
ਵਿਚਾਲੇ ਤਿੰਨ ਦਿਨ ਹੋਏ ਸਖਤ ਮੁਕਾਬਲਿਆ ਤੋ ਬਾਅਦ ਗੁਰੂ ਨਾਨਕ ਸਪੋਰਟਸ ਕਲੱਬ
ਘੁੰਗਰਾਲੀ ਅਤੇ ਸ਼ਹੀਦ ਪ੍ਰੀਤਮ ਸਿੰਘ ਸਪੋਰਟਲ ਕਲੱਬ ਅਲੂਣਾ ਪੱਲਾ ਵਿਚਕਾਰ ਫਾਈਨਲ ਦੇ
ਹਏ ਸਖਤ ਮੁਕਾਬਲੇ ਦੌਰਾਨ ਗੁਰੂ ਨਾਨਕ ਸਪੋਰਟਸ ਕਲੱਬ ਘੁੰਗਰਾਲੀ ਜੈਤੂ ਰਹੀ ਅਤੇ
ਪਹਿਲਾ ਸਥਾਨ ਹਾਸਿਲ ਕੀਤਾ। ਇਸ ਖੇਡ ਦੌਰਾਨ ਮਨਪ੍ਰੀਤ ਸਿੰਘ ਘੁੰਗਰਾਲੀ ਬੇਸਟ ਪਲੇਅਰ
ਅਤੇ ਅਮਨਦੀਪ ਸਿੰਘ ਨੂੰ ਬੇਸਟ ਗੋਲਕੀਪਰ ਐਲਾਨਿਆ ਗਿਆ। ਜੈਤੂ ਖਿਡਾਰੀਆਂ ਨੂੰ
ਇਨਾਮਾਂ ਦੀ ਵੰਡ ਸ. ਮਾਨ ਸਿੰਘ ਗਰਚਾ, ਸ਼੍ਰੀਆਂਸ ਇੰਡਸਟਰੀਜ਼ ਦੇ ਜ. ਮੈਨੇਜਰ ਸ਼੍ਰੀ
ਆਰ. ਪੀ. ਗੁਪਤੀ, ਊਸ਼ਾ ਸ਼ੂਦ ਪ੍ਰਧਾਨ ਨਗਰ ਕੌਸਲ ਨੇ ਕੀਤੀ। ਇਸ ਮੋਕੇ ਹੋਰਨਾਂ ਤੋ
ਇਲਾਵਾ ਡਾ ਸੁਨੀਤ ਹਿੰਦ, ਚੌਧਰੀ ਚਾਨਣ ਰਾਮ, ਯੂਥ ਆਗੂ ਸੰਜੇ ਸੂਦ, ਦਿਲਸ਼ਾਦ, ਅਵਤਾਰ
ਸਿੰਘ ਜੱਸਲ, ਰਛਪਾਲ ਸਿੰਘ ਗਰੇਵਾਲ, ਕੌਸਲਰ ਕੇਦਾਰ ਕਪਿਲਾ, ਕੁਲਦੀਪ ਸਿੰਘ ਕੜਵੱਲ,
ਡਾ ਰਾਜੀਵ ਸੂਦ, ਡਾ ਰਵੀ ਸ਼ਰਮਾ, ਸ. ਜਗਨ ਸਿੰਘ ਛੰਨਾਂ, ਕਲੱਬ ਦੇ ਸਰਪ੍ਰਤ ਕੌਸਲਰ
ਸ਼੍ਰੀ ਬਿਮਲ ਸ਼ਰਮਾਂ ਤੇ ਰਾਜ ਕੁਮਾਰ ਸ਼ਰਮਾ ਨੇ ਸਾਰੇ ਆਏ ਮਹਿਮਾਨਾਂ ਨੂੰ ਯਾਦਗਾਰੀ
ਚਿੰਨ ਭੇਟ ਕੀਤਾ।
ਧੋਨੀ ਨੂੰ ਮਿਲਿਆ ਧਮਕੀ ਭਰਿਆ ਪੱਤਰ, ਸੁਰੱਖਿਆ ਵਧੀ
ਰਾਂਚੀ, 31 ਦਸੰਬਰ :ਭਾਰਤੀ ਕ੍ਰਿਕਟ ਟੀਮ ਦੇ ਤੇਜ ਤਰਾਰ ਕਪਤਾਨ ਮਹਿੰਦਰ ਸਿੰਘ ਧੋਨੀ
ਨੂੰ ਇੱਕ ਧਮਕੀ ਭਰਿਆ ਪੱਤਰ ਮਿਲਿਆ ਹੈ ਜਿਸ ਵਿੱਚ ਉਹਨਾਂ ਨੂੰ ਕਿਹਾ ਗਿਆ ਹੈ ਕਿ ਜੇ
ਉਹ 50 ਲੱਖ ਰੁਪਏ ਨਹੀਂ ਦੇਣਗੇ ਤਾਂ ਉਹਨਾਂ ਦੇ ਪਰਿਵਾਰ ਨੂੰ ਨੁਕਸਾਨ ਪਹੁੰਚਾਇਆ
ਜਾਵੇਗਾ। ਪੁਲੀਸ ਨੇ ਅੱਜ ਕਿਹਾ ਕਿ ਧੋਨੀ ਦੀ ਸੁਰੱਖਿਆ ਲਈ ਸਾਰੇ ਇਹਤਿਆਤੀ ਕਦਮ
ਚੁੱਕੇ ਗਏ ਹਨ ਅਤੇ ਉਹਨਾਂ ਦੇ ਆਲੇ ਦੁਆਲੇ ਸੁਰੱਖਿਆ ਵਿਵਸਥਾ ਹੋਰ ਪੁਖਤਾ ਕਰ ਦਿੱਤੀ
ਗਈ ਹੈ।
ਸ਼ੋਇਬ ਮਲਿਕ ਬਣੇ ਰਹਿਣਗੇ ਪਾਕਿਸਤਾਨੀ ਟੀਮ ਦੇ ਕਪਤਾਨ
ਕਰਾਚੀ, 31 ਦਸੰਬਰ : ਸ਼ੋਇਬ ਮਲਿਕ ਦਾ ਪਾਕਿਸਤਾਨੀ ਟੀਮ ਦੇ ਕਪਤਾਨ ਦਾ ਦੋ ਸਾਲ ਦਾ
ਕਾਰਜਕਾਲ ਕੱਲ੍ਹ ਖਤਮ ਹੋ ਰਿਹਾ ਹੈ ਪਰ ਪੂਰੀ ਸੰਭਾਵਨਾ ਹੈ ਕਿ ਪਾਕਿਸਤਾਨ ਕ੍ਰਿਕਟ
ਬੋਰਡ ਇਸ ਹਰਫਨਮੌਲਾ ਨੂੰ ਇੱਕ ਸਾਲ ਲਈ ਇਸ ਅਹੁਦੇ ਤੇ ਬਰਕਰਾਰ ਰੱਖੇ। ਉਹਨਾਂ ਦੀ
ਜਗ੍ਹਾ ਕੋਈ ਵੀ ਖਿਡਾਰੀ ਕਪਤਾਨੀ ਲਈ ਉਪਯੁਕਤ ਨਹੀਂ ਦਿਖਦਾ। ਉਹਨਾਂ ਦੇ ਇਸ ਸਾਲ
ਰਾਸ਼ਟਰੀ ਅਤੇ ਪਿਛਲੇ ਕੱਝ ਮੈਚਾਂ ਵਿੱਚ ਘਰੇਲੂ ਟੀਮ ਦੇ ਪ੍ਰਦਰਸ਼ਨ ਨੂੰ ਦੇਖਦਿਆਂ
ਉਮੀਦ ਹੈ ਕਿ ਪੀ ਸੀ ਬੀ ਮਲਿਕ ਨੂੰ ਕਪਤਾਨ ਬਣਾ ਕੇ ਰੱਖੇਗਾ। ਮਲਿਕ ਨੇ ਇੰਜਮਾਮ ਉਲ
ਹੱਕ ਤੋਂ ਬਾਅਦ ਕਪਤਾਨੀ ਸੰਭਾਲੀ ਸੀ ਜਿਨ੍ਹਾਂ ਲੇ 2007 ਵਿਸ਼ਵ ਕੱਪ ਵਿੱਚ
ਪਾਕਿਸਤਾਨੀ ਟੀਮ ਦੇ ਖਰਾਬ ਪ੍ਰਦਰਸ਼ਨ ਤੋਂ ਬਾਅਦ ਸੰਨਿਆਸ ਲੈ ਲਿਆ ਸੀ। ਇਸ ਤੋਂ ਬਾਅਦ
ਪੀ ਸੀ ਬੀ ਨੇ ਸੀਨੀਅਰ ਖਿਡਾਰੀ ਜਿਵੇਂ ਮੁਹੰਮਦ ਯੂਸੁਫ, ਸ਼ਾਹਿਦ ਅਫਰੀਦੀ ਅਤੇ ਸ਼ੋਇਬ
ਅਖਤਰ ਨੂੰ ਅਣਦੇਖਿਆ ਕਰਦਿਆਂ ਉਹਨਾਂ ਨੂੰ ਕਪਤਾਨ ਨਿਯੁਕਤ ਕੀਤਾ ਸੀ। ਹਾਲਾਂਕਿ ਮਲਿਕ
ਨੂੰ ਕਪਤਾਨੀ ਸੰਭਾਲਣ ਤੋਂ ਬਾਅਦ ਚਾਰੇ ਪਾਸਿਉਂ ਆਲੋਚਨਾਵਾਂ ਦਾ ਸਾਮ੍ਹਣਾ ਕਰਨਾ ਪਿਆ
ਅਤੇ ਇੱਥੋਂ ਤੱਕ ਕਿ ਯੂਸੁਫ ਨੇ ਤਾਂ ਆਈ ਸੀ ਐਲ ਨਾਲ ਜੁੜਣ ਲਈ ਇਸ ਹਰਫਨਮੌਲਾ ਨੂੰ
ਦੋਸ਼ੀ ਦੱਸਿਆ ਸੀ।
ਦੱਖਣੀ ਅਫਰੀਕਾ ਨੇ
ਆਸਟ੍ਰੇਲੀਆ ਨੂੰ ਉਸੇ ਦੀ ਜਮੀਨ ਤੇ ਹਰਾਇਆ
ਮੈਲਬੋਰਨ, 30 ਦਸੰਬਰ : ਦੱਖਣੀ ਅਫਰੀਕਾ ਨੇ ਦੂਜੇ ਟੈਸਟ ਮੈਚ ਦੇ ਪੰਜਵੇਂ ਦਿਨ
ਆਸਟ੍ਰੇਲੀਆ ਨੂੰ ਨੌ ਵਿਕਟਾਂ ਨਾਲ ਹਰਾ ਕੇ ਮੇਜਬਾਨ ਟੀਮ ਦੇ ਖਿਲਾਫ ਆਪਣੀ ਪਹਿਲੀ
ਟੈਸਟ ਸੀਰੀਜ ਤੇ ਜਿੱਤਣ ਦੀ ਮੋਹਰ ਲਗਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਰਿਕੀ ਪੌਂਟਿੰਗ
ਦੀ ਅਗਵਾਈ ਵਿੱਚ ਪਹਿਲੇ ਨੰਬਰ ਤੇ ਖੜ੍ਹੀ ਆਸਟ੍ਰੇਲੀਆਈ ਟੀਮ ਨੂੰ ਇੱਕ ਹੋਰ ਹਾਰ ਦੇ
ਨਾਲ ਹੀ ਇਸ ਉਚ ਸਥਾਨ ਤੋਂ ਹੱਥ ਧੋਣਾ ਪੈ ਜਾਵੇਗਾ। ਦੱਖਣੀ ਅਫਰੀਕਾ ਦੀ ਟੀਮ ਤਿੰਨ
ਟੈਸਟ ਮੈਚਾਂ ਦੀ ਸੀਰੀਜ ਵਿੱਚ 2-0 ਨਾਲ ਅੱਗੇ ਹੋ ਗਈ ਹੈ। ਉਹ ਤੀਜਾ ਅਤੇ ਆਖਰੀ
ਟੈਸਟ ਜਿੱਤਣ ਦੇ ਨਾਲ ਟੈਸਟ ਰੈਕਿੰਗ ਵਿੱਚ ਪਹਿਲੇ ਨੰਬਰ ਦੀ ਟੀਮ ਬਣ ਜਾਵੇਗੀ। ਆਪਣੇ
ਕੱਲ੍ਹ ਦੇ ਸਕੋਰ ਬਿਨਾਂ ਕਿਸੇ ਨੁਕਸਾਨ ਦੇ 30 ਦੌੜਾਂ ਤੋਂ ਬਾਅਦ ਦੱਖਣੀ ਅਫਰੀਕਾ ਨੇ
ਬਾਕੀ ਬਚੇ 153 ਦੌੜਾਂ ਸਿਰਫ ਇੱਕ ਵਿਕਟ ਗੁਆ ਕੇ ਹਾਸਿਲ ਕਰ ਲਏ। ਦੱਖਣੀ ਅਫਰੀਕਾ ਲਈ
ਜੇਤੂ ਪਲ ਲੰਚ ਤੋਂ ਬਾਅਦ ਹਾਸ਼ਿਮ ਅਮਲਾ ਵੱਲੋਂ ਮਾਈਕਲ ਕਲਾਰਕ ਦੀ ਗੇਂਦ ਤੇ ਦੋ
ਦੌੜਾਂ ਲੈਣ ਦੇ ਨਾਲ ਆਇਆ। ਇਸ ਮੈਚ ਵਿੱਚ ਦੱਖਣ ਅਫਰੀਕੀ ਕਪਤਾਨ ਗ੍ਰੀਮ ਸਮਿਥ ਨੇ ਦੋ
ਅਰਧ ਸੈਂਕੜੇ ਮਾਰੇ। ਪਹਿਲੀ ਵਾਰ ਟੈਸਟ ਮੈਚ ਖੇਡ ਰਹੇ ਜੇਪ ਡੁਮਿਨੀ ਨੂੰ ਸੈਂਕੜਾ
ਬਣਾਉਣ ਦਾ ਸਹਿਰਾ ਹਾਸਿਲ ਹੋਇਆ। ਆਸਟ੍ਰੇਲੀਆਈ ਕਪਤਾਨ ਰਿਕੀ ਪੌਂਟਿੰਗ ਨੇ 101 ਅਤੇ
99 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਅਤੇ ਦੱਖਣੀ ਅਫਰੀਕਾ ਵੱਲੋਂ ਤੇਜ ਗੇਂਦਬਾਜ ਡੇਲ
ਸਟੇਨ ਨੇ ਸਭ ਤੋਂ ਵੱਧ ਦਸ ਵਿਕਟਾਂ 154 ਦੌੜਾਂ ਦੇ ਕੇ ਲਈਆਂ। ਪਹਿਲੀ ਪਾਰੀ ਵਿੱਚ
76 ਦੌੜਾਂ ਦੀ ਉਪਯੋਗੀ ਪਾਰੀ ਖੇਡਣ ਵਾਲੇ ਸਟੇਨ ਨੂੰ ਹਰਫਨਮੌਲਾ ਪ੍ਰਦਰਸ਼ਨ ਦੇ ਕਾਰਨ
ਮੈਨ ਆਫ ਦਾ ਮੈਚ ਐਲਾਨਿਆ ਗਿਆ। ਸਵੇਰ ਦੇ ਸੈਸ਼ਨ ਵਿੱਚ ਦੱਖਣ ਅਫਰੀਕਾ ਵੱਲੋਂ ਆਊਟ
ਹੋਣ ਵਾਲੇ ਸਿਰਫ ਇੱਕ ਖਿਡਾਰੀ ਕਪਤਾਨ ਸਮਿਥ ਰਹੇ। ਦੱਖਣ ਅਫਰੀਕੀ ਕਪਤਾਨ ਨੂੰ ਨਾਥਨ
ਹੌਰੀਟਜ ਨੇ ਐਲ ਬੀ ਡਬਲਿਊ ਆਊਟ ਕੀਤਾ। ਸਮਿਥ ਨੇ 94 ਗੇਂਦਾਂ ਦਾ ਸਾਮ੍ਹਣਾ ਕਰਦਿਆਂ
ਦਸ ਚੌਕਿਆਂ ਦੀ ਮਦਦ ਨਾਲ ਸ਼ਾਨਦਾਰ 75 ਦੌੜਾਂ ਬਣਾਈਆਂ। ਸਹਿਯੋਗੀ ਸਲਾਮੀ ਬੱਲੇਬਾਜ
ਨੀਲ ਮੈਕੇਂਜੀ 59 ਅਤੇ ਹਾਸ਼ਿਮ ਅਮਲਾ 30 ਦੌੜਾਂ ਬਣਾ ਕੇ ਅੰਤ ਤੱਕ ਨਾਬਾਦ ਰਹੇ।
ਗੇਂਦਬਾਜੀ ਤੋਂ ਜ਼ਿਆਦਾ ਇਸ ਟੈਸਟ ਮੈਚ ਵਿੱਚ ਹਾਰ ਤੋਂ ਬਚਣ ਲਈ ਮੇਜਬਾਨ ਟੀਮ ਨੂੰ
ਇੰਦਰ ਦੇਵਤਾ ਦੀ ਕ੍ਰਿਪਾ ਦੀ ਲੋੜ ਸੀ ਪਰ ਸਵੇਰੇ ਕੁੱਝ ਦੇਰ ਤੱਕ ਹੋਈ ਹਲਕੀ ਬਾਰਿਸ਼
ਤੋਂ ਬਾਅਦ ਹੀ ਅਸਮਾਨ ਸਾਫ ਹੋ ਗਿਆ ਅਤੇ ਮੈਚ ਆਪਣੇ ਨਿਰਧਾਰਿਤ ਸਮੇਂ ਤੇਂ ਹੀ ਸ਼ੁਰੂ
ਹੋਇਆ। ਇਸ ਟੈਸਟ ਸੀਰੀਜ ਨੂੰ ਹਰਾਉਣ ਦੇ ਨਾਲ ਹੀ ਪਿਛਲੇ 16 ਸਾਲ ਦੇ ਅੰਦਰ ਆਪਣੇ ਹੀ
ਧਰਤੀ ਤੇ ਹਾਰ ਸਵੀਕਾਰ ਕਰਨ ਵਾਲੇ ਰਿਕੀ ਪੌਂਟਿੰਗ ਪਹਿਲੇ ਆਸਟ੍ਰੇਲੀਆਈ ਕਪਤਾਨ ਹਨ।
ਇਸ ਤੋਂ ਪਹਿਲਾਂ ਆਸਟ੍ਰੇਲੀਆ ਨੂੰ ਸਵਦੇਸ਼ ਵਿੱਚ ਸੀਰੀਜ ਵਿੱਚ ਹਾਰ ਵੈਸਟਇੰਡੀਜ ਤੋਂ
1992-93 ਵਿੱਚ ਮਿਲੀ ਸੀ।
ਟੈਸਟ ਕ੍ਰਿਕਟ ਲਈ ਮਦਦਗਾਰ ਹਨ ਰਾਤ ਦੇ ਮੈਚ: ਵਾਰਨ
ਮੈਲਬੋਰਨ, 29 ਦਸੰਬਰ : ਕ੍ਰਿਕਟ ਪੰਡਿਤ ਭਾਵੇਂ ਹੀ ਰਾਤ ਨੂੰ ਟੈਸਟ ਖੇਡਣ ਦੇ ਸੁਝਾਅ
ਨੂੰ ਰਵਾਇਤ ਤੋੜਣ ਦੀ ਕਵਾਇਦ ਮੰਨ ਰਹੇ ਹੋਣ ਪਰ ਆਸਟ੍ਰੇਲੀਆ ਦੇ ਮਹਾਨ ਸਪਿਨਰ ਸ਼ੇਨ
ਵਾਰਨ ਦਾ ਮੰਨਣਾ ਹੈ ਕਿ ਇਸ ਨਾਲ ਦਰਸ਼ਕਾਂ ਦੀ ਕਮੀ ਨਾਲ ਜੂਝ ਰਹੇ ਪੰਜ ਦਿਨਾਂ
ਕ੍ਰਿਕਟ ਨੂੰ ਮਦਦ ਹੀ ਮਿਲੇਗੀ। ਵਾਰਨ ਨੇ ਹੇਰਾਲਡ ਸਨ ਅਖਬਾਰ ਵੱਲੋਂ ਆਯੋਜਿਤ ਸਿੱਧੀ
ਗੱਲਬਾਤ ਵਿੱਚ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਦਿਨ ਰਾਤ ਦੇ ਟੈਸਟ ਨਾਲ ਕ੍ਰਿਕਟ ਦਾ
ਭਲਾ ਹੋਵੇਗਾ। ਆਸਟ੍ਰੇਲੀਆ ਇੰਗਲੈਂਡ ਦੱਖਣੀ ਅਫਰੀਕਾ ਅਤੇ ਭਾਰਤ ਵਿੱਚ ਟੈਸਟ ਕ੍ਰਿਕਟ
ਦੀਆਂ ਜੜ੍ਹਾਂ ਮਜਬੂਤ ਹਨ, ਪਰ ਅਸੀਂ ਦੂਜੇ ਦੇਸ਼ਾਂ ਵਿੱਚ ਵੀ ਇਸ ਨੂੰ ਬੜ੍ਹਾਵਾ ਦੇਣਾ
ਹੈ। ਰਾਤ ਦੇ ਮੈਚਾਂ ਨਾਲ ਜਰੂਰ ਇਸ ਵਿੱਚ ਮਦਦ ਮਿਲੇਗੀ। ਸਾਬਕਾ ਲੈਗ ਸਪਿਨਰ ਦਾ
ਮੰਨਣਾ ਹੈ ਕਿ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਅੰਪਾਇਰਿੰਗ ਦਾ ਪੱਧਰ ਡਿੱਗਦਾ ਜਾ ਰਿਹਾ
ਹੈ ਅਤੇ ਉਹਨਾਂ ਨੇ ਪਾਕਿਸਤਾਨ ਦੇ ਅਲੀਮ ਡਾਰ ਦੀ ਮਿਸਾਲ ਦਿੱਤੀ। ਉਹਨਾਂ ਕਿਹਾ ਕਿ
ਅਲੀਮ ਡਾਰ ਬਹੁਤ ਗਲਤੀਆਂ ਕਰਦੇ ਹਨ। ਉਹਨਾਂ ਨੂੰ ਬ੍ਰੇਕ ਦੀ ਲੋੜ ਹੈ। ਅੰਪਾਇਰਿੰਗ
