ਸੰਤ ਬਾਬਾ ਅਜੀਤ ਸਿਘ ਜੀ ਹੰਸਾਲੀ
ਸੰਤ ਬਾਬਾ ਅਜੀਤ ਸਿਘ ਜੀ ਹੰਸਾਲੀ ਵਾਲਿਆਂ ਮਹਾਂਪੁਰਸ਼ਾਂ ਦੇ ਆਸ਼ੀਰਵਾਦ ਸਦਕਾ ਅਸੀਂ ਯੂਰਪ ਵਿੱਚ ਪੰਜਾਬੀ ਅਖਬਾਰ ਨੂੰ ਸ਼ੁਰੂ ਕਰਨ ਜਾ ਰਹੇ ਹਾਂ । ਇਹ ਮਹਾਂਪੁਰਖਾਂ ਦੀ ਕਿਰਪਾ ਹੀ ਹੈ ਕਿ ਵਤਨੋਂ ਪਾਰ ਚੰਗੇ ਲੋਕਾਂ ਦਾ ਸਾਥ ਮਿਲਿਆ ਤੇ ਉਨ੍ਹਾਂ ਦੇ ਉੱਦਮ ਸਦਕਾ ਇਸ ਅਖਵਾਰ ਨੂੰ ਸ਼ੁਰੂ ਕੀਤਾ ਗਿਆ । ਸਾਡੀ ਵੀ ਇਹੀ ਕੋਸ਼ਿਸ਼ ਹੋਵੇਗੀ ਕਿ ਇਸ ਅਖਵਾਰ ਰਾਹੀਂ ਸੱਚ ਨੂੰ ਛਾਪਿਆ ਜਾ ਸਕੇ ਤਾਂ ਜੋ ਸਾਡੀ ਖਬਰ ਨਾਲ ਹਰ ਵਰਗ ਨੂੰ ਸਹੀ ਸੇਧ ਮਿਲ ਸਕੇ । ਨਾਂ ਕਿਸੇ ਨਾਲ ਕੋਈ ਭੇਦ ਭਾਵ । ਇਹ ਮੈਂਨੂੰ ਬੜੀ ਖੁਸ਼ੀ ਹੈ ਕਿ ਵਿਦੇਸ਼ਾਂ ਵਿੱਚ ਬੈਠੇ ਪੰਜਾਬੀ ਵੀਰ ਚੰਗੇ ਕੰਮ ਕਰਨ ਵਿੱਚ ਲੱਗੇ ਹੋਏ ਹਨ । ਯੂਰਪ ਵਿੱਚ ਪੰਜਾਬੀ ਅਖਵਾਰ ਸ਼ੁਰੂ ਕਰਨ ਦਾ ਜੋ ਉਪਰਾਲਾ ਸ੍ਰੀ ਅਨਿੱਲ ਸ਼ਰਮਾ ਤੇ ਉਨ੍ਹਾਂ ਦੀ ਸਮੁੱਚੀ ਟੀਮ ਨੇ ਕੀਤਾ ਹੈ । ਸ਼ਲਾਘਾ ਯੋਗ ਹੈ । ਅਸੀਂ ਇਨ੍ਹਾਂ ਤੋਂ ਆਸ ਕਰਦੇ ਹਾਂ ਕਿ ਇਹ ਆਪਣੇ ਇੰਟਰਨੈੱਟ ਦੇ ਅਖਵਾਰ ਰਾਹੀਂ ਪੰਜਾਬ ਸਰਕਾਰ ਦੀਆਂ ਚੰਗੀਆਂ ਕਾਰਗੁਜਾਰੀਆਂ ਨੂੰ ਲੋਕਾਂ ਸਾਹਮਣੇ ਪੇਸ਼ ਕਰਨਗੇ । ਅਸੀਂ ਇੱਕ ਵਾਰ ਫਿਰ ਇਨ੍ਹਾਂ ਨੂੰ ਲੱਖ ਲੱਖ ਵਧਾਈ ਦਿੰਦੇ ਹਾਂ ।
ਭਾਰਤ 'ਚ ਆਸਟ੍ਰੇਲੀਆ ਟੂਰਿਜ਼ਮ
ਦੇ ਨਵੇਂ ਆਫਿਸ ਦੇ ਨਵੇਂ ਆਫਿਸ ਦੀ ਸ਼ੁਰੂਆਤ
ਚੰਡੀਗੜ੍ਹ, 5 ਜਨਵਰੀ :-ਕੁਲਵੰਤ ਗਿੱਲ
ਆਸਟ੍ਰੇਲੀਆ ਦੇ ਟੂਰਿਜ਼ਮ ਮੰਤਰੀ ਮਾਰਟਿਨ ਫਰਗੁਸੋਨ ਏ. ਐੱਮ. ਐੱਮ. ਪੀ. ਨੇ ਅੱਜ
ਟੂਰਿਜ਼ਮ ਆਸਟ੍ਰੇਲੀਆ ਦੇ ਦਫਤਰ ਦਾ ਮੁੰਬਈ 'ਚ ਸ਼ੁਭ ਅਰੰਭ ਕੀਤਾ। ਦੋਨਾਂ ਦੇਸ਼ਾਂ ਦੇ
ਵਿਚ ਟੂਰਿਜ਼ਮ ਨੂੰ ਹੁਲਾਰਾ ਦੇਣ ਦੇ ਲਈ ਸਥਾਪਤ ਕੀਤੇ ਗਏ ਦਫਤਰ ਦਾ ਕਾਰਜਭਾਰ ਟੂਰਿਜ਼ਮ
ਆਸਟ੍ਰੇਲੀਆ ਦੀ ਭਾਰਤ 'ਚ ਕੰਟਰੀ ਮੈਨੇਜਰ ਅਭਿਲਾਸ਼ਾ ਜੈਨ ਸੰਭਾਲੇਗੀ।ਆਸਟ੍ਰੇਲੀਆ
ਟੂਰਿਜ਼ਮ ਦੇ ਦੱਖਣੀ ਅਤੇ ਦੱਖਣ ਪੂਰਬੀ ਏਸ਼ੀਆ ਅਤੇ ਖਾੜੀ ਦੇਸ਼ਾਂ ਦੇ ਖੇਤਰੀ ਪ੍ਰਬੰਧਕ
ਮੈਗੀ ਵ੍ਹਾਈਟ ਨੇ ਕਿਹਾ ਕਿ 'ਭਾਰਤੀ ਬਜ਼ਾਰ 'ਚ ਹੋ ਰਹੇ ਨਿਰੰਤਰ ਵਿਕਾਸ ਨੂੰ ਦੇਖਦੇ
ਹੋਏ ਆਸਟ੍ਰੇਲੀਆ ਟੂਰਿਜ਼ਮ ਦਾ ਇਕ ਸਮਰਪਤ ਦਫਤਰ ਮੁੰਬਈ 'ਚ ਖੋਲਿਆ ਗਿਆ ਹੈ, ਜਦਕਿ
ਸਾਡੀ ਨੁਮਾਇੰਦਗੀ ਭਾਰਤੀ ਬਜ਼ਾਰ 'ਚ ਪਿਛਲੇ 10 ਸਾਲਾਂ ਤੋਂ ਹੈ। ਨਵੇਂ ਦਫਤਰ ਨਾਲ
ਟੂਰਿਜ਼ਮ ਆਸਟ੍ਰੇਲੀਆ ਦੀ ਨਵੀਂ ਸ਼ੁਰੂਆਤ ਹੋਵੇਗੀ। ਹੁਣ ਸਾਡਾ ਟੀਚਾ ਭਾਰਤ ਤੋਂ ਆਉਣ
ਵਾਲੇ ਸਾਲਾਂ 'ਚ ਟੂਰਿਸਟਾਂ ਦਾ ਅੰਕੜਾ 1,35,000 ਤਕ ਪਹੁੰਚਾਉਣ ਦਾ ਹੈ।'ਇਸ ਮੌਕੇ
'ਤੇ ਟੂਰਿਜ਼ਮ ਆਸਟ੍ਰੇਲੀਆ ਦੀ ਭਾਰਤ 'ਚ ਕੰਟਰੀ ਮੈਨੇਜਰ ਅਭਿਲਾਸ਼ਾ ਜੈਨ ਨੇ ਕਿਹਾ ਉਹ
ਅਤੇ ਉਹਨਾਂ ਦੀ ਟੀਮ ਆਉਣ ਵਾਲੀ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੇ ਲਈ ਤਿਆਰ ਹਨ। ਆਪਣੇ
ਨਵੇਂ ਦਫਤਰ 'ਚ ਪਹਿਲੀ ਯੋਜਨਾ ਆਸਟ੍ਰੇਲੀਆ ਨੂੰ ਵਿਸ਼ਵ ਆਸਟ੍ਰੇਲੀਆ ਬਣਾਉਣਾ ਹੈ, ਜਿਸ
ਦੇ ਲਈ ਆਸਟ੍ਰੇਲੀਆ ਨੇ ਘੱਟ ਵਾਕ ਅਬਾਊਟ ਨਾਮ ਨਾਲ ਇਸ਼ਤਿਹਾਰ ਕੈਂਪੇਨ ਚਲਾਈ ਹੈ, ਜਿਸ
ਦੀ ਰਚਨਾ ਫਿਲਮ ਸਿਤਾਰੇ ਬਜ ਲੋਰਮਨ ਨੇ ਕੀਤੀ ਹੈ।ਉਨ੍ਹਾਂ ਕਿਹਾ ਕਿ ਟੂਰਿਜ਼ਮ
ਆਸਟ੍ਰੇਲੀਆ, ਆਸਟ੍ਰੇਲੀਆ ਨੂੰ ਰੋਮਾਂਟਿਕ ਜਗ੍ਹਾ ਅਤੇ ਨਵੇਂ ਵਿਆਹਿਆਂ ਲਈ ਹਨੀਮੂਨ
ਅਤੇ ਛੁੱਟੀਆਂ ਮਨਾਉਣ ਦੇ ਆਦਰਸ਼ ਸਥਾਨ ਦੇ ਤੌਰ 'ਤੇ ਪ੍ਰਚਾਰਤ ਕਰ ਰਿਹਾ ਹੈ।
ਮੰਦਬੁੱਧੀ ਅਤੇ ਬਹੁ-ਅਪਾਹਿਜ ਨਾਲ ਗ੍ਰਸਤ ਅਪਾਹਿਜ ਦੇ ਲਈ ਨਿਰਾਮਯ ਨਾਮਕ ਸਿਹਤ ਬੀਮਾ
ਯੋਜਨਾ ਸ਼ੁਰੂ
ਚੰਡੀਗੜ੍ਹ, 5 ਜਨਵਰੀ - ਗੁਰਵਿੰਦਰ/ਅਮਿਤ
ਹਰਿਆਣਾ ਸਰਕਾਰ ਨੇ ਨੈਸ਼ਨਲ ਟ੍ਰਸਟ, ਨਵੀਂ ਦਿੱਲੀ ਦੇ ਸਹਿਯੋਗ ਨਾਲ ਆਟ੍ਰਿਜਮ,
ਸੇਰੇਬਰਲ ਪੋਲਿਸੀ, ਮੰਦਬੁੱਧੀ ਅਤੇ ਬਹੁ-ਅਪਾਹਿਜ ਨਾਲ ਗ੍ਰਸਤ ਅਪਾਹਿਜ ਦੇ ਲਈ
ਨਿਰਾਮਯ ਨਾਮਕ ਸਿਹਤ ਬੀਮਾ ਯੋਜਨਾ ਸ਼ੁਰੂ ਕੀਤੀ ਹੈ । ਬੁਲਾਰੇ ਨੇ ਦਸਿਆ ਕਿ ਇਸ
ਯੋਜਨਾ ਦੇ ਤਹਿਤ ਅਪਾਹਿਜ ਨੂੰ ਕੋਈ ਪ੍ਰੀਮਿਅਮ ਨਹੀਂ ਦੇਣਾ ਹੋਵੇਗਾ । ਉਪਰੋਕਤ
ਦਰਸਾਏ ਅਪਾਹਿਜ ਵਿਅਕਤੀਆਂ ਦੇ ਇਲਾਜ ਦੇ ਨਾਲ ਸਬੰਧਤ ਖਰਚਾ ਬੀਮਾ ਕੰਪਨੀ ਦੁਆਰਾ
ਕੀਤਾ ਜਾਵੇਗਾ । ਇਸ ਦੇ ਲਈ ਬਿਨੈ-ਪੱਤਰ ਜ਼ਿਲਾ ਸਮਾਜ ਕਲਿਆਣ ਅਧਿਕਾਰੀ ਦੇ ਦਫਤਰ ਤੋਂ
ਮੁਫ਼ਤ ਪ੍ਰਾਪਤ ਕੀਤੇ ਜਾ ਸਕਦੇ ਹਨ । ਇਸ ਦੇ ਨਾਲ, ਬਿਨੈਕਾਰ ਨੂੰ ਪਾਸਪੋਰਟ ਸਾਇਜ਼ ਦੀ
ਨਵੀਂ ਫੋਟੋ, ਅਪਾਹਿਜ ਪ੍ਰਮਾਣ-ਪੱਤਰ, ਰਾਸ਼ਨ ਕਾਰਡ ਅਤੇ ਹੋਰ ਪ੍ਰਮਾਣ-ਪੱਤਰ ਜ਼ਰੂਰੀ
ਹਨ । ਬਿਨੈਪੱਤਰ ਜਮ੍ਹਾਂ ਕਰਾਉਣ ਦੀ ਆਖਿਰੀ ਮਿਤੀ 14 ਜਨਵਰੀ, 2009 ਹੈ ।
ਸ਼ੀਤ ਲਹਿਰ ਤੇ ਧੂੰਧ ਦੇ ਕਰਕ ਹੁਣ ਸਾਰੇ ਸਕੂਲ ਸਵੇਰੇ 10 ਵਜੇ ਖੁਲ੍ਹਿਆ ਕਰਨਗੇ
ਚੰਡੀਗੜ੍ਹ, 5 ਜਨਵਰੀ -ਗੁਰਵਿੰਦਰ/ਅਮਿਤ
ਪਿਛਲੇ ਕਈ ਦਿਨਾਂ ਤੋਂ ਜਾਰੀ ਸ਼ੀਤ ਲਹਿਰ ਤੇ ਧੂੰਧ ਦੇ ਕਰਕੇ ਗੁੜਗਾਉਂ ਜ਼ਿਲੇ ਦੇ
ਸਾਰੇ ਨਿੱਜੀ ਤੇ ਸਰਕਾਰੀ ਸਕੂਲਾਂ ਦੇ ਖੁਲ੍ਹਣ ਦਾ ਸਮਾਂ ਬਦਲ ਦਿੱਤਾ ਗਿਆ ਹੈ ।
ਗੁੜਗਾਉਂ ਦੀ ਜ਼ਿਲਾ ਮੈਜਿਸਟਰੇਟ ਦੀਪਤੀ ਉਮਾਸ਼ੰਕਰ ਦੁਆਰਾ ਸਮਾਂ ਤਬਦੀਲ ਨਾਲ ਸਬੰਧਤ
ਜਾਰੀ ਆਦੇਸ਼ਾਂ ਦਾ ਮੁਤਾਬਿਕ ਹੁਣ ਸਾਰੇ ਸਕੂਲ ਸਵੇਰੇ 10 ਵਜੇ ਖੁਲ੍ਹਿਆ ਕਰਨਗੇ । ਇਹ
ਆਦੇਸ਼ 14 ਜਨਵਰੀ ਤਕ ਪ੍ਰਭਾਵੀઠ ਰਹਿਣਗੇ ।ઠ ਇਨ੍ਹਾਂ ਆਦੇਸ਼ਾਂ ਦੇ ਮੁਤਾਬਿਕ ਸਕੂਲਾਂ
ਦੇ ਬੰਦ ਹੋਣ ਦੇ ਸਮੇਂ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ ਹੈ । ਇਸ ਲਈ ਸਾਰੇ ਸਕੂਲ
ਪਹਿਲੇ ਨਿਰਧਾਰਿਤ ਸਮੇਂ 'ਤੇ ਹੀ ਬੰਦ ਹੋਣਗੇ । ਇਹ ਆਦੇਸ਼ ਸੀ.ਆਰ. ਪੀ.ਸੀ. ਦੀ ਧਾਰਾ
144 ਦੇ ਤਹਿਤ ਜਾਰੀ ਕੀਤੇ ਗਏ ਹਨ । ਇਨ੍ਹਾਂ ਦੀ ਉਲੰਘਨਾ ਕਰਨ ਵਾਲੇ ਦੇ ਖਿਲਾਫ
ਭਾਰਤੀ ਦੰਡ ਐਕਟ ਦੀ ਧਾਰਾ 188 ਦੇ ਤਹਿਤ ਕਾਰਵਾਈ ਕੀਤੀ ਜਾਵੇਗੀ । ਜ਼ਿਲਾ
ਮੈਜਿਸਟ੍ਰੇਟ ਦੇ ਆਦੇਸ਼ਾਂ ਨਾਲ ਪ੍ਰਾਇਮਰੀ ਪੱਧਰ ਤਕ ਸਿੱਖਿਆ ਗ੍ਰਹਿਣ ਕਰ ਰਹੇ ਛੋਟੇ
ਬੱਚਿਆਂ ਅਤੇ ਖਾਸ ਕਰਕੇ ਉਨ੍ਹਾਂ ਦੇ ਮਾਂ-ਪਿਓ ਨੂੰ ਰਾਹਤ ਮਿਲੀ ਹੈ, ਜਿਹੜੇ ਕੜਾਕੇ
ਦੀ ਠੰਡ ਵਿਚ ਆਪਣੇ ਬੱਚਿਆਂ ਨੂੰ ਸਕੂਲ ਭੇਜਣ ਲਈ ਮਜ਼ਬੂਰ ਸਨ । ਜ਼ਿਕਰ ਯੋਗ ਹੈ ਕਿ
ਜ਼ਿਲਾ ਗੁੜਗਾਉਂ ਵਿਚ ਜ਼ਿਆਦਾਤਰ ਸਕੂਲਾਂ ਦੇ ਖੁਲ੍ਹਣ ਦਾ ਸਮਾਂ ਸਵੇਰੇ 7:15 ਦਾ ਸੀ,
ਜਿਸ ਦਾ ਸਿੱਧਾ ਜਿਹਾ ਅਰਥ ਸੀ ਕਿ ਬੱਚੇ ਨੂੰ ਹਰ ਹਾਲਤ ਵਿਚ ਕੜਾਕੇ ਦੀ ਸਰਦੀ ਦੇ
ਬਾਵਜੂਦ 7:15 ਤੋਂ ਪਹਿਲੇ ਸਕੂਲ ਪਹੁੰਚਾਉਣਾ ਹੀ ਹੈ ।
ਬਾਗਵਾਨੀ ਦਾ ਬਜਟ ਵੀ ਰਾਜ ਸਰਕਾਰ ਨੇ ਵਧਾ ਕੇ 200 ਕਰੋੜ ਰੁਪਏ ਕਰ ਦਿੱਤਾ- ਸ੍ਰੀ
ਭੁਪਿੰਦਰ ਸਿੰਘ ਹੁੱਡਾ
ਚੰਡੀਗੜ੍ਹ, 5 ਜਨਵਰੀ - ਗੁਰਵਿੰਦਰ/ਅਮਿਤ
ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਭੁਪਿੰਦਰ ਸਿੰਘ ਹੁੱਡਾ ਨੇ ਕਿਹਾ ਕਿ ਬਾਗਵਾਨੀ ਨੂੰ
ਉਤਸ਼ਾਹ ਦੇਣ ਦੇ ਉਦੇਸ਼ ਨਾਲ ਸਿਰਸਾ ਦੇ ਡੱਬਵਾਲੀ ਖੇਤਰ ਵਿਚ 67 ਕਰੋੜ ਰੁਪਏ ਦੀ ਲਾਗਤ
ਨਾਲ ਫੂਡ ਪ੍ਰੋਸੈਸਿੰਗ ਯੂਨਿਟ ਸਥਾਪਿਤ ਕੀਤਾ ਜਾ ਰਿਹਾ ਹੈ ਅਤੇ ਰੋਹਤਕ ਵਿਚ 8 ਕਰੋੜ
ਰੁਪਏ ਦੀ ਲਾਗਤ ਨਾਲ ਕੋਲਡ ਚੇਨ ਵੀ ਬਣਾਈ ਜਾ ਰਹੀ ਹੈ । ઠ ਇਹ ਗੱਲ ਅੱਜ ਮੁੱਖ
ਮੰਤਰੀ ਨੇ ਰੋਹਤਕ ਦੇ ਸਿੰਚਾਈ ਰੈਸਟ ਹਾਊਸ ਵਿਚ ਲੋਕਾਂ ਦੀ ਸਮੱਸਿਆਵਾਂ ਨੂੰ ਹੱਲ
ਕਰਦੇ ਹੋਏ ਕਹੀ । ਉਨ੍ਹਾਂ ਨੇ ਕਿਹਾ ਕਿ ਬਾਗਵਾਨੀ ਦਾ ਬਜਟ ਵੀ ਰਾਜ ਸਰਕਾਰ ਨੇ ਵਧਾ
ਕੇ 200 ਕਰੋੜ ਰੁਪਏ ਕਰ ਦਿੱਤਾ ਹੈ । ਮੁੱਖ ਮੰਤਰੀ ਨੇ ਕਿਹਾ ਕਿ ਡੱਬਵਾਲੀ ਵਿਚ ਬਣਨ
ਵਾਲੀ ਫੂਡ ਪ੍ਰੋਸੈਸਿੰਗ ਯੂਨਿਟ ਦਾ ਨੀਂਹ ਪੱਥਰ ਅਗਲੇ ਮਹੀਨੇ ਫਰਵਰੀ ਵਿਚ ਰੱਖਿਆ
ਜਾਵੇਗਾ । ਉਨ੍ਹਾਂ ਨੇ ਦਸਿਆ ਕਿ ਇਸ ਯੂਨਿਟ ਦੇ ਲਗਣ ਨਾਲ ਸੂਬੇ ਦੇ ਛੋਟੇ ਕਿਸਾਨਾਂ
ਨੂੰ ਕਾਫੀ ਲਾਭ ਪੁੱਜੇਗਾ । ਮੁੱਖ ਮੰਤਰੀ ਨੇ ਕਿਹਾ ਕਿ ਬਾਗਵਾਨੀ ਦੇ ਕਿਸਾਨਾਂ ਦੀ
ਸਬਜੀਆਂ ਤੇ ਫਲ ਆਦਿ ਖਰੀਦ ਕੇ ਉਨ੍ਹਾਂ ਤੋਂ ਵੱਖ-ਵੱਖ ਪ੍ਰਕਾਰ ਦੇ ਜੂਸ ਤਿਆਰ ਕੀਤੇ
ਜਾਣਗੇ । ਉਨ੍ਹਾਂ ਨੇ ਕਿਹਾ ਕਿ ਇਸ ਪੂਰੀ ਪ੍ਰਕ੍ਰਿਆ ਨਾਲ ਜਿੱਥੇ ਕਿਸਾਨਾਂ ਨੂੰ
ਆਪਣੇ ਉਤਪਾਦ ਵੇਚਣ ਵਿਚ ਜੱਦੋ-ਜਹਿਦ ਨਹੀਂ ਕਰਨੀ ਹੋਵੇਗੀ ਅਤੇ ਉੱਥੇ ਉਨ੍ਹਾਂ ਨੂੰ
ਸੰਤੋਸ਼ਜਨਕ ਮੁੱਲ ਵੀ ਮਿਲੇਗਾ । ਭੁਪਿੰਦਰ ਸਿੰਘ ਹੁੱਡਾ ਨੇ ਕਿਹਾ ਕਿ ਕੋਲਡ ਚੇਨ ਦੇ
ਲਈ ਬਿਲਡਿੰਗ ਤਿਆਰ ਹੋ ਚੁੱਕੀ ਹੈ ਅਤੇ ਮਸ਼ੀਨਾਂ ਆਦਿ ਜਲਦੀ ਹੀ ਆ ਜਾਣਗੀਆਂ ।
ਉਨ੍ਹਾਂ ਨੇ ਕਿਹਾ ਕਿ ਇਸ ਕੋਲਡ ਚੇਨ ਵਿਚ ਕਿਨੂ, ਮਾਲਟਾ ਤੇ ਟਮਾਟਰਾਂ ਆਦਿ ਨੂੰ ਰੱਖ
ਕੇ ਉਸ ਦਾ ਲਾਇਫ ਟਾਈਮ ਵਧਾਇਆ ਜਾ ਸਕਦਾ ਹੈ । ਉਨ੍ਹਾਂ ਨੇ ਕਿਹਾ ਕਿ ਜਿਹੜਾ ਕਿਨੂੰ
ਆਮ ਤਾਪਮਾਨ ਵਿਚ 2-3 ਦਿਨ ਵਿਚ ਖਰਾਬ ਹੋ ਜਾਂਦਾ ਹੈ, ਉਸ ਨੂੰ ਕੋਲਡ ਚੇਨ ਦੇ
ਮਾਧਿਅਮ ਨਾਲ ਇਕ ਮਹੀਨੇ ਤਕ ਤਰੋ-ਤਾਜ਼ਾ ਰੱਖਿਆ ਜਾਵੇਗਾ । ਉਨ੍ਹਾਂ ਨੇ ਕਿਹਾ ਕਿ
ਕੋਲਡ ਚੇਨ ਦਾ ਇਸਤੇਮਾਲ ਕਰਕੇ ਕਿਸਾਨ ਆਪਣੇ ਫਲਾਂ ਨੂੰ ਦੇਸ਼ ਦੇ ਕਿਸੇ ਵੀ ਕੋਨੇ ਵਿਚ
ਲੈ ਜਾ ਸਕਦੇ ਹਨ ਅਤੇ ਉਨ੍ਹਾਂ ਦਾ ਨਿਰਯਾਤ ਵੀ ਕੀਤਾ ਜਾ ਸਕਦਾ ਹੈ । ਮੁੱਖ ਮੰਤਰੀ
