ਉਮਰ ਬਣੇ ਜੰਮੂ ਕਸ਼ਮੀਰ ਦੇ 11ਵੇਂ
ਸੀਐੱਮ
ਜੰਮੂ ਕਸ਼ਮੀਰ , ਸੋਮਵਾਰ, 5 ਜਨਵਰੀ
ਨੈਸ਼ਨਲ
ਕਾਨਫਰੰਸ ਨੇਤਾ ਉਮਰ ਅੱਬਦੁੱਲਾ ਨੇ ਜੰਮੂ ਕਸ਼ਮੀਰ ਦੇ ਮੁੱਖ ਮੰਤਰੀ ਦੇ ਰੂਪ ਵਿੱਚ
ਸਹੁੰ ਚੁੱਕੀ. ਪ੍ਰਦੇਸ਼ ਵਿੱਚ ਹੋਈਆਂ ਵਿਧਾਨ ਸਭਾ ਦੀਆਂ ਚੌਣਾਂ ਦੇ ਬਾਅਦ ਨੈਸ਼ਨਲ
ਕਾਨਫਰੰਸ ਅਤੇ ਕਾਂਗਰਸ ਨੇ ਮਿਲਕੇ ਸਰਕਾਰ ਬਣਾਉਣ ਦਾ ਫੈਸਲਾ ਕੀਤਾ ਸੀ. ਪ੍ਰਦੇਸ਼ ਦੇ
ਰਾਜਪਾਲ ਐੱਨਐੱਨ ਵੋਹਰਾ ਨੇ ਜਨਰਲ ਜੋਰਾਵਰ ਸਿੰਘ ਹਾਲ ਵਿੱਚ ਉਮਰ ਨੂੰ ਮੁੱਖ ਮੰਤਰੀ
ਦੇ ਰੂਪ ਵਿੱਚ ਪਦ ਅਤੇ ਦਫ਼ਤਰੀ ਕੰਮ ਗੁਪਤ ਰੱਖਣ ਦੀ ਸਹੁੰ ਚੁੱਕਾਈ. ਇਸ ਸਮਾਰੋਹ
ਵਿੱਚ ਕਾਂਗਰਸ ਪ੍ਰਮੁੱਖ ਸੋਨੀਆ ਗਾਂਧੀ ਵੀ ਮੌਜੂਦ ਸੀ. ਸਮਾਰੋਹ ਵਿੱਚ ਸ਼ਿਰਕਤ ਕਰਨ
ਦੇ ਲਈ ਸੋਨੀਆ ਗਾਂਧੀ ਨਵੀਂ ਦਿੱਲੀ ਤੋਂ ਇੱਥੇ ਪੁੱਜੀ ਹੈ. ਉਮਰ ਨੇ ਅੰਗਰੇਜੀ ਭਾਸ਼ਾ
ਵਿੱਚ ਸਹੁੰ ਲਈ ਅਤੇ 38 ਸਾਲਾ ਉਮਰ ਪ੍ਰਦੇਸ਼ ਦੇ 11ਵੇਂ ਅਤੇ ਸਭ ਤੋਂ ਨੌਜਵਾਨ ਮੁੱਖ
ਮੰਤਰੀ ਹਨ.
ਅੱਤਵਾਦ ਦੇ ਖਿਲਾਫ ਕਦਮ ਨਾਕਾਫੀ: ਸ਼ੋਭਾ ਡੇ
ਨਵੀਂ ਦਿੱਲੀ, 5 ਜਨਵਰੀ : ਮੁੰਬਈ ਅੱਤਵਾਦੀ ਹਮਲਿਆਂ ਤੋਂ ਬਾਅਦ ਸਰਕਾਰ ਵੱਲੋਂ
ਚੁੱਕੇ ਗਏ ਕਦਮਾਂ ਤੇ ਘੋਰ ਨਿਰਾਸ਼ਾ ਪ੍ਰਗਟਾਉਂਦਿਆਂ ਚਰਚਿਤ ਲੇਖਿਕਾ ਸ਼ੋਭਾ ਡੇ ਨੇ
ਅੱਜ ਕਿਹਾ ਕਿ ਸਾਨੂੰ ਆਪਣੇ ਦੁਸ਼ਮਨਾਂ ਤੇ ਸ਼ੇਰ ਦੀ ਤਰ੍ਹਾਂ ਦਹਾੜਣਾ ਚਾਹੀਦਾ ਹੈ, ਪਰ
ਅਜੇ ਤੱਕ ਅਸੀਂ ਸਿਰਫ ਬਿੱਲੀ ਦੀ ਤਰ੍ਹਾਂ ਮਿਆਊਂ-ਮਿਆਊਂ ਕਰ ਰਹੇ ਹਾਂ। ਅੱਤਵਾਦ ਦੇ
ਖਿਲਾਫ ਸਰਕਾਰ ਵੱਲੋਂ ਚੁੱਕੇ ਗਏ ਕਦਮਾਂ ਬਾਰੇ ਪ੍ਰਤੀਕ੍ਰਿਆ ਪੁੱਛੇ ਜਾਣ ਤੇ ਸ਼ੋਭਾ
ਨੇ ਕਿਹਾ ਕਿ ਮੈਂ ਬਿਲਕੁਲ ਸੰਤੁਸ਼ਟ ਨਹੀਂ ਹਾਂ। ਅਜੇ ਤੱਕ ਸਿਰਫ ਗੱਲਬਾਤ ਚੱਲ ਰਹੀ
ਹੈ। ਸਰਕਾਰ ਨੇ ਅੱਤਵਾਦ ਨਾਲ ਨਿਪਟਣ ਲਈ ਕੋਈ ਅਜਿਹਾ ਠੋਸ ਕਦਮ ਨਹੀਂ ਚੁੱਕਿਆ ਹੈ
ਜਿਸ ਨਾਲ ਉਸ ਦੀ ਗੰਭੀਰਤਾ ਦਾ ਪਤਾ ਲੱਗ ਸਕੇ। ਅੱਤਵਾਦ ਨਾਲ ਮੁਕਾਬਲੇ ਵਿੱਚ ਸਰਕਾਰ
ਦੀ ਸਥਿਤੀ ਨੂੰ ਬਹੁਤ ਕਮਜੋਰ ਕਰਾਰ ਦਿੰਦਿਆਂ ਉਹਨਾਂ ਕਿਹਾ ਕਿ ਸਾਡੀ ਪ੍ਰਤੀਕ੍ਰਿਆ
ਬਹੁਤ ਨਰਮ ਰਹੀ ਹੈ। ਆਪਣੇ ਦੁਸ਼ਮਨਾਂ ਤੇ ਦਹਾੜਣ ਦੀ ਬਜਾਏ ਅਸੀਂ ਸਿਰਫ ਬਿੱਲੀ ਦੀ
ਮਿਆਊਂ-ਮਿਆਊਂ ਕਰ ਰਹੇ ਹਾਂ। ਉਹਨਾਂ ਕਿਹਾ ਕਿ ਇੱਕ ਕੇਂਦਰੀ ਨੋਡਲ ਏਜੰਸੀ ਦੀ
ਨਿਗਰਾਨੀ ਅਤੇ ਕੰਟਰੋਲ ਵਿੱਚ ਅੱਤਵਾਦ ਦਾ ਮੁਕਾਬਲਾ ਸਾਰੀਆਂ ਏਜੰਸੀਆਂ ਨੂੰ ਸਖਤੀ
ਨਾਲ ਕਰਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਭਾਰਤ ਨੂੰ ਅੱਤਵਾਦ ਦੇ ਖਿਲਾਫ ਸੰਯੁਕਤ
ਲੜਾਈ ਵਿੱਚ ਹੋਰ ਦੇਸ਼ਾਂ ਦੇ ਨਾਲ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ ਅਤੇ ਸੂਚਨਾਵਾਂ
ਅਤੇ ਖੁਫੀਆ ਖਬਰਾਂ ਦਾ ਆਦਾਨ ਪ੍ਰਦਾਨ ਕਰਨਾ ਚਾਹੀਦਾ ਹੈ।ਮੁੰਬਈ ਅੱਤਵਾਦੀ ਹਮਲਿਆਂ
ਵਿੱਚ ਫੜ੍ਹੇ ਗਏ ਸਿਰਫ ਇੱਕ ਅੱਤਵਾਦੀ ਅਜਮਲ ਇਮਾਨ ਉਰਫ ਕਸਾਬ ਵੱਲ ਇਸ਼ਾਰਾ ਕਰਦਿਆਂ
ਸ਼ੋਭਾ ਡੇ ਨੇ ਕਿਹਾ ਕਿ ਫੜ੍ਹੇ ਗਏ ਅੱਤਵਾਦੀਆਂ ਦੇ ਪ੍ਰਤੀ ਕੋਈ ਨਰਮੀ ਨਹੀਂ ਦਿਖਾਈ
ਜਾਣੀ ਚਾਹੀਦੀ ਅਤੇ ਉਹਨਾਂ ਦਾ ਦੋਸ਼ ਸਾਬਿਤ ਕੀਤਾ ਜਾਣਾ ਚਾਹੀਦਾ ਹੈ। ਮੁੰਬਈ ਹਮਲਿਆਂ
ਦੇ ਸਮੇਂ ਪੈਦਾ ਸਥਿਤੀ ਵੱਲ ਧਿਆਨ ਦਿਵਾਉਂਦਿਆਂ ਉਹਨਾਂ ਕਿਹਾ ਕਿ ਉਸ ਸਮੇਂ ਪੂਰੀ
ਤਰ੍ਹਾਂ ਭਰਮ ਦੀ ਸਥਿਤੀ ਪੈਦਾ ਹੋ ਗਈ ਸੀ ਅਤੇ ਅਗਵਾਈ ਦੀ ਕਮੀ ਸੀ। ਉਹਨਾਂ 60
ਘੰਟਿਆਂ ਦੇ ਦੌਰਾਨ ਮੁੰਬਈ ਤੇ ਕੋਈ ਕੰਟਰੋਲ ਨਹੀਂ ਸੀ। ਸਾਲ 2008 ਵਿੱਚ ਹੋਏ ਕਈ
ਲੜੀਵਾਰ ਹਮਲਿਆਂ ਤੋਂ ਬਾਅਦ ਹਰੇਕ ਭਾਰਤੀ ਵਿੱਚ ਜਾਗਰੂਕਤਾ ਲਿਆਏ ਜਾਣ ਦੀ ਲੋੜ ਤੇ
ਜੋਰ ਦਿੰਦਿਆਂ ਉਹਨਾਂ ਕਿਹਾ ਕਿ ਹਰੇਕ ਭਾਰਤੀ ਦੀ ਮੌਤ ਤੇ ਧਿਆਨ ਦੇਣ ਅਤੇ ਦੁੱਖ
ਪ੍ਰਗਟ ਕਰਨ ਦੀ ਲੋੜ ਹੈ। ਜਿਕਰਯੋਗ ਹੈ ਕਿ ਪਿਛਲੇ ਸਾਲ 26 ਨਵੰਬਰ ਨੂੰ ਹੋਏ ਮੁੰਬਈ
ਹਮਲਿਆਂ ਤੋਂ ਬਾਅਦ ਅੱਤਵਾਦ ਦੇ ਮਾਮਲੇ ਵਿੱਚ ਖੁਫੀਆ ਏਜੰਸੀਆਂ ਸਮੇਤ ਸਰਕਾਰ ਦੀ
ਅਸਫਲਤਾ ਦੀ ਜਿਹੜੇ ਮੁੱਖ ਲੋਕਾਂ ਨੇ ਆਲੋਚਨਾ ਕੀਤੀ ਸੀ ਉਹਨਾਂ ਵਿੱਚ ਸ਼ੋਭਾ ਡੇ
ਸ਼ਾਮਿਲ ਹੈ।
ਕਲਾਮ ਦੀ ਹਾਲਤ ਸਥਿਰ
ਨਵੀਂ ਦਿੱਲੀ , ਸੋਮਵਾਰ, 5 ਜਨਵਰੀ 2009
ਚਮੜੀ ਰੋਗ ਨਾਲ ਪੀੜ੍ਹਿਤ ਸਾਬਕਾ ਰਾਸ਼ਟਰਪਤੀ ਏਪੀਜੇ ਅੱਬਦੁੱਲ ਕਲਾਮ ਦੀ ਹਾਲਤ ਅੱਜ
ਸਥਿਰ ਦੱਸੀ ਜਾਂਦੀ ਹੈ. 77 ਸਾਲਾ ਕਲਾਮ ਨੂੰ ਕੱਲ੍ਹ ਚਮੜੀ ਦੇ ਰੋਗ ਐਗਜੀਮਾ ਦੀ
ਵਜ੍ਹਾ ਨਾਲ ਆਰਮੀ ਹੋਸਪਿਟਲ ਰਿਸਰਚ ਐਂਡ ਰੈਫਰਲ (ਏਐੱਚਆਰਐਂਡਆਰ) ਵਿੱਚ ਭਰਤੀ
ਕਰਵਾਇਆ ਗਿਆ ਸੀ. ਏਐੱਚਆਰਐਂਡਆਰ ਦੇ ਡਾਕਟਰ ਬ੍ਰਿਗੇਡੀਅਰ ਏਕੇ ਸ਼ਰਮਾ ਨੇ ਦੱਸਿਆ
ਸਾਬਕਾ ਰਾਸ਼ਟਰਪਤੀ ਦੀ ਹਾਲਤ ਸਥਿਰ ਹੈ. ਹਸਪਤਾਲ ਦੇ ਇੱਕ ਸੂਤਰ ਨੇ ਦੱਸਿਆ ਕਿ ਕਲਾਮ
ਸ਼ੂਗਰ ਦੇ ਵੀ ਮਰੀਜ਼ ਹਨ, ਇਸ ਲਈ ਸੰਕ੍ਰਮਣ ਤੇਜੀ ਨਾਲ ਫੈਲ ਗਿਆ. ਸੂਤਰ ਦਾ ਕਹਿਣਾ ਹੈ
ਕਿ ਅਸੀਂ ਉਹਨਾਂ ਦਾ ਇੰਸੁਲੀਨ ਪੱਧਰ ਕੰਟਰੋਲ ਕਰ ਲਿਆ ਹੈ, ਜਿਸਦੀ ਵਜ੍ਹਾ ਨਾਲ
ਸੰਕ੍ਰਮਣ ਅੱਗੇ ਨਹੀਂ ਫੈਲੇਗਾ. ਕਲਾਮ ਦੇ ਸਿਹਤ ਦੀ ਦੇਖਰੇਖ ਕਰ ਰਹੇ ਡਾਕਟਰ ਹਾਲੇ
ਵੀ ਇਹ ਤੈਅ ਨਹੀਂ ਕਰ ਪਾ ਰਹੇ ਹਨ ਕਿ ਸਾਬਕਾ ਰਾਸ਼ਟਰਪਤੀ ਨੂੰ ਹਸਪਤਾਲ ਤੋਂ ਛੁੱਟੀ
ਕਦੋਂ ਦਿੱਤੀ ਜਾਵੇ.ਇਸ ਤੋਂ ਪਹਿਲਾਂ ਕਲਾਮ ਨੂੰ ਖੱਬੇ ਮੋਢੇ ਵਿੱਚ ਸੱਟ ਲੱਗਣ ਦੇ
ਕਾਰਣ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ.
ਸੜਕ ਹਾਦਸੇ ਵਿੱਚ 8 ਸ਼ਰਧਾਲੂਆਂ ਦੀ ਮੌਤ
ਤਾਮਿਲਨਾਡੂ 5 ਜਨਵਰੀ : ਤਾਮਿਲਨਾਡੂ ਵਿੱਚ ਡਿੰਡੀਗੁਲ ਤੋਂ ਲਗਭਗ 18 ਕਿਲੋਮੀਟਰ ਦੂਰ
ਵੀਰਾਸ਼ਿਕਾਪੀ ਵਿੱਚ ਇੱਕ ਵੈਨ ਦੀ ਅੱਜ ਸਵੇਰੇ ਇੱਕ ਬੱਸ ਨਾਲ ਟਕਰਾ ਜਾਣ ਨਾਲ ਵੈਨ
ਵਿੱਚ ਸਵਾਰ ਅੱਠ ਸ਼ਰਧਾਲੂਆਂ ਦੀ ਮੌਤ ਹੋ ਗਈ ਜਦੋਂਕਿ 10 ਜਖਮੀ ਹੋ ਗਏ ਹਨ। ਇਹ
ਸ਼ਰਧਾਲੂ ਚੇਤਰ ਤੋਂ ਸਬਰੀਮਾਲਾ ਮੰਦਿਰ ਦੇ ਦਰਸ਼ਨ ਕਰਨ ਜਾ ਰਹੇ ਸਨ।ਪੁਲੀਸ ਨੇ ਦੱਸਿਆ
ਕਿ ਇੱਕ ਔਰਤ ਸਮੇਤ 6 ਲੋਕਾਂ ਦੀ ਹਾਦਸੇ ਵਿੱਚ ਮੌਤ ਹੋ ਗਈ ਹੈ। ਜਦੋਂਕਿ ਦੋ ਦੀ
ਹਸਪਤਾਲ ਵਿੱਚ ਮੌਤ ਹੋ ਗਈ। ਪੁਲੀਸ ਨੇ ਦੱਸਿਆ ਕਿ ਜਖਮੀਆਂ ਵਿੱਚ ਪੰਜ ਦੀ ਹਾਲਤ
ਗੰਭੀਰ ਹੈ। ਹਾਦਸੇ ਵਿੱਚ ਬਸ ਵਿੱਚ ਸਵਾਰ ਪੰਜ ਯਾਤਰੀਆਂ ਨੂੰ ਵੀ ਮਾਮੂਲੀ ਸੱਟਾਂ
ਲੱਗੀਆਂ ਹਨ।
ਪਾਕਿਸਤਾਨ ਨੂੰ ਸਬੂਤ ਸੌਂਪੇ, ਹੋਰ ਦੇਸ਼ਾਂ ਨੂੰ ਵੀ ਦੇਵਾਂਗੇ: ਪ੍ਰਣਵ
ਨਵੀਂ ਦਿੱਲੀ, 5 ਜਨਵਰੀ : ਭਾਰਤ ਨੇ ਪਾਕਿਸਤਾਨ ਨੂੰ ਮੁੰਬਈ ਵਿੱਚ ਹੋਏ ਅੱਤਵਾਦੀ
ਹਮਲਿਆਂ ਵਿੱਚ ਗੁਆਂਢੀ ਦੇਸ਼ ਦੇ ਤੱਤਾਂ ਦੀ ਮਿਲੀਭੁਗਤ ਬਾਰੇ ਸਬੂਤ ਅੱਜ ਸੌਂਪ ਦਿੱਤੇ
ਅਤੇ ਇਸਲਾਬਾਦ ਨੂੰ ਕਿਹਾ ਕਿ ਉਹ ਆਪਣੀਆਂ ਵਚਨਬਧਤਾਵਾਂ ਨੂੰ ਵਿਵਹਾਰਿਕ ਰੂਪ ਦੇਵੇ।
ਕੂਟਨੀਤਿਕ ਦਬਾਅ ਵਧਾਉਂਦਿਆਂ ਵਿਦੇਸ਼ ਮੰਤਰੀ ਪ੍ਰਣਵ ਮੁਖਰਜੀ ਨੇ ਕਿਹਾ ਕਿ ਉਹਨਾਂ ਨੇ
ਦੁਨੀਆ ਭਰ ਵਿੱਚ ਵਿਦੇਸ਼ ਮੰਤਰੀਆਂ ਨੂੰ ਪੱਤਰ ਰਾਹੀਂ ਮੁੰਬਈ ਹਮਲਿਆਂ ਅਤੇ ਉਹਨਾਂ
ਨਾਲ ਪਾਕਿਸਤਾਨ ਦੇ ਸਬੰਧ ਦਾ ਬਿਊਰਾ ਭੇਜਿਆ ਹੈ। ਵੱਖ-ਵੱਖ ਦੇਸ਼ਾਂ ਨੂੰ ਅਲੱਗ ਤੋਂ
ਇਸ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।ਮੁਖਰਜੀ ਨੇ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ
ਵਿੱਚ ਕਿਹਾ ਕਿ ਅਸੀਂ ਅੱਜ ਪਾਕਿਸਤਾਨ ਨੂੰ ਮੁੰਬਈ ਤੇ 26 ਨਵੰਬਰ 2008 ਨੂੰ
ਅੱਤਵਾਦੀ ਹਮਲਾ ਕਰਨ ਵਾਲੇ ਅੱਤਵਾਦੀਆਂ ਦੇ ਪਾਕਿਸਤਾਨ ਵਿੱਚ ਸਥਿਤ ਤੱਤਾਂ ਨਾਲ ਸਬੰਧ
ਬਾਰੇ ਸਬੂਤ ਸੌਂਪ ਦਿੱਤੇ ਹਨ। ਸਬੂਤ ਸੌਂਪਣ ਦੇ ਲਈ ਵਿਦੇਸ਼ ਸਕੱਤਰ ਸ਼ਿਵ ਸ਼ੰਕਰ ਮੇਨਨ
ਨੇ ਪਾਕਿਸਤਾਨ ਦੇ ਹਾਈ ਕਮਿਸ਼ਨ ਸ਼ਾਹਿਦ ਮਲਿਕ ਨੂੰ ਤਲਬ ਕੀਤਾ ਸੀ। ਮੁੰਬਈ ਹਮਲਿਆਂ
ਨੂੰ ਅਪਰਾਧ ਕਰਾਰ ਦਿੰਦਿਆਂ ਮੁਖਰਜੀ ਨੇ ਪਾਕਿਸਤਾਨ ਤੋਂ ਉਹਨਾਂ ਵਚਨਬਧਤਾਵਾਂ ਨੂੰ
ਵਿਵਹਾਰਕ ਰੂਪ ਦੇਣ ਲਈ ਕਿਹਾ ਕਿ ਜੋ ਉਸ ਨੇ ਭਾਰਤ ਦੇ ਨਾਲ ਉਚ ਪੱਧਰ ਤੇ ਜਾਹਿਰ
ਕੀਤੀਆਂ ਸਨ। ਨਾਲ ਹੀ ਪਾਕਿਸਤਾਨ ਨੂੰ ਅੰਤਰਰਾਸ਼ਟਰੀ ਮਾਨਕਾਂ ਦਾ ਪਾਲਣ ਕਰਨ ਲਈ ਵੀ
ਕਿਹਾ ਗਿਆ ਹੈ।ਇਹਨਾਂ ਸਬੂਤਾਂ ਵਿੱਚ ਮੁੰਬਈ ਹਮਲਿਆਂ ਦੇ ਦੌਰਾਨ ਜਿਊਂਦੇ ਫੜ੍ਹੇ ਗਏ
ਸਿਰਫ ਇੱਕ ਪਾਕਿਸਤਾਨੀ ਅੱਤਵਾਦੀ ਅਜਮਲ ਆਮਿਰ ਕਸਾਬ ਦਾ ਕਬੂਲਨਾਮਾ, ਅੱਤਵਾਦੀਆਂ
ਵੱਲੋਂ ਵਰਤੇ ਜੀ ਪੀ ਐਸ ਅਤੇ ਸੈਟੇਲਾਈਟ ਫੋਨਾਂ ਦੇ ਰਿਕਾਰਡ ਅਤੇ ਹਮਲਾਵਰਾਂ ਅਤੇ
ਪਾਕਿਸਤਾਨ ਵਿੱਚ ਬੈਠ ਕੇ ਉਹਨਾਂ ਨੂੰ ਹੁਕਮ ਦੇਣ ਵਾਲੇ ਉਹਨਾਂ ਦੇ ਆਕਾਵਾਂ ਦੀ
ਗੱਲਬਾਤ ਦੇ ਅੰਸ਼ ਸ਼ਾਮਿਲ ਹਨ। ਇਸ ਵਿੱਚ ਬਰਾਮਦ ਹਥਿਆਰਾਂ ਅਤੇ ਹੋਰ ਸਮੱਗਰੀਆਂ ਦਾ
ਬਿਊਰਾ ਵੀ ਸ਼ਾਮਿਲ ਹੈ।ਵਿਦੇਸ਼ ਮੰਤਰੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਸਮੱਗਰੀ ਦਾ
ਸਬੰਧ ਪਾਕਿਸਤਾਨ ਦੇ ਤੱਤਾਂ ਨਾਲ ਹੈ। ਸਾਨੂੰ ਉਮੀਦ ਹੈ ਕਿ ਪਾਕਿਸਤਾਨ ਸਰਕਾਰ ਆਪਣੇ
ਇੱਥੇ ਜਲਦਬਾਜੀ ਨਾਲ ਜਾਂਚ ਕਰੇਗੀ ਅਤੇ ਨਤੀਜਾ ਸਾਨੂੰ ਦੱਸੇਗੀ ਤਾਂ ਕਿ ਮੁੰਬਈ ਹਮਲੇ
ਦੇ ਦੋਸ਼ੀਆਂ ਨੂੰ ਨਿਆਂ ਦੇ ਦਾਇਰੇ ਵਿੱਚ ਲਿਆਂਦਾ ਜਾ ਸਕੇ। ਉਹਨਾਂ ਕਿਹਾ ਕਿ ਅਸੀਂ
ਆਪਣੇ ਮਿੱਤਰ ਦੇਸ਼ਾਂ ਨੂੰ ਵੀ ਘਟਨਾ ਕ੍ਰਮ ਬਾਰੇ ਦੱਸ ਰਹੇ ਹਾਂ। ਮੁਖਰਜੀ ਨੇ ਕਿਹਾ
ਕਿ ਮੈਂ ਦੁਨੀਆ ਭਰ ਵਿੱਚ ਵਿਦੇਸ਼ ਮੰਤਰੀਆਂ ਨੂੰ ਪੱਤਰ ਲਿਖ ਕੇ ਮੁੰਬਈ ਦੇ ਦੇ
ਘਟਨਾਕ੍ਰਮ ਅਤੇ ਜਾਂਚ ਦੇ ਦੌਰਾਨ ਹੋਈ ਪ੍ਰਗਤੀ ਅਤੇ ਇਕੱਠੇ ਸਬੂਤਾਂ ਬਾਰੇ ਵਿਸਤ੍ਰਿਤ
ਬਿਊਰਾ ਭੇਜਿਆ ਹੈ। ਉਹਨਾਂ ਦੱਸਿਆ ਕਿ ਵਿਦੇਸ਼ ਮੰਤਰਾਲਾ ਮੰਗਲਵਾਰ ਨੂੰ ਦੇਸ਼ ਵਿੱਚ
ਮੌਜੂਦ ਵੱਖ-ਵੱਖ ਦੇਸ਼ਾਂ ਦੇ ਦੂਤਾਵਾਸਾਂ ਦੇ ਮੁੱਖੀਆਂ ਵੀ ਇਸ ਦੀ ਜਾਣਕਾਰੀ ਦੇਵੇਗਾ।
ਉਹਨਾਂ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਦੁਨੀਆ ਅਜਿਹੇ ਅੱਤਵਾਦ ਦੇ ਖਤਰੇ ਨੂੰ ਖਤ ਕਰਨ
ਦੇ ਟੀਚੇ ਦੀ ਖਾਤਿਰ ਇਕਜੁਟ ਹੋ ਜਾਵੇਗੀ। ਉਹਨਾਂ ਕਿਹਾ ਕਿ ਭਾਰਤ ਨੂੰ ਉਮੀਦ ਹੈ ਕਿ
ਪਾਕਿਸਤਾਨ ਆਪਣੀ ਜਮੀਨ ਤੋਂ ਅੱਤਵਾਦ ਨੂੰ ਕਿਸੇ ਵੀ ਤਰ੍ਹਾਂ ਰੋਕਣ ਲਈ ਆਪਣੀ ਦੋ
ਪੱਖੀ, ਬਹੁ ਪੱਖੀ ਅਤੇ ਅੰਰਤਰਾਸ਼ਟਰੀ ਵਚਨਬਧਤਾਵਾਂ ਦਾ ਪਾਲਣ ਕਰੇਗਾ।
ਨਾਰਾਇਣ ਰਾਣੇ ਨੇ ਮੁੱਖ ਮੰਤਰੀ ਚਹਵਾਣ ਨਾਲ ਮੁਲਾਕਾਤ ਕੀਤੀ
ਮੁੰਬਈ, 5 ਜਨਵਰੀ : ਕਾਂਗਰਸ ਤੋਂ ਮੁਅੱਤਲ ਨੇਤਾ ਨਾਰਾਇਣ ਰਾਣੇ ਨੇ ਅੱਜ ਮਹਾਰਾਸ਼ਟਰ
ਦੇ ਮੁੱਖ ਮੰਤਰੀ ਅਸ਼ੋਕ ਚਹਵਾਣ ਨਾਲ ਉਹਨਾਂ ਦੇ ਦੱਖਣ ਮੁੰਬਈ ਸਥਿਤ ਨਿਵਾਸ ਤੇ
ਮੁਲਾਕਾਤ ਕੀਤੀ। ਇਸ ਮੁਲਾਕਾਤ ਨੂੰ ਇਸ ਲਈ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ ਕਿਉਂਕਿ
ਸਾਬਕਾ ਸ਼ਿਵ ਸੈਨਿਕ ਰਾਣੇ ਮੰਗਲਵਾਰ ਨੂੰ ਆਪਣੀ ਭਾਵੀ ਰਣਨੀਤੀ ਦਾ ਐਲਾਨ ਕਰਨ ਵਾਲੇ
ਹਨ। ਮੁੰਬਈ ਅੱਤਵਾਦੀ ਹਮਲਿਆਂ ਦੇ ਮੱਦੇਨਜਰ ਸਾਬਕਾ ਮੁੱਖ ਮੰਤਰੀ ਵਿਲਾਸ ਰਾਓ ਦੇਸ਼
ਮੁਖ ਦੇ ਅਸਤੀਫੇ ਤੋਂ ਬਾਅਦ ਰਾਜ ਦੇ ਮੁੱਖ ਮੰਤਰੀ ਦਾ ਅਹੁਦਾ ਨਾ ਦਿਤੇ ਜਾਣ ਤੇ
ਰਾਣੇ ਨੇ ਕਾਂਗਰਸ ਅਗਵਾਈ ਦੀ ਆਲੋਚਨਾ ਕੀਤੀ ਸੀ। ਦੇਸ਼ਮੁਖ ਸਰਕਾਰ ਵਿੱਚ ਮਾਲ ਮੰਤਰੀ
ਰਹੇ ਰਾਣੇ ਨੂੰ ਇਸ ਤੋਂ ਬਾਅਦ ਪਾਰਟੀ ਤੋਂ ਮੁਅੱਤਲ ਕਰ ਦਿੱਤਾ ਗਿਆ ਸੀ।
ਡਾਲਰ ਮੁਕਾਬਲੇ ਰੁਪਏ 'ਚ ਮਜ਼ਬੂਤੀ
ਮੁੰਬਈ, ਸੋਮਵਾਰ, 5 ਜਨਵਰੀ 2009
ਸਰਕਾਰੀ ਰਾਹਤ ਪੈਕੇਜ ਕਾਰਣ ਸ਼ੇਅਰ ਬਜ਼ਾਰਾਂ ਵਿਚ ਤੇਜ਼ੀ ਦੀ ਆਸ ਵਿਚਕਾਰ ਡਾਲਰ
ਮੁਕਾਬਲੇ ਰੁਪੱਈਆ 38 ਪੈਸੇ ਦੀ ਮਜ਼ਬੂਤੀ ਨਾਲ ਖੁੱਲਿਆ.