ਦਾ ਪੱਧਰ ਬਹੁਤ ਖਰਾਬ ਹੁੰਦਾ ਜਾ ਰਿਹਾ ਹੈ। ਸੰਨਿਆਸ ਦੇ ਫੈਸਲੇ ਨੂੰ ਬਦਲਣ ਦੀ
ਸੰਭਾਵਨਾ ਤੋਂ ਵਾਰ ਵਾਰ ਇਨਕਾਰ ਕਰਨ ਵਾਲੇ ਵਾਰਨ ਨੇ ਕਿਹਾ ਕਿ ਆਸਟ੍ਰੇਲੀਆਈ ਟੀਮ ਦੇ
ਮੌਜੂਦਾ ਖਰਾਬ ਦੌਰ ਤੋਂ ਉਹ ਵਾਕਿਫ ਹਨ। ਉਹਨਾਂ ਇਹ ਵੀ ਕਿਹਾ ਕਿ ਡ੍ਰੈਸਿੰਗ ਰੂਮ ਦੇ
ਆਪਣੇ ਦਿਨਾਂ ਨੂੰ ਉਹ ਯਾਦ ਕਰਦੇ ਹਨ, ਪਰ ਫਿਲਹਾਲ ਉਹਨਾਂ ਦਾ ਪੂਰਾ ਧਿਆਨ ਚੰਗੇ
ਪਿਤਾ ਦੀ ਭੂਮਿਕਾ ਨਿਭਾਉਣ ਤੇ ਹੈ। ਉਹਨਾਂ ਕਿਹਾ ਕਿ ਮੈਨੂੰ ਆਸਟ੍ਰੇਲੀਆ ਲਈ ਖੇਡਣ
ਦੀ ਕਮੀ ਖਲਦੀ ਹੈ। ਮੈਂ 20 ਸਾਲ ਆਸਟ੍ਰੇਲੀਆ ਲਈ ਖੇਡਿਆ ਹੈ ਅਤੇ ਕਦੇ ਇਸ ਨੂੰ
ਨੌਕਰੀ ਨਹੀਂ ਸਮਝਿਆ। ਮੈਂ ਇਸ ਦਾ ਪੂਰਾ ਮਜਾ ਲਿਆ।
ਆਸਟ੍ਰੇਲੀਆਈ ਸਰਕਾਰ ਹਨੀਫ ਤੋਂ ਮਾਫੀ ਮੰਗੇ: ਅੰਨਾ ਬਲੀਘ
ਮੈਲਬੋਰਨ, 29 ਦਸੰਬਰ : ਕਵੀਂਸਲੈਂਡ ਦੀ ਪ੍ਰਧਾਨ ਮੰਤਰੀ ਅੰਨਾ ਬਲੀਘ ਨੇ ਅੱਜ ਕਿਹਾ
ਹੈ ਕਿ ਆਸਟ੍ਰੇਲੀਆ ਸਰਕਾਰ ਨੂੰ ਜਿੰਮੇਵਾਰੀ ਸਵੀਕਾਰ ਕਰਦਿਆਂ ਨਿਰਦੋਸ਼ ਭਾਰਤੀ ਡਾਕਟਰ
ਮੁਹੰਮਦ ਹਨੀਫ ਤੋਂ ਮਾਫੀ ਮਗਣੀ ਚਾਹੀਦੀ ਹੈ। ਜਿਕਰਯੋਗ ਹੈ ਕਿ ਬ੍ਰਿਟੇਨ ਵਿੱਚ ਅਸਫਲ
ਕਾਰ ਹਮਲੇ ਦੇ ਸਬੰਧ ਵਿੱਚ ਗਲਤ ਤਰੀਕੇ ਨਾਂਲ ਹਿਰਾਸਤ ਵਿੱਚ ਲਏ ਗਏ ਹਨੀਫ ਨੂੰ
ਨਿਰਪੱਖ ਜਾਂਚ ਵਿੱਚ ਨਿਰਦੋਸ਼ ਕਰਾਰ ਦਿੱਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਇਹ ਕੇਵਿਨ
ਰੁਡ ਦੀ ਸਰਕਾਰ ਦੀ ਜਿੰਮੇਵਾਰੀ ਹੈ ਕਿ ਊਹਹਨੀਫ ਤੋਂ ਮਾਫੀ ਮੰਗਣ ਕਿਉਂਕਿ ਸਰਕਾਰ ਦੇ
ਕੰਮ ਦੀ ਜਿੰਮੇਵਾਰੀ ਕੋਈ ਸਰਕਾਰ ਹੀ ਲੈਂਦੀ ਹੈ। ਮੁਹੰਮਦ ਹਨੀਫ ਪਿਛਲੇ ਸਾਲ
ਗ੍ਰਿਫਤਾਰੀ ਤੋਂ ਪਹਿਲਾਂ ਕਵੀਂਸਲੈਂਡ ਵਿੱਚ ਹੀ ਕੰਮ ਕਰ ਰਿਹਾ ਸੀ। ਊਹਨਾਂ ਕਿਹਾ ਕਿ
ਹਾਲਾਂਕਿ ਹਨੀਫ ਨੂੰ ਪਿਛਲੀ ਜਾਨ ਹਾਵਰ ਸਰਕਾਰ ਦੇ ਸ਼ਾਸਨ ਕਾਲ ਵਿੱਚ ਊਸ ਤ੍ਰਾਸਦੀ
ਤੋਂ ਲੰਘਣਾ ਪਿਆ ਸੀ ਫਿਰ ਵੀ ਵਰਤਮਾਨ ਰੁਡ ਸਰਕਾਰ ਨੂੰ ਉਸ ਤੋਂ ਮਾਫੀ ਮੰਗਣੀ
ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਇਹ ਮਾਮਲਾ ਹਾਲਾਂਕਿ ਸੰਘੀ ਸਰਕਾਰ ਦੇ ਸਾਮ੍ਹਣੇ ਹੈ
ਪਰ ਮੈਂ ਸਮਝਣਾ ਹਾਂ ਕਿ ਜਦੋਂ ਕਿਸੇ ਵਿਅਕਤੀ ਦੇ ਨਾਲ ਊਚਿਤ ਵਿਵਹਾਰ ਨਹੀਂ ਕੀਤਾ
ਜਾਂਦਾ ਹੈ ਤਾਂ ਇਹ ਵਿਵਹਾਰਿਕ ਚੀਜ ਹੈ ਜਿਸ ਨੂੰ ਕੀਤਾ ਜਾਣਾ ਚਾਹੀਦਾ ਹੈ।
ਖਿਡਾਰੀਆਂ ਵੱਲੋਂ ਕੱਪ ਜਿੱਤਣ ਲਈ ਲਿਆ ਜਾਂਦਾ ਹੈ ਨਸ਼ਿਆਂ ਸਹਾਰਾ--
ਮਹਿਲ ਕਲਾਂ 27 ਦਸੰਬਰ (ਰਘਵੀਰ ਜਲਾਲਦੀਵਾਲ) -ਪੰਜਾਬ ਵਿੱਚ ਪੇਂਡੂ ਖੇਡ ਮੇਲੇ ਆਮ
ਤਾਂ ਸਾਰਾ ਸਾਲ ਹੀ ਹੁੰਦੇ
ਰਹਿੰਦੇ ਹਨ, ਪਰ ਜਨਵਰੀ, ਫਰਵਰੀ ਅਤੇ ਮਾਰਚ ਆਦਿ ਤਿੰਨ ਮਹੀਨੇ ਤਾਂ ਪੰਜਾਬ ਵਿੱਚ
ਕੁੱਝ ਹੀ ਪਿੰਡ ਇਸ ਤਰ੍ਹਾ ਦੇ ਹੋਣਗੇ ਜਿੱਥੇ ਪੇਂਡੂ ਖੇਡ ਮੇਲੇ ਨਾ ਕਰਵਾਏ
ਜਾਂਦੇ ਹੋਣ ਇਹ ਪੇਂਡੂ ਖੇਡ ਮੇਲੇ ਪਹਿਲਾ ਤਾਂ ਪਿੰਡਾਂ ਦੀਆਂ ਪੰਚਾਇਤਾਂ ਵੱਲੋਂ
ਕਰਵਾਏ ਜਾਂਦੇ ਸਨ ਪਰ ਹੁਣ ਹਰ ਪਿੰਡ ਵਿੱਚ ਖੇਡ ਕਲੱਬਾਂ ਅਤੇ ਨੌਜਵਾਨ ਸਭਾਵਾਂ ਦੇ
ਹੋਂਦ ਵਿੱਚ ਆਉਣ ਤੋਂ ਬਾਅਦ ਇਹਨਾਂ ਕਲੱਬਾਂ ਤੇ ਸੰਸਥਾਵਾਂ ਦੇ ਨੌਜਵਾਨਾਂ ਵੱਲੋਂ
ਪੰਚਾਇਤਾਂ ਤੇ ਪਿੰਡ ਦੇ ਲੋਕਾਂ ਦੇ ਸਹਿਯੋਗ ਨਾਲ ਖੇਡ ਮੇਲੇ ਕਰਵਾਏ ਜਾਦੇ ਹਨ,
ਇਹਨਾਂ ਹੋ ਰਹੇ ਪੇਂਡੂ ਖੇਡ ਮੇਲਿਆਂ ਨੂੰ ਦੇਖ ਕੇ ਕੁਝ ਥੜੱਲੇਦਾਰ ਵਿਅਕਤੀਆਂ ਵੱਲੋਂ
ਅਕੈਡਮੀਆਂ ਬਣਾ ਕੇ ਵੱਡੇ ਵੱਡੇ ਕਬੱਡੀ ਕੱਪ ਕਰਵਾਏ ਜਾ ਰਹੇ ਹਨ, ਇਹਨਾਂ ਕਬੱਡੀ
ਕੱਪਾਂ ਦੀ ਤਰਜ ਤੇ ਵਿਦੇਸਾਂ ਵਿੱਚ ਬੈਠੇ ਕੁਝ ਪੰਜਾਬੀਆਂ ਵੱਲੋਂ ਪੰਜਾਬ ਵਿੱਚ
ਕਬੱਡੀ ਕੱਪ ਕਰਵਾਉਣ ਦੇ ਨਾਅ ਤੇ ਵਿਦੇਸ਼ਾਂਵਿੱਚੋਂ ਲੱਖਾ ਰੁਪਏ ਫੰਡ ਇੱਕਠਾ ਕੀਤਾ
ਜਾਦਾ ਹੈ। ਇਹ ਕਰਵਾਏ ਜਾ ਰਹੇ ਕਬੱਡੀ ਕੱਪਾਂ ਸਮੇਂ ਇੱਕਲੀ ਕਬੱਡੀ ਖੇਡ ਹੀ ਦੇਖਣ
ਨੂੰ ਨਹੀਂ ਮਿਲਦੀ ਸਗੋਂ ਗੁਰਦਾਸ ਮਾਨ, ਬੱਬੂ ਮਾਨ, ਭੁਪਿੰਦਰ ਗਿੱਲ, ਮਿਸ਼. ਨੀਲਮ,
ਜੈਜੀ ਬੀ ਵਰਗੇ ਮਹਿੰਗੇ ਗਾਇਕਾਂ ਦੇ ਅਖਾੜੇ ਵੀ ਲਗਾਕੇ ਲੋਕਾਂ ਨੂੰ ਪ੍ਰਭਾਵਿਤ ਕਰਕੇ
ਜਿੱਥੇ ਉਹਨਾ ਤੋਂ ਲੱਖਾਂ ਰੁਪਏ ਫੰਡ ਇੱਕਠਾ ਕੀਤਾ ਜਾ ਰਿਹਾ ਹੈ, ਉਥੇ ਪੰਜਾਬ ਵਿੱਚ
ਰਾਜਨੀਤਿਕ ਆਗੂਆਂ ਤੇ ਪੁਲਿਸ ਅਤੇ ਸਿਵਲ ਪ੍ਰਸਾਸ਼ਨ ਵਿੱਚ ਆਪਣਾ ਦਬਦਬਾ ਬਣਾਇਆ ਜਾਂਦਾ
ਹੈ। ਵਿਦੇਸ਼ਾ ਵਿੱਚ ਬੈਠੇ ਕੁਝ ਐਨ.ਆਰ.ਆਈ ਵੀਰਾਂ ਵੱਲੋਂ ਖੇਡ ਕਲੱਬਾਂ ਬਣਾਕੇ ਵੱਡੇ
ਵੱਡੇ ਖੇਡ ਮੇਲ ਕਰਵਾਏ ਜਾਂਦੇ ਹਨ, ਵਿਦੇਸ਼ਾ ਦੇ ਵਿੱਚ ਬਣੇ ਕਲੱਬਾਂ ਦੇ ਨੁਮਾਇਦਿਆਂ
ਵੱਲੋਂ ਪੰਜਾਬ ਦੇ ਨਾਮਵਰ ਖਿਡਾਰੀਆਂ ਨੂੰ ਮਹਿੰਗੇ ਭਾਅਵਾਂ ਵਿੱਚ ਖਰੀਦ ਕੇ ਕਲੱਬ
ਵੱਲੋਂ ਖੇਡਣ ਦੇ ਸੱਦੇ ਦਿੱਤੇ ਜਾਦੇ ਹਨ। ਜਦੋਂ ਇਹ ਪੰਜਾਬ ਦੇ ਗੱਭਰੂ ਵਿਦੇਸ਼ੀ ਧਰਤੀ
ਤੇ ਕਬੱਡੀ ਕੱਪ ਖੇਡਣ ਲਈ ਪਹੁੰਚ ਜਾਂਦੇ ਹਨ ਤਾਂ ਇਹ ਮੈਚ ਜਿੱਤਣ ਦੇ ਇਰਾਦੇ ਨਾਲ
ਖਿਡਾਰੀਆਂ ਵੱਲੋਂ ਨਸ਼ੇ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਬਾਰੇ ਪਿਛਲੇ ਸਮੇਂ ਦੌਰਾਨ
ਕੁਝ ਖਿਡਾਰੀਆਂ ਦੇ ਨਸ਼ਈ ਹਾਲਤ ਵਿੱਚ ਪਕੜੇ ਜਾਣ ਤੇ ਇਹ ਸਭ ਕੁਝ ਸਪੱਸਟ ਹੋ ਚੁਕਿਆ
ਹੈ। ਕਿ ਵਿਦੇਸੀ ਖੇਡ ਕਲੱਬਾਂ ਮੈਚ ਜਿੱਤਣ ਲਈ ਖਿਡਾਰੀਆਂ ਨੂੰ ਨਸ਼ਿਆਂ ਤੋਂ ਵਰਜ
ਨਹੀਂ ਰਹੀਆਂ, ਇਹਨਾਂ ਕਬੱਡੀ ਖਿਡਾਰੀਆਂ ਨੂੰ ਪ੍ਰਭਾਵਿਤ ਕਰਨ ਲਈ ਐਨ.ਆਰ.ਆਈ ਵੀਰਾਂ
ਵੱਲੋਂ ਕਈ ਵੱਡੇ ਵੱਡੇ ਇਨਾਮ ਬੈਸਟ ਸਟਾਪਰ ਜਾਂ ਬੈਸਟ ਰੇਡਰ ਦਾ ਖਿਤਾਬ ਦੇ ਕੇ
ਨਿਮਾਜਿਆ ਜਾ ਰਿਹਾ ਹੈ, ਜੋ ਇੱਕ ਬਹੁਤ ਵੱਡੀ ਮਾਣ ਵਾਲੀ ਗੱਲ ਹੈ, ਪਰ ਖਿਡਾਰੀਆਂ ਦਾ
ਕਬੱਡੀ ਦੇ ਨਾਲ ਨਾਲ ਨਸ਼ਿਆਂ ਦੇ ਦਰਿਆ ਦੇ ਵਿੱਚ ਵਹਿੰਦੇ ਜਾਣ ਨੂੰ ਜੇਕਰ ਨਾ ਰੋਕਿਆ
ਗਿਆ ਤਾਂ ਪੰਜਾਬ ਦੀ ਮਾਂ ਖੇਡ ਕਬੱਡੀ ਇੱਕ ਦਿਨ ਬਿਲਕੁਲ ਅਲੋਪ ਹੋ ਜਾਵੇਗੀ।
ਤਿੰਨ ਦਿਨਾਂ ਸੰਜੀਵ ਰਜੀਵ ਯਾਦਗਾਰੀ ਫੁਟਬਾਲ ਟੂਰਨਾਮੈਂਟ ਧੂਮ ਧਾਮ ਨਾਲ ਸ਼ੁਰੂ
ਅਹਿਮਦਗੜ 26 ਦਸੰਬਰ
ਤਿੰਨ ਦਿਨਾਂ ਸੰਜੀਵ ਰਜੀਵ ਯਾਦਗਾਰੀ ਫੁਟਬਾਲ ਟੂਰਨਾਮੈਂਟ ਅੱਜ ਸਥਾਨਕ ਗਾਂਧੀ ਸਕੂਲ
ਦੇ ਗਰਾਊਡ ਵਿਖੇ ਧੂਮ ਧਾਮ ਨਾਲ ਸ਼ੁਰੂ ਹੋਇਆ। ਟੂਰਨਾਮੈਂਟ ਦਾ ਉਦਘਾਟਨ ਸ੍ਰੇਆਂਸ
ਪੇਪਰ ਮਿਲ ਦੇ ਅਗਜੈਕਟਿਵ ਡਾਇਰੈਕਟਰ ਅਨਿਲ ਕੁਮਾਰ ਨੇ ਕੀਤਾ। ਇਸ ਮੌਕੇ ਨਗਰ ਕੌਂਸਲ
ਪ੍ਰਧਾਨ ਊਸ਼ਾ ਸੂਦ, ਉਪ ਪ੍ਰਧਾਨ ਹਰਬੰਸ ਕੌਰ, ਕੌਂਸਲਰ ਬਿਮਲ ਕੁਮਾਰ, ਕੌਂਸਲਰ ਭਾਗ
ਸਿੰਘ, ਪਤਰਕਾਰ ਯੂਨੀਅਨ ਦੇ ਪ੍ਰਧਾਨ ਰਵਿੰਦਰ ਪੁਰੀ, ਖੁਸ਼ੀ ਮੁਹੰਮਦ, ਕੇਦਾਰ ਕਪਿਲਾ,
ਦਿਲਸ਼ਾਦ ਮੁਹੰਮਦ ਆਦਿ ਹਾਜਰ ਸਨ। ਟੂਰਨਾਮੈਂਟ ਦੌਰਾਨ 16 ਫੁਟਬਾਲ ਦੀਆਂ ਟੀਮਾਂ ਭਾਗ
ਲੈ ਰਹੀਆਂ ਹਨ। ਅੱਜ ਦੇ ਮੁਕਾਬਲਿਆਂ ਵਿਚ ਗੁਰਮ ਕਲਬ ਨੇ ਗੁਜਰਵਾਲ ਨੂੰ 1-0 ਨਾਲ
ਹਰਾਇਆ ਜਦਕਿ ਨਵਾਂ ਪਿੰਡ ਗੋਬਿੰਦਪਰਾ ਟੀਮ ਨੇ ਮੁਬਾਰਕਪੁਰ ਚੁੰਘਾ ਨੂੰ 4-0 ਨਾਲ
ਹਰਾਇਆ। ਅਲੂਣਾ ਤੋਲਾ ਕਲਬ ਨੇ ਅਹਿਮਦਗੜ ਨੂੰ 5-1 ਤੇ ਹਰਾਇਆ।
ਬਰਨਾਲਾ,
23 ਦਸੰਬਰ- ( ਬਾਜਵਾ/ ਢਿੱਲੋਂ)
ਜੱਥੇਦਾਰ ਕਰਤਾਰ ਸਿੰਘ ਜੋਸ਼ੀਲਾ ਖੇਡ ਸਟੇਡੀਅਮ ਵਿਖੇ ਹੋਏ 15ਵੇਂ ਖੇਡ ਮੇਲਾ ਬੜੀ
ਧੂਮ-ਧੜੱਕੇ ਨਾਲ ਸਮਾਪਤ ਹੋਇਆ। ਕਬੱਡੀ 52 ਕਿਲੋ ਗ੍ਰਾਮ ਵਿੱਚ ਧੂਰਕੋਟ ਨੇ ਪਹਿਲਾ,
ਕੂਲਰੀਆਂ ਨੇ ਦੂਸਰਾ ਸਥਾਨ ਹਾਸ਼ਲ ਕੀਤਾ, ਜਦਕਿ ਕਬੱਡੀ 57 ਕਲੋਗ੍ਰਾਮ ਵਿੱਚ 32
ਟੀਮਾਂ ਵਿੱਚੋਂ ਚੀਮਾ ਜੋਧਪੁਰ ਨੇ ਪਹਿਲਾ ਤੇ ਘਰਾਚੋਂ ਨੇ ਦੂਸਰਾ ਸਥਾਨ ਹਾਸ਼ਲ ਕੀਤਾ।
ਕਬੱਡੀ ਓਪਨ ਦੀਆਂ 40 ਟੀਮਾਂ ਵਿੱਚੋਂ ਪਿੰਡ ਗੁਰਮ ਨੇ ਪਹਿਲਾ, ਜਲਾਲ ਨੇ ਦੂਸਰਾ ਤੇ
ਜਨੇਤਪੁਰਾ ਨੇ ਤੀਸਰਾ ਸਥਾਨ ਹਾਸ਼ਲ ਕੀਤਾ। ਇਸ ਮੌਕੇ ਹੋਏ ਕੁਲਦੀਪ ਸਿੰਘ ਸੇਖੋਂ
ਕਬੱਡੀ ਕੱਪ ਵਿੱਚ ਪੰਜਾਬ ਦੀਆਂ ਨਾਮਵਰ 8 ਅਕੈਡਮੀ ਦੀਆਂ ਟੀਮਾਂ ਨੇ ਹਿੱਸਾ ਲਿਆ,
ਜਿਸ ਵਿੱਚ ਹਰਜੀਤ ਸਿੰਘ ਫਰੈਂਡਜ ਕਬੱਡੀ ਕਲੱਬ ਪੱਤੋ ਹੀਰਾ ਸਿੰਘ (ਮੋਗਾ), ਮਾਤਾ
ਨਸੀਬ ਕੌਰ ਅਕੈਡਮੀ ਫਰਵਾਹੀ, ਦਸ਼ਮੇਸ ਕਬੱਡੀ ਕਲੱਬ ਕਾਲਖ (ਲੁਧਿਆਣਾ), ਡੀ.ਏ.ਵੀ.
