ਮਾਂਗਟ ਤੇ ਕੁਲਾਰ ਨੂੰ ਤਰੱਕੀਆਂ
ਪੀਲ, 3 ਸਤੰਬਰ
: ਪ੍ਰੀਮੀਅਰ ਡਾਲਟਨ ਮੈਗਿੰਟੀ ਵੱਲੋਂ ਮਿਸੀਸਾਗਾ-ਬਰੈਂਪਟਨ ਸਾਊਥ ਤੋਂ ਐਮਪੀਪੀ ਅੰਮ੍ਰਿਤ ਮਾਂਗਟ ਨੂੰ ਟਰਾਂਸਪੋਰਟੇਸਨ ਮੰਤਰੀ ਦੀ ਪਾਰਲੀਮਾਨੀ ਸਹਾਇਕ ਤੇ ਐਮਪੀਪੀ ਕੁਲਦੀਪ ਸਿੰਘ ਕੁਲਾਰ ਨੂੰ ਮਨਿਸਟਰ ਆਫ ਹੈਲਥ ਐਂਡ ਲਾਂਗ ਟਰਮ ਕੇਅਰ ਦਾ ਪਾਰਲੀਮਾਨੀ ਸਹਾਇਕ ਨਿਯੁਕਤ ਕੀਤਾ ਗਿਆ ਹੈ। ਇਸ ਮੌਕੇ ਅੰਮ੍ਰਿਤ ਮਾਂਗਟ ਨੇ ਆਖਿਆ ਕਿ ਉਹ ਟਰਾਂਸਪੋਰਟੇਸਨ ਸਿਸਟਮ ਨੂੰ ਸੁਧਾਰਨ ਤੇ ਇਸ ਨੂੰ ਹੋਰ ਮਜਬੂਤ ਕਰਨ ਲਈ ਉਹ ਜੀ ਜਾਨ ਨਾਲ ਕੰਮ ਕਰੇਗੀ। ਟਰਾਂਸਪੋਰਟੇਸਨ ਇੱਕ ਅਜਿਹਾ ਮੁੱਦਾ ਹੈ ਜਿਹੜਾ ਪੀਲ ਵਾਸੀਆਂ ਲਈ ਬਹੁਤ ਮਾਇਨੇ ਰੱਖਦਾ ਹੈ। ਉਨ੍ਹਾਂ ਆਖਿਆ ਕਿ ਇੱਥੋਂ ਦੀਆਂ ਸੜਕਾਂ ਤੇ ਆਵਾਜਾਈ ਦੇ ਪ੍ਰਬੰਧ ਨੂੰ ਸੁਧਾਰਨ ਵਿੱਚ ਉਹ ਮੰਤਰੀ ਦੀ ਪੂਰੀ ਮਦਦ ਕਰਣਗੇ। ਇਸੇ ਦੌਰਾਨ ਡਾ. ਕੁਲਾਰ ਨੇ ਆਖਿਆ ਕਿ ਇਸ ਭੂਮਿਕਾ ਲਈ ਚੁਣੇ 1ਾਣ ਉੱਤੇ ਉਨ੍ਹਾਂ ਨੂੰ ਬੜਾ ਫਖਰ ਮਹਿਸੂਸ ਹੋ ਰਿਹਾ ਹੈ। ਇਲਾਕੇ ਲਈ ਹੈਲਥ ਕੇਅਰ ਦਾ ਮੁੱਦਾ ਵੀ ਬਹੁਤ ਅਹਿਮ ਹੈ। ਉਨ੍ਹਾਂ ਆਖਿਆ ਕਿ ਓਨਟਾਰੀਓ ਦੇ ਨਾਲ ਨਾਲ ਬਰੈਮਲੀ-ਗੋਰ-ਮਾਲਟਨ ਦੇ ਇਲਾਕੇ ਵਿੱਚ ਹੈਲਥ ਕੇਅਰ ਵਿੱਚ ਹੋਰ ਸੁਧਾਰ ਲਿਆਉਣ ਦੀਆਂ ਕੋਸਿਸਾਂ ਨੂੰ ਬਰਕਾਰਾਰ ਰੱਖਣ ਤੇ ਅੱਗੇ ਵਧਾਉਣ ਲਈ ਉਹ ਮੰਤਰੀ ਮੈਥਿਊ ਨਾਲ ਰਲ ਕੇ ਕੰਮ ਕਰਨ ਲਈ ਹਮੇਸਾਂ ਤਿਆਰ ਬਰ ਤਿਆਰ ਰਹਿਣਗੇ।
ਮਨਿਸਟਰ ਆਫ ਹੈਲਥ-ਕੇਅਰ ਤੇ ਲੌਂਗ-ਟਰਮ ਕੇਅਰ ਦੇ ਪਾਰਲੀਅਮੈਂਟਰੀ ਅਸਿਸਟੈਂਟ ਹੋਣ ਦੇ ਨਾਤੇ ਡਾ. ਕੁਲਾਰ ਏਜਿੰਗ ਐਟ ਹੋਮ ਸਟਰੈਟਿਜੀ ਰਾਹੀਂ ਹਸਪਤਾਲਾਂ ਉੱਪਰ ਬੋਝ ਘੱਟ ਕਰਨ ਲਈ ਤੇ ਪੀਲ ਮੈਮੋਰੀਅਲ ਕੈਂਪਸ ਨੂੰ ਦੋਬਾਰਾ ਖੜ੍ਹਾ ਕਰਨ ਲਈ ਅਤੇ ਸੀਨੀਅਰਜ਼ ਵਾਸਤੇ ਕਮਿਊਨਿਟੀ-ਬੇਸਡ ਹੈਲਥ-ਕੇਅਰ ਸੇਵਾਵਾਂ ਵਿੱਚ ਵਾਧਾ ਕਰਨ ਲਈ ਆਪਣੀਆਂ ਕੋਸਿ਼ਸ਼ਾਂ ਲਗਾਤਾਰ ਜਾਰੀ ਰੱਖੇਣਗੇ। ਇਸ ਮੌਕੇ ਪ੍ਰੀਮੀਅਰ ਡਾਲਟਨ ਮੈਗਿੰਟੀ ਨੇ ਕਿਹਾ ਕਿ,“ਲਗਾਤਾਰ ਪਿਛਲੇ ਸੱਤ ਸਾਲ ਤੋਂ ਸਾਡੀ ਸਰਕਾਰ ਆਰਿਥਕਤਾ ਦੀ ਮਜ਼ਬੂਤੀ ਤੇ ਸਕੂਲਾਂ ਵਿੱਚ ਸੁਧਾਰ ਤੇ ਸਾਡੇ ਨਿਰਭਰ ਪਰਿਵਾਰਾਂ ਲਈ ਹੈਲਥ ਕੇਅਰ ਸਿਸਟਮ ਨੂੰ ਹੋਰ ਸਾਰਥਕ ਬਣਾਉਣ ਲਈ ਸਖ਼ਤ ਮਿਹਨਤ ਕਰ ਰਹੀ ਹੈ।” ਉਨ੍ਹਾਂ ਆਖਿਆ ਕਿ ਅਸੀਂ ਅੱਗੇ ਵੀ ਇਹ ਕੋਸਿ਼ਸ਼ ਜਾਰੀ ਰੱਖਾਂਗੇ।
ਕਿਊਬਿਕ ਦਾ ਦਾਅਵਾ ਨਹੀਂ ਛੱਡਿਆ : ਹਾਰਪਰ
ਮਾਇਰੇਬਲ, ਕਿਊਬਿਕ 3 ਸਤੰਬਰ :
ਕਿਊਬਿਕ ਵਿੱਚ ਬਹੁਤ ਘੱਟ ਆਉਣ ਉੱਤੇ ਲਿਬਰਲਾਂ ਨੇ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਨੂੰ ਆਖਿਆ ਕਿ ਉਨ੍ਹਾਂ ਨੇ ਇੱਥੇ ਆਪਣਾ ਦਾਅਵਾ ਛੱਡ ਦਿੱਤਾ ਹੈ। ਇਸ ਤਰ੍ਹਾਂ ਹਾਰਪਰ ਉੱਤੇ ਕੀਤੀ ਜਾ ਰਹੀ ਟਿੱਪਣੀ ਦਾ ਪ੍ਰਧਾਨ ਮੰਤਰੀ ਨੇ ਕਰਾਰਾ ਜਵਾਬ ਦਿੰਦਿਆਂ ਆਖਿਆ ਕਿ ਅਜਿਹਾ ਕੁੱਝ ਵੀ ਨਹੀਂ ਹੈ। ਉਨ੍ਹਾਂ ਆਖਿਆ ਕਿ ਦੇਸ਼ ਦਾ ਪ੍ਰਧਾਨ ਮੰਤਰੀ ਹੋਣ ਨਾਤੇ ਉਹ ਪੂਰੇ ਕੈਨੇਡਾ ਵਿੱਚ ਵਾਰੀ ਵਾਰੀ ਹੀ ਕਿਤੇ ਆ ਜਾ ਸਕਦੇ ਹਨ। ਇਸੇ ਦੌਰਾਨ ਪ੍ਰਧਾਨ ਮੰਤਰੀ ਦੇ ਆਫਿਸ ਵੱਲੋਂ ਉਨ੍ਹਾਂ ਦੇ ਰੁਝੇਵਿਆਂ ਨੂੰ ਹੀ ਇਸ ਦੇਰੀ ਦਾ ਕਾਰਨ ਦੱਸਿਆ ਗਿਆ। ਦੇਸ਼ ਦੇ ਸੀਐਫ-18 ਲੜਾਕੂ ਜਹਾਜ਼ਾਂ ਦੀ ਮੇਨਟੇਨੈਂਸ ਲਈ ਨਵੇਂ ਕਰਾਰ ਦਾ ਐਲਾਨ ਕਰਨ ਲਈ ਹਾਰਪਰ ਨੇ ਮਾਂਟਰੀਅਲ ਦੇ ਉੱਤਰ ਵਿੱਚ ਇੱਕ ਨਿਊਜ਼ ਕਾਨਫਰੰਸ ਕਰਵਾਈ।ਇਸ ਤੋਂ ਪਹਿਲਾਂ ਲਿਬਰਲ ਆਗੂ ਮਾਈਕਲ ਇਗਨੇਟਿਫ ਨੇ ਆਖਿਆ ਕਿ ਪ੍ਰਧਾਨ ਮੰਤਰੀ ਨੇ 110 ਦਿਨਾਂ ਵਿੱਚ ਪਹਿਲੀ ਵਾਰੀ ਕਿਉਬਿਕ ਦਾ ਦੌਰਾ ਕੀਤਾ ਹੈ। ਬੈਡੈਕ, ਨੋਵਾ ਸਕੋਸ਼ੀਆ ਵਿੱਚ ਲਿਬਰਲ ਸਿਆਸੀ ਦਲ ਸਾਹਮਣੇ ਗੱਲ ਕਰਦਿਆਂ ਇਗਨੇਟਿਫ ਨੇ ਦੋਸ਼ ਲਾਇਆ ਕਿ ਕਿਊਬਿਕ ਦੇ ਲੋਕਾਂ ਨਾਲ ਸਬੰਧਤ ਜਿਹੜੇ ਹੈਲਥ ਕੇਅਰ ਤੇ ਪੋਸਟ-ਸੈਕੰਡਰੀ ਐਜੂਕੇਸ਼ਨ ਵਰਗੇ ਮੁੱਖ ਮੁੱਦੇ ਹਨ ਉਨ੍ਹਾਂ ਬਾਰੇ ਹਾਰਪਰ ਨੂੰ ਕੋਈ ਜਾਣਕਾਰੀ ਹੀ ਨਹੀਂ ਹੈ। ਉਨ੍ਹਾਂ ਇੱਥੋਂ ਤੱਕ ਆਖਿਆ ਕਿ ਇੰਜ ਲੱਗਦਾ ਹੈ ਕਿ ਹਾਰਪਰ ਨੇ ਕਿਊਬਿਕ ਨੂੰ ਵਿਸਾਰ ਦਿੱਤਾ ਹੈ ਤੇ ਇਸ ਨੂੰ ਆਪਣੀ ਸੂਚੀ ਵਿੱਚੋਂ ਹੀ ਕੱਢ ਦਿੱਤਾ ਹੈ। ਉਨ੍ਹਾਂ ਆਖਿਆ ਕਿ ਹਾਰਪਰ ਨੂੰ ਇੱਥੋਂ ਦੇ ਲੋਕਾਂ ਨਾਲ ਜੁੜੇ ਮਸਲਿਆਂ ਦੀ ਥਾਂ ਉੱਤੇ ਪੁਰਾਣੇ ਜਹਾਜ਼ਾਂ ਨੂੰ ਠੀਕ ਕਰਨ ਤੇ ਨਵੇਂ ਜਹਾਜ਼ ਖਰੀਦਣ ਵਰਗੇ ਮੁੱਦਿਆਂ ਵਿੱਚ ਵਧੇਰੇ ਦਿਲਚਸਪੀ ਹੈ।
ਇਸ ਸਾਰੀ ਨੁਕਤਾਚੀਨੀ ਦਾ ਹਾਰਪਰ ਨੇ ਕੋਈ ਤਿੱਖਾ ਜਵਾਬ ਤਾਂ ਨਹੀਂ ਦਿੱਤਾ ਪਰ ਉਨ੍ਹਾਂ ਆਖਿਆ ਕਿ ਉਹ ਤਾਂ ਸਮੇਂ ਸਮੇਂ ਕੈਨੇਡਾ ਦੇ ਸਾਰੇ ਇਲਾਕਿਆਂ ਵਿੱਚ ਜਾਂਦੇ ਹੀ ਰਹਿੰਦੇ ਹਨ। ਉਨ੍ਹਾਂ ਆਖਿਆ ਕਿ ਉਹ ਇੱਕ ਅਹਿਮ ਐਲਾਨ ਕਰਨ ਲਈ ਇੱਥੇ ਆਏ ਹਨ ਤੇ ਇਸ ਮਹੀਨੇ ਹੋਰ ਅਹਿਮ ਐਲਾਨ ਕਰਨ ਲਈ ਇੱਥੇ ਆਉਣਗੇ। ਇਸ ਤੋਂ ਪਹਿਲਾਂ ਹਾਰਪਰ ਇਹ ਵੀ ਆਖ ਚੁੱਕੇ ਹਨ ਕਿ ਨਾ ਤਾਂ ਕੈਨੇਡਾ ਦੀ ਜਨਤਾ ਹੀ ਚੋਣਾਂ ਕਰਵਾਉਣ ਦੇ ਹੱਕ ਵਿੱਚ ਹੈ ਤੇ ਨਾ ਹੀ ਉਹ ਚੋਣਾਂ ਕਰਵਾਉਣ ਬਾਰੇ ਸੋਚ ਰਹੇ ਹਨ ਪਰ ਲਿਬਰਲ, ਨਿਊ ਡੈਮੋਕਰੇਟ ਤੇ ਬਲਾਕ ਰਲ ਕੇ ਚੋਣਾਂ ਕਰਵਾਉਣ ਉੱਤੇ ਤੁਲੇ ਹੋਏ ਹਨ। ਹਾਰਪਰ ਨੇ ਇਹ ਵੀ ਆਖਿਆ ਕਿ ਕੈਨੇਡੀਅਨਾਂ ਨੂੰ ਇਹ ਫੈਸਲਾ ਆਪ ਹੀ ਕਰਨਾ ਹੋਵੇਗਾ ਕਿ ਉਨ੍ਹਾਂ ਨੂੰ ਪੂਰੀ ਦੁਨੀਆ ਵਿੱਚ ਛਾਏ ਮੰਦਵਾੜੇ ਦੌਰਾਨ ਗੱਠਜੋੜ ਸਰਕਾਰ ਚਾਹੀਦੀ ਹੈ ਜਾਂ ਫਿਰ ਬਹੁਗਿਣਤੀ ਕੰਜ਼ਰਵੇਟਿਵ ਸਰਕਾਰ।