ਏਸ਼ੀਆਈ ਬਜ਼ਾਰਾਂ ਵਿਚ ਤੇਜ਼ੀ ਦੇ ਰੁੱਖ ਨਾਲ ਵੀ ਰੁਪਏ ਵਿਚ ਤੇਜ਼ੀ ਨੂੰ ਸਮਰਥਨ
ਮਿਲਿਆ.ਅੰਤਰ ਬੈਂਕ ਵਿਦੇਸ਼ੀ ਮੁੱਦਰਾ ਬਜ਼ਾਰ ਵਿਚ ਰੁਪੱਈਏ ਦੀ ਕੀਮਤ 38 ਪੈਸੇ ਦੀ
ਮਜ਼ਬੂਤੀ ਨਾਲ 48.20 ਰੁਪਏ ਪ੍ਰਤੀ ਡਾਲਰ ਦੇ ਪੱਧਰ ਉੱਪਰ ਪੁੱਜ ਗਈ.ਬੀਤੇ ਸੈਸ਼ਨ ਵਿਚ
ਇਹ 48.58 ਰੁਪਏ ਪ੍ਰਤੀ ਡਾਲਰ 'ਤੇ ਬੰਦ ਹੋਇਆ ਸੀ.
ਉੱਤਰ ਭਾਰਤ 'ਚ ਕੜਾਕੇ ਦੀ ਠੰਡ
ਜਾਰੀ
ਚੰਡੀਗੜ , 4 ਜਨਵਰੀ
ਪੂਰੇ ਉੱਤਰ ਭਾਰਤ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਜਾਰੀ ਕੜਾਕੇ ਦੀ ਠੰਡ ਐਤਵਾਰ
ਸਵੇਰੇ ਵੀ ਜਾਰੀ ਰਹੀ। ਕੋਹਰੇ ਦੇ ਕਾਰਨ ਸੜਕ, ਰੇਲ ਅਤੇ ਹਵਾਈ ਆਵਾਜਾਈ ਬੁਰੀ
ਤਰ੍ਹਾਂ ਪ੍ਰਭਾਵਿਤ ਹੋਏ। ਦੇਸ਼ ਭਰ ਵਿੱਚ ਤੇਜ ਠੰਡ ਨਾਲ ਮਰਨ ਵਾਲਿਆਂ ਦੀ ਸੰਖਿਆ ਵਧ
ਕੇ 50 ਹੋ ਗਈ।ਜੰਮੂ, ਸ਼ਿਮਲਾ ਆਦਿ ਸਥਾਨਾਂ ਤੇ ਅੱਜ ਸਵੇਰੇ ਬਹੁਤ ਜਿਆਦਾ ਬਰਫ਼ਬਾਰੀ
ਹੋਈ। ਦ੍ਰਿਸ਼ਟਤਾ ਦੀ ਕਮੀ ਨਾਲ ਇੱਥੇ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ।
ਰਾਜਧਾਨੀ ਦਿੱਲੀ ਵਿੱਚ ਲਗਾਤਾਰ ਕੜਾਕੇ ਦੀ ਠੰਡ ਪੈ ਰਹੀ ਹੈ। ਹਾਲਾਂਕਿ ਨਿਊਨਤਮ
ਤਾਪਮਾਨ 4.4 ਡਿਗਰੀ ਸੈਲਸੀਅਸ ਤੋਂ ਵਧ ਕੇ 5.4 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਇੱਥੇ ਸਾਰੇ ਸਰਕਾਰੀ ਅਤੇ ਨਿੱਜੀ ਸਕੂਲਾਂ ਨੂੰ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ।
ਅੱਜ ਸਵੇਰੇ ਮੈਦਾਨ ਵਿੱਚ ਛਾਈ ਧੁੰਫ ਦੇ ਕਾਰਨ ਦਿੱਲੀ ਤੋਂ ਜਾਣ ਵਾਲੀਆਂ 10 ਉਡਾਨਾਂ
ਰੱਦ ਹੋ ਗਈਆਂ ਅਤੇ ਪੰਜ ਹੋਰ ਲੇਟ ਹਨ। ਰੇਲ ਯਾਤਰੀ ਵੀ ਕਈ ਟ੍ਰੇਨਾਂ ਦੇ ਰੱਦ ਹੋਣ
ਨਾਲ ਪਰੇਸ਼ਾਨ ਰਹੇ। ਕੁਝ ਟ੍ਰੇਨਾਂ ਸਮੇਂ ਤੋਂ ਘੰਟਿਆਂ ਲੇਟ ਚੱਲ ਰਹੀਆਂ ਹਨ। ਮੌਸਮ
ਵਿਭਾਗ ਦੇ ਅਨੁਸਾਰ ਕੜਾਕੇ ਦੀ ਠੰਡ ਦੇ ਕਾਰਨ ਹੁਣ ਤੱਕ ਦੇਸ਼ ਭਰ ਵਿੱਚ ਘੱਟ ਤੋਂ ਘੱਟ
50 ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ, ਜਿਸ ਵਿੱਚ ਸਭ ਤੋਂ ਜਿਆਦਾ 25 ਮੌਤਾਂ
ਉੱਤਰਪ੍ਰਦੇਸ਼ ਵਿੱਚ ਹੋਈਆਂ ਹਨ।
ਪੰਜਾਬ ਦੇ ਜਲੰਧਰ ਜਿਲ੍ਹੇ ਦੇ ਆਦਮਪੁਰ ਮੌਸਮ ਕੇਂਦਰ ਤੋਂ ਪ੍ਰਾਪਤ ਸੂਚਨਾ ਦੇ
ਅਨੁਸਾਰ ਜਲੰਧਰ ਵਿੱਚ ਨਿਊਨਤਮ ਤਾਪਮਾਨ 2.8 ਡਿਗਰੀ ਸੈਲਸੀਅਸ, ਲੁਧਿਆਣਾ ਵਿੱਚ 4.8
ਡਿਗਰੀ ਸੈਲਸੀਅਸ, ਪਠਾਨਕੋਟ ਵਿੱਚ 5.6 ਡਿਗਰੀ ਸੈਲਸੀਅਸ ਅਤੇ ਚੰਡੀਗੜ ਵਿੱਚ 6.8
ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਵਿਚਾਰ ਮੰਚ ਹੋਵੇਗਾ ਗੁਜਰਾਤ
ਸੰਮੇਲਨ
ਅਹਿਮਦਾਬਾਦ , 4 ਜਨਵਰੀ
ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਹੈ ਕਿ ਇਸ ਮਹੀਨੇ ਹੋਣ ਵਾਲਾ
ਵਿਸ਼ਵ ਨਿਵੇਸ਼ਕ ਸੰਮੇਲਨ ਵਾਈਬਰੇਂਟ ਗੁਜਰਾਤ 2009 ਭਾਰਤੀ ਉਦਯੋਗ ਜਗਤ ਦੇ ਲਈ
ਕੌਮਾਂਤਰੀ ਮੰਦੀ ਨਾਲ ਨਜਿੱਠਣ ਦੇ ਉਪਰਾਲਿਆਂ ਉੱਤੇ ਵਿਚਾਰ ਵਟਾਂਦਰੇ ਲਈ ਚੰਗਾ ਮੰਚ
ਸਾਬਿਤ ਹੋਵੇਗਾ. ਗੁਜਰਾਤ ਸਰਕਾਰ ਨਿਵੇਸ਼ਕਾਂ ਨੂੰ ਆਕਰਸ਼ਿਤ ਕਰਨ ਅਤੇ ਬਰਾਂਡ ਗੁਜਰਾਤ
ਦੇ ਉਤਸ਼ਾਹ ਦੇ ਲਈ ਇਹ ਆਯੋਜਨ ਕਰਦੀ ਹੈ. ਸੰਮੇਲਨ 12 ਜਨਵਰੀ ਤੋਂ ਸ਼ੁਰੂ ਹੋਵੇਗਾ. ਇਸ
ਸੰਮੇਲਨ ਵਿੱਚ ਜਪਾਨ ਹਿੱਸੇਦਾਰ ਦੇਸ਼ ਬਣਿਆ ਹੈ. ਉਹਨਾਂ ਨੇ ਕਿਹਾ ਕਿ ਦੇਸ਼ ਦੇ
ਉਦਯੋਗਪਤੀਆਂ ਦੇ ਲਈ ਕੌਮਾਂਤਰੀ ਮੰਦੀ ਦੇ ਵਿਚਕਾਰ ਦੇਸ਼ ਨੂੰ ਅੱਗੇ ਲੈਕੇ ਜਾਣ ਦੇ
ਉਪਰਾਲਿਆਂ ਉੱਤੇ ਵਿਚਾਰ ਵਟਾਂਦਰਾ ਕਰਨ ਦਾ ਇਹ ਸੰਮੇਲਨ ਇੱਕ ਉੱਚਿਤ ਮੰਚ ਸਾਬਿਤ
ਹੋਵੇਗਾ. ਕਠਿਨ ਮਾਹੌਲ ਵਿੱਚ ਇਸ ਸ਼ਿਖਰ ਸੰਮੇਲਨ ਦਾ ਮਹੱਤਵ ਹੋਰ ਵੱਧ ਗਿਆ ਹੈ
ਕਿਉਂਕਿ ਇਹ ਅਨੁਭਵ ਨੂੰ ਵੰਡਣ ਦਾ ਮੰਚ ਪ੍ਰਦਾਨ ਕਰੇਗਾ. ਮੋਦੀ ਨੇ ਕਿਹਾ ਕਿ ਟਾਟਾ
ਦੀ ਨੈਨੋ ਕਾਰ ਪ੍ਰੋਜੈਕਟ ਦੇ ਗੁਜਰਾਤ ਆਉਣ ਨੂੰ ਰਾਜ ਦੇ ਲਈ ਸਭ ਤੋਂ ਮਹੱਤਵਪੂਰਨ
ਘਟਨਾ ਕਰਾਰ ਦੇਣਾ ਗੁਜਰਾਤ ਦੇ ਨਾਲ ਅਨਿਆਂ ਹੋਵੇਗਾ.
ਲਾਲੂ ਪੜ੍ਹਾਉਣਗੇ ਜਪਾਨੀ ਵਿੱਦਿਆਰਥੀਆਂ ਨੂੰ
ਪਟਨਾ , 4 ਜਨਵਰੀ
ਭਾਰਤੀ ਪ੍ਰਬੰਧਨ ਸੰਸਥਾਨ ਅਹਿਮਦਾਬਾਦ ਅਤੇ ਹਾਰਵਰਡ ਯੂਨੀਵਰਸਿਟੀ ਦੇ ਵਿੱਦਿਆਰਥੀਆਂ
ਨੂੰ ਪੜ੍ਹਾਉਣ ਦੇ ਬਾਅਦ ਰੇਲ ਮੰਤਰੀ ਲਾਲੂ ਪ੍ਰਸਾਦ ਭਾਰਤੀ ਰੇਲ ਦੀ ਕਾਇਆਕਲਪ ਦੇ
ਬਾਰੇ ਹੁਣ ਜਪਾਨੀ ਵਿੱਦਿਆਰਥੀਆਂ ਨੂੰ ਗਿਆਨ ਦੇਣਗੇ. ਰੇਲ ਮੰਤਰੀ ਪਾਰਟੀ ਰਾਸ਼ਟਰੀ
ਜਨਤਾ ਦਲ ਦੇ ਬੁਲਾਰੇ ਸ਼ਿਆਮ ਰਜਕ ਨੇ ਦੱਸਿਆ ਲਾਲੂ ਜਪਾਨ ਸਰਕਾਰ ਦੇ ਸੱਦੇ ਉੱਤੇ 11
ਜਨਵਰੀ ਨੂੰ 10 ਦਿਨਾ ਯਾਤਰਾ ਉੱਤੇ ਰਵਾਨਾ ਹੋਣਗੇ. ਰਜਕ ਨੇ ਕਿਹਾ ਕਿ ਉੱਥੇ ਦੀ ਰੇਲ
ਵਿਵਸਥਾ ਦਾ ਅਧਿਐਨ ਕਰਨ ਦੇ ਇਲਾਵਾ ਲਾਲੂ ਟੋਕੀਓ ਸਮੇਤ ਕਈ ਯੂਨੀਵਰਸਿਟੀਆਂ ਵਿੱਚ
ਲੈਕਚਰ ਵੀ ਦੇਣਗੇ.
ਅੱਤਵਾਦੀ ਟਿਕਾਣੇ ਤਬਾਹ ਕਰੋ : ਕਲਾਮ
ਹਮੀਰਪੁਰ, 4 ਜਨਵਰੀ
ਸਾਬਕਾ ਰਾਸ਼ਟਰਪਤੀ ਏਪੀਜੇ ਅੱਬਦੁੱਲ ਕਲਾਮ ਨੇ ਅੱਤਵਾਦ ਦੇ ਨਾਲ ਲੜ੍ਹਨ ਲਈ ਤਿੰਨ
ਰਣਨੀਤੀਆਂ ਦੀ ਵਕਾਲਤ ਕੀਤੀ, ਜਿਸ ਵਿੱਚ ਦੇਸ਼ ਦੇ ਅੰਦਰ ਅਤੇ ਬਾਹਰ ਸਥਿਤ ਅੱਤਵਾਦੀ
ਟਿਕਾਣਿਆਂ ਉੱਤੇ ਛਾਪਾ ਮਾਰਕੇ ਉਹਨਾਂ ਨੂੰ ਤਬਾਹ ਕਰਨਾ ਸ਼ਾਮਲ ਹੈ. ਵਿੱਦਿਆਰਥੀਆਂ ਦੇ
ਨਾਲ ਗੱਲਬਾਤ ਕਰਦੇ ਹੋਏ ਉਹਨਾਂ ਨੇ ਕਿਹਾ ਕਿ ਅੱਤਵਾਦੀ ਖ਼ਤਰਿਆਂ ਨਾਲ ਨਜਿੱਠਣ ਦੇ ਲਈ
ਸਭ ਤੋਂ ਪਹਿਲਾਂ ਇੱਕ ਵਿਆਪਕ ਰਾਸ਼ਟਰੀ ਅਭਿਆਨ ਚਲਾਉਣ ਦੀ ਜ਼ਰੂਰਤ ਹੈ, ਜਿਸ ਵਿੱਚ
ਹਰੇਕ ਨਾਗਰਿਕ ਨੂੰ ਸ਼ਾਮਲ ਕੀਤਾ ਜਾਵੇ. ਕਲਾਮ ਨੇ ਕਿਹਾ ਕਿ ਇਸਦੇ ਬਾਅਦ ਦੇਸ਼ ਦੇ
ਅੰਦਰ ਅਤੇ ਬਾਹਰ ਸਥਿਤ ਅੱਤਵਾਦੀ ਟਿਕਾਣਿਆਂ ਉੱਤੇ ਛਾਪਾ ਮਾਰਕੇ ਉਹਨਾਂ ਨੂੰ ਨਸ਼ਟ
ਕਰਨ ਦੀ ਲੋੜ ਹੈ. ਉਹਨਾਂ ਨੇ ਕਿਹਾ ਕਿ ਦੇਸ਼ ਦੇ ਅੰਦਰ ਅਤੇ ਬਾਹਰ ਸਥਿਤ ਅੱਤਵਾਦੀ
ਟਿਕਾਣਿਆਂ ਨੂੰ ਤਬਾਹ ਕਰਕੇ ਅੱਤਵਾਦ ਨੂੰ ਖ਼ਤਮ ਕੀਤਾ ਜਾ ਸਕਦਾ ਹੈ.
ਚਿਦੰਬਰਮ ਨੇ ਲਤਾੜੀ ਅਸਾਮ ਸਰਕਾਰ
ਗੁਹਾਟੀ, 4 ਜਨਵਰੀ
ਅਸਮਾ ਵਿਚ ਅੱਤਵਾਦ ਨਾਲ ਨਜਿੱਠਣ ਦੀ ਲੜ੍ਹੀ ਵਿਚ ਵਾਰ-ਵਾਰ ਸਿਆਸੀ ਦਖਲ ਅੰਦਾਜੀ ਤੋਂ
ਨਾਰਾਜ਼ ਕੇਂਦਰੀ ਗ੍ਰਹਿ ਮੰਤਰੀ ਪੀ.ਚਿਦੰਬਰਮ ਨੇ ਰਾਜ ਸਰਕਾਰ ਨੂੰ ਲਤਾੜ
ਲਗਾਈ.ਏਕੀਕ੍ਰਿਤ ਕਮਾਨ ਦੀ ਸ਼ਨੀਵਾਰ ਨੂੰ ਹੋਈ ਬੈਠਕ ਵਿਚ ਮੌਜੂਦਾ ਸੂਤਰਾਂ ਮੁਤਾਬਕ
ਇਸ ਦੌਰਾਨ ਅਨੇਕ ਮੌਕਿਆਂ ਉੱਪਰ ਗ੍ਰਹਿ ਮੰਤਰੀ ਸਿਆਸੀ ਦਖਲ ਅੰਦਾਜੀ ਉੱਪਰ ਨਾਰਾਜ਼
ਵਿਖਾਈ ਦਿੱਤੇ.ਬੈਠਕ ਮਗਰੋਂ ਪੱਤਰਕਾਰਾਂ ਸਾਹਮਣੇ ਚਿਦੰਬਰਮ ਨੇ ਮੁੱਖ ਮੰਤਰੀ ਤਰੁਣ
ਗੋਗੋਈ ਨੂੰ ਕਿਹਾ ਕਿ ਉਹ ਸਿਰਫ ਵਿਕਾਸ ਵੱਲ ਹੀ ਧਿਆਨ ਦੇਣ ਅਤੇ ਅੱਤਵਾਦ ਨਾਲ
ਨਜਿੱਠਣ ਦਾ ਕੰਮ ਰੱਖਿਆ ਬਲਾਂ ਦੇ ਜੁੰਮੇ ਹੀ ਰਹਿਣ ਦੇਣ.ਜ਼ਿਕਰਯੋਗ ਹੈ ਕਿ ਅਸਾਮ
ਸਰਕਾਰ ਉੱਪਰ ਅਕਸਰ ਇਹ ਆਰੋਪ ਲੱਗਦੇ ਰਹੇ ਹਨ ਕਿ ਉਹ ਚੌਣ ਫਾਇਦੇ ਲਈ ਸਿਆਸੀ ਸ਼ਾਂਤੀ
ਦਾ ਦਿਖਾਵਾ ਕਰਦੀ ਹੈ.
ਉਮਰ ਦੇ ਅੱਗੇ ਕਈ ਚੁਨੌਤੀਆਂ
ਜੰਮੂ , ਸ਼ਨਿਵਾਰ, 3 ਜਨਵਰੀ 2009
ਨੈਸ਼ਨਲ ਕਾਨਫਰੰਸ ਦੇ ਪ੍ਰਮੁੱਖ ਅਤੇ ਜੰਮੂ ਕਸ਼ਮੀਰ ਦੇ ਅਗਲੇ ਮੁੱਖ ਮੰਤਰੀ ਉਮਰ
ਅੱਬਦੁੱਲਾ ਦੀ ਰਾਹ ਸੌਖੀ ਨਹੀਂ ਹੈ, ਕਿਉਂਕਿ ਉਹਨਾਂ ਨੂੰ ਅੱਤਵਾਦ ਅਤੇ ਸ਼ਹਿਰੀ ਅਤੇ
ਪੇਂਡੂ ਖੇਤਰਾਂ ਦੇ ਵਿਚਾਲੇ ਵੱਧ ਰਹੀ ਖਾਈ ਵਰਗੀਆਂ ਚੁਨੌਤੀਆਂ ਤੋਂ ਪਾਰ ਪਾਉਣਾ
ਹੋਵੇਗਾ. ਅੱਬਦੁੱਲਾ ਪਰਿਵਾਰ ਦੀ ਤੀਜੀ ਪੀੜ੍ਹੀ ਦੇ ਉਮਰ ਇਸ ਸੀਮਾਵਰਤੀ ਰਾਜ ਦੇ ਸਭ
ਤੋਂ ਨੌਜਵਾਨ ਮੁੱਖ ਮੰਤਰੀ ਹੋਣਗੇ. ਉਹਨਾਂ ਤੋਂ ਲੋਕਾਂ ਨੂੰ ਕਾਫੀ ਉਮੀਦਾਂ ਹਨ,
ਹਾਲਾਂਕਿ ਉਹਨਾਂ ਨੂੰ ਪੀਪੁਲਜ਼ ਡੈਮੋਕ੍ਰੇਟਿਕ ਪਾਰਟੀ ਅਤੇ ਭਾਜਪਾ ਦੇ ਵਿਰੋਧ ਦਾ ਵੀ
ਸਾਹਮਣਾ ਕਰਨਾ ਹੋਵੇਗਾ. ਰਾਜਨੀਤਕ ਵਿਸ਼ਲੇਸ਼ਕਾਂ ਦੇ ਅਨੁਸਾਰ 38 ਸਾਲਾ ਉਮਰ ਸੰਭਵਤ
ਪਹਿਲੇ ਮੁੱਖ ਮੰਤਰੀ ਹੋਣਗੇ, ਜਿਹਨਾਂ ਨੂੰ ਰਾਜ 'ਚ ਵੱਧ ਰਹੀ ਖੇਤਰੀ ਖਾਈ ਵਰਗੀ
ਚੁਨੌਤੀ ਨਾਲ ਨਜਿੱਠਣਾ ਹੋਵੇਗਾ. ਇਸਦੇ ਪਹਿਲਾਂ ਉਹਨਾਂ ਦੇ ਪਿਤਾ ਫਾਰੂਕ ਅੱਬਦੁੱਲਾ
ਅਤੇ ਦਾਦਾ ਸ਼ੇਖ ਅੱਬਦੁੱਲਾ ਸਮੇਤ ਕਿਸੇ ਹੋਰ ਨੂੰ ਅਜਿਹੀ ਸਥਿਤੀ 'ਚੋਂ ਗੁੱਜਰਨਾ
ਨਹੀਂ ਪਿਆ. ਰਾਸ਼ਟਰੀ ਗਿਆਨ ਆਯੋਗ ਦੇ ਮੈਂਬਰ ਅਤੇ ਜੰਮੂ ਯੂਨੀਵਰਸਿਟੀ ਦੇ ਸਾਬਕਾ
ਕੁਲਪਤੀ ਪ੍ਰੋ.ਅਮਿਤਾਭ ਮੱਟੂ ਨੇ ਭਾਸ਼ਾ ਨੂੰ ਦੱਸਿਆ ਕਿ ਚੌਣ ਦੇ ਨਤੀਜੇ ਦਰਸਾਉਂਦੇ
ਹਨ ਕਿ ਦੋ ਮਹੀਨਿਆਂ ਤੱਕ ਚੱਲੇ ਅਮਰਨਾਥ ਯਾਤਰਾ ਭੂਮੀ ਵਿਵਾਦ ਨੂੰ ਲੈਕੇ ਖੇਤਰਾਂ ਦੇ
ਵਿਚਕਾਰ ਖਾਈ ਪੈਦਾ ਹੋ ਗਈ ਹੈ. ਵਿਭਾਜਨਕਾਰੀ ਰਾਜਨੀਤੀ ਨੇ ਦੱਖਣ ਅਤੇ ਮੱਧ ਕਸ਼ਮੀਰ
ਨੂੰ ਨਗਰ (ਨੈਸ਼ਨਲ ਕਾਨਫਰੰਸ) ਅਤੇ ਗ੍ਰਾਮੀਣ (ਪੀਡੀਪੀ) ਦੀ ਤਰਜ ਉੱਤੇ ਵੰਡ ਦਿੱਤਾ
ਹੈ.