ਕਲੱਬ (ਬਠਿੰਡਾ), ਹਰਜੀਤ ਕਬੱਡੀ ਕਲੱਬ ਜਗਰਾਉਂ, ਹਰਜੀਤ ਤਲਵਾਰ ਕਬੱਡੀ ਕਲੱਬ
ਬਾਜਾਖਾਨਾ ਆਦਿ ਨੇ ਹਿੱਸਾ ਲਿਆ। ਬਰਨਾਲਾ ਦੇ ਸਭ ਤੋਂ ਵੱਡੇ ਕਬੱਡੀ ਕੱਪ ਉਪਰ ਹਰਜੀਤ
ਸਿੰਘ ਕਬੱਡੀ ਕਲੱਬ ਜਗਰਾਉਂ ਨੇ 32 ਅੰਕ ਹਾਸ਼ਲ ਕਰਕੇ 71000 ਰੁਪੈ ਨਕਦ ਤੇ ਕੱਪ ਉਪਰ
ਕਬਜ਼ਾ ਕੀਤਾ ਜਦਕਿ ਦਸ਼ਮੇਸ ਕਬੱਡੀ ਕਲੱਬ ਕਾਲਖਾਂ (ਲੁਧਿਅਣਾ) ਨੇ ਦੂਸਰਾ ਸਥਾਨ ਹਾਸ਼ਲ
ਕੀਤਾ ਕਬੱਡੀ ਦੀਆਂ ਟੀਮਾਂ ਨੂੰ ਕਲੱਬ ਵੱਲੋਂ ਕਰੀਬ 5 ਲੱਖ ਰੁਪੈ ਨਕਦ ਇਨਾਮ ਦਿੱਤੇ
ਗਏ। ਖੇਡ ਮੇਲੇ ਵਿੱਚ ਕਬੱਡੀ ਕੱਪ ਮੌਕੇ ਕਈ ਵਰ ਇੱਕ-ਇੱਕ ਰੇਡ ਦਾ ਇਨਾਮ ਕਰੀਬ 1000
ਰੁਪੈ ਪ੍ਰਤੀ ਰੇਡ ਤੱਕ ਪੁਆਇੰਟ ਜਾਂਦਾ ਸੀ। ਕੁੱਤਿਆਂ ਦੀ ਦੌੜ ਵਿਸ਼ੇਸ਼ ਖਿੱਚ ਦਾ
ਕੇਂਦਰ ਸਨ, ਦੌੜਾਂ ਵਿੱਚ ਪ੍ਰਮਜੀਤ ਸਿੰਘ ਮਾਨਸਾ ਦਾ ਕੁੱਤਾ ਪਹਿਲਾ ਸਥਾਨ ਜਦਕਿ
ਭੋਲਾ ਸਿੰਘ ਰੋਲੀ ਦੇ ਕੁੱਤੇ ਨੇ ਦੂਸਰਾ ਸਥਾਨ ਹਾਸ਼ਲ ਕੀਤਾ। ਇਸ ਮੌਕੇ ਜੇਤੂ
ਖਿਡਾਰੀਆਂ ਨੂੰ ਆਏ ਮੁੱਖ ਮਹਿਮਨ ਸੁਖਦੇਵ ਸਿੰਘ ਢੀਂਡਸਾ ਮੈਂਬਰ ਪਾਰਲੀਮੈਂਟ ਅਤੇ
ਜਨਰਲ ਸਕੱਤਰ ਸ੍ਰੋਮਣੀ ਅਕਾਲੀ ਦਲ ਨੇ ਇਨਾਮ ਤਕਸ਼ੀਮ ਕੀਤੇ ਅਤੇ ਢੀਂਡਸਾ ਨੇ ਕਿਹਾ ਕਿ
ਮੈਂ ਆਪਣੇ ਕੋਟੇ ਵਿੱਚੋਂ ਕਲੱਬ ਲਈ 2 ਲੱਖ ਰੁਪੈ ਦੀ ਗ੍ਰਾਂਟ ਦੇ ਅਤੇ ਸਕੂਲ ਲਈ 10
ਲੱਖ ਰੁਪੈ ਦੀ ਗ੍ਰਾਂਟ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਜਿੰਨੀ ਸੰਧੂ ਪੱਤੀ
ਸੁਧਾਰ ਕਮੇਟੀ ਰਾਸ਼ੀ ਇਕੱਠੀ ਕਰੇਗੀ ਤੇ ਉਸ ਤੋਂ ਦੁੱਗਣੀ ਰਕਮ ਮੈਂ ਗ੍ਰਾਂਟ ਦੇ
ਦੇਵਾਂਗਾ। ਇਸ ਮੌਕੇ ਮਲਕੀਤ ਸਿੰਘ ਕੀਤੂ, ਭੋਲਾ ਸਿੰਘ ਵਿਰਕ ਮੈਂਬਰ ਜਨਰਲ ਕੌਂਸ਼ਲ,
ਬਾਬਾ ਟੇਕ ਸਿੰਘ ਧਨੌਲਾ, ਇੰਦਰਪਾਲ ਸਿੰਘ ਚੇਅਰਮੈਨ ਇੰਪਰੂਮੈਂਟ, ਪ੍ਰਮਜੀਤ ਸਿੰਘ
ਢਿੱਲੋਂ ਪ੍ਰਧਾਨ ਨਗਰ ਕੌਂਸ਼ਲ ਬਰਨਾਲਾ, ਗੁਰਤੇਜ ਸਿੰਘ ਖੁੱਡੀ ਚੇਅਰਮੈਨ ਜ਼ਿਲ੍ਹਾ
ਪ੍ਰੀਸ਼ਦ, ਵਾਇਸ ਪ੍ਰਧਾਨ ਗੁਰਤੇਜ ਸਿੰਘ ਧੌਲਾ, ਕਲੱਬ ਦੇ ਪ੍ਰਧਾਨ ਕੁਲਵੀਰ ਸਿੰਘ ਮਾਨ
ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਤੋਂ ਇਲਾਵਾ ਇਕਬਾਲ ਸਿੰਘ ਬਾਜਵਾ, ਰਮਿੰਦਰ
ਸਿੰਘ ਰੰਮੀ ਢਿੱਲੋਂ, ਤੇਜਿੰਦਰ ਸੋਨੀ, ਗੁਰਚਰਨ ਸਿੰਘ ਭਿੱਲਾ ਤੇ ਗੁੱਡੂ ਮਾਸਟਰ ਜੀ
ਨੇ ਸਟੇਜ਼ ਸੈਕਟਰੀ ਦੀ ਸੇਵਾ ਨਿਭਾਈ।
ਮੋਹਾਲੀ ਟੈਸਟ ਡਰਾਅ, ਭਾਰਤ ਨੇ 1-0 ਨਾਲ ਸੀਰੀਜ਼
ਜਿੱਤੀ
ਮੋਹਾਲੀ/ਬਿਊਰੋ ਨਿਊਜ਼
ਭਾਰਤ ਦੀ ਧਰਤੀ 'ਤੇ ਇੱਕ ਰੋਜਾ ਸੀਰੀਜ਼ ਦਿਵਾਉਣ ਤੋਂ ਬਾਅਦ ਅੰਗਰੇਜ ਹੁਣ ਟੈਸਟ
ਸੀਰੀਜ ਵੀ ਹਾਰ ਕੇ ਆਪਣੇ ਵਤਨ ਖਾਲੀ ਪਰਤ ਰਹੇ ਹਨ। ਇੱਕ ਪਾਸੇ ਜਿੱਥੇ ਭਾਰਤ ਲਗਾਤਾਰ
ਜਿੱਤ ਦਰ ਜਿੱਤ ਦਰਜ ਕਰਦਾ ਬੁਲੰਦੀਆਂ ਵੱਲ ਵੱਧ ਰਿਹਾ ਹੈ ਉੱਥੇ ਚੈਂਪੀਅਨ ਅਖਵਾਉਣ
ਵਾਲੀ ਆਸਟਰੇਲੀਆਈ ਟੀਮ ਭਾਰਤ ਤੋਂ ਮਤਾ ਖਾਣ ਤੋਂ ਬਾਅਦ ਦੱਖਣੀ ਅਫਰੀਕਾ ਦੇ ਹੱਥੋਂ
ਵੀ ਬੁਰੀ ਤਰ੍ਹਾਂ ਨਾਲ ਹਾਰ ਚੁੱਕੀ ਹੈ। ਮੋਹਾਲੀ ਵਿਖੇ ਇੰਗਲੈਂਡ ਅਤੇ ਭਾਰਤ ਦੇ
ਵਿਚਕਾਰ ਖੇਡਿਆ ਗਿਆ ਦੂਜਾ ਟੈਸਟ ਮੈਚ ਬਿਨਾ ਕਿਸੇ ਨਤੀਜੇ ਤੋਂ ਖਤਮ ਹੋ ਗਿਆ। ਇਸ
ਮੈਚ ਦੇ ਡਰਾਅ ਨਾਲ ਹੀ ਭਾਰਤ ਨੇ ਇਹ ਟੈਸਟ ਸੀਰੀਜ਼ 1-0 ਨਾਲ ਜਿੱਤ ਲਈ ਹੈ।
ਪੰਜਾਬ ਰਾਜ ਪ੍ਰਾਇਮਰੀ ਸਕੂਲ ਖੇਡਾਂ ਚ ਗਿੱਦੜਬਾਹਾ ਦੇ ਪਵਨੀਤ ਵਰਮਾ ਨੇ ਕੁਸਤੀ ਚ
ਤੀਜਾ ਸਥਾਨ ਪਾਪਤ ਕੀਤਾ
ਗਿੱਦੜਬਾਹਾ 22 ਦਸੰਬਰ(ਗੁਰਮੀਤ ਮਾਨ )
ਪਿਛਲੇ ਦਿਨੀ ਬਠਿਡਾ ਵਿਖੇ ਹੋਈਆਂ ਪੰਜਾਬ ਰਾਜ ਪ੍ਰਾਇਮਰੀ ਸਕੂਲ ਖੇਡਾਂ ਚ
ਗਿੱਦੜਬਾਹਾ ਦੇ ਪਵਨੀਤ ਵਰਮਾ ਪੁੱਤਰ ਗੁਰਦੀਪ ਵਰਮਾ ਨੇ ਕੁਸਤੀ ਚ ਤੀਜਾ ਸਥਾਨ ਪਾਪਤ
ਕੀਤਾ। ਬਾਬਾ ਗੰਗਾ ਰਾਮ ਕੁਸਤੀ ਅਖਾੜਾ ਦੇ ਕੁਸਤੀ ਕੋਚ ਗੁਰਪ੍ਰੀਤ ਸਿੰਘ ਭਲਵਾਨ ਨੇ
ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਦੱਸਿਆ ਕਿ 9 ਸਾਲਾਂ ਦਾ ਪਵਨੀਤ ਵਰਮਾ ਜੋ ਪਿਛਲੇ
ਕਾਫੀ ਸਮੇ ਤੋ ਉਹਨਾਂ ਕੋਲ ਕੁਸਤੀ ਦੀ ਟਰੇਨਿੰਗ ਲੈ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਇਹ
ਛੋਟੀ ਉਮਰ ਦਾ ਬੱਚਾ ਆਉਣ ਵਾਲੇ ਸਮੇ ਵਿੱਚ ਵਧੀਆ ਪਹਿਲਵਾਨ ਬਣੇਗਾ। ਮਾਸਟਰ ਬਲਵਿੰਦਰ
ਸਿੰਘ ਜਰਨਲ ਸਕੱਤਰ ਜਿਲ੍ਹਾ ਕੁਸਤੀ ਐਸੋਸੀਏਸਨ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ
ਚਾਹੀਦਾ ਹੈ ਕਿ ਛੋਟੀ ਉਮਰ ਚੋ ਵੱਡੀਆਂ ਪ੍ਰਾਪਤੀਆਂ ਕਰਨ ਵਾਲੇ ਬੱਚਿਆ ਦੀ ਪੜ੍ਹਾਈ
ਅਤੇ ਖੁਰਾਕ ਮੁਫਤ ਮਿਲਣੀ ਚਾਹੀਦੀ ਹੈ ਅਤੇ ਅਜਿਹੇ ਕਾਬਲ ਬੱਚਿਆਂ ਨੂੰ ਸਿਰਫ ਵਿੰਗ ਚ
ਰੱਖ ਕੇ ਯੋਗ ਸਿਖਲਾਈ ਅਤੇ ਪੜ੍ਹਾਈ ਕਰਵਾਈ ਜਾਵੇ ਤਾਂ ਜੋ ਇਹ ਬੱਚੇ ਸਾਡੇ ਭਾਰਤ ਦਾ
ਨਾਮ ਦੁਨੀਆਂ ਵਿੱਚ ਰੋਸਨ ਕਰਨ। ਇਸ ਸਮੇ ਮਾਸਟਰ ਬਲਵਿੰਦਰ ਸਿੰਘ ਜਰਨਲ ਸਕੱਤਰ
ਜਿਲ੍ਹਾ ਕੁਸਤੀ ਐਸੋਸੀਏਸਨ, ਪਵਨੀਤ ਦੇ ਪਿਤਾ ਗੁਰਦੀਪ ਵਰਮਾ , ਕੁਲਵੰਤ ਸਿੰਘ
ਛੱਤੇਆਣਾ, ਬਾਸਕਿਟਬਾਲ ਕੋਚ ਜਗਸੀਰ ਪੁਰੀ ਵੀ ਹਾਜਰ ਸਨ
20ਵੀਂ ਪੰਜਾਬ ਰੋਲਰ ਸਕੈਟਿੰਗ ਚੈਪਿਅਨਸ਼ਿਪ ਸਥਾਨਕ ਪੁਲਿਸ ਲਾਈਨ ਵਿਖੇ 25 ਦਸੰਬਰ
ਨੂੰ
ਸੰਗਰੂਰ 22 ਦਸੰਬਰ
ਪੰਜਾਬ ਰੋਲਰ ਸਕੈਟਿੰਗ ਐਸ਼ੋਸਿਏਸ਼ਨ ਵਲੋਂ 20ਵੀਂ ਪੰਜਾਬ ਰੋਲਰ ਸਕੈਟਿੰਗ ਚੈਪਿਅਨਸ਼ਿਪ
ਸਥਾਨਕ ਪੁਲਿਸ ਲਾਈਨ ਵਿਖੇ 25 ਦਸੰਬਰ ਨੂੰ ਕਰਵਾਈ ਜਾ ਰਹੀ ਹੈ। ਇਸ ਚੈਪਿਅਨਸ਼ਿਪ ਦੇ
ਮੁਖ ਮਹਿਮਾਨ ਐਸ ਐਸ ਪੀ ਸ. ਨੌਨਿਹਾਲ ਸਿੰਘ ਹੋਣਗੇ ਜਦਕਿ 28 ਦਸੰਬਰ ਨੂੰ ਜੇਤੂ
ਖਿਡਾਰੀਆ ਨੂੰ ਇਨਾਮਾਂ ਦੀ ਵੰਡ ਕੈਬਿਨਟ ਮੰਤਰੀ ਪੀ ਡਬਲਯੁ ਡੀ ਸ. ਪਰਮਿੰਦਰ ਸਿੰਘ
ਢੀਂਡਸਾ ਕਰਨਗੇ।
ਪੇਂਡੂ ਸਪੋਰਟਸ ਐਂਡ ਵੈਲਫੇਅਰ ਕੱਲਬ ਕੁਭੰੜਾ ਅਤੇ ਮੋਹਾਲੀ ਵੱਲੋ ਦੁਸਹਿਰਾ ਗਰਾਉਂਡ
ਵਿਖੇ ਦੋ ਰੋਜ਼ਾ 17ਵਾਂ ਕਬੱਡੀ ਕੱਪ ਦਾ ਆਯੋਜਨ
ਮੁਹਾਲੀ,੨੦ ਦਸੰਬਰ-ਕੁਲਵੰਤ ਗਿੱਲ
%ਪੇਂਡੂ ਸਪੋਰਟਸ ਐਂਡ ਵੈਲਫੇਅਰ ਕੱਲਬ ਕੁਭੰੜਾ ਅਤੇ ਮੋਹਾਲੀ ਵੱਲੋ ਦੁਸਹਿਰਾ ਗਰਾਉਂਡ
ਵਿਖੇ ਦੋ ਰੋਜ਼ਾ 17ਵਾਂ ਕਬੱਡੀ ਕੱਪ ਦਾ ਆਯੋਜਨ ਕੀਤਾ ਗਿਆ। ਜਿਸ ਦੇ ਇਨਾਮ ਵੰਡ
ਸਮਾਰੋਹ ਵਿਚ ਪੰਜਾਬ ਦੇ ਸਹਿਕਾਰਤਾ ਮੰਤਰੀ ਕੈਪਟਨ ਕੰਵਲਜੀਤ ਸਿੰਘ ਬਤੌਰ ਮੁੱਖ
ਮਹਿਮਾਨ ਅਤੇ ਪੰਜਾਬ ਰਾਜ ਸਹਿਕਾਰੀ ਬੈਕ ਦੇ ਚੇਅਰਮੈਨ ਜਸਜੀਤ ਸਿੰਘ ਬੰਨੀ ਬਤੌਰ
ਵਿਸ਼ੇਸ਼ ਮਹਿਮਾਨ ਸ਼ਾਮਲ ਹੋਏ। ਇਸ ਮੌਕੇ ਸਹਿਕਾਰਤਾ ਮੰਤਰੀ ਨੇ ਜੇਤੂ ਕਬੱਡੀ ਟੀਮਾਂ
ਅਤੇ ਅਕੈਡਮੀਆਂ ਨੂੰ ਇਨਾਮ ਵੀ ਤਕਸ਼ੀਮ ਕੀਤੇ। ਆਪਣੇ ਸੰਬੋਧਨ ਵਿੱਚ ਸਹਿਕਾਰਤਾ ਮੰਤਰੀ
ਨੇ ਕਿਹਾ ਕਿ ਅਕਾਲੀ ਭਾਜਪਾ ਸਰਕਾਰ ਵੱਲੋ ਖੇਡਾਂ ਨੂੰ ਪਫੂੱਲਤ ਕਰਨ ਲਈ ਨਵੀਆਂ
ਨੀਤੀਆਂ ਘੜੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਸਰਕਾਰ ਵੱਲੋ ਜਿਥੇ ਹੋਣਹਾਰ
ਖਿਡਾਰੀਆਂ ਨੂੰ ਮਾਣ ਸਨਮਾਨ ਅਤੇ ਨਕਦ ਇਨਾਮ ਦਿੱਤੇ ਜਾਂਦੇ ਹਨ ਉਥੇ ਉਨ੍ਹਾਂ ਲਈ
ਨੌਕਰੀਆਂ ਵੀ ਰਾਖਵੀਆਂ ਰੱਖੀਆਂ ਜਾਂਦੀਆਂ ਹਨ। ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ
ਕਬੱਡੀ ਪੰਜਾਬ ਦੀ ਇਕ ਪੁਰਾਣੀ ਖੇਡ ਹੈ। ਅੱਜ ਵੀ ਇਸ ਨੂੰ ਰਾਜ ਖੇਡ ਦਾ ਦਰਜ਼ਾ
ਪ੍ਰਾਪਤ ਹੈ ਅਤੇ ਇਸ ਦੇ ਦਰਸ਼ਕ ਵੀ ਬਹੁਤ ਹਨ। ਸਾਡੇ ਕਬੱਡੀ ਖਿਡਾਰੀ ਬਾਹਰਲੇ ਦੇਸ਼ਾਂ
ਤੋ ਵੀ ਇਨਾਮ ਜਿਤ ਕੇ ਲਿਆਉਦੇ ਹਨ। ਇਸ ਤਰ੍ਹਾ ਕਬੱਡੀ ਦਾ ਭਵਿੱਖ ਬੜਾ ਰੋਸ਼ਨ ਜਾਪਦਾ