ਵੀਆਦਾਨਾ ਚ ਹੋ ਰਹੇ “ਪੰਜਾਬੀ ਮੇਲੇ ” ਨੂੰ ਲੈ ਕੇ ਸਰੋਤਿਆਂ ਚ ਭਾਰੀ ਉਤਸ਼ਾਹ-ਪੱਪਾ ਸਿੰਘਪੁਰੀਆ
ਮੰਗੀ ਮਾਹਿਲ, ਮਿਸ ਸ਼ਰਨ ਚੀਮਾ,ਬਲਰਾਜ ਅਤੇ ਉਘੇ ਕਮੇਡੀਅਨ ਰਾਣਾ ਰਣਵੀਰ ਕਰਨਗੇ ਦਰ਼ਸਕਾਂ ਦਾ ਮੰਨੋਰੰਜਨ
ਰੋਮ(ਇਟਲੀ) 2ਸਤੰਬਰ/ਟੇਕ ਚੰਦ ਜਗਤਪੁਰ-
ਵੀਆਦਾਨਾ ਚ ਪੰਜਾਬੀ ਮੇਲੇ ਨੁੰ ਲੈ ਕੇ ਸਰੋਤਿਆ ਚ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ।ਇਹ ਮੇਲਾ ਮਾਨਤੋਵਾ ਚ ਪੈਦੇ ਕਸਬਾ ਵੀਆਦਾਨਾ ਚ ਡਿਸਕੋਠੇਕਾ (ਜਿਥੇ ਪਹਿਲਾ ਵੀ ਪੰਜਾਬੀ ਸਭਿਆਚਾਰਕ ਮੇਲੇ ਹੋ ਚੁੱਕੇ ਹਨ ) ਵਿਖੇ 4 ਸਤੰਬਰ ਦਿਨ ਸ਼ਨੀਵਾਰ ਸ਼ਾਮ 5 ਵਜੇ ਤੋ ਦੇਰ ਰਾਤ ਤੱਕ ਸ ਇੰਦਰਜੀਤ ਸਿੰਘ ਲਿੱਦੜ ,ਸ ਸੁਰਿੰਦਰਪਾਲ ਸਿੰਘ ਭੰਗੂਅਤੇ ਸ ਪਰਮਜੀਤ ਸਿੰਘ ਢਿੱਲੋ ਦੀ ਸਰਪ੍ਰਸਤੀ ਹੇਠ ਆਯੋਜਿਤ ਹੋ ਰਿਹਾ ਹੈ।ਇਸ ਮੇਲੇ ਚ ਪੰਜਾਬੀ ਸਭਿਆਚਾਰ ਨੂੰ ਗਾਇਕੀ ਰਾਹੀ ਦੁਨੀਆ ਦੇ ਕੋਨੇ –ਕੋਨੇ ਚ ਪਹੁੰਚਾਉਣ ਵਾਲੇ ਬੁਲੰਦ ਅਵਾਜ ਦੇ ਮਾਲਕ ਗਾਇਕ ਮੰਗੀ ਮਾਹਿਲ,ਮਿਸ ਸ਼ਰਨ ਚੀਮਾ,ਬਲਰਾਜ ਆਪਣੀ ਗਾਇਕੀ ਦਾ ਮੁਜਾਹਰਾ ਕਰਨਗੇ। ਪੰਜਾਬੀ ਫਿਲਮਾਂ ਚ ਕਮੇਡੀ ਕਿੰਗ ਵਜੋ ਜਾਣੇ ਜਾਂਦੇ ‘ ਹਾਸਿਆਂ ਦੇ ਬਾਦਸ਼ਾਹ ਰਣਵੀਰ ਰਾਣਾ ਆਪਣੇ ਵਿਅੰਗਮਈ ਟੋਟਕਿਆ ਰਾਹੀ ਦਰਸ਼ਕਾਂ ਦੇ ਢਿੱਡੀ ਪੀੜ੍ਹਾਂ ਪਾਉਣਗੇ।ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆ ੇ ਯੂਰਪ ਦੇ ਉਘੇ ਮੰਚ ਸੰਚਾਲਕ ਅਤੇ ਖੇਡ ਕੁਮੈਟਰ ਪੱਪਾ ਸਿੰਘ ਪੁਰੀਆ ਨੇ ਦੱਸਿਆ ਕਿ ਪੰਜਾਬੀਆਂ ਦਾ ਪ੍ਰਸਿੱਧ ਲੋਕ ਨਾਚ ਭੰਗੜਾ ਇਸ ਮੇਲੇ ਦਾ ਮੁੱਖ ਆਕਰਸ਼ਣ ਹੋਵੇਗਾ।ਉਨ੍ਹਾਂ ਅੱਗੇ ਕਿਹਾ ਕਿ ਪੰਜਾਬ ,ਪੰਜਾਬੀ ਅਤੇ ਪੰਜਾਬੀਅਤ ਦਾ ਝੰਡਾ ਬੁਲੰਦ ਕਰਨ ਅਤੇ ਪੰਜਾਬੀ ਸਭਿਆਚਾਰ ਨੁੰ ਪ੍ਰਫੁਲਿਤ ਕਰਨ ਲਈ ਅਜਿਹੇ ਪ੍ਰੋਗਰਾਮਾਂ ਦਾ ਵਿਦੇਸ਼ਾਂ ਚ ਆਯੋਜਿਨ ਕਰਨ ਲਈ ਹਮੇਸ਼ਾਂ ਤਤਪਰ ਰਹਿਣਗੇ ।ਇਸ ਮੋਕੇ ਤੇਉਨ੍ਹਾਂ ਨਾਲ ਸ ਦਰਵਾਰਾ ਸਿੰਘ ਸਰਾਇ ,ਸ ਗੁਰਿੰਦਰ ਸਿੰਘ ਢੀਡਸਾ,, ਸ ਗੁਰਵਿੰਦਰ ਸਿੰਘ ਮੰਡੇਰ,ਸ ਪਰਮਿੰਦਰ ਸਿੰਘ ਸੋਹਲ,ਸ ਦਵਿੰਦਰ ਸਿੰਘ ਢਿੱਲੋ,ਸ ਜਗਜੀਤ ਸਿੰਘ ਸੈਣੀ ਅਤੇ ਸ੍ਰੀ ਸਿ਼ਵ ਕੁਮਾਰ ਲਾਂਬੜਾ ਐਮ ਡੀ ਸਿ਼ਵਾ ਟੀ ਆਰ ਐਸ ਮਾਰਕੀਟ ਐਂਡ ਟ੍ਰੈਵਲਜ ਏਜੰਸੀ ਵੀਆਦਾਨਾ ਆਦਿ ਨਾਲ ਸਨ।
ਵਿਦੇਸ਼ਾਂ ਚ ਪੰਜਾਬੀ ਸਭਿਆਚਾਰ ਨੂੰ ਪ੍ਰਫੁਲਿਤ ਕਰਨਾ ਸਮੇ ਦੀ ਮੁੱਖ ਲੋੜ- ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ
ਰੋਮ(ਇਟਲੀ) 2 ਸਤੰਬਰ-
ਟੇਕ ਚੰਦ ਜਗਤਪੁਰ-ਵਿਦੇਸ਼ਾਂ ਚ ਅਜੋਕੀ ਪੀੜ੍ਹੀ ਪੱਛਮੀ ਸਭਿਆਚਾਰ ਦੇ ਪ੍ਰਭਾਵ ਹੇਠ ਪੰਜਾਬੀ ਸਭਿਆਚਾਰਕ,ਵਿਰਸੇ,ਪਹਿਰਾਵੇ ਅਤੇ ਵਿਰਾਸਤ ਨੂੰ ਭੁਲਦੀ ਜਾ ਰਹੀ ਹੈ ਜਿਸ ਲਈ ਆਪਣੇ ਅਮੀਰ ਵਿਰਸੇ ਤੋ ਜਾਣੂ ਕਰਵਾਉਣਾ ਅਤੇ ਉਸ ਨੂੰ ਪ੍ਰਫੁਲਿਤ ਕਰਨਾ ਸਮੇ ਦੀ ਅੱਜ ਅਹਿਮ ਲੌੜ ਹੈਉਪਰੋਕਤ ਵਿਚਾਰਾਂ ਦਾ ਪ੍ਰਗਟਾਵਾ ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਮੀਤ ਪ੍ਰਧਾਨ ਬਾਬਾ ਰਾਮ ਚੰਦ ਯਾਦਗਾਰੀ ਟਰੱਸਟ ਯੂਰਪ ਨ ਪੱਤਰਕਾਰਾਂ ਨਾਲ ਵਿਸੇ਼ਸ਼ ਗਲਬਾਤ ਦੋਰਾਨ ਕੀਤਾ।ਉਨ੍ਹਾਂ ਅੱਗੇ ਕਿਹਾ ਕਿ ਜਿਥੇ ਉਹ ਇਟਲੀ ਚ ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੁੰ ਪ੍ਰਫੁਲਿਤ ਕਰਨ ਹਿੱਤ ਮੁਖਤਿਆਰ ਸਪੋਰਟਸ ਕਲੱਬ ਦੇ ਬੈਨਰ ਹੇਠ ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਦੇ ਸਹਿਯੋਗ ਨਾਲ ਖੇਡ ਮੇਲੇ ਆਯੋਜਿਤ ਕਰ ਚੁੱਕੇ ਹਨ।ੇ ਜਿਨ੍ਹਾਂ ਨੂੰ ਪੰਜਾਬੀਆਂ ਨੇ ਖੂਬ ਭਰਵਾ ਹੰਗਾਰਾ ਦਿੱਤਾ ਅਤੇ ਜੋ ਨੋਜਵਾਨ ਪੀੜ੍ਹੀ ਲਈ ਵੀ ਵਰਦਾਨ ਸਾਬਿਤ ਹੋ ਰਹੇ ਹਨ।ਉਨ੍ਹਾਂ ਅੱਗੇ ਕਿਹਾ ਕਿ ਭਵਿਖ ਚ ਉਹ ਖੇਡਾਂ ਦੇ ਨਾਲ –ਨਾਲ ਪੰਜਾਬੀ ਸਭਿਆਚਾਰ ,ਵਿਰਸੇ ਅਤੇ ਵਿਰਾਸਤ ਨੂੰ ਪ੍ਰਫੁਲਿਤ ਕਰਨ ਹਿੱਤ ਅਜੀਹੇ ਪ੍ਰੋਗਰਾਮ ਉਲੀਕਦੇ ਰਹਿਣਗੇ ਜੋ ਪੰਜਾਬੀ ਭਾਈਚਾਰੇ ,ਸਮਾਜ ਨੂੰ ਵਿਲੱਖਣ ਦਿਸ਼ਾ ਪ੍ਰਦਾਨ ਕਰਨ।ਉਨ੍ਹਾ ਅੱਗੇ ਕਿਹਾ ਕਿ ਅਸੀ ਜਿਸ ਵੀ ਦੇਸ਼ ਚ ਰਹਿੰਦੇ ਹਾ ਉਸ ਦੇਸ ਦੀ ਭਾਸਾਂ ਦਾ ਗਿਆਨ ਹੋਣਾ ਅਤੀ ਜਰੂਰੀ ਹੈ ਤਦ ਹੀ ਅਸੀ ਆਪਣੇ ਜੀਵਨ ਚ ਤਰੱਕੀ ਅਤੇ ਵਿਕਾਸ ਕਰ ਸਕਦੇ ਹਾ ਪਰ ਸਾਨੂੰ ਆਪਣੇ ਬੱਚਿਆਂ ਨੂੰ ਘਰ ਚ ਪੰਜਾਬੀ ਚ ਹੀ ਗਲਬਾਤ ਕਰਨੀ ਚਾਹੀਦੀ ਹੈ ਕਿਉਕਿ ਉਸ ਦੇਸ਼ ਦੀ ਭਾਸ਼ਾਂ ਉਹ ਸਕੂਲ ਚ ਆਪੇ ਹੀ ਸਿੱਖ ਜਾਣਗੇ। ਜੇਕਰ ਅਸੀ ਅਜਿਹਾ ਨਾ ਕੀਤਾ ਤਾ ਉਹ ਦਿਨ ਦੂਰ ਨਹੀ ਜਦੋਆਪਣੀ ਪੰਜਾਬੀ ਮਾਂ ਬੋਲੀ ਤੋ ਆਉਣ ਵਾਲੀ ਪੀੜ੍ਹੀ ਭਵਿੱਖ ਚ ਕਿਨਾਰਾ ਕਰ ਲਵੇਗੀ।
ਬਾਬਾ ਜਗਤਾਰ ਸਿੰਘ ਜੀ (ਤਰਨਤਾਰਨ) ਕਾਰ ਸੇਵਾ ਵਾਲੇ ਇਟਲੀ ਪੁਜੇ
ਬਰੇਸ਼ੀਆ -5 sep ( ਸਵਰਨਜੀਤ ਸਿੰਘ ਇਟਲੀ)-
