ਦਿੱਲੀ ਦੇ ਵਿਦਿਆਰਥੀ ਚਾਹੁੰਦੇ ਹਨ ਫ੍ਰੀ ਸੈਕਸ ਤੇ ਨਸ਼ਾ
ਨਵੀਂ ਦਿੱਲੀ, 3 ਫਰਵਰੀ—
ਰਾਜਧਾਨੀ ਦੇ 72 ਫੀਸਦੀ ਵਿਦਿਆਰਥੀ ‘ਫ੍ਰੀ ਸੈਕਸ’ ਅਤੇ ਨਿਜੀ ਸੁਤੰਤਰਤਾ ਦੇ ਪੱਖ ‘ਚ ਹਨ। ਇਹ ਗੱਲ ਦਿੱਲੀ ਦੀ ਸੰਸਥਾ ‘ਸੈਂਟਰ ਫਾਰ ਸਿਵਲ ਸੁਸਾਇਟੀ’ ਵਲੋਂ ਕਰਾਏ ਗਏ ਸਰਵੇਖਣ ‘ਚ ਸਾਹਮਣੇ ਆਈ। ਇਨ੍ਹਾਂ ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਉਹ ਨਿਜੀ ਆਜ਼ਾਦੀ, ਮੀਡੀਆ ਜਾਂ ਇੰਟਰਨੈੱਟ ਦੀ ਆਜ਼ਾਦੀ ਦੇ ਪੱਖ ‘ਚ ਹਨ ਅਤੇ ਰਜ਼ਾਮੰਦੀ ਨਾਲ ਸੈਕਸ ਦੇ ਸਮਰਥਕ ਹਨ ਅਤੇ ਨਸ਼ੀਲੇ ਪਦਾਰਥਾਂ ਦੇ ਪੱਖ ‘ਚ ਹਨ।
ਸੰਸਥਾ ਵਲੋਂ ਇਥੇ ਜਾਰੀ ਰਿਪੋਰਟ ਅਨੁਸਾਰ ਰਾਜਧਾਨੀ ਦੇ ਸੈਂਟ ਸਟੀਫਨ, ਦੌਲਤ ਰਾਮ, ਹੰਸਰਾਜ ਹਿੰਦੂ, ਮੋਤੀਲਾਲ ਨਹਿਰੂ, ਲੇਡੀ ਸ਼੍ਰੀਰਾਮ ਕਾਲਜ, ਕਮਲਾ ਨਹਿਰੂ, ਵੈਂਕਟੇਸ਼ਵਰ ਅਤੇ ਭਗਤ ਸਿੰਘ ਕਾਲਜ ਦੇ 322 ਵਿਦਿਆਰਥੀਆਂ ‘ਤੇ ਕਰਾਏ ਗਏ ਸਰਵੇਖਣ ਅਨੁਸਾਰ 72 ਫੀਸਦੀ ਕਿਸੇ ਵੀ ਤਰ੍ਹਾਂ ਦੀ ਸੈਂਸਰਸ਼ਿਪ ਖਿਲਾਫ ਅਤੇ ਨਿਜੀ ਆਜਾਦੀ ਦੇ ਪੱਖ ‘ਚ ਹਨ। 44 ਫੀਸਦੀ ਵਿਦਿਆਰਥੀ ਨਿਜੀਕਰਨ ਦੇ ਸਮਰਥਕ ਹਨ ਅਤੇ ਸਾਰੇ ਸਰਕਾਰੀ ਵਿਭਾਗਾਂ ਨੂੰ ਬੰਦ ਕਰਨ ਦੇ ਪੱਖ ‘ਚ ਹਨ। 57 ਫੀਸਦੀ ਵਿਦਿਆਰਥੀਆਂ ਦਾ ਰੁਝਾਨ ਮੱਧਮਾਰਗੀ ਹੈ, 20 ਫੀਸਦੀ ਸਮਾਜਵਾਦੀ ਅਤੇ 13 ਫੀਸਦੀ ਪਰੰਪਰਾਵਾਦੀ ਹਨ।
ਇਸ਼ਤਿਹਾਰ ਲਈ ਨਿਊਡ ਹੋਈ ਨਿਕੋਲ
3 ਫਰਵਰੀ—
’ਪੁਸੀਕੈਟ ਡਾਲ’ ਬੈਂਡ ਦੀ ਸਾਬਕਾ ਸਟਾਰ ਨਿਕੋਲ ਸੇਰਜ਼ਿਗਰ ਦਾ ਵੀ ਜਵਾਬ ਨਹੀਂ। ਲੰਡਨ ਫਾਗ ਦੇ ਇਕ ਇਸ਼ਤਿਹਾਰ ਲਈ ਇਸ ਹਸੀਨਾ ਨੇ ਆਪਣੇ ਹੁਸਨ ਬੇਪਰਦਾ ਕਰ ਦਿੱਤਾ ਹੈ। ਸੇਰਜ਼ਿਗਰ ਨੇ ਬ੍ਰਾਂਡ ਦੇ ਨਵੇਂ ਇਸ਼ਤਿਹਾਰ ‘ਚ ਸਿਰਫ ਖਾਕੀ ਰੰਗ ਦਾ ਅਜਿਹਾ ਕੋਟ ਪਹਿਣ ਰੱਖਿਆ ਹੈ ਜਿਸ ਤੋਂ ਉਨ੍ਹਾਂ ਦਾ ਹੁਸਨ ਸਾਫ ਨਜ਼ਰ ਆ ਰਿਹਾ ਹੈ। 33 ਸਾਲਾ ਗਾਇਕਾ ਨੇ ਟਵਿੱਟਰ ‘ਤੇ ਬੁਧਵਾਰ ਨੂੰ ਆਪਣੇ ਪ੍ਰਸ਼ੰਸਕਾਂ ਲਈ ਲਿਖਿਆ ਹੈ,”ਲੰਡਨ ਫਾਗ ਲਈ ਕੀਤਾ ਗਿਆ ਮੇਰਾ ਨਵਾਂ ਇਸ਼ਤਿਹਾਰ ਜ਼ਾਰੀ ਹੋ ਗਿਆ ਹੈ। ਇਹ ਅਜੇ ਤੱਕ ਦੇ ਮੇਰੇ ਪ੍ਰਿਯ ਇਸ਼ਤਿਹਾਰਾਂ ‘ਚੋਂ ਇਕ ਹੈ। ਕੀ ਤੁਸੀਂ ਵੀ ਅਜਿਹਾ ਸੋਚ ਰਹੇ ਹੋ।”
ਸੈਨਾ ਮੁਖੀ ਉਮਰ ਵਿਵਾਦ : ਸੁਪਰੀਮ ਕੋਰਟ ਨੇ ਦਿੱਤਾ ਸਰਕਾਰ ਨੂੰ ਝਟਕਾ
ਨਵੀਂ ਦਿੱਲੀ, 3 ਫਰਵਰੀ—
ਸੈਨਾ ਮੁਖੀ ਦੀ ਉਮਰ ਦੇ ਵਿਵਾਦ ‘ਤੇ ਸਰਕਾਰ ਨੂੰ ਸ਼ੁਰੂਆਤੀ ਝਟਕਾ ਦਿੰਦੇ ਹੋਏ ਸੁਪਰੀਮ ਕੋਰਟ ਨੇ ਜਨਰਲ ਵੀ. ਕੇ. ਸਿੰਘ ਦੀ ਵਿਧਾਨਿਕ ਸ਼ਿਕਾਇਤ ਰੱਖਿਆ ਮੰਤਰਾਲੇ ਵਲੋਂ ਖਾਰਜ ਕੀਤੇ ਜਾਣ ਦੀ ਪ੍ਰਕਿਰਿਆ ਨੂੰ ਸਰਸਰੀ ਤੌਰ ‘ਤੇ ਦੋਸ਼ਪੂਰਣ ਕਰਾਰ ਦਿੱਤਾ ਹੈ। ਕੋਰਟ ਨੇ ਇਸ ਮਾਮਲੇ ਦੀ ਸੁਣਵੀ ਦੇ ਪਹਿਲੇ ਦਿਨ ਸੈਨਾ ਦੀ ਐਜੂਟੈਂਟ ਬਰਾਂਚ ਨੂੰ ਕਿਹਾ ਹੈ ਕਿ ਉਹ 30 ਦਸੰਬਰ 2011 ਦੇ ਹੁਕਮ ਨੂੰ ਵਾਪਸ ਲੈਣ ਲਈ ਸਰਕਾਰ ਤੋਂ ਨਿਰਦੇਸ਼ ਲਵੇ ਜਿਸ ‘ਚ ਮੰਤਰਾਲਾ ਨੇ ਜਨਰਲ ਸਿੰਘ ਦੀ ਸ਼ਿਕਾਇਤ ਖਾਰਜ ਕੀਤੀ ਸੀ। ਇਸ ਹੁਕਮ ‘ਚ ਐਜੂਟੈਂਟ ਬਰਾਂਚ ਨੂੰ ਕਿਹਾ ਗਿਆ ਹੈ ਕਿ ਸੈਨਾ ਮੁਖੀ ਦੀ ਉਮਰ 10 ਮਈ 1951 ਦੀ ਥਾਂ 1950 ਕਰ ਲਓ ਜੋ ਤਰੀਕ ਸੈਨਾ ਸਕੱਤਰੇਤ ‘ਚ ਦਰਜ ਹੈ। ਅਦਾਲਤ ਨੇ ਮਾਮਲੇ ਦੀ ਸੁਣਵਾਈ ਦੀ ਅਗਲੀ ਤਰੀਕ 10 ਫਰਵਰੀ ਤੈਅ ਕਰ ਦਿੱਤੀ।
4. 2ਜੀ ਘਪਲਾ ਆਜ਼ਾਦ ਭਾਰਤ ਦਾ ਸੱਭ ਤੋਂ ਵੱਡਾ ਭ੍ਰਿਸ਼ਟਾਚਾਰ ਦਾ ਮਾਮਲਾ : ਭਾਜਪਾ
ਨਵੀਂ ਦਿੱਲੀ : 2-2-2012