ਨੇ ਕਿਹਾ ਕਿ 8 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨ ਵਾਲੀ ਇਹ ਕੋਲਡ ਚੇਨ ਬਾਗਵਾਨੀ ਦੇ
ਵਿਕਾਸ ਵਿਚ ਮੀਲ ਪੱਥਰ ਸਾਬਿਤ ਹੋਵੇਗੀ । ਉਨ੍ਹਾਂ ਨੇ ਕਿਹਾ ਕਿ ਮੌਜ਼ੂਦਾ ਸਮੇਂ ਵਿਚ
ਲਗਭਗ 5,000 ਹੈਕਟੇਅਰ ਖੇਤਰ ਵਿਚ ਕਿਨੂੰ ਦਾ ਉਤਪਾਦਨ ਕੀਤਾ ਜਾ ਰਿਹਾ ਹੈ ।
ਭੁਪਿੰਦਰ ਸਿੰਘ ਹੁੱਡਾ ਨੇ ਕਿਹਾ ਕਿ ਪਾਣੀ ਦੇ ਸਿੰਚਾਈ ਦੇ ਪਾਣੀ ਨੂੰ ਸਟੋਰ ਕਰਨ ਦੇ
ਲਈ ਹੋਣ ਤਕ 200 ਟੈਂਕ ਬਣਾਏ ਜਾ ਚੁੱਕੇ ਹਨ ਤਾਂ ਕਿ ਨਹਿਰ ਵਿਚ ਪਾਣੀ ਨਾ ਹੋਣ ਦੀ
ਸਥਿਤੀ ਵਿਚ ਟੈਂਕਾਂ ਦੇ ਮਾਧਿਅਮ ਨਾਲ ਸਿੰਚਾਈ ਕੀਤੀ ਜਾ ਸਕੇ । ਉਨ੍ਹਾਂ ਨੇ ਕਿਹਾ
ਕਿ ਉਨ੍ਹਾਂ ਦੀ ਸਰਕਾਰ ਦੇ ਆਉਣ ਤੋਂ ਪਹਿਲੇ ਬਾਗਵਾਨੀ ਦਾ ਬਜਟ ਸਿਰਫ 96 ਲੱਖ ਰੁਪਏ
ਸੀ, ਜਿਹੜਾ ਕਿ ਹੁਣ ਵਧਾ ਕੇ 200 ਕਰੋੜ ਰੁਪਏ ਕਰ ਦਿੱਤਾ ਗਿਆ ਹੈ । ਉਨ੍ਹਾਂ ਨੇ
ਕਿਹਾ ਕਿ 10 ਜਨਵਰੀ ਨੂੰ ਝਾੜਲੀ ਵਿਚ 1330 ਮੈਗਾਵਾਟ ਦੇ ਹੋਰ ਪਾਵਰ ਪਲਾਟ ਦਾ ਨੀਂਹ
ਪੱਥਰ ਰੱਖਿਆ ਜਾਵੇਗਾ । ਰਾਜ ਸਰਕਾਰ ਨੇ ਹਰ ਸਾਲ ਬਿਜਲੀ ਦਾ ਇਕ ਨਵਾਂ ਪਲਾਟ ਸਥਾਪਿਤ
ਕਰਨ ਦਾ ਫੈਸਲਾ ਲਿਆ ਹੈ । ਮੁੱਖ ਮੰਤਰੀ ਨੇ ਕਿਹਾ ਕਿ ਜਦ ਸਾਰੇ ਪਲਾਟ ਬਣ ਕੇ ਤਿਆਰ
ਹੋ ਜਾਣਗੇ ਤਾਂ ਹਰਿਆਣਾ ਵਿਚ ਬਿਜਲੀ ਕੱਟ ਬੀਤੇ ਦਿਨਾਂ ਦੀ ਗੱਲ ਹੋ ਜਾਵੇਗੀ ।
ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ 40 ਸਾਲਾਂ ਵਿਚ ਹਰਿਆਣਾ ਵਿਚ ਕੇਵਲ ਇਕ ਪਾਵਰ ਪਲਾਟ
ਲਗਿਆ, ਜਦ ਕਿ ਉਨ੍ਹਾਂ ਨੇ ਪੌਣੇ 4 ਸਾਲ ਦੇ ਕਾਰਜਕਾਲ ਵਿਚ 4 ਪਾਵਰ ਪਲਾਟ ਲਗਾਏ ਜਾ
ਚੁੱਕੇ ਹਨ । ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਸੂਬੇ ਵਿਚ 10-10 ਸਾਲ ਤਕ ਸ਼ਾਸਨ ਕਰਨ
ਵਾਲੇ ਲੋਕਾਂ ਨੇ ਕਦੇ ਵੀ ਬਿਜਲੀ ਦੇ ਉਤਪਾਦਨ ਬਾਰੇ ਨਹੀਂ ਸੋਚਿਆ । ਮੁੱਖ ਮੰਤਰੀ ਨੇ
ਲੋਕਾਂ ਦੀਆਂ ਵੱਖ-ਵੱਖ ਸਮੱਸਿਆਵਾਂ ਦਾ ਹੱਲ ਕਰਨ ਦੇ ਲਈ ਅਧਿਕਾਰੀਆਂ ਨੂੰ ਮੌਕੇ 'ਤੇ
ਹੀ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ । ਇਸ ਮੌਕੇ 'ਤੇ ਹਰਿਆਣਾ ਖੇਤੀਬਾੜੀ ਮਾਰਕੀਟਿੰਗ
ਬੋਰਡ ਦੇ ਚੇਅਰਮੈਨ ਅਤੇ ਲੋਕਲ ਵਿਧਾਇਕ ਸ਼ਾਦੀ ਲਾਲ ਬੱਤਰਾ, ਕਾਂਗਰਸ ਦੇ ਪ੍ਰਦੇਸ਼
ਮਹਾਂਸੱਕਤਰ ਅਤੇ ਮਹਿਮ ਦੇ ਵਿਧਾਇਕ ਆਨੰਦ ਸਿੰਘ ਦਾਂਗੀ, ਮੁੱਖ ਮੰਤਰੀ ਦੇ ਰਾਜਨੀਤਿਕ
ਸਕੱਤਰ ਕੈਪਟਨ ਚੱਤਰ ਸਿੰਘ, ਵਧੀਕ ਰਾਜਨੀਤਿਕ ਸਕੱਤਰ ਰੋਹਤਾਸ ਹੁੱਡਾ ਸਮੇਤ ਹੋਰ
ਮੰਨੇ-ਪ੍ਰਮੰਨੇ ਲੋਕ ਇਸ ਮੌਕੇ ਮੌਜ਼ੂਦ ਸਨ ।
ਵਿਕਾਸ ਦੇ ਪ੍ਰਮੁੱਖ ਮੁੱਦੇ ਨੂੰ ਲੈ ਕੇ ਕਾਂਗਰਸ ਪਾਰਟੀ ਆਉਣ ਵਾਲੀਆਂ ਲੋਕ ਸਭਾ
ਚੋਣਾਂ ਦੇ ਮੈਦਾਨ ਵਿਚ ਉਤਰੇਗੀ
ਚੰਡੀਗੜ੍ਹ, 5 ਜਨਵਰੀ - ਗੁਰਵਿੰਦਰ/ਅਮਿਤ
ਵਿਕਾਸ ਦੇ ਪ੍ਰਮੁੱਖ ਮੁੱਦੇ ਨੂੰ ਲੈ ਕੇ ਕਾਂਗਰਸ ਪਾਰਟੀ ਆਉਣ ਵਾਲੀਆਂ ਲੋਕ ਸਭਾ
ਚੋਣਾਂ ਦੇ ਮੈਦਾਨ ਵਿਚ ਉਤਰੇਗੀ । ਇਹ ਗੱਲ ਮੁੱਖ ਮੰਤਰੀ ਸ੍ਰੀ ਭੁਪਿੰਦਰ ਸਿੰਘ
ਹੁੱਡਾ ਨੇ ਰੋਹਤਕ ਦੇ ਸਿੰਚਾਈ ਗੈਸਟ ਹਾਊਸ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਦੇ ਦੌਰਾਨ
ਕਹੀ । ਮੁੱਖ ਮੰਤਰੀ ਨੇ ਦਾਅਵਾ ਕੀਤਾ ਕਿ ਪਿਛਲੇ ਪੌਣੇ ਚਾਰ ਸਾਲ ਦੇ ਦੌਰਾਨ ਰਾਜ
ਸਰਕਾਰ ਦੁਆਰਾ ਕਰਵਾਏ ਗਏ ਵਿਕਾਸ ਕੰਮ ਤੇ ਜਨ ਹਿੱਤ ਵਿਚ ਲਏ ਗਏ ਅਨੇਕਾਂ ਫੈਸਲਿਆਂ
ਨਾਲ ਜਨਤਾ ਪੂਰੀ ਤਰ੍ਹਾਂ ਸੰਤੁਸ਼ਟ ਹੈ ਅਤੇ ਕਾਂਗਰਸ ਦੇ ਉਮੀਦਵਾਰ ਰਾਜ ਦੀ ਸਾਰੀਆਂ
ਦਸ ਲੋਕ ਸਭਾ ਸੀਟਾਂ 'ਤੇ ਜਿੱਤ ਹਾਸਿਲ ਕਰਨਗੇ । ਇਨੇਲੋ-ਭਾਜਪਾ ਗਠਬੰਧਨ ਦੇ ਬਾਰੇ
ਮੁੱਖ ਮੰਤਰੀ ਸ੍ਰੀ ਭੁਪਿੰਦਰ ਸਿੰਘ ਹੁੱਡਾ ਨੇ ਕਿਹਾ ਕਿ ਪੂਰੇ ਦੇਸ਼ ਦੀ ਜਨਤਾ ਇਹ
ਕਹਿ ਰਹੀ ਹੈ ਕਿ ਸੱਪ ਅਤੇ ਨਿਊਲਾ ਦੀ ਦੋਸਤੀ ਕਦੇ ਵੀ ਨਹੀਂ ਹੋ ਸਕਦੀ । ਉਨ੍ਹਾਂ ਨੇ
ਇਸ ਨੂੰ ਵਿਅਕਤੀਗਤ ਸੁਆਰਥ ਦਾ ਗਠਬੰਧਨ ਦਸਿਆ ਅਤੇ ਕਿਹਾ ਕਿ ਇਨ੍ਹਾਂ ਦੋਵਾਂ ਦਲਾਂ
ਦੇ ਕੋਲ ਜਨ ਹਿੱਤ ਨਾਲ ਜੁੜਿਆ ਕੋਈ ਵੀ ਮੁੱਦਾ ਨਹੀਂ ਹੈ । ਉਨ੍ਹਾਂ ਨੇ ਕਿਹਾ ਕਿ
ਇਨੇਲੋ-ਭਾਜਪਾ ਗਠਬੰਧਨ ਨੂੰ ਸੂਬੇ ਦੀ ਜਨਤਾ ਕਈ ਵਾਰ ਪਰਖ ਚੁੱਕੀ ਹੈ ਅਤੇ ਲੋਕ
ਇਨ੍ਹਾਂ ਦੀ ਰੰਗ-ਰੰਗ ਤੋਂ ਵਾਕਿਫ ਹਨ । ਇਸ ਸਮਝੌਤੇ ਦੇ ਸਬੰਧ ਵਿਚ ਉਨ੍ਹਾਂ ਨੇ
ਕਿਹਾ ਕਿ ਜੀਰੋ ਜਮ੍ਹਾਂ ਜੀਰੋ ਦਾ ਨਤੀਜਾ ਜੀਰੋ ਹੀ ਨਿਕਲਦਾ ਹੈ । ਟਿਕਟ ਵੰਡ ਦੇ
ਸੁਆਲ 'ਤੇ ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਫੈਸਲਾ ਪਾਰਟੀ ਹਾਈ ਕਮਾਨ ਨੇ ਕਰਨਾ ਹੈ
ਅਤੇ ਪਾਰਟੀ ਦਾ ਯਤਨ ਰਹੇਗਾ ਕਿ ਮਜ਼ਬੂਤ ਵਿਅਕਤੀ ਨੂੰ ਹੀ ਪਾਰਟੀ ਦਾ ਉਮੀਦਵਾਰ ਬਣਾਇਆ
ਜਾਵੇ ।ઠઠ ਮੁੱਖ ਮੰਤਰੀ ਨੇ ਕਿਹਾ ਕਿ ਲੋਕ ਸਭਾ ਚੋਣਾਂ ਸਿਰ 'ਤੇ ਹਨ ਅਤੇ ਚੋਣਾਂ
ਦੀਆਂ ਤਿਆਰੀਆਂ ਵੀ ਸ਼ੁਰੂ ਹੋ ਚੁੱਕੀਆਂ ਹਨ । ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਚੋਣਾਂ ਦੇ
ਮੱਦੇਨਜ਼ਰ ਹੀ ਰਾਜ ਸਰਕਾਰ ਨੇ ਇਸ ਸਾਲ 6 ਫਰਵਰੀ ਦੇ ਬਜਾਇ 2 ਫਰਵਰੀ ਨੂੰ ਬਜਟ ਸੈਸ਼ਨ
ਸ਼ੁਰੂ ਕਰਨ ਦਾ ਫੈਸਲਾ ਲਿਆ ਹੈ । ਉਨ੍ਹਾਂ ਨੇ ਕਿਹਾ ਕਿ ਸ਼ਾਇਦ ਇਸ ਵਾਰ 6 ਫਰਵਰੀ ਨੂੰ
ਰਾਜ ਦਾ ਬਜਟ ਪੇਸ਼ ਕੀਤਾ ਜਾਵੇਗਾ । ઠ ਮੁੱਖ ਮੰਤਰੀ ਸ੍ਰੀ ਭੁਪਿੰਦਰ ਸਿੰਘ ਹੁੱਡਾ ਨੇ
ਕਿਹਾ ਕਿ ਕੇਂਦਰ ਦੀ ਯੂ.ਪੀ.ਏ. ਸਰਕਾਰ ਤੇ ਮੌਜ਼ੂਦਾ ਰਾਜ ਸਰਕਾਰ ਨੇ ਆਪਣੇ ਕਾਰਜਕਾਲ
ਦੇ ਦੌਰਾਨ ਸਮਾਜ ਦੇ ਹਰ ਵਰਗ ਦੇ ਲੋਕਾਂ ਦੇ ਵਿਕਾਸ ਦੇ ਲਈ ਅਨੇਕਾਂ ਅਜਿਹੇ ਕੰਮ
ਕੀਤੇ ਹਨ ਜਿਹੜੇ ਪਹਿਲੇ ਕਦੇ ਵੀ ਨਹੀਂ ਹੋਏ । ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਤੇ ਰਾਜ
ਸਰਕਾਰ ਦੇ ਕੰਮ ਨਾਲ ਕਿਸਾਨ , ਮਜ਼ਦੂਰ, ਦਲਿਤ, ਪਿਛੜੇ ਸ਼ਹਿਰੀ ਤੇ ਦਿਹਾਤੀ ਹਰ ਵਰਗ
ਦੇ ਲੋਕ ਪੂਰੀ ਤਰ੍ਹਾਂ ਨਾਲ ਸੰਤੁਸ਼ਟ ਹਨ ਅਤੇ ਇਨ੍ਹਾਂ ਵਰਗ ਦੇ ਲੋਕਾਂ ਨੂੰ ਇਹ ਗੱਲ
ਸਮਝ ਵਿਚ ਆ ਚੁੱਕੀ ਹੈ ਕਿ ਕਾਂਗਰਸ ਪਾਰਟੀ ਹੀ ਇਸ ਦੇਸ਼ ਤੇ ਰਾਜ ਦਾ ਭਲਾ ਕਰ ਸਕਦੀ
ਹੈ । ਮੁੱਖ ਮੰਤਰੀ ਨੇ ਕਿਹਾ ਕਿ ਜਨਤਾ ਅਗਲੀ ਲੋਕ ਸਭਾ ਚੋਣਾਂ ਵਿਚ ਕਾਂਗਰਸ
ਉਮੀਦਵਾਰਾਂ ਨੂੰ ਜਿੱਤਾਉਣ ਦਾ ਮਨ ਬਣਾ ਚੁੱਕੀ ਹੈ । ઠઠ ਭੁਪਿੰਦਰ ਸਿੰਘ ਹੁੱਡਾ ਨੇ
ਕਿਹਾ ਕਿ ਕੇਂਦਰ ਦੀ ਯੂ.ਪੀ.ਏ. ਸਰਕਾਰ ਨੇ ਨਾ ਕੇਵਲ ਕਿਸਾਨਾਂ ਦੇ 71,000 ਕਰੋੜ
ਰੁਪਏ ਦੀ ਕਰਜੇ ਮਾਫ ਕੀਤੇ ਹਨ, ਬਲਕਿ ਘੱਟ ਗਿਣਤੀਆਂ ਅਤੇ ਗਰੀਬ ਵਰਗ ਦੇ ਲੋਕਾਂ ਦੇ
ਲਈ ਅਨੇਕਾਂ ਯੋਜਨਾਵਾਂ ਨੂੰ ਲਾਗੂ ਕੀਤਾ ਹੈ । ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਨੇ ਹਰ
ਵਿਅਕਤੀ ਨੂੰ ਰੁਜ਼ਗਾਰ ਉਪਲੱਬਧ ਕਰਵਾਉਣ ਦੇ ਆਪਣੇ ਵਾਅਦੇ ਨੂੰ ਪੂਰਾ ਕਰਦੇ ਹੋਏ ਦੇਸ਼
ਭਰ ਵਿਚ ਰੁਜ਼ਗਾਰ ਗੰਰਟੀ ਯੋਜਨਾ ਨੂੰ ਲਾਗੂ ਕਰਨ ਦਾ ਕੰਮ ਕੀਤਾ ਹੈ । ਉਨ੍ਹਾਂ ਨੇ
ਕਿਹਾ ਕਿ ਰੂਲਰ ਹੈਥਲ, ਰਾਜੀਵ ਗਾਂਧੀ ਬਿਜਲੀ ਅਤੇ ਹੋਰਟੀਕਲਚਰ ਮਿਸ਼ਨ ਚਲਾਏ ਗਏ ਹਨ,
ਜਿਨ੍ਹਾਂ ਤੋਂ ਲੋਕ ਪੂਰੀ ਤਰ੍ਹਾਂ ਸੰਤੁਸ਼ਟ ਹਨ । ਮੁੱਖ ਮੰਤਰੀ ਨੇ ਕਿਹਾ ਕਿ ਹਰ
ਦਲਿਤ ਦੇ ਘਰ ਵਿਚ ਪਾਣੀ ਪਹੁੰਚਾਉਣ ਦਾ ਕੰਮ ਵੀ ਮੌਜ਼ੂਦਾ ਰਾਜ ਸਰਕਾਰ ਨੇ ਹੀ ਕੀਤਾ
ਹੈ । ਉਨ੍ਹਾਂ ਨੇ ਕਿਹਾ ਕਿ ਮਹਾਤਮਾ ਗਾਂਧੀ ਗ੍ਰਾਮੀਣ ਬਸਤੀ ਯੋਜਨਾ ਦੇ ਤਹਿਤ ਹੁਣ
ਤਕ 1500 ਪਿੰਡਾਂ ਵਿਚ ਪਲਾਟ ਦਿੱਤੇ ਜਾ ਚੁੱਕੇ ਹਨ । ਇਸ ਦੇ ਇਵਾਲਾ, ਰਾਜ ਸਰਕਾਰ
ਨੇ ਕਿਸਾਨਾਂ ਦੇ 1600 ਕਰੋੜ ਰੁਪਏ ਦੇ ਬਿਜਲੀ ਦੇ ਬਿੱਲ ਤੇ 130 ਕਰੋੜ ਰੁਪਏ ਦਾ
ਵਿਆਜ ਮਾਫ ਕੀਤਾ ਹੈ । ਮੁੱਖ ਮੰਤਰੀ ਨੇ ਇਕ ਸੁਆਲ ਦੇ ਜਵਾਬ ਵਿਚ ਕਿਹਾ ਕਿ 100-100
ਗਜ ਦੇ ਮੁਫਤ ਪਲਾਟ ਦੇਣ ਦੇ ਨਾਲ-ਨਾਲ ਗ੍ਰਾਮ ਪੰਚਾਇਤਾ ਦਾ ਵਿਕਾਸ ਕਰਨ ਦੇ ਲਈ ਵੀ
ਰਾਜ ਸਰਕਾਰ ਨੇ ਇਕ ਯੋਜਨਾ ਸ਼ੁਰੂ ਕੀਤੀ ਹੈ । ਇਸ ਯੋਜਨਾ ਦੇ ਤਹਿਤ ਜਿਹੜੀ ਪੰਚਾਇਤ
100-100 ਗਜ ਦੇ ਮੁਫਤ ਪਲਾਟ ਦੇਣ ਦੇ ਲਈ ਜਮੀਨ ਉਪਲੱਬਧ ਕਰਵਾਏਗੀ, ਉਸ ਪੰਚਾਇਤ ਨੂੰ
10,000 ਰੁਪਏ ਪ੍ਰਤੀ ਏਕੜ ਪ੍ਰਤੀ ਸਾਲ ਦਿੱਤੇ ਜਾਣਗੇ ਤਾਂ ਪੰਚਾਇਤਾਂ ਆਪਣਾ ਵਿਕਾਸ
ਕਰ ਸਕਣ । ਕਾਨੂੰਨ ਵਿਵਸਥਾ ਸਬੰਧੀ ਇਕ ਹੋਰ ਸੁਆਲ ਦਾ ਜਵਾਬ ਦਿੰਦੇ ਹੋਏ ਮੁੱਖ
ਮੰਤਰੀ ਨੇ ਕਿਹਾ ਕਿ ਕਲ੍ਹ ਪ੍ਰਧਾਨ ਮੰਤਰੀ ਦੀ ਪ੍ਰਧਾਨਗੀ ਵਿਚ ਸਾਰੇ ਰਾਜਾਂ ਦੇ
ਮੁੱਖ ਮੰਤਰੀਆਂ ਦੀਆਂ ਇਕ ਬੈਠਕ ਹੋ ਰਹੀ ਹੈ, ਜਿਸ ਵਿਚ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ
ਦੇ ਸਬੰਧ ਵਿਚ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ । ਉਨ੍ਹਾਂ ਨੇ ਕਿਹਾ ਕਿ ਪੂਰੇ
ਏ.ਐਨ.ਸੀ.ਆਰ. ਖੇਤਰ ਵਿਚ ਦਿੱਲੀ ਜਿਹੀ ਸੁਰੱਖਿਆ ਵਿਵਸਥਾ ਕੀਤੀ ਜਾ ਰਹੀ ਹੈ । ਇਸ
ਪ੍ਰੈਸ ਵਾਰਤਾ ਵਿਚ ਹਰਿਆਣਾ ਖੇਤੀਬਾੜੀ ਮਾਰਕੀਟਿੰਗ ਬੋਰਡ ਦੇ ਚੇਅਰਮੈਨ ਅਤੇ ਲੋਕਲ
ਵਿਧਾਇਕ ਸ਼ਾਦੀ ਲਾਲ ਬੱਤਰਾ, ਡਿਪਟੀ ਕਮਿਸ਼ਨਰ ਆਰ.ਐਸ.ਡੂਨ ਤੇ ਜ਼ਿਲਾ ਪੁਲਿਸ ਸੁਪਰਡੈਟ
ਅਲੋਕ ਮਿੱਤਲ ਵੀ ਮੌਜ਼ੂਦ ਸਨ ।
ਭਾਰਤੀ ਕਪਾਹ ਨਿਗਮ ਨੇ ਜਮ੍ਹਾਂਬੰਦੀ ਫਾਰਮ ਦੀ ਬੇਲੋੜੀ ਸ਼ਰਤ ਲਾ ਕੇ ਕਿਸਾਨਾਂ ਨੂੰ
ਕੀਤਾ ਖੱਜਲ-ਖੁਆਰ
ਚੰਡੀਗੜ੍ਹ 05 ਜਨਵਰੀ (ਬਲਵਿੰਦਰ ਸਿੰਘ ਭੂੰਦੜ , ਪ੍ਰਧਾਨ, ਕਿਸਾਨ ਵਿੰਗ