ਪੰਜਾਬ ਹਰਿਆਣਾ,ਦਿਲੀ ਤੇ ਹੁਣ ਪਾਕਿਸਤਾਨ ਦੇ ਗੁਰਦੁਆਰਾ ਸਾਹਿਬ ਪੰਜਾ ਸਾਹਿਬ, ਨਨਕਾਣਾ ਸਾਹਿਬ ਤੇ ਡੇਰਾ ਸਾਹਿਬ ਲਾਹੌਰ ਤੌ ਇਲਾਵਾ ਹੋਰ ਵੀ ਅਣਗਿਣਤ ਗੁਰੂ ਘਰਾਂ ਦੀ ਕਾਰ ਸੇਵਾ ਕਰਵਾਉਣ ਵਾਲੇ ਮਹਾਨ ਸੰਤ ਸੇਵਾ ਦੇ ਪੁੰਜ ਬ੍ਰਹਮ ਗਿਆਨੀ ਬਾਬਾ ਜਗਤਾਰ ਸਿੰਘ ਜੀ ਕਾਰ ਸੇਵਾ ਵਾਲੇ ਅਜ ਪਹਿਲੀ ਵਾਰ ਇਟਲੀ ਦੀ ਧਰਤੀ ਤੇ ਪੁਜੇ। ਇਟਲੀ ਦੇ ਇੰਟਰਨੈਸ਼ਨਲ ਏਅਰ ਪੋਰਟ ਮਿਲਾਨੋ ਤੇ ਉਨਾਂ ਦਾ ਸੁਆਗਤ ਕਰਨ ਲਈ ਬਰੇਸ਼ੀਆ ਦੀਆਂ ਮਹਾਨ ਸ਼ਖਸ਼ੀਅਤਾਂ ਹੈਡ ਗਰੰਥੀ ਭਾਈ ਸਾਹਿਬ ਭਾਈ ਜਰਨੈਲ਼ ਸਿੰਘ ਜੀ, ਸ੍ਰ. ਸੁਖਦੇਵਪਾਲ ਸਿੰਘ ਜੀ ਅਪਣਾ ਬਾਜਾਰ ਤੇ ਪੈਲੇਸ ਵਾਲੇ, ਸ੍ਰ ਕੁਲਵਿੰਦਰ ਸਿੰਘ ਜੀ ਸਾਬਕਾ ਪ੍ਰਧਾਨ , ਭਾਈ ਅਮਰਜੀਤ ਸਿੰਘ ਰਾਪੁਰ, ਕਰਮਵੀਰ ਸਿੰਘ ਸਾਬਾ ਵਿਸ਼ੇਸ਼ ਤੌਰ ਤੇ ਪੁਜੇ। ਗੁਰਦੁਆਰਾ ਸਾਹਿਬ ਫਲੇਰੋ ਪੁਜਣ ਦਾ ਉਹਂਨਾਂ ਦਾ ਸੁਆਗਤ ਗੁਰੂ ਘਰ ਦੇ ਪ੍ਰਮੁਖ ਸੇਵਾਦਰ ਸ੍ਰ ਨਿਸ਼ਾਨ ਸਿੰਘ ਜੀ ਨੇ ਕੀਤਾ। ਵਰਨਣਯੋਗ ਹੈ ਕਿ ਬਾਬਾ ਜੀ ਦੋ ਮਹੀਨੇ ਇਟਲੀ ਰਹਿਣਗੇ, ਇਟਲੀ ਤੋਂ ਇਲਾਵਾ ਯੂਰਪ ਦੇ ਦੂਸਰੇ ਦੇਸ਼ਾਂ ਜਿਵੇਂ ਫਰਾਂਸ,ਜਰਮਨ, ਹਾਲੈਂਡ,ਸਪੇਨ ਆਦਿ ਦੇਸ਼ਾਂ ਵਿਚ ਵੀ ਜਾਣਗੇ ।ਸੰਗਤਾਂ ਨੇ ਉਨ੍ਹਾਂ ਬਾਰੇ ਕਿਸੇ ਪ੍ਰਕਾਰ ਦੀ ਜਾਣਕਾਰੀ ਲੈਣੀ ਹੋਵੇ ਤਾਂ ਉਹ ਸ੍ਰ ਨਿਸ਼ਾਨ ਸਿੰਘ ਮੋ. 320.6872820, ਸ. ਸੁਖਦੇਵਪਾਲ ਸਿੰਘ ਅਪਣਾ ਬਾਜਾਰ ਮੋਬ.347-6417777, ਭਾਈ ਹਰਵੰਤ ਸਿੰਘ ਵਿਚੈਸਾ ਮੋਬ. 347-0396618, ਸ.ਸਤਵਿੰਦਰ ਸਿੰਘ ਪੋਰਦੀਨੋਨੇ . ਭਾਈ ਜਰਨੈਲ ਸਿੰਘ ਜੀ ਹੈਡ ਗਰੰਥੀ ਫਲੈਰੋ ਮੋਬ.328-1630983 ਤੇ ਸਂੰਪਰਕ ਕਰ ਸਕਦੇ ਹਨ।
ਸਿੱਖਜ਼ ਫਾਰ ਜਸਟਿਸ ਵੱਲੋਂ ਅਮਰੀਕਾ ’ਚ ਇਤਿਹਾਸਕ ਕਾਨਫਰੰਸ
ਨਿਊਯਾਰਕ ਕੌਂਸਲਰ ਵੱਲੋਂ ‘ਸਿੱਖ ਨਸਲਕੁਸ਼ੀ’ ਦੀ ਪ੍ਰਮਾਣਿਕਤਾ ਲਈ ਹਮਾਇਤ
ਨਿਊਯਾਰਕ-2 sep 2010
ਕੈਨੇਡਾ ਦੀ ਪਾਰਲੀਮੈਂਟ ’ਚ ‘ਸਿੱਖ ਨਸਲਕੁਸ਼ੀ’ ਦੇ ਦੁਖਾਂਤ ਬਾਰੇ ਪਟੀਸ਼ਨ ਪੇਸ਼ ਹੋਣ ’ਤੇ 15 ਅਗਸਤ ਨੂੰ ਦੇਸ਼ ਪੱਧਰੀ ਕਾਨਫਰੰਸ ਆਯੋਜਨ ਮਗਰੋਂ ਹੁਣ ‘ਸਿੱਖਜ਼ ਫਾਰ ਜਸਟਿਸ’ ਵੱਲੋਂ ਅਮਰੀਕਾ ’ਚ ਇਤਿਹਾਸਕ ਕਾਨਫਰੰਸ ’ਚ ਕਾਨੂੰਨ ਮਾਹਿਰਾਂ, ਸਿਆਸਤਦਾਨਾਂ ਅਤੇ ਮਨੁੱਖੀ ਅਧਿਕਾਰ ਸੰਗਠਨਾਂ ਨੂੰ ਅਪੀਲ ਕੀਤੀ ਗਈ ਕਿ ਸੰਨ 1984 ਵਿਚ ਭਾਰਤ ਅੰਦਰ ਸਿੱਖਾਂ ਦੇ ਹੋਏ ਯੋਜਨਾਬੱਧ ਕਤਲੇਆਮ ਨੂੰ ‘ਨਸਲਕੁਸ਼ੀ’ ਕਰਾਰ ਦਿੱਤਾ ਜਾਵੇ। ਨਿਊਯਾਰਕ ਦੇ ਰਾਇਲ ਪੈਲੇਸ ’ 29 ਅਗਸਤ ਨੂੰ ਹੋਏ ਵਿਸ਼ਾਲ ਇਕੱਠ ’ਚ ਸ੍ਰੀ ਅਕਾਲ ਤਖ਼ਤ ਤੋਂ ‘ਸਿੱਖ ਨਸਲਕੁਸ਼ੀ’ ਬਾਰੇ ਜਾਰੀ ਆਦੇਸ਼ ਮੌਜੂਦਾ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਗੁਰਬਚਨ ਸਿੰਘ ਵੱਲੋਂ ਪੜਿ•ਆ ਗਿਆ ਤੇ ਨਿਊਯਾਰਕ ਸਟੇਟ ਦੇ ਕਾਨੂੰਨਦਾਨਾਂ ਨੂੰ ਇਸ ਦੀ ਪੁਰਜ਼ੋਰ ਹਮਾਇਤ ਲਈ ਆਵਾਜ਼ ਉਠਾਉਣ ਦੀ ਮੰਗ ਕੀਤੀ ਗਈ। ਇਸ ਮੌਕੇ ’ਤੇ ਤਖ਼ਤ ਸ੍ਰੀ ਕੇਸਗੜ• ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਤਰਲੋਚਨ ਸਿੰਘ ਤੇ ਤਖ਼ਤ ਸ੍ਰੀ ਪਟਨਾ ਸਾਹਿਬ ਦੇ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਵੀ ਕਾਨਫਰੰਸ ’ਚ ਸ਼ਾਮਿਲ ਹੋਏ।
ਸ੍ਰੀ ਅਕਾਲ ਤਖ਼ਤ ਦੇ ਜ੍ਯਥੇਦਾਰ ਗੁਰਬਚਨ ਸਿੰਘ ਨੇ ਸਿੱਖਜ਼ ਫਾਰ ਜਸਟਿਸ ਵੱਲੋਂ ਨਵੰਬਰ 1984 ਸਿੱਖ ਨਸਲਕੁਸ਼ੀ ਦੇ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਪਿਛਲੇ ਕਈ ਸਾਲਾਂ ਤੋਂ ਕੀਤੀ ਜਾ ਰਹੀ ਜੱਦੋ-ਜਹਿਦ ਦੀ ਜ਼ੋਰਦਾਰ ਸ਼ਲਾਘਾ ਕਰਦਿਆਂ ਸਮੁੱਚੇ ਸਿੱਖ ਭਾਈਚਾਰੇ ਨੂੰ ਇਕ ਵਾਰ ਫਿਰ ਅਪੀਲ ਕੀਤੀ ਕਿ ਉਹ ਨਵੰਬਰ ’84 ਦੇ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਸਿੱਖਜ਼ ਫਾਰ ਜਸਟਿਸ ਦਾ ਸਮਰਥਨ ਕਰਨ।
ਇਸ ਦੌਰਾਨ ਜਥੇਦਾਰ ਇਕਬਾਲ ਸਿੰਘ ਤੇ ਜਥੇਦਾਰ ਤਰਲੋਚਨ ਸਿੰਘ ਨੇ ਵੀ ਸਿੱਖਜ਼ ਫਾਰ ਜਸਟਿਸ ਦੀ ਭਰਪੂਰ ਸ਼ਲਾਘਾ ਕੀਤੇ ਤੇ ਸਮੁੱਚੇ ਸਿੱਖ ਭਾਈਚਾਰੇ ਨੂੰ ਇਸ ਦਾ ਜ਼ੋਰਦਾਰ ਸਮਰਥਨ ਕਰਨ ਦੀ ਅਪੀਲ ਕਰਦਿਆਂ ਕਿਹਾ ਕਿ ਨਵੰਬਰ ’84 ਦੇ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਇਕਜੁੱਟ ਹੋਣਾ ਜ਼ਰੂਰੀ ਹੈ।
ਮਨੁੱਖੀ ਹੱਕਾਂ ਦੀ ਚੈਂਪੀਅਨ ਮੰਨੀ ਜਾਂਦੀ ਨਿਊਯਾਰਕ ਕੌਂਸਲਰ ਜੁਲੀਸਾ ਫੁਰੇਰਾਸ ਨੇ ‘ਸਿੱਖ ਨਸਲਕੁਸ਼ੀ’ ਦੀ ਪ੍ਰਮਾਣਿਕਤਾ ਲਈ ਹਮਾਇਤ ਕਰਦਿਆਂ ਕਿਹਾ ਕਿ ਉਹ ਇਸ ਮੁੱਦੇ ’ਤੇ ਆਵਾਜ਼ ਉਠਾਏਗੀ। ਉਨਾਂ ਕਾਨਫਰੰਸ ’ਚ ਸਿੱਖਜ਼ ਫਾਰ ਜਸਟਿਸ ਅਤੇ ਜਥੇਦਾਰ ਸਾਹਿਬਾਨ ਨੂੰ ਨਿਊਯਾਰਕ ਕੌਂਸਲ ਦਾ ‘ਸਾਈਟੇਸ਼ਨ’ ਵੀ ਸੌਂਪਿਆ।
ਨਿਊਯਾਰਕ ਸਟੇਟ ਦੇ ਅਸੈਂਬਲੀ ਮੈਂਬਰ ਡੇਵਿਡ ਨੇ ਕਿਹਾ ਕਿ ਅਮਰੀਕਾ ਮਨੁੱਖੀ ਹੱਕਾਂ ਦੇ ਮਾਮਲੇ ’ਚ ਸਿੱਖਾਂ ਦੇ ਨਾਲ ਹੈ। ‘ਸਿੱਖਜ਼ ਫਾਰ ਜਸਟਿਸ’ ਦੇ ਕਾਨੂੰਨੀ ਸਲਾਹਕਾਰ ਸ: ਗੁਰਪਤਵੰਤ ਸਿੰਘ ਪੰਨੂੰ ਨੇ ਅਮਰੀਕਾ ਦੇ ਇਲੀਨੌਆਇ ਸਟੇਟ ਵੱਲੋਂ ਬਣਾਏ ਨਸਲਕੁਸ਼ੀ ਕਮਿਸ਼ਨ ਦੀ ਤਰਜ਼ ’ਤੇ ਨਿਊਯਾਰਕ ਵਿਚ ਵੀ ਅਜਿਹਾ ਕਮਿਸ਼ਨ ਬਣਾਉਣ ਦੀ ਮੰਗ ਕਰਦਿਆਂ ਉਸ ਵਿਚ ‘ਸਿੱਖ ਨਸਲਕੁਸ਼ੀ’ ਸ਼ਾਮਿਲ ਕਰਨ ਦੀ ਜ਼ੋਰਦਾਰ ਅਪੀਲ ਕੀਤੀ।
ਵੈਨਕੂਵਰ ਤੋਂ ਪੁੱਜੇ ਪ੍ਰੋ. ਗੁਰਵਿੰਦਰ ਸਿੰਘ ਧਾਲੀਵਾਲ ਨੇ ਕਾਨਫਰੰਸ ਦਾ ਸੰਚਾਲਨ ਕਰਦਿਆਂ ਕੌਮਾਂਤਰੀ ਪੱਧਰ ’ਤੇ ਸਿੱਖ ਨਸਲਕੁਸ਼ੀ ਦੇ ਦੁਖਾਂਤ ਦੀ ਮਾਨਤਾ, ਇਸ ਲਈ ਜ਼ਿੰਮੇਵਾਰ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾਵਾਂ ਅਤੇ ਭਾਰਤੀ ਸੰਵਿਧਾਨ ਦੀ ਧਾਰਾ 25 ’ਚ ਸੋਧ ਲਈ ਸਮੂਹ ਜਥੇਬੰਦੀਆਂ ਨੂੰ ਇਕਮੁੱਠਤਾ ਦੇ ਪ੍ਰਗਟਾਵੇ ਲਈ ਸੱਦਾ ਦਿੱਤਾ।
ਨਿਊਯਾਰਕ ਕਾਨਫਰੰਸ ’ਚ ਆਲ ਇੰਡੀਆ ਸਿੱਖਜ਼ ਸਟੂਡੈਂਟ ਫੈਡਰੇਸ਼ਨ (ਮੀਰ ਮੁਹੰਮਦ) ਵੱਲੋਂ ਸਿੱਖ ਨਸਲਕੁਸ਼ੀ ਦੇ ਪੀੜਤਾਂ ਬਾਰੇ ਤੱਥਾਂ ’ਤੇ ਆਧਾਰਿਤ ਡਾਕੂਮੈਂਟਰੀ ਪੇਸ਼ ਕੀਤੀ ਜਿਸ ਵਿਚ ਯੋਜਨਾਬੱਧ ਢੰਗ ਨਾਲ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪਾਂ ਨੂੰ ਅਗਨਭੇਟ ਕਰਨ, ਹਜ਼ਾਰਾਂ ਸਿੱਖਾਂ ਦੇ ਸਮੂਹਿਕ ਕਤਲੇਆਮ ਤੇ ਸਰਕਾਰੀ ਦਹਿਸ਼ਤਗਰਦੀ ਦੇ ਨੰਗ ਨਾਚ ਦੇ ਰੌਂਗਟੇ ਖੜੇ ਕਰਨ ਵਾਲੇ ਪ੍ਰਗਟਾਵੇ ਕੀਤੇ ਗਏ।