2-ਜੀ ਸਪੈਕਟ੍ਰਮ ਵੰਡ ਮਾਮਲੇ ‘ਚ ਵੀਰਵਾਰ ਨੂੰ ਇਕ ਅਤਿਅੰਤ ਅਹਿਮ ਫੈਸਲਾ ਦਿੰਦੇ ਹੋਏ ਸੁਪਰੀਮ ਕੋਰਟ ਨੇ 11 ਦੂਰਸੰਚਾਰ ਕੰਪਨੀਆਂ ਨੂੰ ਵੰਡੇ ਗਏ 122 ਲਾਇਸੈਂਸ ਰੱਦ ਕਰਨ ਦੇ ਨਾਲ ਹੀ ਇਨ੍ਹਾਂ ਕੰਪਨੀਆਂ ਨੂੰ 5-5 ਕਰੋੜ ਰੁਪਏ ਜੁਰਮਾਨਾ ਲਾਉਣ ਦਾ ਹੁਕਮ ਦਿੱਤਾ। ਚਿਦਾਂਬਰਮ ਬਾਰੇ ਫੈਸਲਾ ਹੇਠਲੀ ਅਦਾਲਤ ਕਰੇਗੀ : ਮਾਣਯੋਗ ਜੀ. ਐੱਸ. ਸਿੰਘਵੀ ਅਤੇ ਜਸਟਿਸ ਏ. ਕੇ. ਗਾਂਗੁਲੀ ‘ਤੇ ਆਧਾਰਿਤ ਬੈਂਚ ਨੇ ਸਾਬਕਾ ਦੂਰਸੰਚਾਰ ਮੰਤਰੀ ਏ. ਰਾਜਾ ਦੇ ਨਾਲ ਹੀ ਕੇਂਦਰੀ ਗ੍ਰਹਿ ਮੰਤਰੀ ਪੀ. ਚਿਦਾਂਬਰਮ ਨੂੰ 2-ਜੀ ਸਪੈਕਟ੍ਰਮ ਵੰਡ ਮਾਮਲੇ ‘ਚ ਸਹਿ ਦੋਸ਼ੀ ਬਣਾਉਣ ਦੀ ਪਟੀਸ਼ਨ ‘ਤੇ ਕਿਹਾ ਕਿ ਇਸ ਦਾ ਫੈਸਲਾ ਹੇਠਲੀ ਅਦਾਲਤ ਕਰੇਗੀ। ਮਾਣਯੋਗ ਜੱਜਾਂ ਨੇ ਕਿਹਾ ਕਿ ਚਿਦਾਂਬਰਮ ਨੂੰ ਸਹਿ ਦੋਸ਼ੀ ਬਣਾਉਣ ਬਾਰੇ ਪਟੀਸ਼ਨ ‘ਤੇ ਫੈਸਲਾ ਸੀ. ਬੀ. ਆਈ. ਦੀ ਵਿਸ਼ੇਸ਼ ਅਦਾਲਤ ਕਰੇਗੀ, ਜਿਸ ਦਾ ਫੈਸਲਾ ਸ਼ਨੀਵਾਰ ਨੂੰ ਆਉਣ ਦੀ ਸੰਭਾਵਨਾ ਹੈ। ਗੈਰ-ਸੰਵਿਧਾਨਕ ਢੰਗ ਅਪਣਾਏ ਗਏ : ਮਾਣਯੋਗ ਜੱਜਾਂ ਨੇ ਕਿਹਾ ਕਿ 122 ਲਾਇਸੈਂਸਾਂ ਦੀ ਵੰਡ ਕਰਨ ਸਮੇਂ ਮਨਮਰਜ਼ੀ ਵਾਲੇ ਅਤੇ ਗੈਰ-ਸੰਵਿਧਾਨਿਕ ਢੰਗ ਅਪਣਾਏ ਗਏ। ਉਨ੍ਹਾਂ ਟ੍ਰਾਈ ਨੂੰ ਕਿਹਾ ਕਿ ਉਹ 2-ਜੀ ਲਾਇਸੈਂਸ ਵੰਡਣ ਲਈ ਤਾਜ਼ਾ ਸਿਫਾਰਸ਼ਾਂ ਕਰੇ। ਬੈਂਚ ਨੇ ਸਰਕਾਰ ਨੂੰ ਟ੍ਰਾਈ ਦੀਆਂ ਸਿਫਾਰਸ਼ਾਂ ‘ਤੇ ਇਕ ਮਹੀਨੇ ਅੰਦਰ ਅਮਲ ਕਰਨ ਲਈ ਕਿਹਾ। ਬੈਂਚ ਨੇ ਇਹ ਵੀ ਕਿਹਾ ਕਿ ਸਪੈਕਟ੍ਰਮ ਦੀ ਵੰਡ 4 ਮਹੀਨਿਆਂ ਅੰਦਰ ਨਿਲਾਮੀ ਦੇ ਆਧਾਰ ‘ਤੇ ਕੀਤੀ ਜਾਵੇ। ਸਵਾਮੀ ਦੀ ਪਟੀਸ਼ਨ ‘ਤੇ ਕੀਤਾ ਫੈਸਲਾ : ਬੈਂਚ ਨੇ ਇਹ ਫੈਸਲਾ ਗੈਰ ਸਰਕਾਰੀ ਸੰਗਠਨ ਸੀ. ਟੀ. ਆਈ. ਐੱਲ. ਅਤੇ ਜਨਤਾ ਪਾਰਟੀ ਦੇ ਪ੍ਰਧਾਨ ਸੁਬਰਾਮਣੀਅਮ ਸਵਾਮੀ ਦੀ ਪਟੀਸ਼ਨ ‘ਤੇ ਕੀਤਾ। ਇਨ੍ਹਾਂ ਪਟੀਸ਼ਨਾਂ ‘ਚ ਦੋਸ਼ ਲਾਇਆ ਗਿਆ ਸੀ ਕਿ 2008 ‘ਚ ਯੂ. ਪੀ. ਏ. ਸਰਕਾਰ ਦੇ ਪਹਿਲੇ ਕਾਰਜਕਾਲ ‘ਚ ਰਾਜਾ ਵਲੋਂ ਸਪੈਕਟ੍ਰਮ ਲਾਇਸੈਂਸ ਵੰਡਣ ਸੰਬੰਧੀ ਘਪਲਾ ਕੀਤਾ ਗਿਆ। ਕੈਗ ਨੇ ਇਸ ਕਾਰਨ ਇਕ ਲੱਖ 76 ਹਜ਼ਾਰ ਕਰੋੜ ਰੁਪਏ ਦੇ ਨੁਕਸਾਨ ਦਾ ਅਨੁਮਾਨ ਲਾਇਆ ਹੈ। ਰਾਜਾ ਵਲੋਂ 9 ਹਜ਼ਾਰ ਕਰੋੜ ਰੁਪਏ ਤੋਂ ਵਧ ਦੀ ਕੀਮਤ ‘ਚ 122 ਲਾਇਸੈਂਸ ਦਿੱਤੇ ਗਏ ਸਨ, ਜਦੋਂ ਕਿ 3-ਜੀ ਦੇ ਸਿਰਫ ਕੁਝ ਹੀ ਲਾਇਸੈਂਸਾਂ ਦੀ ਨਿਲਾਮੀ ਤੋਂ ਸਰਕਾਰ ਨੂੰ 69 ਹਜ਼ਾਰ ਕਰੋੜ ਰੁਪਏ ਮਿਲੇ ਸਨ। ਕਿਹੜੀਆਂ ਕੰਪਨੀਆਂ ਹੋਣਗੀਆਂ ਪ੍ਰਭਾਵਿਤ : ਲਾਇਸੈਂਸ ਰੱਦ ਹੋਣ ਨਾਲ ਜਿਹੜੀਆਂ ਕੰਪਨੀਆਂ ਪ੍ਰਮੁੱਖ ਰੂਪ ਨਾਲ ਪ੍ਰ੍ਰਭਾਵਿਤ ਹੋਣਗੀਆਂ ਉਨ੍ਹਾਂ ਵਿਚ ਯੂਨੀਨਾਰ (ਯੂਨੀਟੈੱਕ ਅਤੇ ਨਾਰਵੇ ਦੀ ਟੈਲੀਨਾਰ ਦਾ ਸਾਂਝਾ ਅਦਾਰਾ), ਲੂਪ ਟੈਲੀਕਾਮ, ਸਿਸਟੇਮਾ ਸ਼ਿਆਮ, ਸਵਾਨ, ਐੱਸਟੇਲ, ਵੀਡੀਓਕਾਨ, ਟਾਟਾ ਅਤੇ ਆਇਡੀਆ ਸ਼ਾਮਲ ਹਨ। ਰਾਜਾ ਨੇ 2008 ‘ਚ (ਪਹਿਲਾਂ ਆਓ ਪਹਿਲਾਂ ਪਾਓ) ਦੇ ਆਧਾਰ ‘ਤੇ ਜਿਹੜੇ 122 ਲਾਇਸੈਂਸ ਜਾਰੀ ਕੀਤੇ ਸਨ ਉਨ੍ਹਾਂ ‘ਚ ਯੂਨੀਨਾਰ ਨੂੰ 22, ਲੂਪ ਨੂੰ 21, ਸਿਸਟੇਮਾ ਤੇ ਸ਼ਿਆਮ ਨੂੰ 21-21, ਡੀ. ਬੀ. ਨੂੰ 15, ਵੀਡੀਓਕਾਨ ਨੂੰ 21 ਅਤੇ ਆਇਡੀਆ ਨੂੰ 9 ਲਾਇਸੈਂਸ ਦਿੱਤੇ ਸਨ। ਟਾਟਾ ਨੂੰ ਤਿੰਨ ਲਾਇਸੈਂਸ ਮਿਲੇ ਸਨ।
ਅਦਾਕਾਰਾ ਲੀਜਾ ਰੇ ਨੇ ਕੀਤੀ ਮੰਗਣੀ
ਨਵੀਂ ਦਿੱਲੀ, 1 ਫਰਵਰੀ—
ਹਾਲ ‘ਚ ਹੀ ਨਪਾ ਘਾਟੀ ‘ਚ ਛੁੱਟੀਆਂ ਦੌਰਾਨ ਆਪਣੇ ਬੁਆਏਫ੍ਰੈਂਡ ਜਸੋਨ ਡੇਹਨੀ ਦੁਆਰਾ ਪਿਆਰ ਦਾ ਇਜ਼ਹਾਰ ਕੀਤੇ ਜਾਣ ਤੋਂ ਬਾਅਦ ਭਾਰਤੀ-ਕਨੈਡਾਈ ਅਦਾਕਾਰਾ ਲੀਜਾ ਰੇ ਨੇ ਮੰਗਣੀ ਕਰ ਲਈ ਹੈ। ਉਸ ਨੇ ਆਪਣੇ ਟਵਿੱਟਰ ‘ਤੇ ਲਿਖਿਆ ਹੈ ਕਿ ਆਪਣੇ ਪਿਆਰ ਨਾਲ ਮੰਗਣੀ ਕੀਤੀ ਹੈ। ਨਪਾ ‘ਚ ਜਸੋਨ ਡੇਹਨੀ ਨੇ ਪ੍ਰਸਤਾਵ ਰੱਖਿਆ। ਆਸਕਰ ਪੁਰਸਕਾਰ ਲਈ ਚੁਣੀ ਗਈ ‘ਵਾਟਰ’ ਅਤੇ ਬਾਲੀਵੁੱਡ ਦੀ ਫਿਲਮ ‘ਕਸੂਰ’ ‘ਚ ਆਪਣੇ ਕੰਮਾਂ ਲਈ ਜਾਣੀ ਗਈ 39 ਸਾਲਾ ਅਦਾਕਾਰਾ ਨੇ ਜਸੋਨ ਨਾਲ ਆਪਣੀ ਇਕ ਤਸਵੀਰ ਵੀ ਲਗਾਈ ਹੈ। ਲੀਜਾ ਦੇ ਮੰਗੇਤਰ ਨੇ ਵੀ ਟਵਿੱਟ ਕੀਤਾ ਹੈ ਕਿ ਮੈਂ ਲੀਜਾ ਨਾਲ ਈਸ਼ਵਰ ਦੇ ਦੇਸ਼ ਨਪਾ ਘਾਟੀ ਗਿਆ ਸੀ। ਉਸਨੂੰ ਖੋਜਣ ਅਤੇ ਆਪਣੀ ਮੰਗੇਤਰ ਬਣਾ ਕੇ ਉੱਥੋਂ ਵਾਪਸ ਲਿਆਉਣ ਲਈ। ਬੰਗਾਲੀ ਪਿਤਾ ਅਤੇ ਪੋਲੈਂਡ ਦੀ ਮਾਂ ਦੀ ਔਲਾਦ ਲੀਜਾ ਕੈਂਸਰ ਤੋਂ ਪੀੜਤ ਹੋ ਗਈ ਸੀ ਅਤੇ ਹੁਣ ਉਹ ਠੀਕ ਹੋ ਗਈ ਹੈ।