ਸ਼੍ਰੋਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਤੇ ਕਿਸਾਨ ਵਿੰਗ ਦੇ ਪ੍ਰਧਾਨ ਸ. ਬਲਵਿੰਦਰ
ਸਿੰਘ ਭੂੰਦੜ ਨੇ ਭਾਰਤੀ ਕਪਾਹ ਨਿਗਮ ਵੱਲੋਂ ਜਮ੍ਹਾਂਬੰਦੀ ਫਾਰਮ ਵਾਪਸ ਲੈਣ ਬਾਰੇ
ਕੀਤੇ ਆਪਣੇ ਵਾਅਦੇ ਨੂੰ ਲਾਗੂ ਨਾ ਕਰਨ ਲਈ ਇਸ ਦੀ ਘੋਰ ਨਿੰਦਾ ਕੀਤੀ ਹੈ। ਉਨ੍ਹਾਂ
ਕਿਹਾ ਕਿ ਇਸ ਸੀਜਨ ਵਿੱਚ ਭਾਰਤੀ ਕਪਾਹ ਨਿਗਮ ਨੇ ਜਮ੍ਹਾਂਬੰਦੀ ਫਾਰਮ ਦੀ ਬੇਲੋੜੀ
ਸ਼ਰਤ ਲਾ ਕੇ ਕਿਸਾਨਾਂ ਨੂੰ ਬਹੁਤ ਖੱਜਲ-ਖੁਆਰ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ
ਵਿਚਾਰੇ ਕਿਸਾਨਾਂ ਦੀ ਬਦਕਿਸਮਤੀ ਹੀ ਕਹੀ ਜਾ ਸਕਦੀ ਹੈ ਕਿ ਭਾਰਤੀ ਕਪਾਹ ਨਿਗਮ ਵਿੱਚ
ਅਜਿਹੇ ਅਫ਼ਸਰ ਬੈਠੇ ਹਨ ਜਿਨ੍ਹਾਂ ਨੂੰ ਖੇਤੀ ਨਾਲ ਸਬੰਧਤ ਜਮੀਨੀ ਹਕੀਕਤਾਂ ਦਾ ਪਤਾ
ਹੀ ਨਹੀਂ ਹੁੰਦਾ। ਉਹ ਆਪਣੇ ਦਫ਼ਤਰਾਂ ਦੇ ਕਮਰਿਆਂ ਵਿੱਚ ਬੈਠ ਕੇ ਅਜਿਹੀਆਂ ਬੇਲੋੜੀਆਂ
ਸ਼ਰਤਾਂ ਘੜ ਲੈਂਦੇ ਹਨ ਜਿਹਨਾਂ ਦਾ ਖਮਿਆਜ਼ਾ ਗਰੀਬ ਕਿਸਾਨਾਂ ਨੂੰ ਭੁਗਤਣਾ ਪੈਂਦਾ ਹੈ।
ਨਿਗਮ ਨੇ ਕਿਸਾਨਾਂ ਨੂੰ ਇਹ ਭਰੋਸਾ ਦਵਾਇਆ ਸੀ ਕਿ ਇਹ ਸ਼ਰਤ ਤੁਰੰਤ ਖ਼ਤਮ ਕਰ ਦਿੱਤੀ
ਜਾਵੇਗੀ, ਪਰ ਸੀਜਨ ਖ਼ਤਮ ਹੋਣ ਵਾਲਾ ਹੈ ਤੇ ਇਹ ਸ਼ਰਤ ਅਜੇ ਵੀ ਲਾਗੂ ਹੈ। ਉਨ੍ਹਾਂ
ਸਖ਼ਤੀ ਨਾਲ ਕਿਹਾ ਕਿ ਭਾਰਤ ਸਰਕਾਰ ਨੂੰ ਕਿਸਾਨਾਂ ਦੇ ਸਬਰ ਦਾ ਹੋਰ ਇਮਤਿਹਾਨ ਨਹੀਂ
ਲੈਣਾ ਚਾਹੀਦਾ ਤੇ ਇਹ ਸ਼ਰਤ ਫੌਰਨ ਵਾਪਸ ਲੈਣੀ ਚਾਹੀਦੀ ਹੈ। ਸ. ਭੂੰਦੜ ਨੇ ਕਿਹਾ ਕਿ
ਭਾਰਤ ਸਰਕਾਰ ਡੀਜ਼ਲ ਤੇ ਪੈਟਰੋਲ ਦੇ ਭਾਅ ਨਾ ਘਟਾ ਕੇ ਗਰੀਬ ਕਿਸਾਨਾਂ ਤੇ ਛੋਟੇ
ਟਰਾਂਸਪੋਰਟਰਾਂ ਦਾ ਖੂਨ ਚੂਸ ਰਹੀ ਹੈ ਤੇ ਅਮੀਰ ਤੇਲ ਕੰਪਨੀਆਂ ਦੀਆਂ ਜੇਬਾਂ ਭਰ ਰਹੀ
ਹੈ। ਪਿਛਲੇ ਤਿੰਨ ਮਹੀਨੇ ਤੋਂ ਕੌਮਾਂਤਰੀ ਮੰਡੀ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ
ਵਿੱਚ ਭਾਰੀ ਕਮੀ ਆਈ ਹੈ ਪਰ ਕੇਂਦਰ ਸਰਕਾਰ ਨੇ ਕੌਮਾਂਤਰੀ ਮੰਡੀ ਵਿੱਚ ਘਟੀਆਂ
ਕੀਮਤਾਂ ਅਨੁਸਾਰ ਤੇਲ ਦੀਆਂ ਕੀਮਤਾਂ ਨਹੀਂ ਘਟਾਈਆ। ਉਨਾਂ ਨੇ ਗੁੱਸੇ ਨਾਲ ਕਿਹਾ ਕਿ
ਡੀਜ਼ਲ ਤੇ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਕੇਂਦਰ ਸਰਕਾਰ ਨੂੰ ਫੌਰੀ ਤੌਰ 'ਤੇ 10 ਰੁਪਏ
ਪ੍ਰਤੀ ਲੀਟਰ ਕਮੀ ਕਰਨੀ ਚਾਹੀਦੀ ਹੈ।
ਟਰੱਕ ਆਪਰੇਟਰਾਂ ਨੇ ਸ਼ੁਰੂ ਕੀਤੀ ਅਣਮਿੱਥੇ ਸਮੇਂ ਦੀ ਹੜਤਾਲ
ਮੁਹਾਲੀ, 5 ਜਨਵਰੀ (ਜਗਵਿੰਦਰ ਸਿੰਘ)
ਟਰੱਕ ਆਪਰੇਟਰਾਂ ਅਤੇ ਸਰਕਾਰ ਦਰਮਿਆਨ ਬੀਤੇ ਦਿਨੀਂ ਗੱਲਬਾਤ ਫੇਲ੍ਹ ਹੋ ਜਾਣ ਕਾਰਨ
ਦੇਸ਼ ਭਰ ਦੇ 50 ਲੱਖ ਟਰੱਕ ਆਪਰੇ-ਟਰਾਂ ਨੇ ਅਣਮਿੱਥੇ ਸਮੇਂ ਲਈ ਚੱਕਾ ਜਾਮ ਕਰ ਦਿੱਤਾ
ਹੈ। ਇਸ ਚੱਕਾ ਜਾਮ ਕਾਰਨ ਜਿੱਥੇ ਖਾਣ-ਪੀਣ ਦੀਆਂ ਵਸਤਾਂ ਅਤੇ ਫਲ-ਸਬਜੀਆਂ ਦੇ ਭਾਅ
ਵਧਣੇ ਸ਼ੁਰੂ ਹੋ ਗਏ ਹਨ ਉੱਥੇ ਇੱਕ ਦਿਨ ਦੀ ਹੜਤਾਲ ਨਾਲ ਟਰੱਕ ਆਪਰੇਟਰਾਂ ਨੂੰ ਵੀ 10
ਕਰੋੜ ਰੁਪਏ ਦਾ ਨਕਸਾਨ ਹੋਵੇਗਾ। ਇਸ ਹੜਤਾਲ ਵਿੱਚ ਭਾਗ ਲੈਂਦਿਆਂ ਮੁਹਾਲੀ ਅਤੇ
ਪੰਜਾਬ ਦੀਆਂ ਟਰੱਕ ਯੂਨੀਅਨ ਨੇ ਵੀ ਚੱਕਾ ਜਾਮ ਕਰ ਦਿੱਤਾ ਹੈ।ਆਲ ਇੰਡੀਆ ਮੋਟਰ
ਟ੍ਰਾਂਸਪੋਰਟ ਕਾਂਗਰਸ ਦੇ ਸੱਤੇ ਤੇ ਇਸ ਦੇਸ਼ ਵਿਆਪੀ ਹੜਤਾਲ ਦੇ ਸਰਕਾਰ ਵਲੋਂ ਮੰਗਾਂ
ਨਾ ਮੰਨੇ ਜਾਣ ਤੇ ਲੰਮੇਂ ਸਮੇਂ ਤੱਕ ਚੱਲਣ ਦੇ ਆਸਾਰ ਹਨ। ਟਰੱਕ ਆਪਰੇਟਰਾਂ ਡੀਜਲ ਦੀ
ਕੀਮਤ ਵਿੱਚ 10 ਰੁਪਏ ਅਤੇ ਪੈਟ੍ਰੋਲ ਦੀ ਕੀਮਤ ਵੱਚ 15 ਰੁਪਏ ਪ੍ਰਤੀ ਲੀਟਰ ਘੱਟ
ਕਰਨ, ਰਬੜ ਦੀਆਂ ਕੀਮਤਾਂ ਘੱਟ ਹੋਣ ਦੇ ਬਾਵਜੂਦ ਟਾਇਰਾਂ ਦੀਆਂ ਕੀਮਤਾਂ ਵਿੱਚ
ਬੇਹਿਸਾਬ ਵਾਧਾ ਵਾਪਿਸ ਲੈਣ, ਟਰੱਕਾਂ ਦੀਆਂ ਚੈਸੀਆਂ ਦੀਆਂ ਕੀਮਤਾਂ ਵਿੱਚ ਕਮੀ
ਕਰਨਾ, ਟੋਲ ਟੈਕਸ ਦੀ ਵਸੂਲੀ ਬੰਦ ਕਰਨਾ, ਪਰਮਿਟ ਫੀਸ ਘੱਟ ਕਰਨ ਵਰਗੀਆਂ ਮੰਗਾਂ ਨੂੰ
ਲੈ ਕੇ ਹੜਤਾਲ ਤੇ ਗਏ ਹਨ।ਜਿੱਥੇ ਦੇਸ਼ ਭਰ ਦੇ ਟਰੱਕ ਆਪਰੇ-ਟਰ ਇਸ ਹੜਤਾਲ ਵਿੱਚ
ਸ਼ਾਮਿਲ ਹੋ ਕੇ ਸਰਕਾਰ ਤੇ ਦਬਾਅ ਪਾ ਕੇ ਆਪਣੀਆਂ ਮੰਗਾਂ ਮਨਵਾਉਣ ਲਈ ਅੜੇ ਹਨ ਉੱਥੇ
ਛੋਟੇ ਅਤੇ ਇਕਹਰੇ ਟਰੱਕਾਂ ਦੇ ਮਾਲਿਕ ਇਸ ਹੜਤਾਲ ਕਾਰਨ ਦੁਵਿਧਾ ਵਿੱਚ ਫਸ ਗਏ ਹਨ।
ਇਹਨਾਂ ਟਰੱਕ ਆਪਰੇਟਰਾਂ ਨੂੰ ਹੜਤਾਲ ਲੰਮੀ ਖਿਚਣ ਕਾਰਨ ਫਾਇਨਾਂਸ ਦੀਆਂ ਕਿਸ਼ਤਾਂ
ਟੁੱਟਣ ਅਤੇ ਆਪਣੇ ਪਰਿਵਾਰ ਦੇ ਪਾਲਣ ਪੋਸ਼ਣ ਦੀ ਚਿੰਤਾ ਸਤਾ ਰਹੀ ਹੈ ਪਰ ਉਹ ਹੜਤਾਰ
ਦਾ ਸਮਰਥਨ ਕਰਨ ਲਈ ਮਜਬੂਰ ਹਨ। ਸਟੇਟ ਟਰੱਕ ਆਪਰੇਟਰ ਯੂਨੀਅਨ ਦੇ ਪ੍ਰਧਾਨ ਤਰਲੋਚਨ
ਸਿੰਘ ਨੇ ਸਕਾਈ ਹਾਕ ਟਾਈਮਜ਼ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਜੇਕਰ ਕੇਂਦਰ ਸਰਕਾਰ ਨੇ
ਉਹਨਾਂ ਦੀਆਂ ਮੰਗਾਂ ਤੇ ਧਿਆਨ ਨਾ ਦਿੱਤਾ ਤਾਂ ਉਹ ਹੋਰ ਸਖਤ ਕਦਮ ਉਠਾਉਣ ਲਈ ਮਜਬੂਰ
ਹੋਣਗੇ। ਮੁਹਾਲੀ ਟਰੱਕ ਆਪਰੇਟਰ ਯੂਨੀਅਨ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਛਿੰਦੀ ਨੇ
ਦੱਸਿਆ ਕਿ ਉਹਨਾਂ ਨੂੰ ਟਰੱਕਾਂ ਦੀ ਹੜਤਾਲ ਦਾ ਪਹਿਲਾਂ ਹੀ ਪਤਾ ਸੀ ਇਸ ਕਰਕੇ ਉਹਨਾਂ
ਨੇ ਕਈ ਦਿਨ ਪਹਿਲਾਂ ਹੀ ਨਵਾਂ ਮਾਲ ਬੁੱਕ ਕਰਨਾ ਬੰਦ ਕਰ ਦਿੱਤਾ ਸੀ। ਟਰੱਕ
ਡ੍ਰਾਈਵਰਾਂ ਨੇ ਦੱਸਿਆ ਕਿ ਹੜਤਾਲ ਕਾਰਨ ਵਿਹਲੇ ਹੋਣ ਤੇ ਉਹ ਆਪਣਾ ਸਮਾਂ ਤਾਸ਼ ਖੇਡਣ,
ਨਹਾਉਣ ਧੋਣ, ਟਰੱਕਾਂ ਦੀ ਸਾਫ ਸਫਾਈ ਅਤੇ ਆਪਣੇ ਰਿਸ਼ਤੇਦਾਰਾਂ ਅਤੇ ਸਾਕ ਸਬੰਧੀਆਂ ਦਾ
ਸੁਖ ਸੁਨੇਹਾ ਲੈ ਕੇ ਵਤੀਤ ਕਰ ਰਹੇ ਹਨ ਪਰ ਹੜਤਾਲ ਲੰਮੇਂ ਸਮੇਂ ਤੱਕ ਚੱਲਣ ਦੀ ਸੂਰਤ
ਵਿੱਚ ਇਹ ਡ੍ਰਾਈਵਰ ਵੀ ਚਿੰਤਾ ਵਿੱਚ ਨਜ਼ਰ ਆਏ।
ਮੇਰਾ ਖੇਤਰ ਵਿੱਚ ਸਿਰਫ਼ ਗੁਰਦੁਆਰਾ ਮਸਤੂਆਣਾ ਸਾਹਿਬ ਦੇ ਜੋੜ ਮੇਲ ਵਿੱਚ ਸਟੇਜ ਤੋਂ
ਧਾਰਮਿਕ ਭਾਸ਼ਣ ਹੀ ਦਿੱਤੇ ਜਾਣਗੇ- ਸੁਖਦੇਵ ਸਿੰਘ ਢੀਂਡਸਾ
ਬਰਨਾਲਾ, 5 ਜਨਵਰੀ ( ਢਿੱਲੋਂ)-
ਸਰਬੰਸਦਾਨੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਪਾਤਸ਼ਾਹ ਦੇ ਪ੍ਰਕਾਸ਼ ਉਤਸਵ ਤੇ ਸ੍ਰ:
ਸੁਖਦੇਵ ਸਿੰਘ ਢੀਂਡਸਾ ਜਨਰਲ ਸਕੱਤਰ ਸ੍ਰੋਮਣੀ ਅਕਾਲੀ ਦਲ ਨੇ ਅੱਜ ਸਮੂਹ ਸੰਗਤਾਂ
ਨੂੰ ਗੁਰਦੁਆਰਾ ਸਿੰਘ ਸਭਾ ਬਰਨਾਲਾ ਤੋਂ ਵਧਾਈ ਦਿੰਦਿਆਂ ਕਿਹਾ ਮੈਨੂੰ ਖੁਸ਼ੀ ਹੈ ਕਿ
ਬਰਨਾਲਾ ਵਿੱਚ ਇੱਕ ਅਨੋਖੀ ਮਿਸ਼ਾਲ ਕਾਇਮ ਕੀਤੀ ਗਈ, ਜਿਸ ਵਿੱਚ ਹਿੰਦੂ ਵੀਰਾਂ ਨੇ
ਤਿੰਨੇ ਦਿਨ ਜਿਸ ਦਿਨ ਤੋਂ ਅਖੰਡ ਪਾਠ ਪ੍ਰਕਾਸ਼ ਹੋਏ, ਉਸ ਦਿਨ ਤੋਂ ਅੱਜ ਤੱਕ ਸੇਵਾ
ਕਰਕੇ ਇੱਕ ਅਨੋਖੀ ਮਿਸ਼ਾਲ ਕੇਵਲ ਬਰਨਾਲੇ ਵਿੱਚ ਤਿਆਰ ਕੀਤੀ ਹੈ। ਉਹਨਾਂ ਕਿਹਾ ਕਿ
ਗੁਰੂ ਗੋਬਿੰਦ ਸਿੰਘ ਜੀ ਦਾ ਕਿਸੇ ਨਾਲ ਨਿੱਜੀ ਵੈਰ ਨਹੀਂ ਸੀ ਨਾ ਹੀ ਉਹਨਾਂ ਦੇ ਵੈਰ
ਮੁਸਲਮਾਨ ਕੌਮ ਨਾਲ ਸੀ ਗੁਰੂ ਜੀ ਨੇ ਤਾਂ ਜੁਲਮ ਖਿਲਾਫ ਜੰਗ ਲੜੀ ਉਹਨਾਂ ਦੇ ਦੱਸੇ
ਹੋਏ ਨਿਯਮਾਂ ਤੇ ਚੱਲ ਕੇ ਆਪਣਾ ਜੀਵਨ ਜਿਉਣ ਦੀ ਜਾਂਚ ਮਿਲਦੀ ਹੈ। ਸ੍ਰ: ਢੀਂਡਸਾ ਨੇ
ਸਵਾਲਾਂ ਦੇ ਜਵਾਬ ਦਿੰਦੇ ਕਿਹਾ ਕਿ ਧਾਰਮਿਕ ਸਟੇਜ ਤੋਂ ਧਰਮ ਬਾਰੇ ਹੀ ਬੋਲਿਆ
ਜਾਵੇਗਾ, ਜਿਸ ਵੀ ਪਾਰਟੀ ਨੇ ਰਾਜਨੀਤੀ ਬਾਰੇ ਰਾਜਨੀਤਿਕ ਭਾਸ਼ਣ ਦੇਣੇ ਹਨ, ਉਹ ਆਪਣੀ
ਵੱਖਰੀ ਸਟੇਜ ਤੋਂ ਭਾਸ਼ਣ ਦੇ ਸਕਦੇ ਹਨ। ਮੇਰਾ ਖੇਤਰ ਵਿੱਚ ਸਿਰਫ਼ ਗੁਰਦੁਆਰਾ ਮਸਤੂਆਣਾ
ਸਾਹਿਬ ਦੇ ਜੋੜ ਮੇਲ ਵਿੱਚ ਸਟੇਜ ਤੋਂ ਧਾਰਮਿਕ ਭਾਸ਼ਣ ਹੀ ਦਿੱਤੇ ਜਾਣਗੇ। ਇੱਕ ਹੋਰ
ਸਵਾਲ ਦੇ ਜਵਾਬ ਬਰਨਾਲੇ ਵਿਖੇ ਨਾ ਤਾਂ ਯੋਗ ਹਸਪਤਾਲ ਮਿਲ ਸਕਿਆ। ਇਹ ਸਿਰਫ਼ ਖਜਾਨੇ
ਵਿੱਚ ਕਮੀ ਕਾਰਨ ਹੀ ਹੋਇਆ। ਅਖੀਰ ਵਿੱਚ ਉਹਨਾਂ ਨੇ ਖੇਤਰੀ ਪਾਰਟੀਆਂ ਵਿਚ ਜੋ ਰੀਅਲ
ਫੈਡਰਿਲ ਸਿਸਟਮ ਹੈ, ਅਸੀਂ ਉਸੇ ਤਰ੍ਹਾਂ ਹੀ ਸਹਿਯੋਗ ਦੇ ਰਹੇ ਹਾਂ। ਜਿਕਰਯੋਗ ਹੈ ਕਿ
ਢੀਂਡਸਾ ਨੇ ਚੋਣਾਂ ਬਾਰੇ ਚੁੱਪ ਰਹਿਣਾ ਬੇਹਤਰ ਸਮਝਿਆ।
ਅੰਮ੍ਰਿਤਧਾਰੀ ਨਿਰਮਲ ਸਿੰਘ ਆਪਣੇ ਮਾਤਾ-ਪਿਤਾ ਤੇ ਭੈਣ ਸਣੇ ਕੀਤਾ ਡੇਰਾ ਸਿਰਸਾ 'ਚ
ਜਾਣ ਦਾ ਰੁੱਖ
ਮਾਮਲਾ ਏਕਨੂਰ ਖਾਲਸਾ ਫੌਜ਼ ਦੇ ਸਿੰਘਾਂ ਵੱਲੋਂ ਪਰਿਵਾਰ ਨਾਲ ਗੰਦਾ ਵਿਹਾਰ , ਗਾਲੀ
ਗਲੋਚ ਦਾ
ਬਰਨਾਲਾ, 5 ਜਨਵਰੀ ( ਢਿੱਲੋਂ)-
ਏਕਨੂਰ ਖਾਲਸਾ ਫੌਜ਼ ਦੇ ਸਿੰਘਾਂ ਵੱਲੋਂ ਤਖਤ ਸ੍ਰੀ ਦਮਦਮਾ ਸਾਹਿਬ ਉਪਰ ਅੰਮ੍ਰਿਤਧਾਰੀ
ਸਿੰਘਾਂ ਨੂੰ ਧੱਕੇ ਮਾਰਨ ਕਰਕੇ ਸਿੱਖ ਧਰਮ ਨੂੰ ਛੱਡ ਕੇ ਉਹਨਾਂ ਕੀਤਾ ਡੇਰਾ ਸਿਰਸਾ
'ਚ ਜਾਣ ਦਾ ਰੁੱਖ। ਮਿਲੀ ਜਾਣਕਾਰੀ ਅਨੁਸਾਰ ਨਿਰਮਲ ਸਿੰਘ ਪੁੱਤਰ ਦਰਬਾਰ ਸਿੰਘ ਵਾਸੀ
ਪੋਨਾਂ ਤਹਿਸ਼ੀਲ ਜਗਰਾਉਂ ਦੇ ਘਰ ਪਹਿਲਾਂ ਉਸ ਦੇ ਪੁਰਵਜ ਵਡਭਾਗ ਸਿੰਘ ਦੀ ਗੱਦੀ
ਲਗਾਉਂਦੇ ਸਨ, ਪਰ ਹੌਲੀ-ਹੌਲੀ ਨਿਰਮਲ ਸਿੰਘ ਨੂੰ ਸੋਝੀ ਆਈ ਉਸ ਨੇ ਗੂਰੂ ਡੰਮ ਨੂੰ
ਛੱਡ ਅੰਮ੍ਰਿਤ ਛਕ ਲਿਆ। ਗੁਰੂ ਡੰਮ ਦੇ ਖਿਲਾਫ਼ ਪ੍ਰਚਾਰ ਵੀ ਸੁਰੂ ਕੀਤਾ ਪਰ ਉਹ
ਚੌਂਕੀਆਂ ਨੂੰ ਰੋਕ ਨਹੀਂ ਸਕਿਆ। ਉਸ ਦੇ ਘਰੋਂ ਗੁਰੂ ਗ੍ਰੰਥ ਸਾਹਿਬ ਦੀ ਬੀੜ ਤੇ
ਪਾਲਕੀ ਜਿਸ ਦੀ ਦੇਖ-ਰੇਖ ਉਹ ਨਿਰਮਲ ਸਿੰਘ ਕਰਦਾ ਸੀ, ਪ੍ਰੰਤੂ ਸਰੂਪ ਗੁਰਦੁਆਰੇ ਦੀ
ਬਿਲਡਿੰਗ ਬਣਦੀ ਹੋਣ ਕਰਕੇ ਮੇਰੇ ਘਰ ਰੱਖ ਦਿੱਤੇ ਸੀ, ਨੂੰ ਵੀ ਏਕਨੂਰ ਖਾਲਸਾ ਦੇ
ਕਾਰਕੁੰਨ ਚੁੱਕਕੇ ਲੈ ਗਏ। ਇਸ ਸਬੰਧੀ ਐਸ.ਐਸ.ਪੀ. ਦਿਹਾਤੀ ਲੁਧਿਆਣਾ ਡੀ.ਐਸ.ਪੀ.