ਸਿੱਖ ਨਸਲਕੁਸ਼ੀ ਦਾ ਸੰਤਾਪ ਹੰਢਾਉਣ ਵਾਲੇ ਦਿੱਲੀ ਦੇ ਜਸਬੀਰ ਸਿੰਘ ਅਤੇ ਕਾਨਪੁਰ ਦੇ ਦਵਿੰਦਰ ਸਿੰਘ ਭਾਟੀਆ ਤੇ ਉਸ ਦੀ ਮਾਂ ਵੱਲੋਂ ਆਪਣੇ ਪੁੱਤਰ ਤੇ ਪਤੀ ਦੀ ਵਹਿਸ਼ੀਆਨਾ ਹੱਤਿਆ ਦੀ ਦਾਸਤਾਨ ਲੋਕਾਂ ਨਾਲ ਸਾਂਝੀ ਕੀਤੀ ਗਈ।
ਸਿੱਖਜ਼ ਫਾਰ ਜਸਟਿਸ ਦੇ ਕੋਆਰਡੀਨੇਟਰ ਸ: ਅਵਤਾਰ ਸਿੰਘ ਪੰਨੂੰ ਨੇ ਬੋਲਦਿਆਂ ਕਿਹਾ ਕਿ ਸਿੱਖਜ਼ ਫਾਰ ਜਸਟਿਸ ਨੂੰ ਸ੍ਰੀ ਅਕਾਲ ਤਖ਼ਤ ਵੱਲੋਂ ਮਿਲੀ ਮਾਨਤਾ ਤੋਂ ਬਾਅਦ ਇਹ ਸਿੱਖ ਨਸਲਕੁਸ਼ੀ ਕਾਨਫਰੰਸਾਂ ਕਰਵਾਈਆਂ ਜਾ ਰਹੀਆਂ ਤਾਂ ਜੋ ਨਵੰਬਰ 1984 ਸਿੱਖ ਨਸਲਕੁਸ਼ੀ ਬਾਰੇ ਕੌਮਾਂਤਰੀ ਪੱਧਰ ’ਤੇ ਜਾਗਰੂਕਤਾ ਫੈਲਾਈ ਜਾਵੇ ਤੇ ਵੱਧ ਤੋਂ ਵੱਧ ਲੋਕਾਂ ਨੂੰ ਅਸਲ ਤੱਥਾਂ ਤੋਂ ਜਾਣੂ ਕਰਵਾਇਆ ਜਾਵੇ।
ਇਸੇ ਦੌਰਾਨ ਬਰਜਿੰਦਰ ਸਿੰਘ ਬਰਾੜ ਤੇ ਮਾਸਟਰ ਮੋਹਿੰਦਰ ਸਿੰਘ ਨੇ ਸਿੱਖਜ਼ ਫਾਰ ਜਸਟਿਸ ਵੱਲੋਂ ਕਰਵਾਈ ਗਈ ਇਸ ਤਰਾਂ ਦੀਆਂ ਹੋਰ ਕਾਨਫਰੰਸਾਂ ਕਰਵਾਉਣ ਦਾ ਪੁਰਜੋਰ ਸਮਰਥਨ ਕਰਦਿਆਂ ਸਮੁੱਚੇ ਸਿੱਖ ਭਾਈਚਾਰੇ ਨੂੰ ਇਨਾਂ ਕਾਨਫਰੰਸਾਂ ਵਿਚ ਵੱਧ ਚੜ• ਕੇ ਸ਼ਾਮਿਲ ਹੋਣ ਦੀ ਅਪੀਲ ਕੀਤੀ।
ਕੈਨੇਡਾ ਤੋਂ ਯੂਥ ਕੋਆਰਡੀਨੇਟਰ ਜਤਿੰਦਰ ਸਿੰਘ ਗਰੇਵਾਲ ਟਰਾਂਟੋ, ਅਮਰੀਕਨ ਜੰਮਪਲ ਬੀਬੀ ਤੇਜੀ ਕੌਰ ਬੈਂਸ, ਡਾ: ਬਖਸ਼ੀਸ਼ ਸਿੰਘ ਸੰਧੂ ਨਿਊਜਰਸੀ, ਬੀਬੀ ਬਲਬੀਰ ਕੌਰ ਅਤੇ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਨਿਊਯਾਰਕ ਦੇ ਬੱਚਿਆਂ ਵੱਲੋਂ ਹਾਜ਼ਰੀ ਲਵਾਈ ਗਈ।
ਸੁਜਾਰਾ ਵਿਖੇ ਹੋਣ ਵਾਲਾ ਖੇਡ ਮੇਲਾ ਖੇਡ ਜਗਤ ਚ ਨਿਵੇਕਲੀਆਂ ਮਹਿਕਾਂ ਵਿਖੇਰੇਗਾ - ਲਾਂਬੜਾ,ਮਜਾਰਾ
ਉਘੇ ਖੇਡ ਕੁਮੈਟਰ ਪੱਪਾ ਸਿੰਘ ਪੁਰੀਆ ਅਤੇ ਖੇਡ ਪ੍ਰਮੋਟਰ ਸ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ਦਾ ਹੋਵੇਗਾ ਗੋਲਡ ਮੈਡਲ ਨਾਲ ਸਨਮਾਨ
ਰੋਮ(ਇਟਲੀ)2 sep/ਟੇਕ ਚੰਦ ਜਗਤਪੁਰ-
ਪੰਜ+ਆਬ ਸਪੋਰਟਸ ਕਲੱਬ ਸੁਜਾਰਾ ,ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ,ਰਿਜੋਮਿਲੀਆ ਵਲੋ ਸਿ਼ਵਾ ਟੀ ਆਰ ਐਸ ਟਰੈਵਲਜ ਏਜੰਸੀ ਵੀਆਦਾਨਾ ਦੇਸਹਿਯੋਗ ਨਾਲ ਸ ਸਤਵਿੰਦਰ ਸਿੰਘ ਟੀਟਾ ,ਸਤਨਾਮ ਸਿੰਘ ਮਿੰਟਾ ਅਤੇ ਜਸਵੀਰ ਸਿੰਘ ਜੱਸਾ ਪੀ ਟੀ ਦੀ ਸਰਪ੍ਰਸਤੀ ਹੇਠ ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਦੇ ਨਿਯਮਾਂ ਹੇਠ ਸੁਜਾਰਾ ਵਿਖੇ ਆਯੋਜਿਤ ਹੋ ਰਿਹਾ 5 ਸਤੰਬਰ ਦਿਨ ਐਤਵਾਰ ਨੂੰ ਖੇਡ ਮੇਲਾ ਖੇਡ ਜਗਤ ਚ ਇਤਿਹਾਸਿਕ ਤੇ ਸੰਦਲੀ ਪੈੜਾਂ ਪਾਉਦਾ ਹੋਇਆ ਨਿਵੇਕਲੀਆਂ ਮਹਿਕਾਂ ਵਿਖੇਰਦਾ ਹੋਇਆ ਯਾਦਗਾਰੀ ਹੋ ਨਿਬੜੇਗਾ।ਉਪਰੋਕਤ ਵਿਚਾਰਾਂ ਦਾ ਪ੍ਰਗਟਾਵਾ ਇਟਲੀ ਦੇ ਉਘੇ ਬਿਜਨੈਸਮੈਨ ਸ੍ਰੀ ਸਿ਼ਵ ਕੁਮਾਰ ਲਾਂਬੜਾ ਐਮ ਡੀ ਸਿ਼ਵਾ ਟੈਰਵਲ ਏਜੰਸੀ ਵੀਆਦਾਨਾ ਅਤੇ ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਪ੍ਰਧਾਨ ਮੁਖਤਿਆਰ ਸਪੋਰਟਸ ਕਲੱਬ ਤਰਵੀਜੋ, ਨੇ ਵਿਸੇ਼ਸ਼ ਗੱਲਬਾਤ ਦੋਰਾਨ ਕੀਤਾ।ਉਨ੍ਹਾਂ ਅੱਗੇ ਕਿਹਾ ਕਿ ਜਿਸ ਤਰਾਂ ਦਰਸ਼ਕਾਂ ,ਖੇਡ ਪ੍ਰੇਮੀਆਂ ਨੇ ਇਟਲੀ ਚ ਹੋ ਰਹੇ ਹਰ ਖੇਡ ਮੇਲੇ ਨੂੰ ਸਫਲਤਾਪੂਰਨ ਨੇਪੜੇ ਚਾੜਨ ਚ ਬੇਹੱਦ ਸਹਿਯੋਗ ਦਿੱਤਾ ਉਸ ਤਰ੍ਹਾਂ ਇਸ ਮੇਲੇ ਚ ਵੀ ਆਪਣਾ ਬੱਡਮੁੱਲਾ ਸਹਿਯੋਗ ਦੇ ਕੇ ਕਾਮਯਾਬ ਕਰਨ ਚ ਕੋਈ ਕਸਰ ਬਾਕੀ ਨਹੀਂ ਛੱਡਣਗੇ ।ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਵਲੋ ਬੱਚਿਆਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਲਈ ਹਰ ਖੇਡ ਮੇਲੇ ਚ ਬੱਚਿਆਂ ਦੀਆਂ ਦੌੜਾਂ ਕਰਵਾਉਣ ਦਾ ਉਪਰਾਲਾ ਸ਼ਲਾਘਾਯੋਗ ਹੈ।ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਪ੍ਰਤੀ ਦਰਸ਼ਕਾਂ, ਖੇਡ ਪ੍ਰੇਮੀਆਂ ਚ ਨਿਵੇਕਲਾ ਉਤਸ਼ਾਹ ਪਾਇਆ ਜਾ ਰਿਹਾ ਹੈ। ਉਨਾਂ ਅੱਗੇ ਕਿਹਾ ਕਿ ਇਸ ਖੇਡ ਮੇਲੇ ਚ ਯੂਰਪ ਦੇ ਉਘੇ ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ ਅਤੇ ਉਘੇ ਖੇਡ ਪ੍ਰਮੋਟਰ ,ਪੱਤਰਕਾਰ ਸ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ਨੂੰ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਖੇਡ ਮੇਲੇ ਦੀ ਕੁਮੈਟਰੀ ਯੂਰਪ ਦੇ ਉਘੇ ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ,ਉਘੇ ਗਾਇਕ ਅਤੇ ਕੁਮੈਟਰ ਬੱਬੂ ਜਲੰਧਰੀਆ,ਸ ਪਰਮਜੀਤ ਸਿੰਘ ਢਿੱਲੋ,ਅਤੇ ਮਾਪੀ ਹੁਸਿ਼ਆਰਪੁਰੀਆ ਆਪਣੀ ਵਿਅੰਗਮਈ,ਸੇ਼ਅਰੋ-ਸੇ਼ਅਰੀ ਨਾਲ ਭਰਭੂਰ ਨਾਲ ਲੈਸ ਕੁਮੈਟਰੀ ਅਤੇ ਜੋਸ਼ੀਲੇ ਬੋਲਾਂ ਰਾਹੀ ਖਿਡਾਰੀਆਂ ਨੂੰ ਹਂੌਸਲਾ ,ਦਲੇਰੀ ਅਤੇ ,ਹੱਲਾਸੇ਼ਰੀ ਦੇ ਕੇ ਉਤਸ਼ਾਹਿਤ ਕਰਨ ਦੇ ਨਾਲ-ਨਾਲ ਦਰਸ਼ਕਾਂ ਦਾ ਵੀ ਖੂਬ ਮੰਨੋਰੰਜਨ ਕਰਨਗੇ।ਉਨ੍ਹਾਂ ਆਸ ਪ੍ਰਗਟਾਈ ਕਿ ਇਸ ਮੇਲੇ ਚ ਵੀ ਦਰਸ਼ਕ ਭਾਰੀ ਗਿਣਤੀ ਚ ਹੁੰਮ ਹੁੰਮਾ ਕੇ ਪਹੁੰਚਣਗੇ ।ਉਨ੍ਹਾਂ ਅੱਗੇ ਕਿਹਾ ਕਿ ਜੇਕਰ ਕੋਈ ਵੀ ਖਿਡਾਰੀ ਫੈਡਰੇਸ਼ਨ ਦੇ ਕਨੂੰਨਾਂ ਦੀ ਉਲੰਘਣਾ ਕਰੇਗਾ ਤਾਂ ਉਸ ਨੂੰ ਤਰੁੰਤ ਖੇਡ ਮੈਦਾਨ ਚ ਬਾਹਰ ਕੱਢ ਦਿੱਤਾ ਜਾਵੇਗਾ ਅਤੇ ਉਸ ਦਾ ਮੁਕੰਮਲ ਬਾਈਕਾਟ ਕੀਤਾ ਜਾਵੇਗਾ।
ਸ਼ਿਵ ਸ਼ਕਤੀ ਮੰਦਿਰ ਵਿੱਚ ਜਨਮ ਅਸ਼ਟਮੀ ਅੱਜ ਮਨਾਈ ਜਾਵੇਗੀ
ਇਟਲੀ –ਕੁਮਾਰ –