ਮੋਦੀ ਨੂੰ ਸੰਮਨ ਨਹੀਂ ਭੇਜ ਸਕੇਗਾ ਨਾਨਾਵਤੀ ਕਮਿਸ਼ਨ
ਅਹਿਮਦਾਬਾਦ, 1 ਫਰਵਰੀ—
ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਨੂੰ ਉਸ ਸਮੇਂ ਸੁੱਖ ਦਾ ਸਾਹ ਆਇਆ ਜਦੋਂ ਅਦਾਲਤ ਨੇ ਗੁਜਰਾਤ ਦੰਗਾ ਮਾਮਲੇ ਸੰਬੰਧੀ ਫੈਸਲਾ ਮੋਦੀ ਦੇ ਹੱਕ ‘ਚ ਸੁਣਾਇਆ। ਗੁਜਰਾਤ ਹਾਈਕਰੋਟ ਨੇ ਗੁਜਰਾਤ ਦੰਗਿਆਂ ਸੰਬੰਧੀ ਉਸ ਯਾਚਿਕਾ ਨੂੰ ਖਾਰਜ ਕਰ ਦਿੱਤਾ ਹੈ ਜਿਸ ਅਧੀਨ ਗੁਜਰਾਤ ਦੰਗਿਆਂ ਦੀ ਜਾਂਚ ਕਰ ਰਹੇ ਨਾਨਾਵਤੀ ਆਯੋਗ ਨੂੰ ਪੁੱਛ-ਗਿੱਛ ਲਈ ਨਰਿੰਦਰ ਮੋਦੀ ਨੂੰ ਸੰਮਨ ਜਾਰੀ ਕਰਨ ਦੇ ਆਦੇਸ਼ ਦੇਣ ਦੀ ਮੰਗ ਕੀਤੀ ਸੀ। ਇਸ ਫੈਸਲੇ ਤੋਂ ਬਾਅਦ ਹੁਣ ਨਾਨਾਵਤੀ ਆਯੋਗ ਨਰਿੰਦਰ ਮੋਦੀ ਨੂੰ ਸੰਮਨ ਨਹੀਂ ਭੇਜੇਗਾ। ਵਰਣਨਯੋਗ ਹੈ ਕਿ ਨਾਨਾਵਤੀ ਆਯੋਗ ਆਪਣੀ ਆਖਰੀ ਰਿਪੋਰਟ ਤਿਆਰ ਕਰਨ ‘ਚ ਲੱਗਾ ਹੋਇਆ ਹੈ ਅਤੇ ਹਾਈਕੋਰਟ ਇਸ ਫੈਸਲੇ ਤੋਂ ਬਾਅਦ ਜਲਦੀ ਹੀ ਉਸਨੂੰ ਆਖਰੀ ਰੂਪ ਦੇਵੇਗੀ।
ਗੁਜਰਾਤ ਦੰਗਿਆਂ ਦੇ ਪੀੜਤ ਇਸ ਗੱਲ ਦੀ ਮੰਗ ਕਰ ਰਹੇ ਸਨ ਕਿ ਦੰਗਿਆਂ ਦੀ ਜਾਂਚ ਲਈ ਨਾਨਾਵਤੀ ਆਯੋਗ ਨੂੰ ਨਰਿੰਦਰ ਮੋਦੀ ਕੋਲੋਂ ਪੁੱਛ-ਗਿੱਛ ਕਰਨੀ ਚਾਹੀਦੀ ਹੈ, ਪਰ ਆਯੋਗ ਨੇ ਉਨ੍ਹਾਂ ਦੀ ਮੰਗ ਨੂੰ ਠੁਕਰਾਉਂਦਿਆਂ ਕਿਹਾ ਸੀ ਕਿ ਪਹਿਲਾਂ ਸਾਰੇ ਗਵਾਹਾਂ ਦੀ ਗਵਾਹੀ ਪੂਰੀ ਹੋ ਜਾਵੇ, ਉਸ ਤੋਂ ਬਾਅਦ ਲੋੜ ਪੈਣ ‘ਤੇ ਮੁੱਖ ਮੰਤਰੀ ਨੂੰ ਸੰਮਨ ਜਾਰੀ ਕੀਤਾ ਜਾ ਸਕਦਾ ਹੈ। ਇਸ ਮਾਮਲੇ ‘ਚ ਦੰਗਾ ਪੀੜਤਾਂ ਨੇ ਆਯੋਗ ਦੇ ਇਸ ਫੈਸੇਲੇ ਨੂੰ ਗੁਜਰਾਤ ਹਾਈ ਕੋਰਟ ‘ਚ ਚੁਣੌਤੀ ਦਿੱਤੀ ਸੀ ਪਰ ਉੱਥੇ ਜਸਟਿਸ ਝਾਵੇਰੀ ਦੀ ਬੈਂਚ ਨੇ ਉਨ੍ਹਾਂ ਦੀ ਮੰਗ ਠੁਕਰਾ ਦਿੱਤੀ। ਇਸ ਮਾਮਲੇ ਦੀ ਆਖਰੀ ਸੁਣਵਾਈ 24 ਜਨਵਰੀ ਨੂੰ ਹੋਈ ਸੀ ਅਤੇ ਉਸ ਦਿਨ ਹੀ ਅਦਾਲਤ ਨੇ ਫੈਸਲਾ ਸੁਣਾਉਣ ਲਈ 1 ਫਰਵਰੀ ਨੂੰ ਤਾਰੀਖ ਤਹਿ ਕੀਤੀ ਸੀ।
ਮਨਪਸੰਦ ਉਮੀਦਵਾਰ ਨੂੰ ਵੋਟ ਨਾ ਪਾਉਣ ‘ਤੇ ਗੁੱਸੇ ‘ਚ ਪਤੀ ਨੇ ਪਤਨੀ ਨੂੰ ਸਾੜਿਆ
ਨੈਨੀਤਾਲ, 31 ਜਨਵਰੀ
ਉਤਰਾਖੰਡ ਦੇ ਨੈਨੀਤਾਲ ਜ਼ਿਲੇ ‘ਚ ਆਪਣੀ ਪਸੰਦ ਦੇ ਉਮੀਦਵਾਰ ਨੂੰ ਵੋਟ ਨਾ ਪਾਉਣ ‘ਤੇ ਗੁੱਸੇ ‘ਚ ਆਏ ਪਤੀ ਨੇ ਆਪਣੀ ਪਤਨੀ ਨੂੰ ਕਲ ਪਹਿਲਾਂ ਤਾਂ ਕੁੱਟਿਆ ਅਤੇ ਬਾਅਦ ‘ਚ ਉਸ ‘ਤੇ ਮਿੱਟੀ ਦਾ ਤੇਲ ਸੁੱਟ ਕੇ ਅੱਗ ਲਗਾ ਦਿੱਤੀ। ਕਰੀਬ 80 ਫੀਸਦੀ ਝੁਲਸ ਚੁੱਕੀ ਪਤਨੀ ਦੇ ਕਲਯੁਗੀ ਪਤੀ ਨੂੰ ਪੁਲਸ ਨੇ ਹਿਰਾਸਤ ‘ਚ ਲੈ ਲਿਆ ਹੈ।ਪੁਲਸ ਸੂਤਰਾਂ ਨੇ ਦੱਸਿਆ ਕਿ ਲਾਲਕੂਆਂ ਥਾਣਾ ਖੇਤਰ ਦੇ ਵਾਰਡ ਨੰ. 1 ਦੇ ਨਿਵਾਸੀ ਗੁੱਡੂ ਨੇ ਕਲ ਮੁਕੰਮਲ ਹੋਈਆਂ ਵਿਧਾਨ ਸਭਾ ਚੋਣਾਂ ‘ਚ ਪਤਨੀ ਰਾਣੀ ਨੂੰ ਇਕ ਵਿਸ਼ੇਸ਼ ਉਮੀਦਵਾਰ ਨੂੰ ਵੋਟ ਪਾਉਣ ਲਈ ਕਿਹਾ ਪਰ ਪਤਨੀ ਨੇ ਅਜਿਹਾ ਕਰਨ ਤੋਂ ਨਾਂਹ ਕਰ ਦਿੱਤੀ ਅਤੇ ਇਕ ਹੋਰ ਉਮੀਦਵਾਰ ਨੂੰ ਵੋਟ ਪਾਉਣ ਦੀ ਗੱਲ ਕਹੀ। ਇਸ ‘ਤੇ ਗੁੱਡੂ ਆਪਾ ਗੁਆ ਬੈਠਾ ਅਤੇ ਉਸ ਨੇ ਰਾਣੀ ਨੂੰ ਮਾਰਨਾ-ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਬਾਅਦ ਵੀ ਉਸ ਦਾ ਗੁੱਸਾ ਸ਼ਾਂਤ ਨਹੀਂ ਹੋਇਆ ਅਤੇ ਉਹ ਮਿੱਟੀ ਦਾ ਤੇਲ ਲੈ ਆਇਆ ਅਤੇ ਉਸ ਨੇ ਰਾਣੀ ‘ਤੇ ਸੁੱਟ ਕੇ ਅੱਗ ਲਗਾ ਦਿੱਤੀ। ਬਰੇਲੀ ਨਿਵਾਸੀ ਰਾਣੀ ਦੀਆਂ ਚੀਖਾਂ ਸੁਣ ਕੇ ਗੁਆਂਢੀ ਉਥੇ ਪਹੁੰਚੇ ਅਤੇ ਉਨ੍ਹਾਂ ਨੇ ਅੱਗ ਬੁਝਾਈ ਅਤੇ ਉਸ ਨੂੰ ਹਸਪਤਾਲ ਲੈ ਗਏ। ਡਾਕਟਰਾਂ ਨੇ ਦੱਸਿਆ ਕਿ ਰਾਣੀ ਕਰੀਬ 80 ਫੀਸਦੀ ਝੁਲਸ ਚੁੱਕੀ ਹੈ। ਪੁਲਸ ਗੁੱਡੂ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿਛ ਕਰ ਰਹੀ ਹੈ। ਦੋਹਾਂ ਦਾ ਦੋ ਸਾਲ ਪਹਿਲਾਂ ਹੀ ਵਿਆਹ ਹੋਇਆ ਹੈ।