ਅਪਰਾਧੀ ਸੌਂਪੇ ਪਾਕਿ:ਮਨਮੋਹਨ
ਸ਼ਿਲਾਂਗ, ਸ਼ਨਿਵਾਰ, 3 ਜਨਵਰੀ 2009
ਭਾਰਤ ਨੂੰ ਕਿਸੇ ਵੀ ਲੋੜੀਂਦੇ ਅਪਰਾਧੀ ਨੂੰ ਸੌਂਪਣ ਤੋਂ ਪਾਕਿਸਤਾਨ ਦੇ ਇਨਕਾਰ ਦੇ
ਬਾਵਜੂਦ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਇੱਥੇ ਪਾਕਿਸਤਾਨ ਨੂੰ ਕਿਹਾ ਕਿ ਉਹ ਹਮਲੇ
ਲਈ ਜੁੰਮੇਵਾਰ ਅਪਰਾਧੀਆਂ ਨੂੰ ਸੌਂਪੇ ਤਾਂ ਜੋ ਉਹਨਾਂ ਖਿਲਾਫ ਇੱਥੇ ਮੁਕੱਦਮਾ ਚਲਾਇਆ
ਜਾ ਸਕੇ.ਉਹਨਾਂ ਆਸ ਜਾਹਰ ਕੀਤੀ ਕਿ ਬੰਗਲਾਦੇਸ਼ ਦੀ ਨਵੀਂ ਸਰਕਾਰ ਅੱਤਵਾਦੀਆਂ ਨੂੰ
ਆਪਣੀ ਜਮੀਨ ਦੀ ਵਰਤੋਂ ਖਿਲਾਫ ਅਤੇ ਖਾਸ ਤੌਰ ਉੱਪਰ ਪੂਰਬ ਉੱਤਰ ਵਿਚ ਸਰਗਰਮੀਆਂ
ਚਲਾਉਣ ਦੀ ਇਜ਼ਾਜ਼ਤ ਨਹੀਂ ਦੇਵੇਗੀ.ਸਿੰਘ ਨੇ ਆਸ ਜਾਹਰ ਕੀਤੀ ਕਿ ਪਾਕਿਸਤਾਨੀ ਆਗੂਆਂ
ਨੂੰ ਅਕਲ ਆਵੇਗੀ ਅਤੇ ਉਹ ਮੁੰਬਈ ਵਿਚ ਹੋਏ ਅੱਤਵਾਦੀ ਹਮਲੇ ਲਈ ਜੁੰਮੇਵਾਰ ਲੋਕਾਂ
ਨੂੰ ਕਟਿਹਰੇ ਵਿਚ ਲਿਆਉਣ ਨੂੰ ਮਾਣਤਾ ਦੇਵੇਗਾ.ਸਾਲਾਨਾ ਵਿਗਿਆਨ ਕਾਂਗਰਸ ਦਾ ਇੱਥੇ
ਉਦਘਾਟਨ ਕਰਨ ਮਗਰੋਂ ਪ੍ਰਧਾਨ ਮੰਤਰੀ ਨੇ ਇੱਥੇ ਪੱਤਰਕਾਰ ਸੰਮੇਲਨ ਵਿਚ ਕਿਹਾ ਕਿ
ਸਾਰੇ ਸੱਭਿਅਕ ਦੇਸ਼ਾਂ ਦੀ ਮੰਗ ਉੱਪਰ ਮੁੰਬਈ ਹਮਲੇ ਦੇ ਸਾਜਿਸ਼ਕਾਰਾਂ ਨੂੰ ਕਟਿਹਰੇ
ਵਿਚ ਲਿਆਉਣ ਲਈ ਪਾਕਿਸਤਾਨ ਨੂੰ ਕਾਰਵਾਈ ਕਰਨੀ ਹੀ ਪਵੇਗੀ.ਮੈਨੂੰ ਆਸ ਹੈ ਕਿ ਇਹ
ਅਪਰਾਧੀ ਸਾਨੂੰ ਸੌਂਪੇ ਜਾਣਗੇ ਤਾਂ ਜੋ ਉਹਨਾਂ ਖਿਲਾਫ ਮੁਕੱਦਮਾ ਚਲਾਇਆ ਜਾਵੇਗਾ.
ਮਣੀਪੁਰ 'ਚ 4 ਅੱਤਵਾਦੀ ਹਲਾਕ
ਇੰਫਾਲ, ਸ਼ਨਿਵਾਰ, 3 ਜਨਵਰੀ 2009
ਮਣੀਪੁਰ ਦੇ ਪੂਰਬੀ ਇੰਫਾਲ ਅਤੇ ਬਿਸ਼ਨਪੁਰ ਜਿਲ੍ਹੇ ਵਿਚ ਸੁਰੱਖਿਆ ਬਲਾਂ ਨਾਲ
ਵੱਖ-ਵੱਖ ਮੁਕਾਬਲਿਆਂ ਵਿਚ ਚਾਰ ਅੱਤਵਾਦੀ ਹਲਾਕ ਹੋ ਗਏ.ਅਧਿਕਾਰਕ ਸੂਤਰਾਂ ਨੇ ਦੱਸਿਆ
ਕਿ ਪੂਰਬੀ ਇੰਫਾਲ ਜਿਇਲ੍ਹੇ ਦੇ ਸੰਜੇਨਬਮ ਪਿੰਡ ਵਿਚ ਕੁੱਝ ਅੱਤਵਾਦੀਆਂ ਦੇ ਹੋਣ ਦੀ
ਸੂਚਨਾ ਮਿਲਣ ਮਗਰੋਂ ਪੁਲਿਸ ਅਤੇ ਅਸਾਮ ਰਾਇਫਲਸ ਦੇ ਜਵਾਨਾਂ ਦੀ ਇੱਕ ਸੰਯੁਕਤ ਟੀਮ
ਨੇ ਇਲਾਕੇ ਵਿਚ ਛਾਪੇਮਾਰੀ ਕੀਤੀ.ਸੁਰੱਖਿਆ ਬਲਾਂ ਦੀ ਤਲਾਸ਼ੀ ਦੌਰਾਨ ਅੱਤਵਾਦੀਆਂ ਨੇ
ਜਵਾਨਾਂ ਉੱਪਰ ਗੋਲੀਬਾਰੀ ਕੀਤੀ ਜਿਸ ਤੋਂ ਮਗਰੋਂ ਜਵਾਬੀ ਕਾਰਵਾਈ ਵਿਚ ਇੱਕ ਅਣਪਛਾਤਾ
ਅੱਤਵਾਦੀ ਹਲਾਕ ਹੋ ਗਿਆ ਜਦੋਂ ਕਿ ਹੋਰ ਫਰਾਰ ਹੋ ਗਏ.ਇੱਕ ਹੋਰ ਘਟਨਾ ਵਿਚ ਬੀਤੇ
ਕੱਲ੍ਹ ਬਿਸ਼ਨਪੁਰ ਜਿਲ੍ਹੇ ਦੇ ਪੋਤਸੰਗਬਮ ਇਲਾਕੇ ਵਿਚ ਸੁਰੱਖਿਆ ਬਲਾਂ ਨੇ ਇੱਕ
ਮੁਕਾਬਲੇ ਵਿਚ ਦੋ ਅੱਤਵਾਦੀਆਂ ਨੂੰ ਹਲਾਕ ਕਰ ਦਿੱਤਾ ਅਤੇ 9 ਐਮਐਮ ਦੀ ਇੱਕ ਪਿਸਤੌਲ
ਅਤੇ ਕਈ ਗੋਲੀਆਂ ਅਤੇ ਦੋ ਗ੍ਰੇਨੇਡ ਮੌਕੇ ਤੋਂ ਜ਼ਬਤ ਕੀਤੇ.ਸੂਤਰਾਂ ਮੁਤਾਬਕ ਇਸੇ
ਜਿਲ੍ਹੇ ਦੇ ਕੁੰਬੀ ਇਲਾਕੇ ਵਿਚ ਬੀਤੇ ਕੱਲ੍ਹ ਇੱਕ ਹੋਰ ਅੱਤਵਾਦੀ ਹਲਾਕ ਹੋ
ਗਿਆ.ਮੌਕੇ ਤੋਂ ਇੱਕ ਪਿਸਤੌਲ ਅਤੇ ਕਈ ਗੋਲੀਆਂ ਬਰਾਮਦ ਕੀਤੀਆਂ ਗਈਆਂ.
ਇੰਜਨੀਅਰ ਕਤਲਕਾਂਡ, ਆਰੋਪ ਪੱਤਰ ਦਾਖਲ
ਲਖਨਊ, ਸ਼ਨਿਵਾਰ, 3 ਜਨਵਰੀ 2009
ਓਰੈਯਾ ਵਿਖੇ ਪੀਡਬਲਿਊਡੀ ਦੇ ਕਾਰਜਕਾਰੀ ਇੰਜਨੀਅਰ ਮਨੋਜ ਕੁਮਾਰ ਗੁਪਤਾ ਕਤਲਕਾਂਡ
ਵਿਚ ਪੁਲਿਸ ਨੇ ਅਦਾਲਤ ਵਿਚ ਆਰੋਪ ਪੱਤਰ ਦਾਖਲ ਕਰ ਦਿੱਤਾ ਜਿਸ ਵਿਚ ਬਸਪਾ ਵਿਧਾਇਕ
ਸ਼ੇਖਰ ਤਿਵਾਰੀ ਸਮੇਤ 10 ਲੋਕਾਂ ਨੂੰ ਆਰੋਪੀ ਬਣਾਇਆ ਗਿਆ ਹੈ.ਰਾਜ ਦੇ ਡੀਜੀ ਵਿਕ੍ਰਮ
ਸਿੰਘ ਨੇ ਇੱਥੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਪੁਲਿਸ ਵੱਲੋਂ ਅਦਾਲਤ ਵਿਚ ਦਾਖਲ ਕੀਤੇ
ਗਏ ਆਰੋਪ ਪੱਤਰ ਵਿਚ ਬਸਪਾ ਵਿਧਾਇਕ ਸ਼ੇਖਰ ਤਿਵਾਰੀ, ਦਿਬੀਆਪੁਰ ਦੇ ਬਰਖਾਸਤ ਥਾਣਾ
ਮੁਖੀ ਹੁਸ਼ਿਆਰ ਸਿੰਘ, ਯੋਗਿੰਦਰ ਦੋਹਰੇ ਉਰਫ ਭਾਟੀਆ, ਵਿਜੇ ਤਿਵਾਰੀ, ਰਾਮ ਬਾਬੂ ਉਰਫ
ਪੁੱਤੀ ਪਾਲ ਸਿੰਘ(ਗੰਨਰ), ਗਜਰਾਜ ਸਿੰਘ(ਗੰਨਰ), ਦਵਿੰਦਰ ਅਤੇ ਸੰਤੋਸ਼ ਸ਼ਾਮਲ
ਹਨ.ਉਹਨਾਂ ਦੱਸਿਆ ਕਿ ਇਸ ਮਾਮਲੇ ਵਿਚ ਵਿਧਾਇਕ ਤਿਵਾਰੀ ਦੀ ਪਤਨੀ ਵਿਭਾ ਤਿਵਾਰੀ
ਸਮੇਤ 5 ਲੋਕਾਂ ਨੂੰ ਸਾਜਿਸ਼ ਵਿਚ ਸ਼ਾਮਲ ਹੋਣ ਦਾ ਆਰੋਪੀ ਬਣਾਇਆ ਗਿਆ ਹੈ.ਪੁਲਿਸ ਮੁਖੀ
ਨੇ ਇੰਜਨੀਅਰ ਕਤਲਕਾਂਡ ਦਾ ਵੇਰਵਾ ਦਿੰਦਿਆਂ ਦੱਸਿਆ ਕਿ ਇੰਜਨੀਅਰ ਗੁਪਤਾ ਦਾ ਕਤਲ
ਸਿਆਸੀ ਸਾਜਿਸ਼ ਅਧੀਨ ਨਹੀਂ ਸਗੋਂ ਵਿਧਾਇਕ ਤਿਵਾਰੀ ਆਪਣੇ ਕੁੱਝ ਸਹਿਯੋਗੀਆਂ ਨੂੰ
ਨਜਾਇਜ ਤੌਰ ਉੱਪਰ ਠੇਕਾ ਦੁਆਉਣਾ ਚਾਹੁੰਦਾ ਸੀ.ਇਸ ਦੇ ਨਾਲ ਹੀ ਗੁਪਤਾ ਤੋਂ ਪਹਿਲਾਂ
ਦੇ ਇੰਜਨੀਅਰ ਵਿਧਾਇਕ ਨੂੰ 50 ਤੋਂ 75 ਰੁਪਏ ਦਿੰਦੇ ਸਨ ਜੋ ਗੁਪਤਾ ਨੇ ਦੇਣ ਤੋਂ
ਇਨਕਾਰ ਕਰ ਦਿੱਤਾ ਸੀ ਜਿਸ ਕਾਰਣ ਗੁਪਤਾ ਦਾ ਕਤਲ ਕਰ ਦਿੱਤਾ ਗਿਆ.
ਪੁੰਛ 'ਚ ਮੁਕਾਬਲਾ ਜ਼ਾਰੀ,ਜਵਾਨ ਸ਼ਹੀਦ
ਪੁੰਛ, ਸ਼ਨਿਵਾਰ, 3 ਜਨਵਰੀ 2009
ਜੰਮੂ-ਕਸ਼ਮੀਰ ਦੇ ਪੁੰਛ ਜਿਲ੍ਹੇ ਵਿਚ ਬੀਤੀ ਦੇਰ ਰਾਤ ਤੋਂ ਜਾਰੀ ਮੁਕਾਬਲੇ ਵਿਚ ਇੱਕ
ਪੁਲਿਸ ਜਵਾਨ ਦੀ ਮੌਤ ਹੋ ਗਈ.ਵੀਰਵਾਰ ਸ਼ਾਮ ਨੂੰ ਸ਼ੁਰੂ ਹੋਏ ਮੁਕਾਬਲੇ ਵਿਚ ਹੁਣ ਤੱਕ
ਚਾਰ ਅੱਤਵਾਦੀ ਹਲਾਕ ਹੋਏ ਹਨ.ਇਸ ਵਿਚ ਦੋ ਫੌਜੀ ਸ਼ਹੀਦ ਵੀ ਹੋ ਚੁੱਕੇ ਹਨ.ਰੱਖਿਆ
ਸੂਤਰਾਂ ਮੁਤਾਬਕ ਪੁੰਛ ਜਿਲ੍ਹੇ ਦੇ ਮੇਂਢਰ ਦੇ ਜੰਗਲਾਂ ਵਿਚ ਜਾਰੀ ਮੁਕਾਬਲੇ ਦੌਰਾਨ
ਰੱਖਿਆ ਬਲਾਂ ਨੇ ਪੂਰਾ ਇਲਾਕਾ ਘੇਰ ਲਿਆ ਹੈ.ਕਾਰਵਾਈ ਦੌਰਾਨ ਵਿਸ਼ੇਸ਼ ਪੁਲਿਸ ਅਧਿਕਾਰੀ
ਨਰੇਸ਼ ਕੁਮਾਰ ਸ਼ਹੀਦ ਹੋ ਗਿਆ.ਪੁਲਿਸ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਵੀਰਵਾਰ ਨੂੰ
ਮੁਕਾਬਲਾ ਉਸ ਵੇਲ੍ਹੇ ਸ਼ੁਰੂ ਹੋਇਆ ਜਦੋਂ ਅੱਤਵਾਦੀਆਂ ਦੀ ਮੌਜੂਦਗੀ ਸੰਬੰਧੀ ਖੂਫੀਆ
ਜਾਣਕਾਰੀ ਮਿਲਣ ਮਗਰੋਂ ਸੈਨਾ ਦੇ ਜਵਾਨਾਂ ਅਤੇ ਵਿਸ਼ੇਸ਼ ਮੁਹਿੰਮ ਦਸਤੇ ਨੇ ਰਾਜ ਪੁਲਿਸ
ਦੀ ਮਦੱਦ ਨਾਲ ਤਲਾਸ਼ੀ ਮੁਹਿੰਮ ਚਲਾਈ.ਸੁਰੱਖਿਆ ਬਲਾਂ ਨੂੰ ਸ਼ੱਕ ਹੈ ਕਿ ਜੰਗਲਾਂ ਵਿਚ
ਛੇ ਤੋਂ ਦੱਸ ਤੱਕ ਅੱਤਵਾਦੀ ਲੁੱਕੇ ਹੋਏ ਹਨ.
ਕੋਲਕਾਤਾ 'ਚ ਹਿੰਸਾ, ਤਿੰਨ ਬੱਸਾਂ ਫੂਕੀਆਂ
ਕੋਲਕਾਤਾ , ਸ਼ਨਿਵਾਰ, 3 ਜਨਵਰੀ 2009
ਤ੍ਰਿਣਮੂਲ ਕਾਂਗਰਸ ਸਮਰੱਥਕ ਆਟੋ ਰਿਕਸ਼ਾ ਓਪਰੇਟਰਾਂ ਨੇ ਅੱਜ ਦੱਖਣੀ ਕੋਲਕਾਤਾ ਦੇ
ਪਾਰਕ ਸਰਕਸ ਇਲਾਕੇ 'ਚ ਤਿੰਨ ਬੱਸਾਂ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਅਤੇ ਕਈ ਹੋਰ
ਵਾਹਨਾਂ ਨੂੰ ਨੁਕਸਾਨ ਪਹੁੰਚਾਇਆ. ਜਿਕਰਯੋਗ ਹੈ ਕਿ ਕੋਲਕਾਤਾ ਉੱਚ ਅਦਾਲਤ ਦੁਆਰਾ
ਇੱਕ ਜਨਵਰੀ ਤੋਂ ਵਾਤਾਵਰਨ ਪ੍ਰਦੂਸ਼ਨ ਦੇ ਮੱਦੇਨਜਰ ਦੋ ਸਟ੍ਰੋਕ ਤਿੰਨ-ਟਾਇਰਾ ਵਾਹਨਾਂ
ਉੱਤੇ ਪਾਬੰਦੀ ਲਗਾ ਦਿੱਤੇ ਜਾਣ ਨਾਲ ਇਹ ਆਟੋ ਰਿਕਸ਼ਾ ਓਪਰੇਟਰ ਦੁੱਖੀ ਹਨ. ਕਾਫੀ
ਸੰਖਿਆ ਵਿੱਚ ਮੌਜੂਦ ਪੁਲਿਸ ਬਲ ਨੂੰ ਭੜ੍ਹਕੇ ਹੋਏ ਆਟੋ ਰਿਕਸ਼ਾ ਓਪਰੇਟਰਾਂ ਨੂੰ ਕਾਬੂ
ਕਰਨ ਵਿੱਚ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ. ਚਸ਼ਮਦੀਦ ਗਵਾਹਾਂ ਦੇ ਮੁਤਾਬਕ ਇਹਨਾਂ
ਆਟੋ-ਰਿਕਸ਼ਾ ਓਪਰੇਟਰਾਂ ਨੇ ਨਾ ਸਗੋਂ ਬੱਸਾਂ ਨੂੰ ਅੱਗ ਦੇ ਹਵਾਲੇ ਕੀਤਾ ਬਲਕਿ ਹੋਰ
ਵਾਹਨਾਂ ਨੂੰ ਵੀ ਹਾਨੀ ਪਹੁੰਚਾਈ. ਇਸਦੇ ਨਾਲ ਹੀ ਉਹਨਾਂ ਨੇ ਯਾਤਰੀਆਂ ਅਤੇ ਬੱਸਾਂ
ਦੇ ਕੰਡਕਟਰਾਂ ਨਾਲ ਲੁੱਟ ਖਸੁੱਟ ਵੀ ਕੀਤੀ. ਪੁਲਿਸ ਨੇ ਦੱਸਿਆ ਕਿ ਹਾਲੇ ਤੱਕ ਇਸ
ਮਾਮਲੇ 'ਚ ਕਿਸੇ ਦੀ ਗ੍ਰਿਫ਼ਤਾਰੀ ਨਹੀਂ ਕੀਤੀ ਜਾ ਸਕੀ ਹੈ. ਪੱਛਮੀ ਬੰਗਾਲ ਦੇ ਮੁੱਖ
ਮੰਤਰੀ ਬੁੱਧਦੇਵ ਭੱਟਾਚਾਰਿਆ ਦੇ ਪਾਮ ਐਵਨਿਊ ਵਿੱਚ ਸਥਿਤ ਬੰਗਲੇ ਦੇ ਸਾਹਮਣੇ ਕੱਲ੍ਹ
ਰਾਤ ਤੋਂ ਧਰਨੇ ਉੱਤੇ ਬੈਠੀ ਤ੍ਰਿਣਮੂਲ ਕਾਂਗਰਸ ਨੇਤਾ ਮਮਤਾ ਬਨਰਜੀ ਅੱਜ ਸਵੇਰੇ
ਧਰਨੇ ਤੋਂ ਉੱਠ ਗਈ.
ਧਰਨਾ ਸਥਲ ਤੋਂ ਸਵੇਰੇ ਚਾਰ ਵੱਜੇ ਦੇ ਕਰੀਬ ਉਠਾ ਦਿੱਤੀ ਗਈ, ਮਮਤਾ ਬਨਰਜੀ ਨੇ
ਨੰਦੀਗ੍ਰਾਮ ਦੇ ਲਈ ਰਵਾਨਾ ਤੋਂ ਪਹਿਲਾਂ ਕਿਹਾ ਕਿ ਅਸੀਂ ਇਸਦਾ ਬਦਲਾ ਲਵਾਂਗੇ.
ਗ੍ਰਾਮੀਣ ਬਰਾਡ ਬੈਂਡ ਯੋਜਨਾ ਪੱਟੜੀ 'ਤੇ
ਚੈਨਈ , ਸ਼ਨਿਵਾਰ, 3 ਜਨਵਰੀ 2009
ਸਰਕਾਰੀ ਮਲਕੀਅਤ ਵਾਲੇ ਭਾਰਤ ਸੰਚਾਰ ਨਿਗਮ ਲਿਮਟਡ ਦੀ ਦੇਸ਼ ਦੇ ਗ੍ਰਾਮੀਣ ਟੈਲੀਫੋਨ
ਐਕਸਚੇਂਜਾਂ ਵਿੱਚ ਬਰਾਡ ਬੈਂਡ ਉਪਕਰਨਾਂ ਨੂੰ ਸਥਾਪਿਤ ਕਰਨ ਦੀ ਪ੍ਰਕ੍ਰਿਆ ਪੱਟੜੀ
ਉੱਤੇ ਹੈ. ਬੀਐੱਸਐੱਨਐੱਲ ਦੇ ਉੱਚ ਅਧਿਕਾਰੀ ਨੇ ਉਪਰੋਕਤ ਜਾਣਕਾਰੀ ਦਿੱਤੀ. ਉਹਨਾਂ
ਨੇ ਦੱਸਿਆ ਕਿ ਬੀਐੱਸਐੱਨਐੱਲ ਨੇ ਹੁਣ ਤੱਕ ਇਸ ਵਿੱਚ 1600 ਕਰੋੜ ਰੁਪਏ ਦਾ ਨਿਵੇਸ਼
ਕੀਤਾ ਹੈ. ਦੂਰਸੰਚਾਰ ਕੰਪਨੀ ਦੇ ਪ੍ਰਮੁੱਖ ਅਤੇ ਪ੍ਰਬੰਧ ਨਿਦੇਸ਼ਕ ਕੁਲਦੀਪ ਗੋਇਲ ਨੇ
ਨੋਵਾਤੀਅਮ ਸਲਿਊਸ਼ੰਸ ਪ੍ਰਾਈਵੇਟ ਲਿਮਟਡ ਦੇ ਨਾਲ ਗਠਜੋੜ ਕਰਨ ਦੀ ਘੋਸ਼ਣਾ ਕਰਦੇ ਹੋਏ
ਦੱਸਿਆ ਕਿ ਅਸੀਂ 23000 ਗ੍ਰਾਮੀਣ ਐਕਸਚੇਂਜਾਂ ਵਿੱਚ ਲਗਭਗ 50 ਫੀਸਦੀ ਐਕਸਚੇਂਜਾਂ
ਵਿੱਚ ਬਰਾਡ ਬੈਂਡ ਉਪਕਰਨਾਂ ਦਾ ਸਥਾਪਿਤ ਕਰਨ ਦਾ ਕੰਮ ਪੂਰਾ ਕਰ ਲਿਆ ਹੈ. ਬਾਕੀ
ਐਕਸਚੇਂਜਾਂ ਵਿੱਚ ਉਪਕਰਨਾਂ ਨੂੰ ਸਥਾਪਿਤ ਕਰਨ ਦਾ ਕੰਮ ਇਸ ਸਾਲ ਕੀਤਾ ਜਾਵੇਗਾ.
ਫਿਊਚਰ ਨੇ ਕੀਤਾ ਅਧਿਗ੍ਰਹਿਣ
ਮੁੰਬਈ , ਸ਼ਨਿਵਾਰ, 3 ਜਨਵਰੀ 2009
ਕਿਸ਼ੋਰ ਬਿਆਨੀ ਦੀ ਅਗਵਾਈ ਵਾਲੇ ਫਿਊਚਰ ਸਮੂਹ ਦੀ ਵਿੱਤੀ ਸੇਵਾ ਇਕਾਈ ਫਿਊਚਰ ਕੈਪੀਟਲ
ਹੋਲਡਿੰਗਸ ਨੇ ਅੱਜ ਕਿਹਾ ਕਿ ਉਸਨੇ ਗੈਰ ਬੈਂਕਿੰਗ ਵਿੱਤੀ ਕੰਪਨੀ ਬਲੈਕ ਡਾਇਮੰਡ
ਫਾਇਨੰਸ ਦਾ ਅਧਿਗ੍ਰਹਿਣ ਕੀਤਾ ਹੈ.ਫਿਊਚਰ ਹੋਲਡਿੰਗਜ਼ ਨੇ ਬੰਬਈ ਸਟੋਕ ਐਕਸਚੇਂਜ ਨੂੰ
ਦਿੱਤੀ ਜਾਣਕਾਰੀ 'ਚ ਦੱਸਿਆ ਕਿ ਕੰਪਨੀ ਨੇ ਬਲੈਕ ਡਾਇਮੰਡ ਫਾਇਨੰਸ ਦੇ ਸੰਪੂਰਨ
ਸ਼ੇਅਰਾਂ ਦਾ ਅਧਿਗ੍ਰਹਿਣ ਕੀਤਾ ਹੈ ਅਤੇ ਇਸਦੇ ਨਾਲ ਹੀ ਕੰਪਨੀ ਦੀ ਪੂਰਨ ਮਲਕੀਅਤ
ਵਾਲੀ ਸਹਿਯੋਗੀ ਕੰਪਨੀ ਬਣ ਗਈ ਹੈ. ਕੰਪਨੀ ਨੇ ਦੱਸਿਆ ਕਿ ਬਲੈਕ ਡਾਇਮੰਡ ਦਾ
ਅਧਿਗ੍ਰਹਿਣ ਸ਼ੁਕਰਵਾਰ ਤੋਂ ਪ੍ਰਭਾਵੀ ਹੋ ਗਿਆ ਹੈ.