ਅੱਜ ਸਾਰੇ ਭਾਰਤ ਵਿੱਚ ਨਹੀ ਸਗੋਂ ਵਿਦੇਸ਼ਾਂ ਵਿੱਚ ਵੀ ਸ਼੍ਰੀ ਕ੍ਰਿਸ਼ਨ ਭਗਵਾਨ ਦਾ ਜਨਮ ਦਿਨ ਮਨਾਇਆ ਜਾ ਰਿਹਾ ਹੈ। ਸ਼੍ਰੀ ਕ੍ਰਿਸ਼ਨ ਬਚਪਨ ਤੋ ਹੀ ਆਪਣੀਆਂ ਨਟਖਟ ਸ਼ਰਾਰਤਾਂ ਕਰਕੇ ਸਾਰਿਆਂ ਦਾ ਮਨ ਮੋਹ ਲੈਦੇ ਸਨ। ਸ਼੍ਰੀ ਕ੍ਰਿਸ਼ਨ ਜੀ ਨੇ ਆਪਣੇ ਜੀਵਨ ਵਿੱਚ ਦੁਸ਼ਟ ਪਾਪੀਆਂ ਦਾ ਨਾਸ਼ ਕੀਤਾ। ਸ਼ਿਵ ਸ਼ਕਤੀ ਮੰਦਿਰ ਵਲੋਂ ਪਾਲਾਜੋਲੋ (ਬਰੇਸ਼ੀਆ) ਵਿੱਚ ਅੱਜ ਸ਼ਾਮ 6 ਵਜੇ ਭਗਵਾਨ ਸ਼੍ਰੀ ਕ੍ਰਿਸ਼ਨ ਜੀ ਦਾ ਜਨਮ ਦਿਨ ਜਨਮ ਅਸ਼ਟਮੀ ਬੜੀ ਸ਼ਰਧਾ ਨਾਲ ਮਨਾਈ ਜਾਵੇਗੀ। ਇਹ ਜਾਣਕਾਰੀ ਸ਼ਿਵ ਸ਼ਕਤੀ ਮੰਦਿਰ ਕਮੇਟੀ ਦੇ ਮੈਂਬਰ ਸ਼੍ਰੀ ਅਨਿਲ ਸ਼ਰਮਾਂ ਨੇ ਦਿੱਤੀ। ਕ੍ਰਿਸ਼ਨ ਲੀਲਾ ਦੇ ਜਾਪ ਤੋਂ ਬਾਅਦ ਅਟੁਟ ਲੰਗਰ ਵਰਤਾਇਆ ਜਾਵੇਗਾ। ਸ਼ਿਵ ਸ਼ਕਤੀ ਮੰਦਿਰ ਕਮੇਟੀ ਵਲੋਂ ਇਟਲੀ ਦੀ ਸਾਰੀ ਸੰਗਤ ਨੂੰ ਬੇਨਤੀ ਹੈ ਕਿ ਪਰਿਵਾਰ ਸਮੇਤ ਹੁੰਮ ਹੁੰਮਾ ਕੇ ਪਹੁੰਚਣ ਦੀ ਕ੍ਰਿਪਾਲਤਾ ਕਰੋ।
ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ ਅਤੇ ਖੇਡ ਪ੍ਰਮੋਟਰ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ਦਾ ਸੁਜਾਰਾ ਦੇ ਖੇਡ ਮੇਲੇ ਚ ਹੋਵੇਗਾ ਗੋਲਡ ਮੈਡਲ ਨਾਲ ਸਨਮਾਨ-ਅਨਿਲ ਸ਼ਰਮਾ
ਰੋਮ(ਇਟਲੀ)2ਸਤੰਬਰ/ਟੇਕ ਚੰਦ ਜਗਤਪੁਰ-
ਯੂਰਪ ਭਰ ਚ ਆਪਣੇ ਮਾਖਿਓ ਮਿੱਠੇ ਬੋਲਾਂ ਰਾਹੀ ਦਰਸ਼ਕਾਂ ਨੁੰ ਕੀਲਣ ਵਾਲਾ ਪ੍ਰਸਿਧ ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ ਨੁੰ ਇਟਲੀ ਭਰ ਚ ਉਸ ਦੀਆਂ ਖੇਡ ਜਗਤ ਚ ਸਰਗਰਮੀਆਂ ਨੂੰ ਮੁੱਖ ਰੱਖਦਿਆਂ ਅਤੇ ਉਘੇ ਖੇਡ ਪ੍ਰਮੋਟਰ,ਪੱਤਰਕਾਰ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ਨੂੰ ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੂੰ ਵਿਦੇਸ਼ਾਂ ਚ ਪ੍ਰਫੁਲਿਤ ਕਰਨ ਹਿੱਤ ਪੰਜ+ਆਬ ਸਪੋਰਟਸ ਕਲੱਬ ਸੁਜਾਰਾ ,ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ ਰਿਜੋਮਿਲੀਆਵਲੋ 5ਸਤੰਬਰ ਦਿਨ ਐਤਵਾਰ ਨੂੰ ਸੁਜਾਰਾ ਵਿਖੇ ਕਰਵਾਏ ਜਾ ਰਹੇ ਖੇਡ ਮੇਲੇ ਚ ਮੁਖਤਿਆਰ ਸਪੋਰਟਸ ਕਲੱਵ ਤਰਵੀਜੋ ਦੇ ਪ੍ਰਧਾਨ ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਵਲੋ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ ।ਉਪਰੋਕਤ ਵਿਚਾਰਾਂ ਦਾ ਪ੍ਰਗਟਾਵਾ ਸ੍ਰੀ ਅਨਿਲ ਕੁਮਗਰ ਸ਼ਰਮਾ ਪ੍ਰਧਾਨ ਐਮਚਿਉਰ ਕਬੱਡੀ ਫੈਡਰੇਸ਼ਨ ਯੂਰਪ ਨੇ ਵਿਸੇ਼ਸ਼ ਗਲਬਾਤ ਦੋਰਾਨ ਕੀਤਾ।ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਖੇਡ ਮੇਲੇ ਚ ਖੇਡ ਜਗਤ ਨੂੰ ਸਮਰਪਿਤ ਮਹਾਨ ਹਸਤੀਆਂ ਉਚੇਚੇ ਤੌਰ ਤੇ ਸਿ਼ਰਕਤ ਕਰਨਗੀਆਂ।ਉਨ੍ਹਾਂ ਸਮੂਹ ਖੇਡ ਪ੍ਰੇਮੀਆਂ ਨੂੰ ਪੁਰਜੋਰ ਅਪੀਲ ਕੀਤੀ ਕਿ ਇਸ ਖੇਡ ਮੇਲੇ ਦਾ ਆਨੰਦ ਮਾਨਣ ਲਈ ਹੁੰਮ-ਹੁੰਮਾ ਕਿ ਪਹੁੰਚਣ।
ਤੇਰੇ ਸ਼ਹਿਰ ਨੂੰ ਸਲਾਮ ਅਸੀਂ ਕਰ ਚਲੇ ਆਂ….
ਬਰੇਸ਼ੀਆ- 2 sep (ਸਵਰਨਜੀਤ ਸਿੰਘ ਘੋਤੜਾ )-
ਇਟਲੀ ਸਰਕਾਰ ਵਲੋਂ ਖੁਲੇ ਪੇਪਰਾਂ ਕਾਰਨ ਕਈ ਵਿਅਕਤੀ ਹੋਰਨਾਂ ਮੁਲਕਾਂ ‘ਚ ਆ ਕੇ ਵੀ ਇਥੇ ਬੈਠ ਗਏ ਕਿ ਚਲੋ ਪੇਪਰ ਮਿਲ ਜਾਣਗੇ ਤੇ ਇੰਡੀਆ ਆਉਣਾ ਜਾਣਾ ਬਣ ਜਾਵੇਗਾ,6-7 ਸਾਲਾਂ ਤੋਂ ਆਪਣੇ ਘਰ ਪ੍ਰੀਵਾਰਾਂ ਤੋਂ ਵਿਛੜੇ ਲੋਕਾਂ ਲਈ ਇਕ ਆਸ ਦੀ ਕਿਰਨ ਜਾਗੀ ਸੀ, ਪਰ ਕਈ ਏਜੰਟ ਟਾਇਪ ਦੇ ਲੋਕਾਂ ਨੇ ਇਸ ਮੌਸਮ ਵਿਚ ਚੰਗੀ ਕਮਾਈ ਵੀ ਕੀਤੀ ਤੇ ਕਈਆਂ ਦੇ ਪੇਪਰ ਭਰਵਾ ਕੇ ਜੇਬਾਂ ਗਰਮ ਕੀਤੀਆਂ, ਇਹਨਾਂ ਵਿਚੋਂ ਹੀ ਇਕ ਵੀਰ ਸੁਰਿੰਦਰਪਾਲ ਸਿੰਘ ਪਿੰਡ ਬ¤ਲ ਖੁਰਦ ਜਿਲਾ ਅੰਮ੍ਰਿਤਸਰ ਇੰਗਲੈਂਡ ਤੋਂ ਪਹਿਲਾਂ ਇੰਡੀਆ ਚਲਾ ਗਿਆ ਤੇ ਫਿਰ ਇਟਲੀ ਦੇ ਪੇਪਰ ਨਿਕਲਣ ਕਰਕੇ ਅਜੇ ਪਿਛਲੇ ਸ਼ੁਕਰਵਾਰ ਨੂੰ ਹੀ ਇੰਡੀਆ ਤੋਂ ਇਟਲੀ ਪੁਜਾ ਸੀ, ਅ¤ਜ ਏਅਰਪੋਰਟ ਤੇ ਉਸ ਦੀ ਮੁਲਾਕਾਤ ਉਸ ਸਮੇਂ ਹੋਈ ਜਦੋਂ ਕਿ ਰਾਜਿੰਦਰ ਸਿੰਘ ਪਿੰਡ ਢੋਲਣ ਖੁਰਦ ਜਿਲਾ ਲੁਧਿਆਣਾ ਨੂੰ ਏਅਰਪੋਰਟ ਤੇ ਚੜਾਉਣ ਲਈ ਇਸ ਕਰਕੇ ਗਏ ਸੀ ਕਿ ਬਹੁਤੀ ਸ਼ਰਾਬ ਪੀਣ ਕਰਕੇ ਉਹ ਮਰਨ ਕਿਨਾਰੇ ਪਹੁੰਚ ਚੁਕਾ ਸੀ, ਤੇ ਉਸਦੀ ਜਿੰਦ ਬਸ ਘੜੀਆਂ ਪਲਾਂ ਤੇ ਹੀ ਸੀ, ਕੁਂਝ ਨੋਜਵਾਨਾਂ ਵਲੋਂ ਉਪਰਾਲਾ ਕਰਕੇ ਉਸ ਦੀ ਟਿਕਟ ਬਣਾ ਕੇ ਉਸਨੂੰ ਇੰਡੀਆ ਨੂੰ ਚੜਾਇਆ ਕਿ ਉਹ ਆਪਣੇ ਘਰ ਪ੍ਰੀਵਾਰ ਵਾਲਿਆਂ ਨਾਲ ਮਿਲ ਸਕੇ, ਤੇ ਇਥੇ ਹੀ ਸੁਰਿੰਦਰਪਾਲ ਸਿੰਘ ਮਿਲ ਗਿਆ ਉਸ ਨੇ ਦਸਿਆ ਕਿ ਉਹ ਪਿਛਲੇ ਸ਼ੁਕਰਵਾਰ ਹੀ ਇਟਲੀ ਪਹੁੰਚਿਆ ਸੀ ਤੇ ਏਜੰਟ ਨੇ ਉਸ ਕੋਲੋਂ 8 ਲਖ ਰੁਪਇਆ ਲੈਣਾ ਕੀਤਾ ਸੀ, ਚਾਰ ਲਖ ਤਾਂ ਦੇ ਦਿਤਾ ਸੀ ਪਰ ਚਾਰ ਲਖ ਅਜੇ ਹੋਰ ਦੇਣਾ ਬਾਕੀ ਸੀ, ਪਰ ਮੈਂ ਇਟਲੀ ਦੇ ਹਾਲਾਤ ਦੇਖੇ ਤੇ ਸੋਚਿਆ ਕਿ 8 ਲਖ ਕਿਦਾਂ ਪੂਰਾ ਕਰਾਂਗਾ ਚਾਰ ਲਖ ਤਾਂ ਬਚਾਵਾਂ , ਉਸ ਨੇ ਦਸਿਆ ਕਿ ਸੰਨ 2003 ‘ਚ ਵੀ ਮੈਂ ਇਟਲੀ ਆਇਆ ਸੀ ਤੇ ਫਿਰ ਬਾਦ ਵਿਚ ਇਥੋਂ ਹੀ ਬੈਲਜੀਅਮ ਹੁੰਦਾ ਹੋਇਆ ਇੰਗਲੈਂਡ ਚਲਾ ਗਿਆ ਸੀ। ਪਰ ਹੁਣ ਤਾਂ ਇਟਲੀ ‘ਚ ਕੰਮ ਦੀ ਕੋਈ ਆਸ ਨਹੀਂ ਤੇ ਜੇ ਕੰਮ ਮਿਲਦਾ ਹੈ ਉਹ ਹੈ ਪਬਲੀਸਿਟੀ ਦਾ । ਸਾਰਾ ਸਾਰਾ ਦਿਨ 25-30 ਕਿਲੋਮੀਟਰ ਦਾ ਫਾਸਲਾ ਤਹਿ ਕਰਨਾ ਪੈਂਦਾ ਹੈ ਤੇ ਮੋਢਿਆਂ ਤੇ ਪਬਲੀਸਿਟੀ ਵਾਲੇ ਪੇਪਰਾਂ ਦਾ ਬੈਗ ਚੁਕਣਾ ਪੈਂਦਾ ਹੈ, ਸਵੇਰੇ 6 ਵਜੇ ਕੰਮ ਤੇ ਲੈ ਜਾਂਦੇ ਹਨ ਤੇ ਰਾਤ ਦੇ 10 ਵਜੇ ਤਕ ਵੀ ਕੰਮ ਕਰਾਉਂਦੇ ਹਨ ਤੇ ਪੈਸੇ ਕਿਂੰਨੇ ? ਸਿਰਫ 25 ਐਰੋ….