ਬਾਬਾ ਰਾਮਦੇਵ ਮਰਿਯਾਦਾ ਭੁਲਿਆ, ਖੁਦ ਦੀ ਤੁਲਨਾ ਭਗਵਾਨ ਨਾਲ ਕੀਤੀ
ਨਵੀਂ ਦਿੱਲੀ : 28 jan 2012
ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਖੁਦ ਦੀ ਤੁਲਨਾ ਦੇਵਤਾਵਾਂ ਨਾਲ ਕੀਤੀ ਹੈ। ਯੋਗ ਦੇ ਜ਼ਰੀਏ ਜਨਤਾ ‘ਚ ਪੈਂਠ ਬਣਾਉਣ ਵਾਲੇ ਬਾਬੇ ਦਾ ਇਸਨੂੰ ਬੜਬੋਲਾਪਨ ਕਿਹਾ ਜਾਵੇ ਜਾਂ ਰਾਮਲੀਲਾ ਮੈਦਾਨ ‘ਚ ਅੰਦੋਲਨ ਦੌਰਾਨ ਹੋਈ ਫਜ਼ੀਹਤ ਦੇ ਬਾਅਦ ਬਦਲੇ ਦੀ ਭਾਵਨਾ ਦਾ ਮਾਰਦਾ ਜੋਰ। ਵਿਧਾਨਸਭਾ ਚੋਣਾ ਦੌਰਾਨ ਬਾਬਾ ਸ਼ਬਦਾਂ ਦੀ ਮਰਿਯਾਦਾ ਭੁਲਣ ਲੱਗੇ ਹਨ। ਭ੍ਰਸ਼ਟਾਚਾਰ ਤੇ ਕਾਲੇਧਨ ਨੂੰ ਮੁੱਦਾ ਬਣਾਉਣ ਵਾਲਾ ਬਾਬਾ ਸ਼ਾਇਦ ਇਹ ਭੁਲ ਚੁੱਕਿਆ ਹੈ ਕਿ ਕਿਸੇ ਭਗਵਾਨ ਨੇ ਕਦੇ ਕਿਸੇ ਤਰ੍ਹਾਂ ਦੀ ਦੁਕਾਨ ਨਹੀਂ ਚਲਾਈ।
ਬਾਬਾ ਰਾਮਦੇਵ ਨੇ ਆਪਣੇ ਬਿਆਨ ‘ਚ ਕਿਹਾ ਕਿ ਭਗਵਾਨ ਰਾਮ, ਕ੍ਰਿਸ਼ਨ ਤੇ ਗੁਰੂ ਗੋਬਿੰਦ ਸਿੰਘ ਨੇ ਭ੍ਰਿਸ਼ਟ ਅਤੇ ਬਈਮਾਨਾ ਨਾਲ ਪੰਗਾ ਲਿਆ ਸੀ। ਇਸ ਲਈ ਭਾਈ ਜੇਕਰ ਰਾਮ,ਕ੍ਰਿਸ਼ਨ,ਗੁਰੂ ਨਾਨਕ ਅਤੇ ਹਨੂਮਾਨ ਸੱਭ ਠੀਕ ਸਨ ਤਾਂ ਬਾਬਾ ਵੀ ਠੀਕ ਹੈ। ਜੋ ਉਨ੍ਹਾਂ ਨੂੰ ਠੀਕ ਨਹੀਂ ਮੰਨਦਾ ਉਹ ਬਾਬਾ ਨੂੰ ਵੀ ਗਲਤ ਮੰਨ ਲਵੇ।
ਅਸਲ ‘ਚ ਇੰਨ੍ਹੀ ਦਿਨੀ 5 ਰਾਜਾਂ ‘ਚ ਚੋਣਾ ਹੋਣ ਵਾਲੀਆਂ ਹਨ। ਬਾਬਾ ਚਹੁੰਦਾ ਹੈ ਕਿ ਇਨ੍ਹਾਂ ਚੋਣਾ ‘ਚ ਇਕ ਖਾਸ ਪਾਰਟੀ ਦੀ ਹਾਰ ਹੋਵੇ। ਹਾਲਾਂਕਿ ਸਿੱਧ-ਸਿੱਧੇ ਉਹ ਕਿਸੇ ਪਾਰਟੀ ਦੇ ਨਾ ਤਾਂ ਪੱਖ ‘ਚ ਹਨ ਅਤੇ ਨਾ ਹੀ ਵਿਰੋਧ ‘ਚ ਬੋਲ ਰਿਹੇ ਹਨ। ਜਿਸ ਪਾਰਟੀ ਵਲੋਂ ਉਸ ਨੂੰ ਬਾਰ-ਬਾਰ ਨਿਸ਼ਾਨਾ ਬਣਾਇਆ ਜਾਂਦਾ ਹੈ ਉਸ ਦੇ ਸਬੰਧ ‘ਚ ਉਹ ਆਪਣੇ ਇਰਾਦੇ ਦੱਸਣ ‘ਚ ਉਹ ਮੌਕਾ ਨਹੀਂ ਗਵਾਉਂਦੇ।
ਬਾਬਾ ਨੇ ਕਿਹਾ ਕਿ ਉਸ ਪਾਰਟੀ ਨੇ ਸਵਿਧਾਨ ਅਤੇ ਲੋਕਤੰਤਰ ਦੀ ਹੱਤਿਆ ਕਰ ਦਿੱਤੀ ਹੈ। ਲੋਕਤੰਤਰ ਅਤੇ ਸਵਿਧਾਨ ਦੀ ਹੱਤਿਆ ਕਰਨ ਵਾਲੀਆਂ ਜੋ ਪਾਰਟੀਆਂ ਹਨ ਉਨ੍ਹਾਂ ਨੂੰ ਵੋਟ ਨਹੀਂ ਪਾਉਣੀ ਚਾਹੀਦੀ।
ਅਸਲ ‘ਚ ਇਨ੍ਹਾਂ ਬਿਆਨਾ ਦੇ ਪਿੱਛੇ ਬਾਬਾ ਰਾਮਦੇਵ ਦਾ ਦਰਦ ਲੁਕਿਆ ਹੈ। ਦਿੱਲੀ ਦੇ ਰਾਮਲੀਲਾ ਮੈਦਾਨ ‘ਚ ਜਿਸ ਤਰ੍ਹਾਂ ਦਾ ਸਲੂਕ ਕੀਤਾ ਗਿਆ। ਜਿਸ ਤਰ੍ਹਾਂ ਉਨ੍ਹਾਂ ਨੂੰ ਔਰਤਾਂ ਦੇ ਕੱਪੜੇ ਪਾ ਕੇ ਭੱਜਣ ਲਈ ਮਜਬੂਰ ਕੀਤਾ ਗਿਆ। ਉਸ ਚੀਸ ਨੂੰ ਬਾਬਾ ਭੁਲ ਨਹੀਂ ਸਕੇ। ਭਗਵਾਨ ਨਾਲ ਖੁਦ ਦੀ ਤੁਲਨਾ ਕਰਨ ਵਾਲਿਆਂ ਦੀ ਇਸ ਸੰਸਾਰ ‘ਚ ਕੀ ਦੁਰਗਤੀ ਹੋਈ, ਸ਼ਾਇਦ ਬਾਬਾ ਇਸ ਨੂੰ ਭੁਲ ਚੁੱਕੇ ਹਨ। ਚੰਗੀ ਨੀਤ ਨਾਲ ਨੇਕ ਕੰਮ ਕਰਨ ਲਈ ਮਰਿਯਾਦਾ ਦੀ ਹੱਦ ਨੂੰ ਸਮਝਣਾ ਜਰੂਰੀ ਹੈ।
ਬਰਫ ਦੀਆਂ ਢਿੱਗਾਂ ਡਿੱਗਣ ਨਾਲ 7 ਜਵਾਨ ਜਿੰਦਾ ਦਫਨ
ਸ਼੍ਰੀਨਗਰ, 24 ਜਨਵਰੀ—
ਉੱਤਰੀ ਕਸ਼ਮੀਰ ਦੇ ਕੁਪਵਾੜਾ ਜ਼ਿਲੇ ‘ਚ ਮੰਗਲਵਾਰ ਨੂੰ ਬਰਫ ਦੀਆਂ ਢਿੱਗਾਂ ਖਿਸਕਣ ਕਾਰਨ ਪੰਜ ਸੈਨਿਕ ਅਤੇ ਬੀ. ਐਸ. ਐਫ. ਦੇ ਦੋ ਜਵਾਨ ਜਿੰਦੇ ਦਫਨ ਹੋ ਗਏ। ਇਹ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ। ਸ਼੍ਰੀਨਗਰ ਸਥਿਤ ਸੈਨਾ ਦੀ 15ਵੀਂ ਟੁਕੜੀ ਦੇ ਬੁਲਾਰੇ ਲੈਫਟੀਨੈਂਟ ਕਰਨਲ ਜੇ. ਐਸ. ਬਰਾਰ ਨੇ ਕਿਹਾ ਕਿ ਕੁਪਵਾੜਾ ਜ਼ਿਲੇ ‘ਚ ਕੰਟਰੋਲ ਲਾਈਨ ਦੇ ਕੇਰਨ ਸੈਕਟਰ ‘ਚ ਸਵੇਰੇ ਸਾਢੇ ਸੱਤ ਵਜੇ ਸਾਡੀ ਇਕ ਚੌਕੀ ਬਰਫ ਖਿਸਕਣ ਦਾ ਸ਼ਿਕਾਰ ਹੋ ਗਈ। ਬਰਾਰ ਨੇ ਕਿਹਾ ਕਿ ਸੈਨਾ ਦੇ ਪੰਜ ਜਵਾਨ ਅਤੇ ਬੀ. ਐਸ. ਐਫ. ਦੇ ਦੋ ਜਵਾਨ ਬਰਫ ਦੀ ਚਪੇਟ ‘ਚ ਆ ਗਏ। ਬਚਾਅ ਮੁਹਿੰਮ ਸ਼ੁਰੂ ਕਰ ਦਿੱਤੀ ਗਈ ਹੈ। ਬਾਅਦ ‘ਚ ਪਤਾ ਚੱਲਿਆ ਕਿ ਬਰਫ ਹੇਂਠ ਦੱਬੇ ਇਕ ਸਬ ਇੰਸਪੈਕਟਰ ਦੀ ਮੌਤ ਹੋ ਗਈ ਹੈ ਬਾਕੀ ਛੇ ਜਵਾਨਾਂ ਨੂੰ ਲੱਭਣ ਲਈ ਸਰਚ ਮੁਹਿੰਮ ਜਾਰੀ ਹੈ।
ਟੀਮ ਅੰਨਾ ਨੇ ਮੰਗਿਆ ਰਾਮਦੇਵ ਦਾ ਸਹਾਰਾ, ਦਿਗਵਿਜੇ ਨੇ ਉਗਲਿਆ ਜ਼ਹਿਰ
18 ਜਨਵਰੀ—