ਹੈ। ਉਨ੍ਹਾਂ ਨੌਜਵਾਨਾਂ ਨੂੰ ਅਪੀਲ ਕਰਦਿਆ ਕਿਹਾ ਕਿ ਉਹ ਖੇਡਾਂ ਵਿਚ ਵੱਧ ਤੋ ਵੱਧ
ਹਿੱਸਾ ਲੈਣ। ਪੜਾਈ ਦੇ ਨਾਲ ਨਾਲ ਖੇਡਾਂ ਵੀ ਜਿੰਦਗੀ ਵਿੱਚ ਕਾਮਯਾਬੀ ਹਾਸਲ ਕਰਨ ਲਈ
ਬਹੁਤ ਸਹਾਈ ਹੁੰਦੀਆਂ ਹਨ। ਇਸ ਨਾਲ ਨੌਜਵਾਨ ਵਰਗ ਨਸ਼ਿਆਂ ਤੋ ਵੀ ਬੱਚਿਆ ਰਹੇਗਾ।
ਉਨ੍ਹਾਂ ਇਸ ਮੌਕੇ ਕਲੱਬ ਨੂੰ ਆਪਣੇ ਅਖਤਿਆਰੀ ਕੋਟੇ ਵਿਚੋ ਇਕ ਲੱਖ ਦੀ ਗਰਾਂਟ ਦੇਣ
ਦਾ ਵੀ ਐਲਾਨ ਕੀਤਾ। ਕਬੱਡੀ ਖੇਡ ਕੱਪ ਆਯੋਜਿਤ ਕਰਨ ਲਈ ਕਲੱਬ ਦੇ ਮੈਬਰਾਂ ਨੂੰ ਵਧਾਈ
ਦਿੰਦਿਆ ਪੰਜਾਬ ਰਾਜ ਸਹਿਕਾਰੀ ਬੈਂਕ ਦੇ ਚੇਅਰਮੈਨ ਜਸਜੀਤ ਸਿੰਘ ਬੰਨੀ ਨੇ ਵੀ ਅਪਣੇ
ਵੱਲੋ 25 ਹਜਾਰ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ। ਇਸ ਮੌਕੇ ਖਿਡਾਰੀਆਂ ਦੀ ਹੋਸਲਾ
ਅਫਜ਼ਾਈ ਕਰਨ ਲਈ ਸੰਤ ਮਾਨ ਸਿੰਘ ਪਿਹੋਵਾ ਵਾਲੇ ਅਤੇ ਸੰਤ ਅਵਤਾਰ ਸਿੰਘ ਧੂਲ ਕੋਟ
ਵਾਲੇ ਵੀ ਸਟੇਜ ਤੇ ਵਿਰਾਜਮਾਨ ਸਨ।
ਸਾਇਨਾ ਸੈਮੀਫਾਈਨਲ ਵਿੱਚ ਵਾਂਗ ਤੋਂ ਹਾਰੀ
ਕੁਆਲਾਲੰਪੁਰ, 20 ਦਸੰਬਰ : ਭਾਰਤ ਦੀ ਬੈਡਮਿੰਟਨ ਖਿਡਾਰੀ ਸਾਇਨਾ ਨੇਹਵਾਲ ਨੇ ਵਿਸ਼ਵ
ਸੁਪਰ ਸੀਰੀਜ ਮਾਸਟਰਸ ਫਾਈਨਲ ਦੇ ਸੈਮੀਫਾਈਨਲ ਵਿੱਚ ਵਿਸ਼ਵ ਦੀ ਨੰਬਰ ਛੇ ਖਿਡਾਰੀ
ਹਾਂਗ ਕਾਂਗ ਦੀ ਚੇਨ ਵਾਂਗ ਦੇ ਖਿਲਾਫ ਸਖਤ ਚੁਣੌਤੀ ਪੇਸ਼ ਕੀਤੀ ਪਰ ਊਹਨਾਂ ਨੂੰ ਹਾਰ
ਦਾ ਸਾਮ੍ਹਣਾ ਕਰਨਾ ਪਿਆ।ਵਿਸ਼ਵ ਦੀ ਦਸਵੇਂ ਨੰਬਰ ਦੀ ਇਸ ਭਾਰਤੀ ਖਿਡਾਰੀ ਨੇ ਹਰ
ਤਰ੍ਹਾਂ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਤੀਜਾ ਦਰਜਾ ਪ੍ਰਾਪਤ ਹਾਂਗਕਾਂਗ ਦੀ ਵਿਰੋਧੀ ਨੂੰ
ਹਰਾ ਨਹੀਂ ਸਕੀ ਅਤੇ 15-21, 21-14, 16-21 ਨਾਲ ਹਾਰ ਕੇ ਇਸ ਟੂਰਨਾਮੈਂਟ ਤੋਂ
ਬਾਹਰ ਹੋ ਗਈ। ਵਾਂਗ ਨੇ ਆਪਣੇ ਸਮੈਸ਼ ਅਤੇ ਸ਼ਾਨਦਾਰ ਨੈਟ ਪਲੇ ਦੀ ਬਦੌਲਤ ਸਾਇਨਾ ਨੂੰ
ਪਹਿਲੇ ਗੇਮ ਵਿੱਚ ਗੋਡੇ ਟੇਕਣ ਤੇ ਮਜਬੂਰ ਕਰ ਦਿੱਤਾ।ਪਰ ਇਸ 18 ਸਾਲਾ ਭਾਰਤੀ
ਖਿਡਾਰੀ ਨੇ ਆਪਣੀ ਗੇਮ ਵਿੱਚ ਸੁਧਾਰ ਕਰਦਿਆਂ ਦੂਜੀ ਗੇਮ 21-14 ਨਾਲ ਆਪਣੇ ਨਾਮ
ਕਰਕੇ ਬਰਾਬਰੀ ਹਾਸਿਲ ਕੀਤੀ। ਤੀਜੀ ਗੇਮ ਬਹੁਤ ਰੋਮਾਂਚਕ ਰਹੀ ਅਤੇ ਦੋਵਾਂ ਨੇ ਇੱਕ
ਦੂਜੇ ਨੂੰ ਪਛਾੜਣ ਦਾ ਯਤਨ ਕੀਤਾ ਜਿਸਿ ਵੱਚ ਸਾਇਨਾ ਨੂੰ ਹਾਰ ਝੱਲਣੀ ਪਈ।ਸਾਇਨਾ
ਸ਼ੁੱਕਰਵਾਰ ਨੂੰ ਵਿਸ਼ਵ ਸੁਪਰ ਸੀਰੀਜ ਮਾਸਟਰਸ ਦੇ ਸੈਮੀਫਾਈਨਲ ਵਿੱਚ ਪਹੁੰਚਣ ਵਾਲੀ
ਪਹਿਲੀ ਭਾਰਤੀ ਖਿਡਾਰੀ ਬਣੀ ਸੀ। ਉਹਨਾਂ ਨੇ ਫਰਾਂਸ ਦੀ ਹਾਂਗਯਾਨ ਪੀ ਨੂੰ ਸਿੱਧੇ
ਸੈਟਾਂ ਅਤੇ ਫਿਰ ਸਥਾਨਕ ਪ੍ਰਬਲ ਦਾਅਵੇਦਾਰ ਮਿਉ ਚੂ ਵਾਂਗ ਨੂੰ ਰੋਮਾਂਚਕ ਮੈਚ ਵਿੱਚ
ਹਰਾਇਆ ਸੀ। ਬੀਜਿੰਗ ਦੇ ਕਵਾਟਰ ਫਾਈਨਲ ਵਿੱਚ ਪਹੁੰਚਣ ਵਾਲੀ ਇਸ ਸਟਾਰ ਭਾਰਤੀ ਨੂੰ
ਅਗਲੇ ਸਾਲ ਜਨਵਰੀ ਵਿੱਚ ਮਲੇਸ਼ੀਆਈ ਸੁਪਰ ਸੀਰੀਜ ਅਤੇ ਕੋਰੀਆਈ ਸੁਪਰ ਸੀਰੀਜ ਵਿੱਚ ਹਰ
ਝੱਲਣੀ ਪਈ ਹੈ।
ਦਾਸ ਪੁੱਤਰੀ ਅਮਾਂਡਾ ਜੋਂਸ ਦਾ ਦਿਹਾਂਤ
ਆਸਟਿਨ (ਅਮਰੀਕਾ), 20 ਦਸੰਬਰ : ਅਮਰੀਕਾ ਦੇ ਪਹਿਲੇ ਅਫਰੀਕੀ ਅਮਰੀਕੀ ਰਾਸ਼ਟਰੀ ਲਈ
ਵੋਟ ਪਾ ਕੇ ਦੁਨੀਆ ਭਰ ਵਿੱਚ ਖਬਰਾਂ ਦੀਆਂ ਸੁਰਖੀਆਂ ਵਿੱਚ ਆਉਣ ਵਾਲੀ 110 ਸਾਲਾਂ
ਦਾਸ ਪੁੱਤਰੀ ਅਮਾਂਡਾ ਰਾਬਰਟਸ ਜੋਂਸ ਦਾ ਦਿਹਾਂਤ ਹੋ ਗਿਆ ਹੈ।ਜੋਂਸ ਦਾ ਦਿਹਾਂਤ
ਬੁੱਧਵਾਰ ਨੂੰ ਹੋਇਆ। ਅਕਤੂਬਰ ਵਿੱਚ ਬਰਾਕ ਓਬਾਮਾ ਦੇ ਪੱਖ ਵਿੱਚ ਵੋਟ ਪਾ ਕੇ
ਅਮਾਂਡਾ ਨੇ ਅਮਰੀਕਾ ਹੀ ਨਈਂ ਦੁਨੀਆ ਵਿੱਚ ਸੁਰਖੀਆਂ ਹਾਸਿਲ ਕੀਤੀਆਂ ਸਨ। ਵੋਟ ਦੇ
ਸਬੰਧ ਵਿੱਚ ਉਸ ਦੇ ਵਿਚਾਰ ਦਾ ਖੁਲਾਸਾ ਹੋਣ ਤੇ ਜੋਂਸ ਨੂੰ ਨੈਸ਼ਨਲ ਪਬਲਿਕ ਰੇਡਿਓ
ਅਤੇ ਏ ਬੀ ਸੀ ਨਿਊਜ ਤੇ ਪੇਸ਼ ਕੀਤਾ ਗਿਆ ਸੀ।ਜੋਂਸ ਦੀ ਪੋਤੀ ਬ੍ਰੈਂਡਾ ਬੇਕਰ ਨੇ
ਕਿਹਾ ਕਿ ਜੋਂਸ ਨੂੰ ਹਾਲ ਵਿੱਚ ਹਸਪਤਾਲ ਵਿੱਚ ਭਰਤੀ ਕੀਤਾ ਗਿਆ ਸੀ, ਪਰ ਇਸ ਹਾਲਤ
ਵਿੱਚ ਵੀ ਉਹ ਐਤਵਾਰ ਦੁਪਹਿਰ ਬਾਅਦ ਜਨਮ ਦਿਨ ਦੀ ਪਾਰਟੀ ਵਿੱਚ ਸ਼ਾਮਿਲ ਹੋਣ ਦਾ
ਇੰਤਜਾਰ ਕਰ ਰਹੀ ਸੀ। 16 ਦਸੰਬਰ ਨੂੰ ਜੋਂਸ ਨੇ ਆਪਣਾ ਜਨਮ ਦਿਨ ਮਨਾਇਆ ਸੀ।
ਬੁੱਧਵਾਰ ਸਵੇਰੇ ਉਹ ਸੌਣ ਗਈ ਸੀ। ਉਹਨਾਂ ਦੀ ਪੋਤੀ ਆਸਟਿਨ ਨੇ ਆਪਣੀ ਦਾਦੀ ਦੀ ਮੌਤ
ਦੀ ਪੁਸ਼ਟੀ ਕਰ ਦਿੱਤੀ ਹੈ।
ਸ਼੍ਰੀ ਗੁਰੂ ਤੇਗ ਬਹਾਦਰ ਯੂਥ ਸਪੋਰਟਸ ਕਲਬ ਵਲੋਂ ਕਬਡੀ ਟੂਰਨਾਮੈਂਟ ਧੂਮ-ਧੜਕ ਨਾਲ
ਆਰੰਭ
ਸੰਗਰੂਰ 19 ਦਸੰਬਰ (ਹਰਜਿੰਦਰ)
ਇਥੋਂ ਨੇੜਲੇ ਪਿੰਡ ਭੈਣੀ ਮਹਿਰਾਜ ਵਿਖੇ ਸ਼੍ਰੀ ਗੁਰੂ ਤੇਗ ਬਹਾਦਰ ਯੂਥ ਸਪੋਰਟਸ ਕਲਬ
ਵਲੋਂ ਕਬਡੀ ਟੂਰਨਾਮੈਂਟ ਗ੍ਰਾਮ ਪੰਚਾਇਤ ਅਤੇ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ
ਬੂਟਾ ਸਿੰਘ ਨੱਥ ਦੀ ਪ੍ਰਧਾਨਗੀ ਹੇਠ ਧੂਮ-ਧੜਕ ਨਾਲ ਆਰੰਭ ਕੀਤਾ ਗਿਆ। ਇਸ
ਟੂਰਨਾਮੈਂਟ ਵਿਚ 46 ਕਿਲੋ, 52 ਕਿਲੋ, 58 ਕਿਲੋ ਭਾਰ ਵਰਗ ਦੀਆਂ 65 ਦੇ ਕਰੀਬ
ਟੀਮਾਂ ਨੇ ਭਾਗ ਲਿਆ। ਇਸ ਟੂਰਨਾਮੈਂਟ ਦਾ ਉਦਘਾਟਨ ਕਲਬ ਦੇ ਸਰਪਰਸਤ ਬਾਬਾ ਮੱਖਣ
ਸਿੰਘ ਨੇ ਕਬਡੀ ਖਿਡਾਰੀਆਂ ਨਾਲ ਜਾਣਪਛਾਣ ਕਰਨ ਉਪਰੰਤ ਕੀਤਾ। ਇਸ ਮੌਕੇ ਉਹਨਾਂ ਦੇ
ਨਾਲ ਸਰਪੰਚ ਅਵਤਾਰ ਸਿੰਘ, ਗੁਰਮੇਲ ਸਿੰਘ, ਤਨਵੀਰ ਸਿੰਘ, ਮੁਖਤਿਆਰ ਸਿੰਘ, ਬਲਦੇਵ
ਸਿੰਘ ਆਦਿ ਹਾਜਰ ਸਨ। ਇਸ ਟੂਰਨਾਮੈਂਟ ਹੋਏ ਸਖਤ ਮੁਕਾਬਲਿਆਂ ਚ ਭੈਣੀ ਮਹਿਰਾਜ ਨੇ
ਪਹਿਲਾ ਸਥਾਨ ਅਤੇ ਮੌੜ ਨਾਭਾ ਨੇ ਦੂਸਰਾ ਸਥਾਨ ਪ੍ਰਪਾਤ ਕਰਕੇ ਨਾਮ ਰੋਸ਼ਨ ਕੀਤਾ। ਇਸ
ਮੌਕੇ ਜੇਤੂ ਟੀਮਾਂ ਨੂੰ ਦਿਲਕਸ਼ ਇਨਾਮ ਦਿਤੇ ਜਾਣਗੇ।
ਸੰਤ ਬਾਬਾ ਦੇਵਾ ਦਾਸ ਜੀ ਦੀ ਬਰਸੀ ਦੇ ਸੰਬੰਧੀ ਮਹਾਨ ਕੁਸ਼ਤੀ ਦੰਗਲ ਮਿਤੀ 24 ਦਸੰਬਰ
ਨੂੰ
ਅਹਿਮਦਗੜ, 19 ਦਸੰਬਰ (ਹਰਜਿੰਦਰ)
ਮਹਾਨ ਕੁਸ਼ਤੀਆਂ ਦੇ ਨਾਂ ਤੇ ਮਸ਼ਹੂਰ ਮਾਲੇਰਕੋਟਲਾ-ਲੁਧਿਆਣਾ ਰੋਡ ਤੇ ਸਥਿਤ ਪਿੰਡ
ਲਹਿਰਾ ਵਿਖੇ ਹਰ ਸਾਲ ਦੀ ਤਰਾਂ ਸੰਤ ਬਾਬਾ ਦੇਵਾ ਦਾਸ ਜੀ ਦੀ ਬਰਸੀ ਦੇ ਸੰਬੰਧੀ
ਮਹਾਨ ਕੁਸ਼ਤੀ ਦੰਗਲ ਮਿਤੀ 24 ਦਸੰਬਰ ਨੂੰ ਸੰਤ ਬਾਬਾ ਨਿਰਭੈ ਦਾਸ ਅਤੇ ਭੀਖਾ ਦਾਸ ਜੀ
ਦੀ ਸਰਪਰਸਤੀ ਹੇਠ ਕਰਵਾਇਆ ਜਾ ਰਿਹਾ ਹੈ। ਯੂਥ ਅਕਾਲੀ ਦਲ ਦੇ ਜੱਥੇਬੰਦ ਸਕਤਰ ਨਾਹਰ
ਸਿੰਘ ਲਹਿਰਾ ਨੇ ਦੱਸਿਆ ਕਿ ਪਿਛਲੇ 67 ਸਾਲਾਂ ਤੋਂ ਚੱਲੇ ਆ ਰਹੇ ਇਸ ਕੁਸ਼ਤੀ ਦੰਗਲ
ਵਿਚ ਅਮਰੀਕਾ ਅਤੇ ਕਨੇਡਾ ਦੇ ਪਹਿਲਵਾਨ ਵੀ ਪਹੁੰਚ ਦੇ ਹਨ। ਉਹਨਾਂ ਦੱਸਿਆ ਕਿ ਗ੍ਰਾਮ
ਪੰਚਾਇਤ ਦੇ ਸਹਿਯੋਗ ਅਤੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਇਸ ਕੁਸ਼ਤੀ ਦੰਗਲ ਵਿਚ ਪਹਿਲੀ
ਵੰਡੀ ਝੰਡੀ ਦੀ ਕੁਸ਼ਤੀ 21000 ਰੁਪੈ ਦੀ ਅਤੇ ਦੂਜੀ 11 ਹਜਾਰ ਰੁਪੈ ਦੀ ਹੋਵੇਗੀ।
ਚੌਥੀ ਜਮਾਤ ਦੀ ਵਿਦਿਆਰਥਣ ਨਵਦੀਪ ਕੌਰ ਨੇ ਜਿੱਤਿਆ ਗੋਲਡ ਮੈਡਲ
ਕੋਟਕਪੂਰਾ 18 ਦਸੰਬਰ (ਰਮਿੰਦਰ ਸਿੰਘ ਰੰਮੀ, ਹਰਿੰਦਰ ਸਿੰਘ ਰਿੱਕੀ)
ਜੇਕਰ ਬੱਚਿਆਂ ਨੂੰ ਉਨ੍ਹਾਂ ਦੇ ਮਾਪੇ ਤੇ ਅਧਿਆਪਕ ਸਮੇਂ-ਸਮੇਂ ਪੜ੍ਹਾਈ ਤੇ ਖੇਡਾਂ
ਸਬੰਧੀ ਉਤਸ਼ਾਹਿਤ ਅਤੇ ਸਮਾਜਿਕ ਬੁਰਾਈਆਂ ਖਿਲਾਫ ਪ੍ਰੇਰਿਤ ਕਰਦੇ ਰਹਿਣ ਤਾਂ ਬੱਚੇ
ਆਪਣੀ ਕਾਬਲੀਅਤ ਨਾਲ ਆਪਣੇ ਮਾਪਿਆਂ, ਸਕੂਲ, ਅਧਿਆਪਕਾਂ ਅਤੇ ਆਪਣੀ ਜਨਮ ਭੂਮੀ ਦਾ
ਨਾਂਅ ਰੋਸ਼ਨ ਕਰ ਸਕਦੇ ਹਨ। ਇਸੇ ਤਰ੍ਹਾਂ ਸਥਾਨਕ ਸੈਂਟ ਕਾਂਨਵੈਂਟ ਸਕੂਲ ਦੀ ਚੌਥੀ