ਦੋਸ਼ੀਆਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ :
ਸੋਨੀਆ
ਨਵੀਂ ਦਿੱਲੀ , 2 ਜਨਵਰੀ-ਮੁੰਬਈ ਵਿੱਚ ਦਹਿਸ਼ਤਗਰਦੀ ਹਮਲਿਆਂ ਦੇ ਪਿੱਛੇ ਪਾਕਿਸਤਾਨ
ਸਥਿਤ ਸੰਗਠਨ ਜਿੰਮੇਵਾਰ ਹੈ। ਸਰਕਾਰ ਜਲਦੀ ਹੀ ਇਸ ਮੁੱਦੇ ਨਾਲ ਦ੍ਰਿੜਤਾਪੂਰਵਕ
ਨਿਪਟਣ ਲਈ ਕਦਮ ਉਠਾਏਗੀ। ਇਹ ਗੱਲ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੇ ਕਹੀ। ਪਾਰਟੀ
ਦੇ ਮੁੱਖ ਪੱਤਰ ਕਾਂਗਰਸ ਸੰਦੇਸ਼ ਵਿੱਚ ਕਾਰਜਕਰਤਾਵਾਂ ਦੇ ਨਾਮ ਜਾਰੀ ਸੰਦੇਸ਼ ਵਿੱਚ
ਸ਼੍ਰੀਮਤੀ ਗਾਂਧੀ ਨੇ ਕਿਹਾ ਕਿ ਸਰਕਾਰ ਆਤੰਕੀ ਹਮਲਿਆਂ ਦੇ ਦੋਸ਼ੀਆਂ ਨੂੰ ਜੇਲ੍ਹਾਂ
ਵਿੱਚ ਲਿਆਉਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ ਅਤੇ ਇਸ ਤਰ੍ਹਾਂ ਦੇ ਸੰਗਠਨਾਂ ਨਾਲ
ਦ੍ਰਿੜਤਾਪੂਰਵਕ ਨਿਪਟਿਆ ਜਾਵੇਗਾ। ਉਹਨਾਂ ਨੇ ਕਿਹਾ ਕਿ ਇਹ ਪੂਰੀ ਤਰ੍ਹਾਂ ਸਾਫ਼ ਹੈ
ਕਿ ਇਹਨਾਂ ਕਾਰਵਾਈਆਂ ਦੇ ਮਾਸਟਰ ਮਾਈਂਡ ਪਾਕਿਸਤਾਨ ਸਥਿਤ ਸੰਗਠਨਾਂ ਨਾਲ ਜੁੜੇ ਹਨ।
ਉਹਨਾਂ ਨੇ ਕਿਹਾ ਸਰਕਾਰ ਨਾ ਸਿਰਫ ਆਤੰਕੀ ਹਮਲਿਆਂ ਤੋਂ ਬਚਾਅ, ਰਾਜਨੀਤਿਕ ਕੂਟਨੀਤਿਕ
ਅਤੇ ਹੋਰ ਤਰੀਕਿਆਂ ਨਾਲ ਇਹਨਾਂ ਅੱਤਵਾਦੀ ਸੰਗਠਨਾਂ ਨਾਲ ਨਿਪਟਣ ਲਈ ਦੇਸ਼ ਦੀ ਸਮਰੱਥਾ
ਨੂੰ ਮਜਬੂਤ ਬਣਾਉਣ ਦੇ ਉਪਾਅ ਕਰ ਰਹੀ ਹੈ। ਨਾਲ ਹੀ ਉਮੀਦ ਜਤਾਈ ਕਿ ਅਗਲੇ ਕੁਝ
ਹਫ਼ਤਿਆਂ ਵਿੱਚ ਸਰਕਾਰ ਦੁਆਰਾ ਕੀਤੇ ਜਾ ਰਹੇ ਉਪਾਅ ਪੂਰੀ ਤਰ੍ਹਾਂ ਸਾਹਮਣੇ ਆ ਜਾਣਗੇ।
ਅੱਤਵਾਦ ਨਾਲ ਨਿਪਟਣ ਦੇ ਮਾਮਲੇ ਵਿੱਚ ਰਾਜਨੀਤੀ ਨੂੰ ਅਲੱਗ ਰੱਖਣ ਦੀ ਘੋਸ਼ਣਾ ਕਰਦੇ
ਹੋਏ ਗਾਂਧੀ ਨੇ ਕਿਹਾ ਕਿ ਅੱਤਵਾਦ ਦਾ ਮੁਕਾਬਲਾ ਕਰਨ ਲਈ ਅਸੀਂ ਸਭ ਨੂੰ ਇੱਕਜੁੱਟ ਹੋ
ਕੇ ਅਤੇ ਰਾਜਨੀਤੀ ਤੋਂ ਉੱਪਰ ਉੱਠ ਕੇ ਕੰਮ ਕਰਨਾ ਹੋਵੇਗਾ।
ਕਾਂਗਰਸ ਪ੍ਰਧਾਨ ਨੇ ਮੁੰਬਈ ਹਮਲਿਆਂ ਦਾ ਮੁਕਾਬਲਾ ਕਰਨ ਦੇ ਮਾਮਲੇ ਵਿੱਚ ਸੁਰੱਖਿਆ
ਬਲਾਂ ਦੀ ਭੂਮਿਕਾ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਅਸੀਂ ਉਹਨਾਂ ਦੀ ਹਿੰਮਤ ਅਤੇ ਦੇਸ਼
ਦੇ ਪ੍ਰਤੀ ਉਹਨਾਂ ਦੀ ਜਿੰਮੇਵਾਰੀ ਨੂੰ ਸਲਾਮ ਕਰਦੇ ਹਾਂ।
ਜੰਗ ਦੇ ਬੱਦਲ ਛਟਣ ਲੱਗੇ
ਭਾਰਤ ਅਤੇ ਪਾਕਿਸਤਾਨ ਦੀ ਸਰਹੱਦ 'ਤੇ ਗੜਗੜਾ ਰਹੇ ਜੰਗ ਦੇ ਬੱਦਲ ਕੁਝ ਛਟਣੇ ਸ਼ੁਰੂ
ਹੋ ਗਏ ਹਨ। ਅਮਰੀਕਾ, ਚੀਨ ਅਤੇ ਰੂਸ ਸਮੇਤ ਦੂਜੇ ਕੌਮਾਂਤਰੀ ਭਾਈਚਾਰੇ ਵਲੋਂ ਲਗਾਤਾਰ
ਪਾਏ ਜਾ ਰਹੇ ਦਬਾਅ ਦੇ ਮੱਦੇਨਜ਼ਰ ਪਾਕਿਸਤਾਨ ਨੇ ਆਪਣੀ ਜੰਗ ਦੀ ਸੁਰ ਨੂੰ ਨੀਵੀਂ ਕਰ
ਲਿਆ ਹੈ। ਉੱਥੇ ਭਾਰਤ ਨੇ ਸਹਿਯੋਗ ਦੇਣ ਦੀ ਗੱਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।
ਪਾਕਿਸਤਾਨ ਦੇ ਸੁਰ ਨੀਵੀਂ ਕਰਨ ਦੇ ਕੁਝ ਕਾਰਨ ਇਹ ਵੀ ਹਨ ਕਿ ਅਮਰੀਕਾ ਨੇ ਪਾਕਿਸਤਾਨ
ਨੂੰ ਕੁਝ ਅਜਿਹੇ ਸਬੂਤ ਮੁਹੱਈਆ ਕਰਵਾਏ ਹਨ, ਜਿਹਨਾਂ ਤੋਂ ਸਾਬਤ ਹੁੰਦਾ ਹੈ ਕਿ 26
ਨਵੰਬਰ 2008 ਮੁੰਬਈ 'ਤੇ ਹੋਏ ਹਮਲਿਆਂ ਵਿਚ ਪਾਕਿਸਤਾਨੀ ਅੱਤਵਾਦੀਆਂ ਦਾ ਹੱਥ ਸੀ।
ਇਸ ਲਈ ਅਮਰੀਕਾ ਪਾਕਿਸਤਾਨ 'ਤੇ ਇਹ ਦਬਾਅ ਬਣਾ ਰਿਹਾ ਹੈ ਕਿ ਉਹ ਮੁੰਬਈ ਧਮਾਕਿਆਂ ਦੇ
ਮੁੱਖ ਸਾਜਿਸ਼ਕਰਤਾ ਜਕੀ-ਉਰ-ਰਹਿਮਾਨ ਲਖਵੀ ਨੂੰ ਭਾਰਤ ਹਵਾਲੇ ਕਰੇ। ਅਸਲ ਵਿਚ ਅਮਰੀਕੀ
ਏਜੰਸੀਆਂ ਹੱਥ ਇਕ ਅਜਿਹੀ ਟੇਪ ਲੱਗੀ ਹੈ, ਜਿਸ ਵਿਚ ਮੁੰਬਈ 'ਤੇ ਹਮਲਾ ਕਰਨ ਵਾਲੇ
ਅੱਤਵਾਦੀ ਲਖਵੀ ਨਾਲ ਟੈਲੀਫੋਨ 'ਤੇ ਗੱਲਬਾਤ ਕਰ ਰਹੇ ਹਨ। ਲਖਵੀ ਅਤੇ ਜ਼ਰਾਰ ਸ਼ਾਹ ਨੂੰ
ਪਾਕਿਸਤਾਨੀ ਏਜੰਸੀਆਂ ਨੇ ਮੁੰਬਈ ਹਮਲਿਆਂ ਤੋਂ ਬਾਅਦ ਗ੍ਰਿਫਤਾਰ ਕਰ ਲਿਆ ਸੀ। ਜ਼ਰਾਰ
ਨੇ ਵੀ ਪੁੱਛਗਿੱਛ ਦੌਰਾਨ ਇਸ ਗੱਲ ਦੀ ਪੁਸ਼ਟੀ ਕਰ ਦਿੱਤੀ ਕਿ ਮੁੰਬਈ 'ਤੇ ਹਮਲਾ ਕਰਨ
ਵਾਲੇ ਪਾਕਿਸਤਾਨੀ ਹੀ ਹਨ। ਜ਼ਰਾਰ ਨੇ ਏਜੰਸੀਆਂ ਨੂੰ ਇਹ ਵੀ ਦੱਸਿਆ ਕਿ ਹਮਲੇ ਦੌਰਾਨ
ਜਿਊਂਦਾ ਫੜਿਆ ਗਿਆ ਅੱਤਵਾਦੀ ਅਜਮਲ ਕਾਸਿਬ ਜੋ ਕਹਾਣੀ ਦੱਸ ਰਿਹਾ ਹੈ, ਉਹ ਬਿਲਕੁਲ
ਸੱਚੀ ਹੈ। ਭਾਵੇਂ ਕਿ ਪਾਕਿਸਤਾਨ ਅਜੇ ਵੀ ਕਾਸਿਬ ਵਲੋਂ ਲਿਖੇ ਪੱਤਰ 'ਤੇ ਸ਼ੱਕ ਜ਼ਾਹਰ
ਕਰ ਰਿਹਾ ਹੈ,ਪਰ ਸਚਾਈ ਇਹ ਹੈ ਕਿ ਪਾਕਿਸਤਾਨ ਨੂੰ ਹੁਣ ਹੋਰ ਕੋਈ ਰਸਤਾ ਨਹੀਂ ਲੱਭ
ਰਿਹਾ ਅਤੇ ਉਹ ਚਾਰੇ ਪਾਸਿਓਂ ਘਿਰਦਾ ਜਾ ਰਿਹਾ ਹੈ। ਇਸ ਲਈ ਪਾਕਿਸਤਾਨ ਦੇ ਰਾਸ਼ਟਰਪਤੀ
ਆਸਿਫ ਅਲੀ ਜ਼ਰਦਾਰੀ ਅਤੇ ਪ੍ਰਧਾਨ ਮੰਤਰੀ ਯੂਸਫ ਰਜ਼ਾ ਗਿਲਾਨੀ ਨੇ ਹੁਣ ਬਿਆਨ ਦੇਣੇ
ਸ਼ੁਰੂ ਕਰ ਦਿੱਤੇ ਹਨ ਕਿ ਪਾਕਿਸਤਾਨ ਜੰਗ ਨਹੀਂ ਚਾਹੁੰਦਾ ਅਤੇ ਮਸਲੇ ਨੂੰ ਗੱਲਬਾਤ
ਰਾਹੀਂ ਨਜਿੱਠਣਾ ਚਾਹੁੰਦਾ ਹੈ। ਜ਼ਰਦਾਰੀ ਨੇ ਤਾਂ ਇਹ ਵੀ ਕਹਿ ਦਿੱਤਾ ਕਿ ਪਾਕਿਸਤਾਨ
ਆਪਣੇ ਮੁਲਕ ਦੇ ਉਨ੍ਹਾਂ ਗੈਰ ਸਮਾਜੀ ਅਨਸਰਾਂ ਨਾਲ ਸਖਤੀ ਨਾਲ ਨਜਿੱਠੇਗਾ, ਜਿਹੜੇ
ਅੱਤਵਾਦੀ ਘਟਨਾਵਾਂ ਵਿਚ ਸ਼ਾਮਲ ਹਨ। ਇਸੇ ਤਰ੍ਹਾਂ ਗਿਲਾਨੀ ਨੇ ਵੀ ਕਿਹਾ ਕਿ
ਪਾਕਿਸਤਾਨੀ ਜ਼ਮੀਨ ਨੂੰ ਅੱਤਵਾਦੀ ਗਤੀਵਿਧੀਆਂ ਲਈ ਵਰਤਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ
ਸਕਦੀ। ਏਧਰ ਭਾਰਤੀ ਆਗੂ ਪਹਿਲਾਂ ਹੀ ਫੂਕ ਫੂਕ ਕੇ ਕਦਮ ਰੱਖ ਰਹੇ ਸਨ। ਪ੍ਰਧਾਨ
ਮੰਤਰੀ ਡਾ. ਮਨਮੋਹਨ ਸਿੰਘ ਅਤੇ ਵਿਦੇਸ਼ ਮੰਤਰੀ ਪ੍ਰਣਬ ਮੁਖਰਜੀ ਲਗਾਤਾਰ ਇਹ ਕਹਿ ਰਹੇ
ਹਨ ਕਿ ਅਸੀਂ ਕੋਈ ਜੰਗ ਦੀ ਤਿਆਰੀ ਨਹੀਂ ਕਰ ਰਹੇ, ਪਰ ਜੇਕਰ ਪਾਕਿਸਤਾਨ ਸਹਿਯੋਗ
ਨਹੀਂ ਕਰਦਾ ਤਾਂ ਸਾਡੇ ਸਾਰੇ ਵਿਕਲਪ ਖੁੱਲ੍ਹੇ ਹਨ। ਇਸੇ ਦੌਰਾਨ ਇਹ ਵੀ ਖ਼ਬਰਾਂ ਆ
ਗਈਆਂ ਕਿ ਪਾਕਿਸਤਾਨ ਨੇ ਅਫਗਾਨਿਸਤਾਨ ਦੀ ਸਰਹੱਦ ਨਾਲ ਲੱਗਦੀ ਆਪਣੀ ਫੌਜ ਨੂੰ ਹਟਾ
ਕੇ ਭਾਰਤੀ ਸਰਹੱਦ ਨਾਲ ਲਗਾ ਦਿੱਤਾ ਹੈ। ਦੂਜੇ ਪਾਸੇ ਭਾਰਤੀ ਸਰਹੱਦ 'ਤੇ ਵੀ ਫੌਜੀ
ਮਸ਼ਕਾਂ ਦੀਆਂ ਰਿਪੋਰਟਾਂ ਮਿਲਣ ਲੱਗੀਆਂ। ਜਿਸ ਤੋਂ ਪਾਕਿਸਤਾਨੀ ਆਗੂਆਂ ਨੇ ਕਾਫੀ
ਹੋ-ਹੱਲਾ ਕੀਤਾ। ਪਰ ਭਾਰਤ ਨੇ ਸਪੱਸ਼ਟ ਕੀਤਾ ਕਿ ਇਹ ਮਸ਼ਕਾਂ ਸਰਦੀਆਂ ਦੀ ਰੂਟੀਨ ਫੌਜੀ
ਐਕਸਾਈਂਜ਼ ਹੈ। ਇਸ ਦੌਰਾਨ ਚੀਨ ਦੇ ਵਿਦੇਸ਼ ਮੰਤਰਾਲੇ ਨੇ ਆਪਣੇ ਵਿਸ਼ੇਸ਼ ਦੂਤ ਨੂੰ
ਪਾਕਿਸਤਾਨ ਭੇਜਿਆ ਅਤੇ ਅਮਰੀਕੀ ਵਿਦੇਸ਼ ਸਕੱਤਰ ਕੌਂਡੋਲੀਜ਼ਾ ਰਾਈਸ ਲਗਾਤਾਰ ਭਾਰਤੀ ਤੇ
ਪਾਕਿਸਤਾਨੀ ਲੀਡਰਸ਼ਿਪ ਦੇ ਸੰਪਰਕ ਵਿਚ ਹਨ। ਉਹ ਜਿੱਥੇ ਪਾਕਿਸਤਾਨ 'ਤੇ ਅੱਤਵਾਦੀਆਂ
ਖਿਲਾਫ ਕਾਰਵਾਈ ਲਈ ਦਬਾਅ ਪਾ ਰਹੇ ਹਨ, ਉੱਥੇ ਅਜਿਹਾ ਵਾਤਾਵਰਣ ਸਿਰਜਣ ਵਿਚ ਮਦਦ ਕਰ
ਰਹੇ ਹਨ ਕਿ ਕਿਸੇ ਵੀ ਤਰ੍ਹਾਂ ਜੰਗ ਵਾਲੇ ਹਾਲਾਤ ਪੈਦਾ ਨਾ ਹੋਣ। ਇਸੇ ਘਟਨਾਕ੍ਰਮ ਦੇ
ਮੱਦੇਨਜ਼ਰ ਪਾਕਿਸਤਾਨ ਅਤੇ ਭਾਰਤ ਦੇ ਉੱਚ ਫੌਜੀ ਅਧਿਕਾਰੀਆਂ ਵਿਚਕਾਰ ਟੈਲੀਫੋਨ ਵਾਰਤਾ
ਹੋ ਰਹੀ ਹੈ ਅਤੇ ਹੁਣ ਦੋਵਾਂ ਦੇਸ਼ਾਂ ਨੇ ਇਕ ਦੂਜੇ ਨੂੰ ਆਪਣੇ ਪ੍ਰਮਾਣੂ ਸੰਸਥਾਨਾਂ
ਦੀ ਲਿਸਟ ਵੀ ਸੌਂਪ ਦਿੱਤੀ ਹੈ। ਇਨ੍ਹਾਂ ਨਵੇਂ ਘਟਨਾਕ੍ਰਮਾਂ ਤੋਂ ਲਗਦਾ ਹੈ ਕਿ
ਦੋਵਾਂ ਦੇਸ਼ਾਂ ਵਿਚਕਾਰ ਜੰਗ ਦੇ ਬੱਦਲ ਛਟਣੇ ਸ਼ੁਰੂ ਹੋ ਗਏ ਹਨ।
ਵਾਦੀ 'ਚ ਮੁਕਾਬਲੇ 'ਚ 2 ਜਵਾਨ ਸ਼ਹੀਦ
ਪੁੰਛ(ਭਾਸ਼ਾ), 2 ਜਨਵਰੀ
ਜੰਮੂ-ਕਸ਼ਮੀਰ ਵਿਚ ਐਲਓਸੀ ਲਾਗੇ ਪੁੰਛ ਸੈਕਟਰ ਵਿਚ ਜੈਸ਼ੇ ਮੁਹੰਮਦ ਦੇ ਛੇ ਸ਼ੱਕੀ
ਅੱਤਵਾਦੀਆਂ ਨਾਲ ਮੁਕਾਬਲਾ ਦੂਜੇ ਦਿਨ ਵੀ ਜਾਰੀ ਰਿਹਾ ਅਤੇ ਇਸ ਵਿਚ ਸੈਨਾ ਦੇ ਦੋ
ਜਵਾਨ ਸ਼ਹੀਦ ਹੋ ਗਏ.ਸੈਨਾ ਸੂਤਰਾਂ ਨੇ ਦੱਸਿਆ ਕਿ ਸ਼ਹੀਦ ਜਵਾਨਾਂ ਦੀ ਪਛਾਣ ਰਾਸ਼ਟਰੀ
ਰਾਇਫਲਸ ਦੇ ਸੂਬੇਦਾਰ ਰਾਕੇਸ਼ ਕੁਮਾਰ ਅਤੇ ਨਾਇਕ ਏਪੀ ਸਿੰਘ ਵਜੋਂ ਕੀਤੀ ਗਈ
ਹੈ.ਇਹਨਾਂ ਛੇ ਅੱਤਵਾਦੀਆਂ ਵਿਚ ਜੈਸ਼ ਦਾ ਸਥਾਨਕ ਕਮਾਂਡਰ ਅਬੂ ਦਾਉਵ ਵੀ ਸ਼ਾਮਲ ਹੈ
ਅਤੇ ਸੁਰੱਖਿਆ ਬਲਾਂ ਨੇ ਲਗਾਤਾਰ ਗੋਲੀਬਾਰੀ ਵਿਚਕਾਰ ਉਸ ਨੂੰ ਘੇਰ ਲਿਆ ਹੈ.ਆਖਰੀ
ਖਬਰ ਮਿਲਣ ਤੱਕ ਗੋਲੀਬਾਰੀ ਜਾਰੀ ਸੀ.