ਨੂੰ ਸ਼ਿਕਾਇਤ ਦਰਜ ਕਰਵਾਈ। ਨਿਰਮਲ ਸਿੰਘ ਅੰਮ੍ਰਿਤਧਾਰੀ ਸਿੱਖ ਆਪਣੇ ਮਾਤਾ-ਪਿਤਾ ਤੇ
ਭੈਣ ਸਾਰੇ ਅੰਮ੍ਰਿਤਧਾਰੀ ਤੋਂ ਹੋਰ ਸਿੰਘਾਂ ਨੂੰ ਨਾਲ ਲੈਕੇ ਦਮਦਮੇ ਪਹੁੰਚੇ ਤਾਂ
ਉਥੇ ਤਖਤ ਦੇ ਸਿੰਘ ਸਹਿਬਾਨ ਬਲਵੰਤ ਸਿੰਘ ਨੰਦਗੜ ਦੀ ਰਹਾਇਸ ਉਤੇ ਪਹਿਲਾਂ ਤੋਂ ਹੀ
ਏਕਨੂਰ ਖਾਲਸਾ ਫੌਜ਼ ਦੇ ਪਹਿਲਾਂ ਮੌਜੂਦ ਹਰਜੀਤ ਸਿੰਘ ਇੰਦਗੜ, ਰਪਿੰਦਰ ਸਿੰਘ
ਫਰੀਦਕੋਟ, ਕਰਮਜੀਤ ਸਿੰਘ ਬਿਜਲੀ, ਬਲਵਿੰਦਰ ਸਿੰਘ ਸਿੱਧਵਾਂ ਅਤੇ ਮੋਹਨ ਸਿੰਘ
ਬੰਗਸੀਪੁਰਾ ਵੱਲੋਂ ਮੇਰੇ ਨਾਲ ਅਤੇ ਮੇਰੇ ਪਰਿਵਾਰ ਨਾਲ ਗੰਦਾ ਵਿਹਾਰ ਕੀਤਾ ਗਿਆ,
ਗਾਲੀ ਗਲੋਚ ਵੀ ਕੀਤੀ ਗਈ। ਸਗੋਂ ਸਿੱਖ ਧਰਮ ਵਿੱਚ ਸਰਨ ਅਤੇ ਤਿਸੁ ਕਠਿ ਲਾਏ ਦੇ
ਮਹਾਂਵਾਕ ਅਨੁਸਾਰ ਨਹੀਂ ਹੋਇਆ ਘਰ ਆਏ ਦੀ ਬੇ-ਇੱਜਤੀ ਕੀਤੀ ਗਈ। ਉਹ ਪਾਲਕੀ ਜੋ ਅਸੀਂ
ਆਪਣੀ ਮਰਜੀ ਨਾਲ ਦਾਨ ਕਰਨੀ ਹੈ, ਉਹ ਵੀ ਵਾਪਸ ਨਹੀਂ ਕੀਤੀ ਗਈ। ਸਗੋਂ ਪੁਲਿਸ
ਪ੍ਰਸ਼ਾਸ਼ਨ ਨੇ ਵੀ ਏਕਨੂਰ ਦੇ ਦਬਾਅ ਹੇਠ ਕੋਈ ਕਾਰਵਾਈ ਨਹੀਂ ਕੀਤੀ।
ਢੀਂਡਸਾ ਧੜੇ ਨੂੰ ਧੋਬੀ ਪਟੜਾ ਮਾਰਕੇ ਜ਼ਿਲ੍ਹਾ ਪ੍ਰਧਾਨ ਬਲਵੀਰ ਸਿੰਘ ਘੁੰਨਸ ਆਪਣੇ
ਉਮੀਦਵਾਰ ਨੂੰ ਪ੍ਰਧਾਨ ਬਨਾਉਣ ਵਿਚ ਕਾਮਯਾਬ
ਬਰਨਾਲਾ, 5 ਜਨਵਰੀ ( ਬਾਜਵਾ)-
ਅਕਾਲੀਆਂ ਦੀ ਆਪਣੇ ਹੀ ਰਾਜ ਵਿੱਚ ਦੁਰਦਸਾ ਹੈ ਕਿ ਉਹ ਉਹਨਾ ਨੂੰ ਦੱਸਣਾ ਹੈ ਪੈ
ਰਿਹਾ ਹੈ, ਕਿ ਮੈਂ ਢੀਂਡਸਾ ਧੜੇ ਨਾਲ ਸਬੰਧਤ ਹੈ ਅਕਾਲੀਆਂ ਦੀ ਫੁੱਟ ਦੀ ਇਸ ਤੋਂ
ਵਧੀਆਂ ਉਦਾਹਰਣ ਹੋਰ ਕੀ ਹੋ ਸਕਦੀ ਹੈ। ਹੋਇਆ ਇੰਝ ਕਿ ਭਦੌੜ ਨਗਰ ਕੌਂਸ਼ਲ ਦੀ
ਪ੍ਰਧਾਨਗੀ ਦੀ ਚੋਣ ਵਿੱਚ ਢੀਂਡਸਾ ਧੜੇ ਨੂੰ ਧੋਬੀ ਪਟੜਾ ਮਾਰਕੇ ਜ਼ਿਲ੍ਹਾ ਪ੍ਰਧਾਨ
ਬਲਵੀਰ ਸਿੰਘ ਘੁੰਨਸ ਆਪਣੇ ਉਮੀਦਵਾਰ ਨੂੰ ਪ੍ਰਧਾਨ ਬਨਾਉਣ ਵਿਚ ਕਾਮਯਾਬ ਹੋ ਗਿਆ ਸੀ,
ਜਿਸ ਕਾਰਨ ਸੁਖਦੇਵ ਸਿੰਘ ਢੀਂਡਸਾ ਧੜੇ ਦੇ ਵਿਅਕਤੀ ਸਾਧੂ ਸਿੰਘ ਰਾਗੀ ਨੂੰ ਹਾਰ ਦਾ
ਮੂੰਹ ਦੇਖਣਾ ਪਿਆ ਸੀ। ਉਸ ਦਿਨ ਤੋਂ ਹੀ ਸਾਧੂ ਸਿੰਘ ਰਾਗੀ ਜੋ ਆਪਣੇ-ਆਪ ਨੂੰ
ਟਕਸਾਲੀ ਆਗੂ ਤੇ ਢੀਂਡਸਾ ਧੜੇ ਦਾ ਆਦਮੀ ਕਹਿੰਦਾ ਸੀ, ਉਸਨੇ ਆਪਣੇ ਹੀ ਜ਼ਿਲ੍ਹਾ
ਪ੍ਰਧਾਨ ਤੇ ਹੋਰਨਾ ਆਗੂਆਂ ਉਪਰ ਨਗਰ ਕੌਂਸ਼ਲ ਭਦੌੜ ਦੀ ਪ੍ਰਧਾਨਗੀ ਉਪਰ ਧੱਕੇ ਨਾਲ
ਕਬਜਾ ਕਰਨ ਦੇ ਦੋਸ਼ ਵੀ ਲਗਾਏ ਅਤੇ ਇਸ ਸਬੰਧੀ ਮਾਨਯੋਗ ਕੋਰਟ ਵਿੱਚ ਵੀ ਜਾਣ ਬਾਰੇ
ਕਿਹਾ। ਪਰ ਗੱਲ ਉਦੋਂ ਹੋਰ ਵੀ ਵਿਗੜ ਗਈ ਜਦੋਂ ਅਕਾਲੀ ਦਲ ਦੇ ਜ਼ਿਲ੍ਹੇ ਪ੍ਰਧਾਨ
ਬਲਵੀਰ ਸਿੰਘ ਘੁੰਨਸ ਨੇ ਪ੍ਰੈਸ ਬਿਆਨ ਰਾਹੀਂ ਰਾਹੀ ਉਪਰ ਸਵਾਲ ਦਾਗਿਆਂ ਕਿ ਰਾਗੀ
ਦੱਸੇ ਕਿ ਉਹ ਕਿਹੜੇ ਅਕਾਲੀ ਦਲ ਧੜੇ ਨਾਲ ਸਬੰਧਿਤ ਹੈ, ਇਸ ਗੱਲ ਤੋਂ ਅਕਾਲੀ ਦਲ
ਵਿੱਚ ਭਦੌੜ ਦੀ ਪ੍ਰਧਾਨੀ ਨੂੰ ਲੈਕੇ ਚੱਲਿਆ ਕਾਟੋ ਕਲੇਸ ਹੋਰ ਵੀ ਗਹਿਰਾ ਹੋ ਗਿਆ।
ਜਦੋਂ ਸਾਧੂ ਸਿੰਘ ਰਾਗੀ ਨੇ ਪ੍ਰੈਸ ਨੋਟ ਰਾਹੀਂ ਇਹ ਦੱਸਣ ਦੀ ਹਿਮਾਕਤ ਕੀਤੀ ਕਿ ਉਹ
ਢੀਂਡਸਾ ਧੜੇ ਨਾਲ ਸਬੰਧ ਹੈ। ਉਧਰ ਇਸ ਸਬੰਧੀ ਸੁਖਦੇਵ ਸਿੰਘ ਢੀਂਡਸ ਨੇ ਕਿਹਾ ਕਿ
ਅਸੀਂ ਕਾਟੋ ਕਲੇਸ ਜਲਦੀ ਖਤਮ ਕਰ ਲਵਾਂਗੇ।
ਸੁਨਾਮ 5 ਜਨਵਰੀ
ਮੌਜੂਦਾ ਪੰਜਾਬ ਸਰਕਾਰ ਵਲੋਂ ਰਾਜ ਨਹੀਂ ਸੇਵਾ ਦਾ ਨਾਅਰਾ ਦਿਤਾ ਗਿਆ ਹੈ ਪਰ ਸਰਕਾਰ
ਵਲੋਂ ਦਿਤੇ ਗਏ ਇਸ ਨਾਅਰੇ ਨੂੰ ਭ੍ਰਿਸ਼ਟ ਕਿਸਮ ਦੇ ਕੁਝ ਅਫਸਰਾਂ ਵਲੋਂ ਰਾਜ ਮੇਂ ਹੀ
ਮੇਵਾ ਸਮਝ ਕੇ ਵਰਤਿਆ ਜਾ ਰਿਹਾ ਹੈ। ਇਸਦਾ ਖੁਲਾਸਾ ਉਸ ਸਮੇਂ ਹੋਇਆ ਜਦੋਂ ਸਥਾਨਕ
ਸਬਜੀ ਮੰਡੀ ਵਾਲੇ ਗਰੀਬ ਲੋਕਾਂ ਦੀ ਸ਼ਿਕਾਇਤ ਤੇ ਪਤਰਕਾਰਾਂ ਦੀ ਟੀਮ ਨੇ ਸਬਜੀ ਮੰਡੀ
ਦੇ ਇਕ ਆੜਤੀਏ ਦਾ ਫਰਜੀ ਕੰਡਾ ਤੇ ਵੱਟੇ ਚੈਕ ਕੀਤੇ ਤਾਂ ਉਹਨਾਂ ਸਾਰੇ ਵੱਟਿਆਂ
ਵਿਚੋਂ ਸਿੱਕਾ ਕੱਢਿਆ ਹੋਇਆ ਸੀ। ਗੌਰ ਹੈ ਕਿ ਫਰਜੀ ਕੰਡੇ ਦੇ ਵੱਟਿਆ ਵਿਚੋਂ ਸਿੱਕਾ
ਕੱਢਣ ਨਾਲ ਇਕ ਕੁਵਿੰਟਲ ਪਿਛੇ 5-6 ਕਿਲੋ ਵਜਨ ਦਾ ਫਰਕ ਪੈਂਦਾ ਹੈ। ਇਸ ਤਰਾਂ ਇਸ
ਆੜਤੀਏ ਵਲੋਂ ਕੁਵਿੰਟਲ ਮਗਰ ਲੋਕਾਂ ਨਾਲ ਪੰਜ-ਛੇ ਕਿਲੋ ਦੀ ਠੱਗੀ ਮਾਰੀ ਜਾ ਰਹੀ ਸੀ
ਅਤੇ ਮਾਰਕੀਟ ਕਮੇਟੀ ਦੇ ਨੱਕ ਥੱਲੇ ਹਜਾਰਾਂ ਰੁਪਇਆ ਦੀ ਠੱਗੀ ਹਰ ਰੋਜ ਆਮ ਜਨਤਾ ਤੇ
ਗਰੀਬ ਲੋਕਾਂ ਨਾਲ ਮਾਰ ਰਿਹਾ ਸੀ। ਜਾਣਕਾਰ ਸੂਤਰਾਂ ਅਨੁਸਾਰ ਗੋਲਡੀ ਨਾਂ ਦੇ ਇਸ
ਆੜਤੀਏ ਨੇ ਪਿਛਲੇ ਇਕ ਸਾਲ ਤੋਂ ਸਿੱਕਾ ਵੱਟਿਆ ਵਿਚੋਂ ਕੱਢ ਰੱਖਿਆ ਹੈ ਅਤੇ ਕਿਉਂਕਿ
ਮਾਰਕੀਟ ਕਮੇਟੀ ਦੇ ਅਫਸਰ ਤੇ ਮੁਲਾਜਮ ਮੰਡੀ ਵਿਚ ਡਿਊਟੀ ਕਰ ਰਹੇ ਹੁੰਦੇ ਹਨ। ਇਸ ਲਈ
ਇਹ ਸਾਰਾ ਗੋਰਖਧੰਦਾ ਉਹਨਾਂ ਦੇ ਸਹਿਯੋਗ ਨਾਲ ਹੀ ਹੋ ਰਿਹਾ ਸੀ। ਜਦੋਂਕਿ ਉਹਨਾਂ ਦੀ
ਇਹ ਡਿਊਟੀ ਬਣਦੀ ਹੈ ਕਿ ਉਹ ਨਿਸ਼ਚਿਤ ਕਰਨ ਕਿ ਗ੍ਰਾਹਕਾਂ ਨੂੰ ਸਹੀ ਤੋਲ ਮਿਲ ਰਿਹਾ
ਹੈ ਅਤੇ ਮੰਡੀ ਦੇ ਕਿਸੇ ਵੀ ਆੜਤੀਏ ਵਲੋਂ ਕਿਸੇ ਕਿਸਮ ਦੀ ਹੇਰਾ ਫੇਰੀ ਨਹੀਂ ਕੀਤੀ
ਜਾ ਰਹੀ। ਲਗਾਤਾਰ ਇਕ ਸਾਲ ਤਕ ਸਿੱਕੇ ਤੋਂ ਬਿਨਾ ਵੱਟਿਆਂ ਨਾਲ ਤੌਲਦੇ ਰਹਿਣ ਅਫਸਰਾਂ
ਦੇ ਆਸ਼ੀਰਵਾਦ ਬਿਨਾਂ ਸੰਭਵ ਨਹੀਂ। ਇਹ ਵੀ ਉਦੋਂ ਜਦੋਂ ਅਫਸਰ ਤੇ ਮੁਲਾਜਮ ਸਿਰ ਤੇ
ਘੁੰਮਦੇ ਰਹਿੰਦੇ ਹੋਣ। ਜਦੋਂ ਉਕਤ ਆੜਤੀਏ ਨੂੰ ਠੱਗੀਆਂ ਮਾਰਦੇ ਫੜਿਆ। ਅਤੇ ਉਸਦੇ
ਆਕਾਵਾਂ ਕੰਡੇ ਅਤੇ ਉਸਦੀਆਂ ਫੋਟੋਆਂ ਲੈਣ ਲੱਗੇ ਤਾਂ ਉਹ ਝੱਟ ਆਪਣੇ ਆਕਾਵਾਂ ਨੂੰ
ਫੋਨ ਕਰਨ ਲੱਗ ਪਿਆ। ਮਾਰਕਿਟ ਕਮੇਟੀ ਵਲੋਂ ਇਸ ਆੜਤੀਏ ਤੇ ਕੀਤੀ ਗਈ ਕਾਰਵਾਈ ਦੀ
ਜਾਣਕਾਰੀ ਲੈਣ ਬਾਰੇ ਜਦੋਂ ਬਾਅਦ ਵਿਚ ਮਾਰਕਿਟ ਕਮੇਟੀ ਦ ਸੈਕਟਰੀ ਬਲਵਿੰਦਰ ਸਿੰਘ
ਨਾਲ ਉਹਨਾਂ ਦੇ ਮੋਬਾਇਲ ਤੇ ਗਲ ਕੀਤੀ ਗਈ। ਤਾਂ ਉਹਨਾਂ ਇਸ ਸਬੰਧੀ ਕੋਈ ਵੀ ਜਾਣਕਾਰੀ
ਹੋਣ ਤੋਂ ਇਨਕਾਰ ਕੀਤਾ ਅਤੇ ਗੋਲਡੀ ਨਾਂ ਦੇ ਇਸ ਆੜਤੀਏ ਤੋਂ ਸਾਰੀ ਗਲ ਦੀ ਜਾਣਕਾਰੀ
ਲੈ ਕੇ ਦੱਸਣ ਬਾਰੇ ਕਿਹਾ। ਜਦ ਕਿ ਜੇਕਰ ਉਹਨਾਂ ਨੂੰ ਇਸ ਸੰਬੰਧੀ ਜਾਣਕਾਰੀ ਨਹੀਂ ਸੀ
ਤਾਂ ਉਹਨਾਂ ਨੂੰ ਆਪਣੇ ਮੁਲਾਜਮਾਂ ਤੋਂ ਇਹ ਜਾਣਕਾਰੀ ਲੈਣੀ ਚਾਹੀਦੀ ਸੀ। ਜੋ ਕਿ ਉਕਤ
ਆੜਤੀਏ ਦੇ ਠੱਗੀਆਂ ਮਾਰਦੇ ਫੜੇ ਜਾਣ ਸਮੇਂ ਸਬਜੀ ਮੰਡੀ ਵਿਚ ਡਿਊਟੀ ਤੇ ਹਾਜਰ ਸਨ।
ਨਾ ਕਿ ਇਕ ਭ੍ਰਿਸ਼ਟ ਵਪਾਰੀ ਤੋਂ ਜੋ ਕਿ ਠੱਗੀਆਂ ਮਾਰਦਾ ਮੌਕੇ ਤੇ ਜਨਤਾ ਸਾਹਮਣੇ
ਫੜਿਆ ਗਿਆ ਹੋਵੇ। ਮਾਰਕਿਟ ਕਮੇਟੀ ਦੇ ਸੈਕਟਰੀ ਨਾਲ ਜਦੋਂ ਦੁਬਾਰਾ ਸੰਪਰਕ ਕੀਤਾ ਗਿਆ
ਤਾਂ ਉਹਨਾਂ ਆਪਣਾ ਮੋਬਾਇਲ ਮਾਰਕਿਟ ਕਮੇਟੀ ਦੇ ਸੁਪਰਵਾਈਜਰ ਹਰਜਿੰਦਰ ਸਿੰਘ ਨੂੰ ਫੜਾ
ਦਿੱਤਾ ਅਤੇ ਉਹਨਾਂ ਤੋਂ ਹੀ ਸਵਾਲ ਪੁਛਣ ਬਾਰੇ ਕਿਹਾ। ਜਦੋਂ ਸੁਪਰਵਾਈਜਰ ਤੋਂ
ਉਹਨਾੇਂ ਵਲੋਂ ਕੀਤੀ ਗਈ ਕਾਰਵਾਈ ਦੀ ਜਾਣਕਾਰੀ ਮੰਗੀ ਤਾਂ ਉਹਨਾਂ ਨੇ ਕਿਹਾ ਕਿ
ਆੜਤੀਆ ਦੇ ਕੰਡੇ ਵੱਟੇ ਚੈਕ ਕਰਨਾ ਸਾਡਾ ਕੰਮ ਨਹੀਂ। ਇਹ ਕੰਮ ਨਾਪ ਤੌਲ ਵਿਭਾਗ ਦਾ
ਹੈ। ਤੁਸੀ ਉਹਨਾਂ ਤੋਂ ਜਾਣਕਾਰੀ ਲਵੋ। ਸਾਨੂੰ ਤਾਂ ਜੇਕਰ ਕੋਈ ਸ਼ਿਕਾਇਤ ਕਰਦਾ ਹੈ
ਤਾਂ ਹੀ ਅਸੀਂ ਚੈਕ ਕਰਦੇ ਹਾਂ। ਉਹਨਾਂ ਆੜਤੀਏ ਦਾ ਪੱਖ ਲੈਂਦੇ ਹੋਏ ਕਿਹਾ ਕਿ ਤੁਸੀ
ਕਲ ਨੂੰ ਦੁਬਾਰਾ ਆ ਕੇ ਇਸ ਆੜਤੀਏ ਦਾ ਮਾਲ ਤੁਲਦੇ ਸਮੇਂ ਵੱਟਿਆਂ ਦਾ ਭਾਰ ਚੈਕ ਕਰ
ਲਵੋ। ਪਰ ਜਦੋਂ ਉਹਨਾਂ ਤੋਂ ਪੁਛਿਆ ਗਿਆ ਕਿ ਜੇਕਰ ਤੌਲ ਸਹੀ ਰੱਖਣਾ ਜਾਂ ਨਾ ਰੱਖਣਾ
ਤੁਹਾਡੀ ਨਹੀਂ ਮਾਪ ਤੋਲ ਵਿਭਾਗ ਦੀ ਜਿਮੇਵਾਰੀ ਹੈ ਤਾਂ ਤੁਸੀ ਸਾਨੂੰ ਕਲ ਨੂੰ
ਦੁਬਾਰਾ ਆ ਕੇ ਭਾਰ ਤੁਲਦਾ ਹੋਇਆ ਚੈਕ ਕਰਨ ਲਈ ਕਿਉਂ ਕਹਿ ਰਹੇ ਹੋ? ਕੀ ਉਹਨਾਂ
ਵੱਟਿਆਂ ਵਿਚ ਸਿੱਕਾੇ ਪਵਾ ਲਿਆ ਗਿਆ ਹੈ। ਤਾਂ ਉਹ ਕੋਈ ਵੀ ਸੰਤੁਸ਼ਟੀੇ ਜਨਕ ਜਵਾਬ
ਨਹੀਂ ਦੇ ਸਕੇ ਤੇ ਫੋਨ ਕੱਟ ਦਿੱਤਾ।
ਸ੍ਰੀਮਾਨ ਸੰਤ ਬਾਬਾ ਸੁੰਦਰ ਸਿੰਘ ਜੀ ਦੀ 66 ਵੀਂ ਸਲਾਨਾ ਬਰਸੀ ਮਿਤੀ 5,7,8 ਜਨਵਰੀ
ਨੂੰ
ਅਹਿਮਦਗੜ 5 ਜਨਵਰੀ
ਸ੍ਰੀਮਾਨ ਸੰਤ ਬਾਬਾ ਸੁੰਦਰ ਸਿੰਘ ਜੀ ਦੀ 66 ਵੀਂ ਸਲਾਨਾ ਬਰਸੀ ਗੁਰਦੁਆਰਾ ਗੁਰੂ
ਗਿਆਨ ਪ੍ਰਕਾਸ਼ ਪਿੰਡ ਲੋਹਟਬੱਦੀ ਸੰਪਰਦਾਈ ਭਿੰਡਰਾ ਵਿਖੇ ਬਾਬਾ ਦੀਦਾਰ ਸਿੰਘ ਜੀ ਅਤੇ
ਬਾਬਾ ਮਹਿਮਾ ਸਿੰਘ ਜੀ ਦੀ ਸਰਪਰਸਤੀ ਹੇਠ ਮਿਤੀ 5,7,8 ਜਨਵਰੀ ਨੂੰ ਮਨਾਈ ਜਾ ਰਹੀ
ਹੈ। ਮੁਖ ਸੇਵਾਦਾਰ ਬਾਬਾ ਦੀਦਾਰ ਸਿੰਘ ਜੀ ਅਤੇ ਜਥੇਦਾਰ ਮਹਿਮਾਂ ਸਿੰਘ ਜੀ ਨੇ
ਦੱਸਿਆ ਕਿ ਇਸ ਸਲਾਨਾ ਗੁਰਮਤਿ ਜੋੜ ਮੇਲੇ ਵਿਚ ਮਿਤੀ 6 ਜਨਵਰੀ ਨੂੰ ਮਹਾਨ ਨਗਰ
ਕੀਰਤਨ ਹੋਵੇਗਾ ਮਿਤੀ 7 ਜਨਵਰੀ ਨੂੰ 11 ਵਜੇ ਢਾਡੀ ਅਤੇ ਕਵੀਸ਼ਰੀ ਜੱਥੇ ਗੁਰ ਇਤਿਹਾਸ
ਵਿਖਿਆਨ ਕਰਨਗੇ। ਮਿਤੀ 8 ਜਨਵਰੀ ਨੂੰ ਦੀਵਾਨ ਸੱਜਣਗੇ ਅਤੇ ਭਾਰੀ ਅਮ੍ਰਿਤ ਸੰਚਾਰ
ਹੋਵੇਗਾ। ਇਸ ਤੋਂ ਇਲਾਵਾ ਮਿਤੀ 7 ਜਨਵਰੀ ਨੂੰ ਸਿੰਘ ਸਾਹਿਬ ਜਥੇਦਾਰ ਇਕਬਾਲ ਸਿੰਘ
ਜੀ ਤਖਤ ਸ੍ਰੀ ਪਟਨਾ ਸਾਹਿਬ ਹਜੂਰ ਸਾਹਿਬ ਤੋਂ ਵਿਸ਼ੇਸ ਕਰਕੇ ਪਹੁੰਚ ਰਹੇ ਹਨ। ਮਾਸਟਰ
ਅਮਰਜੀਤ ਸਿੰਘ ਅਤੇ ਮੈਂਬਰ ਬਲਾਕ ਸੰਮਤੀ ਜਗਦੀਸ਼ ਸਿੰਘ ਨੇ ਦੱਸਿਆ ਕਿ ਇਸ ਸਮਾਗਮ ਵਿਚ
ਉਚ ਕੋਟੀ ਦੇ ਰਾਗੀ, ਢਾਡੀ ਕਵੀਸ਼ਰੀ ਜੱਥੇ ਅਤੇ ਸੰਤ ਮਹਾਪੁਰਸ਼ ਪਹੁੰਚ ਰਹੇ ਹਨ।
ਪ੍ਰਧਾਨ ਬਲਵੰਤ ਸਿੰਘ ਰਾਮੂਵਾਲੀਆ ਨੂੰ ਜਿਤਾਉਣ ਲਈ ਯੂਥ ਵਿੰਗ ਆਪਣੀ ਨਵੀਂ ਰਣਨੀਤੀ
ਤਹਿ ਕਰੇਗਾ
ਸੰਗਰੂਰ 5 ਜਨਵਰੀ
ਲੋਕ ਸਭਾ ਚੋਣਾਂ ਮੁਖ ਰਖਦਿਆਂ ਚੋਣ ਸਰਗਰਮੀਆਂ ਨੂੰ ਹੋਰ ਤੇਜ ਕਰਨ ਲਈ ਲੋਕ ਭਲਾਈ
ਪਾਰਟੀ ਦੇ ਯੂਥ ਵਿੰਗ ਦੇ ਸਾਰੇ ਅਹੁਦੇਦਾਰਾਂ ਦੀ ਮੀਟਿੰਗ ਅੱਜ 10.30 ਵਜੇ ਸੰਗਰੂਰ
ਵਿਖੇ ਸੱਦੀ ਗਈ ਹੈ। ਪਾਰਟੀ ਦੇ ਸੰਗਰੂਰ ਦਫਤਰ ਤੋਂ ਜਾਰੀ ਪ੍ਰੈਸ ਨੋਟ ਵਿਚ ਨਵਦੀਪ
ਗਿਲ ਮੰਡੀ ਕਲਾਂ ਨੇ ਦੱਸਿਆ ਕਿ ਇਸ ਮੀਟਿੰਗ ਵਿਚ ਯੂਥ ਵਿੰਗ ਦੇ ਸਾਰੇ ਅਹੁਦੇਦਾਰਾਂ
ਦਾ ਸਮੇਂ ਸਿਰ ਪਾਰਟੀ ਦੇ ਸੰਗਰੂਰ ਦਫਤਰ ਵਿਚ ਪੰਹੁਚਣਾ ਜਰੂਰੀ ਹੈ। ਮੀਟਿੰਗ ਵਿਚ
ਸੰਗਰੂਰ ਲੋਕ ਸਭਾ ਹਲਕੇ ਤੋਂ ਪਾਰਟੀ ਦੇ ਕੌਮੀ ਪ੍ਰਧਾਨ ਬਲਵੰਤ ਸਿੰਘ ਰਾਮੂਵਾਲੀਆ
ਨੂੰ ਜਿਤਾਉਣ ਲਈ ਯੂਥ ਵਿੰਗ ਆਪਣੀ ਨਵੀਂ ਰਣਨੀਤੀ ਤਹਿ ਕਰੇਗਾ।
ਪੰਜਾਬ ਨੰਬਰਦਾਰਾਂ ਯੂਨੀਅਨ ਰਜਿ. 643 ਜਿਲ੍ਹਾ ਸੰਗਰੂਰ ਦੀ ਜਿਲਾ ਬਾਡੀ ਦੀ ਚੋਣ
ਸਰਬ ਸੰਮਤੀ ਨਾਲ
ਸੰਗਰੂਰ 5 ਜਨਵਰੀ
ਪੰਜਾਬ ਨੰਬਰਦਾਰਾਂ ਯੂਨੀਅਨ ਰਜਿ. 643 ਜਿਲ੍ਹਾ ਸੰਗਰੂਰ ਦੀ ਮਾਸਿਕ ਮੀਟਿੰਗ ਮਿੰਨੀ
ਸਕਤਰਰੇਤ ਸੰਗਰੂਰ ਵਿਖੇ ਹੋਈ ਇਸ ਵਿਚ ਜਿਲਾ ਸੰਗਰੂਰ ਦੇ ਨੰਬਰਦਾਰਾਂ ਨੇ ਸਮੂਲੀਅਤ
ਕੀਤੀ ਅਤੇ ਜਿਲਾ ਬਾਡੀ ਦੀ ਚੋਣ ਸਰਬ ਸੰਮਤੀ ਨਾਲ ਕੀਤੀ ਗਈ। ਜਿਸ ਵਿਚ ਬੂਟਾ ਸਿੰਘ
ਲਦਾਲ ੇਨੂੰ ਜਿਲਾ ਯੂਨੀਅਨ ਦੇ ਸਪਰਸਤ ਨਿਯੁਕਤ ਕੀਤਾ ਗਿਆ। ਭਗਵਾਨ ਸਿੰਘ ਮਾਣਕ ਨੂੰ
ਜਿਲਾ ਸੰਗਰੂਰ ਯੂਨੀਅਨ ਦੇ ਪ੍ਰਧਾਨ ਤੇ ਕਰਮ ਸਿੰਘ ਰਾਣੀ ਸੀਨੀਅਰ ਮੀਤ ਪ੍ਰਧਾਨ
ਕੈਸ਼ੀਅਰ ਸਤਗੂਰ ਸਿੰਘ ਛਾਜਲੀ ਜਨਰਲ ਸਕਤਰ ਗੁਰਛਿੰਦਰ ਸਿੰਘ ਖੁਰਦ ਤੇ ਪਰਮਜੀਤ ਸਿੰਘ
ਅਮਰਗੜ ਸਹਾਇਕ ਸਕਤਰ ਕਰਤਾਰ ਸਿੰਘ ਈਲਵਾਲ। ਕਰਨੈਲ ਸਿੰਘ ਗਗੜਪੁਰ, ਨਛਤਰ ਸਿੰਘ,