ਜਮਾਤ ਦੀ ਵਿਦਿਆਰਥਣ ਨਵਦੀਪ ਕੌਰ ਨੇ ਤਾਈ ਕਮਾਂਡੋ ਦੇ ਸੂਬਾ ਪੱਧਰੀ ਮੁਕਾਬਲਿਆਂ ਵਿਚ
ਸੋਨੇ ਦਾ ਮੈਡਲ ਜਿੱਤ ਕੇ ਆਪਣੇ ਮਾਪਿਆਂ ਤੇ ਸਕੂਲ ਦਾ ਨਾਂਅ ਰੋਸ਼ਨ ਕੀਤਾ ਹੈ। ਨਰੇਸ਼
ਕੁਮਾਰ ਜੈਨ ਵਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ 13 ਤੇ 14 ਦਸੰਬਰ ਨੂੰ ਜਲੰਧਰ ਵਿਖੇ
ਤਾਈ ਕਮਾਂਡੋ ਦੇ ਸੂਬਾ ਪੱਧਰੀ ਹੋਏ ਮੁਕਾਬਲਿਆਂ ਵਿਚ ਨਵਦੀਪ ਕੌਰ ਨੇ ਉਕਤ ਮਾਅਰਕਾ
ਮਾਰਿਆ। ਉਨ੍ਹਾਂ ਦੱਸਿਆ ਕਿ ਨਵਦੀਪ ਕੌਰ ਨੂੰ ਸੈਂਟ ਕਾਂਨਵੈਂਟ ਸਕੂਲ ਦੀ ਮੈਨੈਜਮੈਂਟ
ਵਲੋਂ ਵੀ ਸਕੂਲ ਪਹੁੰਚਣ 'ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਕੀਤੇ ਗਏ ਸਾਦੇ ਪਰ
ਪ੍ਰਭਾਵਸ਼ਾਲੀ ਸਮਾਗਮ ਮੌਕੇ ਇਸ ਬੱਚੀ ਦੇ ਪਿਤਾ ਬਲਕਾਰ ਸਿੰਘ, ਮਾਤਾ ਮਨਜੀਤ ਕੌਰ ਅਤੇ
ਤਾਈ ਕਮਾਂਡੋ ਫੈਡਰੇਸ਼ਨ ਫਰੀਦਕੋਟ ਦੇ ਸਕੱਤਰ ਸ. ਕੇਹਰ ਸਿੰਘ ਨੂੰ ਵੀ ਸਨਮਾਨ ਚਿੰਨ੍ਹ
ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਗੁਰਤਾ ਗੱਦੀ ਨੂੰ ਸਮਰਪਿਤ ਕਬੱਡੀ ਟੂਰਨਾਂਮੈਂਟ ਪਿੰਡ
ਬੋਪਾਰੇ ਖੁਰਦ ਵਿੱਖੇ ੨੪ ਤੋਂ
ਰਾਏ ਕੋਟ,੧੮ ਦਸੰਬਰ-ਭੁਪਿੰਦਰ ਧਨੇਰ
ਸ਼੍ਰੀ ਗੁਰੁ ਗ੍ਰੰਥ ਸਾਹਿਬ ੩੦੦ ਸਾਲਾ ਗੁਰਤਾ ਗੱਦੀ ਨੂੰ ਸਮਰਪਿਤ ਬਾਬਾ ਸੂਰਤੀਆ
ਸਿੰਘ ਜੀ ਸਪੋਰਟਸ ਕਲੱਬ ,ਸਮੂਹ ਨਗਰ ਨਿਵਾਸੀ ਤੇ ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ
ਪਿੰਡ ਬੋਪਾਰਾਏ ਖੁਰਦ ਵਿੱਚ ਮਿੱਤੀ ੨੪ ਤੋਂ ੨੭ ਦਸੰਬਰ ੨੦੦੮ ਨੂੰ ਕਬੱਡੀ
ਟੂਰਨਾਂਮੈਂਟ ਕਰਵਾਇਆ ਜਾ ਰਿਹਾ ਹੈ ਜਿੱਸ ਵਿੱਚ ਕਬੱਡੀ ਓਪਨ ੭੦ ਕਿਲੋ,੬੦ ਕਿਲੋ,੪੦
ਕਿਲੋ,ਬੈਲਗੱਡੀਆਂ ਦੀ ਦੋੜ ਅਤੇ ਕੁਤਿਆ ਦੀਆਂ ਦੋੜਾਂ ਕਰਵਾਈਆਂ ਜਾਣਗੀਆਂ
ਟੂਰਨਾਂਮੈਂਟ ਦਾ ਉੱਦਘਾਟਨ ਬਾਬਾ ਘੁਮਾਣ ਜੀ ਵਲੋਂ ਕੀਤਾ ਜਾਵੇ ਗਾ
ਬਾਬਾ ਦੇਵਾ ਦਾਸ ਜੀ ਦੀ ਬਰਸੀ ਸੰਬੰਧੀ ਮਹਾਨ ਕੁਸ਼ਤੀ ਦੰਗਲ 25 ਦਸੰਬਰ ਨੂੰ
ਅਹਿਮਦਗੜ 18 ਦਸੰਬਰ (ਮੀਮਸਾ)
ਨੇੜਲੇ ਪਿੰਡ ਲਹਿਰਾ ਵਿਖੇ ਹਰ ਸਾਲ ਦੀ ਤਰਾਂ ਬਾਬਾ ਦੇਵਾ ਦਾਸ ਜੀ ਦੀ ਬਰਸੀ ਸੰਬੰਧੀ
ਮਹਾਨ ਕੁਸ਼ਤੀ ਦੰਗਲ 25 ਦਸੰਬਰ ਨੂੰ ਕਰਵਾਇਆ ਜਾ ਰਿਹਾ ਹੈ। ਨਾਹਰ ਸਿੰਘ ਲਹਿਰਾ ਕੌਮੀ
ਜਥੇਬੰਦਕ ਸਕਤਰ ਯੂਥ ਅਕਾਲੀ ਦਲ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਪਿੰਡ ਦੀ ਕੁਸ਼ਤੀ
21000 ਰੂਪੈ ਦੀ ਹੋਵੇਗੀ ਅਥੇ ਦੂਜੇ ਨੰਬਰ ਦੀ 11000 ਰੁਪੈ ਦੀ ਜਦਕਿ 1500 ਰੁਪੈ
ਦੀਆਂ ਹੋਰ ਅਨੇਕਾਂ ਕੁਸ਼ਤੀਆਂ ਹੋਣਗੀਆਂ। ਲਹਿਰਾ ਨੇ ਦੱਸਿਆ ਕਿ ਗ੍ਰਾਮ ਪੰਚਾਇਤ ਅਤੇ
ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਇਸ ਮਹਾਨ ਕੁਸ਼ਤੀ ਦੰਗਲ ਵਿਚ ਨਾਮਵਰ ਅਖਾੜਿਆਂ ਦੇ
ਪਹਿਲਵਾਨ ਪਹੁੰਚਣਗੇ ਅਤੇ ਇਨਾਮਾਂ ਦੀ ਵੰਡ ਸਾਬਕਾ ਕੈਬਨਿਟ ਮੰਤਰੀ ਜਗਦੀਸ਼ ਸਿੰਘ
ਗਰਚਾ, ਸ. ਮਾਨ ਸਿੰਘ ਗਰਚਾ ਆਦਿ ਕਰਨਗੇ।
ਚੰਗੇ ਪ੍ਰਦਰਸ਼ਨ ਦੀ ਉਮੀਦ ਜੀਵ ਨੂੰ
ਬੈਂਕਾਕ , ਬੁੱਧਵਾਰ, 17 ਦਿਸੰਬਰ 2008
ਲੋੜੀਂਦਾ ਅਭਿਆਸ ਨਹੀਂ ਮਿਲਣ ਦੇ ਬਾਵਜੂਦ ਅਨੁਭਵੀ ਭਾਰਤੀ ਗੋਲਫਰ ਜੀਵ ਮਿਲਖਾ ਸਿੰਘ
ਨੇ ਕੱਲ੍ਹ ਤੋਂ ਸ਼ੁਰੂ ਹੋ ਰਹੇ ਏਸ਼ੀਆਈ ਟੂਰ ਦੇ ਆਖ਼ਰੀ ਵੋਲਵੋ ਮਾਸਟਰਜ਼ ਟੂਰਨਾਮੈਂਟ
ਵਿੱਚ ਚੰਗੇ ਪ੍ਰਦਰਸ਼ਨ ਦੀ ਉਮੀਦ ਪ੍ਰਗਟ ਕੀਤੀ ਹੈ.ਜੀਵ ਨੇ ਪਿਛਲੇ ਹਫ਼ਤੇ ਜਾਪਾਨ ਟੂਰ
ਨਿੱਪੋਨ ਸੀਰੀਜ ਜੇਟੀ ਕੱਪ ਜਿੱਤਣ ਦੇ ਬਾਅਦ ਬਰੇਕ ਲਿਆ ਸੀ. ਉਹਨਾਂ ਨੇ ਕਿਹਾ ਕਿ
ਉਹਨਾਂ ਦੀ ਤਿਆਰੀ ਉਤਨੀ ਪੁਖ਼ਤਾ ਨਹੀਂ ਹੈ. ਉਹਨਾਂ ਨੇ ਕਿਹਾ ਕਿ ਮੈਂ ਇਸ ਸਾਲ ਚੰਗਾ
ਪ੍ਰਦਰਸ਼ਨ ਕੀਤਾ ਹੈ. ਇਹ ਮੇਰੇ ਕੈਰੀਅਰ ਦਾ ਸਰਬੋਤਮ ਸਾਲ ਰਿਹਾ ਹੈ. ਵੋਲਵੋ ਮਾਸਟਰਜ਼
ਦੇ ਲਈ ਮੇਰੀ ਪੂਰੀ ਪੱਕੀ ਤਿਆਰੀ ਨਹੀਂ ਹੈ, ਪਰੰਤੂ ਵੇਖਦੇ ਹਾਂ ਕਿ ਕੀ ਹੁੰਦਾ ਹੈ.
ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਵਿੱਚਕਾਰ ਹੋਣ ਵਾਲੇ ਦੂਜੇ ਅਤੇ ਆਖਰੀ ਕ੍ਰਿਕਟ
ਮੈਚ ਦੇ ਮਦੇਨਜ਼ਰ ਦੋਵੇਂ ਦੇਸ਼ਾਂ ਦੀਆਂ ਕ੍ਰਿਕਟ ਦੇ ਖਿਡਾਰੀ ਅੱਜ ૪]૯"&ੇ ਪੀ.ਸੀ.ਏ.
ਸਟੇਡੀਅਮ
ਮੁਹਾਲੀ, 17 ਦਸੰਬਰ (ਕੁਲਵੰਤ ਜਪੱ;) ਂ
ਇਥੋਂ ਦੇ ਫੇਜ਼ 9 ਸਥਿਤ ਅੰਤਰਰਾਜ਼ੀ ਪੀ.ਸੀ.ਏ. ਕ੍ਰਿਕਟ ਸਟੇਡੀਅਮ ਵਿਖੇ 19 ਤੋਂ 23
ਦਸੰਬਰ ਤੱਕ ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਵਿੱਚਕਾਰ ਹੋਣ ਵਾਲੇ ਦੂਜੇ ਅਤੇ ਆਖਰੀ
ਕ੍ਰਿਕਟ ਮੈਚ ਦੇ ਮਦੇਨਜ਼ਰ ਦੋਵੇਂ ਦੇਸ਼ਾਂ ਦੀਆਂ ਕ੍ਰਿਕਟ ਦੇ ਖਿਡਾਰੀ ਅੱਜ ਪੀ.ਸੀ.ਏ.
ਸਟੇਡੀਅਮ ਪਹੁੰਚ ਗਏ। ਇਸ ਦੌਰਾਨ ਦੋਵੇਂ ਦੇਸ਼ਾਂ ਦੀਆਂ ਕ੍ਰਿਕਟ ਟੀਮਾਂ ਦੇ ਖਿਡਾਰੀਆਂ
ਨੇ ਸਖਤ ਸੁਰੱਖਿਆ ਪ੍ਰਬੰਧਾਂ ਹੇਂਠ ਮੈਚ ਸਬੰਧੀ ਅਭਿਆਸ ਕੀਤਾ। ਇਸ ਤਰ੍ਹਾਂ ਸਥਾਨਕ
ਪੀ.ਸੀ.ਏ. ਕ੍ਰਿਕਟ ਸਟੇਡੀਅਮ ਵਿਖੇ ਪਹੁੰਚ ਕੇ ਵਾਰੋ-ਵਾਰੀ ਜਮ ਕੇ ਨੈੱਟ ਅਭਿਆਸ
ਕੀਤਾ। ਇੰਗਲੈਂਡ ਦੀ ਟੀਮ ਸਵੇਰੇ ਲਗਭਗ 9.15 ਵਜੇ ਕ੍ਰਿਕਟ ਸਟੇਡੀਅਮ ਵਿਖੇ ਸਖਤ
ਸੁਰੱਖਿਆ ਪ੍ਰਬੰਧ ਹੇਠ ਪਹੁੰਚੀ। ਟੀਮ ਦੇ ਅੱਗੇ ਪਿੱਛੇ ਪੁਲੀਸ ਦੀਆਂ ਗੱਡੀਆਂ ਦਾ
ਲੰਬਾ ਕਾਫਲਾ ਸੀ। ਇੰਗਲੈਂਡ ਦੇ ਖਿਡਾਰੀਆਂ ਨੇ ਪਹਿਲਾਂ ਮੁੱਖ ਮੈਦਾਨ ਵਿਚ ਕਾਫੀ
ਲੰਬਾ ਸਮਾਂ ਅਭਿਆਸ ਕੀਤਾ, ਉਪਰੰਤ ਇਹ ਖਿਡਾਰੀ ਨੈੱਟ ਵੱਲ ਚਲੇ ਗਏ, ਜਿਥੇ ਇਨ੍ਹਾਂ
ਨੇ ਆਪਣਾ ਖੂਬ ਪਸੀਨਾ ਵਹਾਇਆ। ਇੰਗਲੈਂਡ ਦੀ ਟੀਮ ਲਗਭਗ 4 ਘੰਟਿਆਂ ਤੱਕ ਮੈਦਾਨ ਵਿਚ
ਰਹੀ। ਅੱਜ ਨੈੱਟ ਅਭਿਆਸ ਕੁੱਝ ਵੱਖਰਾ ਵੱਖਰਾ ਇਸ ਲਈ ਜਾਪ ਰਿਹਾ ਸੀ ਕਿ ਨੈੱਟ ਦੇ
ਆਸ-ਪਾਸ ਅਤੇ ਸਟੇਡੀਅਮ ਦੇ ਆਲੇ ਦੁਆਲੇ ਚਾਰੇ ਪਾਸੇ ਪੁਲੀਸ ਹੀ ਪੁਲੀਸ ਨਜ਼ਰ ਆ ਰਹੀ
ਸੀ, ਇੰਝ ਖਿਡਾਰੀਆਂ ਨੇ ਸੰਗੀਨਾਂ ਦੀ ਛਾਂ ਹੇਠ ਹੀ ਨੈੱਟ ਪ੍ਰੈਕਟਿਸ ਕੀਤੀ। ਇਨ੍ਹਾਂ
ਦੇ ਜਾਣ ਮਗਰੋਂ ਭਾਰਤੀ ਟੀਮ ਨਿਰਧਾਰਿਤ ਸਮੇਂ ਤੋਂ ਲਗਭਗ ਇਕ ਘੰਟਾ ਲੇਟ ਸਟੇਡੀਅਮ
ਵਿਚ ਪਹੁੰਚੀ। ਸਭ ਤੋਂ ਪਹਿਲਾਂ ਮਹਿੰਦਰ ਸਿੰਘ ਧੋਨੀ ਅਤੇ ਹੋਰ ਖਿਡਾਰੀ ਪਿੱਚ 'ਤੇ
ਗਏ ਅਤੇ ਪਿੱਚ ਦਾ ਜਾਇਜ਼ਾ ਲਿਆ, ਉਪਰੰਤ ਭਾਰਤੀਆਂ ਨੇ ਨੈੱਟ 'ਤੇ ਜਾ ਕੇ ਕਾਫੀ ਅਭਿਆਸ
ਕੀਤਾ। ਬਾਅਦ ਵਿਚ ਰਾਹੁਲ ਦ੍ਰਾਵਿੜ ਮੈਦਾਨ ਵਿਚ ਆਏ ਤੇ ਉਨ੍ਹਾਂ ਨੇ ਪਿੱਚ ਦਾ
ਨਿਰੀਖਣ ਕੀਤਾ ਅਤੇ ਪਿੱਚ ਕਿਊਰੇਟਰ ਦਲਜੀਤ ਸਿੰਘ ਨਾਲ ਵੀ ਗੁਫਤਗੂ ਕੀਤੀ। ਖਿਡਾਰੀਆਂ
ਦੇ ਹੌਸਲੇ ਅੱਜ ਕਾਫੀ ਬੁਲੰਦ ਜਾਪੇ। ਅੱਜ ਸਟੇਡੀਅਮ ਦੇ ਅੰਦਰ ਤੇ ਬਾਹਰ ਸੁਰੱਖਿਆ ਦੇ
ਬਹੁਤ ਹੀ ਸਖਤ ਪ੍ਰਬੰਧ ਕੀਤੇ ਹੋਏ ਸਨ ਅਤੇ ਸੰਗੀਨਾਂ ਦੀ ਛਾਂ ਹੇਠ ਹੀ ਦੋਵੇਂ ਟੀਮਾਂ
ਹੋਟਲਾਂ ਤੋਂ ਸਟੇਡੀਅਮ ਅਤੇ ਸਟੇਡੀਅਮ ਤੋਂ ਹੋਟਲ ਤੱਕ ਗਈਆਂ। ਮੈਚ ਦੇ ਮਦੇਨਜ਼ਰ ਪੀ.
ਸੀ. ਏ. ਪ੍ਰਬੰਧਕਾਂ ਵਲੋਂ ਤਿਆਰੀਆਂ ਪੂਰੇ ਜੋਰਾਂ ਸ਼ੋਰਾਂ ਚੱਲ ਰਹੀਆਂ ਹਨ।
ਪੀ.ਸੀ.ਏ. ਦੇ ਪ੍ਰਧਾਨ ਸ਼੍ਰੀ ਆਈ.ਐਸ. ਬਿੰਦਰਾ ਦਾ ਦਾਅਵਾ ਮੈਚ ਦੌਰਾਨ ਦੋਵੇਂ ਦੇਸ਼ਾਂ
ਦੀਆਂ ਟੀਮਾਂ ਦੇ ਖਿਡਾਰੀਆਂ ਨੂੰ ਕਿਸੇ ਕਿਸਮ ਦੀ ਮੁਸ਼ਕਲ ਪੈਸ਼ ਨਹੀਂ ਪੀ.ਸੀ.ਏ. ਵਲੋਂ
ਖਿਡਾਰੀਆਂ ਦੀ ਸੁਰਖਿਆ ਤੋਂ ਇਲਾਵਾ ਰਹਿਣ ਅਤੇ ਖਾਣੇ ਦਾ ਖਾਸ ਪ੍ਰਬੰਧ ਕੀਤਾ ਗਿਆ
ਹੈ। ਇਸੇ ਦੌਰਾਨ ਜਿਲ੍ਹਾ ਪੁਲੀਸ ਮੁਖੀ ਜਤਿੰਦਰ ਸਿੰਘ ਔਲਖ ਨੇ ਕਿਹਾ ਕਿ ਪੀ.ਸੀ.ਏ.