ਪਾਕਿਸਤਾਨ ਲਖਵੀ ਨੂੰ ਭਾਰਤ ਦੇ
ਹਵਾਲੇ ਕਰੇ: ਅਮਰੀਕਾ
ਇਸਲਾਮਾਬਾਦ, 31 ਦਸੰਬਰ : ਲਸ਼ਕਰ-ਏ-ਤੋਇਬਾ ਦੇ ਆਪਰੇਸ਼ੰਸ ਕਮਾਂਡਰ ਅਤੇ ਮੁੰਬਈ ਤੇ
ਹੋਏ ਅੱਤਵਾਦੀ ਹਮਲਿਆਂ ਦੇ ਕਥਿਤ ਮੁੱਖ ਸਾਜਿਸ਼ ਕਰਤਾ ਜਕੀਉਰ ਰਹਿਮਾਨ ਲਖਵੀ ਨੂੰ
ਭਾਰਤ ਨੂੰ ਸੌਂਪਣ ਦੇ ਮਾਮਲੇ ਵਿੱਚ ਪਾਕਿਸਤਾਨ ਤੇ ਅਮਰੀਕਾ ਦਾ ਕਾਫੀ ਦਬਾਅ ਹੈ।
ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਅਮਰੀਕਾ ਨੇ ਪਾਕਿਸਤਾਨ ਨੂੰ ਅਜਿਹਾ ਟੇਪ ਸੌਂਪਿਆ ਹੈ
ਜਿਸ ਵਿੱਚ ਲਖਵੀ ਅਤੇ 26 ਨਵੰਬਰ ਨੂੰ ਮੁੰਬਈ ਤੇ ਹੋਏ ਹਮਲਿਆਂ ਵਿੱਚ ਸ਼ਾਮਿਲ
ਅੱਤਵਾਦੀਆਂ ਦੇ ਵਿਚਾਲੇ ਕਥਿਤ ਗੱਲਬਾਤ ਸ਼ਾਮਿਲ ਹੈ। ਅਮਰੀਕੀ ਅਤੇ ਕੂਟਨੀਤਿਕ ਸੂਤਰਾਂ
ਦੇ ਹਵਾਲੇ ਨਾਲ ਅਖਬਾਰ ਡਾਨ ਨੇ ਖਬਰ ਦਿੱਤੀ ਹੈ ਕਿ ਅਮਰੀਕੀ ਆਡੀਓ ਮਾਹਿਰਾਂ ਨੇ ਟੇਪ
ਦੀ ਜਾਂਚ ਕੀਤੀ ਹੈ ਅਤੇ ਇਸ ਨਤੀਜੇ ਤੇ ਪਹੁੰਚੇ ਹਨ ਕਿ ਗੱਲਬਾਤ ਕਰਨ ਵਾਲਾ ਵਿਅਕਤੀ
ਲਖਵੀ ਹੀ ਹੈ। ਰਿਪੋਰਟ ਦੇ ਅਨੁਸਾਰ ਭਾਰਤੀ ਅਧਿਕਾਰੀ ਪਿਛਲੇ ਕੁੱਝ ਸਮੇਂ ਤੋਂ ਲਖਵੀ
ਨੂੰ ਭਾਰਤ ਨੂੰ ਸੌਂਪੇ ਜਾਣ ਦੀ ਮੰਗ ਕਰ ਰਹੇ ਸਨ, ਪਰ ਅਮਰੀਕਾ ਨੇ ਹਾਲ ਤੱਕ ਇਸ
ਬਾਰੇ ਬਾਰੇ ਆਪਣਾ ਸਪਸ਼ਟ ਰੁਖ ਜਾਹਿਰ ਨਹੀਂ ਕੀਤਾ ਸੀ। ਬਹਿਰਹਾਲ ਲਖਵੀ ਦੀ
ਅੱਤਵਾਦੀਆਂ ਨਾਲ ਗੱਲਬਾਤ ਤੇ ਆਧਾਰਿਤ ਟੇਪ ਤੋਂ ਬਾਅਦ ਉਹਨਾਂ ਦੇ ਰੁਖ ਵਿੱਚ ਤਬਦੀਲੀ
ਆਈ ਹੈ। ਸੂਤਰਾਂ ਨੇ ਵਾਸ਼ਿੰਗਟਨ ਵਿੱਚ ਇੱਕ ਅਖਬਾਰ ਨੂੰ ਦੱਸਿਆ ਕਿ ਅਮਰੀਕਾ ਹੁਣ
ਪਾਕਿਸਤਾਨ ਕੋਲ ਲਖਵੀ ਨੂੰ ਭਾਰਤ ਨੂੰ ਸੌਂਪਣ ਦੀ ਅਪੀਲ ਕਰ ਰਿਹਾ ਹੈ।
ਪਹਾੜਾਂ 'ਤੇ ਖਰੀ ਉੱਤਰੀ ਟਾਟਾ ਦੀ
ਲਖਟਕੀਆ
ਦੇਹਰਾਦੂਨ,30
ਦਸੰਬਰ 2008-ਟਾਟਾ ਦੀ ਪ੍ਰਸਿੱਧ ਲਖਟਕੀਆ ਕਾਰ ਨੈਨੋ ਪਹਾੜ ਤੇ ਚੱਲਣ ਵਿੱਚ ਖਰੀ
ਉੱਤਰੀ ਹੈ। ਟਾਟਾ ਸੂਤਰਾਂ ਨੇ ਦੱਸਿਆ ਕਿ ਉੱਤਰਾਖੰਡ ਦੇ ਪੰਤਨਗਰ ਕਾਰਖਾਨੇ ਵਿੱਚ
ਬਣੀਆਂ ਦੋ ਛੋਟੀਆਂ ਕਾਰਾਂ ਨੂੰ ਸੋਮਵਾਰ ਨੂੰ ਟੈਸਟ ਡ੍ਰਾਈਵ ਲਈ ਔਲੀ ਹੁੰਦੇ ਹੋਏ
ਗੋਪੇਸ਼ਵਰ ਤੱਕ ਪਹਾੜੀ ਸੜਕਾਂ ਤੇ ਚਲਾਇਆ ਗਿਆ। ਇਹ ਗੱਡੀਆਂ 17 ਤੋਂ 20 ਕਿਲੋਮੀਟਰ
ਪ੍ਰਤੀ ਘੰਟੇ ਦੀ ਦਰ ਨਾਲ ਟੇਢੀਆਂ ਸੜਕਾਂ ਤੇ ਸਰਪਟ ਦੌੜੀਆਂ ਹਨ।
ਉਹਨਾਂ ਨੇ ਦੱਸਿਆ ਕਿ ਪੰਤਨਗਰ ਵਿੱਚ ਕਾਰ ਦਾ ਉਤਪਾਦਨ ਟੀਚੇ ਦੇ ਅਨੁਸਾਰ ਚੱਲ ਰਿਹਾ
ਹੈ। ਮਾਰਚ-ਅਪ੍ਰੈਲ ਤੱਕ ਕਾਰ ਲਈ ਬੁਕਿੰਗ ਸ਼ੁਰੂ ਕਰਨ ਦੀ ਸੰਭਾਵਨਾ ਹੈ।
ਵਰਣਨਯੋਗ ਹੈ ਕਿ ਟਾਟਾ ਉਦਯੋਗ ਨੇ ਗੁਜਰਾਤ ਵਿੱਚ ਛੋਟੀ ਕਾਰ ਦਾ ਕਾਰਖਾਨਾ ਲਗਾਇਆ
ਹੈ. ਪਰ ਉਤਰਾਖੰਡ ਦੇ ਪੰਤਨਗਰ ਵਿੱਚ ਟਾਟਾ ਦੇ ਟਰੱਕ ਕਾਰਖਾਨਾ ਭਵਨ ਵਿੱਚ ਛੋਟੀਆਂ
ਕਾਰਾਂ ਵੀ ਬਣਾਈਆਂ ਜਾ ਰਹੀਆਂ ਹਨ। ਰਾਜ ਸਰਕਾਰ ਨੇ ਹਾਲੀ ਹੀ ਉਦਯੋਗ ਨੂੰ ਇਸ ਖੇਤਰ
ਵਿੱਚ ਆਵਾਸ ਲਈ ਕਈ ਏਕੜ ਭੂਮੀ ਵੰਡੀ ਹੈ।
ਉਮਰ ਅਬਦੁੱਲਾ ਹੋਣਗੇ ਜੰਮੂ ਕਸ਼ਮੀਰ ਦੇ ਨਵੇਂ ਮੁੱਖ ਮੰਤਰੀ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਨੈਸ਼ਨਲ
ਕਾਨਫਰੰਸ ਦੇ ਮੁਖੀ ਅਤੇ ਫਾਰੁਖ ਅਬਦੁੱਲਾ ਦੇ ਸਪੁੱਤਰ ਉਮਰ ਅਬਦੁੱਲਾ ਜੰਮੂ ਕਸ਼ਮੀਰ
ਦੀ ਨਵੀਂ ਗਠਜੋੜ ਸਰਕਾਰ ਦੇ ਮੁੱਖ ਮੰਤਰੀ ਹੋਣਗੇ। ਨੈਸ਼ਨਲ ਕਾਨਫਰੰਸ ਤੋਂ ਬਾਅਦ
ਸਰਕਾਰ ਦੀ ਭਾਈਵਾਲ ਬਣੀ ਕਾਂਗਰਸ ਪਾਰਟੀ ਨੇ ਵੀ ਉਮਰ ਅਬਦੁੱਲਾ ਦੇ ਨਾਂ 'ਤੇ ਮੋਹਰ
ਲਗਾ ਦਿੱਤੀ।
ਨਵੀਂ ਦਿੱਲੀ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਮਰ ਅਬਦੁੱਲਾ ਨੇ ਦੱਸਿਆ ਕਿ
ਜੰਮੂ ਕਸ਼ਮੀਰ ਵਿਚ ਲੋਕ ਫਤਵੇ ਦੇ ਮੱਦੇਨਜ਼ਰ ਉਨ੍ਹਾਂ ਨੇ ਕਾਂਗਰਸ ਪ੍ਰਧਾਨ ਸੋਨੀਆ
ਗਾਂਧੀ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਸੋਨੀਆ ਗਾਂਧੀ ਨੂੰ ਦੱਸਿਆ ਕਿ ਰਾਜ ਦੇ ਲੋਕਾਂ
ਨੇ ਗਠਜੋੜ ਸਰਕਾਰ ਦੇ ਹੱਕ ਵਿਚ ਫਤਵਾ ਦਿੱਤਾ ਹੈ ਜਿਸ ਨੂੰ ਪ੍ਰਵਾਨ ਕਰਦਿਆਂ ਸੋਨੀਆ
ਗਾਂਧੀ ਨੇ ਨੈਸ਼ਨਲ ਕਾਨਫਰੰਸ ਦੀ ਸਰਕਾਰ ਬਣਾਉਣ ਦੀ ਪੇਸ਼ਕਸ਼ ਨੂੰ ਸਵੀਕਾਰ ਕਰ ਲਿਆ ਹੈ।
ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਇਹੀ ਫਾਈਨਲ ਹੋਇਆ ਹੈ ਕਿ ਉਹ ਰਾਜ ਦੇ ਮੁੱਖ ਮੰਤਰੀ
ਹੋਣਗੇ। ਬਾਕੀ ਦੀਆਂ ਸ਼ਰਤਾਂ ਬਾਅਦ ਵਿਚ ਤੈਅ ਕੀਤੀਆਂ ਜਾਣਗੀਆਂ। ਬਾਅਦ ਦੀਆਂ ਸ਼ਰਤਾਂ
ਸਬੰਧੀ ਪੁੱਛੇ ਜਾਣ 'ਤੇ ਉਨ੍ਹਾਂ ਕਿਹਾ ਕਿ ਦੋਵਾਂ ਪਾਰਟੀਆਂ ਦੇ ਆਗੂ ਇੱਕਠੇ ਬੈਠ ਕੇ
ਸਭ ਕੁਝ ਤੈਅ ਕਰ ਲੈਣਗੇ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਕਾਂਗਰਸ ਦਾ ਸਮਰਥਨ
ਬਾਹਰੋਂ ਨਹੀਂ ਹੋਵੇਗਾ ਬਲਕਿ ਪਾਰਟੀ ਸਰਕਾਰ ਵਿਚ ਭਾਈਵਾਲ ਬਣੇਗੀ।
ਮੁੱਖ ਮੰਤਰੀ ਦੀ ਕੁਰਸੀ ਸੰਭਾਲਣ ਜਾ ਰਹੇ ਉਮਰ ਅਬਦੁੱਲਾ ਨੇ ਬੜੇ ਹੀ ਉਤਸ਼ਾਹ ਵਿਚ
ਕਿਹਾ ਕਿ ਉਨ੍ਹਾਂ ਨੂੰ ਆਸ ਹੈ ਕਿ ਜੰਮੂ ਕਸ਼ਮੀਰ ਵਿਚ ਬਣਨ ਜਾ ਰਹੀ ਗਠਜੋੜ ਸਰਕਾਰ
ਵਧੀਆ ਪ੍ਰਸ਼ਾਸਨ ਦੇਵੇਗੀ ਅਤੇ ਜੰਮੂ ਕਸ਼ਮੀਰ ਦੇ ਲੋਕਾਂ ਦੇ ਹਿੱਤਾਂ ਲਈ ਕੰਮ ਕਰੇਗੀ।
ਸਰਹੱਦ 'ਤੇ ਫੌਜ ਤਾਇਨਾਤ ਨਹੀਂ ਕੀਤੀ : ਪ੍ਰਣਬ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤ ਦੇ ਵਿਦੇਸ਼ ਮੰਤਰੀ ਪ੍ਰਣਬ ਮੁਖਰਜੀ ਨੇ ਪਾਕਿਸਤਾਨ ਦੇ ਉਸ ਦਾਅਵੇ ਨੂੰ ਰੱਦ ਕਰ
ਦਿੱਤਾ ਹੈ ਕਿ ਭਾਰਤ ਸਰਹੱਦ 'ਤੇ ਤਣਾਅ ਵਧਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਨੇ
ਸਰਹੱਦ 'ਤੇ ਵਿਸ਼ੇਸ਼ ਤੌਰ 'ਤੇ ਫੌਜਾਂ ਦੀ ਤਾਇਨਾਤੀ ਨਹੀਂ ਕੀਤੀ। ਉਨ੍ਹਾਂ ਮਿਲਟਰੀ
ਮੂਵਮੈਂਟ ਨੂੰ ਸਰਦੀਆਂ ਦੀ ਰੂਟੀਨ ਐਕਸਰਸਾਈਜ਼ ਕਿਹਾ।
ਸ੍ਰੀ ਪ੍ਰਣਬ ਮੁਖਰਜੀ ਆਪਣੇ ਪਾਕਿਸਤਾਨੀ ਹਮਰੂਤਬਾ ਸ਼ਾਹ ਮੁਹੰਮਦ ਕੁਰੈਸ਼ੀ ਦੇ ਉਸ
ਬਿਆਨ 'ਤੇ ਪ੍ਰਤੀਕਰਮ ਦੇ ਰਹੇ ਸਨ ਜਿਸ ਵਿਚ ਉਨ੍ਹਾਂ ਕਿਹਾ ਸੀ ਕਿ ਭਾਰਤ ਪਾਕਿਸਤਾਨ
ਨਾਲ ਲੱਗਦੀ ਸਰਹੱਦ 'ਤੇ ਥਲ ਸੈਨਾ ਤਾਇਨਾਤ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ
ਦਾਅਵਿਆਂ ਵਿਚ ਕੋਈ ਸੱਚਾਈ ਨਹੀਂ ਹੈ।
ਨਵੀਂ ਦਿੱਲੀ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਸ੍ਰੀ ਮੁਖਰਜੀ ਨੇ ਕਿਹਾ ਕਿ
ਅਸੀਂ ਕਿਸੇ ਤਰ੍ਹਾਂ ਦਾ ਤਣਾਅ ਨਹੀਂ ਬਣਾ ਰਹੇ ਅਤੇ ਨਾ ਹੀ ਅਜਿਹਾ ਕਰਨ ਦਾ ਕੋਈ
ਇਰਾਦਾ ਰੱਖਦੇ ਹਾਂ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਨੂੰ ਇੱਧਰ-ਉੱਧਰ ਦੀਆਂ ਗੱਲਾਂ
ਛੱਡ ਕੇ ਅੱਤਵਾਦੀਆਂ ਦੇ ਕੈਂਪਾਂ ਦਾ ਸਫਾਇਆ ਕਰਨ ਵੱਲ ਧਿਆਨ ਦੇਣਾ ਚਾਹੀਦਾ ਹੈ।
ਇਸੇ ਦੌਰਾਨ ਪਾਕਿਸਤਾਨ ਦੇ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਨੇ ਕਿਹਾ ਹੈ ਕਿ ਭਾਰਤ
ਅਤੇ ਪਾਕਿਸਤਾਨ ਨੂੰ ਆਪਣੇ ਮਸਲੇ ਗੱਲਬਾਤ ਰਾਹੀਂ ਨਜਿੱਠਣੇ ਚਾਹੀਦੇ ਹਨ। ਉਨ੍ਹਾਂ
ਕਿਹਾ ਕਿ ਅਸੀਂ ਸ਼ਾਂਤੀ ਚਾਹੁੰਦੇ ਹਾਂ ਅਤੇ ਕਿਸੇ ਵੀ ਤਰ੍ਹਾਂ ਦੇ ਹਿੰਸਕ ਕਾਰਵਾਈ
ਵਿਚ ਨਹੀਂ ਪੈਣਾ ਚਾਹੁੰਦੇ। ਚੀਨ ਦੇ ਉਪ ਵਿਦੇਸ਼ ਮੰਤਰੀ ਹੀ ਯਫੇਰੀ ਦੇ ਦੌਰੇ ਤੋਂ
ਬਾਅਦ ਜ਼ਰਦਾਰੀ ਨੇ ਸਾਂਤੀ ਭਰਿਆ ਸੁਨੇਹਾ ਭੇਜਿਆ ਹੈ।
ਚਿੱਤਰਕਾਰ ਮਨਜੀਤ ਬਾਵਾ ਨਹੀਂ ਰਹੇ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
'ਆਈਸ ਕ੍ਰੀਮ' ਜਿਹੇ ਸ਼ੋਖ ਰੰਗਾਂ ਨਾਲ ਮਿਥਿਹਾਸ ਤੇ ਸੂਫੀ ਅਧਿਆਤਮ ਅਧਾਰਤ ਵਿਲੱਖਣ
ਚਿੱਤਰ ਬਣਾਉਣ ਵਾਲਾ ਮਨਜੀਤ ਬਾਵਾ ਨਹੀਂ ਰਿਹਾ। 67 ਸਾਲਾ ਚਿੱਤਰਕਾਰ ਤਿੰਨ ਸਾਲ
ਪਹਿਲਾਂ ਪਏ ਦਿਲ ਦੇ ਦੌਰੇ ਮਗਰੋਂ ਲਗਾਤਾਰ ਗਹਿਰੀ ਬੇਹੋਸ਼ੀ 'ਚ ਰਿਹਾ ਸੀ। ਨੈਸ਼ਨਲ
ਗੈਲਰੀ ਆਫ ਮਾਡਰਨ ਆਰਟ ਦੇ ਡਾਇਰੈਕਟਰ ਰਾਜੀਵ ਲੋਚਨ ਨੇ ਕਿਹਾ ਕਿ ਮਨਜੀਤ ਬਾਵਾ ਇਕ
ਅਜਿਹੀ ਬਹੁਮੁੱਲੀ ਵਿਰਾਸਤ ਛੱਡ ਗਿਆ ਹੈ ਜੋ ਸਮਕਾਲੀਨਤਾ ਦੀ ਸੂਝ ਬੂਝ ਨਾਲ ਮਿਥਿਹਾਸ
ਰਾਹੀਂ ਅੱਜ ਦੇ ਸੰਦਰਭ ਵਿਚ ਲੋਕ ਮਨ ਦੀ ਗੱਲ ਕਰਦੀ ਹੈ।
ਉਹਨਾਂ ਕਿਹਾ ਕਿ ਇਹ ਕਿੱਡੇ ਦੁੱਖ ਦੀ ਗੱਲ ਹੈ ਕਿ ਐਡੇ ਕੱਦ ਬੁੱਤ ਦੇ ਵਿਅਕਤੀ ਨੂੰ
ਕੁਦਰਤ ਨੇ ਲੰਮਾ ਸਮਾਂ ਬੇਹੋਸ਼ ਰਹਿਣ ਲਈ ਮਜਬੂਰ ਕਰ ਦਿੱਤਾ ਸੀ। ਪੰਜਾਬ ਦੇ ਧੂਰੀ
ਕਸਬੇ 'ਚ ਜੰਮਿਆ ਮਨਜੀਤ ਬਾਵਾ ਰਾਜਧਾਨੀ 'ਚ ਸਕੂਲ ਆਫ ਆਰਟ 'ਚ ਫਾਈਨ ਆਰਟ ਦਾ ਅਧਿਐਨ
ਕਰਨ ਚਲਿਆ ਗਿਆ, ਜਿੱਥੇ ਉਸ ਨੇ ਸੋਮਨਾਥ ਹੋਰੇ, ਰਾਕੇਸ਼ ਮਹਿਰਾ, ਧਨਰਾਜ ਭਗਤ ਤੇ
ਬੀ.ਸੀ. ਸਾਨਿਆਲ ਦੀ ਛਤਰਛਾਇਆ ਹੇਠਾਂ ਰੰਗਾਂ ਨਾਲ ਬਾਤਾਂ ਪਾਉਣੀਆਂ ਸਿੱਖੀਆਂ। ਬਾਅਦ
ਵਿਚ ਮਨਜੀਤ ਕਹਿੰਦਾ ਹੁੰਦਾ ਸੀ ਕਿ ਅਬਾਨੀ ਸੇਨ ਨੇ ਉਹਨੂੰ ਉਦੋਂ
ਆਕ੍ਰਿਤੀਆਂ/ਅਕਾਰਾਂ ਦੀ ਸਿਰਜਣਾ ਵਾਲੇ ਪਾਸੇ ਲਾਇਆ ਜਦੋਂ ਪੂਰਾ ਕਲਾ ਜਗਤ ਐਬਸਟਰੈਕਟ
ਦੇ ਸੋਹਿਲੇ ਗਾ ਰਿਹਾ ਸੀ।
ਵਡੇਹਰਾ ਆਰਟ ਗੈਲਰੀ ਦੇ ਮਾਲਕ ਵਡੇਹਰਾ ਨੇ ਦੱਸਿਆ ਕਿ ਨਿਊਯਾਰਕ 'ਚ ਕ੍ਰਿਸਟੀ ਦੀ
ਬੋਗੀ 'ਚ ਮਨਜੀਤ ਸਿੰਘ ਦੀਆਂ ਕਲਾਕ੍ਰਿਤਾਂ 360,000 ਅਮਰੀਕੀ ਡਾਲਰਾਂ 'ਚ ਵਿਕਰੀਆਂ
ਸਨ। ਉਹ ਆਜ਼ਾਦੀ ਮਗਰੋਂ ਦਾ ਬੜਾ ਵੱਡਾ ਕਲਾਕਾਰ ਸੀ। ਉਹਦਾ ਕੰਮ ਬਿਲਕੁਲ ਮੌਲਿਕ, ਏਨੀ
ਸ਼ਿੱਦਤ ਨਾਲ ਪੂਰਾ ਭਾਰਤੀ ਸੀ ਕਿ ਉਹ ਵੱਖਰਾ ਹੀ ਚਮਕਦਾ ਸੀ। ਅਸਲ 'ਚ ਉਹਦਾ ਕਾਰਜ ਐਮ
ਐਫ ਹੁਸੈਨ ਵਾਂਗ ਵਿਲੱਖਣ ਸੀ।
ਹੁਸੈਨੀਵਾਲਾ ਸਰਹੱਦ ਨੇੜਿਓਂ ਛੇ ਕਿਲੋ ਹੈਰੋਇਨ ਬਰਾਮਦ
ਫਿਰੋਜ਼ਪੁਰ ਛਾਉਣੀ/ਬਿਊਰੋ ਨਿਊਜ਼
ਬੀਐਸਐਫ ਦੀ 7ਵੀਂ ਬਟਾਲੀਅਨ ਦੇ ਜਵਾਨਾਂ ਨੇ ਅੰਤਰਰਾਸ਼ਟਰੀ ਸਰਹੱਦ ਹੁਸੈਨੀਵਾਲਾ
ਨਜ਼ਦੀਕ ਪੈਂਦੀ ਚੌਕੀ ਤੇਲੂ ਮੱਲ ਵਿਖੇ ਗਸ਼ਤ ਦੌਰਾਨ ਛੇ ਕਿਲੋ ਹੈਰੋਇਨ ਬਰਾਮਦ ਕੀਤੀ
ਹੈ। ਇਸ ਦੀ ਅੰਤਰਰਾਸ਼ਟਰੀ ਮੰਡੀ ਵਿਚ ਕੀਮਤ 30 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਬੀ
ਐਸ ਐਫ ਦੇ ਡੀਆਈਜੀ, ਐਮਐਲ ਵਾਸਨ ਨੇ ਦੱਸਿਆ ਕਿ ਜਦੋਂ ਜਵਾਨ ਗਸ਼ਤ ਕਰ ਰਹੇ ਸਨ ਤਾਂ
ਉਹਨਾਂ ਨੂੰ ਸੂਚਨਾ ਮਿਲੀ ਕਿ ਹੈਰੋਇਨ ਸਮਗਲਰਾਂ ਨੇ ਸਰਹੱਦ ਉੱਤੇ ਪੈਂਦੇ ਸਰਕੰਡਿਆਂ
ਵਿਚ ਹੈਰੋਇਨ ਲੁਕਾਈ ਹੋਈ ਹੈ। ਬੀ ਐਸ ਐਫ ਦੇ ਜਵਾਨਾਂ ਨੇ ਇੰਸਪੈਕਟਰ ਆਰ ਡੀ ਮਹਿਤਾ
ਦੀ ਅਗਵਾਈ ਹੇਠ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ ਤੇ ਉਹਨਾਂ ਨੂੰ ਸਰਕੰਡੇ ਵਿਚ ਲੁਕਾਏ
1-1 ਕਿਲੋ ਦੇ 6 ਪੈਕੇਟ ਬਰਾਮਦ ਹੋਏ। ਸ੍ਰੀ ਵਾਸਨ ਨੇ ਦੱਸਿਆ ਕਿ ਫੜੇ ਗਏ ਹੈਰੋਇਨ
ਦੇ ਪੈਕਟਾਂ ਉੱਪਰ 555-2009 ਲਿਖਿਆ ਹੋਇਆ ਹੈ ਅਤੇ ਇਕ ਪੈਕੇਟ ਉੱਪਰ ਅੰਕਲ ਬ੍ਰਦਰਜ਼