ਤਰਲੋਚਨ ਸਿੰਘ ਸਲਾਹਕਾਰ ਮੈਂਬਰ ਚੁਣੇ ਗਏ। ਬੂਟਾ ਸਿੰਘ ਲਦਾਲ ਸਪਰਸਤ ਨੇ ਪੰਜਾਬ
ਸਰਕਾਰ ਤੋਂ ਮੰਗ ਕੀਤੀ ਕਿ ਨੰਬਰਦਾਰਾਂ ਦੀਆਂ ਲਟਕਦੀਆਂ ਮੰਗਾਂ ਜੱਦੀ ਪੁਸ਼ਤੀ
ਨੰਬਰਦਾਰੀ ਪਹਿਲਾਂ ਦੀ ਤਰਾਂ ਬਹਾਲ ਕੀਤੀ ਜਾਵੇ। ਹਰ ਮਹੀਨੇ 3 ਤਾਰੀਕ ਨੂੰ ਮਿੰਨੀ
ਸਕਤੇਰਤ ਦੇ ਗਰਾਊੰਡ ਵਿਚ ਨੰਬਰਦਾਰਾਂ ਦੀ ਮਾਸਿਕ ਮੀਟਿੰਗ ਵਿਚ ਪਹੁੰਚਣ ਲਈ ਅਪੀਲ
ਕੀਤੀ। ਬੰਤ ਸਿੰਘ, ਹਰਜਿੰਦਰ ਸਿੰਘ, ਮਹਿੰਦਰ ਸਿੰਘ, ਨਛਤਰ ਸਿੰਘ, ਤਰਲੋਚਨ ਸਿੰਘ,
ਕਮਲਜੀਤ ਸਿੰਘ, ਪਾਲ ਸਿੰਘ ਆਦਿ ਨੇ ਸੰਬੋਧਨ ਕੀਤਾ।
350 ਨੌਜਵਾਨਾਂ ਨੇ ਸ੍ਰੋਮਣੀ ਅਕਾਲੀ ਦਲ (ਬ) ਨੂੰ ਛੱਡ ਕੇ ਲੋਕ ਭਲਾਈ ਪਾਰਟੀ ਨੂੰ
ਸਮਰਥਨ ਦੇਣ ਲਈ ਗੁੱਗਾ ਮਾੜੀ ਦੇ ਦਰਬਾਰ ਹੱਥ ਖੜੇ
ਸੁਨਾਮ 5 ਜਨਵਰੀ
ਬੀਤੇ ਦਿਨ ਲੋਕ ਭਲਾਈ ਪਾਰਟੀ ਦੇ ਪ੍ਰਧਾਨ ਬਲਵੰਤ ਸਿੰਘ ਰਾਮੂਵਾਲੀਆ ਦਾ ਗੁੱਗਾ ਮਾੜੀ
ਵਿਚ ਸੁਨਾਮ ਦੇ ਨੌਜਵਾਨਾਂ ਵਲੋਂ ਭਰਵਾਂ ਸਵਾਗਤ ਕੀਤਾ ਗਿਆ ਅਤੇ ਇਕ ਵਿਸ਼ੇਸ ਮੀਟਿੰਗ
ਕੀਤੀ ਗਈ ਜਿਸ ਵਿਚ ਸੈਂਕੜੇ ਨੌਜਵਾਨਾਂ ਨੇ ਭਾਗ ਲਿਆ। ਇਸ ਮੀਟਿੰਗ ਵਿਚ ਹਰਪ੍ਰੀਤ
ਸਿੰਘ ਬਲਾਕ ਪ੍ਰਧਾਨ ਲੋਕ ਭਲਾਈ ਪਾਰਟੀ ਸੁਨਾਮ ਬਲਾਕ ਸਕਤਰ ਮਸਤਾਨ ਸਿੰਘ ਮਸਤਾਨਾ ਦੀ
ਅਗਵਾਈ ਵਿਚ ਰਾਮੂਵਾਲੀਆ ਜੀ ਦੇ ਵਿਚਾਰ ਸੁਨਣ ਉਪਰੰਤ 350 ਨੌਜਵਾਨਾਂ ਨੇ ਸ੍ਰੋਮਣੀ
ਅਕਾਲੀ ਦਲ (ਬ) ਨੂੰ ਛੱਡ ਕੇ ਲੋਕ ਭਲਾਈ ਪਾਰਟੀ ਨੂੰ ਸਮਰਥਨ ਦੇਣ ਲਈ ਗੁੱਗਾ ਮਾੜੀ
ਦੇ ਦਰਬਾਰ ਹੱਥ ਖੜੇ ਕਰਕੇ ਪ੍ਰਣ ਕੀਤਾ ਅਤੇ ਨੌਜਵਾਨਾਂ ਨੇ ਇਹ ਵੀ ਦੱਸਿਆ ਕਿ ਅਸੀ
ਅਕਾਲੀ ਪਾਰਟੀ ਤੋਂ ਦੁਖੀ ਹੋ ਕੇ ਅਕਾਲੀ ਪਾਰਟੀ ਦਾ ਤਿਆਗ ਕੀਤਾ ਹੈ। ਅਤੇ
ਰਾਮੂਵਾਲੀਆ ਜੀ ਦੇ ਵਿਚਾਰ ਸੁਣ ਕੇ ਪੁਰਜੋਰ ਸਮਰਥਨ ਦੇਣ ਦੇ ਖੁਲਾ ਐਲਾਨ ਕੀਤਾ ਹੈ।
ਇਸ ਮੌਕੇ ਸਾਹਿਬ ਸਿੰਘ, ਅਸ਼ਵਨੀ, ਬਿਕਰਮ, ਅਮਨ, ਦਰਪਨ ਆਦਿ ਨੇ ਹਿੱਸਾ ਲਿਆ।
ਅਹਿਮਦਗੜ੍ਹ 5 ਜਨਵਰੀ
ਦਸ਼ਮੇਸ਼ ਪਿਤਾ ਸਰਬਸੰਦਾਨੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੇ ਆਗਮਨ ਪੁਰਬ ਸੰਬੰਧੀ ਸਥਾਨਕ
ਗੁਰਦੁਆਰਾ ਸਿੰਘ ਸਭਾ ਪ੍ਰਬੰਧਕ ਕਮੇਟੀ ਵਲੋਂ ਸਿਖ ਸੰਗਤਾਂ ਦੇ ਸਹਿਯੋਗ ਨਾਲ ਮਨਾਇਆ
ਗਿਆ। ਅੰਮ੍ਰਿਤ ਵੇਲੇ ਸ੍ਰੀ ਅਖੰਡ ਸਾਹਿਬਾਂ ਦੇ ਭੋਗ ਪਾਏ ਗਏ। ਗੁਰਦੁਆਰਾ ਸਾਹਿਬ ਦੀ
ਹਜੂਰੀ ਰਾਗੀ ਜੱਥੇ ਭਾਈ ਸੁਖਾ ਸਿੰਘ ਅਤੇ ਹੈਡ ਗ੍ਰੰਥੀ ਹਰਦੇਵ ਸਿੰਘ ਨੇ ਕੀਰਤਨ ਅਤੇ
ਗੁਰ ਇਤਿਹਾਸ ਰਾਹੀਂ ਸਿਖ ਸੰਗਤਾਂ ਨੂੰ ਨਿਹਾਲ ਕੀਤਾ। ਇਸੇ ਦੌਰਾਨ ਰਾਹੀ ਢਾਡੀ ਅਤੇ
ਕਵੀਸ਼ਰੀ ਜੱਥਿਆ ਨੇ ਵਾਰਾਂ ਗਾਈਆਂ। ਇਸ ਮੌਕੇ ਪ੍ਰਧਾਨ ਜਗਦੇਵ ਸਿੰਘ, ਭਗਵੰਤ ਸਿੰਘ,
ਜਗਵੰਤ ਸਿੰਘ, ਜਗਜੀਤ ਸਿੰਘ, ਸਾਬਕਾ ਪ੍ਰਧਾਨ ਅਵਤਾਰ ਸਿੰਘ, ਰਾਮ ਸਿੰਘ, ਪਿਆਰਾ
ਸਿੰਘ, ਹਾਕਮ ਸਿੰਘ, ਬਲਵੰਤ ਸਿੰਘ, ਲਛਮਣ ਸੰਘ, ਅਮਰਜੀਤ ਕੌਰ, ਕੁਲਦੀਪ ਸਿੰਘ ਆਦਿ
ਹਾਜਰ ਸਨ।
ਅਹਿਮਦਗੜ੍ਹ 5 ਜਨਵਰੀ
ਸ੍ਰੋਮਣੀ ਅਕਾਲੀ ਦਲ ਸਰਕਲ ਅਹਿਮਦਗੜ ਦੀ ਇਕ ਵਿਸ਼ੇਸ ਮੀਟਿੰਗ ਸ਼ਹਿਰੀ ਪ੍ਰਧਾਨ ਅਮਰ
ਸਿੰਘ ਸਰਾਓੰ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿਚ ਜਗਵੰਤ ਸਿੰਘ ਜੱਗੀ ਜਿਲਾ ਜਨਰਲ
ਸਕਤਰ ਵਿਸ਼ੇਸ ਕਰਕੇ ਹਾਜਰ ਹੋਏ। ਮੀਟਿੰਗ ਵਿਚ ਸਰਬਸੰਮਤੀ ਨਾਲ ਮਤਾ ਪਾਸ ਕੀਤਾ ਗਿਆ
ਕਿ ਸਰਕਾਰ ਵਲੋਂ ਜੋ 2 ਕਰੋੜ ਰੁਪੈ ਦੀ ਗ੍ਰਾਂਟ ਨਗਰ ਕੌਂਸਲ ਨੂੰ ਦਿੱਤੀ ਜਾਣੀ ਹੈ
ਉਸਦਾ ਇਸਤੇਮਾਲ ਸ਼ਹਿਰ ਵਿਚੋਂ ਗੰਦੇ ਪਾਣੀ ਦੇ ਨਿਕਾਸ ਲਈ ਕੀਤਾ ਜਾਵੇ। ਮੀਟਿੰਗ ਵਿਚ
ਸ਼ਹਿਰ ਅੰਦਰ ਗੰਦੇ ਪਾਣੀ ਦੀ ਸਮੱਸਿਆ ਬਾਰੇ ਡੂੰੰਘੀ ਚਿੰਤਾ ਪ੍ਰਗਟ ਕੀਤੀ ਗਈ ਅਤੇ
ਗੰਦੇ ਪਾਣੀ ਦੇ ਮਾੜੇ ਪ੍ਰਬੰਧਾਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਜਗਵੰਤ ਸਿੰਘ
ਜੱਗੀ ਨੇ ਮੀਟਿੰਗ ਵਿਚ ਸੰਬੋਧਨ ਕਰਦਿਆਂ ਕਿਹਾ ਅਹਿਮਦਗੜ ਵਿਚ ਗੰਦੇ ਪਾਣੀ ਦੀ
ਨਿਕਾਸੀ ਨਾ ਹੋਣ ਕਾਰਣ ਇਹ ਸਮੱਸਿਆ ਬਹੁਤ ਗੰਭੀਰ ਹੈ। ਇਸ ਲਈ ਪੰਜਾਬ ਸਰਕਾਰ ਵਲੋਂ
ਜੋ 11 ਜਨਵਰੀ ਨੂੰ 2 ਕਰੋੜ ਦੀ ਗ੍ਰਾਂਟ ਨਗਰ ਕੌਂਸਲ ਨੂੰ ਵਿਕਾਸ ਲਈ ਦਿਤੀ ਜਾਣੀ
ਹੈ। ਇਹ ਗ੍ਰਾਂਟ ਸੀਵਰੇਜ ਵਿਭਾਗ ਨੂੰ ਦੇ ਕੇ ਜਲਦ ਹੀ ਗੰਦੇ ਪਾਣੀ ਦੇ ਨਿਕਾਸ ਦਾ
ਸਹੀ ਪ੍ਰਬੰਧ ਕਰਵਾਇਆ ਜਾਵੇ। ਸ਼ਹਿਰੀ ਪ੍ਰਧਾਨ ਅਮਰ ਸਿੰਘ ਸਰਾਓੰ ਨੇ ਵੀ ਮੁਖ ਮੰਤਰੀ
ਪ੍ਰਕਾਸ਼ ਸਿੰਘ ਬਾਦਲ ਨੂੰ ਅਪੀਲ ਕੀਤੀ ਕਿ ਗ੍ਰਾਂਟ ਗੰਦੇ ਪਾਣੀ ਦੇ ਨਿਕਾਸ ਤੇ ਖਰਚਣ
ਲਈ ਦਿਤੀ ਜਾਵੇ। ਇਸ ਮੌਕੇ ਯੂਥ ਪ੍ਰਧਾਨ ਸੁਖਸਾਗਰ ਸਿੰਘ, ਮਹਾ ਸਿੰਘ, ਟਹਿਲ ਸਿੰਘ,
ਨਰਿੰਦਰ ਸਿੰਘ, ਜਗਦੇਵ ਸਿੰਘ, ਗੁਰਦਿਆਲ ਸਿੰਘ, ਅਮਰਕੀ ਸਿੰਘ, ਜਗਦੇਵ ਸਿੰਘ, ਬੇਅੰਤ
ਸਿੰਘ, ਦੇਵ ਰਾਜ ਵਰਮਾ, ਅਮਰਜੀਤ ਸਿੰਘ, ਬਲਦੇਵ ਸਿੰਘ, ਰਾਕੇਸ਼ ਕੌਂਸਲ ਆਦਿ ਹਾਜਰ
ਸਨ।
ਸ੍ਰੀ ਬਾਦਲ ਦੇ ਰਾਜ ਵਿਚ ਕਿਸਾਨਾਂ ਆੜਤੀਆ ਤੇ ਸਰਕਾਰ ਦੇ ਰਿਸ਼ਤੇ ਨੂੰ ਹੋਰ ਮਜਬੂਤ
ਕੀਤਾ ਜਾਵੇਗਾ
ਸੁਨਾਮ 5 ਜਨਵਰੀ
ਆੜਤੀਆ ਐਸੋਸੀਏਸ਼ਨ ਪੰਜਾਬ ਦੇ ਪ੍ਰਧਾਨ ਰਵਿੰਦਰ ਸਿੰਘ ਚੀਮਾਂ ਵਲੋਂ ਮੁਖ ਮੰਤਰੀ
ਪੰਜਾਬ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਜੀਰੀ ਦੇ ਬੋਨਸ ਦੀ ਪਨਗਰੇਨ ਤੇ ਪਨਸਪ ਵਲੋਂ ਚੈਕ
ਰਾਹੀਂ ਅਦਾਇਗੀ ਦੇ ਮਸਲੇ ਸੰਬੰਧੀ ਆ ਰਹੀਆਂ ਮੁਸ਼ਕਿਲਾਂ ਬਾਰੇ ਜਾਣਕਾਰੀ ਦਿੱਤੀ ਗਈ
ਸੀ। ਜਿਸਤੇ ਤੁਰੰਤ ਕਾਰਵਾਈ ਕਰਦਿਆਂ ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਖੁਰਾਕ ਮੰਤਰੀ ਆਦੇਸ਼
ਪ੍ਰਤਾਪ ਸਿੰਘ ਕੈਰੋਂ ਨੂੰ ਹਦਾਇਤ ਕੀਤੀ ਗਈ ਕਿ ਚੈਕ ਦੇ ਮਸਲੇ ਸੰਬੰਧੀ ਆ ਰਹੀਆਂ
ਕਿਸਾਨਾਂ ਤੇ ਆੜਤੀਆਂ ਦੀਆਂ ਮੁਸ਼ਕਲਾਂ ਤੁਰੰਤ ਹਲ ਕੀਤਾ ਜਾਵੇ। ਜਿਸ ਤੋਂ ਬਾਅਦ
ਖੁਰਾਕ ਮੰਤਰੀ ਵਲੋਂ ਆੜਤੀਆਂ ਅਤੇ ਖੁਰਾਕ ਵਿਭਾਦ ਦੇ ਅਧਿਕਾਰੀਆਂ ਜਿਸ ਤੋਂ ਬਾਅਦ
ਖੁਰਾਕ ਮੰਤਰੀ ਵਲੋਂ ਆੜਤੀਆਂ ਅਤੇ ਖੁਰਾਕ ਵਿਭਾਗ ਦੇ ਅਧਿਕਾਰੀਆਂ ਨਾਲ 6 ਜਨਵਰੀ ਨੂੰ
ਇਕ ਮੀਟਿੰਗ ਚੰਡੀਗੜ ਵਿਖੇ ਰੱਖੀ ਗਈ ਹੈ। ਇਸ ਮੀਟਿੰਗ ਵਿਚ ਆੜਤੀਆ ਐਸੋਸਿਏਸ਼ਨ ਦੇ
ਜਿਲਾ ਪ੍ਰਧਾਨ ਤੇ ਸੂਬਾ ਅਹੁਦੇਦਾਰ ਹਿੱਸਾ ਲੈਣਗੇ। ਆੜਤੀਆ ਐਸੋਸਿਏਸ਼ਨ ਵਲੋਂ ਪੰਜਾਬ
ਦੇ ਕੁਝ ਆਈ,ਏ,ਐਸ ਅਤੇ ਪੀ,ਸੀ.ਐਸ ਅਧਿਕਾਰੀਆਂ ਵਲੋਂ ਆੜਤੀਆ, ਕਿਸਾਨਾਂ ਦੇ ਸਰਕਾਰ
ਵਿਚਕਾਰ ਤਣਾਓ ਪੈਦਾ ਕਰਨ ਦਾ ਦੋਸ਼ ਲਗਾਇਆ। ਉਹਨਾਂ ਦਾਆਵਾ ਕੀਤਾ ਕਿ ਸ੍ਰੀ ਬਾਦਲ ਦੇ
ਰਾਜ ਵਿਚ ਕਿਸਾਨਾਂ ਆੜਤੀਆ ਤੇ ਸਰਕਾਰ ਦੇ ਰਿਸ਼ਤੇ ਨੂੰ ਹੋਰ ਮਜਬੂਤ ਕੀਤਾ ਜਾਵੇਗਾ।
ਬੋਨਸ ਦੀ ਅਦਾਇਗੀ ਤੇ ਸਰਕਾਰ ਦੇ ਰਿਸ਼ਤੇ ਨੂੰ ਹੋਰ ਮਜਬੂਤ ਕੀਤਾ ਜਾਵੇਗਾ। ਬੋਨਸ ਦੀ
ਅਦਾਇਗੀ ਬਾਰੇ ਆੜਤੀਆਂ ਦਾ ਵਿਰੋਧ ਸਿਰਫ ਆੜਤੀਆਂ ਤੇ ਕਿਸਾਨਾਂ ਨੂੰ ਪੇਸ਼ ਆ ਰਹੀਆਂ
ਮੁਸ਼ਕਲਾਂ ਕਾਰਣ ਹੀ ਹੈ। ਕਿਉਂਕਿ ਚੈਕ ਵਿਚ ਕਿਸਾਨਾਂ ਉਹਨਾਂ ਦੇ ਪਿਤਾ ਅਤੇ ਕਈਆਂ
ਵਿਚ ਪਿੰਡਾਂ ਦੇ ਨਾਂ ਹੀ ਗਲਤ ਹਨ। ਅਤੇ ਇਥੋਂ ਤਕ ਕਿ ਹਜਾਰਾਂ ਦੀ ਰਕਮ ਲੱਖਾਂ ਵਿਚ
ਲਿਖ ਰੱਖੀ ਹੈ। ਇਸ ਦੀ ਉਦਾਹਰਣ ਜਿਲਾ ਕਪੂਰਥਲਾ ਵਿਚ ਇਕ ਚੈਕ 7200 ਦੀ ਥਾਂ ਸੱਤ
ਲੱਖ ਵੀਹ ਹਜਾਰ ਦਾ ਬਣ ਕੇ ਆ ਗਿਆ। ਮੋਗਾ ਵਿਚ ਵੀ ਜਿਲੇ ਦੀ ਕੁਲ ਰਕਮ ਨਾਲੋਂ ਵੀਹ
ਲੱਖ ਰੁਪਏ ਦੇ ਚੈਕ ਵਧ ਕੱਟੇ ਗਏ ਹਨ। ਜਿਸਦੀ ਜਿਮੇਵਾਰੀ ਲੈਣ ਲਈ ਕੋਈ ਅਧਿਕਾਰੀ
ਤਿਆਰ ਨਹੀਂ। ਵੱਡੀ ਗਿਣਤੀ ਵਿਚ ਕਿਸਾਨਾਂ ਦੇ ਬੈਂਕਾਂ ਵਿਚ ਖਾਤੇ ਹੀ ਨਹੀਂ ਹਨ। ਇਸ
ਲਈ ਪਨਗਰੇਨ ਅਤੇ ਪਨਸਪ ਵਲੋਂ ਦਿਤੇ ਚੈਕਾਂ ਵਿਚੋਂ 90 ਪ੍ਰਤੀਸ਼ਤ ਚੈਕ
ਆੜਤੀਆ ਦੀਆਂ ਦੁਕਾਨਾਂ ਤੇ ਰੁਲ ਰਹੇ ਹਨ। ਇਸ ਲਈ ਇਹ ਬਾਕੀ ਏਜੰਸੀਆਂ ਵਾਂਗ ਆੜਤੀਆਂ
ਰਾਹੀ ਕਿਸਾਨਾਂ ਨੂੰ ਨਗਦ ਦੇਣਾ ਹੀ ਵਾਜਿਬ ਹੈ।
79 ਪਰਿਵਾਰਾਂ ਵਲੋਂ ਜਮੀਨ ਬਚਾਉ ਸੰਘਰਸ਼ ਕਮੇਟੀ ਵਲੋਂ ਮਿਤੀ 5-01-09 ਤੋਂ ਅਣਮਿੱਥੇ
ਸਮੇ ਲਈ ਰੋਸ਼ ਧਰਨਾ ਦਿੱਤਾ
ਸੰਗਰੂਰ 5 ਜਨਵਰੀ
ਸਥਾਨਕ ਤੁੰਗਾ ਕੁਲਾਰਾਂ ਰੋਡ ਉਪਰ 17 ਏਕੜ ਮਰਲੇ ਜਮੀਨ ਪਲਾਂਟ ਮਕਾਨ ਅਤੇ ਦੁਕਾਨਾਂ
ਨੂੰ ਜਬਰੀ ਧੱਕੇ ਨਾਲ ਇੰਪਰੂਵਮੈਂਟ ਟਰਸਟ ਸੰਗਰੂਰ ਕਬਜੇ ਵਿਚ ਲੈਣ ਦੀ ਕੋਸ਼ਿਸ ਕਰ
ਰਿਹਾ ਹੈ। ਇਸਦੇ ਵਿਰੋਧ ਵਿਚ 79 ਪਰਿਵਾਰਾਂ ਵਲੋਂ ਜਮੀਨ ਬਚਾਉ ਸੰਘਰਸ਼ ਕਮੇਟੀ ਵਲੋਂ
ਮਿਤੀ 5-01-09 ਤੋਂ ਅਣਮਿੱਥੇ ਸਮੇ ਲਈ ਰੋਸ਼ ਧਰਨਾ ਦਿੱਤਾ ਜਾ ਰਿਹਾ ਹੈ। ਕਿਉਂਕਿ
ਹੁਣ ਤਕ ਇਹ ਪੀੜਤ ਪਰਿਵਾਰ ਵੱਡੇ ਛੱਟੇ ਸਾਰੇ ਸਿਆਸੀ ਲੀਡਰਾਂ ਨੂੰ ਮਿਲੇ ਉਹਨਾਂ ਨੇ
ਲਾਰਿਆਂ ਤੋਂ ਬਿਨਾਂ ਕੁਝ ਨਹੀਂ ਕੀਤਾ। ਇੰਪਰੂਵਮੈਂਟ ਟਰਸਟ ਸੰਗਰੂਰ ਗਰੀਬ ਕਿਸਾਨਾਂ
ਅਤੇ ਗਰੀਬ ਪਰਿਵਾਰਾਂ ਨਾਲ ਧੱਕਾ ਕਰ ਰਿਹਾ ਹੈ। ਇਸ ਲਈ ਪੀੜਤ ਪਰਿਵਾਰਾਂ ਵਲੋਂ ਮਿਲ
ਕੇ ਸੰਘਰਸ਼ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਸੰਘਰਸ਼ ਉਦੋਂ ਤਕ ਜਾਰੀ ਰਹੇਗਾ ਜਦੋਂ ਤੱਕ
ਪੰਜਾਬ ਸਰਕਾਰ ਇਸ ਸਕੀਮ ਨੂੇੰ ਖਤਮ ਨਹੀਂ ਕਰ ਦਿੰਦੀ। ਇਸ ਧਰਨੇ ਵਿਚ ਸਾਨੂੰ
ਉਗਰਾਹਾਂ ਗਰੁਪ ਦਾ ਪੂਰਾ ਸਮਰਥਨ ਹਾਸਲ ਹੈ ਅਤੇ ਅਸੀਂ ਬਾਕੀ ਸਾਰੀਆਂ ਕਿਸਾਨ ਯੂਨੀਅਨ
ਅਤੇ ਹੋਰ ਜਥੇਬੰਦੀਆਂ ਨੂੰ ਵੀ ਸਹਿਯੋਗ ਦੇਣ ਦੀ ਅਪੀਲ ਕਰਦੇ ਹਾਂ। ਇਸ ਧਰਨੇ ਵਿਚ
ਅਮਰਜੀਤ ਸਿੰਘ, ਰੋਸ਼ਨ ਲਾਲ, ਸੋਹਣ ਸਿੰਘ, ਸ਼ਮਸ਼ੇਰ ਸਿੰਘ, ਧੀਰਜ ਕੁਮਾਰ ਅਤੇ ਸਮੂਹ
ਪੀੜਤ ਪਰਿਵਾਰ ਸ਼ਾਮਲ ਹੋਏ।
ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ
ਗਿੱਦੜਬਾਹਾ, 5 ਜਨਵਰੀ (ਗੁਰਮੀਤ ਮਾਨ )-
ਫੋਟੋ ਕੈਪਸਨ- ਗਿੱਦੜਬਾਹਾ ਦੇ ਗੁਰਦੁਆਰਾ ਸ੍ਰੀ ਗੁਰੂ ਅਮਰਦਾਸ ਸਾਹਿਬ ਜੀ ਵਿਖੇ
ਦਸਵੇ ਪਾਤਿਸਾਹ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ ਮਨਾਉਣ ਸਮੇ ਦੇ
ਵੱਖ ਵੱਖ ਦ੍ਰਿਸ। ਤਸਵੀਰਾਂ- ਗੁਰਮੀਤ ਮਾਨ
ਅੱਜ ਗਿੱਦੜਬਾਹਾ ਦੇ ਗੁਰਦੁਆਰਾ ਸ੍ਰੀ ਗੁਰੂ ਅਮਰਦਾਸ ਸਾਹਿਬ ਜੀ ਅਤੇ ਗੁਰਦੁਆਰਾ ਦੁਖ
ਨਿਵਾਰਨ ਸਾਹਿਬ ਵਿਖੇ ਦਸਵੇ ਪਾਤਿਸਾਹ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼
ਪੁਰਬ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਪਾਠ ਦੇ ਭੋਗ ਉਪਰੰਤ ਰਾਗੀ ਭਾਈ ਕੇਹਰ
ਸਿੰਘ ਜੀ ਕੋਮਲ ਮਲੋਟ ਵਾਲਿਆਂ ਅਤੇ ਹਜ਼ੂਰੀ ਰਾਗੀ ਜੱਥਾ ਭਾਈ ਕਮਲਜੀਤ ਸਿੰਘ ਨੇ
ਸੰਗਤਾਂ ਨੂੰ ਰੱਸਭਿੰਨੇ ਕੀਰਤਨ ਨਾਲ ਨਿਹਾਲ ਕੀਤਾ। ਇਸ ਸਮੇਂ ਗੁਰਦੁਆਰਾ ਸ੍ਰੀ ਗੁਰੂ
ਅਮਰਦਾਸ ਜੀ ਇਸ ਮੌਕੇ ਗੁਰਦੁਆਰਾ ਸਾਹਿਬ ਵਿਖੇ ਅਖੰਡ ਪਾਠਾਂ ਦੇ ਭੋਗ ਪਾਏ ਗਏ ਅਤੇ
ਸੰਗਤਾਂ ਵਿਚ ਲੰਗਰ ਅਤੁੱਟ ਵਰਤਾਇਆ ਗਿਆ। ਇਸ ਸਮੇਂ ਗੁਰਦੁਆਰਾ ਸਾਹਿਬ ਦੇ ਮੁੱਖ
ਗ੍ਰੰਥੀ ਭਾਈ ਜੱਸਾ ਸਿੰਘ, ਡਾ ਭੁਪਿੰਦਰ ਸਿੰਘ ਸਾਬਕਾ ਚੇਅਰਮੈਨ ਪੰਜਾਬ ਹੋਮਿਉਪੈਥਿਕ