ਸਟੇਡਅਮ ਵਿਚ ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਵਿਚਕਾਰ ਹੋਣ ਵਾਲੇ ਕ੍ਰਿਕਟ ਮੈਚ ਦੇ
ਸਬੰਧ ਵਿਚ ਜ਼ਿਲ੍ਹਾ ਪੁਲੀਸ ਵਲੋਂ ਸਖਤ ਪ੍ਰਬੰਧ ਕੀਤੇ ਗਏ ਹਨ ਅਤੇ ਸ਼ਰਾਰਤੀ ਅਨਸਰਾਂ
ਤੇ ਪੂਰੀ ਨਜ਼ਰ ਰੱਖੀ ਜਾ ਰਹੀ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਮੁਹਾਲੀ ਪੁਲੀਸ ਤੇ
ਸਰਕਾਰ ਦੀ ਅਣਸੁਖਾਵੀਂ ਘਟਨਾ ਨਾਲ ਨਿਜਠਿਣ ਲਈ ਪੁਰੀ ਤਰ੍ਹਾਂ ਤਿਆਰ ਹੈ। ਉਨ੍ਹਾਂ
ਕਿਹਾ ਕਿ ਭਾਵੇਂ ਪੀਸੀਏ ਵਲੋਂ ਮੈਚ ਲਈ ਆਪਣੇ ਪੱਧਰ ਤੇ ਪ੍ਰਾਈਵੇਟ ਸਿਕਿਉਰਟੀ ਦਾ
ਪ੍ਰਬੰਧ ਕੀਤਾ ਗਿਆ ਹੈ ਲੇਕਿਨ ਇਸ ਦੇ ਬਾਵਜੂਦ ਮੁਹਾਲੀ ਪੁਲੀਸ ਵਲੋਂ ਸਖਤ ਪ੍ਰਬੰਧਾਂ
ਵਲੋਂ ਟੀਲ ਨਹੀਂ ਵਰਤੀ ਜਾ ਸਕਦੀ ਹੈ।
ਸਹਿਵਾਗ ਦੀ ਹਾਰਪਰ ਨੂੰ ਸਲਾਹ
ਚੈਨਈ 17 ਦਿਸੰਬਰ 2008
ਐੱਲਪੀਡਬਲਿਊ ਦਿੱਤੇ ਜਾਣ ਦੇ ਕਾਰਣ ਸੈਂਕੜਾ ਬਣਾਉਣ ਤੋਂ ਚੂਕਣ ਕਰਕੇ ਦੁੱਖੀ ਹੋਏ
ਭਾਰਤੀ ਬੱਲੇਬਾਜ ਵਰਿੰਦਰ ਸਹਿਵਾਗ ਦਾ ਮੰਨਣਾ ਹੈ ਕਿ ਅੰਪਾਇਰ ਡੈਰੇਲ ਹਾਰਪਰ ਨੂੰ
ਆਪਣੇ ਫੈਸਲਿਆਂ ਵਿੱਚ ਜਿਆਦਾ ਨਿਰੰਤਰਤਾ ਲਿਆਉਣ ਦੀ ਜਰੂਰਤ ਹੈ. ਸਹਿਵਾਗ ਨੇ ਮੈਚ ਦੇ
ਬਾਅਦ ਪ੍ਰੈੱਸ ਕਾਨਫਰੰਸ ਵਿੱਚ ਕਿਹਾ ਕਿ ਮੈਂ ਨਿਰਾਸ਼ ਹਾਂ. ਮੈਨੂੰ ਲੱਗਦਾ ਹੈ ਕਿ
ਮੈਂ ਸ਼ਾਟ ਖੇਡ ਰਿਹਾ ਸੀ ਅਤੇ ਗੇਂਦ ਕਾਫੀ ਸਪਿਨ ਹੋ ਰਹੀ ਸੀ ਅਤੇ ਮੈਂ ਸੋਚਿਆ ਸ਼ਾਇਦ
ਅੰਪਾਇਰ ਨਾਟ ਆਊਟ ਆਖੇਗਾ, ਪਰੰਤੂ ਸਭ ਅੰਪਾਇਰ ਦੇ ਫੈਸਲੇ ਉੱਤੇ ਨਿਰਭਰ ਹੁੰਦਾ ਹੈ.
ਫੈਸਲਾ ਇੰਗਲੈਂਡ ਦੇ ਪੱਖ 'ਚ ਗਿਆ. ਉਹਨਾਂ ਨੇ ਕਿਹਾ ਕਿ ਬਦਕਿਸਮਤੀ ਨਾਲ ਇਸ ਤੋਂ
ਪਹਿਲਾਂ ਐੱਲਪੀਡਬਲਿਊ ਦੇ ਦੋ ਕਰੀਬੀ ਫੈਸਲੇ ਉਹਨਾਂ ਨੇ ਇੰਗਲੈਂਡ ਦੇ ਪੱਖ ਵਿੱਚ
ਦਿੱਤੇ ਅਤੇ ਮੈਨੂੰ ਲੱਗਦਾ ਹੈ ਕਿ ਉਹਨਾਂ ਨੂੰ ਆਪਣੇ ਫੈਸਲਿਆਂ ਵਿੱਚ ਨਿਰੰਤਰਤਾ
ਲਿਆਉਣੀ ਚਾਹੀਦੀ ਹੈ.
ਚੇਨੰਈ ਟੈਸਟ 'ਚ ਭਾਰਤ ਦੀ ਇਤਿਹਾਸਿਕ ਜਿੱਤ
ਇੰਗਲੈਂਡ ਨੂੰ 6 ਵਿਕਟਾਂ ਨਾਲ ਹਰਾਇਆ
ਸਹਿਵਾਗ ਬਣੇ ਮੈਨ ਆਫ ਦ ਮੈਚ
ਸਚਿਨ ਤੇਂਦੁਲਕਰ ਨੇ ਜਿੱਤ ਨੂੰ ਮੁੰਬਈ ਦੇ ਸ਼ਹੀਦਾਂ ਨੂੰ ਕੀਤਾ ਸਮਰਪਿਤ
ਚੇਨਈ, 15 ਦਸੰਬਰ : ਨਿੱਤ ਨਵੀਆਂ ਉਚਾਈਆਂ ਛੂਹ ਰਹੀ ਭਾਰਤ ਦੀ ਕ੍ਰਿਕਟ ਟੀਮ ਨੇ
ਚੇਨਈ ਵਿਖੇ ਇੰਗਲੈਂਡ ਨੂੰ ਪਹਿਲੇ ਟੈਸਟ ਮੈਚ ਵਿਚ 6 ਵਿਕਟਾਂ ਨਾਲ ਹਰਾ ਕੇ ਇਤਿਹਾਸਕ
ਜਿੱਤ ਦਰਜ ਕੀਤੀ ਹੈ। ਭਾਰਤ ਨੇ ਇੰਗਲੈਂਡ ਵਲੋਂ ਦਿੱਤੇ 387 ਦੌੜਾਂ ਦੇ ਟੀਚੇ ਨੂੰ
ਸਚਿਨ ਤੇਂਦੁਲਕਰ ਦੇ 41ਵੇਂ ਸੈਂਕੜੇ ਦੀ ਬਦੌਲਤ ਬਹੁਤ ਹੀ ਆਸਾਨੀ ਨਾਲ ਚਾਰ ਵਿਕਟਾਂ
ਗਵਾ ਹਾਸਲ ਕਰ ਲਿਆ। ਇਸੇ ਦੌਰਾਨ ਸਚਿਨ ਤੇਂਦੁਲਕਰ ਨੇ ਇਸ ਜਿੱਤ ਨੂੰ ਮੁੰਬਈ ਦੇ
ਸ਼ਹੀਦਾਂ ਨੂੰ ਸਮਰਪਿਤ ਕਰ ਦਿੱਤਾ। ਟੀਮ ਇੰਡੀਆ ਦੀ ਜਿੱਤ ਦੀ ਨੀਂਹ ਕੱਲ੍ਹ ਵੀਰੇਂਦਰ
ਸਹਿਵਾਗ ਨੇ ਤੇਜ਼ ਤਰਾਰ 83 ਦੌੜਾਂ ਬਣਾ ਕੇ ਰੱਖੀ। ਇਸ ਮਗਰੋਂ ਸਚਿਨ ਤੇਂਦੁਲਕਰ ਅਤੇ
ਯੁਵਰਾਜ ਸਿੰਘ ਨੇ ਕ੍ਰਮਵਾਰ 103 ਅਤੇ 85 ਨਾਬਾਦ ਦੌੜਾਂ ਬਣਾ ਕੇ ਯਤਨ ਨੂੰ ਅੰਜ਼ਾਮ
ਤਕ ਪਹੁੰਚਾ ਦਿੱਤਾ। ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ ਦੀ ਇਹ ਦੂਜੀ ਵੱਡੀ ਜਿੱਤ
ਹੈ। ਇਸ ਤੋਂ ਪਹਿਲਾਂ 1976 ਵਿਚ ਵੈਸਟ ਇੰਡੀਜ਼ ਦੇ ਖਿਲਾਫ ਭਾਰਤ ਨੇ ਪੋਰਟ ਆਫ ਸਪੇਨ
ਵਿਚ 406 ਦੌੜਾਂ ਦਾ ਟੀਚਾ ਹਾਸਲ ਕੀਤਾ ਸੀ। ਵੱਡੀ ਜਿੱਤ ਦਾ ਰਿਕਾਰਡ ਭਾਵੈਂ ਵੈਸਟ
ਇੰਡੀਜ਼ ਦੇ ਨਾਮ ਹੈ, ਜਿਸ ਨੇ 2003 ਵਿਚ ਆਸਟਰੇਲੀਆ ਦੇ ਖਿਲਾਫ ਸੇਂਟ ਜੋਹਨਸ ਵਿਚ
418 ਦੌੜਾਂ ਬਣਾ ਕੇ ਜਿੱਤ ਦਰਜ ਕੀਤੀ ਸੀ।
ਭਾਰਤ ਨੇ 98.3 ਓਬਰਾਂ ਵਿਚ ਲੋੜੀਂਦਾ ਟੀਚਾ ਹਾਸਲ ਕਰਕੇ ਇੰਗਲੈਂਦ ਦੋ ਹੱਥਾਂ ਵਿਚੋਂ
ਮੈਚ ਖੋਹ ਲਿਆ, ਜਦਕਿ ਇਸ ਤੋਂ ਪਹਿਲਾਂ ਇੰਗਲੈਂਡ ਦੀ ਸਥਿਤੀ ਮਜ਼ਬੂਤ ਜਾਪ ਰਹੀ ਸੀ।
ਚੌਥੀ ਪਾਰੀ ਵਿਚ 387 ਦੌੜਾਂ ਦਾ ਟੀਚਾ ਮਿਲਣ ਮਗਰੋਂ ਖੇਡਣ ਲਈ ਉਤਰੇ ਵੀਰੇਂਦਰ
ਸਹਿਵਾਗ ਨੇ 68 ਗੇਂਦਾਂ 'ਤੇ 83 ਦੌੜਾਂ ਬਣਾ ਕੇ ਆਸ ਦੀ ਇਕ ਵੱਡੀ ਕਿਰਨ ਜਗਾ
ਦਿੱਤੀ, ਜਿਸ ਨੂੰ ਬਾਅਦ ਵਿਚ ਤੇਂਦੁਲਕਰ ਅਤੇ ਯੁਵਰਾਜ ਨੇ ਪੂਰਾ ਕਰ ਦਿੱਤਾ।
ਸੰਖੇਪ ਸਕੋਰ ਇਸ ਪ੍ਰਕਾਰ ਰਿਹਾ
ਇੰਗਲੈਂਡ ਪਹਿਲੀ ਪਾਰੀ : 316 ਦੌੜਾਂ
ਭਾਰਤ ਪਹਿਲੀ ਪਾਰੀ : 241 ਦੌੜਾਂ
ਇੰਗਲੈਂਡ ਦੂਜੀ ਪਾਰੀ : 9 ਵਿਕਟਾਂ ਪਿਛੇ 311 ਦੌੜਾਂ 'ਤੇ ਪਾਰੀ ਐਲਾਨੀ
ਭਾਰਤ ਦੂਜੀ ਪਾਰੀ : 4 ਵਿਕਟਾਂ ਪਿੱਛੇ 387 ਦੌੜਾਂ
ਗੌਤਮ ਗੰਭੀਰ : 66 (ਕੈਚ ਕਾਲਿੰਗਵੁੱਡ ਬੋਲਡ ਐਂਡਰਸਨ)
ਵੀਰੇਂਦਰ ਸਹਿਵਾਗ : 83 (ਲੱਤ ਅੜਿਕਾ ਸਵਾਨ)
ਰਾਹੁਲ ਦ੍ਰਾਵਿੜ : 04 (ਕੈਚ ਪ੍ਰਾਇਰ ਬੋਲਡ ਫਲਿੰਟਾਫ)
ਸਚਿਨ ਤੇਂਦੁਲਕਰ : 103 (ਨਾਬਾਦ)
ਵੀ. ਵੀ. ਐਸ. ਲਕਸ਼ਮਣ : 26 (ਕੈਚ ਬੈਲ ਬੋਲਡ ਸਵਾਨ)
ਯੁਵਰਾਜ ਸਿੰਘ : 85 (ਨਾਬਾਦ)
84ਵੇ ਧਾਰਮਿਕ ਜੋੜ ਮੇਲਾ ਤੇ
ਟੂਰਨਾਮੈਟ ਸੁਰੂ
ਗਿੱਦੜਬਾਹਾ 13 ਦਸੰਬਰ(ਗੁਰਮੀਤ ਮਾਨ)
ਫੋਟੋ ਕੈਪਸਨ- ਇਤਿਹਾਸਿਕ ਗੁਰਦੁਆਰਾ ਥੇੜੀ੍ਹ ਸਾਹਿਬ
ਵਿਖੇ 84ਵੇ ਧਾਰਮਿਕ ਜੋੜ ਮੇਲੇ ਤੇ ਮਾਤਾ ਗੁਜਰੀ ਜੀ ਪਬਲਿਕ ਸਕੂਲ ਵਿੱਚ ਕਬੱਡੀ
ਟੂਰਨਾਮੈਟ ਦਾ ਉਦਘਾਟਨ ਕਰਦੇ ਮਲੋਟ ਦੇ ਵਿਧਾਇਕ ਹਰਪ੍ਰੀਤ ਸਿੰਘ ਕੋਟਭਾਈ, ਸ੍ਰੋਮਣੀ
ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਸੀਨੀਅਰ ਮੀਤ ਪ੍ਰਧਾਨ ਅਤੇ ਮੌਜੂਦਾ ਮੈਬਰ
ਜਥੇਦਾਰ ਗੁਰਪਾਲ ਸਿੰਘ ਗੋਰਾ, ਸਰਪੰਚ ਜੋਗਿੰਦਰ ਗਾਂਧੀ, ਚੇਅਰਮੈਨ ਹਜੂਰ ਸਿੰਘ ਅਤੇ
ਰਾਜੂ ਫਕਰਸਰ ਅਤੇ ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕਰਦੇ ਵਿਧਾਇਕ ਹਰਪ੍ਰੀਤ ਸਿੰਘ
ਕੋਟਭਾਈ ਅਤੇ ਜਥੇਦਾਰ ਗੁਰਪਾਲ ਸਿੰਘ। ਤਸਵੀਰ- ਮਾਨ ਗਿੱਦੜਬਾਹਾ
ਅੱਜ ਇਤਿਹਾਸਿਕ ਗੁਰਦੁਆਰਾ ਪਿੰਡ ਥੇੜੀ੍ਹ ਸਾਹਿਬ ਵਿਖੇ 84ਵੇ ਧਾਰਮਿਕ ਜੋੜ ਮੇਲਾ ਤੇ
ਦਸਮੇਸ ਟਰਨਾਮੈਟ ਕਮੇਟੀ, ਗ੍ਰਾਾਮ ਪੰਚਾਇਤ ਅਤੇ ਸਮੂਹ ਪਿੰਡ ਵਾਸੀਆਂ ਦੇ ਸਹਿਯੋਗ
ਸਥਾਨਕ ਮਾਤਾ ਗੁਜਰੀ ਜੀ ਪਬਲਿਕ ਸਕੂਲ ਵਿਖੇ ਕਬੱਡੀ ਦਾ ਟੂਰਨਾਮੈਟ ਦਾ ਦੋ ਰੋਜਾ ਅੱਜ
ਸੁਰੂ ਹੋਇਆ। ਇਸ ਟੂਰਨਾਮੈਟ ਦਾ ਉਦਘਾਟਨ ਹਲਕਾ ਮਲੋਟ ਦੇ ਵਿਧਾਇਕ ਹਰਪ੍ਰੀਤ ਸਿੰਘ
ਕੋਟਭਾਈ ਨੇ ਕੀਤਾ। ਇਸ ਮੌਕੇ ਉਹਨਾਂ ਨੇ ਕਬੱਡੀ ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕੀਤੀ
ਅਤੇ ਇਸ ਸਮੇ ਉਹਨਾਂ ਸੰਬੋਧਨ ਕਰਦਿਆਂ ਕਿਹਾ ਕਿ ' ਜਿੱਥੇ ਖੇਡਾਂ ਸਾਡੀ ਨੌਜਵਾਨ
ਪੀੜੀ੍ਹ ਨੂੰ ਨਸਿਆਂ ਤੋ ਦੂਰ ਕਰਨ ਲਈ ਪ੍ਰੇਰਿਤ ਕਰਦੀਆਂ ਹਨ, ਉਥੇ ਇਹ ਨੌਜਵਾਨਾਂ
ਨੂੰ ਚੰਗੀ ਸਿਹਤ ਸੰਭਾਲ ਨਹੀ ਵੀ ਪ੍ਰੇਰਦੀਆਂ ਹਨ। ਉਹਨਾ ਕਿਹਾ ਕਿ ਨੌਜਵਾਨ ਤੇ ਬੱਚੇ
ਦੇਸ ਦਾ ਭਵਿੱਖ ਹਨ ਜਿਨਾ੍ਹਂ ਅੱਗੇ ਜਾ ਕੇ ਵੱਖ ਵੱਖ ਖੇਤ+ਾ ਵਿੱਚ ਸਾਡੇ ਦੇਸ ਦੀ
ਕਮਾਨ ਸੰਭਾਲਣੀ ਹੈ। ਜੇਕਰ ਅਸੀ ਆਪਣੀਆਂ ਕੌਮਾਂ ਨੂੰ ਅੱਗੇ ਲਿਜਾਣਾ ਹੈ ਤਾਂ ਸਾਡੇ