ਟੀਮ ਅੰਨਾ ਦੇ ਮੈਂਬਰ ਮਨੀਸ਼ ਸਿਸੌਦੀਆ ਤੇ ਕੁਮਾਰ ਵਿਸਵਾਸ ਨੇ ਬਾਬਾ ਰਾਮਦੇਵ ਨਾਲ ਫੋਨ ‘ਤੇ ਗੱਲ ਕਰਕੇ ਚੋਣ ਪ੍ਰਚਾਰ ‘ਚ ਇੱਕਠੇ ਕੰਮ ਕਰਨ ਦੀ ਗੱਲ ਕਹੀ ਹੈ। ਹਾਲਾਂਕਿ ਇਹ ਸਾਫ ਨਹੀਂ ਹੋ ਸਕਿਆ ਹੈ ਕਿ ਬਾਬਾ ਰਾਮਦੇਵ ਟੀਮ ਅੰਨਾ ਨਾਲ 5 ਰਾਜਿਆਂ ‘ਚ ਹੋ ਰਹੇ ਚੋਣ ‘ਚ ਮਤਦਾਤਾਵਾਂ ਨਾਲ ਆਪਣੀ ਗੱਲ ਨੂੰ ਲੈ ਕੇ ਜਾਣਗੇ ਜਾਂ ਨਹੀਂ। ਇਸ ਤੋਂ ਪਹਿਲੇ ਟੀਮ ਅੰਨਾ ਨੇ ਬਾਬਾ ਰਾਮਦੇਵ ਤੋਂ ਮੁੰਬਈ ‘ਚ ਮਰਨ ਵਰਤ ਦੇ ਦੌਰਾਨ ਸ਼ਾਮਿਲ ਹੋਣ ਦੀ ਅਪੀਲ ਕੀਤੀ ਸੀ ਜਿਸ ‘ਚ ਉਹ ਸ਼ਾਮਿਲ ਨਹੀਂ ਹੋ ਪਾਏ ਸਨ।
ਦੱਸਿਆ ਜਾ ਰਿਹਾ ਹੈ ਕਿ ਟੀਮ ਅੰਨਾ 5 ਰਾਜਿਆਂ ‘ਚ ਮਤਦਾਤਾਵਾਂ ਦੇ ਵਿਚ ਜਾਣ ਦਾ ਅਭਿਯਾਨ 21 ਜਨਵਰੀ ਨੂੰ ਹਰੀਦੁਆਰ ਸ਼ੁਰੂ ਕਰਨ ਵਾਲੀ ਹੈ। ਹਾਲਾਂਕਿ ਇਹ ਤੈਅ ਹੈ ਕਿ ਖਰਾਬ ਸਿਹਤ ਹੋਣ ਕਾਰਨ ਅੰਨਾ ਹਜ਼ਾਰੇ ਚੋਣ ਵਾਲਿਆਂ ਰਾਜਿਆਂ ‘ਚ ਨਹੀਂ ਜਾ ਸਕਣਗੇ।
ਉੱਧਰ ਦੂਸਰੇ ਪਾਸੇ ਇਸ ਸਾਰੇ ਮਾਮਲੇ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੰਦੇ ਹੋਏ ਇਕ ਵਾਰ ਫਿਰ ਦਿਗਵਿਜੇ ਨੇ ਬਾਬਾ ਰਾਮਦੇਵ, ਅੰਨਾ ਹਜ਼ਾਰੇ ਅਤੇ ਸ਼੍ਰੀ ਸ਼੍ਰੀ ਰਵੀਸ਼ੰਕਰ ਦੇ ਭਾਜਪਾ ਅਤੇ ਸੰਘ ਦੇ ਇਸ਼ਾਰੇ ‘ਤੇ ਚੱਲਣ ਦੀ ਗੱਲ ਕਹੀ ਹੈ। ਦਿਗਵਿਜੇ ਨੇ ਦੋਸ਼ ਲਗਾਇਆ ਕਿ ਇਨ੍ਹਾਂ ਲੋਕਾਂ ਨੂੰ ਉਨ੍ਹਾਂ ਰਾਜਾਂ ਵਿਚ ਭ੍ਰਿਸ਼ਟਾਚਾਰ ਕਿਉਂ ਨਹੀਂ ਦਿਖਾਈ ਦਿੰਦਾ ਜਿਨ੍ਹਾਂ ਵਿਚ ਭਾਜਪਾ ਦੀ ਸਰਕਾਰ ਹੈ।
ਮੁੱਖ ਮੰਤਰੀ ਨਹੀਂ, ਸਰਕਾਰ ਬਦਲਣ ਦੀ ਲੋੜ : ਸੋਨੀਆ
ਰੁੜਕੀ, 17 ਜਨਵਰੀ—
ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੇ ਰੁੜਕੀ ‘ਚ ਰੈਲੀ ਦੌਰਾਨ ਭਾਜਪਾ ‘ਤੇ ਜੰਮ ਕੇ ਹਮਲਾ ਬੋਲਿਆ। ਸੋਨੀਆ ਗਾਂਧੀ ਨੇ ਆਪਣੇ ਭਾਸ਼ਣ ‘ਚ ਕਿਹਾ ਕਿ ਪਿਛਲੇ 5 ਸਾਲਾਂ ‘ਚ ਤਰੱਕੀ ਦੇ ਨਾਂ ‘ਤੇ ਜਨਤਾ ਨਾਲ ਧੋਖਾ ਹੋਇਆ ਹੈ। ਤਰੱਕੀ ਦਾ ਮਤਲਬ ਪਹਾੜਾਂ ਦੀ ਜ਼ਮੀਨ ਵੇਚਣਾ ਨਹੀਂ ਹੈ। ਸੋਨੀਆ ਨੇ ਕਿਹਾ ਕਿ ਬੇਇਮਾਨੀ ਦੇ ਪੈਰ ਲੁੱਟ ਦੀ ਚੱਦਰ ਤੋਂ ਬਾਹਰ ਆ ਗਏ ਹਨ ਅਤੇ ਉਸ ਸਮੇਂ ਦੇ ਮੁੱਖ ਮੰਤਰੀ ਦੇ ਚੇਹਰੇ ‘ਤੇ ਚੜ੍ਹਿਆ ਇਮਾਨਦਾਰੀ ਦਾ ਨਕਾਬ ਕੁੰਭ ਮੇਲੇ ‘ਚ ਗੁਆਚ ਗਿਆ ਹੈ।
ਸੋਨੀਆ ਗਾਂਧੀ ਨੇ ਕਿਹਾ ਕਿ ਕੇਂਦਰ ਦੇ ਭੇਜੇ ਗਏ ਪੈਸੇ ਦਾ ਸਿਰਫ 40 ਫੀਸਦੀ ਇਸਤੇਮਾਲ ਹੋਇਆ ਹੈ ਅਤੇ ਬਾਕੀ ਸਭ ਸਰਕਾਰ ਦੀ ਨਾਕਾਮੀ ‘ਚ ਗੁਆਚ ਗਿਆ ਹੈ। ਇਸ ਲਈ ਸਿਰਫ ਮੁੱਖ ਮੰਤਰੀ ਬਦਲਣ ਨਾਲ ਕੰਮ ਨਹੀਂ ਚੱਲੇਗਾ, ਤੁਹਾਨੂੰ ਸਰਕਾਰ ਬਦਲਣੀ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਅਸੀਂ ਉਤਰਾਖੰਡ ਦੇ ਵਿਕਾਸ ਲਈ ਪੈਸੇ ਭੇਜੇ ਪਰ ਇਥੋਂ ਦੀ ਸਰਕਾਰ ਦੀ ਉਦਾਸੀਨਤਾ ਕਾਰਨ ਤੁਹਾਨੂੰ ਉਸਦਾ ਫਾਇਦਾ ਨਹੀਂ ਮਿਲਿਆ ਹੈ।
ਲਾਲ ਬਟਨ ਵੀ ਕੰਮ ਨਾ ਆਇਆ- ਫੜੀਆਂ ਗਈਆਂ 17 ਕੁੜੀਆਂ
ਮੁੰਬਈ, 17 ਜਨਵਰੀ—
ਮੁੰਬਈ ਪੁਲਸ ਦੀ ਸੋਸ਼ਲ ਸਰਵਿਸ ਬ੍ਰਾਂਚ ਨੇ ਬੀਤੀ ਰਾਤ ਸਾਇਨ ਇਲਾਕੇ ਦੇ ਇਕ ਬਾਰ ‘ਤੇ ਛਾਪਾ ਮਾਰਿਆ ਹੈ। ਇਸ ਕਾਰਵਾਈ ‘ਚ ਪੁਲਸ ਨੇ 4 ਨਬਾਲਗ ਲੜਕੀਆਂ ਸਣੇ 17 ਬਾਰ ਗਰਲਜ਼ ਨੂੰ ਗ੍ਰਿਫਤਾਰ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਬਾਰ ‘ਚ ਗੈਰ ਕਾਨੂੰਨੀ ਢੰਗ ਨਾਲ ਦੇਹ ਵਪਾਰ ਹੁੰਦਾ ਸੀ। ਜਦੋਂ ਪੁਲਸ ਇਥੇ ਰੇਡ ਮਾਰਨ ਆਉਂਦੀ ਸੀ ਤਾਂ ਬਾਰ ਦੇ ਗੇਟ ‘ਤੇ ਤੈਨਾਤ ਗਾਰਡ ਲਾਲ ਬਟਨ ਦੱਬ ਕੇ ਇਸਦੀ ਸੂਚਨਾ ਕਰਮਚਾਰੀਆਂ ਨੂੰ ਦੇ ਦਿੰਦੇ ਸਨ। ਬੀਤੀ ਰਾਤ ਰੇਡ ਦੌਰਾਨ ਪੁਲਸ ਨੇ ਗਾਰਡ ਨੂੰ ਲਾਲ ਬਟਨ ਦੱਬਣ ਦਾ ਮੌਕਾ ਨਹੀਂ ਦਿੱਤਾ ਅਤੇ ਸਾਰੇ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਪਿਆਰ ‘ਚ ਅੰਨ੍ਹੀ ਨਬਾਲਗ ਭੈਣ ਨੂੰ ਭਰਾਵਾਂ ਨੇ ਉਤਾਰਿਆ ਮੌਤ ਦੇ ਘਾਟ
ਨੋਏਡਾ, 17 ਜਨਵਰੀ—