ਕੌਸਲ , ਬਲਵੀਰ ਸਿੰਘ ਪ੍ਰਧਾਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਰਾਜਿੰਦਰ ਪੁਰਬਾ
ਸਕੱਤਰ, ਜਗਜਿੰਦਰ ਸਿੰਘ, ਮੁਖਤਿਆਰ ਸਿੰਘ, ਬਲਵਿੰਦਰ ਸਿੰਘ ਸਕੱਤਰ, ਕਾਲਾ ਸਿੰਘ,
ਜਗਜੀਤ ਮਾਨ, ਕੁਲਜੀਤ ਮਾਨ, ਕੁਲਵੰਤ ਸਿੰਘ ਛੱਤੇਆਣਾ ਨੇ ਵਿਸੇਸ ਸਹਿਯੋਗ ਦਿੱਤਾ।
ਸੀਵਰੇਜ ਪੁੱਟਣ ਸਮੇਂ ਮਜਦੂਰ ਮਿੱਟੀ ਦੀ ਢਿੱਗ ਹੇਠ ਦੱਬਿਆ ਗਿਆ
ਗਿੱਦੜਬਾਹਾ, 5 ਜਨਵਰੀ ( ਗੁਰਮੀਤ ਮਾਨ )-
ਗਿੱਦੜਬਾਹਾ ਵਿਖੇ ਮਿੱਟੀ ਚ ਦੱਬੇ ਪ੍ਰਵਾਸੀ ਮਜਦੂਰ ਨੂੰ ਬਾਹਰ ਕੱਢਣ ਤੋ ਬਾਅਦ
ਸਾਭਦੇ ਉਸਦੇ ਸਾਥੀ ਪ੍ਰਵਾਸੀ ਮਜਦੂਰ ਅਤੇ ਸਥਾਨਕ ਲੋਕ। ਤਸਵੀਰ- ਗੁਰਮੀਤ ਮਾਨ
ਅੱਜ ਗਿੱਦੜਬਾਹਾ ਦੀ ਗੁਰੂ ਨਾਨਕ ਨਗਰ ਦੀ ਗਲੀ ਨੰ 3 ਨੇੜੇ ਮਾਸਟਰ ਬਲਵਿੰਦਰ ਸਿੰਘ
ਸੇਖੋਂ ਦੀ ਕੋਠੀ ਕੋਲ ਸੀਵਰੇਜ ਪੁੱਟਣ ਸਮੇਂ ਇੱਕ ਮਜਦੂਰ ਮਿੱਟੀ ਹੇਠ ਦੱਬ ਗਿਆ ਅਤੇ
ਉਸ ਨੂੰ ਲਗਭਗ ਇੱਕ ਘੰਟੇ ਬਾਅਦ ਕੱਢਣ ਦੀ ਖਬਰ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ
ਮਾਸਟਰ ਮਨਮੋਹਨ ਸਿੰਘ ਸ਼ੇਖੋਂ ਨੇ ਦੱਸਿਆ ਕਿ ਪ੍ਰਵਾਸੀ ਮਜਦੂਰ ਉਨ੍ਹਾਂ ਦੀ ਗਲੀ ਵਿਚ
ਸੀਵਰੇਜ ਪੁੱਟ ਰਹੇ ਸਨ ਕਿ ਅਚਾਨਕ ਹੀ ਮਿੱਟੀ ਦੀ ਇੱਕ ਵੱਡੀ ਢਿੱਗ ਡਿੱਗਣ ਕਾਰਨ
ਪ੍ਰਵਾਸੀ ਮਜਦੂਰ ਬਿਰਜੂ ਰਾਮ ਪੁੱਤਰ ਕਰਮਾ ਰਾਮ ਮਿੱਟੀ ਹੇਠ ਦੱਬਿਆ ਗਿਆ। ਸ੍ਰੀ
ਸੇਖੋਂ ਵਲੋਂ ਰੋਲਾ ਪਾਉਣ ਤੇ ਆਸ ਪਾਸ ਦੇ ਲੋਕ ਅਤੇ ਦੂਜੇ ਪ੍ਰਵਾਸੀ ਮਜਦੂਰਾਂ ਨੇ
ਇੱਕ ਘੰਟੇ ਦੀ ਕੜੀ ਮੇਹਨਤ ਤੋਂ ਬਾਅਦ ਬਿਰਜੂ ਰਾਮ ਨੂੰ ਮਿੱਟੀ ਤੋਂ ਬਾਹਰ ਕੱਢਿਆ।
ਬਾਹਰ ਨਿਕਲਦੇ ਹੀ ਬਿਰਜੂ ਰਾਮ ਨੂੰ ਜਿਆਦਾ ਠੰਡ ਲੱਗਣ ਕਾਰਨ ਕੰਬਨੀ ਛਿੜ ਗਈ ਤੇ ਉਸ
ਨੂੰ ਤੁਰੰਤ ਨਜਦੀਕੀ ਹਸਪਤਾਲ ਵਿਖੇ ਲੈ ਜਾਇਆ ਗਿਆ ਜਿਥੇ ਡਾਕਟਰਾਂ ਨੇ ਉਸ ਨੂੰ ਖਤਰੇ
ਤੋਂ ਬਾਹਰ ਦੱਸਿਆ ਹੈ। ਜਿਕਰਯੋਗ ਹੈ ਕਿ ਸੀਵਰੇਜ ਦੀ ਪੁਟਾਈ ਵਾਲੀ ਜਗ੍ਹਾ ਤੇ ਕਿਸੇ
ਹੋਰ ਘਰ ਦਾ ਪਾਣੀ ਵਾਲਾ ਬੋਰ ਸੀ ਜਿਸ ਕਾਰਨ ਕਿਨਾਰਿਆਂ ਤੋਂ ਜਮੀਨ ਥੱਲੇ ਧੱਸ ਗਈ।
ਜੇਕਰ ਉਕਤ ਮਜਦੂਰ ਬੋਰ ਵਿਚ ਚੱਲਾ ਜਾਂਦਾ ਤਾਂ ਕੋਈ ਵੀ ਅਣਹੋਣੀ ਘਟਨਾਂ ਵਾਪਰ ਸਕਦੀ
ਸੀ।
ਖਮਾਣੋਂ ਇਲਾਕੇ ਵਿੱਚ ਅਕਾਲੀ ਦਲ ਦੀ ਫੁੱਟ ਜੱਗ ਜਾਹਿਰ
ਹਲਕਾ ਵਿਧਾਇਕ ਤੇ ਲਗਾਏ ਟਕਸਾਲੀ ਆਗੂਆਂ ਨੂੰ ਨਜ਼ਰਅੰਦਾਜ਼ ਕਰਨ ਦੇ ਦੋਸ਼
ਖਮਾਣੋਂ 5 ਦਸੰਬਰ (ਰਣਬੀਰ ਸਿੰਘ ਰਾਣਾ)
ਮੁੱਖ ਪਾਰਲੀਮਾਨੀ ਸਕੱਤਰ ਬਿਕਰਮਜੀਤ ਸਿੰਘ ਖਾਲਸਾ ਖਮਾਣੋਂ ਵਿਖੇ ਪਾਰਟੀ ਵਰਕਰਾਂ
ਨੂੰ ਸੰਬੋਧਨ ਦੌਰਾਨ। (ਫੋਟੋ: ਰਾਣਾ)
ਸ਼੍ਰੋਮਣੀ ਅਕਾਲੀ ਦਲ ਸਰਕਲ ਖਮਾਣੋਂ ਦੀ ਇੱਕ ਅਹਿਮ ਮੀਟਿੰਗ ਦਾਣਾ ਮੰਡੀ ਖਮਾਣੋਂ
ਵਿਖੇ ਹੋਈ ਜਿਸ ਵਿੱਚ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ 9 ਜਨਵਰੀ ਨੂੰ ਖੰਨਾ
ਵਿਖੇ ਵਿਕਾਸ ਯਾਤਰਾ ਦੌਰਾਨ ਸੰਗਤ ਦਰਸ਼ਨ ਨੂੰ ਲੈ ਕੇ ਵਿਚਾਰ ਚਰਚਾ ਕੀਤੀ ਗਈ ਅਤੇ
ਵੱਡੀ ਗਿਣਤੀ ਵਿੱਚ ਵਰਕਰਾਂ ਨੂੰ ਸ਼ਾਮਿਲ ਹੋਣ ਦੀ ਅਪੀਲ ਕੀਤੀ ਗਈ। ਇਸ ਮੌਕੇ ਮੁੱਖ
ਪਾਰਲੀਮਾਨੀ ਸਕੱਤਰ ਬਿਕਰਮਜੀਤ ਸਿੰਘ ਖਾਲਸਾ ਉਚੇਚੇ ਤੌਰ ਤੇ ਸ਼ਾਮਿਲ ਹੋਏ। ਖਮਾਣੋਂ
ਇਲਾਕੇ ਦੇ ਸੀਨੀਅਰ ਅਕਾਲੀ ਆਗੂ ਜਥੇਦਾਰ ਸਰਬਣ ਸਿੰਘ ਸੁਹਾਵੀ ਮੈਂਬਰ ਸਪੈਸ਼ਲ
ਇਨਵਾਇਟੀ ਵਰਕਿੰਕ ਕਮੇਟੀ ਪੰਜਾਬ, ਜਥੇਦਾਰ ਪ੍ਰੇਮ ਸਿੰਘ ਮਨੈਲੀ ਜਿਲ੍ਹਾ ਮੀਤ
ਪ੍ਰਧਾਨ, ਹਰਸੋਹਣ ਸਿੰਘ ਭੰਗੂ ਮੈਂਬਰ ਜਿਲ੍ਹਾ ਵਰਕਿੰਗ ਕਮੇਟੀ, ਸੁਖਦੇਵ ਸਿੰਘ
ਲੁਹਾਰਮਾਜਰਾ ਮੈਂਬਰ ਜਿਲ੍ਹਾ ਵਰਕਿੰਗ ਕਮੇਟੀ ਤੋਂ ਬਿਨ੍ਹਾਂ ਹੋਰ ਕਈ ਸੀਨੀਅਰ ਆਗੂਆਂ
ਨੇ ਹਲਕਾ ਵਿਧਾਇਕ ਜਗਜੀਵਨ ਸਿੰਘ ਖੀਰਨੀਆਂ ਤੇ ਖਮਾਣੋਂ ਇਲਾਕੇ ਦੀ ਸੀਨੀਅਰ ਲੀਡਰਸ਼ਿਪ
ਨੂੰ ਬਣਦਾ ਸਤਿਕਾਰ ਨਾ ਦਿੱਤੇ ਜਾਣ ਤੇ ਰੋਸ ਪ੍ਰਗਟ ਕੀਤਾ। ਵੱਖ-ਵੱਖ ਆਗੂਆਂ ਨੇ
ਸੰਬੋਧਨ ਦੌਰਾਨ ਕਿਹਾ ਕਿ ਹਲਕਾ ਵਿਧਾਇਕ ਨੇ ਕਦੇ ਵੀ ਲੋਕਲ ਜਥੇਬੰਦੀ ਦੀ ਪ੍ਰਸ਼ਾਸਨਿਕ
ਅਧਿਕਾਰੀਆਂ ਨਾਲ ਮੀਟਿੰਗ ਨਹੀਂ ਕਰਵਾਈ। ਉਨ੍ਹਾਂ ਕਿਹਾ ਕਿ ਚੋਣਾਂ ਦੌਰਾਨ ਕਾਂਗਰਸ
ਛੱਡਕੇ ਅਕਾਲੀ ਦਲ ਵਿੱਚ ਆਏ ਨਵੇਂ ਵਰਕਰਾਂ ਨੂੰ ਵਿਧਾਇਕ ਵੱਲੋਂ ਜ਼ਿਆਦਾ ਤਵੱਜੋ
ਦਿੱਤੀ ਜਾਂਦੀ ਹੈ ਜਦਕਿ 15-20 ਸਾਲਾਂ ਤੋਂ ਪਾਰਟੀ ਲਈ ਵਫਾਦਾਰੀ ਨਾਲ ਕੰਮ ਕਰਦੇ ਆ
ਰਹੇ ਟਕਸਾਲੀ ਆਗੂਆਂ ਨੂੰ ਨਜ਼ਰਅੰਦਾਜ਼ ਕੀਤਾ ਜਾ ਰਿਹਾ ਹੈ। ਪਿਛਲੇ ਕੁਝ ਦਿਨਾਂ ਦੌਰਾਨ
ਕੁਝ ਅਕਾਲੀ ਵਰਕਰਾਂ ਵੱਲੋਂ ਭਾਰਤੀ ਕਿਸਾਨ ਯੂਨੀਅਨ ਵਿੱਚ ਜਾਣ ਨੂੰ ਉਨ੍ਹਾਂ ਗੰਭੀਰ
ਮਸਲਾ ਦੱਸਦਿਆਂ ਕਿਹਾ ਕਿ ਇਹ ਹਲਕਾ ਵਿਧਾਇਕ ਦੀ ਅਣਗਹਿਲੀ ਦਾ ਸਿੱਟਾ ਹੈ। ਉਨ੍ਹਾਂ
ਕਿਹਾ ਕਿ ਹਲਕਾ ਵਿਧਾਇਕ ਦਾ ਇੱਕ ਚਹੇਤਾ ਆਗੂ ਕਾਂਗਰਸੀਆਂ ਦੀ ਮੱਦਦ ਕਰ ਰਿਹਾ ਹੈ
ਜਿਸਦੀ ਕਿ ਹਲਕਾ ਵਿਧਾਇਕ ਪੂਰੀ ਪਿੱਠ ਠੋਕ ਰਿਹਾ ਹੈ ਅਤੇ ਉਸਨੂੰ ਸਾਰੇ ਪੁਰਾਣੇ
ਅਕਾਲੀ ਵਰਕਰਾਂ ਦੇ ਉਤੇ ਥੋਪਿਆ ਜਾ ਰਿਹਾ ਹੈ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ
ਹਲਕਾ ਵਿਧਾਇਕ ਨੇ ਆਪਣਾ ਰੱਵਈਆ ਨਾ ਬਦਲਿਆ ਤਾਂ ਅਕਾਲੀ ਵਰਕਰ ਉਸ ਆਗੂ ਤੋਂ ਆਪਣੀ
ਬੇਇਜ਼ਤੀ ਕਰਵਾਉਣ ਦੀ ਬਜਾਏ ਚੁੱਪਚਾਪ ਆਪਣੇ ਘਰਾਂ ਵਿੱਚ ਬੈਠਣ ਨੂੰ ਤਰਜੀਹ ਦੇਣਗੇ
ਜਿਸਦਾ ਖਮਿਆਜ਼ਾ ਅਕਾਲੀ ਦਲ ਨੂੰ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿੱਚ ਭੁਗਤਣਾ ਪੈ ਸਕਦਾ
ਹੈ। ਉਨ੍ਹਾਂ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ
ਬਾਦਲ ਨੂੰ ਇਸ ਸਬੰਧੀ ਧਿਆਨ ਦੇਣ ਦੀ ਅਪੀਲ ਕੀਤੀ। ਇਸ ਮੌਕੇ ਮੁੱਖ ਪਾਰਲੀਮਾਨੀ
ਸਕੱਤਰ ਬਿਕਰਮਜੀਤ ਸਿੰਘ ਖਾਲਸਾ ਨੇ ਕਿਹਾ ਕਿ ਹਰ ਹਲਕਾ ਵਿਧਾਇਕ ਦਾ ਫਰਜ਼ ਬਣਦਾ ਹੈ
ਕਿ ਉਹ ਸਾਰੇ ਸੀਨੀਅਰ ਅਕਾਲੀ ਆਗੂਆਂ ਨੂੰ ਬਣਦਾ ਮਾਣ ਸਤਿਕਾਰ ਦੇਵੇ। ਉਨ੍ਹਾਂ ਅਕਾਲੀ
ਆਗੂਆਂ ਨੂੰ ਅਪੀਲ ਕੀਤੀ ਕਿ ਉਹ ਮੁੱਖ ਮੰਤਰੀ ਦੀ ਸਮਰਾਲਾ ਅਤੇ ਖੰਨਾ ਫੇਰੀ ਮੌਕੇ ਵਧ
ਚੜ੍ਹਕੇ ਹਾਜ਼ਰੀ ਲਗਵਾਉਣ। ਉਨ੍ਹਾਂ ਭਰੋਸਾ ਦਿੱਤਾ ਕਿ ਉਹ ਜਲਦੀ ਹੀ ਇਲਾਕੇ ਦੇ
ਸੀਨੀਅਰ ਅਕਾਲੀ ਆਗੂਆਂ ਦੀ ਪਾਰਟੀ ਪ੍ਰਧਾਨ ਅਤੇ ਮੁੱਖ ਮੰਤਰੀ ਨਾਲ ਮੀਟਿੰਗ
ਕਰਵਾਉਣਗੇ ਤਾਂ ਕਿ ਉਨ੍ਹਾਂ ਦੇ ਗਿਲੇ ਸ਼ਿਕਵੇ ਦੂਰ ਹੋ ਸਕਣ। ਇਸ ਮੌਕੇ ਬਲਾਕ ਸੰਮਤੀ
ਚੇਅਰਮੈਨ ਅਵਤਾਰ ਸਿੰਘ ਰਿਆ, ਸੁਬੇਗ ਸਿੰਘ ਭਾਮੀਆਂ ਜਿਲ੍ਹਾ ਮੀਤ ਪ੍ਰਧਾਨ, ਬਲਜਿੰਦਰ
ਸਿੰਘ ਬੌੜ ਜਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ, ਕੌਮੀ ਪ੍ਰਚਾਰ ਸਕੱਤਰ ਕਸ਼ਮੀਰਾ ਸਿੰਘ
ਬਿਲਾਸਪੁਰ, ਕੌਂਸਲਰ ਬਲਮਜੀਤ ਸਿੰਘ ਪ੍ਰਿੰਸੀ, ਪੰਮਾ ਭੰਗੂ, ਸੁਰਜੀਤ ਸਿੰਘ
ਮਨਸੂਰਪੁਰ ਪ੍ਰਧਾਨ ਸਰਕਲ ਖਮਾਣੋਂ, ਜਸਮੇਰ ਸਿੰਘ ਬਡਲਾ ਪ੍ਰਧਾਨ ਸਰਕਲ ਖੇੜੀ ਨੌਧ
ਸਿੰਘ, ਸਾਬਕਾ ਸਰਪੰਚ ਹਰਕੀਤ ਸਿੰਘ ਭੜੀ, ਦਿਲਬਾਗ ਸਿੰਘ ਬਿਲਾਸਪੁਰ ਪ੍ਰਧਾਨ ਬਲਾਕ
ਯੁਵਕ ਸੇਵਾਵਾਂ, ਗੁਰਮੀਤ ਸਿੰਘ ਖਮਾਣੋਂ, ਪ੍ਰੋ ਨਿਰਮਲ ਸਿੰਘ ਮਨੈਲੀ, ਜਥੇਦਾਰ
ਹਰਨੇਕ ਸਿੰਘ ਚੜੀ, ਕਸ਼ਮੀਰਾ ਸਿੰਘ ਜਟਾਣਾ ਬਲਾਕ ਪ੍ਰਧਾਨ ਭਾਰਤੀ ਕਿਸਾਨ ਯੂਨੀਅਨ,
ਮੇਜਰ ਸਿੰਘ ਬਰਵਾਲੀ, ਬਲਦੇਵ ਸਿੰਘ ਫੌਜੀ, ਜਥੇਦਾਰ ਗੁਰਦੇਵ ਸਿੰਘ ਜਟਾਣਾਂ, ਗੁਰਦੇਵ
ਸਿੰਘ ਪ੍ਰਧਾਨ ਆੜ੍ਹਤੀ ਐਸੋਸੀਏਸ਼ਨ ਖਮਾਣੋਂ, ਨਗਰ ਪੰਚਾਇਤ ਦੀ ਮੀਤ ਪ੍ਰਧਾਨ ਬੀਬੀ
ਬਲਜੀਤ ਕੌਰ, ਕੌਂਸਲਰ ਗੁਰਦੀਪ ਕੌਰ, ਜਿਲ੍ਹਾ ਪ੍ਰੀਸ਼ਦ ਮੈਂਬਰ ਕੁਲਵਿੰਦਰ ਸਿੰਘ
ਬਿਲਾਸਪੁਰ ਤੋਂ ਬਿਨ੍ਹਾਂ ਕੌਂਸਲਰ, ਸਰਪੰਚ, ਪੰਚ, ਕਿਸਾਨ ਯੂਨੀਅਨ ਆਗੂ ਅਤੇ ਕਾਫੀ
ਗਿਣਤੀ ਵਿੱਚ ਹੋਰ ਵਰਕਰ ਅਤੇ ਅਹੁਦੇਦਾਰ ਹਾਜ਼ਰ ਸਨ। ਜਦੋਂ ਇਸ ਸਬੰਧੀ ਹਲਕਾ ਵਿਧਾਇਕ
ਜਗਜੀਵਨ ਸਿੰਘ ਖੀਰਨੀਆਂ ਨਾਲ ਸਪੰਰਕ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਹ ਸਭ ਦਾ
ਸਤਿਕਾਰ ਕਰਦੇ ਹਨ ਅਤੇ ਫੇਰ ਵੀ ਜੇਕਰ ਕਿਸੇ ਨੂੰ ਉਨ੍ਹਾਂ ਨਾਲ ਗਿਲਾ ਸ਼ਿਕਵਾ ਹੈ ਤਾਂ
ਉਹ ਜਲਦੀ ਹੀ ਇਸ ਸਬੰਧੀ ਸਾਰੇ ਭੁਲੇਖੇ ਦੂਰ ਕਰ ਦੇਣਗੇ।
ਹੁਸ਼ਿਆਰ ਵਿਦਿਆਰਥੀਆਂ ਲਈ ਵਿਸ਼ੇਸ਼ ਪ੍ਰੀਖਿਆ ਕੇਂਦਰ ਅਲਾਟ
ਮੋਗਾ, 5 ਜਨਵਰੀ (ਲੋਹਾਮ)-
ਜ਼ਿਲ੍ਹਾ ਸਾਇੰਸ ਸੁਪਰਵਾਈਜ਼ਰ ਮੋਗਾ ਧਰਮਿੰਦਰ ਸਿੰਘ ਨੇ ਦੱਸਿਆ ਕਿ ਸਰਵ ਸਿੱਖਿਆ
ਅਭਿਆਨ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਸ੍ਰ: ਮੇਜਰ ਸਿੰਘ ਸੰਧੂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ
ਅਤੇ ਐ) ਮੋਗਾ ਦੀ ਯੋਗ ਅਗਵਾਈ ਵਿਚ ਜ਼ਿਲ੍ਹੇ ਦੇ ਅੱਠਵੀਂ(ਹਿਸਾਬ-ਸਾਇੰਸ) ਅਤੇ
ਪੰਜਵੀਂ (ਹਿਸਾਬ) ਦੇ ਹੁਸ਼ਿਆਰ ਵਿਦਿਆਰਥੀਆਂ ਦੀ ਵਿਸ਼ੇਸ਼ ਪ੍ਰੀਖਿਆ 10 ਜਨਵਰੀ ਨੂੰ
ਹੋਵੇਗੀ। ਉਨ੍ਹਾਂ ਦੱਸਿਆ ਕਿ ਅੱਠਵੀਂ ਜਮਾਤ ਦੇ ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ
ਸੈਕੰਡਰੀ ਸਕੂਲ ਧਰਮਕੋਟ ਵਿਚ ਭਿੰਡਰਕਲਾਂ, ਤਤਾਰੀਏਵਾਲਾ, ਜਲਾਲਾਂਬਾਦ, ਚੁੱਘਾਕਲਾਂ,
ਫਤਿਹਗੜ੍ਹ ਕੋਰੋਟਾਣਾ, ਕੈਲਾ, ਕਿਸ਼ਨਪੁਰਾ,ਚੱਕ ਕੰਨੀਆਂ, ਚੀਮਾਂ, ਦੋਲੇਵਾਲਾ ਮਾਇਰ,
ਗਗੜਾ, ਘਲੋਟੀ, ਚੂਹੜਚੱਕ, ਕੋਟਈਸੇਖਾਂ, ਸਿੰਘਪੁਰਾ ਮੁੰਨਣ, ਦਾਤੇਵਾਲ,
ਲੋਹਾਰਾ(ਮੋਗਾ), ਮਨਾਵਾਂ, ਕੜਿਆਲ, ਖੋਸਾਰਣਧੀਰ, ਜਨੇਰ, ਕੇਂਦਰ:-ਸਰਕਾਰੀ ਹਾਈ ਸਕੂਲ
ਨਿਹਾਲ ਸਿੰਘ ਵਾਲਾ ਦੇ ਵਿਚ ਰਣਸੀਂਹ ਕਲਾਂ, ਪੱਤੋ, ਬਾਰੇ ਵਾਲਾ, ਸਮਾਧ, ਨਾਨਕਸਰ,
ਉੱਘੋਕੇ, ਖਾਈ, ਰੌਂਤਾ, ਮਾਣੂੰਕੇ, ਖੋਟੇ, ਧੂੜਕੋਟ ਰਣਸੀਂਹ, ਰਣਸੀਂਹ ਖੁਰਦ,
ਮਧੇਕੇ, ਗਾਜੀਆਣਾ, ਨਿਹਾਲ ਸਿੰਘ ਵਾਲਾ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ
ਸਕੂਲ ਬੱਧਨੀ ਕਲਾਂ ਦੇ ਵਿਚ ਬੀੜ ਬੱਧਨੀ, ਬੱਧਨੀ ਖੁਰਦ, ਮੀਨੀਆ, ਡਾਲਾ, ਧੂੜਕੋਟ
ਟਾਹਲੀ, ਧੂੜਕੋਟ ਕਲਾਂ, ਮੱਲੇਆਣਾ, ਬੀੜ ਰਾਊਕੇ, ਬੱਧਨੀ ਕਲਾਂ, ਕੁੱਸਾ, ਰਾਊਕੇ
ਕਲਾਂ, ਬੌਡੇ, ਬੁਰਜ ਦੁੱਨਾ, ਰਣੀਆ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ
ਸਕੂਲ ਮੋਗਾ-1 ਵਿਚ ਘੱਲ ਕਲਾਂ, ਭੀਮਨਗਰ, ਸਿੰਘਾਂ ਵਾਲਾ, ਤਾਰੇਵਾਲਾ, ਚੜਿੱਕ,
ਧੱਲੇਕੇ, ਡਗਰੂ, (ਕੰ:)ਮੋਗਾ, ਮਟਵਾਣੀ, ਰਾਮੂੰਵਾਲਾ ਕਲਾਂ, ਬਘੇਲੇਵਾਲਾ,
ਮੰਗੇਵਾਲਾ, ਜੋਗੇਵਾਲਾ, ਦੁੱਨੇਕੇ, ਖੋਸਾ ਕੋਟਲਾ, ਤਲਵੰਡੀ ਭੰਗੇਰੀਆਂ,
ਪੁਰਾਣੇਵਾਲਾ, ਡਰੋਲੀ, ਅਜੀਤਵਾਲ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ
ਮੋਗਾ-2 ਵਿਚ ਕਾਹਨ ਸਿੰਘ ਵਾਲਾ, ਕੋਕਰੀ ਹੇਰਾਂ, ਕੋਕਰੀ ਕਲਾਂ, ਕੋਕਰੀ ਵਹਿਣੀਵਾਲ,
ਕੋਕਰੀ ਫੂਲਾ ਸਿੰਘ, ਮਹੇਸਰੀ, ਮਹਿਰੋਂ, ਸੰਧੂਆਂਵਾਲਾ, ਰਾਮੂੰਵਾਲਾ ਨਵਾਂ, ਬੁੱਧ
ਸਿੰਘ ਵਾਲਾ ਮੋਗਾ, ਲੰਡੇਕੇ, ਦਸ਼ਮੇਸ਼ ਨਗਰ, ਬਹੋਨਾ, ਬਸਤੀ ਸਾਧਾਂਵਾਲੀ, ਦਾਰਾਪੁਰ,