ਭਵਿੱਖ ਬੱਚਿਆ ਅਤੇ ਨੌਜਵਾਨਾਂ ਨੂੰ ਰੱਖ ਕੇ ਉਚ ਉਜਵਲ ਭਵਿੱਖ ਦੀ ਨੀਹ ਰੱਖਣੀ
ਚਾਹੀਦੀ ਹੈ। ਹਰਪ੍ਰੀਤ ਸਿੰਘ ਕੋਟਭਾਈ ਨੇ ਕਿਹਾ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ
ਸਿੰਘ ਬਾਦਲ ਨੌਜਵਾਨਾਂ ਅਤੇ ਬੱਚਿਆਂ ਪ੍ਰਤੀ ਗੰਭੀਰ ਹਨ ਅਤੇ ਖੇਡਾਂ ਦੇ ਖੇਤਰ ਵਿੱਚ
ਪੰਜਾਬ ਨੂੰ ਦੁਨੀਆਂ ਭਰ ਵਿੱਚ ਮੋਹਰੀ ਸੂਬਾ ਬਣਾਉਣਾ ਚਾਹੁੰਦੇ ਹਨ। ਇਸ ਸਮੇ ਹਲਕਾ
ਮਲੋਟ ਦੇ ਵਿਧਾਇਕ ਹਰਪ੍ਰੀਤ ਸਿੰਘ ਕੋਟਭਾਈ ਨੇ ਕਬੱਡੀ ਖਿਡਾਰੀਆਂ ਨਾਲ ਜਾਣ ਪਹਿਚਾਣ
ਕੀਤੀ ਅਤੇ ਸੋਅ ਮੈਚ ਦਿਖਾਉਣ ਵਾਲੇ ਖਿਡਾਰੀਆਂ ਨੂੰ ਇਨਾਮ ਵੀ ਦਿੱਤੇ। ਇਸ ਸਮੇ
ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਸੀਨੀਅਰ ਮੀਤ ਪ੍ਰਧਾਨ ਅਤੇ ਮੌਜੂਦਾ
ਮੈਬਰ ਜਥੇਦਾਰ ਗੁਰਪਾਲ ਸਿੰਘ ਗੋਰਾ ਨੇ ਵਿਧਾਇਕ ਹਰਪ੍ਰੀਤ ਸਿੰਘ ਕੋਟਭਾਈ, ਆਏ
ਮਹਿਮਾਨਾਂ ਅਤੇ ਕਬੱਡੀ ਖਿਡਾਰੀਆਂ ਦਾ ਧੰਨਵਾਦ ਕੀਤਾ। ਇਸ ਸਮੇ ਮਾਤਾ ਗੁਜਰੀ ਜੀ
ਪਬਲਿਕ ਸਕੂਲ ਦੀ ਪ੍ਰਿਸੀਪਲ ਮੈਡਮ ਰਿੰਪਲ ਢਿੱਲੋ ਨੇ ਵਿਧਾਇਕ ਹਰਪ੍ਰੀਤ ਸਿੰਘ ਦੇ
ਸਕੂਲ ਦੇ ਗਰਾਉਡ ਅਤੇ ਸਕੂਲ ਦੇ ਦੌਰੇ ਤੇ ਧੰਨਵਾਦ ਕੀਤਾ। ਇਸ ਟੂਰਨਾਮੈਟ ਵਿੱਚ
ਜਥੇਦਾਰ ਗੁਰਪਾਲ ਸਿੰਘ ਗੋਰਾ ਤੋ ਇਲਾਵਾ , ਕੁਲਵੀਰ ਸਿੰਘ ਕੋਟਭਾਈਂ ਪੀ ਏ ਵਿਧਾਇਕ,
ਰਿੰਪਲ ਢਿੱਲੋ ਪ੍ਰਿਸੀਪਲ ਮਾਤਾ ਗੁਜਰੀ ਪਬਲਿਕ ਸਕੂਲ, ਗੁਰਦੀਪ ਸਿੰਘ ਵਾਈਸ
ਪ੍ਰਿਸੀਪਲ, ਜੋਗਿੰਦਰ ਗਾਂਧੀ ਸਰਪੰਚ, ਜਗਸੀਰ ਸਿੰਘ ਭਲਾਈ ਅਫਸਰ, ਰਾਜੂ ਫਕਰਸਰ,
ਸੁਖਮੰਦਰ ਸਿੰਘ ਚਹਿਲ, ਚੇਅਰਮੈਨ ਹਜੂਰ ਸਿੰਘ ਭੁੱਲਰ, ਮੈਬਰਜੀਤ ਸਿੰਘ ਭਾਈਕਾ,
ਰਣਜੀਤ ਸਿੰਘ ਚੱਠਾ, ਨਛੱਤਰ ਸਿੰਘ ਪੰਚ, ਗੁਰਤੇਜ ਸਿੰਘ ਤੇਜੀ ਪੰਚ, ਨੈਬ ਸਿੰਘ,
ਜੀਤਾ ਰਾਮ, ਮਿਲਖੀ ਰਾਮ, ਮੈਗਲ ਸਿੰਘ ਭੁੱਲਰ, ਜਸਵਿੰਦਰ ਸਿੰਘ ਭੁੱਲਰ, ਜਸਮੇਲ ਸਿੰਘ
ਫਕਰਸਰ, ਅਵਤਾਰ ਸਿੰਘ ਫੌਜੀ,ਜਸਵਿੰਦਰ ਸਿੰਘ ਭੁੱਲਰ, ਰਛਪਾਲ ਸਿੰਘ ਸੈਕਟਰੀ, ਮੰਦਰ
ਸਿੰਘ ਬੀ ਪੱਚੀ, ਸੁਖਮੰਦਰ ਸਿੰਘ ਚਹਿਲ, ਗੁੱਡ ਭਾਈਕਾ, ਹਰਸਪਿੰਦਰ ਹਰੀ, ਰੋਮੀ
ਭਾਈਕਾ, ਕੰਵਰਜੀਤ ਰਾਜਾ, ਇਕਬਾਲ ਸਿੰਘ ਭੁੱਲਰ, ਗਿੰਦਰ ਸਿੰਘ, ਰਾਜਾ ਸਿੰਘ ਪੰਚ,
ਲਾਲੀ ਭਾਈਕਾ, ਮੰਦਰ ਸਿੰਘ ਗੁਰੂਸਰ, ਕਾਕਾ ਸਿੰਘ ਦੰਦੀਵਾਲ, ਬਲਜੀਤ ਸਿੰਘ ਖਿਉਵਾਲੀ,
ਸੱਤਪਾਲ ਸਿੰਘ ਲੰਬੀ, ਗੁਰਮੇਲ ਸਿੰਘ ਭੀਟੀਵਾਲਾ, ਦੇਸ ਰਾਜ ਸਾਬਕਾ ਸਰਪੰਚ, ਇਕਬਾਲ
ਸਿੰਘ ਪ੍ਰਧਾਨ,ਸੁਲਖਲ ਸਿੰਘ ਪ੍ਰਧਾਨ, ਮੰਦਰ ਸਿੰਘ ਫਕਰਸਰ, ਡਾ ਦਰਸਨ ਸਿੰਘ, ਰਣਜੀਤ
ਸਿੰਘ ਨੰਬਰਦਾਰ ਦੌਲਾ, ਬਖਤੌਰ ਸਿੰਘ, ਮਲਕੀਤ ਚੱਠਾ, ਬਲਦੇਵ ਸਿੰਘ ਚੱਠਾ, ਗੋਰਾ
ਸਿੰਘ ਭੁੱਚੋਵਾਲਾ, ਗੁਰਸੇਵਕ ਭਾਈਕਾ, ਦਰਸਨ ਭਾਈਕਾ, ਗੁਰਦੀਪ ਸਿੰਘ ਭਾਈਕਾ, ਮੈਡਮ
ਸਰਬਜੀਤ ਕੌਰ, ਮੈਡਮ ਪ੍ਰਮਿੰਦਰ ਕੌਰ, ਮੈਡਮ ਮਨਜੀਤ ਕੌਰ ਨੇ ਵਿਸੇਸ ਸਹਿਯੋਗ ਦੇ ਰਹੇ
ਹਨ।
ਰਣਬੀਰ ਕਲਬ ਵਿਖੇ 22 ਵੀਂ ਪੰਜਾਬ
ਸੀਨੀਅਰ ਸਟੇਟ ਤਲਵਾਰਬਾਜੀ ਚੈਂਪੀਅਨਸ਼ਿਪ ਸੁਰੂ
ਸੰਗਰੂਰ 12 ਦਸੰਬਰ
ਅੱਜ ਇਥੋਂ ਦੇ ਰਣਬੀਰ ਕਲਬ ਵਿਖੇ 22 ਵੀਂ
ਪੰਜਾਬ ਸੀਨੀਅਰ ਸਟੇਟ ਤਲਵਾਰਬਾਜੀ ਚੈਂਪੀਅਨਸ਼ਿਪ ਸੁਰੂ ਹੋ ਗਈ। ਜਿਸ ਦਾ ਉਦਘਾਟਨ
ਨੌਨਿਹਾਲ ਸਿੰਘ ਐਸ.ਐਸ.ਪੀ ਸੰਗਰੂਰ ਨੇ ਕੀਤਾ। ਇਸ ਮੌਕੇ ਉਹਨਾਂ ਨੇ ਖਿਡਾਰੀਆਂ ਨੂੰ
ਆਸ਼ੀਰਵਾਦ ਦਿੰਦਿਆਂ ਕਿਹਾ ਕਿ ਇਹ ਬਹੁਤ ਹੀ ਵਧੀਆ ਖੇਡ ਹੈ। ਸ੍ਰੀ ਅਨੂ ਕਪੂਰ ਸੰਗਰੂਰ
ਦੀ ਅਗਵਾਈ ਵਿਚ ਖਿਡਾਰੀ ਅਤੇ ਖਿਡਾਰਨਾਂ ਨੇ ਸੱਚੀ ਸੁਚੀ ਖੇਡ ਭਾਵਨਾ ਨਾਲ ਖੇਡਣ ਦੀ
ਸੁੰਹ ਚੁਕੀ। ਸ੍ਰੀ ਇੰਦਰਮੋਹਨ ਸਿੰਘ ਮੀਤ ਪ੍ਰਧਾਨ ਪੰਜਾਬ ਤਲਵਾਰਬਾਜੀ ਐਸੋਸਿਏਸ਼ਨ ਨੇ
ਦੱਸਿਆ 3 ਦਿਨਾਂ ਤਕ ਚਲਣ ਵਾਲੀ ਇਸ ਚੈਂਪੀਅਨਸ਼ਿਪ ਵਿਚ ਪੰਜਾਬ ਦੇ ਸਾਰੇ ਜਿਲਿਆਂ ਤੋਂ
400 ਖਿਡਾਰੀ ਭਾਗ ਲੈ ਰਹੇ ਹਨ। ਇਸ ਮੌਕ ਤੇਜਿੰਦਰੇ ਸਿੰਘ ਵਾਲਿਆ ਪ੍ਰਧਾਨ ਜਿਲਾ
ਤਲਵਾਰਬਾਜੀ ਐਸੋਸੀਏਸ਼ਨ ਸੰਗਰੂਰ ਨੇ ਸਭਨਾ ਦਾ ਸਵਾਗਤ ਕੀਤਾ।
ਕ੍ਰਿਕਟ ਟੀਮ ਨਾ ਕਰੇ ਪਾਕਿ
ਦੌਰਾ:ਗਿੱਲ
ਨਵੀਂ ਦਿੱਲੀ, ਸ਼ੁਕਰਵਾਰ, 12 ਦਿਸੰਬਰ 2008
ਕੇਂਦਰੀ ਖੇਡ ਮੰਤਰੀ ਐਮਐਸ ਗਿੱਲ ਨੇ ਅੱਜ ਗੁਆਂਢੀ ਦੇਸ਼ ਪਾਕਿਸਤਾਨ ਨੂੰ ਸਖਤ ਸੁਨੇਹਾ
ਦਿੰਦਿਆਂ ਦੋ ਟੂਕ ਸ਼ਬਦਾਂ ਵਿਚ ਕਿਹਾ ਕਿ ਅੱਤਵਾਦੀ ਹਮਲਿਆਂ ਦੇ ਮੱਦੇਨਜ਼ਰ ਭਾਰਤੀ
ਕ੍ਰਿਕਟ ਟੀਮ ਨੂੰ ਪਾਕਿਸਤਾਨ ਦਾ ਦੌਰਾ ਨਹੀਂ ਕਰਨਾ ਚਾਹੀਦਾ.ਉਹਨਾਂ ਕਿਹਾ ਕਿ
ਪਾਕਿਸਤਾਨ ਵਿਚ ਜਾ ਕੇ ਕ੍ਰਿਕਟ ਖੇਡਣ ਦਾ ਇਹ ਸਹੀ ਸਮਾਂ ਨਹੀਂ ਹੈ ਕਿਉਂ ਜੋ
ਪਾਕਿਸਤਾਨ ਦੇ ਲੋਕ ਹੀ ਭਾਰਤ ਵਿਚ ਨਰਸੰਹਾਰ ਵਿਚ ਸ਼ਾਮਲ ਹਨ.ਉਹਨਾਂ ਸਵਾਲ ਕੀਤਾ ਕਿ
ਕੀ ਇਹ ਸੰਭਵ ਹੈ ਕਿ ਇੱਕ ਟੀਮ ਮੁੰਬਈ ਆਵੇ ਅਤੇ ਸਮੂਹਕ ਨਰਸੰਹਾਰ ਕਰੇ ਅਤੇ ਇੱਕ ਹੋਰ
ਟੀਮ ਫੌਰਨ ਮਗਰੋਂ ਲਾਹੌਰ ਜਾ ਕੇ ਕ੍ਰਿਕਟ ਖੇਡੇ.ਉਹਨਾਂ ਕਿਹਾ ਕਿ ਉਹ ਟੀਮ ਦੇ
ਪਾਕਿਸਤਾਨ ਵਿਚ ਖੇਡਣ ਦੇ ਪੱਖ ਵਿਚ ਨਹੀਂ ਹਨ ਪਰ ਆਖਰੀ ਫੈਸਲਾ ਸਰਕਾਰ ਨੇ ਕਰਨਾ
ਹੈ.ਜ਼ਿਕਰਯੋਗ ਹੈ ਕਿ ਖੇਡ ਮੰਤਰੀ ਦੀ ਇਹ ਪ੍ਰਤੀਕ੍ਰਿਆ ਅਜਿਹੇ ਵੇਲ੍ਹੇ ਆਈ ਹੈ ਜਦੋਂ
ਪਾਕਿਸਤਾਨੀ ਕ੍ਰਿਕਟ ਬੋਰਡ ਦੇ ਪ੍ਰਧਾਨ ਐਜ਼ਾਜ ਬੱਟ ਨੇ ਲੜ੍ਹੀ ਬਚਾਉਣ ਦੀ ਕਵਾਇਅ
ਅਧੀਨ ਚੇਨੱਈ ਵਿਚ ਆਈਸੀਸੀ ਦੇ ਮੁੱਖ ਕਾਰਜਕਾਰੀ ਹਾਰੂਨ ਲੋਗਾਰਟ ਅਤੇ ਬੀਸੀਸੀਆਈ
ਅਧਿਕਾਰੀਆਂ ਨਾਲ ਮਿਲਣਾ ਹੈ.
ਭਾਰਤ ਨੇ ਬਰਾਬਰੀ 'ਤੇ ਰੋਕਿਆ ਅਰਜਨਟੀਨਾ ਨੂੰ
ਬਿਉਨਰਸ ਆਇਰਸ, 12 ਦਿਸੰਬਰ 2008
ਵਿੰਗਰ ਪ੍ਰਮੋਦ ਕੁਮਾਰ ਦੇ ਆਖਰੀ ਪਲਾਂ ਵਿਚ ਦਾਗੇ ਗੋਲ ਸਦਕਾ ਭਾਰਤੀ ਹਾਕੀ ਟੀਮ ਨੇ
ਇੱਥੇ ਕਲੱਬ ਸਿਉਦਾਦ ਡੀ ਵਿਖੇ ਤੀਜੇ ਅੰਡਰ 21 ਹਾਕੀ ਟੈਸਟ ਮੈਚ ਵਿਚ ਵਿਸ਼ਵ ਚੈਂਪੀਅਨ
ਅਰਜਨਟੀਨਾ ਨੂੰ 2-2 ਦੀ ਬਰਾਬਰੀ ਉੱਪਰ ਰੋਕ ਦਿੱਤਾ.
ਚਾਰ ਮੈਚਾਂ ਦੀ ਲੜ੍ਹੀ ਦਾ ਪਹਿਲਾ ਮੈਚ ਸੋਮਵਾਰ ਨੂੰ ਭਾਰਤ ਨੇ ਜਿੱਤਿਆ ਸੀ ਜਦੋਂ ਕਿ
ਦੂਜਾ ਮੈਚ ਡਰਾਅ ਰਿਹਾ ਸੀ.ਭਾਰਤ ਮੱਧ ਕਾਲ ਵੇਲ੍ਹੇ 1-0 ਨਾਲ ਅੱਗੇ ਸੀ ਪਰ ਟੀਮ ਛੇ
ਪੈਨਲਟੀ ਕਾਰਨਰਾਂ ਨੂੰ ਗੋਲ ਵਿਚ ਤਬਦੀਲ ਕਰਨ ਵਿਚ ਨਾਕਾਮ ਰਹੀ ਜਿਸ ਦਾ ਸਿੱਟਾ ਉਸ
ਨੂੰ ਭੁਗਤਣਾ ਪਿਆ.ਭਾਰਤ ਹਾਲਾਂਕਿ ਭਾਗਸ਼ਾਲੀ ਰਿਹਾ ਅਤੇ ਮੈਚ ਡਰਾਅ ਕਰਾਉਣ ਵਿਚ
ਸਫਲਤਾ ਹਾਸਲ ਕੀਤੀ.ਕਪਤਾਨ ਦਿਵਾਕਰ ਰਾਮ ਬਿਲਕੁਲ ਵੀ ਫਾਰਮ ਵਿਚ ਵਿਖਾਈ ਨਹੀਂ ਦਿੱਤੇ
ਅਤੇ ਆਪਣੀ ਡ੍ਰੈਗ ਫਲਿੱਕ ਨਾਲ ਗੋਲ ਕਰਨ ਵਿਚ ਨਾਕਾਮ ਰਹੇ.ਦਿਵਾਕਰ ਦੀ ਚੌਥੀ ਕੋਸ਼ਿਸ਼
ਉੱਪਰ ਹਾਲਾਂਕਿ ਰੀਬਾਉਂਡ ਹੋ ਕੇ ਆਈ ਗੇਂਦ ਨੂੰ ਗੋਲ ਵਿਚ ਤਬਦੀਲ ਕਰਕੇ ਮੰਦੀਪ
ਅੰਤਿਲ ਨੇ 32ਵੇਂ ਮਿੰਟ ਵਿਚ ਭਾਰਤ ਨੂੰ ਵਾਧਾ ਦੁਆਇਆ.ਇਸ ਤੋਂ ਪਹਿਲਾਂ ਅਰਜਨਟੀਨਾ
ਨੇ ਮਜ਼ਬੂਤ ਡਿਫੈਂਸ ਸਦਕਾ ਸਟ੍ਰਾਇਕਰ ਜੈ ਕਰਨਾਤੇ ਪ੍ਰਮੋਦ ਕੁਮਾਰ ਦੇ ਹਮਲਿਆਂ ਨੂੰ
ਨਾਕਾਮ ਕਰ ਦਿੱਤਾ.