ਮੈਂ ਸੋਚਿਆ ਕਿ 25 ਐਰੋਆਂ ਨਾਲ ਮੈਂ ਅਠ ਲਖ ਕਿਵੇਂ ਪੂਰਾ ਕਰਾਂਗਾ ਤੇ ਨਾਲੇ ਪੇਪਰ ਵੀ ਹੁਣ ਇਟਲੀ ਦੀ ਸਰਕਾਰ ਜਲਦੀ ਨਹੀਂ ਦੇਂਦੀ ਤੇ ਜੇ ਕਰ ਮਿਲਦੇ ਹਨ ਤਾਂ ਉਹ ਵੀ ਬਹੁਤ ਘਟ ਟਾਇਮ ਦੇ। ਇਸ ਤਰਾਂ ਦੀਆਂ ਗਲਾਂ ਨੇ ਮੈਂਨੂੰ ਇਹ ਸੋਚਣ ਲਈ ਮਜਬੂਰ ਕਰ ਦਿਤਾ ਕਿ ਕਿਉਂ ਨਾ ਹੁਣੇ ਹੀ ਵਾਪਿਸ ਇੰਡੀਆ ਚਲਾ ਜਾਵਾਂ। ਕੰਮ ਸੇ- ਕੰਮ 4 ਲਖ ਤੇ ਬਚੇਗਾ। ਇਹ ਸੀ ਸੁਰਿੰਦਰਪਾਲ ਸਿੰਘ ਦੀ ਕਹਾਣੀ । ਉਸਦੇ ਨਾਲ ਹੀ ਇਕ ਹੋਰ ਨੌਜਵਾਨ ਹੋਰ ਮਿਲਿਆ ਉਸ ਨੇ ਵੀ ਇਹੀ ਆਖਿਆ ਕਿ ਮੈਂ ਇਕ ਸਾਲ ਤੋਂ ਪਬਲੀਸਿਟੀ ਕਰਦਾ ਰਿਹਾਂ ਪਰ ਮੇਰੇ ਪਿੜ ਪਲੇ ਕੁਂਝ ਨਹੀਂ ਪਿਆ ਉਹ ਨੌਜਵਾਨ ਦਾ ਨਾਮ ਰਾਬੀ ਤੇ ਗਵਾਲੀਅਰ ਦਾ ਰਹਿਣ ਵਾਲਾ ਸੀ , ਉਸਨੇ ਕਿਹਾ ਕਿ ਮੈਂ ਆਪਣੇ ਮਾਂਪਿਆਂ ਦਾ ਇਕਲਾ- ਇਕਲਾ ਪੁਤਰ ਹਾਂ , ਮੇਂਨੂੰ ਇਕ ਸਾਲ ਰਹਿਣ ਤੇ ਵੀ ਕੋਈ ਕੰਮ ਨਹੀ ਮਿਲਿਆ ਤੇ ਅਜ ਮੈਂ ਵੀ ਇਟਲੀ ਦੇ ਪੇਪਰ ਛ¤ਡ ਕੇ ਜਾ ਰਿਹਾ ਹਾਂ। ਉਸਨੇ ਕਿਹਾ ਕਿ ਵੀਰ ਜੀ ਮੇਰੇ ਵਲੋਂ ਅਖਬਾਰ ‘ਚ ਜਰੂਰ ਖਬਰ ਲਵਾਉਣੀ ਕਿ ਇਟਲੀ ਆਉਣ ਤੋਂ ਪਹਿਲਾਂ ਆਪਣਾ ਅਗਾ-ਪਿਛਾ ਦੇਖ ਕੇ ਆਓ। ਨਹੀਂ ਤਾਂ ਉਜੜ ਜਾਓਗੇ।
ਹੁਣ ਤੁਸੀਂ ਆਪ ਹਿਸਾਬ ਲਾ ਲਵੋ ਕਿ ਇਟਲੀ ‘ਚ ਕੰਮ ਦੇ ਕੀ ਹਾਲਾਤ ਹੋਣਗੇ ?
‘ਭਰੂਣ ਹਤਿਆ’ ਬਾਰੇ ਕਰਵਾਇਆ ਸੈਮੀਨਾਰ ਸਫਲਤਾ ਪੂਰਵਕ ਸੰਪੰਨ-
ਬਰੇਸ਼ੀਆ- 2,sep (ਸਵਰਨਜੀਤ ਸਿੰਘ ਇਟਲੀ)-
ਧੀਆਂ- ਪੁਤ ਵਿਹੜੇ ਦਾ ਸ਼ਿੰਗਾਰ ਹੁੰਦੇ ਨੇ ਰਬਾ ਸਾਰਿਆਂ ਨੂੰ ਦੇਵੀਂ- ਧੀਆਂ ਦਾ ਮਾਨ ਸਨਮਾਨ ਮਿਸ਼ਨ -ਗੁਰਦੁਆਰਾ ਸਿੰਘ ਸਭਾ ਫਲੈਰੋ ਬਰੇਸ਼ੀਆ ਵਿਖੇ ਅਜ ‘ਭਰੂਣ ਹਤਿਆ’ ਬਾਰੇ ਸੈਮੀਨਾਰ ਕਰਵਾਇਆ ਗਿਆ । ਇਸ ਦੀ ਜਾਣਕਾਰੀ ਦਿੰਦਿਆ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਸ. ਨਿਸ਼ਾਨ ਸਿੰਘ ਜੀ ਜੋ ਧਰਮ ਪ੍ਰਚਾਰ ਲਹਿਰ ਯੂਰਪ ਦੇ ਪ੍ਰਧਾਨ ਵੀ ਹਨ ਨੇ ਦਸਿਆ ਕਿ ਜਥੇਦਾਰ ਬਲਦੇਵ ਸਿੰਘ ਜੀ ਮੁਖੀ ਧਰਮ ਪ੍ਰਚਾਰ ਕਮੇਟੀ ਅੰਮ੍ਰਿਤਸਰ ਦੁਆਰਾ ਗਠਿਤ ਕੀਤੀ ਗਈ ਯੂਰਪ ਧਰਮ ਪ੍ਰਚਾਰ ਲਹਿਰ ਦੇ ਚੇਅਰਮੈਨ ਸ. ਸੁਰਿੰਦਰਜੀਤ ਸਿੰਘ ਪੰਡੋਰੀ ਦੁਆਰਾ ਆਯੋਜਿਤ ਕੀਤੇ ਗਏ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ , ਜਿਸ ਵਿਚ ਇਟਲੀ ਦੇ ਪ੍ਰਮੁਖ ਵਿਅਕਤੀਆਂ ਵਲੋਂ ਆਪਣੇ ਵਿਚਾਰ ਪੇਸ਼ ਕੀਤੇ ਗਏ ਜਿਨ੍ਹਾਂ ਵਿਚ ਸ. ਪਰਮਜੀਤ ਸਿੰਘ ਕਾਰਮੋਨਾ, ਸ. ਕੁਲਵਿੰਦਰ ਸਿੰਘ ਸਾਬਕਾ ਪ੍ਰਧਾਨ,ਡਾ. ਦਲਬੀਰ ਸਿੰਘ ਚੇਅਰਮੈਨ, ਸ. ਜਸਵਿੰਦਰ ਸਿੰਘ ਰਾਮਗੜ,ਸ. ਹਰਭਜਨ ਸਿੰਘ ਦਿਲੀ, ਸ. ਤੇਜਿੰਦਰ ਸਿੰਘ ਠਾਕਰੀ, ਸ.ਸਵਰਨਜੀਤ ਸਿੰਘ ਜਲਾਲਪੁਰ,ਸ.ਸੁਖਵਿੰਦਰ ਸਿੰਘ ਮੁਕੇਰੀਆਂ,ਸ. ਗੁਰਮੇਲ ਸਿੰਘ ਲਕੀ,ਸ. ਭੁਪਿੰਦਰ ਸਿੰਘ ਖਾਲਸਾ ਭਦਾਸ,ਸ. ਅਮਰੀਕ ਸਿੰਘ ਬੂਰੇ ਜਟਾਂ, ਸ. ਅਮਰਜੀਤ ਸਿੰਘ ਰਾਪੁਰ ਆਦਿ ਨੇ ਆਪਣੇ ਵਿਚਾਰਾਂ ਦੌਰਾਨ ਕਿਹਾ ਕਿ ਲੜਕੀਆਂ ਨੂੰ ਕੁਖ ‘ਚ ਮਾਰਨਾ ਇਕ ਬਹੁਤ ਵਡਾ ਜੁਲਮ ਹੈ,ਸਾਨੂੰ ਲੜਕੀਆਂ ਨੂੰ ਲੜਕਿਆਂ ਦੇ ਬਰਾਬਰ ਸਮਝਣਾ ਚਾਹੀਦਾ ਹੈ, ਕਿਉਂਕਿ ਗੁਰਬਾਣੀ ਦਾ ਫੁਰਮਾਣ ਹੈ ਕਿ ‘ਸੋ ਕਿਉਂ ਮੰਦਾ ਆਖੀਏ ਜਿਤੁ ਜੰਮੇ ਰਾਜਾਨ’, ਗੁਰੂ ਗੋਬਿੰਦ ਸਿੰਘ ਜੀ ਦੇ ਰਹਿਤਨਾਮਿਆਂ ਵਿਚ ਵੀ ਆਉਂਦਾ ਹੈ ਕਿ ਮੇਰੇ ਸਿਖ ਨੇ ਕੁੜੀ ਮਾਰ, ਨੜੀ ਮਾਰ ਨਾਲ ਸੰਬੰਧ ਨਹੀਂ ਰਖਣਾ। ਬੁਲਾਰਿਆਂ ਨੇ ਕਿਹਾ ਸਭ ਤੋਂ ਵਡਾ ਕਾਰਨ ਦਾਜ ਦਹੇਜ਼ ਦਾ ਹੈ ਜਿਸ ਦੀ ਲਿਮਟ ਅਸੀਂ ਬਹੁਤ ਜ਼ਿਆਦਾ ਵਧਾ ਲਈ ਹੈ, ਸੋ ਜਿਹੜੇ ਗਰੀਬ ਪ੍ਰੀਵਾਰ ਹਨ ਉਹ ਇਹੋ ਹੀ ਸੋਚ ਕੇ ਲੜਕੀਆਂ ਪੈਦਾ ਕਰਨ ਤੋਂ ਡਰਦੇ ਹਨ ਕਿ ਕਲ ਨੂੰ ਲੜਕੀ ਦੇ ਵਿਆਹ ਤੇ ਉਹ ਕਿਥੌਂ ਐਨਾ ਦਾਜ਼ ਦੇ ਸਕਣਗੇ ? ਦੂਸਰਾ ਵਡਾ ਕਾਰਨ ਹੈ ਕਿ ਸਿਖਿਆ ਦੀ ਘਾਟ- ਅਗਰ ਲੜਕੀਆਂ ਨੂੰ ਪੜ੍ਹਾ ਲਿਖਾ ਕੇ ਆਪਣੇ ਪੈਰਾਂ ਤੇ ਖੜਾ ਕੀਤਾ ਜਾਵੇ ਤੇ ਉਹ ਐਸਾ ਬਜਰ ਗੁਨਾਹ ਕਰਨ ਤੋਂ ਗੁਰੇਜ ਕਰਨਗੀਆਂ, ਆਪਣੇ ਪ੍ਰੀਵਾਰਾਂ ਵਿਚ ਇਸ ਪ੍ਰਤੀ ਜਾਗ੍ਰਿਤੀ ਪੈਦਾ ਕੀਤੀ ਜਾਵੇ। ਵਰਨਣਯੋਗ ਹੈ ਕਿ ਪਿਛਲੇ ਦਿਨੀਂ ਭਾਰਤ ਤੋਂ ਧਰਮ ਪ੍ਰਚਾਰ ਕਮੇਟੀ ਦੇ ਮੁਖੀ ਜਥੇਦਾਰ ਬਲਦੇਵ ਸਿੰਘ ਜੀ ਅੰਮ੍ਰਿਤਸਰ ਪੰਜਾਂ ਪਿਆਰਿਆਂ ਸਮੇਤ ਇਟਲੀ ‘ਚ ਆਏ ਸਨ ੳੇੁਨਾਂ ਨੇ ਹੀ ਇਟਲੀ ‘ਚ ਧਰਮ ਪ੍ਰਚਾਰ ਦੀ ਲਹਿਰ ਨੂੰ ਪ੍ਰਚੰਡ ਕਰਦਿਆਂ ਇਸ ਕਮੇਟੀ ਦਾ ਗਠਨ ਕੀਤਾ ਸੀ ਤੇ ਅਜ ਉਨਾਂ ਦਾ ਵੀ ਸੰਦੇਸ਼ ਪੜ੍ਹ ਕੇ ਸੰਗਤਾਂ ਨੂੰ ਸੁਣਾਇਆ ਗਿਆ। ਪੰਜਾਂ ਪਿਆਰਿਆਂ ਦੇ ਮੁਖੀ ਸ. ਰਘਬੀਰ ਸਿੰਘ ਨੇ ਵੀ ਅਜ ਦੇ ਸਮਾਗਮ ਕਰਵਾਉਣ ਤੇ ਫੋਨ ਤੇ ਧੰਨਵਾਦ ਕੀਤਾ ਤੇ ਕਿਹਾ ਕਿ ਸਾਨੂੰ ਵਿਦੇਸ਼ਾਂ ਵਿਚ ਰਹਿ ਕੇ ਵੀ ਆਪਣੇ ਵਿਰਸੇ ਨਾਲ ਜੁੜੇ ਰਹਿਣਾ ਚਾਹੀਦਾ ਹੈ।