ਚੁਗਾਵਾਂ, ਖੋਸਾਪਾਂਡੋ, ਰੌਲੀ, ਦੁਸਾਂਝ, ਮਹਿਣਾ, ਕਪੂਰੇ, ਰੱਤੀਆਂ, ਬਲਖੰਡੀ,
ਨਿਧਾਂਵਾਲਾ, ਸਲੀਣਾ, ਕਾਲੀਏ ਵਾਲਾ, ਨਾਹਲ, ਚੰਦਨਵਾਂ, ਕਿਲੀ ਚਾਹਿਲਾਂ, ਝੰਡੇਵਾਲਾ,
ਨੱਥੂਵਾਲਾ ਜਦੀਦ, ਝੰਡੇਆਣਾ ਸ਼ਰਕੀ, ਝੰਡੇਆਣਾ ਪੱਛਮੀ, ਮੋਠਾਂਵਾਲੀ, ਡਰੋਲੀ (ਕੰ):,
ਕੇਂਦਰ:-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਬਾਘਾਪੁਰਾਣਾ ਵਿਚ ਸਮਾਲਸਰ, ਸਾਹੋਕੇ,
ਜੀ.ਟੀ.ਬੀ.ਗੜ੍ਹ, ਦੱਲੋਵਾਲਾ, ਢਿੱਲਵਾਂ, ਸੰਗਤਪੁਰਾ, ਡੇਮਰੂ ਖੁਰਦ, ਸੁਖਾਨੰਦ,
ਸੇਖਾ ਖੁਰਦ, ਰੋਡੇ, ਲੰਡੇ, ਭੇਖਾ, ਵੈਰੋਕੇ, ਥਰਾਜ, ਬੁੱਧ ਸਿੰਘ ਵਾਲਾ (ਬ:ਪ:),
ਲਧਾਈਕੇ, ਘੋਲੀਆਖੁਰਦ, ਕੋਰੇਵਾਲਾ, ਠੱਠੀਭਾਈ, ਵਾਂਦਰ, ਚੰਨੂੰਵਾਲਾ, ਮਾੜੀਮੁਸਥਫਾ,
ਸੇਖਾ ਕਲਾਂ, ਛੋਟਾਘਰ, ਕੋਟਲਾ ਰਾਏਕਾ, ਰਾਜੇਆਣਾ, ਮੱਲਕੇ, ਕਾਲੇਕੇ, ਬਾਘਾਪੁਰਾਣਾ,
ਨੱਥੋਕੇ, ਕੋਟਲਾ ਮੇਹਰ ਸਿੰਘ, ਪੰਜ ਗਰਾਂਈ ਖੁਰਦ, ਘੋਲੀਆ ਖੁਰਦ, ਬੰਬੀਹਾ ਭਾਈ ਅਤੇ
ਪੰਜਵੀਂ ਜਮਾਤ ਹਿਸਾਬ ਦੇ ਕੇਂਦਰ:-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ
ਬੱਧਨੀਕਲਾਂ(ਮੁੰਡੇ) ਦੇ ਵਿਚ ਰਣੀਆ, ਭਾਗੀਕੇ, ਲੁਹਾਰਾ, ਰਾਮਾਂ, ਮਾਛੀਕੇ,
ਹਿੰਮਤਪੁਰਾ, ਬਿਲਾਸਪੁਰ, ਤਖਤੂਪੁਰਾ, ਕੁੱਸਾ, ਬੌਡੇ, ਨੰਗਲ, ਲੋਹਟਬੱਧੀ, ਮੀਨੀਆ,
ਲੋਪੋ, ਬੀੜ ਬੱਧਨੀ, ਬੀੜ ਰਾਊਕੇ, ਮੱਲੇਆਣਾ, ਬੁਰਜ ਦੁੱਨਾ, ਬੱਧਨੀ ਖੁਰਦ,
ਰਾਊਕੇਕਲਾਂ, ਬੱਧਨੀ ਕਲਾਂ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ
ਮੋਗਾ-1 ਵਿਚ ਚੰਦਨਵਾਂ, ਮੋਗਾ-3, ਧੱਲੇਕੇ, ਚੋਟੀਆਂ ਠੋਬਾ, ਖੋਸਾ ਰਣਧੀਰ,
ਖੋਸਾਪਾਂਡੋ, ਮੋਗਾ-4, ਪੱਤੀ ਰੂਪਾ, ਖਿਦਰੀ ਬਿਊਰਾ, ਬੱਘੇਆਣਾ, ਰਾਮਦਾਸ ਨਗਰ,
ਡਗਰੂ, ਨਿਧਾਂਵਾਲਾ, ਸਲੀਣਾ, ਬਘੇਲੇਵਾਲਾ, ਸੱਦਾ ਸਿੰਘ ਵਾਲਾ, ਕਾਹਨ ਸਿੰਘ ਵਾਲਾ,
ਡਰੋਲੀ, ਝੰਡੇਆਣਾ ਪੱਛਮੀ, ਭੇਖਾ, ਦੱਦਾਹੂਰ, ਕੋਰੇਵਾਲਾ, ਥੱਮਣਵਾਲਾ, ਬਲਖੰਡੀ,
ਖੋਸਾਕੋਟਲਾ, ਜੈਸਿੰਘਵਾਲਾ, ਚੰਦਪੁਰਾਣਾ, ਜੈਮਲਵਾਲਾ, ਘੱਲਕਲਾਂ, ਦੁੱਨੇਕੇ,
ਸਾਫੂਵਾਲਾ, ਰੱਤੀਆਂ, ਬੁੱਕਣਵਾਲਾ, ਸਿੰਘਾਂਵਾਲਾ, ਮਹੇਸਰੀ, ਕਾਲੀਏਵਾਲਾ,
ਸੰਧੂਆਂਵਾਲਾ, ਖੋਟੇ, ਡਾਲਾ, ਬੁੱਟਰ, ਮਹਿਣਾ, ਬੁੱਘੀਪੁਰਾ, ਕੇਂਦਰ:-ਸਰਕਾਰੀ ਕੰਨਿਆ
ਸੀਨੀਅਰ ਸੈਕੰਡਰੀ ਸਕੂਲ ਕੋਟ ਈਸੇ ਖਾਂ ਵਿਚ ਮੁੰਡੀਜਮਾਲ, ਕੜਾਹੇਵਾਲਾ, ਧਰਮ ਸਿੰਘ
ਵਾਲਾ, ਫਤਿਹਉਲਾ ਸ਼ਾਹ ਵਾਲਾ, ਸ਼ਾਦੀਵਾਲਾ, ਕਾਦਰ ਵਾਲਾ, ਚਰਾਗਸ਼ਾਹ ਵਾਲਾ, ਫਤਿਹਪੁਰ
ਝੁੱਗੀਆਂ, ਮੰਦਰ, ਬ੍ਰਾਹਮਕੇ, ਕੜਿਆਲ, ਚੁੱਘਾ, ਮੌਜਗੜ੍ਹ, ਮੁਬਾਰਕਪੁਰ, ਚੀਮਾਂ,
ਵਰੇ, ਮੂਸੇਵਾਲਾ, ਬਾਜੇਕੇ, ਮਹਿਲ, ਸਿੰਘ ਪੁਰਾ ਮੁੰਨਣ, ਲੌਂਗੀਵਿੰਡ, ਨਿਹਾਲਗੜ੍ਹ,
ਤਲਵੰਡੀ ਨੌ ਬਹਾਰ, ਦੋਲੇਵਾਲਾ ਮਾਇਰ, ਕੋਟ ਈਸੇ ਖਾਂ, ਮਸੀਤਾਂ, ਮਸਤੇਵਾਲਾ, ਘਲੋਟੀ,
ਨਸੀਰਪੁਰ ਜਾਨੀਆ, ਗਗੜਾ, ਕੋਟ ਸਦਰ ਖਾਂ, ਫਤਿਹਗੜ੍ਹ ਕੋਰੋਟਾਣਾ, ਗਾਰਡਨ ਕਲੋਨੀ,
ਲੁਹਾਰਾ ਮੋਗਾ, ਜਲਾਲਾਂਬਾਦ, ਦਾਤੇਵਾਲ, ਰੰਡਿਆਲਾ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ
ਸੈਕੰਡਰੀ ਸਕੂਲ ਬਾਘਾਪੁਰਾਣਾ-1 ਵਿਚ ਠੱਠੀ ਭਾਈ ਸੇਖਾ ਖੁਰਦ, ਮੱਲਕੇ, ਬੰਬੀਹਾ ਭਾਈ,
ਪੰਜ ਗਰਾਂਈ ਖੁਰਦ, ਵਾਂਦਰ, ਸੇਖਾਕਲਾਂ, ਚੀਦਾ, ਮੌੜ ਨੌ ਆਬਾਦ, ਮਾੜੀ ਮੁਸਥਫਾ,
ਥਰਾਜ, ਸੰਗਤਪੁਰਾ, ਜੀਤਾ ਸਿੰਘ ਵਾਲਾ, ਚਨੂੰਵਾਲਾ, ਕੋਟਲਾ ਰਾਏਕਾ, ਢਿੱਲਵਾਂ,
ਗੁਲਾਬ ਸਿੰਘ ਵਾਲਾ, ਸੁਖਾਨੰਦ, ਸਾਹੋਕੇ, ਬੁੱਧਸਿੰਘਵਾਲਾ(ਬ:ਪ:), ਚੰਨੂੰਵਾਲਾ,
ਕੋਟਲਾ ਮੇਹਰ ਸਿੰਘ, ਘੋਲੀਆ ਖੁਰਦ, ਮੰਡੀਰਾਂਵਾਲਾ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ
ਸੈਕੰਡਰੀ ਸਕੂਲ ਬਾਘਾਪੁਰਾਣਾ-2 ਵਿਚ ਮੰਡੀਰਾਂਵਾਲਾ, ਘੋਲੀਆਕਲਾਂ, ਕਾਲੇਕੇ, ਬਹਾਦਰ
ਪੱਤੀ ਕਾਲੇਕੇ, ਉੱਘੋਕੇ, ਬਾਘਾਪੁਰਾਣਾ, ਬਾਘਾਪੱਤੀ, ਮੁਗਲੂ ਪੱਤੀ, ਅਵਤਾਰ ਨਗਰ,
ਦਲੀਪ ਬਸਤੀ, ਪੁਰਾਣਾ ਪੱਤੀ, ਆਲਮਵਾਲਾ, ਵੈਰੋਕੇ, ਲਧਾਈਕੇ, ਰਾਜੇਆਣਾ, ਨੱਥੋਕੇ,
ਰੋਡੇ, ਬਾਦਲ ਪੱਤੀ, ਡੇਮਰੂ, ਲੰਡੇ, ਲੰਗੇਆਣਾ, ਕੇਂਦਰ:-ਸਰਕਾਰੀ ਹਾਈ ਸਕੂਲ ਨਿਹਾਲ
ਸਿੰਘ ਵਾਲਾ-2 ਵਿਚ ਫੂਲੇਵਾਲਾ, ਸਮਾਧਭਾਈ ਬਰਾਂਚ, ਨਿਹਾਲਸਿੰਘ ਵਾਲਾ, ਧੂੜਕੋਟ
ਰਣਸੀਂਹ, ਰਣਸੀਂਹ ਕਲਾਂ, ਉੱਘੋਕੇ, ਮਧੇਕੇ, ਰਣਸੀਂਹ ਖੁਰਦ, ਖੋਟੇ ਜਵਾਹਰ ਸਿੰਘ
ਵਾਲਾ, ਸੈਦੋਕੇ, ਖਾਈ, ਬਾਰੇਵਾਲਾ, ਦੀਦਾਰੇ ਵਾਲਾ, ਕ੍ਰਿਸ਼ਨ ਗੜ੍ਹ, ਗਾਜੀਆਣਾ,
ਪੱਤੋ, ਦੀਨਾ, ਬੁਰਜ ਹਮੀਰਾ, ਰੌਂਤਾ, ਮਾਣੂੰਕੇ, ਕੇਂਦਰ:-ਸਰਕਾਰੀ ਕੰਨਿਆ ਸੀਨੀਅਰ
ਸੈਕੰਡਰੀ ਸਕੂਲ ਧਰਮਕੋਟ-2 ਵਿਚ ਅਮੀਵਾਲਾ, ਭੋਇਪੁਰ, ਬਾਕਰਵਾਲਾ, ਬੀਜਾਪੁਰ, ਕਾਂਵਾ,
ਰੇੜ੍ਹਵਾਂ, ਸੰਗਲਾ, ਫਿਰੋਜਵਾਲਾ ਬਾਡਾ, ਚਾਂਬ, ਕਮਾਲਕੇ, ਬ:ਕਮਾਲਕੇ, ਸਿਰਸੜੀ,
ਬਾਸੀਆ, ਮੰਝਲੀ, ਭੋਡੀਪੁਰ, ਕੈਲਾ, ਪੰਡੋਰੀ ਅਰਾਈਆਂ, ਨੂਰਪੁਰ ਹਕੀਮਾਂ, ਸੈਦ
ਮੁਹੰਮਦ, ਕਿਸ਼ਨਪੁਰਾ ਕਲਾਂ ਮੁੰਡੇ, ਫਤਿਹਪੁਰ ਕੰਨੀਆਂ, ਕੰਨੀਆਂ ਖੁਰਦ, ਚੱਕ ਕੰਨੀਆਂ
ਖੁਰਦ, ਨਸੀਰੇਵਾਲਾ, ਕਿਸ਼ਨਪੁਰਾ ਖੁਰਦ, ਚੱਕ ਕੰਨੀਆਂ ਕਲਾਂ,ਕਿਸ਼ਨਪੁਰਾਕਲਾਂ ਮੁੰਡੇ,
ਕਿਸ਼ਨਪੁਰਾਕਲਾਂ ਕੰ:, ਰੋਸ਼ਨਵਾਲਾ, ਚੱਕ ਤਾਰੇਵਾਲਾ, ਜੀਂਦੜਾ, ਕੋਟ ਮੁਹੰਮਦ ਖਾਂ,
ਫਿਰੋਜਵਾਲ ਮੰਗਲ, ਸੈਦ ਮੁਹੰਮਦ ਖਾਂ, ਬੱਡੂਵਾਲ, ਇੰਦਰਗੜ੍ਹ, ਠੂਠਗੜ੍ਹ, ਦਬੁਰਜੀ,
ਧਰਮਕੋਟ, ਚੁੱਘਾਕਲਾਂ, ਬ:ਬ: ਧਰਮਕੋਟ, ਅਗਵਾੜ ਕਾਲੂਕਾ ਧਰਮਕੋਟ, ਫਤਿਹਗੜ੍ਹ
ਪੰਜਤੂਰ, ਗੋਲੂਵਾਲਾ, ਮਦਾਰਪੁਰ, ਮੇਲਕਕੰਗਾ, ਮੇਲਕ ਅਕਾਲੀਆਂ, ਮੰਦਰ ਕਲਾਂ,
ਸੈਦੇਸ਼ਾਹ ਵਾਲਾ, ਬੋਘੀਵਾਲਾ, ਢੋਲੇਵਾਲਾ, ਖੰਬਾ, ਰਾਜਾਵਾਲਾ, ਭੈਣੀ, ਕੰਨੀਆਂ ਖਾਸ,
ਤੋਤਾ ਸਿੰਘ ਵਾਲਾ, ਰਾਊਵਾਲ, ਦੋਲੇਵਾਲਾ ਕਲਾਂ, ਸ਼ੇਰਪੁਰ ਤਾਇਬਾਂ, ਬੱਗੇ ਸ਼ੇਰੇਵਾਲਾ,
ਕੋਕਰੀ ਵਹਿਣੀਵਾਲ, ਭਿੰਡਰਕਲਾਂ, ਦਾਤਾ, ਲੋਹਗੜ੍ਹ, ਤਲਵੰਡੀ ਮੱਲੀਆਂ, ਦਇਆ ਕਲਾਂ,
ਕੋਕਰੀ ਬੁੱਟਰਾਂ ਸਕੂਲ ਹਨ। ਉਨ੍ਹਾਂ ਕਿਹਾ ਕਿ ਜ਼ਿਲ੍ਹੇ ਦੇ ਸਕੂਲ ਮੁੱਖੀ 7 ਜਨਵਰੀ
ਨੂੰ ਉਕਤ ਪ੍ਰੀਖਿਆ ਕੇਂਦਰਾਂ ਦੇ ਕੰਟਰੋਲਰਾਂ ਤੋ ਆਪਣੇ ਸਕੂਲ ਦੇ ਵਿਦਿਆਰਥੀਆਂ ਦੇ
ਰੋਲ ਨੰਬਰ ਨੋਟ ਕਰ ਲੈਣ।
ਦੁੱਖ ਦਾ ਪ੍ਰਗਟਾਵਾ
ਮੋਗਾ, 5 ਜਨਵਰੀ (ਲੋਹਾਮ)-
ਸਰਕਾਰੀ ਮਿਡਲ ਸਕੂਲ ਦੁਸਾਂਝ ਦੀ ਪਸਵਕ ਕਮੇਟੀ ਦੇ ਚੇਅਰਮੈਨ ਗੁਰਬਚਨ ਸਿੰਘ ਸੰਘਾ,
ਕਮੇਟੀ ਮੈਂਬਰ ਦਰਸ਼ਨ ਸਿੰਘ, ਬੰਤ ਸਿੰਘ ਹਾਂਗਕਾਂਗ ਵਾਲੇ, ਬਲਰਾਮ ਸਿੰਘ, ਗੁਰਦੇਵ
ਸਿੰਘ ਫੌਜੀ, ਪਾਲ ਕੌਰ, ਹਰਜਿੰਦਰ ਕੌਰ, ਯੂਥ ਸ਼ੋਸ਼ਲ ਅਤੇ ਸਪੋਰਟਸ ਕਲੱਬ ਦੁਸਾਂਝ ਦੇ
ਪ੍ਰਧਾਨ ਅਮਰਜੀਤ ਸਿੰਘ ਸੰਘਾ, ਮੁਲਾਜਮ ਆਗੂ ਡਾ: ਮਹਿੰਦਰਪਾਲ ਲੂਬਾ ਨੇ ਤਰਸੇਮ ਸਿੰਘ
ਰੋਡੇ ਦੇ ਪਿਤਾ ਕਿਰਪਾਲ ਸਿੰਘ ਦੀ ਸੰਖੇਪ ਬਿਮਾਰੀ ਪਿੱਛੋਂ ਹੋਈ ਮੌਤ ਤੇ ਉਨ੍ਹਾਂ
ਨਾਲ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਤਪਾ ਮੰਡੀ, 5 ਜਨਵਰੀ (ਨਰੇਸ਼ ਗਰਗ)
ਭਾਰਤੀ ਸੰਚਾਰ ਨਿਗਮ (ਬੀ.ਐਸ.ਐਨ.ਐਲ.) ਵੱਲੋਂ ਜਦੋਂ ਤੋਂ ਮੋਬਾਈਲ ਸੇਵਾ ਮੋਬਾਈਲ
ਖ਼ਪਤਕਾਰਾਂ ਵਾਸਤੇ ਚਲਾਈ ਹੋਈ ਹੈ। ਉਦੋਂ ਤੋਂ ਹੀ ਮੋਬਾਈਲ ਖ਼ਪਤਕਾਰ ਬੀ.ਐਸ.ਐਨ.ਐਲ.
ਦੇ ਹੀ ਸਿੱਮ ਖਰੀਦ ਕਰਕੇ ਆਪਣੀ ਮਨਪਸੰਦ ਦੇ ਨੰਬਰ ਧੜਾਧੜ ਲੈਂਦੇ ਸਨ। ਅਤੇ
ਖ਼ਪਤਕਾਰਾਂ ਵਿਚ ਇਹੀ ਬੀ.ਐਸ.ਐਨ.ਐਲ. ਦੀ ਸਹੂਲਤ ਸੀ ਕਿ ਇੱਕ ਸਿੱਮ ਲੈਣ ਨਾਲ ਦੋ
ਨੰਬਰ ਜਿੰਨਾਂ ਵਿਚ ਇੱਕ ਨੰਬਰ ਬੀ.ਐਸ.ਐਨ.ਐਲ. ਦੇ ਲੈਂਡ ਲਾਈਨ ਦਾ ਅਤੇ ਇੱਕ ਨੰਬਰ
ਬੀ.ਐਸ.ਐਨ.ਐਲ. ਦੇ ਮੋਬਾਈਲ ਦਾ ਫ਼ਰੀ ਹੋਵੇਗਾ। ਅਤੇ ਦੂਸਰੇ ਪਾਸੇ ਇਸ ਕੰਪਨੀ ਦੇ
ਮੋਬਾਈਲ ਦੀ ਕਾਲ ਰੇਟ ਵੀ ਘੱਟ ਸੀ। ਜਿਹਨਾਂ ਕਾਰਨਾਂ ਕਰਕੇ ਹੀ ਆਮ ਲੋਕ ਜਾਂ
ਵਿਉਪਾਰੀਆਂ ਕੋਲ ਬੀ.ਐਸ.ਐਨ. ਐਲ. ਦੇ ਹੀ ਨੰਬਰ ਸਨ ਅਤੇ ਅੱਜ ਵੀ ਹਨ। ਪਰੰਤੂ ਜਦੋਂ
ਦੀ ਚੰਡੀਗੜ੍ਹ ਵਿਚ ਚੱਲ ਰਹੀ ਮੋਬਾਈਲ ਐਕਸਚੇਜ ਨੂੰ ਕਥਿਤ ਤੌਰ ਤੇ ਮਿਲੀਭੁੱਗਤ ਨਾਲ
ਮਸੀਨਰੀ ਨੂੰ ਅੱਗ ਲੱਗ ਗਈ ਸੀ ਉਸ ਤੋਂ ਬਾਅਦ ਬੀ.ਐਸ.ਐਨ.ਐਲ. ਦੇ ਮੋਬਾਈਲ ਫ਼ੋਨਾਂ ਦਾ
ਬਿਲਕੁਲ ਹੀ ਭੱਠਾ ਬੈਠ ਗਿਆ। ਅੱਜ ਬੀ.ਐਸ.ਐਨ.ਐਲ. ਦੇ ਖ਼ਪਤਕਾਰ ਬੇਸ਼ੱਕ ਆਪਣੇ ਕੋਲ
ਬੀ.ਐਸ.ਐਨ.ਐਲ. ਦਾ ਇੱਕ ਫੋਨ ਰੱਖੇ ਹੋਏ ਹਨ ਪਰ ਉਸ ਤੋਂ ਸਿਰਫ਼ ਆਉਣ ਵਾਲੀ ਕਾਲ ਦਾ
ਹੀ ਕੰਮ ਲੈਂਦੇ ਹਨ ਅਤੇ ਉਸ ਫੋਨ ਵਿਚ ਮਹੀਨੇ ਦੋ ਮਹੀਨਿਆਂ ਦੀ ਵੈਲਡਿਟੀ ਪਵਾਕੇ
ਆਪਣਾ ਲੋਕਾਂ ਤੱਕ ਪਹੁੰਚਿਆ ਬੀ.ਐਸ.ਐਨ.ਐਲ. ਦਾ ਨੰਬਰ ਵਰਤ ਰਹੇ ਹਨ। ਪਰ ਜਿਆਦਾ
ਕਮਾਈ ਪ੍ਰਾਈਵੇਟ ਕੰਪਨੀਆਂ ਜਿੰਨਾਂ ਵਿਚ ਜਿਆਦਾਤਰ ਟਾਟਾ ਕੰਪਨੀ ਜਾਂ ਏਅਰਟੈਲ ਕੰਪਨੀ
ਦੇ ਮੋਬਾਈਲ ਸਿੱਮ ਵਰਤਕੇ ਉਸ ਤੋਂ ਹੀ ਬਾਹਰ ਜਾਣ ਵਾਲੀਆਂ ਕਾਲਾਂ ਕਰਦੇ ਹਨ। ਸਥਾਨਕ
ਮੰਡੀ ਦੇ ਕਈ ਖ਼ਪਤਕਾਰਾਂ ਨੇ ਜਿਹਨਾਂ ਕੋਲ ਬੀ.ਐਸ.ਐਨ.ਐਲ. ਦੇ ਮੋਬਾਈਲ ਫੋਨਾਂ ਤੋਂ
ਇਲਾਵਾ ਇੱਕ ਇੱਕ ਮੋਬਾਈਲ ਸੈਟ ਟਾਟਾ ਕੰਪਨੀ ਦਾ ਰੱਖਿਆ ਹੋਇਆ ਸੀ ਨੇ ਬੇਸ਼ੱਕ ਉਨਾ੍ਹਂ
ਕੋਲ ਲੰਬੇ ਸਮੇਂ ਤੋਂ ਬੀ.ਐਸ.ਐਨ.ਐਲ. ਦੇ ਸਿੱਮ ਪਾਏ ਹੋਏ ਹਨ, ਪਰੰਤੂ ਪਿਛਲੇ ਕਰੀਬ
ਇੱਕ ਸਾਲ ਤੋਂ ਉਹ ਬੀ.ਐਸ.ਐਨ.ਐਲ. ਦੇ ਮੋਬਾਈਲ ਤੋਂ ਸਿਰਫ਼ ਆਉਣ ਵਾਲੀ ਕਾਲ ਹੀ ਸੁਣਦੇ
ਹਨ ਜੋ ਵੀ ਸਹੀ ਨਹੀਂ ਸੁਣੀ ਜਾਂਦੀ, ਕਿਉਂਕਿ ਪ੍ਰਾਈਵੇਟ ਕੰਪਨੀਆਂ ਨਾਲ ਮਿਲੀਭੁੱਗਤ
ਕਰਕੇ ਅਫ਼ਸਰਸ਼ਾਹੀ ਨੇ ਇਸ ਦਾ ਬੇੜਾ ਹੀ ਗਰਕ ਕਰ ਦਿੱਤਾ ਹੈ। ਫੋਨ ਮਿਲਦਾ ਨਹੀਂ, ਜੋਕਰ
ਕਦੇ ਮਿਲ ਜਾਵੇ ਜਾਂ ਤਾਂ ਗਲਤ ਜਗ੍ਹਾ ਤੇ ਜਾਂਦਾ ਹੈ ਜਾਂ ਫਿਰ ਥੋੜੀ ਜਿਹੀ ਦੱਬ
ਘੁੱਟਕੇ ਗੱਲ ਕਰਨ ਤੇ ਵਿਚ ਵਿਚਾਲੇ ਹੀ ਕੱਟ ਜਾਂਦਾ ਹੈ। ਜਦੋਂ ਇਸ ਦੀ ਸ਼ਿਕਾਇਤ
ਅਫਸਰਾਂ ਕੋਲ ਕਰਦੇ ਹਾਂ ਤਾਂ ਕੋਈ ਤਸੱਲੀਬਖ਼ਸ ਜਵਾਬ ਹੀ ਨਹੀਂ ਮਿਲਦਾ। ਜਦੋਂ ਉਪਰੋਕਤ
ਦੇ ਸਬੰਧ ਵਿਚ ਜਿਲੇ ਦੇ ਡਬੀਜਨਲ ਇੰਜਨੀਅਰ ਫੋਨ ਸ੍ਰ ਸਿੱਧੂ ਨਾਲ ਰਾਬਤਾ ਕਾਇਮ ਕੀਤਾ
ਤਾਂ ਉਨਾ੍ਹਂ ਰੋਜ਼ ਦੀ ਤਰਾਂ ਹੀ ਕਿਹਾ ਕਿ ਮੈਂ ਹੁਣੇ ਹੀ ਮੋਬਾਈਲ ਸੇਵਾ ਠੀਕ ਕਰਨ ਲਈ
ਸਬੰਧਤ ਅਫ਼ਸਰਸ਼ਾਹੀ ਨਾਲ ਗੱਲ ਕਰਦਾ ਹਾਂ।
ਤਪਾ ਮੰਡੀ, 5 ਜਨਵਰੀ (ਨਰੇਸ਼ ਗਰਗ)
ਦੇਸ਼ ਨੂੰ ਜਦੋਂ ਤੋਂ ਅਜਾਦੀ ਮਿਲੀ ਹੈ, ਉਦੋਂ ਤੋਂ ਹੀ ਪੰਜਾਬ ਅੰਦਰ ਬੇਸ਼ੱਕ ਕਾਂਗਰਸ
ਦੀ ਸਰਕਾਰ ਬਣੀ ਹੋਵੇ ਜਾਂ ਅਕਾਲੀਆਂ ਦੀ ਸਰਕਾਰ ਬਣੀ ਹੋਵੇ ਕਿਸਾਨਾਂ ਨੂੰ ਕੰਗਾਲੀ
ਤੋਂ ਬਿਨਾਂ ਕੁਝ ਵੀ ਨਹੀਂ ਦਿੱਤਾ ਗਿਆ। ਇਹਨਾਂ ਗੱਲਾਂ ਦਾ ਪ੍ਰਗਟਾਵਾ ਇਥੋਂ ਨਜ਼ਦੀਕੀ
ਪਿੰਡ ਢਿੱਲਵਾਂ ਦੇ ਕਿਸਾਨ ਆਗੂ ਸ੍ਰ ਦਲੀਪ ਸਿੰਘ ਦੀਪਾ ਨੇ ਪੱਤਰਕਾਰ ਨਾਲ ਗੱਲਬਾਤ
ਕਰਦਿਆਂ ਕੀਤਾ। ਕਿਸਾਨ ਆਗੂ ਨੇ ਕਿਹਾ ਕਿ ਅੱਜ ਜਿਉਂਦੀ ਜਾਗਦੀ ਮਿਸਾਲ ਇਹ ਹੈ ਕਿ