ਨੰਗਲ 10 ਦਸੰਬਰ(ਕੁਲਦੀਪ)
ਅਜ ਭਾਖੜਾ ਬਿਆਸ ਪ੍ਰਬੰਧਕ ਬੋਰਡ ਦੀ ਕੇਂਦਰੀ ਖੇਡ ਸਮਿਤੀ ਵਲੋਂ 13ਵਾਂ ਅੰਤਰ ਪਾਵਰ ਖੇਡ ਬੋਰਡ ਵਾਲੀਵਾਰ ਟੂਰਨਾਂਮੈਂਟ ਦਾ ਆਯੋਜਨ ਕੀਤਾ ਗਿਆ। ਸਥਾਨਕ ਕ੍ਰਿਕਟ ਗਰਾਊਂਡ ਵਿਚ ਇਸਦਾ ਉਦਘਾਟਨ ਖੇਲ ਸਮਿਤੀ ਦੇ ਪ੍ਰਧਾਨ ਇੰਜੀਨੀਅਰ ਵੀ.ਬੀ.ਬੱਸੀ ਨੇ ਕੀਤਾ । ਇਸ ਉਦਘਾਟਨ ਸਮਾਰੋਹ ਵਿਚ ਚੀਫ ਇੰਜਿਨੀਅਰ ਭਾਖੜਾ ਡੈਮ ਸ੍ਰ: ਬਲਦੇਵ ਸਿੰਘ, ਸ਼੍ਰੀ ਏ.ਐਸ.ਊਭੀ, ਜਰਨਲ ਸਕੱਤਰ ਕੇਂਦਰੀ ਖੇਲ ਕਮੇਟੀ ਇੰਜੀਨੀਅਰ ਏ.ਕੇ ਪੁਰੀ, ਆਦਿ ਵਿਸ਼ੇਸ਼ ਤੋਰ ਤੇ ਹਾਜ਼ਰ ਸਨ। ਇਹ ਟੂਰਨਾਮੈਂਟ ਤਿੰਨ ਦਿਨ ਚੱਲੇਗਾ ਅਤੇ ਇਸ ਵਿਚ ਦੇਸ਼ ਦੇ ਵੱਖ ਵੱਖ ਪਾਵਰ ਪ੍ਰੋਜੈਕਟਾਂ ਦੀਆਂ ਟੀਮਾਂ ਭਾਗ ਲੈਣਗੀਆਂ। ਉਦਘਾਟਨ ਸਮਾਰੋਹ ਵਿਚ ਬੋਲਦਿਆਂ ਇੰਜੀਨੀਅਰ ਬੱਸੀ ਨੇ ਕਿਹਾ ਕਿ ਇਨ੍ਹਾਂ ਖੇਡਾਂ ਨਾਲ ਮੁਲਾਜ਼ਮਾਂ ਵਿਚ ਨਵਾਂ ਉਤਸ਼ਾਹ ਤੇ ਜੋਸ਼ ਪੈਦਾ ਹੁੰਦਾ ਹੈ। ਉਨ੍ਹਾ ਇਸ ਟੂਰਨਾਂਮੈਂਟ ਦੇ ਅਯੋਜਨ ਨੂੰ ਇਕ ਸਲਾਘਾਂ ਯੋਗ ਕਦਮ ਦੱਸਿਆ। ਇਸ ਮੋਕੇ ਤੇ ਕਮੇਟੀ ਵਲੋਂ ਟੀਮਾਂ ਨਾਲ ਮੁਲਾਕਾਤ ਵੀ ਕੀਤੀ ਗਈ ਅਤੇ ਟੀਮਾਂ ਵਲੋਂ ਮਾਰਚ ਪਾਸਟ ਵੀ ਕੀਤਾ ਗਿਆ। ਇਸ ਮੋਕੇ ਤੇ ਹੋਰਨਾਂ ਤੋ ਇਲਾਵਾਂ ਪੀ ਡੀ ਬੰਗੜ, ਇੰਜੀ: ਐਚ ਐਸ ਢੱਲ, ਯੂਨੀਅਨ ਆਗੂ ਰਹਿਮਤ ਅਲੀ, ਅਤੇ ਵਰਿੰਦਰ ਠਾਕੁਰ ਹਾਜ਼ਰ ਸਨ।
ਮਾਲਵੇ ਦੇ ਕਬੱਡੀ ਖਿਡਾਰੀ ਘੋਨੀ ਰਾਣੀਵਾਲਾ
ਗਿੱਦੜਬਾਹਾ (ਮੁਕਤਸਰ)-10 ਦਸੰਬਰ--ਜਸਪ੍ਰੀਤ ਸਿੰਘ ਭਲਾਈਆਣਾ
ਜੇਕਰ ਮਾਲਵੇ ਦੇ ਚੋਟੀ ਦੇ ਕਬੱਡੀ ਖਿਡਾਰੀਆਂ ਦੀ ਗੱਲ ਕਰੀਏ ਤਾਂ ਨਿਰਵੈਰ ਸਿੰਘ ਉਰਫ ਘੋਨੀ ਰਾਣੀਵਾਲਾ ਦਾ ਨਾਂਅ ਆਪਮੁਹਾਰੇ ਚੇਤੇ ਆ ਜਾਂਦਾ ਹੈ। ਛੋਟੀ ਉਮਰੇ ਵੱਡੀਆਂ ਮੱਲਾਂ ਮਾਰ ਕੇ ਅੰਤਰਰਾਸ਼ਟਰੀ ਪ੍ਰਸਿੱਧੀ ਖੱਟ ਚੁੱਕੇ ਇਸ ਨੌਜਵਾਨ ਦਾ ਜਨਮ ਜ਼ਿਲ੍ਹਾ ਮੁਕਤਸਰ ਦੀ ਬੁੱਕਲ ਵਿਚ ਵਸੇ ਪਿੰਡ ਰਾਣੀਵਾਲਾ ਵਿਚ ਪਿਤਾ ਸ: ਸ਼ੇਰ ਸਿੰਘ ਦੇ ਗ੍ਰਹਿ ਵਿਖੇ ਮਾਤਾ ਸ੍ਰੀਮਤੀ ਅਮਰਜੀਤ ਕੌਰ ਦੀ ਕੁੱਖੋਂ 6 ਫ਼ਰਵਰੀ 1985 ਨੂੰ ਹੋਇਆ। ਇਸ ਨੌਜਵਾਨ ਖਿਡਾਰੀ ਨੇ ਕਬੱਡੀ ਦੀ ਸ਼ੁਰੂਆਤ ਪਿੰਡ ਵਿਚ 57 ਕਿਲੋ ਤੋਂ ਲਗਭਗ 5 ਸਾਲ ਪਹਿਲਾਂ ਕੀਤੀ। ਕਬੱਡੀ ਦੇ ਮੁਢਲੇ ਗੁਣ ਰਾਜਿੰਦਰਾ ਕਾਲਜ ਬਠਿੰਡਾ ਪੜ੍ਹਦਿਆਂ ਸਿੱਖੇ ਤੇ ਯੂਨੀਵਰਸਿਟੀ ਪੱਧਰ 'ਤੇ ਟਾਪ ਕੀਤਾ। ਉਸ ਤੋਂ ਬਾਅਦ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਤੇ ਪ੍ਰਸਿੱਧ ਕਬੱਡੀ ਕੋਚ ਹਰਪ੍ਰੀਤ ਸਿੰਘ ਬਾਬਾ ਕਮਾਲੂ ਦੀ ਸਵੱਲੀ ਨਜ਼ਰ ਨੇ ਆਪ ਨੂੰ ਹਰਜੀਤ ਅੰਤਰਰਾਸ਼ਟਰੀ ਕਬੱਡੀ ਕਲੱਬ ਬਾਜਾਖਾਨਾ ਵਿਚ ਸ਼ਾਮਿਲ ਕਰਕੇ ਕਬੱਡੀ ਦੇ ਅਨੇਕਾਂ ਨਵੇਂ ਗੁਣ ਸਿਖਾਉਣ ਦੀ ਜ਼ਿੰਮੇਵਾਰੀ ਨੂੰ ਬਾਖੂਬੀ ਨਿਭਾਇਆ। ਘੋਨੀ ਨੂੰ 2005 ਵਿਚ ਪਹਿਲੀ ਵਾਰ ਸਿੰਘ ਸਭਾ ਬਾਰਕਿੰਗ ਕਬੱਡੀ ਕਲੱਬ ਵੱਲੋਂ ਇੰਗਲੈਡ ਵਿਚ ਖੇਡਣ ਦਾ ਮੌਕਾ ਮਿਲਿਆ। ਲੰਬੀ ਦੇ ਖੇਡ ਮੇਲੇ 'ਤੇ 2004, 05 ਤੇ 06 ਵਿਚ ਬੈਸਟ ਰੇਡਰ ਵਜੋਂ ਸੋਨੇ ਦੀ ਮੁੰਦਰੀ ਨਾਲ ਵਿਸ਼ੇਸ਼ ਸਨਮਾਨ ਮਿਲ ਚੁੱਕੇ ਹਨ, ਜਦਕਿ ਇੰਡੋ-ਕੈਨੇਡੀਅਨ ਕੱਪ ਬਠਿੰਡਾ ਤੇ ਬਾਜਾਖਾਨਾ ਕੱਪ 'ਤੇ ਵੀ ਅਨੇਕਾਂ ਵਾਰ ਬੈਸਟ ਰੇਡਰ ਹੋਣ ਦਾ ਮਾਣ ਪ੍ਰਾਪਤ ਹੈ। ਘੋਨੀ ਦਾ ਕਹਿਣਾ ਹੈ ਕਿ ਉਸ ਲਈ ਸਭ ਤੋਂ ਵੱਡਾ ਸਨਮਾਨ ਲੋਕਾਂ ਵੱਲੋਂ ਮਿਲਦਾ ਅਥਾਹ ਪਿਆਰ ਹੈ। ਪ੍ਰਮਾਤਮਾ ਕਰੇ, ਇਹ ਖਿਡਾਰੀ ਹੋਰ ਬੁਲੰਦੀਆਂ ਸਰ ਕਰੇ।
ਯੁਵਰਾਜ ਸਿੰਘ ਅੰਤਿਮ ਇਕ ਦਿਨਾ 'ਚ ਸ਼ਾਮਲ
ਚੇਨਈ , ਬੁੱਧਵਾਰ, 10 ਦਿਸੰਬਰ 2008
ਯੁਵਰਾਜ ਸਿੰਘ ਅੱਠ ਮਹੀਨਿਆਂ 'ਚ ਪਹਿਲ ਟੈਸਟ ਖੇਡਣਗੇ,ਜਿਨ੍ਹਾ ਨੂੰ ਇੰਗਲੈਂਡ ਖਿਲਾਫ਼
ਕੱਲ੍ਹ ਤੋਂ ਸ਼ੁਰੂ ਹੋ ਰਹੇ ਪਹਿਲੇ ਟੈਸਟ ਦੇ ਲਈ ਭਾਰਤ ਦੀ ਅੰਤਿਮ ਇੱਕ ਦਿਨਾ 'ਚ
ਜਗ੍ਹਾ ਦਿੱਤੀ ਗਈ ਹੈ।ਯੁਵਰਾਜ ਨੇ ਟੀਮ 'ਚ ਸੌਰਵ ਗਾਂਗੁਲੀ ਦੀ ਜਗ੍ਹਾ ਲਈ ਹੈ,ਜੋ
ਆਸਟ੍ਰੇਲੀਆ ਖਿਲਾਫ਼ ਹਾਲੀਆ ਟੈਸਟ ਲੜੀ ਦੇ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ
ਕਹਿ ਚੁੱਕੇ ਹਨ।ਨਾਗਪੁਰ 'ਚ ਆਸਟ੍ਰੇਲੀਆ ਖਿਲਾਫ਼ ਆਖਰੀ ਟੈਸਟ ਖੇਡਣ ਵਾਲੀ ਟੀਮ 'ਚ
ਇੱਕ ਮਾਤਰ ਇਹੀ ਬਦਲਾਅ ਹੈ।ਯੁਵਰਾਜ ਨੇ ਆਖਰੀ ਟੈਸਟ ਕਾਨ੍ਹਪੁਰ 'ਚ ਅਪ੍ਰੈਲ 'ਚ
ਦੱਖਣੀ ਅਫ਼ਰੀਕਾ ਦੇ ਖਿਲਾਫ਼ ਖੇਡਿਆ ਸੀ।ਇੰਗਲੈਂਡ ਖਿਲਾਫ਼ ਹਾਲੀਆ ਇੱਕ ਦਿਨਾ ਲੜੀ 'ਚ
ਦੋ ਸੈਂਕੜੇ ਜਮ੍ਹਾਉਣ ਵਾਲੇ ਯੁਵਰਾਜ ਇਸ ਸਮੇਂ ਬਿਹਤਰੀਨ ਫਾਰਮ 'ਚ ਹਨ।ਤਮਿਲਨਾਢੂ ਦੇ
ਬੱਲੇਬਾਜ਼ ਐਸ.ਬਦਰੀਨਾਥ ਅਤੇ ਮੁਰਲੀ ਵਿਜੈ ਤੇਜ ਗੇਂਦਬਾਜ਼ ਮੁਨਾਫ਼ ਪਟੇਲ ਅਤੇ ਸੱਜੇ
ਹੱਥ ਦੇ ਸਪਿੰਨਰ ਪ੍ਰਗਿਆਨ ਓਝਾ ਨੂੰ ਅੰਤਿਮ ਇਕ ਦਿਨਾ 'ਚ ਜਗ੍ਹਾ ਨਹੀਂ ਮਿਲ ਸਕੀ
ਹੈ।ਭਾਰਤੀ ਟੀਮ ਇਸ ਮੈਚ 'ਚ ਸੱਤ ਬੱਲੇਬਾਜ਼ਾਂ ਅਤੇ ਚਾਰ ਨਿਯਮਿਤ ਗੇਂਦਬਾਜ਼ਾਂ ਨਾਲ
ਉਤਰੇਗੀ।ਜ਼ਹੀਰ ਖਾਨ ਅਤੇ ਈਸ਼ਾਂਤ ਸ਼ਰਮਾਂ ਤੇਜ਼ ਗੇਂਦਬਾਜ਼ੀ ਦਾ ਮੋਰਚਾ
ਸੰਭਾਲਣਗੇ,ਜਦੋਂਕਿ ਹਰਭਜਨ ਸਿੰਘ ਅਤੇ ਅਮਿਤ ਮਿਸ਼ਰਾ 'ਤੇ ਸਪਿੰਨ ਦਾ ਦਾਰੋਮਦਾਰ
ਹੋਵੇਗਾ।ਟੀਮ:ਮਹਿੰਦਰ ਸਿੰਘ ਧੋਨੀ (ਕਪਤਾਨ),ਵੀਰੇਂਦਰ ਸਹਿਵਾਗ,ਗੌਤਮ ਗੰਭੀਰ,ਰਾਹੁਲ
ਦ੍ਰਵਿੜ,ਸਚਿਨ ਤੇਂਦੁਲਕਰ,ਵੀਵੀਐਸ ਲਕਸ਼ਮਣ,ਯੁਵਰਾਜ ਸਿੰਘ,ਜ਼ਹੀਰ ਖਾਨ,ਹਰਭਜਨ ਸਿੰਘ
ਅਮਿਤ ਮਿਸ਼ਰਾ ਅਤੇ ਇਸ਼ਾਂਤ ਸ਼ਰਮਾਂ।
ਆਨੰਦ ਪਤੀ ਵਜੋਂ ਬਿਹਤਰੀਨ ਪੈਕੇਜ:ਅਰੁਣਾ
ਨਵੀਂ ਦਿੱਲੀ, 10 ਦਿਸੰਬਰ 2008
ਸ਼ਤਰੰਜ ਦੇ ਬਾਦਸ਼ਾਹ ਵਿਸ਼ਵ ਚੈਂਪੀਅਨ ਵਿਸ਼ਵ ਨਾਥਨ ਆਨੰਦ ਨੇ ਕਾਮਯਾਬੀ ਦੀਆਂ ਬੁਲੰਦੀਆਂ
'ਤੇ ਪੁੱਜਣ ਦੇ ਬਾਵਜੂਦ ਆਪਣੇ ਪੈਰ ਹਮੇਸ਼ਾ ਜਮੀਨ ਉੱਪਰ ਰਹਿਣ ਦਿੱਤੇ ਹਨ ਅਤੇ ਉਹਨਾਂ
ਦੀ ਇਸੇ ਸਾਦਗੀ ਨੂੰ ਉਹਨਾਂ ਦੀ ਪਤਨੀ ਅਰੁਣਾ ਵੱਡੀ ਤਾਕਤ ਮੰਨਦੀ ਹੈ.ਆਨੰਦ ਦੇ
39ਵੇਂ ਜਨਮਦਿਨ ਤੋਂ ਪਹਿਲਾਂ ਅਰੁਣਾ ਨੇ ਭਾਸ਼ਾ ਨੂੰ ਚੇਨੱਈ ਤੋਂ ਦਿੱਤੀ ਇੰਟਰਿਉ ਵਿਚ
ਕਿਹਾ ਕਿ ਉਹ ਪਤੀ ਦੇ ਰੂਪ ਵਿਚ ਇੱਕ ਬਿਹਤਰੀਨ ਪੈਕੇਜ ਹਨ ਅਤੇ ਉਹਨਾਂ ਨੂੰ ਜਾਨਣ
ਵਾਲਿਆਂ ਨੂੰ ਪਤਾ ਹੈ ਕਿ ਸਫਲਤਾ ਉਹਨਾਂ ਦੇ ਸਿਰ ਚੜ੍ਹ ਕੇ ਨਹੀਂ ਬੋਲਦੀ.ਉਹਨਾਂ
ਕਿਹਾ ਕਿ ਮੇਰਾ ਆਨੰਦ ਨਾਲ ਮਾਪਿਆਂ ਨੇ ਵਿਆਹ ਕੀਤਾ ਅਤੇ ਜਦੋਂ ਉਹ ਮੈਨੂੰ ਵੇਖਣ ਆਏ
ਉਦੋਂ ਵੀ ਬਹੁਤ ਵੱਡੇ ਹਸਤੀ ਸਨ.ਮੈਂ ਡਰੀ ਹੋਈ ਸੀ ਕਿ ਕੀ ਗੱਲ ਕਰਾਂਗੀ ਪਰ ਉਹਨਾਂ
ਨਾਲ ਗੱਲ ਕਰਕੇ ਲੱਗਾ ਹੀ ਨਹੀਂ ਕਿ ਮੈਂ ਇੰਨੀ ਵੱਡੀ ਹਸਤੀ ਨਾਲ ਮਿਲ ਰਹੀ ਹਾਂ.ਅੱਜ
ਵੀ ਕੁੱਝ ਨਹੀਂ ਬਦਲਿਆ ਪਰ ਉਹਨਾਂ ਨਾਲ ਗੱਲ ਕਰਕੇ ਲੱਗਾ ਹੀ ਨਹੀਂ ਕਿ ਮੈਂ ਇੰਨ੍ਹੀ
ਵੱਡੀ ਹਸਤੀ ਨਾਲ ਮਿਲ ਰਹੀ ਹਾਂ.ਅੱਜ ਵੀ ਕੁੱਝ ਨਹੀਂ ਬਦਲਿਆ.ਵਿਸ਼ਵ ਚੈਂਪੀਅਨ ਬਨਣ
ਮਗਰੋਂ ਵੀ ਉਹ ਉਹੋ ਜਿਹੇ ਹੀ ਹਨ.ਜ਼ਿਕਰਯੋਗ ਹੈ ਕਿ ਸ਼ਤਰੰਜ ਦੇ ਇਤਿਹਾਸ ਵਿਚ ਤਿੰਨੋਂ
ਖਰੜੇ ਨਾਕ ਆਉਟ ਟੂਰਨਾਮੈਂਟ ਅਤੇ ਮੈਚਾਂ ਵਿਚ ਵਿਸ਼ਵ ਚੈਂਪੀਅਨਸ਼ਿਪ ਜਿੱਤਣ ਵਾਲੇ ਆਨੰਦ
ਦੁਨੀਆਂ ਦੇ ਇਕੱਲੇ ਖਿਡਾਰੀ ਹਨ ਅਤੇ ਉਹਨਾਂ ਨੇ ਇਸੇ ਸਾਲ ਰੂਸ ਦੇ ਵਲਾਦੀਮੀਰ
ਕ੍ਰਾਮਨਿਕ ਨੂੰ ਹਰਾ ਕੇ ਵਿਸ਼ਵ ਚੈਂਪੀਅਨ ਦਾ ਆਪਣਾ ਦਰਜਾ ਵੀ ਬਰਕਰਾਰ ਰੱਖਿਆ.
ਲੰਦਨ (pp), 9 ਦਿਸੰਬਰ 2008 -ਇੰਗਲੈਂਡ ਦੇ ਆਲ ਰਾਊਂਡਰ ਐਂਡ੍ਰਿਯੂ ਫਲਿੰਟਆਫ਼ ਨੇ ਕਿਹਾ ਹੈ ਕਿ ਟੈਸਟ ਲੜੀ ਲਈ ਭਾਰਤ ਦੌਰੇ 'ਤੇ ਪਰਤਣ ਦੇ ਫੈਸਲੇ ਦਾ ਇੰਡੀਅਨ ਪ੍ਰੀਮੀਅਰ ਲੀਗ ਨਾਲ ਕੁੱਝ ਲੈਣਾ ਦੇਣਾ ਨਹੀਂ ਹੈ ਅਤੇ ਉਨ੍ਹਾ ਨੇ ਭਰੋਸਾ ਦਿਵਾਇਆ ਹੈ ਕਿ ਵੀਰਵਾਰ ਤੋਂ ਸ਼ੁਰੂ ਹੋਣ ਵਾਲੀ ਲੜੀ 'ਚ ਸੁਰੱਖਿਆ ਦਾ ਮੁੱਦਾ ਉਨ੍ਹਾ ਦੇ ਖਿਡਾਰੀਆਂ ਦੇ ਲਈ ਧਿਆਨ ਭਟਕਾਉਣ ਵਾਲਾ ਨਹੀਂ ਹੋਵੇਗਾ। ਫਲਿੰਟਆਫ਼ ਨਾਲ ਸਟੀਵ ਹਾਰਮੀਸਨ ਅਤੇ ਗ੍ਰੀਮ ਸਵਾਨ ਨੂੰ ਪਿੱਛਲੇ ਮਹੀਨੇ ਮੁੰਬਈ 'ਚ ਅੱਤਵਾਦੀ ਹਮਲਿਆਂ ਬਾਅਦ ਭਾਰਤ ਦੌਰੇ ਦੇ ਲਈ ਕੁੱਝ ਇਤਰਾਜ ਸੀ,ਲੇਕਿਨ ਇਹ ਕ੍ਰਿਸ਼ਮਿਆਈ ਆਲ ਰਾਊਂਡਰ ਬਾਅਦ 'ਚ ਟੈਸਟ ਟੀਮ ਨਾਲ ਜੁੜ ਗਿਆ,ਲੇਕਿਨ ਇਸ 'ਤੇ ਉਨ੍ਹਾ ਦਾ ਕਹਿਣਾ ਹੈ ਕਿ ਭਾਰਤ ਆਉਣ ਦੇ ਫੈਸਲੇ ਦਾ ਆਈਪੀਐਲ ਨਾਲ ਕੁੱਝ ਲੈਣਾ ਦੇਣਾ ਨਹੀਂ ਹੈ। ਦ ਡੇਲੀ ਟੈਲੀਗ੍ਰਾਫ਼ ਤੋਂ ਫਲਿੰਟਆਫ਼ ਨੇ ਕਿਹਾ ਹੈ ਕਿ ਸਭ ਤੋਂ ਮਹੱਤਵਪੂਰਣ ਸੁਰੱਖਿਆ ਦਾ ਮਾਮਲਾ ਸੀ।ਮੁੰਬਈ 'ਚ ਜੋ ਕੁੱਝ ਹੋਇਆ,ਉਸ ਦੇ ਬਾਅਦ ਭਾਰਤ 'ਚ ਖੇਡਣਾ ਸਹੀ ਸੀ ਜਾਂ ਨਹੀਂ।ਮੈਂ ਹੋਰ ਖਿਡਾਰੀਆਂ ਦੇ ਬਾਰੇ 'ਚ ਨਹੀਂ ਦੱਸ ਸਕਦਾ,ਲੇਕਿਨ ਮੇਰੇ ਲਈ ਇੰਡੀਅਨ ਪ੍ਰੀਮੀਅਰ ਲੀਗ ਇਸ ਵਿੱਚ ਸ਼ਾਮਲ ਨਹੀਂ ਸੀ,ਸੁਰੱਖਿਆ ਆਈਪੀਐਲ ਤੋਂ ਜ਼ਿਆਦਾ ਅਹਿਮ ਹੈ।ਉਨ੍ਹਾ ਨੇ ਕਿਹਾ ਹੈ ਕਿ ਮੈਂ ਆਪਣੇ ਪਰਿ