ਇਕ ਵਾਰ ਫਿਰ ਦਿੱਲੀ ਨਾਲ ਲੱਗਦੇ ਨੋਏਡਾ ‘ਚ ਆਨਰ ਕੀਲਿੰਗ ਦਾ ਦਿਲ ਦਹਿਲਾਉਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਵਾਰਦਾਤ ‘ਚ ਤਿੰਨ ਭਰਾਵਾਂ ਨੇ ਆਪਣੀ ਨਬਾਲਗ ਭੈਣ ਦੀ ਹੱਤਿਆ ਕਰਕੇ ਲਾਸ਼ ਹਿੰਡਨ ਨਦੀ ‘ਚ ਵਹਾ ਦਿੱਤੀ। ਪੁਲਸ ਨੇ ਤਿੰਨਾਂ ਦੋਸ਼ੀ ਭਰਾਵਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਦੋਸ਼ ਹੈ ਕਿ ਨੋਏਡਾ ਦੇ ਨਗਲਾ ਨਗਲੀ ਪਿੰਡ ‘ਚ ਰਹਿਣ ਵਾਲੀ ਸੀਮਾ ਨੂੰ ਪਿੰਡ ਦੇ ਹੀ ਇਕ ਲੜਕੇ ਨਾਲ ਪਿਆਰ ਹੋ ਗਿਆ ਸੀ। ਇਕ ਹੀ ਪਿੰਡ ਦਾ ਹੋਣ ਕਾਰਨ ਪੂਰੇ ਪਿੰਡ ‘ਚ ਇਸ ਪ੍ਰੇਮ ਕਹਾਣੀ ਦੀ ਚਰਚਾ ਹੋਣ ਲੱਗੀ। ਇਹ ਗੱਲ ਸੀਮਾ ਦੇ ਤਿੰਨੋਂ ਭਰਾਵਾਂ ਸੁਭਾਸ਼, ਵਿਸ਼ਾਲ ਅਤੇ ਲਲਿਤ ਨੂੰ ਨਾਮਨਜ਼ੂਰ ਸੀ। ਤਿੰਨੋਂ ਭਰਾਵਾਂ ਨੇ ਪਿੰਡ ਅਤੇ ਬਰਾਦਰੀ ‘ਚ ਆਪਣੀ ਇੱਜ਼ਤ ਬਚਾਏ ਰੱਖਣ ਲਈ 1 ਜਨਵਰੀ ਨੂੰ ਆਪਣੀ ਭੈਣ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਦੋਸ਼ੀਆਂ ਦੀ ਗ੍ਰਿਫਤਾਰੀ ਤੋਂ ਬਾਅਦ ਪੁਲਸ ਹੱਤਿਆ ‘ਚ ਇਸਤੇਮਾਲ ਫਾਵੜੇ ਅਤੇ ਲਾਸ਼ ਦੀ ਭਾਲ ‘ਚ ਜੁਟ ਗਈ ਹੈ। ਪਰ ਅਜਿਹੇ ‘ਚ ਅਸਲੀ ਸਵਾਲ ਇਹ ਹੈ ਕਿ ਆਖਿਰ ਕਦੋਂ ਤੱਕ ਸਮਾਜ ‘ਚ ਝੂਠੀ ਸ਼ਾਨ ਲਈ ਪਿਆਰ ਕਰਨ ਵਾਲਿਆਂ ਦਾ ਖੂਨ ਵਹਿੰਦਾ ਰਹੇਗਾ।
ਪਰੇਰਾ ਵਲੋਂ ਆਤਮ ਸਮਰਪਣ
ਮੁੰਬਈ, 16 ਜਨਵਰੀ (ਭਾਸ਼ਾ)-2006 ਵਿਖੇ 7 ਵਿਅਕਤੀਆਂ ਨੂੰ ਆਪਣੀ ਕਾਰ ਹੇਠ ਕੁਚਲ ਕੇ ਫਰਾਰ ਹੋਣ ਦੇ ਮਾਮਲੇ ਵਿਚ ਦੋਸ਼ੀਕਰਾਰ ਦਿੱਤੇ ਗਏ ਪਰੇਰਾ ਨੇ ਸੋਮਵਾਰ ਇਥੋਂ ਦੀ ਇਕ ਸਥਾਨਕ ਅਦਾਲਤ ਵਿਚ ਆਤਮ ਸਮਰਪਣ ਕਰ ਦਿੱਤਾ। ਸੁਪਰੀਮ ਕੋਰਟ ਨੇ ਕੁਝ ਦਿਨ ਪਹਿਲਾਂ ਹੀ ਉਸ ਦੀ ਜ਼ਮਾਨਤ ਦੀ ਅਰਜ਼ੀ ਰੱਦ ਕਰ ਦਿੱਤੀ ਸੀ। ਪਰੇਰਾ ਨੇ ਸੇਵਰੀ ਦੀ ਸੈਸ਼ਨ ਅਦਾਲਤ ਵਿਚ ਆਤਮ ਸਮਰਪਣ ਕੀਤਾ ਜਿਸ ਨੇ ਉਸ ਨੂੰ ਹਿਰਾਸਤ ਵਿਚ ਲੈਣ ਦੇ ਹੁਕਮ ਦਿੱਤੇ। ਸੁਪਰੀਮ ਕੋਰਟ ਨੇ ਮੁੰਬਈ ਦੇ ਉਦਯੋਗਪਤੀ ਪਰੇਰਾ ਨੂੰ ਸੁਣਾਈ ਗਈ ਤਿੰਨ ਸਾਲ ਦੀ ਕੈਦ ਦੀ ਸਜ਼ਾ ਨੂੰ ਬਰਕਰਾਰ ਰੱਖਿਆ ਸੀ। 12 ਨਵੰਬਰ 2006 ਨੂੰ ਵਾਪਰੀ ਉਕਤ ਘਟਨਾ ਲਈ ਉਸ ਨੂੰ ਸਜ਼ਾ 2007 ਵਿਚ ਸੁਣਾਈ ਗਈ ਸੀ।
ਵਿਦਿਆਰਥਣ ਦਾ ਬਣਾਇਆ ਅਸ਼ਲੀਲ ਐੱਮ. ਐੱਮ. ਐੱਸ
ਨਵੀਂ ਦਿੱਲੀ, 31 ਦਸੰਬਰ
ਪੱਛਮੀ ਦਿੱਲੀ ਵਿਚ ਇਕ ਲੜਕੀ ਨੇ ਇਕ ਲੜਕੇ ਵਲੋਂ ਅਸ਼ਲੀਲ ਐੱਮ. ਐੱਮ. ਐੱਸ. ਦਿਖਾ ਕੇ ਉਸਨੂੰ ਬਲੈਕਮੇਲ ਕੀਤੇ ਜਾਣ ਦੀ ਕੋਸ਼ਿਸ਼ ਤੋਂ ਬਾਅਦ ਖੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ। ਪੁਲਸ ਸੂਤਰਾਂ ਨੇ ਦੱਸਿਆ ਕਿ 12ਵੀਂ ਕਲਾਸ ਦੀ ਵਿਦਿਆਰਥਣ ਦਾ ਸੰਜੇ ਗਾਂਧੀ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਉਸਨੇ ਫਾਂਸੀ ਲਗਾ ਕੇ ਜਾਨ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਸੰਬੰਧੀ 20 ਸਾਲਾ ਇਕ ਨੌਜਵਾਨ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ। ਲੜਕੀ ਨੇ ਆਪਣੇ ਬਿਆਨ ਵਿਚ ਪੁਲਸ ਨੂੰ ਦੱਸਿਆ ਕਿ ਨੌਜਵਾਨ ਨੇ ਉਸਨੂੰ ਸੰਬੰਧ ਬਣਾਉਣ ਲਈ ਮਜਬੂਰ ਕੀਤਾ ਅਤੇ ਉਸਦੀ ਐਲਬਮ ਤੋਂ ਉਸਦੀਆਂ ਫੋਟੋਆਂ ਲੈ ਕੇ ਐੱਮ. ਐੱਮ. ਐੱਸ. ਬਣਾ ਦਿੱਤਾ। ਪੁਲਸ ਮੁਤਾਬਕ ਲੜਕੇ ਨੇ ਕੁਝ ਦਿਨ ਪਹਿਲਾਂ ਲੜਕੀ ਨੂੰ ਧਮਕੀ ਦਿੱਤੀ ਕਿ ਜੇਕਰ ਉਹ ਸੰਬੰਧਾਂ ਲਈ ਤਿਆਰ ਨਹੀਂ ਹੋਵੇਗੀ ਤਾਂ ਉਹ ਸਾਰਿਆਂ ਨੂੰ ਐੱਮ. ਐੱਮ. ਐੱਸ. ਦਿਖਾ ਦੇਵੇਗਾ। ਜਦੋਂ ਉਹ ਉਸਦੀ ਧਮਕੀ ਨਾਲ ਨਾ ਝੁਕੀ ਤਾਂ ਲੜਕੇ ਨੇ ਕਲਿਪ ਆਪਣੇ ਕੁਝ ਦੋਸਤਾਂ ਨੂੰ ਮੁਹੱਈਆ ਕਰਵਾ ਦਿੱਤੀ।
ਕਿਰਨ ਬੇਦੀ ਤੇ ਕੇਜਰੀਵਾਲ ਵਲੋਂ ਸੋਨੀਆ ‘ਤੇ ਹਮਲਾ
ਨਵੀਂ ਦਿੱਲੀ, 28 ਦਸੰਬਰ (ਭਾਸ਼ਾ)¸