ਫਾਊਂਡੇਸ਼ਨ ਦਾਨੇਵਾਲ ਏਰੀਆ 2005 ਲਿਖਿਆ ਹੈ। ਉਹਨਾਂ ਦੱਸਿਆ ਕਿ ਹੈਰੋਇਨ ਇੱਥੇ
ਲਿਆਉਣ ਵਾਲਿਆਂ ਦਾ ਪਤਾ ਲਾਇਆ ਜਾ ਰਿਹਾ ਹੈ।
ਸ਼ੇਖ ਹਸੀਨਾ ਨੂੰ ਬੰਗਲਾਦੇਸ਼ ਵਿਚ ਭਾਰੀ ਬਹੁਮਤ
ਬੰਗਲਾਦੇਸ਼/ਬਿਊਰੋ ਨਿਊਜ਼
ਭਾਰਤ ਨੇ ਬੰਗਲਾਦੇਸ਼ ਵਿਚ ਸ਼ਾਂਤੀਪੂਰਨ, ਨਿਰਪੱਖ ਅਤੇ ਆਜਾਦ ਚੋਣਾਂ ਲਈ ਮੁਲਕ ਦੇ
ਲੋਕਾਂ ਅਤੇ ਆਗੂਆਂ ਦੀ ਵਧਾਈ ਦਿੱਤੀ ਹੈ। ਇਨ੍ਹਾਂ ਚੋਣਾਂ ਵਿਚ ਸਾਬਕਾ ਪ੍ਰਧਾਨ
ਮੰਤਰੀ ਅਤੇ ਅਵਾਮੀ ਲੀਗ ਦੀ ਆਗੂ ਸ਼ੇਖ ਹਸੀਨਾ ਦੀ ਅਗਵਾਈ ਵਿਚ ਗਠਜੋੜ ਨੇ ਇਤਿਹਾਸਕ
ਜਿੱਤ ਹਾਸਿਲ ਕੀਤੀ ਹੈ। ਭਾਰਤ ਨੇ ਇਸ ਘਟਨਾਕ੍ਰਮ ਨੂੰ ਸਾਊਥ ਏਸ਼ੀਆ ਖਿੱਤੇ ਲਈ ਇੱਕ
ਮਹੱਤਵਪੂਰਨ ਘਟਨਾਕ੍ਰਮ ਕਰਾਰ ਦਿੱਤਾ ਹੈ। ਚੇਤੇ ਰਹੇ ਕਿ ਸ਼ੇਖ ਹਸੀਨਾ ਦੀ ਪਾਰਟੀ ਨੇ
ਕੁੱਲ 300 ਸੀਟਾਂ ਵਾਲੀ ਪਾਰਲੀਮੈਂਟ ਵਿਚ 258 ਸੀਟਾਂ 'ਤੇ ਕਬਜਾ ਕੀਤਾ ਹੈ।
ਬੰਗਲਾਦੇਸ਼ ਵਿਚ ਇਹ ਚੋਣਾਂ 2 ਸਾਲ ਦੀ ਐਮਰਜੰਸੀ ਤੋਂ ਬਾਅਦ ਕਰਵਾਈਆਂ ਗਈਆਂ ਹਨ।
ਮੁਲਕ ਦੇ ਕੌਮੀ ਚੋਣ ਕਮਿਸ਼ਨ ਨੇ ਸ਼ੇਖ ਹਸੀਨਾ ਦੀ ਜਿੱਤ ਦਾ ਐਲਾਨ ਕਰਦਿਆਂ ਕਿਹਾ ਕਿ
ਇਨ੍ਹਾਂ ਚੋਣਾਂ ਵਿਚ ਖਾਲਿਦਾ ਜੀਆ ਦੀ ਨੈਸ਼ਨਲਿਸਟ ਪਾਰਟੀ ਦੀ ਅਗਵਾਈ ਵਾਲੇ ਗਠਜੋੜ
ਨੂੰ ਕੇਵਲ 38 ਸੀਟਾਂ ਤੇ ਸਬਰ ਕਰਨਾ ਪਿਆ ਹੈ।
ਭਾਰਤ-ਪਾਕਿ ਵਿਚਾਲੇ ਤਣਾਅ ਤੋਂ ਚਿੰਤਤ ਹਨ ਅਮਰੀਕ, ਰੂਸ ਤੇ ਚੀਨ
ਨਿਊਯਾਰਕ/ਮਾਸਕੋ
ਬਿਊਰੋ ਨਊਜ਼
ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਲਗਾਤਾਰ ਵੱਧ ਰਹੇ ਤਣਾਅ ਤੋਂ ਅਮਰੀਕਾ ਚੀਨ ਅਤੇ ਰੂਸ
ਡਾਹਢੇ ਚਿੰਤਤ ਦਿਖਾਈ ਦੇ ਰਹੇ ਹਨ। ਰੂਸ ਅਤੇ ਚੀਨ ਨੇ ਆਪਣੀ ਚਿੰਤਾ ਦਾ ਪ੍ਰਗਟਾਵਾ
ਕਰਦਿਆਂ ਦੋਵਾਂ ਦੇਸ਼ਾਂ ਨੂੰ ਮਿਲ ਬੈਠ ਕੇ ਮਸਲੇ ਨਿਬੇੜਨ ਦੀ ਅਪੀਲ ਕੀਤੀ ਹੈ।
ਸੋਮਵਾਰ ਦੇਰ ਰਾਤ ਰੂਸੀ ਵਿਦੇਸ਼ ਮੰਤਰਾਲਾ ਵੱਲੋਂ ਜਾਰੀ ਬਿਆਨ ਵਿਚ ਰੂਸ ਦੇ ਵਿਦੇਸ਼
ਮੰਤਰੀ ਸਰਗਈ ਲੈਬਰੋਬ ਅਤੇ ਯਾਂਗ ਜਿਏਚੀ ਨੇ ਟੈਲੀਫੋਨ 'ਤੇ ਗੱਲਬਾਤ ਕੀਤੀ ਅਤੇ ਭਾਰਤ
ਪਾਕਿਸਤਾਨ ਵਿਚ ਵੱਧ ਰਹੇ ਤਣਾਅ 'ਤੇ ਚਿੰਤਾ ਜ਼ਾਹਰ ਕੀਤੀ। ਉੱਧਰ ਅਮਰੀਕੀ ਵਿਦੇਸ਼
ਮੰਤਰੀ ਕੋਂਡੋਲੀਜ਼ਾ ਰਾਈਸ ਨੇ ਵੀ ਭਾਰਤ-ਪਾਕਿ ਸਰਹੱਦ 'ਤੇ ਫੌਜੀ ਜਿਮਾਵੜੇ 'ਤੇ
ਚਿੰਤਾ ਪ੍ਰਗਟਾਈ ਹੈ। ਰਾਈਸ ਨੇ ਇਸ ਸਬੰਧੀ ਪਾਕਿਸਤਾਨ ਦੇ ਰਾਸ਼ਟਰਪਤੀ ਆਸਿਫ ਅਲੀ
ਜ਼ਰਦਾਰੀ ਅਤੇ ਭਾਰਤ ਦੇ ਵਿਦੇਸ਼ ਮੰਤਰੀ ਪ੍ਰਣਬ ਮੁਖਰਜੀ ਨਾਲ ਟੈਲੀਫੋਨ 'ਤੇ ਗੱਲਬਾਤ
ਕਰਕੇ ਆਪਣੀਆਂ ਚਿੰਤਾਵਾਂ ਤੋਂ ਜਾਣੂੰ ਕਰਵਾਇਆ।
ਧੁੰਦ ਅਤੇ ਕੋਹਰੇ ਨਾਲ ਜੀਵਨ ਅਸਤ-ਵਿਅਸਤ
ਚੰਡੀਗੜ੍ਹ/ਬਿਊਰੋ ਨਿਊਜ਼
ਪੰਜਾਬ ਅਤੇ ਇਸ ਦੇ ਆਸ-ਪਾਸ ਦੇ ਇਲਾਕਿਆਂ ਵਿਚ ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ
ਸੰਘਣੀ ਧੁੰਦ ਅਤੇ ਕੋਹਰੇ ਨੇ ਜ਼ਿੰਦਗੀ ਅਸਤ ਵਿਅਸਤ ਕਰ ਦਿੱਤੀ ਹੈ। ਪੂਰੇ ਉੱਤਰੀ
ਭਾਰਤ ਨੇ ਸ਼ੀਤ ਲਹਿਰ ਵੱਗ ਰਹੀ ਹੈ ਅਤੇ ਧੁੰਦ ਕਾਰਨ ਆਵਾਜਾਈ ਵਿਚ ਵਿਘਨ ਪਿਆ ਹੈ।
ਮੌਸਮ ਵਿਭਾਗ ਦੇ ਸੂਤਰਾਂ ਮੁਤਾਬਿਕ ਕਈ ਥਾਵਾਂ 'ਤੇ ਤਾਪਮਾਨ ਜ਼ੀਰੋ ਡਿਗਰੀ 'ਤੇ
ਪਹੁੰਚ ਗਿਆ ਹੈ। ਧੁੰਦ ਕਾਰਨ ਚੰਡੀਗੜ੍ਹ ਤੋਂ ਮੁੰਬਈ ਜਾਣ ਵਾਲੀਆਂ ਕਈ ਫਲਾਇਟਾਂ ਰੱਦ
ਕਰ ਦਿੱਤੀਆਂ ਗਈਆਂ ਅਤੇ ਰੇਲ ਗੱਡੀਆਂ ਆਪਣੇ ਸਮੇਂ ਤੋਂ ਕਾਫੀ ਪਛੜ ਕੇ ਚੱਲ ਰਹੀਆਂ
ਹਨ। ਅੰਮ੍ਰਿਤਸਰ ਦੇ ਰਾਜਾਸਾਂਸੀ ਹਵਾਈ ਅੱਡੇ ਤੋਂ ਪਿਛਲੇ 24 ਘੰਟਿਆਂ ਦਰਮਿਆਨ ਸਿਰਫ
ਇੱਕ ਉਡਾਨ ਹੀ ਹੋ ਸਕੀ। ਅੱਜ ਅੰਮ੍ਰਿਤਸਰ ਸਭ ਤੋਂ ਠੰਡਾ ਸ਼ਹਿਰ ਹੈ ਜਿੱਥੇ ਤਾਪਮਾਨ
3.3 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਤਾਮਿਲਨਾਡੂ ਵਿੱਚ ਬੱਸ ਅਤੇ
ਵੈਨ ਵਿਚਾਲੇ ਟੱਕਰ, ਚਾਰ ਮਰੇ
ਕੋਇੰਬਟੂਰ, 30 ਦਸੰਬਰ : ਤਾਮਿਲਨਾਡੂ ਦੇ ਸੁਲੂਰ ਦੇ ਨੇੜੇ ਇੱਕ ਬੱਸ ਦੇ ਇੱਕ ਵੈਨ
ਵਿੱਚ ਪਿਛੋਂ ਟੱਕਰ ਮਾਰ ਦੇਣ ਦੀ ਘਟਨਾ ਵਿੱਚ ਘੱਟ ਤੋਂ ਘੱਟ ਚਾਰ ਲੋਕਾਂ ਦੀ ਮੌਕੇ
ਤੇ ਹੀ ਮੌਤ ਹੋ ਗਈ। ਜਦੋਂਕਿ ਚਾਰ ਜਖਮੀ ਹੋ ਗਏ ਹਨ। ਘਟਨਾ ਵਿੱਚ ਜਖਮੀ ਹੋਣ ਵਾਲੇ
ਸਾਰੇ ਲੋਕ ਵੈਨ ਵਿੱਚ ਸਵਾਰ ਸੀ। ਪੁਲੀਸ ਨੇ ਕਿਹਾ ਕਿ ਇਥੋਂ 30 ਕਿਲੋਮੀਟਰ ਦੂਰ
ਏਥੇਗਾਉਡਰ ਪੁਡੁਰ ਵਿੱਚ ਅੱਜ ਸਵੇਰੇ ਇਹ ਘਟਨਾ ਹੋਈ ਹੈ। ਜਖਮੀਆਂ ਨੂੰ ਇਥੇ ਇੱਕ
ਨਿਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਬੱਸ ਮਦੁਕਾਰਾ ਤੋਂ
ਇਰੋਡ ਜਾ ਰਹੀ ਸੀ ਜਦੋਂਕਿ ਵੈਨ ਕੋਚੀ ਤੋਂ ਬੰਗਲੌਰ ਜਾ ਰਹੀ ਸੀ।
ਵਾਇਲਨ ਵਾਦਕ ਏ ਮੁਰਲੀਕ੍ਰਿਸ਼ਣਾ ਦਾ ਦਿਹਾਂਤ
ਵਿਜੇਵਾੜਾ, 30 ਦਸੰਬਰ : ਪ੍ਰਸਿੱਧ ਵਾਇਲਨ ਵਾਦਕ ਅਤੇ ਰੇਡਿਓ ਕਲਾਕਾਰ ਏ
ਮੁਰਲੀਕ੍ਰਿਸ਼ਣਾ ਦਾ ਲੰਬੀ ਬਿਮਾਰੀ ਤੋਂ ਬਾਅਦ ਦਿਹਾਂਤ ਹੋ ਗਿਆ। ਪਰਿਵਾਰਕ ਸੂਤਰਾਂ
ਨੇ ਦੱਸਿਆ ਕਿ ਕਰਨਾਟਕ ਸੰਗੀਤ ਵਿੱਚ ਵਾਇਲਨ ਵਾਦਨ ਦੀ ਦਵਾਰਮ ਪਰੰਪਰਾ ਦੇ ਪ੍ਰਣੇਤਾ
ਮੁਰਲੀਕ੍ਰਿਸ਼ਣਾ ਦਾ ਦਿਹਾਂਤ ਹੋ ਗਿਆ। ਉਹ 65 ਸਾਲ ਦੇ ਸਨ।
ਦਰੁਸਤ ਹੋਈ ਸਮੁੰਦਰੀ ਕੇਬਲ
ਨਵੀਂ ਦਿੱਲੀ, 30 ਦਸੰਬਰ : ਰਿਆਇੰਸ ਕਮਿਊਨਿਕੇਸ਼ਨ ਦੀ ਸਹਿਯੋਗੀ ਕੰਪਨੀ ਫਲੈਗ ਯੂਰਪ
ਏਸ਼ੀਆ ਦੀ ਭੂਮੱਧ ਸਾਗਰ ਵਿੱਚ ਨੁਕਸਾਨਗ੍ਰਸਤ ਹੋਈ ਸਬ ਮੈਰੀਨ ਕੇਬਲ ਨੂੰ ਪੂਰੀ
ਤਰ੍ਹਾਂ ਦਰੁਸਤ ਕਰ ਦਿੱਤਾ ਗਿਆ ਹੈ। ਫਲੈਗ ਯੂਰਪ ਏਸ਼ੀਆ (ਐਫ ਈ ਏ) ਕੇਬਲ ਵਿੱਚ 19
ਦਸੰਬਰ ਨੂੰ ਕਈ ਥਾਵਾਂ ਤੋਂ ਕੱਟੇ ਹੋਣ ਦੀ ਸੂਚਨਾ ਮਿਲੀ ਸੀ, ਜਿਸ ਨਾਲ ਇੰਟਰਨੈਟ
ਸੇਵਾਵਾਂ ਪ੍ਰਭਾਵਿਤ ਹੋਈਆਂ ਸਨ।
ਸਵਰਾਜ ਮਾਜਦਾ ਨੂੰ ਵੇਚੇਗੀ
ਮਹਿੰਦਰਾ
ਨਵੀਂ ਦਿੱਲੀ/ਮੁਹਾਲੀ, 30 ਦਸੰਬਰ : ਆਟੋ ਖੇਤਰ ਦੀ ਮਹਿੰਦਰਾ ਐਂਡ ਮਹਿੰਦਰਾ ਨੇ
ਵਪਾਰਕ ਵਾਹਨ ਬਣਾਉਣ ਵਾਲੀ ਕੰਪਨੀ ਸਵਰਾਜ ਮਾਜਦਾ ਵਿੱਚ ਆਪਣੀ ਹਿੱਸੇਦਾਰੀ ਜਾਪਾਨ ਦੀ
ਸੁਮੀਤੋਮੋ ਕਾਰਪੋਰੇਸ਼ਨ ਨੂੰ ਵੇਚ ਕੇ ਬਾਹਰ ਨਿਕਲਣਦਾ ਫੈਸਲਾ ਕੀਤਾ ਹੈ। ਸੂਤਰਾਂ ਨੇ
ਕਿਹਾ ਕਿ ਮਹਿੰਦਰਾ ਸਵਰਾਜ ਮਾਜਦਾ ਵਿੱਚ ਆਪਣੀ 14 ਫੀਸਦੀ ਹਿੱਸੇਦਾਰੀ ਵੇਚਣ ਦੀ
ਤਿਆਰੀ ਕਰ ਰਹੀ ਹੈ। ਪੰਜਾਬ ਟੈਕਟਰਸ ਲਿਮਟਿਡ ਦੇ ਅਕਵਾਇਰ ਤੋਂ ਬਾਅਦ ਕੰਪਨੀ ਨੂੰ
ਸਵਰਾਜ ਮਾਜਦਾ ਵਿੱਚ ਉਕਤ ਹਿੱਸੇਦਾਰੀ ਮਿਲੀ ਸੀ। ਹਾਲਾਂਕਿ ਵਿਸਤ੍ਰਿਤ ਬਿਊਰਾ ਤਿਆਰ
ਕੀਤਾ ਜਾ ਰਿਹਾ ਹੈ। ਸੂਤਰਾਂ ਨੇ ਦੱਸਿਆ ਕਿ ਕੰਪਨੀ ਲਗਭਗ 292 ਰੁਪਏ ਪ੍ਰਤੀ ਸ਼ੇਅਰ
ਵਿੱਚ ਹਿੱਸੇਦਾਰੀ ਵੇਚ ਸਕਦੀ ਹੈ। ਉੱਧਰ ਮਹਿੰਦਰਾ ਐਂਡ ਮਹਿੰਦਰਾ ਦੇ ਅਧਿਕਾਰੀਆਂ
ਤੋਂ ਉਕਤ ਘਟਨਾਕ੍ਰਮ ਦੇ ਸਬੰਧ ਵਿੱਚ ਟਿਪਣੀ ਨਹੀਂ ਲਈ ਜਾ ਸਕੀ। ਇੱਥੇ ਜਿਕਰਯੋਗ ਹੈ
ਕਿ ਮੁਹਾਲੀ ਵਿੱਚ ਸਵਰਾਜ ਟ੍ਰੈਕਟਰ ਫੈਕਟਰੀ (ਪੀ ਟੀ ਐਲ) ਤੇ ਕਾਬਜ ਮਹਿੰਦਰਾ ਐਂਡ
ਮਹਿੰਦਰਾ ਨੇ ਇੱਥੇ ਵੀ ਉਤਪਾਦਨ ਕਾਫੀ ਘਟਾ ਦਿੱਤਾ ਹੈ ਅਤੇ ਕਰਮਚਾਰੀਆਂ ਨੂੰ ਛੁੱਟੀ
ਤੇ ਵੀ ਭੇਜਿਆ ਜਾ ਰਿਹਾ ਹੈ। ਵਿਸ਼ਵ ਵਿੱਚ ਫੈਲੀ ਮੰਦੀ ਨੂੰ ਦੇਖਦਿਆਂ ਦਸੰਬਰ ਮਹੀਨੇ
ਵਿੱਚ ਕਰਮਚਾਰੀਆਂ ਦੀਆਂ ਰਹਿੰਦੀਆਂ ਛੁੱਟੀਆਂ ਨੂੰ ਪੂਰਾ ਕਰਨ ਲਈ ਯੂਨੀਅਨ ਦੀ ਮਰਜੀ
ਨਾਲ ਇਹ ਛੁੱਟੀਆਂ ਕੀਤੀਆਂ ਗਈਆਂ ਸਨ ਅਤੇ ਅੱਜ ਪੀ ਟੀ ਐਲ ਦੀ ਯੂਨੀਅਨ ਡਿਜਾਲਵ ਹੋ
ਗਈ ਹੈ। ਅਗਲੀ ਚੋਣ ਸ਼ਨੀਵਾਰ ਨੂੰ ਹੋਣ ਤੋਂ ਬਾਅਦ ਅਗਲੇ ਮਹੀਨੇ ਵਿੱਚ ਯੂਨੀਅਨ ਦੇ
ਨਾਲ ਮਿਲ ਕੇ ਹੀ ਪਲਾਨਿੰਗ ਕੀਤੀ ਜਾਵੇਗੀ।
ਧੁੰਦ ਨਾਲ
ਆਵਾਜਾਈ ਠੱਪ
ਨਵੀਂ ਦਿੱਲੀ, ਸੋਮਵਾਰ, 29 ਦਸੰਬਰ 2008-ਰਾਸ਼ਟਰੀ ਰਾਜਧਾਨੀ 'ਚ ਅੱਜ ਸਵੇਰੇ
ਧੁੰਦ ਦੀ ਵਜ੍ਹਾ ਨਾਲ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਜਹਾਜ਼ਾਂ ਦਾ ਸਹੀ
ਸਮੇਂ 'ਤੇ ਚੱਲਣ ਦਾ ਕੰਮ ਪ੍ਰਭਾਵਤ ਹੋਇਆ ਅਤੇ 35 ਦੇ ਕਰੀਬ ਉਡਾਨਾਂ ਲੇਟ
ਸਨ,ਜਦੋਂਕਿ ਤਿੰਨ ਰੱਦ ਕਰ ਦਿੱਤੀਆਂ ਗਈਆਂ ਹਨ,ਦੋ ਦਾ ਮੁੰਬਈ ਲਈ ਮਾਰਗ ਬਦਲ ਦਿੱਤਾ
ਗਿਆ ਹੈ।
ਸੰਘਣੀ ਧੁੰਦ ਦੀ ਵਜ੍ਹਾ ਨਾਲ ਰੇਲ ਸੇਵਾਵਾਂ ਅਤੇ ਸੜਕ ਆਵਾਜਾਈ ਵੀ ਬੁਰ੍ਹੀ ਤਰ੍ਹਾਂ
ਪ੍ਰਭਾਵਤ ਹੋਈ ਹੈ।ਆਈਜੀਆਈ ਹਵਾਈ ਅੱਡੇ 'ਤੇ ਆਮ ਰੋਸ਼ਨੀ 100 ਮੀਟਰ ਤੋਂ ਥੱਲੇ ਚੱਲੀ
ਗਈ ਅਤੇ ਰਨਵੇ ਰੋਸ਼ਨੀ ਦੂਰੀ (ਆਰਵੀਆਰ) ਘੱਟਕੇ 50 ਮੀਟਰ ਤੋਂ ਘੱਟ ਹੋ ਗਈ।ਜਹਾਜ਼ਾਂ
ਦੇ ਸੰਚਾਲਨ ਦੇ ਲਈ ਇਹ ਦੂਰੀ ਘੱਟ ਤੋਂ ਘੱਟ 100 ਮੀਟਰ ਹੋਣੀ ਚਾਹੀਦੀ ਹੈ।ਹਵਾਈ
ਅੱਡਅ ਸੂਤਰਾਂ ਨੇ ਦੱਸਿਆ ਹੈ ਕਿ ਇਸ ਦੀ ਵਜ੍ਹਾ ਨਾਲ ਜਹਾਜ਼ਾਂ ਦੇ ਆਉਣ ਅਤੇ ਜਾਣ 'ਚ
ਰੁਕਾਵਟ ਆਈ।ਲੇਟ ਉਡਾਨਾਂ 'ਚ ਚਾਰ ਅੰਤਰਰਾਸ਼ਟਰੀ ਮਾਰਗ ਦੀਆਂ ਉਡਾਨਾਂ ਹਨ।
ਸੰਘਣੀ ਧੁੰਦ ਕਾਰਣ ਅੱਜ ਸਵੇਰੇ ਚਾਰ ਵੱਜੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ
ਨੂੰ ਆਪਣੇ ਆਗੋਸ਼ 'ਚ ਲੈ ਲਿਆ।ਇਸ ਦੀ ਵਜ੍ਹਾ ਨਾਲ ਅਧਿਕਾਰੀਆਂ ਨੂੰ ਮਜ਼ਬੂਰਨ
ਅੰਤਰਰਾਸ਼ਟਰੀ ਉਡਾਨਾਂ ਦਾ ਮਾਰਗ ਬਦਲਣਾ ਪਿਆ।ਇਨ੍ਹਾ ਵਿੱਚੋਂ ਇੱਕ ਜਹਾਜ਼ ਅਮਾਨ ਤੋਂ ਆ
ਰਹੀ ਰਾਇਲ ਜਾਰਡੀਅਨ ਏਅਰਲਾਈਂਜ਼ ਦਾ ਸੀ,ਜਦੋਂਕਿ ਦੂਸਰਾ ਦੁਬਈ-ਦਿੱਲੀ ਜੇਟ ਏਅਰਵੇਜ਼
ਦਾ ਜਹਾਜ਼ ਸੀ।ਕੋਹਰੇ ਦੇ ਕਾਰਣ ਜੈਟ ਏਅਰਵੇਜ਼ ਦੀਆਂ ਦੋ ਅਤ ਗੋ ਏਅਰ ਦੀ ਇੱਕ ਘਰੇਲੂ
ਉਡਾਨ ਰੱਦ ਕਰਨੀ ਪਈ।
ਮੰਦੀ ਦੇ ਦੌਰ ਵਿੱਚ ਮਹਿੰਗਾਈ
ਅਗਲੇ ਵਰ੍ਹੇ ਤੱਕ ਵੀ ਘਟਣ ਦੇ ਸੰਕੇਤ ਨਹੀਂ
ਦਿੱਲੀ,29 ਦਸੰਬਰ-ਮੌਜੂਦਾ ਆਰਥਿਕ ਮਾਹੌਲ ਵਿੱਚ ਬੁਰੀਆਂ ਖਬਰਾਂ ਦੀ ਕੋਈ ਕਮੀ ਨਹੀਂ
ਹੈ। ਲਿਹਾਜਾ ਅਡਵਾਂਸ ਟੈਕਸ ਕੁਲੈਕਸ਼ਨ ਵਿੱਚ ਭਾਰੀ ਗਿਰਾਵਟ ਦੇ ਨਾਲ ਸਾਲ ਦੇ ਆਖਰੀ
ਸ਼ੁੱਕਰਵਾਰ ਨੂੰ ਸੈਂਸੈਕਸ 250 ਪਾਇੰਟ ਹੇਠਾਂ ਜਾ ਡਿਗਿਆ ਤਾਂ ਲੋਕਾਂ ਨੇ ਇਸਨੂਜ਼ੰ
ਰੋਜਮੱਰਾ ਦੀਆਂ ਚੀਜਾਂ ਵਾਂਗ ਲਿਆ। ਪਿਛਲੇ ਕਈ ਮਹੀਨਿਆਂ ਤੋਂ ਸ਼ੁੱਕਰਵਾਰ ਅਜਿਹਾ ਹੀ
ਜਾ ਰਿਹਾ ਹੈ। ਹਫਤੇ ਦੇ ਦੋ ਜਾਂ ਤਿੰਨ ਦਿਨ ਕੁੱਝ ਚੰਗਾ ਹੋਣ ਦੀ ਉਮੀਦ ਵਿੱਚ ਲੰਘਦੇ
ਹਨ, ਫਿਰ ਮੌਕੇ ਦੀ ਤਾਕ ਵਿੱਚ ਬੈਠੇ ਮੰਦੜੀਏ ਕਿਸੇ ਬੁਰੀ ਖਬਰ ਦਾ ਸਹਾਰਾ ਲੈ ਕੇ
ਬਜਾਰ ਨੂੰ ਗਿਰਾ ਦਿੰਦੇ ਹਨ ਅਤੇ ਮੁਨਾਫਾ ਵਸੂਲੀ ਕਰਕੇ ਘਰ ਚਲੇ ਜਾਂਦੇ ਹਨ। ਇੱਥੇ
ਇਹ ਗੱਲ ਜਿਕਰਯੋਗ ਹੈ ਕਿ ਦਸੰਬਰ ਦੀ ਤਿਮਾਹੀ ਦੇ ਲਈ ਜਮ੍ਹਾਂ ਹੋਇਆ ਅਡਵਾਂਸ ਟੈਕਸ
ਪਿਛਲੇ ਸਾਲ ਦੀ ਇਸੇ ਤਿਮਾਹੀ ਦੇ ਮੁਕਾਬਲੇ 22 ਫੀਸਦੀ ਘੱਟ ਸੀ ਜੋ ਕਿ ਇੱਕ ਨਵੀਂ
ਗੱਲ ਵਾਲੇ ਪਾਸੇ ਇਸ਼ਾਰਾ ਕਰਦੀ ਹੈ। ਅਡਵਾਂਸ ਟੈਕਸ, ਉਦਯੋਗਾਂ ਵਲੋਂ ਆਪਣੀ ਪਹਿਲ ਤੇ