ਸਮਾਗਮ ਦੀ ਸਮਾਪਤੀ ਤੇ ਸੰਗਤਾਂ ਵਿਚੋਂ ਕਈ ਨੌਜਵਾਨ ਉਠ ਕੇ ਅਗੇ ਆਏ ਤੇ ਉਨਾਂ ਨੇ ਪ੍ਰਣ ਲਿਆ ਕਿ ਉਹ ਬਗੈਰ ਦਾਜ਼-ਦਹੇਜ ਦੇ ਸ਼ਾਦੀ ਕਰਵਾਉਣਗੇ ਤੇ ਭਰੂਣ ਹਤਿਆ ਵਰਗੇ ਗੁਨਾਹਾਂ ਤੋਂ ਲੋਕਾਂ ਨੂੰ ਦੂਰ ਰਹਿਣ ਲਈ ਪ੍ਰੇਰਣਗੇ, ਇਨ੍ਹਾਂ ਨੋਜਵਾਨਾਂ ਵਿਚ ਭਾਈ ਸੁਖਚੈਨ ਸਿੰਘ,ਸ. ਜੁਝਾਰ ਸਿੰਘ,ਸ. ਅਮਨਦੀਪ ਸਿੰਘ,ਸ. ਰਾਜਿੰਦਰ ਸਿੰਘ,ਸ.ਸੁਖਵਿੰਦਰ ਸਿੰਘ,ਸ.ਦੇਵਿੰਦਰ ਸਿੰਘ ਤੇ ਮਨਿੰਦਰਜੀਤ ਸਿੰਘ ਪੰਡੋਰੀ ਸ਼ਾਮਿਲ ਸਨ। ਉਹ ਵਿਅਕਤੀ ਵੀ ਉਠ ਕੇ ਅਗੇ ਆਏ ਜਿਨਾਂ ਨੇ ਪ੍ਰਣ ਲਿਆ ਕਿ ਅਸੀਂ ਆਪਣੇ ਪੁ¤ਤਰਾਂ ਦੀ ਸ਼ਾਦੀ ਵਿਚ ਦਾਜ਼ ਨਹੀਂ ਲਵਾਂਗੇ ਉਨ੍ਹਾਂ ਵਿਚ ਸ. ਬਲਵੀਰ ਸਿੰਘ ਸੰਤੋਖਪੁਰ, ਬਲਕਾਰ ਸਿੰਘ ਮਾਂਡੀ,ਸ. ਬਲਕਾਰ ਸਿੰਘ ਕਾਲੇ ਬਾਗੜੀਆਂ ਸ਼ਾਮਿਲ ਸਨ।
ਆਖਿਰ ਵਿਚ ਸ੍ਰ ਨਿਸ਼ਾਨ ਸਿੰਘ ਜੀ ਨੇ ਜਿਥੇ ਆਈ ਸਾਧ ਸੰਗਤ ਦਾ ਧੰਨਵਾਦ ਕੀਤਾ ਤੇ ਉਥੇ ਉਨ੍ਹਾਂ ਨੇ ਕਿਹਾ ਕਿ ਜਿਹੜੇ ਪ੍ਰੀਵਾਰ ਸ੍ਰੀ ਗੁਰੂ ਗਰੰਥ ਸਾਹਿਬ ਹਾਜ਼ਿਰ-ਨਾਜ਼ਿਰ ਗੁਰੂ ਦੀਆਂ ਮੁਕੰਮਲ ਖੁਸ਼ੀਆਂ ਲੈਣੀਆਂ ਚਾਹੁੰਦੇ ਹਨ ਉਨ੍ਹਾਂ ਨੂੰ ਲੜਕੀਆਂ ਨੂੰ ਕੁਖ ਵਿਚ ਮਾਰਨ ਵਰਗੇ ਬਜਰ ਗੁਨਾਹਾਂ ਦਾ ਡਟ ਕੇ ਵਿਰੋਧ ਕਰਨਾ ਚਾਹੀਦਾ ਹੈ ਤੇ ਧਰਮ ਪ੍ਰਚਾਰ ਲਹਿਰ ਵਲੋਂ ਆਰੰਭੇ ਇਸ ਮਿਸ਼ਨ ਨੂੰ ਘਰ –ਘਰ ਵਿਚ ਪਹੁੰਚਾਉਣ ਲਈ ਵਿਸ਼ੇਸ਼ ਉਪਰਾਲੇ ਕਰਨੇ ਚਾਹੀਦੇ ਹਨ ।ਧੀਆਂ ਤੇ ਪੁਤਰਾਂ ਤੋਂ ਵੀ ਜਿਆਦਾ ਮਾਪਿਆਂ ਦਾ ਮੋਹ ਕਰਦੀਆ ਹਨ । ਧੀਆਂ ਨਾਲ ਹੀ ਸਮਾਜ ਦੀ ਸਿਰਜਣਾ ਦੀ ਲੜੀ ਅਗੇ ਚਲਦੀ ਹੈ। ਸਹੁਰੇ ਪ੍ਰੀਵਾਰ ਵਿਚ ਨੂੰਹ ਦੇ ਰੂਪ ਵਿਚ ਆਈਆਂ ਧੀਆਂ ਦਾ ਮਾਣ ਸਤਿਕਾਰ ਕਰਨਾ ਚਾਹੀਦਾ ਹੈ, ਤਾਂ ਜੋ ਉਨ੍ਹਾਂ ਦੇ ਦਿਲਾਂ ਵਿਚ ਸਮਾਜ ਪ੍ਰਤੀ ਘ੍ਰਿਣਾ ਨਾ ਵਧੇ ਅਤੇ ਉਹ ਵੀ ਅਗੋਂ ਧੀਆਂ ਪੈਦਾ ਕਰਨਾ ਜੁਰਮ ਨਾ ਸਮਝਣ । ਅਗਰ ਅਸੀਂ ਨੂੰਹਾਂ ਨਾਲ ਸਹੀ ਵਿਉਹਾਰ ਨਹੀ ਕਰਦੇ ਤੇ ਉਹ ਸੋਚਦੀਆਂ ਹਨ ਕਿ ਮੈਂ ਤਾਂ ਸਹੁਰਿਆਂ ਦਾ ਜਿਵੇਂ ਕਿਵੇਂ ਜੁਲਮ ਸਹਾਰ ਰਹੀਂ ਹਾਂ , ਕਿਤੇ ਮੇਰੀ ਧੀ ਨੂੰ ਵੀ ਕਿਧਰੇ ਐੈਸਾ ਪ੍ਰੀਵਾਰ ਨਾ ਮਿਲ ਜਾਵੇ। ਕਿਉਂਕਿ ਕੋਈ ਵੀ ਸਹੀ ਸੋਚ ਵਾਲੀ ਮਾਂ ਆਪ ਤਾਂ ਦੁਖੀ ਰਹਿ ਲਵੇਗੀ ਪਰ ਉਹ ਧੀਆਂ ਦਾ ਦੁਖ ਬਰਦਾਸ਼ਤ ਨਹੀਂ ਕਰ ਸਕਦੀ। ਇਸ ਕਰਕੇ ਹੀ ਕਈ ਮਾਪੇ ਆਪਣੀ ਧੀ ਨੂੰ ਸੁਖੀ ਵੇਖਣ ਲਈ ਦਾਜ ਦੇ ਲਾਲਚੀਆਂ ਨੂੰ ਉਨ੍ਹਾਂ ਦੇ ਮੁਹੰ ਮੰਗਿਆ ਦਾਜ਼ ਦਿੰਦੇ ਹਨ ਕਿ ਮੇਰੀ ਧੀ ਸੁਖੀ ਰਹੇ। ਸੋ ਸਭ ਤੋਂ ਵਡਾ ਕਾਰਣ ਇਹ ਵੀ ਹੈ। ਜਦੋਂ ਅਸੀਂ ਨੂੰਹਾਂ ਨੂੰ ਧੀਆਂ ਸਮਝਣ ਲਗ ਪਵਾਂਗੇ,’ਦੇਖ ਪਰਾਈਆਂ ਚੰਗੀਆਂ ,ਮਾਵਾਂ ਧੀਆਂ ਭੈਣਾਂ ਜਾਣ ਮੁਖ ਵਾਕ ਅਨੁਸਾਰ ਹਰੇਕ ਧੀ- ਭੈਣ ਦੀ ਇਜਤ ਕਰਨੀ ਸਿਖ ਜਾਵਾਂਗੇ ਉਸ ਟਾਇਮ ਤੇ ਕੋਈ ਵੀ ਮਾਂ ਆਪਣੀ ਧੀ ਨੂੰ ਕੁਖ ਵਿਚ ਕਤਲ ਨਹੀ ਹੋਣ ਦੇਵੇਗੀ। ਸ. ਸੁਰਿੰਦਰਜੀਤ ਸਿੰਘ ਨੇ ਕਿਹਾ ਕਿ ਇਸ ਭਰੂਣ ਹਤਿਆ ਨੂੰ ਰੋਕਣ ਲਈ ਪੂਰੇ ਇਟਲੀ ਦੇ ਗੁਰੁ ਘਰਾਂ ਵਿਚ ਵਿਸ਼ੇਸ਼ ਸੈਮੀਨਾਰ ਕਰਵਾਏ ਜਾਣਗੇ ਤੇ ਫਿਰ ਪੂਰੇ ਯੂਰਪ ਦੀ ਸੰਗਤ ਨੂੰ ਇਸ ਵਿਰੁਧ ਲਾਮ ਬੰਦ ਕੀਤਾ ਜਾਵੇਗਾ, ਕਿਉਕਿ- ਪੁਤਰ ਹੋਵੇ ਜਾਂ ਹੋਵੇ ਧੀਅ- ਉਹ ਵੀ ਹੈ ਤਾਂ ਰਬ ਦਾ ਜੀਅ-ਧੀਆਂ ਪੁਤਰ ਇਕ ਸਾਮਾਨ- ਕਰਨਾ ਹੈ ਅਸੀਂ ਸਭ ਦਾ ਮਾਨ- “ਪੁਤਰ –ਧੀਅ ਵਿਚ ਜੇ ਰਖਿਆ ਫਰਕ- ਹੋਜੂ ਸਭ ਦਾ ਬੇੜਾ ਗਰਕ। ਚੇਅਰਮੈਨ ਡਾ. ਦਲਬੀਰ ਸਿੰਘ ਨੇ ਕਿਹਾ ਕਿ ਜਿਹੜੇ ਵੀ ਗੁਰੂ ਵਿਚ ਅਸੀਂ ਇਸ ਮਿਸ਼ਨ ਨੂੰ ਲੈ ਕੇ ਜਾਵਾਂਗੇ ਉਥੇ ਅਸੀਂ ਹੋਰ ਮੈਂਬਰ ਧਰਮ ਪ੍ਰਚਾਰ ਕਮੇਟੀ ਦੇ ਬਣਾ ਕੇ ਉਨ੍ਹਾਂ ਨੂੰ ਉਹ ਵਿਸ਼ੇਸ਼ ਸਰਟੀਫਿਕੇਟ ਦਿਆਂਗੇ ਜਿਹੜੇ ਸਾਨੂੰ ਜਥੇਦਾਰ ਬਲਦੇਵ ਸਿੰਘ ਮੁਖੀ ਧਰਮ ਪ੍ਰਚਾਰ ਦੇ ਕੇ ਗਏ ਹਨ। ਸੋ ਅਜ ਲੋੜ ਹੈ ਸਾਨੂੰ ਇਸ ਪ੍ਰਤੀ ਸੁਚੇਤ ਹੋਣ ਦੀ, ਅਗਰ ਅਸੀਂ ਅਜ ਵੀ ਸੁਤੇ ਰਹੇ ਤੇ ਉਹ ਦਿਨ ਦੂਰ ਨਹੀਂ ਜਦੋਂ ਸਾਨੂੰ ਧੀਆਂ ਦੀ ਲੋੜ. ਨੂੰਹ ਦੇ ਰੂਪ ਵਿਚ ਦੇਖਣ ਲਈ ਦਰ – ਦਰ ਭਟਕਣਾ ਪਵੇਗਾ। ਸੋ ਸਭ ਵੀਰਾਂ ਭੈਣਾਂ ਨੂੰ ਇਸ ਮਿਸ਼ਨ ਵਿਚ ਸਾਥ ਦੇਣਾ ਚਾਹੀਦਾ ਹੈ।
ਲਹੋਰ ਵਿੱਚ ਤਿੰਨ ਬੰਬ ਧਮਾਕਿਆਂ ਹੋ ਚੁੱਕੇ ਹਨ ਤੇ ਇਸ ਵਿੱਚ 18 ਜਾਣਿਆਂ ਦੇ ਮਰਨ ਤੇ 68 ਦੇ ਕਰੀਬ ਜਖਮੀ
ਲਹੋਰ,1 sep 2010-Gill
ਹੁਣੇ ਹੁਣੇ ਪ੍ਰਪਾਤ ਜਾਣਕਾਰੀ ਅਨੁਸਾਰ ਪਕਿਸਤਾਨ ਦੇ ਲਹੋਰ ਵਿੱਚ ਤਿੰਨ ਬੰਬ ਧਮਾਕਿਆਂ ਹੋ ਚੁੱਕੇ ਹਨ ਤੇ ਇਸ ਵਿੱਚ 18 ਜਾਣਿਆਂ ਦੇ ਮਰਨ ਤੇ 68 ਦੇ ਕਰੀਬ ਜਖਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ ਇਹ ਤਿੰਨੋ ਧਮਾਕੇ ਰਮਜਾਨ ਦੇ ਪਵਿਤਰ ਮਹੀਨੇ ਵਿੱਚ ਇੱਕ ਜਲੂਸ ਦੌਰਾਨ ਹੋਏ ਹਨ ਇਹਨਾਂ ਵਿੱਚ ਦੋ ਆਤਮਘਾਤੀ ਹਮਲੇ ਸਨ ਤੇ ਜਦੋ ਕਿ ਇੱਕ ਧਮਾਕਾ ਪਟਾਕਿਆਂ ਨੂੰ ਅੱਗ ਲਗਾਉਣ ਸਮੇ ਹੋਇਆ ਜਖਮੀਆਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾ ਦਿਤਾ ਹੈ ਧਮਾਕੇ ਤੋਂ ਬਾਅਦ ਗੁੱਸੇ ਵਿੱਚ ਆਏ ਲੋਕਾਂ ਨੇ ਗੱਡੀਆਂ ਦੀ ਤੋੜ ਫੋੜ ਵੀ ਕੀਤੀ ਹਾਲੇ ਤੱਕ ਇਹਨਾਂ ਬੰਬ ਧਮਾਕਿਆਂ ਦੀ ਕਿਸੇ ਵੀ ਗੁੱਟ ਨੇ ਜੁਮੇਵਾਰੀ ਨਹੀ ਲਈ ਹੈ
ਮੇਲਿਆਂ ਦੀ ਸ਼ਾਨ ,ਪੰਜਾਬੀ ਪਹਿਰਾਵੇ-ਸੋਨਾ ਬਰਾੜ
ਬਰੈਂਪਟਨ 1 Sep 2010-Tehel Singh Brar