ਅੰਨਾ ਹਜ਼ਾਰੇ ਦੀ ਮਜ਼ਬੂਤ ਲੋਕਪਾਲ ਦੀ ਜੰਗ ਵਿਚ ਕਾਂਗਰਸ ਨੂੰ ਨਿਸ਼ਾਨਾ ਬਣਾਉਣ ਦੇ ਐਲਾਨ ਤੋਂ ਬਾਅਦ ਹਜ਼ਾਰੇ ਪੱਖ ਦੇ ਮੁਖ ਮੈਂਬਰ ਅਰਵਿੰਦ ਕੇਜਰੀਵਾਲ ਅਤੇ ਕਿਰਨ ਬੇਦੀ ਨੇ ਅੱਜ ਸੋਨੀਆ ਗਾਂਧੀ ‘ਤੇ ਹਮਲਾ ਕਰਦੇ ਹੋਏ ਕਿਹਾ ਕਿ ਸਰਕਾਰ ਵਿਚ ਬਦਲਾਅ ਨਾਲ ਮਜ਼ਬੂਤ ਲੋਕਪਾਲ ਹਾਸਲ ਕਰਨ ਵਿਚ ਮਦਦ ਮਿਲੇਗੀ।
ਬੇਦੀ ਨੇ ਟਵੀਟ ਕੀਤਾ ਕਿ ਜਨ ਲੋਕਪਾਲ ਸ਼ਾਸਨ ਵਿਚ ਤਬਦੀਲੀ ਦੇ ਵਗੈਰ ਨਹੀਂ ਮਿਲੇਗਾ, ਸਿਰਫ ਸਮਾਂ ਹੀ ਦੱਸੇਗਾ ਕਿ ਇਹ ਕਦੋਂ ਹੋਵੇਗਾ। ਸੋਨੀਆ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕੇਜਰੀਵਾਲ ਨੇ ਟਵਿਟਰ ‘ਤੇ ਲਿਖਿਆ ਕਿ ਸੰਸਦ ਮੈਂਬਰਾਂ ਨੂੰ ਪਾਰਟੀ ਹਾਈਕਮਾਨ ਦੀਆਂ ਇੱਛਾਵਾਂ ਦੇ ਖਿਲਾਫ ਵੋਟਾਂ ਪਾਉਣ ਜਾਂ ਬੋਲਣ ਦੀ ਆਜ਼ਾਦੀ ਨਹੀਂ ਹੈ। ਕੀ ਸੰਸਦ ਮੈਂਬਰ ਪਾਰਟੀ ਹਾਈ ਕਮਾਨ ਦੇ ਬੰਧੂਆ ਮਜ਼ਦੂਰ ਹਨ। ਬੇਦੀ ਨੇ ਕਿਹਾ ਕਿ ਅਸੀਂ ਆਲਾ ਕਮਾਨ ਦੀ ਤਾਨਾਸ਼ਾਹੀ ਦੇਖੀ ਹੈ। ਕੀ ਅਸੀਂ ਸੰਸਦ ਮੈਂਬਰਾਂ ਨੂੰ ਆਪਣੇ ਖੇਤਰਾਂ ਦੀ ਪ੍ਰਤੀਨਿਧਤਾ ਕਰਦੇ ਦੇਖ ਰਹੇ ਹਾਂ ਜਿਨ੍ਹਾਂ ਨੂੰ ਅਸੀਂ ਸੰਸਦ ਵਿਚ ਭੇਜਿਆ। ਉਨ੍ਹਾਂ ਕਿਹਾ ਕਿ ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਦੀ ਸੱਤਾਧਾਰੀ ਪਾਰਟੀ ਦਾ ਆਲਾ ਕਮਾਨ ਤੁਸੀਂ ਅਗਲੀ ਵਾਰ ਜਦੋਂ ਵੋਟਾਂ ਪਾਓ ਤਾਂ ਯਾਦ ਰੱਖੋ ਕਿ ਤੁਸੀਂ ਇਸ ਨੂੰ ਚਾਹੁੰਦੇ ਹੋ।
ਪੰਜਾਬ ਵਿਚ ਚੋਣਾਂ 30 ਜਨਵਰੀ ਨੂੰ
ਚੋਣ ਕਮਿਸ਼ਨ ਵਲੋਂ ਮਣੀਪੁਰ, ਗੋਆ, ਉੱਤਰ ਪ੍ਰਦੇਸ਼ ਅਤੇ ਉਤਰਾਖੰਡ ਲਈ ਵੀ ਚੋਣ ਤਰੀਕਾਂ ਦਾ ਐਲਾਨ
ਚੋਣਾਂ ਦਾ ਨਤੀਜਾ 4 ਮਾਰਚ ਨੂੰ
ਨਵੀਂ ਦਿੱਲੀ, 24 ਦਸੰਬਰ -
ਚੋਣ ਕਮਿਸ਼ਨ ਨੇ ਪੰਜਾਬ ਸਣੇ ਪੰਜ ਸੂਬਿਆਂ ਵਿਚ ਵਿਧਾਨ ਸਭਾ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਕਰ ਦਿਤਾ ਹੈ। ਚੋਣ ਕਮਿਸ਼ਨ ਵਲੋਂ ਸ਼ਨੀਵਾਰ ਨੂੰ ਐਲਾਨੀਆਂ ਗਈਆਂ ਤਰੀਕਾਂ ਮੁਤਾਬਕ ਪੰਜਾਬ ਵਿਚ 30 ਜਨਵਰੀ ਨੂੰ 117 ਸੀਟਾਂ ‘ਤੇ ਵਿਧਾਨ ਸਭਾ ਚੋਣਾਂ ਲਈ ਵੋਟਾਂ ਪੈਣਗੀਆਂ। ਇਸ ਤੋਂ ਇਲਾਵਾ ਉਤਰਾਖੰਡ ਵਿਚ ਵੀ 30 ਜਨਵਰੀ ਨੂੰ 70 ਸੀਟਾਂ ਲਈ ਵੋਟਾਂ ਪੈਣਗੀਆਂ । ਉੱਤਰ ਪ੍ਰਦੇਸ਼ ਵਿਚ 7 ਗੇੜਾਂ ‘ਚ ਮਤਦਾਨ ਹੋਵੇਗਾ । ਉਤਰ ਪ੍ਰਦੇਸ਼ ਵਿਚ ਪਹਿਲੇ ਗੇੜ ਦੀਆਂ ਚੋਣਾਂ 4 ਫਰਵਰੀ ਨੂੰ ਹੋਣਗੀਆਂ ਅਤੇ 60 ਸੀਟਾਂ ਲਈ ਵੋਟਾਂ ਪੈਣਗੀਆਂ, ਜਦਕਿ ਦੂਜੇ ਗੇੜ ਦੀ ਚੋਣ 8 ਫਰਵਰੀ ਨੂੰ ਹੋਵੇਗੀ ਅਤੇ 55 ਸੀਟਾਂ ‘ਤੇ ਵੋਟ ਪੈਣਗੇ, ਤੀਜੇ ਗੇੜ ‘ਚ 11 ਫਰਵਰੀ ਨੂੰ 59 ਸੀਟਾਂ ‘ਤੇ ਵੋਟਾਂ ਪੈਣਗੀਆਂ ਜਦਕਿ ਉਤਰ ਪ੍ਰਦੇਸ਼ ਵਿਚ ਚੌਥੇ ਗੇੜ ਵਿਚ 15 ਫਰਵਰੀ ਨੂੰ 56 ਸੀਟਾਂ ‘ਤੇ ਵੋਟਾਂ ਪੈਣਗੀਆਂ, ਪੰਜਵੇਂ ਗੇੜ ‘ਚ 19 ਫਰਵਰੀ ਨੂੰ 56 ਸੀਟਾਂ ‘ਤੇ ਲੋਕ ਆਪਣੇ ਵੋਟ ਦੇ ਹੱਕ ਦਾ ਇਸਤੇਮਾਲ ਕਰਨਗੇ ਜਦਕਿ ਵੋਟਾਂ ਦਾ ਛੇਵਾਂ ਦੌਰ 23 ਫਰਵਰੀ ਨੂੰ ਹੋਏਗਾ ਅਤੇ ਇਸ ਦਿਨ 49 ਸੀਟਾਂ ‘ਤੇ ਵੋਟਾਂ ਪੈਣਗੀਆਂ। ਉਤਰ ਪ੍ਰਦੇਸ਼ ਵਿਚ ਮਤਦਾਨ ਦਾ 7ਵਾਂ ਦੌਰ 28 ਫਰਵਰੀ ਨੂੰ ਹੋਵੇਗਾ ਅਤੇ ਇਸ ਦਿਨ 68 ਸੀਟਾਂ ‘ਤੇ ਵੋਟਿੰਗ ਹੋਏਗੀ। ਮਣੀਪੁਰ ਵਿਚ 28 ਜਨਵਰੀ ਨੂੰ ਵੋਟਾਂ ਪੈਣਗੀਆਂ ਜਦਕਿ ਗੋਆ ਵਿਚ 3 ਮਾਰਚ ਨੂੰ ਵੋਟ ਪੈਣਗੇ। ਗੋਆ, ਮਣੀਪੁਰ , ਪੰਜਾਬ ਅਤੇ ਉਤਰਾਖੰਡ ਵਿਚ ਇਕ ਦੌਰ ਵਿਚ ਵੋਟਾਂ ਪੈਣਗੀਆਂ ਜਦਕਿ ਸਾਰੇ ਸੂਬਿਆਂ ਦੇ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਚਾਰ ਮਾਰਚ ਨੂੰ ਐਲਾਨੇ ਜਾਣਗੇ।
ਅੰਨਾ ਚਾਰ ਫੁੱਟ ਦਾ ਤੇ ਮੈਂ 6 ਫੁੱਟ ਦਾ ਹਾਂ : ਬੇਨੀ ਪ੍ਰਸਾਦ
ਨਵੀਂ ਦਿੱਲੀ, 23 ਦਸੰਬਰ—