ਦਿੱਤੀ ਜਾਣ ਵਾਲੀ ਉਹ ਟੈਕਸ ਰਾਸ਼ੀ ਹੈ, ਜਿਸਨੂੰ ਉਹ ਆਪਣੇ ਸਾਲਾਨਾ ਮੁਨਾਫੇ ਦਾ
ਅੰਦਾਜਾ ਲਗਾ ਕੇ ਹਰੇਕ ਤਿਮਾਹੀ ਵਿੱਚ ਜਮ੍ਹਾਂ ਕਰਦਾ ਹੈ। ਮਾਰਚ, ਜੂਨ, ਸਤੰਬਰ ਅਤੇ
ਦਸੰਬਰ ਦੀ 15 ਤਰੀਕ ਤੱਕ ਇਹ ਰਕਮ ਜਮ੍ਹਾਂ ਕਰਨੀ ਹੁੰਦੀ ਹੈ ਅਤੇ ਸਾਲ ਦੇ ਖਤਮ ਹੋਣ
ਤੇ ਜੇਕਰ ਇਹ ਰਕਮ ਕੁੱਲ ਟੈਕਸ ਤੋਂ ਜਿਆਦਾ ਹੋਵੇ ਤਾਂ ਬਾਕੀ ਪੈਸਾ ਵਾਪਿਸ ਹੋ ਜਾਂਦਾ
ਹੈ। 15 ਸਤੰਬਰ ਤੋਂ 15 ਦਸੰਬਰ ਤੱਕ ਦੀ ਤਿਮਾਹੀ ਵਿੱਚ ਪਿਛਲੇ ਵਿੱਤ ਵਰ੍ਹੇ ਦੇ ਇਸੇ
ਸਮੇਂ ਦੇ ਮੁਕਾਬਲੇ 22 ਫੀਸਦੀ ਘੱਟ ਅਡਵਾਂਸ ਟੈਕਸ ਦੀ ਵਸੂਲੀ ਦਾ ਇਹ ਅਰਥ ਨਹੀਂ ਹੈ
ਕਿ ਸਾਰੇ ਉਦਯੋਗ ਇਸ ਸਾਲ ਮੁਨਾਫਾ ਇੰਨਾ ਜਾਂ ਇਸ ਤੋਂ ਵੀ ਘੱਟ ਜਾਣ ਦਾ ਹਿਸਾਬ ਲਗਾ
ਕੇ ਬੈਠੇ ਹਨ। ਤੁਲਨਾ ਦਾ ਆਧਾਰ ਮਾਰਚ ਤੋਂ ਦਸੰਬਰ ਤੱਕ ਦੇ ਮਹੀਨਿਆਂ ਨੂੰ ਬਣਾਈਏ
ਤਾਂ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਇਹ ਵਸੂਲੀ ਮਾਤਰ ਢਾਈ ਫੀਸਦੀ ਘੱਟ ਹੋਈ ਹੈ।
ਮਾਰਚ 2009 ਦੇ ਪੂਰੇ ਸਾਲ ਦਾ ਹਿਸਾਬ ਹੋਣ ਤੱਕ ਪ੍ਰਤੱਖ ਟੈਕਸਾਂ ਦੀ ਕੁੱਲ ਵਸੂਲੀ
12 ਫੀਸਦੀ ਵਧਣ ਦੀ ਉਮੀਦ ਕੀਤੀ ਜਾ ਰਹ ਹੈ। ਬਜਟ ਵਿੱਚ ਇਸ ਸਾਲ ਇਸਨੂੰ 15 ਫੀਸਦੀ
ਵਧਾਉਣ ਦਾ ਟੀਚਾ ਰੱਖਿਆ ਗਿਆ ਸੀ, ਜਿਸਦੇ ਪੂਰਾ ਹੋਣ ਦੇ ਕੋਈ ਆਸਾਰ ਨਹੀਂ ਹਨ। ਇਸ
ਮੌਕਰੋ ਇਕਨਾਮਿਕ ਨਜ਼ਰੀਏ ਨਾਲ ਦੇਖਿਆ ਜਾਵੇ ਤਾਂ ਸਰਕਾਰ ਦੀ ਆਮਦਨ ਅਤੇ ਖਰਚੇ ਦੇ
ਹਿਸਾਬ ਵਿੱਚ ਪਾੜਾ ਵੱਧਦਾ ਦਿਖਾਈ ਦਿੰਦਾ ਹੈ। ਮੰਦੀ ਤੋਂ ਨਿਪਟਣ ਦੀ ਕੋਸ਼ਿਸ਼ ਵਿੱਚ
ਸਰਕਾਰ ਅਤੇ ਗੈਰ ਯੋਜਨਾ, ਦੋਹਾਂ ਹੀ ਤਰ੍ਹਾਂ ਦੀਆਂ ਮਦਾਂ ਵਿੱਚ ਖਰਚੇ ਵਧਾਉਣੇ ਪੈ
ਰਹੇ ਹਨ, ਜਦੋਂ ਕਿ ਸਰਕਾਰ ਦੀ ਝੋਲੀ ਵਿੱਚ ਟੈਕਸ ਦੀ ਆਮਦਨ ਲਗਾਤਾਰ ਘੱਟ ਰਹੀ ਹੈ।
ਭੂਜ਼ਮੰਡਲੀਕਰਨ ਦੇ ਵਿਆਪਕ ਢਾਂਚੇ ਵਿੱਚ ਫਿੱਟ ਬੈਠਣ ਲਈ ਭਾਰਤ ਸਰਕਾਰ ਨੇ ਆਪਣਾ ਬਜਟ
ਘਾਟਾ ਢਾਈ ਫੀਸਦੀ ਤੋਂ ਉੱਤੇ ਨਾ ਜਾਣ ਦੇਣ ਦਾ ਸੰਕਲਪ ਲੈ ਰੱਖਿਆ ਹੈ, ਪਰ ਮਾਰਚ ਤੱਕ
ਇਸਦੇ 5 ਫੀਸਦੀ ਤੋਂ ਉੱਤੇ ਚਲੇ ਜਾਣ ਦਾ ਅੰਦਾਜਾ ਲਗਾਇਆ ਜਾ ਰਿਹਾ ਹੈ। ਜਿਆਦਾ ਘਾਟਾ
ਭਾਵ ਸਰਕਾਰੀ ਕਰਜਾ ਭਾਵ ਜਿਆਦਾ ਨੋਟ ਛਾਪਣ ਦੀ ਮਜਬੂਰੀ। ਇਸ ਸਮੀਕਰਨ ਦਾ ਅਰਥ ਇਹ ਵੀ
ਲਗਾਇਆ ਜਾ ਸਕਦਾ ਹੈ ਕਿ ਤਮਾਮ ਦਾਅਵਿਆਂ ਦੇ ਬਾਵਜੂਦ ਸਿੱਕੇ ਦੇ ਪਸਾਰ ਦੀ ਦਰ
(ਮਹਿੰਗਾਈ) ਤੋਂ ਸਾਨੂੰ ਅਗਲੇ ਸਾਲ ਵੀ ਨਿਜਾਤ ਨਹੀਂ ਮਿਲਣ ਵਾਲੀ।
ਰਸੋਈ ਗੈਸ ਲੀਕ ਹੋਣ ਨਾਲ ਅੱਗ ਲਗੀ, 13 ਲੋਕ ਝੁਲਸੇ
ਦਿੱਲੀ, 29 ਦਸੰਬਰ : ਬਿਹਾਰ ਦੇ ਛਪਰਾ ਜਿਲੇ ਦੇ ਨਗਰ ਥਾਨਾ ਖੇਤਰ ਦੇ ਦਿਨਯਾਵਾ
ਮੁਹੱਲੇ ਦੀ ਮੁਬਾਰਕ ਲੇਨ ਸਥਿਤ ਇੱਕ ਮਕਾਨ ਵਿੱਚ ਸਲਿੰਡਰ ਤੋਂ ਗੈਸ ਲੀਕ ਹੋਣ ਨਾਲ
ਅੱਜ ਸਵੇਰੇ ਲੱਗੀ ਅੱਗ ਵਿੱਚ ਤਿੰਨ ਔਰਤਾਂ ਸਮੇਤ 13 ਲੋਕ ਜਖਮੀ ਹੋ ਗਏ। ਨਗਰ ਥਾਨਾ
ਇੰਚਾਰਜ ਜੈ ਰਾਮ ਸ਼ਰਮਾ ਨੇ ਦੱਸਿਆ ਕਿ ਮੁਬਾਰਕ ਲੇਨ ਨਿਵਾਸੀ ਰਾਮੇਸ਼ਵਰ ਪ੍ਰਸਾਦ ਦੀ
ਪਤਨੀ ਨੇ ਜਦ ਰਸੋਈ ਵਿੱਚ ਬਲਬ ਦਾ ਸਵਿੱਚ ਔਨ ਕੀਤਾ ਤਾਂ ਗੈਸ ਦੇ ਬਿਜਲੀ ਦੇ ਸੰਪਰਕ
ਵਿੱਚ ਆਉਣ ਨਾਲ ਅੱਗ ਲੱਗ ਗਈ ਜਿਸ ਨਾਲ ਉਹ ਝੁਲਸੀ ਗਈ। ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼
ਵਿੱਚ ਦੋ ਔਰਤਾਂ ਸਮੇਤ 10 ਹੋਰ ਪੜੋਸੀ ਵੀ ਅੱਗ ਵਿੱਚ ਝੁਲਸੇ ਗਏ ਪ੍ਰਸਾਦ ਦੀ ਪਤਨੀ
ਅਤੇ ਦੋ ਹੋਰ ਔਰਤਾਂ ਨੂੰ ਪਟਨਾ ਮੈਡੀਕਲ ਕਾਲਜ ਹਸਪਤਾਲ ਵਿਚ ਭੇਜ ਦਿੱਤਾ ਗਿਆ
ਜਦੋਂਕਿ ਬਾਕੀਆਂ ਦਾ ਇਲਾਜ ਸਥਾਨਕ ਸਦਰ ਹਸਪਤਾਲ ਵਿੱਚ ਜਾਰੀ ਹੈ।
ਉਮਰ ਨੂੰ ਮੁੱਖ ਮੰਤਰੀ ਬਣਾਇਆ ਜਾਣਾ ਚਾਹੀਦਾ ਹੈ:
ਫਾਰੁਕ
ਸ੍ਰੀਨਗਰ, 29 ਦਸੰਬਰ : ਨੈਸ਼ਨਲ ਕਾਨਫਰੰਸ ਦੇ ਮੁੱਖੀ ਫਾਰੁਕ ਅਬਦੁੱਲਾ ਨੇ ਅੱਜ ਕਿਹਾ
ਹੈ ਕਿ ਉਹਨਾਂ ਦੇ ਪੁੱਤਰ ਉਮਰ ਅਬਦੁੱਲਾ ਨੂੰ ਜੰਮੂ-ਕਸ਼ਮੀਰ ਦਾ ਨਵਾਂ ਮੁੱਖ ਮੰਤਰੀ
ਬਣਾਇਆ ਜਾਣਾ ਚਾਹੀਦਾ ਹੈ। ਜਿਕਰਯੋਗ ਹੈ ਕਿ ਨੈਸ਼ਨਲ ਕਾਨਫਰੰਸ ਰਾਜ ਵਿੱਚ ਸਭ ਤੋਂ
ਵੱਡੀ ਪਾਰਟੀ ਦੇ ਰੂਪ ਵਿੱਚ ਉਭਰੀ ਹੈ ਅਤੇ ਉਸ ਨੇ ਕਾਂਰਗਸ ਦੇ ਨਾਲ ਗਠਜੋੜ ਦੇ
ਸੰਕੇਤ ਦਿੱਤੇ ਹਨ। ਕਾਂਗਰਸ ਵੀ ਨੈਸ਼ਨਲ ਕਾਨਫਰੰਸ ਨੂੰ ਸਮਰਥਨ ਦੇ ਸਕਦੀ ਹੈ ਕਿਉਂਕਿ
ਮਨਮੋਹਨ ਸਰਕਾਰ ਦੇ ਵਿਸ਼ਵਾਸ਼ ਮਤ ਦੇ ਦੌਰਾਨ ਦੋਵੇਂ ਦਲ ਕਾਫੀ ਨੇੜੇ ਆਏ ਸਨ। ਸਭ ਤੋਂ
ਜ਼ਿਆਦਾ ਸੀਟਾਂ ਕਿਉਂਕਿ ਨੈਸ਼ਨਲ ਕਾਨਫਰੰਸ ਦੀਆਂ ਹਨ ਇਸ ਲਈ ਮੁੱਖ ਮੰਤਰੀ ਉਸੇ ਦਾ ਹੀ
ਬਣਨਾ ਚਾਹੀਦਾ ਹੈ। ਕਾਂਗਰਸ ਵੱਲੋਂ ਅਜੇ ਤੱਕ ਇਹ ਸਾਫ ਨਹੀਂ ਕੀਤਾ ਗਿਆ ਹੈ ਕਿ ਉਹ
ਸਰਕਾਰ ਵਿੱਚ ਸ਼ਾਮਿਲ ਹੋਵੇਗੀ ਜਾਂ ਨਹੀਂ।
ਗਾਜਾ ਵਿੱਚ ਇਜ਼ਰਾਇਲੀ ਹਮਲੇ ਜਾਰੀ, 307 ਮਰੇ
ਗਾਜਾ, 29 ਦਸੰਬਰ : ਇਜ਼ਰਾਇਲੀ ਲੜਾਕੂ ਜਹਾਜਾਂ ਨੇ ਅੱਜ ਗਾਜਾ ਪੱਟੀ ਵਿੱਚ ਲਗਾਤਾਰ
ਤੀਜੇ ਦਿਨ ਵੀ ਹਵਾਈ ਹਮਲੇ ਕੀਤੇ। ਹਮਲਿਆਂ ਵਿੱਚ 307 ਫਲਸਤੀਨੀ ਨਾਗਰਿਕਾਂ ਦੇ ਮਾਰੇ
ਜਾਣ ਤੋਂ ਬਾਅਦ ਇਜ਼ਾਇਲ ਹੁਣ ਜਮੀਨੀ ਹਮਲੇ ਦੀ ਤਿਆਰੀ ਕਰ ਰਿਹਾ ਹੈ। ਗਾਜਾ ਪੱਟੀ ਤੇ
ਬੀਤੀ ਰਾਤ ਹਵਾਈ ਹਮਲੇ ਤੇਜ ਕਰਨ ਵਾਲੇ ਇਜ਼ਰਾਇਲ ਨੇ ਕਿਹਾ ਕਿ ਉਸ ਨੇ ਇਹ ਹਮਲਾ
ਫਲਸਤੀਨੀ ਵਿਦਰੋਹੀਆਂ ਵੱਲੋਂ ਲਗਭਗ ਰੋਜਾਨਾ ਕੀਤੇ ਜਾ ਰਹੇ ਹਨ ਰਾਕੇਟ ਅਤੇ ਮੋਰਟਾਰ
ਹਮਲਿਆਂ ਦੇ ਮੱਦੇਨਜਰ ਕੀਤਾ ਹੈ। ਉਸ ਦੇ ਅਨੁਸਾਰ ਹਮਾਸ ਵੱਲੋਂ ਇੱਕ ਹਫਤੇ ਪਹਿਲਾਂ
ਜੰਗਬੰਦੀ ਸਮਾਪਤੀ ਦੇ ਐਲਾਨ ਤੋਂ ਬਾਅਦ ਹੋਰ ਤੇਜੀ ਆ ਗਈ ਸੀ। ਇਜ਼ਰਾਇਲ ਦੇ ਪ੍ਰਧਾਨ
ਮੰਤਰੀ ਏਹੁਦ ਓਲਮਰਟ ਦੇ ਬੁਲਾਰੇ ਮਾਰਕ ਰਿਗੇਵ ਨੇ ਕਿਹਾ ਕਿ ਹਮਾਸ ਦੇ ਕਬਜੇ ਵਾਲੇ
ਗਾਜਾ ਪੱਟੀ ਦੇ ਖਿਲਾਫ ਇਹ ਫੌਜੀ ਕਾਰਵਾਈ ਉਦੋਂ ਤੱਕ ਜਾਰੀ ਰਹੇਗੀ ਜਦੋਂ ਤੱਕ ਦੱਖਣੀ
ਇਜ਼ਰਾਇਲ ਵਿੱਚ ਰਹਿਣ ਵਾਲੇ ਇਜ਼ਰਾਇਲੀ ਨਾਗਰਿਕਾਂ ਦੇ ਮਨ ਵਿੱਚੋਂ ਦਹਿਸ਼ਤ ਅਤੇ ਲਗਾਤਾਰ
ਹੋਣ ਵਾਲੇ ਰਾਕੇਟ ਹਮਲਿਆਂ ਦਾ ਡਰ ਖਤਮ ਨਹੀਂ ਹੋ ਜਾਂਦਾ। ਇਜ਼ਰਾਇਲੀ ਫੌਜ ਦੇ ਬੁਲਾਰੇ
ਲਵੀ ਬੇਨਾਯਾਹੂ ਨੇ ਕਿਹਾ ਕਿ ਇਹ ਫੌਜੀ ਕਾਰਵਾਈ ਕਈ ਦਿਨਾਂ ਤੱਕ ਜਾਰੀ ਰਹਿ ਸਕਦੀ
ਹੈ। ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਖੇਤਰ ਵਿੱਚ ਜਾਰੀ ਹਿੰਸਾ ਨੂੰ ਤੁਰੰਤ
ਰੋਕਣ ਦਾ ਸੱਦਾ ਦਿੱਤਾ ਹੈ, ਪਰ ਅਮਰੀਕਾ ਨੇ ਕੱਟੜਪੰਥੀ ਇਸਲਾਮਿਕ ਸੰਗਠਨ ਹਮਾਸ ਨੂੰ
ਜੰਗਬੰਦੀ ਸਮਝੌਤੇ ਨੂੰ ਨਵੇਂ ਸਿਰੇ ਤੋਂ ਲਾਗੂ ਕਰਨ ਦਾ ਦਬਾਅ ਪਾਇਆ ਹੈ। ਇੱਕ
ਸਰਕਾਰੀ ਬੁਲਾਰੇ ਨੇ ਕਿਹਾ ਕਿ ਇਜ਼ਰਾਇਲੀ ਟੈਂਕ 15 ਲੱਖ ਆਬਾਦੀ ਵਾਲੇ ਗਾਜਾ ਪੱਟੀ
ਵਿੱਚ ਪ੍ਰਵੇਸ਼ ਲਈ ਸੀਮਾ ਤੇ ਤੈਨਾਤ ਹਨ। ਓਲਮਰਟ ਮੰਤਰੀ ਮੰਡਲ ਨੇ ਸਾਢੇ ਛੇ ਹਜਾਰ
ਰਿਜਰਵ ਫੌਜੀਆਂ ਨੂੰ ਬੁਲਾਉਣ ਦੀ ਮੰਜੂਰੀ ਪ੍ਰਦਾਨ ਕੀਤੀ ਹੈ। ਇਜ਼ਰਾਇਲ ਦੇ ਵਿਦੇਸ਼
ਮੰਤਰੀ ਤਿਜਪੀ ਲਿਵਨੀ ਨੇ ਗਾਜਾ ਪੱਟੀ ਵਿੱਚ ਵੱਡੇ ਪੱਧਰ ਤੇ ਫੌਜੀ ਕਾਰਵਾਈ ਤੋਂ
ਇਨਕਾਰ ਕਰਦਿਆਂ ਕਿਹਾ ਹੈ ਕਿ ਸਾਡਾ ਮੁੱਖ ਟੀਚਾ ਗਾਜਾ ਪੱਟੀ ਤੇ ਫਿਰ ਤੋਂ ਕਬਜਾ
ਕਰਨਾ ਨਹੀਂ ਹੈ। ਇਹ ਪੁੱਛੇ ਜਾਣ ਤੇ ਕਿ ਕੀ ਇਜ਼ਰਾਇਲ ਗਾਜਾ ਵਿੱਚ ਹਮਾਸ ਦਾ ਸ਼ਾਸਨ
ਖਤਮ ਕਰਨ ਲਈ ਕੋਈ ਕਾਰਵਾਈ ਕਰੇਗਾ। ਉਹਨਾਂ ਕਿਹਾ ਕਿ ਇਜ਼ਰਾਇਲ ਅਜੇ ਇਸ ਤਰ੍ਹਾਂ ਦੀ
ਕੋਈ ਕਾਰਵਾਈ ਨਹੀਂ ਕਰੇਗਾ। ਉੱਥੇ ਦੂਜੇ ਪਾਸੇ ਹਮਾਸ ਆਪਣੇ ਪੁਰਾਣੇ ਰੁਖ ਤੇ ਕਾਇਮ
ਹੈ। ਹਮਾਸ ਦੇ ਬੁਲਾਰੇ ਫਾਵਜੀ ਬਰਹੂਮ ਨੇ ਸਾਰੇ ਫਲਸਤੀਨੀ ਸਮੂਹਾਂ ਨੂੰ ਇਜ਼ਰਾਇਲ ਦੇ
ਖਿਲਾਫ ਆਤਮਘਾਤੀ ਹਮਲਿਆਂ ਦੇ ਨਾਲ ਹੀ ਸਾਰੇ ਉਪਲਬਧ ਸੰਸਾਧਨਾਂ ਦਾ ਪ੍ਰਯੋਗ ਕਰਨ ਦਾ
ਸੱਦਾ ਦਿੱਤਾ ਹੈ।
ਰਾਸ਼ਟਰਪਤੀ ਤਮਿਲਨਾਢੂ
ਦੌਰੇ ਲਈ ਰਵਾਨਾ
ਹੈਦਰਾਬਾਦ,28 ਦਸੰਬਰ-ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਆਪਣੀ ਤਮਿਲਨਾਢੂ ਦੀ ਇੱਕ ਦਿਨ ਦੀ
ਯਾਤਰਾ 'ਤੇ ਅੱਜ ਇੱਥੋਂ ਰਵਾਨਾ ਹੋ ਗਈ।ਇੱਕ ਅਧਿਕਾਰਿਕ ਬਿਆਨ 'ਚ ਅੱਜ ਦੱਸਿਆ ਗਿਆ
ਹੈ ਕਿ ਕੱਲ੍ਹ ਇੱਥੇ ਪਹੁੰਚੀ ਰਾਸ਼ਟਰਪਤੀ ਅੱਜ ਸਵੇਰੇ ਮਦੁਰੈ ਲਈ ਰਵਾਨਾ
ਹੋਈ।ਪ੍ਰਤਿਭਾ ਰਾਮਨਾਥ ਪੁਰਮ ਵੀ ਜਾਵੇਗੀ।ਉਨ੍ਹਾ ਦਾ ਅੱਜ ਸ਼ਾਮ ਛੇ ਵੱਜਕੇ 20 ਮਿੰਟ
'ਤੇ ਇੱਥੇ ਵਾਪਸੀ ਕਾਰਜਕ੍ਰਮ ਹੈ।
ਫੌਜ ਨੇ
ਅੱਤਵਾਦੀਆਂ ਦਾ ਟਿਕਾਣਾ ਤਬਾਹ ਕੀਤਾ
ਜੰਮੂ, 27 ਦਸੰਬਰ : ਫੌਜ ਨੇ ਜਵਾਨਾਂ ਨੇ ਜੰਮੂ-ਕਸ਼ਮੀਰ ਦੇ ਰਾਜੌਰੀ ਜਿਲ੍ਹੇ ਵਿੱਚ
ਅੱਤਵਾਦੀਆਂ ਦਾ ਇੱਕ ਅੱਡਾ ਤਬਾਹ ਕਰਕੇ ਉੱਥੋਂ ਭਾਰੀ ਮਾਤਰਾ ਵਿੱਚ ਹਥਿਆਰ ਅਤੇ ਗੋਲਾ
ਬਾਰੂਦ ਬਰਾਮਦ ਕੀਤਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਸੁਰਾਗ ਮਿਲਣ ਤੇ ਫੌਜੀਆਂ ਨੇ
ਜਿਲ੍ਹੇ ਦੇ ਕਲਕੋ ਦੇ ਖਿਉਂ ਵਨ ਖੇਤਰ ਵਿੱਚ ਇੱਕ ਟਕਾਣੇ ਤੇ ਹਮਲਾ ਕੀਤਾ ਅਤੇ
ਅੱਤਵਾਦੀਆਂ ਦੇ ਅੱਡੇ ਨੂੰ ਤਬਾਹ ਕਰ ਦਿੱਤਾ। ਸੂਤਰਾਂ ਦੇ ਅਨੁਸਾਰ ਉੱਥੋਂ ਏ ਕੇ
ਰਾਈਫਲ ਦੇ 59 ਚੱਕਰ, ਦੋ ਏ ਕੇ ਮੈਗਜੀਨ, ਚੀਨੀ ਪਿਸਤੌਲਾਂ ਦੇ ਅੱਠ ਰਾਊਂਡ, ਪੰਜ
ਚੀਨੀ ਗ੍ਰੇਨੇਡ, ਢਾਈ ਕਿਲੋ ਆਰ ਡੀ ਐਕਸ, ਇੱਕ ਕਿਲੋ ਗਨਪਾਊਡਰ, ਦੋ ਆਈ ਈ ਡੀ ਛੜਾਂ
ਅਤੇ ਹੋਰ ਧਮਾਕਾਖੇਜ ਸਮੱਗਰੀ ਬਰਾਮਦ ਹੋਏ।
ਚੰਦਰਯਾਨ ਨੂੰ ਚੰਦਰਮਾ ਦੀ ਸਤ੍ਹਾ ਤੇ ਲੋਹ ਯੁਕਤ
ਖਣਿਜ ਮਿਲੇ
ਨਵੀਂ ਦਿੱਲੀ, 27 ਦਸੰਬਰ : ਚੰਦਰਯਾਨ-1 ਨੂੰ ਚੰਦਰਮਾ ਦੀ ਸਤ੍ਹਾ ਤੇ ਲੋੜੀਂਦੀ
ਮਾਤਰਾ ਵਿੱਚ ਲੋਹ ਯੁਕਤ ਖਣਿਜ ਮਿਲੇ ਹਨ। ਅਮਰੀਕਾ ਦੇ ਨੈਸ਼ਨਲ ਏਅਰੋਨਾਟਿਕਸ ਐਂਡ
ਸਪੇਸ ਐਡਮੀਨਿਸਟ੍ਰੇਸ਼ਨ (ਨਾਸਾ) ਦੇ ਮੂਨ ਮਿਨਰੋਲਾਜੀ ਮੈਪ (ਏ 3) ਉਪਕਰਨ ਨੇ ਚੰਦਰਮਾ
ਦੇ ਪੱਛਮੀ ਹਿੱਸੇ ਤੇ ਓਰੀਐਂਟਲ ਬੇਸਿਨ ਤੋਂ ਤਸਵੀਰਾਂ ਭੇਜੀਆਂ ਹਨ। ਅਮਰੀਕਾ ਸਥਿਤ
ਬ੍ਰਾਊਨ ਯੂਨਿਵਰਸਿਟੀ ਦੇ ਸੀਨੀਅਰ ਵਿਗਿਆਨੀ ਅਤੇ ਐਮ 3 ਪ੍ਰਯੋਗ ਦੇ ਮੁੱਖ ਜਾਂਚ
ਅਧਿਕਾਰੀ ਕਾਰਲੇ ਪੀਟਰਸ ਨੇ ਦੱਸਿਆ ਕਿ ਤਸਵੀਰਾਂ ਦੇ ਵਿਸ਼ਲੇਸ਼ਣ ਨਾਲ ਲੋੜੀਂਦੀ ਮਾਤਰਾ
ਵਿੱਚ ਪਾਇਰੋਕਸੀਨ ਵਰਗੇ ਲੋਹ ਯੁਕਤ ਖਣਿਜ ਪਾਏ ਜਾਣ ਦਾ ਸੰਕੇਤ ਮਿਲਦਾ ਹੈ। ਇਹ
ਤਸਵੀਰਾਂ ਐਮ 3 ਨੇ ਚੰਦਰਯਾਨ-1 ਦੇ ਸ਼ੁਰੂਆਤੀ ਗੇੜ ਵਿੱਚ ਲਈਆਂ ਸਨ ਜਦੋਂ ਪੁਲਾੜ
ਜਹਾਜ ਨੇ 100 ਕਿਲੋਮੀਟਰ ਦੀ ਉਚਾਈ ਤੇ ਚੰਦਰਮਾ ਦੀ ਪ੍ਰਕਰਮਾ ਕੀਤੀ।
ਨਕਸਲੀ ਹਮਲੇ ਵਿੱਚ ਸੀ ਆਰ ਪੀ ਐਫ ਦੇ ਜਵਾਨ ਜ਼ਖਮੀ
ਰਾਏਪੁਰ, 27 ਦਸੰਬਰ : ਛੱਤੀਸਗੜ੍ਹ ਦੇ ਨਾਰਾਇਣਪੁਰ ਜਿਲ੍ਹੇ ਵਿੱਚ ਨਕਸਲੀਆਂ ਵੱਲੋਂ