ਕਿਸੇ ਪਿੰਡ ਦਾ ਦੌਰਾ ਕੀਤਾ ਹੋਵੇ ਤਾਂ ਇਹੀ ਗੱਲ ਸਾਹਮਣੇ ਆਵੇਗੀ ਕਿ ਅੱਜ ਤੋਂ ਕਈ
ਸਾਲ ਪਹਿਲਾਂ ਜਿਹਨਾਂ ਕਿਸਾਨਾਂ ਕੋਲ ਦੋ ਜਾਂ ਤਿੰਨ ਕਿਲੇ ਜ਼ਮੀਨ ਸੀ ਅਤੇ ਉਹ ਕਿਸਾਨ
ਆਪਣੀ ਐਨੀ ਹੀ ਜ਼ਮੀਨ ਨਾਲ ਆਪਣੇ ਘਰ ਦਾ ਗੁਜਾਰਾ ਚਲਾਉਦਾ ਸੀ। ਪਰੰਤੁ ਸਰਕਾਰਾਂ ਦੀਆਂ
ਕਿਸਾਨਾਂ ਪ੍ਰਤੀ ਮਾੜੀਆਂ ਨੀਤੀਆਂ ਕਾਰਨ ਉਹ ਜ਼ਮੀਨ ਮਾਲਕ ਗਰੀਬ ਕਿਸਾਨ ਅੱਜ ਆਪਣੀਆਂ
ਜ਼ਮੀਨਾਂ ਵੇਚਕੇ ਦਿਹਾੜੀ ਕਰਨ ਲਈ ਮਜ਼ਬੂਰ ਹਨ। ਸ੍ਰ ਦੀਪਾ ਨੇ ਕਿਹਾ ਕਿ ਸਰਕਾਰਾਂ
ਵੱਲੋਂ ਸਿਰਫ਼ ਸਰਮਾਏਦਾਰ ਕਿਸਾਨਾਂ ਲਈ ਵੱਡੀਆਂ ਵੱਡੀਆਂ ਸਹੂਲਤਾਂ ਦਿੱਤੀਆਂ ਜਾਦੀਆਂ
ਹਨ, ਪਰ ਗਰੀਬ ਕਿਸਾਨਾਂ ਬਾਰੇ ਕਦੇ ਵੀ ਸਰਕਾਰ ਨੇ ਇਹ ਨਹੀਂ ਸੋਚਿਆ ਕਿ ਇਹਨਾਂ ਦਾ
ਬਸੇਵਾ ਵੀ ਕੀਤਾ ਜਾਵੇ। ਉਹਨਾਂ ਕਿਹਾ ਕਿ ਜਿਸ ਗਰੀਬ ਕਿਸਾਨ ਦੀ ਦੋ ਜਾਂ ਤਿੰਨ ਕਿਲੇ
ਜ਼ਮੀਨ ਕਿਸੇ ਧਨਾਡ ਕਿਸਾਨ ਦੀ ਜ਼ਮੀਨ ਦੇ ਨਾਲ ਲੱਗਦੀ ਹੈ ਤਾਂ ਉਹ ਧਨਾਡ ਗਰੀਬ ਕਿਸਾਨ
ਨੂੰ ਕਦੇ ਵੀ ਖੇਤ ਨੂੰ ਪਾਣੀ ਲਾਉਣ ਲਈ ਸਹਾਰਾ ਨਹੀਂ ਦਿੰਦਾ, ਕਿਉਂਕਿ ਉਸ ਧਨਾਡ
ਕਿਸਾਨ ਦੇ ਮਨ ਵਿਚ ਹਮੇਸ਼ਾ ਇਹੀ ਗੱਲ ਘਰ ਕਰੀ ਹੁੰਦੀ ਹੈ ਕਿ ਜੇਕਰ ਗਰੀਬ ਕਿਸਾਨ
ਪਾਣੀ ਆਦਿ ਨਾਲ ਤੰਗ ਹੋਵੇਗਾ ਤਾਂ ਹੀ ਉਹ ਆਪਣੀ ਜ਼ਮੀਨ ਦਾ ਟੁਕੜਾ ਉਸ ਨੂੰ ਵੇਚੇਗਾ।
ਉਹਨਾਂ ਕਿਹਾ ਕਿ ਇੱਕ ਦੋ ਏਕੜਾਂ ਦੀ ਜ਼ਮੀਨ ਵਾਲੇ ਕਿਸਾਨਾਂ ਕੋਲ ਆਪਣੇ ਖੇਤ ਵਿਚ
ਬਿਜਲੀ ਦੀ ਮੋਟਰ ਨਹੀਂ ਹੁੰਦੀ, ਪਰ ਧਨਾਡਾ ਦੇ ਖੇਤਾਂ ਵਿਚ 10-10 ਮੋਟਰਾਂ ਮਹਿਕਮੇ
ਵੱਲੋਂ ਲਾਈਆਂ ਹੁੰਦੀਆਂ ਹਨ। ਉਹਨਾਂ ਕਿਹਾ ਕਿ ਕੇਂਦਰ ਅਤੇ ਪੰਜਾਬ ਸਰਕਾਰ ਦੀ
ਕਿਸਾਨਾਂ ਪ੍ਰਤੀ ਮਾੜੀਆਂ ਨੀਤੀਆਂ ਦੇ ਮੱਦੇਨਜ਼ਰ ਅੱਜ ਕਿਸਾਨ ਦਾ ਚਿੱਟਾ ਸੋਨਾ
(ਨਰਮਾ-ਕਪਾਹ) ਵੀ ਮੰਡੀਆਂ ਵਿਚ ਰੁਲ ਰਿਹਾ ਹੈ। ਜਿਸਦਾ ਕੋਈ ਖ੍ਰੀਦਦਾਰ ਨਹੀਂ ਬਣ
ਰਿਹਾ। ਜਿਸ ਕਾਰਨ ਬਿਪਤਾ ਦੇ ਮਾਰੇ ਕਿਸਾਨਾਂ ਨੂੰ ਜਗ੍ਹਾ ਜਗ੍ਹਾ ਧਰਨੇ ਮੁਜਹਾਰੇ
ਕਰਨੇ ਪੈ ਰਹੇ ਹਨ। ਉਹਨਾਂ ਆਖਿਆ ਕਿ ਇਹ ਵੀ ਮਾੜੇ ਕਿਸਾਨ ਤੇ ਆ ਕੇ ਪੈਂਦੀ ਹੈ,
ਕਿਉਂਕਿ ਜਦੋਂ ਗਰੀਬ ਕਿਸਾਨ ਮੰਡੀ ਵਿਚ ਨਰਮੇ ਦੀ ਢੇਰੀ ਕੋਲ ਜਾ ਬੈਠਦਾ ਹੈ ਤਾਂ
ਉਸਦੇ ਘਰ ਦਾ ਸਾਰਾ ਕਾਰੋਬਾਰ ਹੀ ਠੱਪ ਹੋ ਕੇ ਰਹਿ ਜਾਂਦਾ ਹੈ। ਉਹਨਾਂ ਸਰਕਾਰਾਂ ਤੋਂ
ਮੰਗ ਕੀਤੀ ਕਿ ਗਰੀਬ ਅਤੇ ਘੱਟ ਜਿਮੀ ਵਾਲੇ ਕਿਸਾਨ ਦਾ ਪੱਲਾ ਫੜਿਆ ਜਾਵੇ, ਤਾਂ ਕਿ
ਉਹ ਆਪਣੀਆਂ ਜ਼ਮੀਨਾਂ ਵੇਚਣ ਲਈ ਮਜ਼ਬੂਰ ਹੋ ਕੇ ਆਪਣੇ ਹੀ ਸਰਮਾਏਦਾਰ ਕਿਸਾਨ ਭਾਈਆਂ
ਕੋਲ ਦਿਹੜੀ ਨਾ ਕਰਨ।
ਤਪਾ ਮੰਡੀ, 5 (ਨਰੇਸ਼ ਗਰਗ)
ਮੋਗਾ, ਲੁਧਿਆਣਾ ਅਤੇ ਬਠਿੰਡਾ ਜਿਲੇ ਦੇ ਨਥਾਣਾ, ਰਾਮਪੁਰਾ ਆਦਿ ਪੰਜਾਬ ਦੇ ਕਈ
ਸ਼ਹਿਰਾਂ ਵਿਚ ਭਲੇਮਾਣਸ ਲੋਕਾਂ ਨੂੰ ਬਲੈਕਮੇਲ ਕਰਨ ਦੇ ਵਾਪਰੇ ਵੱਡੇ ਵੱਡੇ ਸੈਕਸ
ਸਕੈਂਡਲਾਂ ਦੀ ਤਰਾਂ ਤਪਾ ਸਬ ਡਬੀਜਨ ਅਧੀਨ ਵੀ ਅਜਿਹਾ ਸਕੈਂਡਲ ਕਦੇ ਵੀ ਵਾਪਰ ਸਕਦਾ
ਹੈ। ਜਿਸਦੀ ਪੂਰੀ ਸੰਭਾਵਨਾਂ ਬਣੀ ਹੋਈ ਹੈ। ਆਪਣੀ ਸਿਆਸੀ ਵਿਰੋਧੀ ਚਿੱਤ ਕਰਨ ਲਈ
ਇੱਕ ਵਿਅਕਤੀ ਵੱਲੋਂ ਅਜਿਹੀਆਂ ਗੋਂਦਾ ਗੁੰਦੀਆਂ ਜਾ ਰਹੀਆਂ ਹਨ, ਕਿ ਉਹ ਕਿਸੇ ਬਦਨਾਮ
ਔਰਤ ਤੋਂ ਆਪਣੇ ਵਿਰੋਧੀ ਤੇ ਬਲਾਤਕਾਰ ਦਾ ਝੂਠਾ ਦੋਸ਼ ਲਵਾਕੇ ਉਸਨੂੰ ਆਪਣੇ ਰਸਤੇ ਤੋਂ
ਪਾਸੇ ਹਟਾਉਣਾ ਚਾਹੁੰਦਾ ਹੈ। ਜਾਣਕਾਰ ਪਰੰਤੂ ਅਪੁੱਸਟ ਤਰਾਂ ਤੋਂ ਮਿਲੀ ਜਾਣਕਾਰੀ
ਅਨੁਸਾਰ ਉਕਤ ਵਿਅਕਤੀ ਦੀ ਕਿਸੇ ਔਰਤ ਨਾਲ ਗੱਲਬਾਤ ਚੱਲ ਰਹੀ ਹੈ। ਪਰੰਤੂ ਪੈਸਿਆਂ ਦਾ
ਲੈਣ ਦੇਣ ਤਹਿ ਨਾ ਹੋ ਸਕਣ ਕਾਰਨ ਗੱਲ ਕਿਸੇ ਸਿਰੇ ਨਹੀਂ ਲਗਦੀ ਵਿਖਾਈ ਦੇ ਰਹੀ,
ਕਿਉਂਕਿ ਔਰਤ ਦੀ ਮੰਗ ਜਿਆਦਾ ਪੈਸੇ ਦੀ ਸੁਣੀ ਜਾ ਰਹੀ ਹੈ। ਉਕਤ ਵਿਅਕਤੀ ਉਨੇ ਪੈਸੇ
ਦੇਣ ਨੂੰ ਤਿਆਰ ਨਹੀਂ ਹੈ। ਅਜਿਹੀ ਹੀ ਇੱਕ ਨਵੇਂ ਕਾਂਡ ਨੂੰ ਅੰਜਾਮ ਦੇਣ ਦੀਆਂ
ਅੰਦਰੇ ਅੰਦਰ ਹੀ ਤਿਆਰੀਆਂ ਹੋ ਰਹੀਆਂ ਹਨ। ਪਰ ਕਿਸੇ ਤਰਾਂ ਦੀ ਗੱਲ ਦੀ ਭਿੱਣਕ ਅੱਗੇ
ਤੋਂ ਅੱਗੇ ਕੁਝ ਲੋਕਾਂ ਤੱਕ ਪਹੁੰਚ ਗਈ। ਬੇਸ਼ੱਕ ਉਪਰੋਕਤ ਵੱਡੇ ਸ਼ਹਿਰਾਂ ਵਿਚ ਵਾਪਰੇ
ਕੁਝ ਵੱਡੇ ਸਿਆਸਤਦਾਨਾਂ ਸਮੇਤ ਛੋਟੇ ਵੱਡੇ ਅਧਿਕਾਰੀ ਵੀ ਸਾਮਲ ਸਨ ਅਤੇ ਮੋਗਾ ਕਾਂਡ
ਦੀ ਪੜਤਾਲ ਤਾਂ ਸੀ.ਬੀ.ਆਈ. ਕਰ ਰਹੀ ਹੈ। ਪਰੰਤੂ ਇਥੇ ਵਾਪਰਣ ਜਾ ਰਹੇ ਸੈਕਸ ਕਾਂਡ
ਵਿਚ ਧਨਾਡ ਵਿਅਕਤੀ ਦੇ ਨਾਲ ਦੋ ਕਥਿਤ ਅਖੌਤੀ ਪੱਤਰਕਾਰਾਂ ਦੀ ਸਮੂਲੀਅਤ ਦੱਸੀ ਜਾਂਦੀ
ਹੈ। ਅਤੇ ਉਹ ਅਖੌਤੀ ਪੱਤਰਕਾਰ ਉਸ ਔਰਤ ਨੂੰ ਦਿਨ ਵਿਚ ਵੀਹ ਵੀਹ ਵਾਰੀ ਫੋਨ ਕਰਕੇ
ਗੱਲ ਬਣਾਉਣ ਦੀ ਕੋਸ਼ਿਸ਼ ਵਿਚ ਲੀਨ ਹੋਏ ਪਏ ਹਨ। ਪਤਾ ਲੱਗਿਆ ਹੈ ਕਿ ਉਕਤ ਧਨਾਡ
ਵਿਅਕਤੀ ਦੀ ਨਜ਼ਦੀਕੀ ਇੱਕ ਪਿੰਡ ਦੇ ਕਿਸੇ ਮੋਹਤਵਰ ਵਿਅਕਤੀ ਨਾਲ ਨਿੱਜੀ ਰੰਜ਼ਸ ਚੱਲ
ਰਹੀ ਹੈ, ਅਤੇ ਉਹ ਆਪਣੀ ਰੰਜ਼ਸ ਦਾ ਬਦਲਾ ਉਕਤ ਮੋਹਤਵਰ ਵਿਅਕਤੀ ਤੇ ਉਸਦੀ ਬੇਇੱਜਤੀ
ਕਰਵਾਕੇ ਲੈਣਾ ਚਾਹੁੰਦਾ ਹੈ।
ਮੁਹਾਲੀ ਦੇ ਜਿਆਦਾਤਰ ਧਾਰਮਿਕ ਸਥਾਨ ਨਾਜਾਇਜ਼ ਕਬਜਿਆਂ ਤੇ ਉਸਾਰੇ
ਮੁਹਾਲੀ, 5 ਜਨਵਰੀ-
ਮੁਹਾਲੀ ਵਿੱਚ ਕੁੱਲ 57 ਧਾਰਮਿਕ ਅਸਥਾਨ ਹਨ ਜਿਨ੍ਹਾਂ ਵਿੱਚੋਂ ਸਿਰਫ 21 ਹੀ ਅਲਾਟ
ਕੀਤੇ ਹੋਏ ਹਨ ਜਾਂ ਇਹਨਾਂ ਦੀ ਆਪਣੀ ਜਮੀਨ ਹੈ ਪਰ ਇਹਨਾਂ ਵਿੱਚੋਂ ਵੀ ਕਈਆਂ ਨੇ
ਵੱਖਰੇ ਤੌਰ ਤੇ ਨਾਜਾਇਜ਼ ਕਬਜੇ ਕੀਤੇ ਹੋਏ ਹਨ। ਇਹ ਜਾਣਕਾਰੀ ਗ੍ਰੇਟਰ ਮੁਹਾਲੀ ਏਰੀਆ
ਡਿਵੈਲਪਮੈਂਟ ਅਥਾਰਟੀ ਨੇ ਮੁਹਾਲੀ ਦੇ ਵਸਨੀਕ ਸ੍ਰੀ ਜਰਨੈਲ ਸਿੰਘ ਕ੍ਰਾਂਤੀ (ਪ੍ਰਧਾਨ
ਰੈਜੀਡੈਂਟਸ ਵੈਲਫੇਅਰ ਐਸੋਸੀਏਸ਼ਨ ਫੇਜ਼-4) ਵਲੋਂ ਸੂਚਨਾ ਦੇ ਅਧਿਕਾਰ ਤਹਿਤ ਮੰਗੀ ਗਈ
ਸੂਚਨਾ ਦੇ ਏਵਜ ਵਿੱਚ ਮੁਹਈਆ ਕਰਵਾਈ ਹੈ। ਇਸ ਜਾਣਕਾਰੀ ਦੇ ਤਹਿਤ ਤਾਂ ਮੁਹਾਲੀ ਦੇ
ਗੁਰਦੁਆਰਾ ਅੰਬ ਸਾਹਿਬ ਉੱਤੇ ਵੀ ਨਾਜਾਇਜ਼ ਕਬਜੇ ਦਾ ਜਿਕਰ ਕੀਤਾ ਗਿਆ ਹੈ।ਇਸ
ਜਾਣਕਾਰੀ ਦੇ ਤਹਿਤ ਮੁਹਾਲੀ ਵਿੱਚ 14 ਏਕੜ ਜਮੀਨ ਤਾਂ ਇਹਨਾਂ ਧਾਰਮਿਕ ਅਸਥਾਨਾਂ ਨੇ
ਸਪਸ਼ਟ ਤੌਰ ਤੇ ਨਾਜਾਇਜ਼ ਕਬਜੇ ਅਧੀਨ ਲਈ ਹੋਈ ਹੈ ਜਦੋਂ ਕਿ ਇਸ ਤੋਂ ਇਲਾਵਾ ਅਲਾਟ
ਕੀਤੀ ਗਈ ਜਮੀਨ ਦੇ ਨਾਲ ਕੀਤੇ ਗਏ ਨਾਜਾਇਜ਼ ਕਬਜੇ ਦੇ ਅਧੀਨ ਵੀ ਲਗਭਗ 5-6 ਏਕੜ ਜਮੀਨ
ਹੈ।ਇਸ ਲਿਸਟ ਦੇ ਅਨੁਸਾਰ ਫੇਜ਼-1 ਦੇ ਗੁਰਦੁਆਰਾ ਸਿੰਘ ਸਭਾ ਨੂੰ ਜਮੀਨ ਅਲਾਟ ਵੀ
ਕੀਤੀ ਗਈ ਹੈ ਅਤੇ ਇਸਦੇ ਪ੍ਰਬੰਧਕਾਂ ਨੇ ਕੁੱਝ ਜਮੀਨ ਤੇ ਕਬਜਾ ਵੀ ਕੀਤਾ ਹੋਇਆ ਹੈ।
ਫੇਜ਼-1 ਦੇ ਹੀ ਗੁਰਦੁਆਰਾ ਗ੍ਰੰਥ ਸਾਹਿਬ ਨੇ 0. 59 ਫੀਸਦੀ ਜਮੀਨ ਤੇ ਕਬਜਾ ਕੀਤਾ
ਹੋਇਆ ਹੈ। ਫੇਜ਼-1 ਦੇ ਸ਼ਿਵ ਮੰਦਿਰ ਦਾ 0. 55 ਏਕੜ ਤੇ ਕਬਜਾ ਹੈ। ਗਾਇਤ੍ਰੀ ਸ਼ਕਤੀ
ਪੀਠ ਮੰਦਿਰ ਫੇਜ਼-1 ਦਾ 0. 54 ਏਕੜ ਤੇ ਕਬਜਾ ਹੈ, ਫੇਜ਼-2 ਦੇ ਰਾਧਾ ਕ੍ਰਿਸ਼ਨ ਮੰਦਿਰ
ਨੇ 0. 80 ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ, ਗੁਰਦੁਆਰਾ ਸਾਹਿਬ ਫੇਜ਼-2 ਨੇ 0.23
ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ, ਫੇਜ਼-3ਏ ਦੇ ਵੈਸ਼ਨੋ ਮਾਤਾ ਮੰਦਿਰ ਨੇ 0.04
ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ। ਫੇਜ਼-3ਬੀ1 ਦੇ ਵੈਸ਼ਨੋ ਮਾਤਾ ਮੰਦਿਰ ਨੇ 0.69
ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ, ਫੇਜ਼-3ਬੀ1 ਦੇ ਗੁਰਦੁਆਰਾ ਰਾਮਗੜ੍ਹੀਆ ਨੇ
0.94 ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ, ਗੁਰਦੁਆਰਾ ਸਾਚਾ ਧੰਨ ਫੇਜ਼-3ਬੀ1 ਨੇ
2.27 ਏਕੜ ਜਮੀਨ ਤੇ ਕਬਜਾ ਕੀਤਾ ਹੋਇਆ ਹੈ।ਇਸ ਤੋਂ ਇਲਾਵਾ ਲਕਸ਼ਮੀ ਨਾਰਾਇਣ ਮੰਦਿਰ
ਫੇਜ਼-3ਬੀ2, ਸ੍ਰੀ ਸਨਾਤਨ ਧਰਮ ਮੰਦਿਰ ਫੇਜ਼-4, ਗੁਰਦੁਆਰਾ ਕਲਗੀਧਰ ਸਿੰਘ ਸਭਾ
ਫੇਜ਼-4, ਹਰਿ ਮੰਦਰ ਸੰਕੀਰਤਨ ਸਭਾ ਫੇਜ਼-5, ਗੁਰਦੁਆਰਾ ਅਜੀਤ ਸਿੰਘ ਗੁਰਮਤਿ ਪ੍ਰਚਾਰ
ਸੇਵਾ ਸੁਸਾਇਟੀ ਫੇਜ਼-6, ਦੁਰਗਾ ਮੰਦਿਰ ਫੇਜ਼-6, ਆਰਿਆ ਸਮਾਜ ਮੰਦਿਰ ਫੇਜ਼-6, ਮਹਾ
ਕਾਲੀ ਮੰਦਿਰ ਫੇਜ਼-6, ਜੈਨ ਸੰਸਥਾਨਿਕ ਸਭਾ ਮੰਦਿਰ ਫੇਜ਼-6, ਗੁਰਦੁਆਰਾ ਬੀਬੀ ਭਾਨੀ
ਫੇਜ਼-7, ਪ੍ਰਾਚੀਨ ਸ਼ਿਵ ਮੰਦਿਰ ਫੇਜ਼-9, ਸਨਾਤਨ ਧਰਮ ਮੰਦਿਰ ਫੇਜ਼-9 ਅਤੇ ਗੁਰਦੁਆਰਾ
ਫੇਜ਼-9, ਫੇਜ਼-11 ਦਾ ਲਕਸ਼ਮੀ ਨਾਰਾਇਣ ਮੰਦਿਰ, ਸੈਕਟਰ 69 ਵਿੱਚ ਝਿੜੀ ਸਾਹਿਬ
ਗੁਰਦੁਆਰਾ, ਸੈਕਟਰ 56 ਦੇ ਪਲਾਟ ਵਿੱਚ ਗੁਰਦੁਆਰਾ ਅਤੇ ਉਦਯੋਗਿਕ ਖੇਤਰ ਫੇਜ਼-3 ਵਿੱਚ
ਸਥਿਤ ਮਜਾਰ ਸਭ ਨਾਜਾਇਜ਼ ਕਬਜੇ ਹਨ।
ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਦਿਹਾੜਾ
ਮੁਹਾਲੀ, 5 ਜਨਵਰੀ
ਦਸ਼ਮੇਸ਼ ਪਿਤਾ, ਸਰਬੰਸਦਾਨੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਅਵਤਾਰ ਪੁਰਬ ਅੱਜ
ਮੁਹਾਲੀ ਦੇ ਸਮੂਹ ਗੁਰਦੁਆਰਿਆਂ ਵਿੱਚ ਪੂਰੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ।
ਪੰਜਾਬ ਸਰਕਾਰ ਵਲੋਂ ਅੱਜ ਛੁੱਟੀ ਦਾ ਐਲਾਣ ਹੋਣ ਕਰਕੇ ਸਵੇਰੇ ਤੋਂ ਹੀ ਸੰਗਤਾਂ ਵੱਡੀ
ਗਿਣਤੀ ਵਿੱਚ ਗੁਰਦੁਆਰਾ ਸਾਹਿਬਾਨਾਂ ਵਿੱਚ ਮੱਥਾ ਟੇਕਣ ਲਈ ਪਹੁੰਚੀਆਂ। ਭਾਵੇਂ
ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਨੂੰ ਅੱਜ ਦੀ ਛੁੱਟੀ ਨਹੀਂ ਸੀ ਕੀਤੀ ਗਈ ਪਰ ਇਹਨਾਂ
ਕਰਮਚਾਰੀਆਂ ਨੇ ਵੀ ਵੱਡੀ ਗਿਣਤੀ ਵਿੱਚ ਆਪੋ ਆਪਣੇ ਨੇੜਲੇ ਗੁਰਦੁਆਰਿਆਂ ਵਿੱਚ ਮੱਥਾ
ਟੇਕਿਆ।ਇਸ ਮੌਕੇ ਗੁਰਦਆਰਾ ਅੰਬ ਸਾਹਿਬ, ਫੇਜ਼-11 ਦੇ ਗੁਰਦੁਆਰਾ ਸਾਹਿਬ, ਫੇਜ਼-10 ਦੇ
ਗੁਰਦੁਆਰਾ ਹਰਿਚਰਨ ਕਮਲ ਸਾਹਿਬ, ਫੇਜ਼-9 ਦੇ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦਰ ਜੀ,
ਫੇਜ਼-7 ਦੇ ਗੁਰਦੁਆਰਾ ਬੀਬੀ ਭਾਨੀ ਜੀ, ਫੇਜ਼-3ਬੀ1 ਦੇ ਗੁਰਦੁਆਰਾ ਸਾਚਾ ਧੰਨ ਸਾਹਿਬ,
ਸੋਹਾਣਾ ਦੇ ਗੁਰਦੁਆਰਾ ਸਿੰਘ ਸ਼ਹੀਦਾਂ ਅਤੇ ਸ੍ਰੀ ਅਕਾਲ ਆਸ਼ਰਮ, ਫੇਜ਼-4 ਦੇ ਗੁਰਦੁਆਰਾ
ਸ੍ਰੀ ਗੁਰੂ ਕਲਗੀਧਰ ਸਿੰਘ ਸਭਾ, ਫੇਜ਼-5 ਦੇ ਗੁਰਦੁਆਰਾ ਸਾਹਿਬਵਾੜਾ, ਫੇਜ਼-1 ਅਤੇ
ਫੇਜ਼-6 ਦੇ ਗੁਰਦੁਆਰਿਆਂ ਵਿੱਚ ਗੁਰਮਤਿ ਸਮਾਗਮ ਹੋਏ। ਸਵੇਰੇ ਤੋਂ ਇਸਤਰੀ ਕੀਰਤਨੀ
ਜਥਿਆਂ ਤੋਂ ਬਾਅਦ ਹਜੂਰੀ ਰਾਗੀਆਂ ਨੇ ਗੁਰਬਾਣੀ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ
ਕੀਤਾ। ਦੁਪਹਿਰ ਤੱਕ ਚੱਲੇ ਸਮਾਗਮਾਂ ਉਪਰੰਤ ਗੁਰੂ ਕਾ ਲੰਗਰ ਅਤੁੱਟ
ਵਰਤਿਆ।ਗੁਰਦੁਆਰਾ ਸਾਹਿਬਜ਼ਾਦਾ ਅਜੀਤ ਸਿੰਘ ਫੇਜ਼-2 ਵਿਖੇ ਗੁਰੂ ਗੋਬਿੰਦ ਸਿੰਘ ਜੀ ਦਾ
ਆਗਮਨ ਪੁਰਬ ਸਮਾਗਮ ਪੂਰੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਮੌਕੇ ਭਾਈ ਹਰਜੀਤ
ਸਿੰਘ (ਜੰਮੂ ਵਾਲੇ, ਭਾਈ ਸਤਵਿੰਦਰ ਸਿੰਘ (ਹਜੂਰੀ ਰਾਗੀ) ਸਮੇਤ ਕਈ ਜਥਿਆਂ ਨੇ
ਰਸਭਿੰਨਾ ਕੀਰਤਨ ਕਰਕੇ ਸੰਗਤਾਂ ਨੂੰ ਨਿਹਾ