ਜਦੋਂ ਤੋਂ ਅੰਨਾ ਹਜ਼ਾਰੇ ਨੇ ਕਾਂਗਰਸ ਦੇ ਯੁਵਰਾਜ ਰਾਹੁਲ ਗਾਂਧੀ ‘ਤੇ ਨਿਸ਼ਾਨਾ ਸਾਧਿਆ ਹੈ ਉਦੋਂ ਤੋਂ ਕੈਬਨਿਟ ਮੰਤਰੀ ਬੇਨੀ ਪ੍ਰਸਾਦ ਵਰਮਾ ਉਨ੍ਹਾਂ ਦੇ ਪਿੱਛੇ ਹੀ ਪੈ ਗਏ ਹਨ। ਅੰਨਾ ‘ਤੇ ਇਕ ਤੋਂ ਬਾਅਦ ਇਕ ਤਿੱਖੇ ਬਿਆਨ ਜਾਰੀ ਕਰਨ ਵਾਲੇ ਵਰਮਾ ਨੇ ਇਕ ਵਾਰ ਫਿਰ ਆਪਣੇ ਪੁਰਾਣੇ ਅੰਦਾਜ਼ ‘ਚ ਇਸ ਸਮਾਜਸੇਵੀ ‘ਤੇ ਹਮਲਾ ਬੋਲਿਆ ਹੈ। ਬੇਨੀ ਨੇ ਕਿਹਾ ਕਿ ਆਖਿਰ ਅੰਨਾ ਚੀਜ਼ ਕੀ ਹੈ। ਇਸਪਾਤ ਮੰਤਰੀ ਬੇਨੀ ਪ੍ਰਸਾਦ ਯੂ. ਪੀ. ‘ਚ ਰਾਹੁਲ ਗਾਂਧੀ ਦੇ ਮਿਸ਼ਨ ਨੂੰ ਪੂਰਾ ਕਰਨ ‘ਚ ਜੀ-ਜਾਨ ਨਾਲ ਜੁਟੇ ਹੋਏ ਹਨ। ਅੰਨਾ ਦਾ ਕਾਂਗਰਸ ਵਿਰੋਧ ਇਸ ਧੁਰੰਧਰ ਨੇਤਾ ਨੂੰ ਰਾਸ ਨਹੀਂ ਆ ਰਿਹਾ ਹੈ। ਅੱਜ ਉਨ੍ਹਾਂ ਅੰਨਾ ਨੂੰ ਲਲਕਾਰਦੇ ਹੋਏ ਕਿਹਾ ਕਿ ਇਹ ਅੰਨਾ ਹੈ ਕੀ ਚੀਜ਼। ਯੂ. ਪੀ. ‘ਚ ਆ ਕੇ ਉਹ ਕੁਝ ਨਹੀਂ ਕਰ ਸਕੇਗਾ। ਚਾਰ ਦਿਨ ਦਿੱਲੀ ‘ਚ ਧੋਤੀ-ਕੁਰਤਾ ਪਹਿਨ ਕੇ ਕੋਈ ਨੇਤਾ ਨਹੀਂ ਬਣ ਜਾਂਦਾ। ਅੰਨਾ ਸਾਢੇ ਚਾਰ ਫੁੱਟ ਦਾ ਹੈ ਅਤੇ ਮੈਂ 6 ਫੁੱਟ ਦਾ ਹਾਂ। ਇਸ ਤੋਂ ਪਹਿਲਾਂ ਵੀ ਬੇਨੀ ਪ੍ਰਸਾਦ ਨੇ ਟੋਪੀ ਵਾਲਾ ਬੁੱਢਾ ਕਹਿ ਕੇ ਅੰਨਾ ਦਾ ਅਪਮਾਨ ਕੀਤਾ ਸੀ। ਉਨ੍ਹਾਂ ਕਿਹਾ ਕਿ ਬੁਢਵਾ ਟੋਪੀ ਲਗਾ ਕੇ ਬੈਠ ਜਾਂਦਾ ਹੈ ਅਤੇ ਸਾਨੂੰ ਲਲਕਾਰਦਾ ਹੈ।
ਬੱਬਰ ਖਾਲਸਾ ਦੇ ਦੋ ਅੱਤਵਾਦੀ ਗ੍ਰਿਫਤਾਰ
ਨਵੀਂ ਦਿੱਲੀ, 23 ਦਸੰਬਰ
ਬੱਬਰ ਖਾਲਸਾ ਇੰਟਰਨੈਸ਼ਨਲ ਦੇ ਦੋ ਅੱਤਵਾਦੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਸ ਦਾ ਦਾਅਵਾ ਹੈ ਕਿ ਕੁਝ ਰਾਜਨੇਤਾ ਅਤੇ ਧਾਰਮਿਕ ਨੇਤਾ ਉਨ੍ਹਾਂ ਦੇ ਨਿਸ਼ਾਨੇ ‘ਤੇ ਸਨ। ਇਨ੍ਹਾਂ ਦੀ ਪਛਾਣ ਸਰਵਪ੍ਰੀਤ ਅਤੇ ਜਸਵਿੰਦਰ ਵਜੋਂ ਹੋਈ ਹੈ। ਇਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਕਿਹਾ ਕਿ ਦਿੱਲੀ ਪੁਲਸ ਦੇ ਵਿਸ਼ੇਸ਼ ਸੈੱਲ ਦੇ ਇਕ ਦਸਤੇ ਨੇ ਦੋਵਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ‘ਚੋਂ ਇਕ ਨੂੰ ਪੰਜਾਬ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ ਜਦੋਂਕਿ ਦੂਜੇ ਵਿਅਕਤੀ ਨੂੰ ਉੱਤਰ-ਪੱਛਮੀ ਦਿੱਲੀ ਦੇ ਸ਼ਾਲੀਮਾਰ ਬਾਗ ਤੋਂ ਗ੍ਰਿਫਤਾਰ ਕੀਤਾ ਗਿਆ।
ਅੰਨਾ ਹਜ਼ਾਰੇ ਦੇਸ਼ ‘ਚ ਹਿੰਸਾ ਫੈਲਾ ਰਿਹੈ : ਕਾਂਗਰਸ
ਨਵੀਂ ਦਿੱਲੀ, 11 ਦਸੰਬਰ—
ਅੰਨਾ ਹਜ਼ਾਰੇ ਜਿੱਥੇ ਸਟੈਂਡਿੰਗ ਕਮੇਟੀ ਦੇ ਬਣਾਏ ਡ੍ਰਾਫਟ ਨੂੰ ਲੈ ਕੇ ਕਾਂਗਰਸ ‘ਤੇ ਦਬਾਅ ਬਣਾ ਰਹੀ ਹੈ, ਉਧਰ ਕਾਂਗਰਸ ਵੀ ਅੰਦੋਲਨ ਤੋਂ ਨਾਰਾਜ਼ ਹੈ। ਕਾਂਗਰਸ ਪਾਰਟੀ ਦੀ ਨਾਰਾਜ਼ਗੀ ਸਾਫ ਦਿਖਾਈ ਦਿੱਤੀ ਜਦੋਂ ਉਸਨੇ ਜੰਤਰ-ਮੰਤਰ ‘ਤੇ ਅੰਨਾ ਦੀ ਬੁਲਾਈ ਬਹਿਸ ‘ਚ ਹਿੱਸਾ ਲੈਣ ਤੋਂ ਇਨਕਾਰ ਕਰ ਦਿੱਤਾ।ਪਹਿਲਾਂ ਕੇਂਦਰੀ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਅੰਨਾ ‘ਤੇ ਨਿਸ਼ਾਨਾ ਸਾਧਿਆ ਤਾਂ ਬਾਅਦ ‘ਚ ਕੇਂਦਰੀ ਮੰਤਰੀ ਪਵਨ ਬਾਂਸਲ ਨੇ ਦੋਸ਼ ਲਗਾਇਆ ਕਿ ਅੰਨਾ ਹਜ਼ਾਰੇ ਦੇਸ਼ ‘ਚ ਹਿੰਸਾ ਫੈਲਾ ਰਹੇ ਹਨ। ਸੰਸਦੀ ਕਾਰਜਮੰਤਰੀ ਪਵਨ ਬਾਂਸਲ ਨੇ ਕਿਹਾ ਕਿ ਅੰਨਾ ਹਿੰਸਾ ਦਾ ਪ੍ਰਚਾਰ ਕਰ ਰਹੇ ਹਨ ਅਤੇ ਉਨ੍ਹਾਂ ਨੇ ਲੋਕਪਾਲ ਦੇ ਨਾਂ ‘ਤੇ ਹਿੰਦੋਸਤਾਨ ਨੂੰ ਬੇਹਤਰ ਬਣਾਉਣ ਦਾ ਕੋਈ ਕੰਮ ਨਹੀਂ ਕੀਤਾ ਹੈ।ਉਧਰ, ਕੇਂਦਰੀ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਵੀ ਅੰਨਾ ‘ਤੇ ਨਿਸ਼ਾਨਾ ਸਾਧਿਆ ਅਤੇ ਟੀਮ ਅੰਨਾ ਦੇ ਮਜਬੂਤ ਲੋਕਪਾਲ ਦੇ ਦਾਅਵਿਆਂ ਨੂੰ ਖਾਰਿਜ ਕਰਦਿਆਂ ਪੁੱਛਿਆ ਕਿ ਜਦੋਂ ਖੁਦ ਰਾਹੁਲ ਨੇ ਉਨ੍ਹਾਂ ਨੂੰ ਮਜ਼ਬੂਤ ਲੋਕਪਾਲ ਬਣਾਉਣ ਦੀ ਗੱਲ ਕਹੀ ਤਾਂ ਅੰਨਾ ਦੀ ਬਿਆਨਬਾਜ਼ੀ ਬੇਮਾਨੀ ਹੈ। ਜ਼ਾਹਿਰ ਹੈ ਕਿ ਅੰਨਾ ਹਜ਼ਾਰੇ ਦੇ ਅੰਦੋਲਨ ਨਾਲ ਕਾਂਗਰਸ ‘ਚ ਖਲਬਲੀ ਹੈ। ਪਾਰਟੀ ਨੇਤਾ ਉਸ ਬਹਿਸ ‘ਚ ਸ਼ਾਮਲ ਨਹੀਂ ਹੋਣਾ ਚਾਹੁੰਦੇ ਜਿਸ ‘ਚ ਸ਼ਾਮਲ ਹੋਣ ਲਈ ਅੰਨਾ ਨੇ ਉਨ੍ਹਾਂ ਨੂੰ ਜੰਤਰ-ਮੰਤਰ ‘ਤੇ ਬੁਲਾਇਆ ਹੈ। ਨਾਲ ਹੀ ਇਸ ਵਾਰ ਉਹ ਅੰਨਾ ਦੇ ਮੌਜੂਦਾ ਅੰਦੋਲਨ ਨੂੰ ਬੇਵਜ੍ਹਾ ਦੱਸ ਰਹੇ ਹਨ।