ਪੁਲੀਸ ਦੇ ਇੱਕ ਦਲ ਤੇ ਕੀਤੇ ਗਏ ਹਮਲੇ ਵਿੱਚ ਸੀ ਆਰ ਪੀ ਐਫ ਦੇ ਦੋ ਜਵਾਨ ਜ਼ਖਮੀ ਹੋ
ਗਏ ਹਨ। ਬਸਤਰ ਖੇਤਰ ਦੇ ਪੁਲੀਸ ਅਧਿਕਾਰੀ ਏ ਐਨ ਉਪਾਧਿਆਏ ਨੇ ਦੱਸਿਆ ਕਿ ਨਾਰਾਇਣਪੁਰ
ਜਿਲ੍ਹੇ ਦੇ ਛੋਟੇਡੋਂਗਰ ਥਾਣਾ ਖੇਤਰ ਵਿੱਚ ਚਮੇਲੀ ਪਹਾੜੀ ਦੇ ਨੇੜੇ ਨਕਸਲੀਆਂ ਨੇ
ਪੁਲੀਸ ਦਲ ਤੇ ਹਮਲਾ ਕੀਤਾ। ਇਸ ਹਮਲੇ ਵਿੱਚ ਸੀ ਆਰ ਪੀ ਐਫ ਦੇ ਇੱਕ ਹਵਲਦਾਰ ਅਤੇ
ਇੱਕ ਸਿਪਾਹੀ ਜ਼ਖਮੀ ਹੋ ਗਏ। ਉਹਨਾਂ ਦੱਸਿਆ ਕਿ ਪੁਲੀਸ ਨੂੰ ਚਮੇਲੀ ਪਹਾੜੀ ਦੇ ਕੋਲ
ਨਕਸਲੀ ਗਤੀਵਿਧੀਆਂ ਦੀ ਸੂਚਨਾ ਮਿਲੀ ਸੀ। ਇਸ ਤੋਂ ਬਾਅਦ ਛੋਟੇਡੋਂਗਰ ਥਾਣੇ ਤੋਂ
ਚਮੇਲੀ ਪਹਾੜੀ ਲਈ ਕੇਂਦਰੀ ਰਿਜਰਵ ਪੁਲੀਸ ਬਲ ਅਤੇ ਜਿਲ੍ਹਾ ਬਲ ਦਾ ਸੰਯੁਕਤ ਦਲ
ਰਵਾਨਾ ਕੀਤਾ ਗਿਆ। ਉਹਨਾਂ ਦੱਸਿਆ ਕਿ ਪੁਲੀਸ ਦਲ ਜਦੋਂ ਪਹਾੜੀ ਦੇ ਕੋਲ ਪਹੁੰਚਿਆ
ਉਦੋਂ ਨਕਸਲੀਆਂ ਨੇ ਉਹਨਾਂ ਤੇ ਗੋਲੀਬਾਰੀ ਕਰ ਦਿੱਤੀ ਜਿਸ ਵਿੱਚ ਸੀ ਆਰ ਪੀ ਐਫ ਦੇ
ਦੋ ਜਵਾਨ ਜ਼ਖਮੀ ਹੋ ਗਏ। ਉਹਨਾਂ ਦੱਸਿਆ ਕਿ ਪੁਲੀਸ ਵੱਲੋਂ ਜਵਾਬੀ ਕਾਰਵਾਈ ਕੀਤੇ ਜਾਣ
ਤੇ ਨਕਸਲੀ ਉੱਥੋਂ ਭੱਜ ਗਏ।
ਮੱਧ ਪ੍ਰਦੇਸ਼ ਦੇ ਵਿਕਾਸ ਲਈ ਬਲੂਪ੍ਰਿੰਟ ਬਣਾਉਣਗੇ ਸ਼ਿਵਰਾਜ
ਭੋਪਾਲ, 27 ਦਸੰਬਰ : ਮੁੱਖ ਮੰਤਰੀ ਸ੍ਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਪ੍ਰਦੇਸ਼ ਦੇ
ਵਿਕਾਸ ਦਾ ਪੰਜ ਸਾਲਾ ਬਲੂਪ੍ਰਿੰਟ ਬਣਾਉਣ ਦੇ ਨਾਲ ਹੀ ਵਿਕਾਸ ਲਈ ਵਾਧੂ ਸੰਸਾਧਨ
ਜੁਟਾਉਣ ਦੀ ਕਾਰਜ ਯੋਜਨਾ ਨੌ ਮਾਰਚ ਤੱਕ ਬਣਾਉਣ ਦੇ ਹੁਕਮ ਦਿੱਤੇ ਹਨ। ਸ੍ਰੀ ਚੌਹਾਨ
ਨੇ ਰਾਜ ਸਰਕਾਰ ਦੀਆਂ ਸੱਤ ਪ੍ਰਾਥਮਿਕਤਾਵਾਂ ਤੇ ਪ੍ਰਭਾਵੀ ਕਾਰਵਾਈ ਲਈ ਗਠਿਤ
ਕਾਰਜਦਲਾਂ ਦੀ ਪਹਿਲੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕਾਰਜਦਲ ਆਪਣੀ ਸਮਰਥਾ
ਅਤੇ ਮੁਹਾਰਤ ਵਿੱਚ ਵਾਧੇ ਲਈ ਆਪਣੇ ਖੇਤਰ ਵਿਸ਼ੇਸ਼ ਦੇ ਮਾਹਿਰਾਂ ਅਤੇ ਵਿਦਵਾਨਾਂ ਨੂੰ
ਸ਼ਾਮਿਲ ਕਰਨ। ਉਹਨਾਂ ਕਿਹਾ ਕਿ ਇਸ ਦੇ ਲਈ ਪ੍ਰਦੇਸ਼ਿਕ ਰਾਸ਼ਟਰੀ ਅਤੇ ਜਰੂਰੀ ਹੋਵੇ ਤਾਂ
ਅੰਤਰਰਾਸ਼ਟਰੀ ਜਾਣਕਾਰਾਂ ਦੀ ਵੀ ਮਦਦ ਲਈ ਜਾਵੇ। ਮੀਟਿੰਗ ਵਿੱਚ ਇਹ ਵੀ ਫੈਸਲਾ ਕੀਤਾ
ਗਿਆ ਕਿ ਖੇਤੀਬਾੜੀ ਨਾਲ ਜੁੜੇ ਸਾਰੇ ਵਿਸ਼ਿਆਂ ਤੇ ਆਖਰੀ ਫੈਸਲੇ ਲਈ ਮੁੱਖ ਮੰਤਰੀ ਦੀ
ਪ੍ਰਧਾਨਗੀ ਵਿੱਚ ਵਿਸ਼ੇਸ਼ ਅਧਿਕਾਰ ਕਮੇਟੀ ਬਣਾਈ ਜਾਵੇਗੀ। ਸ੍ਰੀ ਚੌਹਾਨ ਨੇ ਕਿਹਾ ਕਿ
ਸਾਰੇ ਕਾਰਜਦਲ ਆਪਣੀ ਕਾਰਜ ਯੋਜਨਾ ਵਿੱਚ ਰੋਜਗਾਰ ਦੇ ਮੌਕਿਆਂ ਦੇ ਸਿਰਜਨ ਨੂੰ
ਪ੍ਰਾਥਮਿਕਤਾ ਦੇਣ। ਉਹਨਾਂ ਕਿਹਾ ਕਿ ਕਾਰਜਦਲ ਆਪਣੀ ਕਾਰਜਯੋਜਨਾ ਵਿੱਚ ਉਸ ਦੇ ਅਮਲ
ਲਈ ਜਰੂਰੀ ਵਾਧੂ ਸੰਸਾਧਨ ਜੁਟਾਉਣ ਦੀ ਪ੍ਰਕ੍ਰਿਆ ਨੂੰ ਵੀ ਸ਼ਾਮਿਲ ਕਰਨ। ਉਹਨਾਂ ਨੇ
ਸੁਝਾਅ ਦਿੱਤਾ ਕਿ ਇਸ ਦੇ ਲਈ ਨਿੱਜੀ ਹਿੱਸੇਦਾਰੀ ਇੱਕ ਚੰਗਾ ਜਰੀਆ ਹੋ ਸਕਦਾ ਹੈ।
ਉਹਨਾਂ ਕਿਹਾ ਕਿ ਸਾਰੇ ਕਾਰਜ ਦਲ ਆਪਣੀ ਕਾਰਜਯੋਜਨਾ ਵਿੱਚ ਵਾਤਾਵਰਨ ਸੰਤੁਲਨ ਦੇ
ਬਿੰਦੂ ਨੂੰ ਨਜਰ ਅੰਦਾਜ ਨਾ ਕਰਨ। ਉਹਨਾਂ ਕਿਹਾ ਕਿ ਸਾਰੇ ਕਾਰਜਦਲ ਆਪਣੇ ਪ੍ਰਤੀਵੇਦਨ
ਨੂੰ ਜਲਦੀ ਤੋਂ ਜਲਦੀ ਤਿਆਰ ਕਰਨ। ਉਹਨਾਂ ਕਿਹਾ ਕਿ ਕਾਰਜਦਲਾਂ ਵੱਲੋਂ ਪੇਸ਼
ਪ੍ਰਤੀਵੇਦਨ ਤੋਂ ਬਾਅਦ ਉਹ ਕਾਰਜਦਲਾਂ ਦੀ ਸਾਂਝੀਆਂ ਅਤੇ ਅਲੱਗ ਅਲੱਗ ਮੀਟਿੰਗਾਂ
ਲੈਣਗੇ। ਇਹ ਸਾਰੇ ਦਲ ਸਮੇਂ ਸਮੇਂ ਤੇ ਪ੍ਰਤੀਵੇਦਨ ਪੇਸ਼ ਕਰਨਗੇ। ਇਹ ਪ੍ਰਕ੍ਰਿਆ ਜਾਰੀ
ਰਹੇਗੀ ਅਤੇ ਜਰੂਰੀ ਹੋਣ ਤੇ ਨੀਤੀਆਂ ਨਿਯਮਾਂ ਅਤੇ ਪ੍ਰਕ੍ਰਿਆਵਾਂ ਵਿੱਚ ਬਦਲਾਓ ਲਿਆਏ
ਜਾਣਗੇ।
ਐਮ ਕਰੁਣਾਨਿਧੀ ਫਿਰ ਡੀ ਐਮ ਕੇ ਦੇ ਪ੍ਰਧਾਨ ਚੁਣੇ ਗਏ
ਚੇਨਈ, 27 ਦਸੰਬਰ : ਤਮਿਲਨਾਡੂ ਦੇ ਮੁੱਖ ਮੰਤਰੀ ਐਮ ਕਰੁਨਾਨਿਧੀ ਨੂੰ ਡੀ ਐਮ ਕੇ ਦੀ
ਆਮ ਪ੍ਰੀਸ਼ਦ ਦੀ ਮੀਟਿੰਗ ਵਿੱਚ ਨਿਰਵਿਰੋਧ ਪਾਰਟੀ ਪ੍ਰਧਾਨ ਚੁਣਿਆ ਗਿਆ। ਉਹਨਾਂ ਨੂੰ
ਇਸ ਅਹੁਦੇ ਲਈ ਲਗਾਤਾਰ ਦਸਵੀਂ ਵਾਰ ਚੁਣਿਆ ਗਿਆ ਹੈ। ਕਰੁਣਾਨਿਧੀ ਨੂੰ ਪ੍ਰਧਾਨ ਦੇ
ਅਹੁਦੇ ਲਈ ਨਿਰਵਿਰੋਧ ਚੁਣਿਆ ਗਿਆ ਹੈ। ਪਾਰਟੀ ਦੇ ਸੀਨੀਅਰ ਮੈਂਬਰ ਅਤੇ ਚੋਣ
ਅਧਿਕਾਰੀ ਜੀ ਐਮ ਸ਼ਾਹ ਨੇ ਇਸ ਸਬੰਧੀ ਐਲਾਨ ਕੀਤਾ। ਕੇ ਅਨਬਾਜਗਨ ਨੂੰ ਲਗਾਤਾਰ ਅਠਵੀਂ
ਵਾਰ ਪਾਰਟੀ ਦਾ ਜਨਰਲ ਸਕੱਤਰ ਚੁਣਿਆ ਗਿਆ ਹੈ। ਸ਼ਾਹ ਨੇ ਦੱਸਿਆ ਕਿ ਕਰੁਣਾਨਿਧੀ ਦੇ
ਪੁੱਤਰ ਐਮ ਕੇ ਸਟਾਨਿਲ ਨੂੰ ਵੀ ਨਿਰਵਿਰੋਧ ਪਾਰਟੀ ਦਾ ਖਜਾਨਚੀ ਚੁਣਿਆ ਗਿਆ ਹੈ।
ਸਟਾਲਿਨ ਇਸ ਤੋਂ ਪਹਿਲਾਂ ਪਾਰਟੀ ਦੇ ਜਨਰਲ ਸਕੱਤਰ ਦੇ ਅਹੁਦੇ ਤੇ ਕੰਮ ਕਰਦੇ ਸਨ।
ਅੱਤਵਾਦ ਦੇ ਖਿਲਾਫ ਜੰਗ
ਵਿੱਚ ਇਕਜੁਟ ਹੋਵੋ: ਚਿਦੰਬਰਮ
ਨਵੀਂ ਦਿੱਲੀ, 26 ਦਸੰਬਰ :
ਗ੍ਰਹਿ ਮੰਤਰੀ ਪੀ ਚਿਦੰਬਰਮ ਨੇ ਅੱਜ ਕਿਹਾ ਕਿ ਸਰਕਾਰ ਅਤੇ ਨਾਗਰਿਕ ਇਕੱਠੇ ਮਿਲ ਕੇ
ਅੱਤਵਾਦ ਦੇ ਖਿਲਾਫ ਜੰਗ ਵਿੱਚ ਦੇਸ਼ ਦੀ ਤਿਆਰੀ ਨੂੰ ਦਰੁਸਤ ਕਰ ਸਕਦੇ ਹਨ। ਉਹਨਾਂ
ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਇਕੱਠੇ ਕੰਮ ਕਰਕੇ, ਕਾਨੂੰਨ ਦਾ ਪਾਲਣ ਕਰਕੇ, ਚੌਕਸੀ
ਨੂੰ ਦਰੁਸਤ ਕਰਕੇ ਅਤੇ ਸੂਚਨਾਵਾਂ ਦਾ ਆਦਾਨ ਪ੍ਰਦਾਨ ਕਰਕੇ, ਅੱਤਵਾਦ ਦੇ ਖਿਲਾਫ ਜੰਗ
ਵਿੱਚ ਆਪਣੀ ਤਿਆਰ ਨੂੰ ਬਿਹਤਰ ਬਣਾਉਣਾ ਸੰਭਵ ਹੈ।ਮੰਤਰੀ ਨੇ ਕਿਹਾ ਕਿ ਆਮ ਨਾਗਰਿਕ
ਦੇਸ਼ ਦੇ ਕਾਨੂੰਨ ਦਾ ਪਾਲਣ ਕਰਕੇ ਅੱਤਵਾਦ ਦੇ ਖਿਲਾਫ ਲੜਾਈ ਵਿੱਚ ਮਦਦ ਕਰ ਸਕਦੇ ਹਨ।
ਚਿਦੰਬਰਮ ਨੇ ਸੀ ਐਨ ਐਨ ਆਈ ਬੀ ਐਨ ਚੈਨਲ ਦੇ ਸਿਟੀਜਨ ਚਾਰਟਰ ਨੂੰ ਸਵੀਕਾਰ ਕਰਦਿਆਂ
ਕਿਹਾ ਕਿ ਅਸੀਂ ਇੱਕ ਅਜਿਹਾ ਤੰਤਰ ਬਣਾਉਣ ਦਾ ਯਤਨ ਕਰ ਰਹੇ ਹਾਂ ਜਿਸ ਰਾਹੀਂ ਬਿਨਾਂ
ਕਿਸੇ ਰੁਕਾਵਟ ਦੇ ਸੂਚਨਾ ਪ੍ਰਾਪਤ ਕੀਤੀ ਜਾ ਸਕੇ ਅਤੇ ਭੇਜੀ ਜਾ ਸਕੇ। ਚਿਦੰਬਰਮ ਨੇ
ਕਿਹਾ ਕਿ ਨਾਗਰਿਕ ਸਮਾਜ ਵਿੱਚ ਚੌਕਸੀ ਕਾਇਮ ਰਕਨ ਦੀ ਵੀ ਮਦਦ ਕਰ ਸਕਦੇ ਹਨ।
ਹਜ਼ਾਰਾਂ ਸੈਲਾਨੀ ਕ੍ਰਿਸਮਸ ਮਨਾਉਣ ਪਹੁੰਚੇ ਬੇਥੇਲਹਮ
ਯਰੂਸ਼ਲਮ, 25 ਦਸੰਬਰ-ਗਾਜ਼ਾ ਪੱਟੀ ਤੋਂ ਫਲਸਤੀਨੀ ਉੱਗਰਵਾਦੀਆਂ ਦੁਆਰਾ
ਰਾਕੇਟ ਅਤੇ ਮੋਰਟਾਰ ਦਾਗੇ ਜਾਣ ਵਿੱਚ ਦੁਨੀਆ ਭਰ ਤੋਂ ਹਜ਼ਾਰਾਂ ਸੈਲਾਨੀ ਕ੍ਰਿਸਮਸ
ਮਨਾਉਣ ਈਸਾ ਮਸੀਹ ਦੇ ਜਨਮ ਸਥਾਨ ਬੇਥੇਲਹਮ ਪਹੁੰਚ ਗਏ ਹਨ।
ਦੁਨੀਆਭਰ ਤੋਂ ਆਏ ਇਨ੍ਹਾ ਤੀਰਥ ਯਾਤਰੀਆਂ 'ਤੇ ਆਰਥਿਕ ਸੰਕਟ ਦਾ ਕੋਈ ਅਸਰ ਦਿਖਾਈ
ਨਹੀਂ ਦੇ ਰਿਹਾ।ਟੈਕਸੀ ਚਾਲਕ ਬਸਮ ਅਵਦੂ ਨੇ ਕਿਹਾ ਹੈ ਕਿ ਮੈਂ ਆਰਥਿਕ ਮੰਦੀ ਦੀ
ਵਜ੍ਹਾ ਤੋਂ ਥੋੜਾ ਚਿੰਤਤ ਸੀ,ਲੇਕਿਨ ਸੈਲਾਨੀਆਂ ਦੀ ਆਉਣ ਦੀ ਵਜ੍ਹਾ ਨਾਲ ਉਮੀਦ ਵੱਧ
ਗਈ।ਸਾਰੇ ਹੋਟਲ ਪੂਰ੍ਹੀ ਤਰ੍ਹਾਂ ਬੁੱਕ ਹਨ ਅਤੇ ਸਾਡੇ ਕੋਲ ਸਾਂਹ ਲੈਣ ਦੀ ਵੀ ਫੁਰਸਤ
ਨਹੀਂ ਹੈ।ਇਸ ਤੋਂ ਪਹਿਲਾਂ ਹੋਣ ਵਾਲੇ ਸਮਾਰੋਹਾਂ ਦੀਆਂ ਚੰਗੀਆਂ ਯਾਦਾਂ ਮੁੜ ਜੀਵਿਤ
ਹੋ ਗਈਆਂ ਹਨ।
ਗੁਜਰਾਤ ਤੋਂ ਆਏ ਭਾਰਤੀ ਸੈਲਾਨੀ ਕਦੱਛਾ ਜਖਾਰਾ ਹਜਾ ਨੇ ਕਿਹਾ ਹੈ ਕਿ ਇੱਥੇ ਆਉਣਾ
ਮੇਰੇ ਲਈ ਸੱਚਮੁਚ ਇੱਕ ਸੁਪਨੇ ਵਰਗਾ ਹੈ।ਮੈਂ ਇੱਥੇ ਆਉਣ ਲਈ ਛੇ ਮਹੀਨੇ ਪਹਿਲਾਂ
ਬਿਨੈ ਕੀਤਾ ਸੀ ਅਤੇ ਜਦੋਂ ਮੈਨੂੰ ਇਸ ਦੀ ਆਗਿਆ ਮਿਲ ਗਈ ਤਾਂ ਮੇਰੀ ਖੁਸ਼ੀ ਦਾ
ਠਿਕਾਨਾ ਨਾ ਰਿਹਾ। ਬੇਥੇਲਹਮ 'ਚ ਦਿਨਭਰ ਫਲਸਤੀਨੀ ਸਕਾਊਟਸ ਦੇ ਲੜਕੇ ਲੜਕੀਆਂ
ਬੈਗਪਾਈਪ ਵਜਾਉਂਦੇ ਰਹੇ ਅਤੇ ਜਦੋਂ ਉਹ ਮਾਰਚ ਕਰਦੇ ਹੋਏ ਮੈਂਗਰ ਸਕਵੇਅਰ ਵੱਲ ਵੱਧੇ
ਤਾਂ ਹਰ ਪਾਸੇ ਕੈਰਲ ਗਾਨ ਦੀ ਧੁਨੀ ਸੁਣੀ ਜਾ ਸਕਦੀ ਸੀ,ਜਿੱਥੇ ਉਨ੍ਹਾ ਦਾ ਸੁਆਗਤ
ਫਲਸਤੀਨੀ ਰਾਸ਼ਟਰਪਤੀ ਮਹਿਮੂਦ ਅਬਾਸ ਨੇ ਕੀਤਾ।
ਕ੍ਰਿਸਮਸ : ਪ੍ਰੇਮ ਦਾ ਸੁਨੇਹਾ ਦਿੰਦਾ ਤਿਉਹਾਰ
ਹੋਰ ਸਮਾਜਾਂ ਦੀ ਤੁਲਨਾ ਵਿੱਚ ਈਸਾਈ ਲੋਕ ਬਹੁਤ ਘੱਟ ਤਿਉਹਾਰਾਂ ਨੂੰ ਮੰਨਦੇ ਹਨ।
ਈਸਾਈਆਂ ਦੇ ਦੋ ਹੀ ਮੁੱਖ ਤਿਉਹਾਰ ਹਨ। ਪਹਿਲਾ ਕ੍ਰਿਸਮਸ ਜੋ ਕਿ ਯੀਸ਼ੁ ਦੇ ਜਨਮ ਨੂੰ
ਮਨਾਉਣ ਦਾ ਤਿਉਹਾਰ ਹੈ ਅਤੇ ਦੂਜਾ ਈਸਟਰ ਜੋ ਯੀਸ਼ੁ ਮਸੀਹ ਦੇ ਪੁਨਰ-ਉਥਾਨ ਦੀ ਯਾਦ
ਵਿੱਚ ਮਨਾਇਆ ਜਾਣ ਵਾਲਾ ਤਿਉਹਾਰ ਹੈ।
ਕ੍ਰਿਸਮਸ ਪ੍ਰੇਮ ਦਾ ਸੁਨੇਹਾ ਦੇਣ ਵਾਲਾ ਤਿਉਹਾਰ ਹੈ। ਸੰਤ ਯੂਹੰਨਾ ਲਿਖਦੇ ਹਨ,
ਪਰਮੇਸ਼ਵਰ ਨੇ ਜੱਗ ਨਾਲ ਅਜਿਹਾ ਪ੍ਰੇਮ ਕੀਤਾ ਹੈ ਕਿ ਉਸਨੇ ਆਪਣਾ ਇੱਕਲੌਤਾ ਪੁੱਤਰ ਦੇ
ਦਿੱਤਾ ਤਾਂ ਕਿ ਜੋ ਕੋਈ ਉਸ ਵਿੱਚ ਵਿਸ਼ਵਾਸ ਕਰੇ, ਨਾਸ਼ ਨਾ ਹੋਵੇ, ਪਰ ਅਨੰਤ ਜੀਵਨ
ਪਾਵੇ।
ਕ੍ਰਿਸਮਸ ਇੱਕ ਅਨੋਖਾ ਪਰਬ ਹੈ ਜੋ ਈਸ਼ਵਰ ਦੇ ਪ੍ਰੇਮ ਅਤੇ ਆਨੰਦ ਦਾ ਸੁਨੇਹਾ ਦਿੰਦਾ
ਹੈ। ਇਹ ਪਰਬ ਕਰੀਬ 2000 ਸਾਲ ਪਹਿਲਾਂ ਯੀਸ਼ੁ ਦੇ ਮਨੁੱਖ ਦੇ ਰੂਪ ਵਿੱਚ ਜਨਮ ਲੈਣ ਦੀ
ਯਾਦ ਵਿੱਚ ਮਨਾਇਆ ਜਾਂਦਾ ਹੈ। ਜਨਾਂਕਿਕੀ ਵਿਗਿਆਨਿਕਾਂ ਦੇ ਅਨੁਸਾਰ ਵਿਸ਼ਵ ਦੇ 600
ਕਰੋੜ ਲੋਕਾਂ ਵਿੱਚੋਂ ਕਰੀਬ ਇੱਕ-ਤਿਹਾਈ ਈਸਾਈ ਲੋਕ ਹਨ। ਇਹਨਾਂ ਵਿੱਚੋਂ ਕਰੀਬ 60
ਪ੍ਰਤੀਸ਼ਤ ਰੋਮਨ ਕੈਥੋਲਿਕ ਹਨ ਅਤੇ ਬਚੇ ਹੋਏ 40 ਪ੍ਰਤੀਸ਼ਤ ਕਈ ਪ੍ਰੋਟੇਸਟੈਂਟ ਸਮਾਜ
ਦੇ ਹਨ।
ਭਾਰਤ
ਵਿੱਚ ਈਸਾਈਆਂ ਦਾ ਪ੍ਰਤੀਸ਼ਤ ਸਿਰਫ਼ 2.3 ਹੈ. ਅਰਥਾਤ ਈਸਾਈਆਂ ਦੀ ਕੁੱਲ ਸੰਖਿਆ 3
ਕਰੋੜ ਤੋਂ ਵੀ ਘੱਟ ਹੈ। ਈਸਾਈ ਸਮਾਜ ਭਾਰਤ ਦੇ ਕੁਝ ਪ੍ਰਾਂਤਾਂ ਵਿੱਚ ਪਹਿਲੀ ਸ਼ਤਾਬਦੀ
ਤੋਂ ਹੀ ਹੋਂਦ ਵਿੱਚ ਰਹੇ ਹਨ। ਈਸਾ ਦੇ ਬਾਰ੍ਹਾਂ ਚੇਲਿਆਂ ਵਿੱਚੋਂ ਇੱਕ ਜਿਹਨਾਂ ਦਾ
ਨਾਮ ਸੰਤ ਥਾਮਸ ਸੀ, ਜੋ ਭਾਰਤ ਦੇ ਦੱਖਣ ਭਾਗ ਵਿੱਚ ਆਏ ਅਤੇ ਭਾਰਤ ਵਿੱਚ ਹੀ ਉਹਨਾਂ
ਦੀ ਹੱਤਿਆ ਹੋਈ। ਥਾਮਸ ਨੇ ਦੱਖਣੀ ਭਾਰਤ ਵਿੱਚ ਕਈ ਕਲੀਸਿਆਂ ਦੀ ਸਥਾਪਨਾ ਕੀਤੀ। ਸੰਤ
ਥਾਮਸ ਦੇ ਕਬਰ ਚੇਨੰਈ ਦੇ ਕੋਲ ਮਈਲਾਪੁਰ ਸ਼ਹਿਰ ਵਿੱਚ ਸਥਿਤ ਹੈ ਅਤੇ ਅੱਜ ਵੀ ਅਨੇਕ
ਤੀਰਥ ਯਾਤਰੀ ਉਸਦੇ ਦਰਸ਼ਨ ਲਈ ਵਿਸ਼ਵ ਦੇ ਕਈ ਸਥਾਨਾਂ ਤੋਂ ਉੱਥੇ ਪਹੁੰਚਦੇ ਹਨ।
ਕ੍ਰਿਸਮਸ ਮਾਨਵ ਜਾਤੀ ਦੇ ਭਲੇ ਲਈ ਪਰਮੇਸ਼ਵਰ ਦੇ ਦੁਆਰਾ ਕੀਤੀ ਗਈ ਪਹਿਲ ਨੂੰ ਦਰਸਾਉਣ
ਵਾਲਾ ਤਿਉਹਾਰ ਵੀ ਹੈ। ਸੰਤ ਪੌਲੂਸ ਜੋਰ ਦੇ ਕੇ ਕਹਿੰਦੇ ਹਨ, ਇਹ ਗੱਲ ਸੱਚ ਅਤੇ ਹਰ
ਪ੍ਰਕਾਰ ਨਾਲ ਮੰਨਣ ਦੇ ਯੋਗ ਹੈ ਕਿ ਮਸੀਹ ਯੀਸ਼ੁ ਪਾਪੀਆਂ ਦਾ ਭਲਾ ਕਰਨ ਲਈ ਜੱਗ ਵਿੱਚ
ਆਇਆ।
ਅਜਮਲ ਕਸਾਬ ਨੂੰ ਪੁਲੀਸ
ਹਿਰਾਸਤ ਵਿੱਚ ਭੇਜਿਆ
ਮੁੰਬਈ, 24 ਦਸੰਬਰ : ਮੁੰਬਈ ਹਮਲੇ ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਅੱਤਵਾਦੀ ਮੁਹੰਮਦ
ਅਜਮਲ ਆਮਿਰ ਇਮਾਨ ਨੂੰ ਛੇ ਜਨਵਰੀ ਤੱਕ ਪੁਲੀਸ ਹਿਰਾਸਤ ਵਿੱਚ ਭੇਜਿਆ ਗਿਆ ਹੈ।
ਜਿਕਰਯੋਗ ਹੈ ਕਿ ਮ