-ਲੰਘੇ ਹਫਤੇ ਬਰੈਪਟਨ ਦੇ ਪਾਵਰੇਡ ਸੈਂਟਰ ਚ ਪੰਜਾਬ ਡੇ ਨਾਮਕ ਬਹੁਤ ਵੱਡਾ ਸਭਿਆਚਾਰਕ ਮੇਲਾ ਕਰਵਾਇਆ ਗਿਆ ਜਿਸ ਵਿੱਚ ਦੋ ਦਰਜਨ ਤੋਂ ਵੱਧ ਕਲਾਕਾਰਾਂ ਨੇ ਆਪਣੇ ਆਪਣੇ ਫਨ ਦਾ ਮੁਜਾਹਰਾ ਕੀਤਾ। ਇਸ ਮੇਲੇ ਦਾ ਆਨੰਦ ਮਾਨਣ ਲਈ ਇੱਕ ਲੱਖ ਤੋਂ ਵੀ ਵੱਧ ਲੋਕਾਂ ਨੇ ਆਪਣੇ ਪ੍ਰੀਵਾਰਾਂ ਸਮੇਤ ਬੱਚਿਆਂ, ਲੋਹੜੇ ਦੀ ਗਰਮੀ ਦੇ ਬਾਵਜੂਦ ਸਿ਼ਰਕਤ ਕੀਤੀ। ਮੇਲੇ ਚ ਕਬੂਤਰਬਾਜ਼ੀ, ਰੱਸਾਕੱਸੀ ਮੁਕਾਬਲੇ, ਤਾਸ਼ ਦੀਆਂ ਬਾਜ਼ੀਆਂ, ਵਧੀਆ ਨਸਲ ਦੇ ਕੁੱਤਿਆਂ ਦਾ ਪ੍ਰਦਰਸ਼ਨ ਆਦਿ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣੇ। ਪ੍ਰਬੰਧਕਾਂ ਵੱਲੋਂ ਸਪਾਂਸਰਾਂ ਦੇ ਸਹਿਯੋਗ ਨਾਲ ਪੀਣ ਵਾਲੇ ਪਾਣੀ ,ਪਾਰਕਿੰਗ ਦੀਆਂ ਸਹੂਲਤਾਂ, ਪੁਲੀਸ ਪ੍ਰਬੰਧ ਅਤੇ ਵਾਸ਼ਰੂਮਾਂ ਦੇ ਬੇਮਿਸਾਲ ਪ੍ਰਬੰਧ ਕੀਤੇ ਗਏ ਸਨ। ਬਹੁਤ ਵੱਡੀ ਗਿਣਤੀ ਚ ਵਪਾਰੀਆਂ ਵੱਲੋਂ ਆਪਣੇ ਆਪਣੇ ਸਟਾਲ ਲਾ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਗਈ ਉੱਥੇ ਖਾਣ ਲਈ ਜਲੇਬੀਆਂ ,ਪਕੌੜੇ,ਮੁਰਗੇ, ਭਟੂਰੇ ਛੋਲੇ,ਪੀਜ਼ੇ ਬਰਗਰਾਂ ਤੋਂ ਇਲਾਵਾ ਗੰਨੇ ਦਾ ਤਾਜਾ ਰਸ ਆਦਿ ਦਾ ਵੀ ਖੂਬ ਇੰਤਜਾਮ ਕੀਤਾ ਗਿਆ। ਵਪਾਰੀ ਸੱਜਣਾਂ ਨੇ ਬੜੇ ਖੁਸ਼ ਹੁੰਦੇ ਦੱਸਿਆ ਕਿ ਹਰ ਸਾਲ ਹੀ ਇਹ ਮੇਲਾ ਸਾਡੇ ਵਪਾਰ ਲਈ ਬੜਾ ਹੀ ਲਾਹੇਵੰਦਾ ਰਹਿੰਦਾ ਹੈ। ਮੇਲੇ ਦਾ ਇਕ ਹੋਰ ਖਿੱਚ ਦਾ ਕੇੰਦਰ ਬਣੇ ਸਾਡੇ ਪੰਜਾਬੀ ਪਹਿਰਾਵਾ ਪਹਿਨੇ ਹੋਏ ਸਾਡੇ ਗੱਭਰੂ। ਆਪਣੇ ਗਲਾਂ ਚ ਕੈਂਠੇ, ਕਲੀਆਂ ਵਾਲੇ ਕੁੜਤੇ , ਧੂਮੇ ਚਾਦਰੇ ਅਤੇ ਹੱਥਾਂ ਚ ਖੰਡੇ ਫੜੀ ਮੇਲੇ ਚ ਘੁੰਮਦੇ ਇਹ ਗੱਭਰੂ ਬਾਹਲਾ ਈ ਸੋਹਣੇ ਲੱਗ ਰਹੇ ਸਨ। ਪ੍ਰਬੰਧਕਾਂ ਨੂੰ ਚਾਹੀਦਾ ਹੈ ਕਿ ਭਵਿੱਖ ਚ ਹੋਣ ਵਾਲੇ ਮੇਲਿਆਂ ਚ ਇਹਨਾਂ ਸ਼ੌਕੀਨ ਗੱਭਰੂਆਂ ਦੀ ਯਾਦਗਾਰੀ ਗਰੁੱਪ ਫੋਟੋ ਖਿੱਚ ਕੇ ਇਹਨਾਂ ਨੂੰ ਮਾਣ ਬਖਸਿ਼ਆ ਜਾਵੇ। ਜਦੋਂ ਬਰੈਪਟਨ ਦੀ ਮੇਅਰ ਸੂਜਨ ਫੈਨਲ ਨੂੰ ਇਸ ਪਹਿਰਾਵੇ ਬਾਰੇ ਦੱਸਿਆ ਗਿਆ ਕਿ ਇਹੀ ਤਾਂ ਸਾਡਾ ਅਸਲੀ ਪੰਜਾਬੀ ਪਹਿਰਾਵਾ ਹੈ ਅਤੇ ਸਾਡੇ ਇਸ ਪਹਿਰਾਵੇ ਤੇ ਸਾਨੂੰ ਮਾਣ ਹੈ ਅਤੇ ਇਹੀ ਪਹਿਰਾਵਾ ਮੇਲਿਆਂ ਦੀ ਸ਼ਾਨ ਬਣਦਾ ਹੈ।
ਜਦੋ ਗੁਰਦਾਸ ਮਾਨ ਦੇ ਗੀਤਾ ਨਾਲ ਫਰਜਿਨੋ ਦੇ ਪੰਜਾਬੀ ਇੱਕ ਸੁਰ ਹੋਏ
ਫਰਿਜਨੋ,1 ਸਤੰਬਰ-ਹੁਸਣ ਲੜੋਆ ਬੰਗਾ –
ਸਥਾਨਕ ਸੈਰੋਇਨ ਥੀਏਟਰ ਵਿੱਚ ਬੀਤੇ ਦਿੱਨੀ ਦੁਨੀਆਂ ਦੇ ਪ੍ਰਸਿੱਧ ਗਾਇਕ ਗੁਰਦਾਸ ਮਨਾ ਨੇ ਫਰਜਿਨੋ ਦੇ ਪੰਜਾਬੀ ਅਪਣੇ ਗੀਤਾ ਤੇ ਝੂੰਮਣ ਲਾ ਦਿੱਤੇ ਪ੍ਰੋਗਰਾਮ ਇੰਨਾ ਪ੍ਰਭਾਵ ਸ਼ਾਲੀ ਸੀ ਕਿ ਪੂਰੇ ਪ੍ਰੋਗਰਾਮ ਵਿੱਚ ਤਾੜੀਆਂ ਬਜਦੀਆਂ ਰਹੀਆਂ ਇਸ ਮੌਕੇ ਪ੍ਰੋਗਰਾਮ ਦੇ ਪ੍ਰਬੰਧਕਾ ਨੇ ਸਾਰੇ ਆਏ ਸਰੋਤਿਆਂ ਦਾ ਧੰਨਵਾਦ ਕੀਤਾ
ਬਜੁਰਗਾਂ ਲਈ ਸਿਟੀਜਨ ਸ਼ਿਪ ਲਈ ਗੁਰੂਦੁਆਰਾ ਸਾਹਿਬ ਵੈਸਟ ਸੈਕਰਾਮੈਨਟੋ ਵਿੱਚ ਕਲਾਸਾ ਲੱਗਣੀਆਂ ਸ਼ੁਰੂ
ਬੈਸਟ ਸੈਕਰਾਮੈਟ,1 ਸਤੰਬਰ-ਹੁਸਣ ਲੜੋਆ ਬੰਗਾ –
ਬਜੁਰਗ ਵਿਆਕਤੀਆਂ ਲਈ ਜਿਹੜੇ ਪੜਾਈ ਵਿੱਚ ਕਮਜੋਰ ਹਨ ਉਹਨਾਂ ਲਈ ਕਲਾਸਾ ਲਗਾਈਆਂ ਗਈਆਂ ਇਹਨਾਂ ਕਲਾਸਾ ਦਾ ਉਹਨਾਂ ਬਜਰੁਗਾ ਨੂੰ ਫਾਇਦਾ ਹੋਇਆ ਜਿਹੜੇ ਸਿਟੀਜਨ ਸ਼ਿਪ ਲੈਣਾ ਲੋਵਦੇ ਹਨ ਤੇ ਪੜਾਈ ਵਿੱਚ ਕਮਜੋਰ ਸਨ ਗੁਰੁ ਗਰ ਵਿੱਚ ਅਰਦਾਸ ਉਪਰੰਤ ਇਸਦਾ ਉਦਘਾਟਨ ਕੀਤਾ ਗਿਆ ਤੇ ਇਸ ਮੌਕੇ ਗੁਰੁ ਗਰ ਦੇ ਪ੍ਰਧਾਨ ਸ ਢਿੱਲੋ ਨੇ ਸਾਰਿਆਂ ਨੂੰ ਵਧਾਈ ਵੀ ਦਿੱਤੀ ਇਹ ਕਲਾਸ ਸ਼ੁਕਰਵਾਰ ਸਵੇਰੇ ਸਾਡੇ 9 ਬਜੇ ਤੋਂ ਸਾਡੇ 10 ਬਜੇ ਤੱਕ ਲੱਗੀਆਂ ਕਰਨ ਗੀਆਂ ਇਸ ਕਲਾਸ ਵਿੱਚ ਹਰ ਧਰਮ ਦਾ ਬਜਰੁਗ ਹਿੱਸਾ ਲੈ ਸਕਦਾ ਹੈ
ਤੇਰੇ ਸ਼ਹਿਰ ਨੂੰ ਸਲਾਮ ਅਸੀਂ ਕਰ ਚਲੇ ਆਂ….
ਬਰੇਸ਼ੀਆ- 30 ਅਗਸਤ (ਸਵਰਨਜੀਤ ਸਿੰਘ ਘੋਤੜਾ )-
ਇਟਲੀ ਸਰਕਾਰ ਵਲੋਂ ਖੁਲੇ ਪੇਪਰਾਂ ਕਾਰਨ ਕਈ ਵਿਅਕਤੀ ਹੋਰਨਾਂ ਮੁਲਕਾਂ ‘ਚ ਆ ਕੇ ਵੀ ਇਥੇ ਬੈਠ ਗਏ ਕਿ ਚਲੋ ਪੇਪਰ ਮਿਲ ਜਾਣਗੇ ਤੇ ਇੰਡੀਆ ਆਉਣਾ ਜਾਣਾ ਬਣ ਜਾਵੇਗਾ,6-7 ਸਾਲਾਂ ਤੋਂ ਆਪਣੇ ਘਰ ਪ੍ਰੀਵਾਰਾਂ ਤੋਂ ਵਿਛੜੇ ਲੋਕਾਂ ਲਈ ਇਕ ਆਸ ਦੀ ਕਿਰਨ ਜਾਗੀ ਸੀ, ਪਰ ਕਈ ਏਜੰਟ ਟਾਇਪ ਦੇ ਲੋਕਾਂ ਨੇ ਇਸ ਮੌਸਮ ਵਿਚ ਚੰਗੀ ਕਮਾਈ ਵੀ ਕੀਤੀ ਤੇ ਕਈਆਂ ਦੇ ਪੇਪਰ ਭਰਵਾ ਕੇ ਜੇਬਾਂ ਗਰਮ ਕੀਤੀਆਂ, ਇਹਨਾਂ ਵਿਚੋਂ ਹੀ ਇਕ ਵੀਰ ਸੁਰਿੰਦਰਪਾਲ ਸਿੰਘ ਪਿੰਡ ਬ¤ਲ ਖੁਰਦ ਜਿਲਾ ਅੰਮ੍ਰਿਤਸਰ ਇੰਗਲੈਂਡ ਤੋਂ ਪਹਿਲਾਂ ਇੰਡੀਆ ਚਲਾ ਗਿਆ ਤੇ ਫਿਰ ਇਟਲੀ ਦੇ ਪੇਪਰ ਨਿਕਲਣ ਕਰਕੇ ਅਜੇ ਪਿਛਲੇ ਸ਼ੁਕਰਵਾਰ ਨੂੰ ਹੀ ਇੰਡੀਆ ਤੋਂ ਇਟਲੀ ਪੁਜਾ ਸੀ, ਅ¤ਜ ਏਅਰਪੋਰਟ ਤੇ ਉਸ ਦੀ ਮੁਲਾਕਾਤ ਉਸ ਸਮੇਂ ਹੋਈ ਜਦੋਂ ਕਿ ਰਾਜਿੰਦਰ ਸਿੰਘ ਪਿੰਡ ਢੋਲਣ ਖੁਰਦ ਜਿਲਾ ਲੁਧਿਆਣਾ ਨੂੰ ਏਅਰਪੋਰਟ ਤੇ ਚੜਾਉਣ ਲਈ ਇਸ ਕਰਕੇ ਗਏ ਸੀ ਕਿ ਬਹੁਤੀ ਸ਼ਰਾਬ ਪੀਣ ਕਰਕੇ ਉਹ ਮਰਨ ਕਿਨਾਰੇ ਪਹੁੰਚ ਚੁਕਾ ਸੀ, ਤੇ ਉਸਦੀ ਜਿੰਦ ਬਸ ਘੜੀਆਂ ਪਲਾਂ ਤੇ ਹੀ ਸੀ, ਕੁਂਝ ਨੋਜਵਾਨਾਂ ਵਲੋਂ ਉਪਰਾਲਾ ਕਰਕੇ ਉਸ ਦੀ ਟਿਕਟ ਬਣਾ ਕੇ ਉਸਨੂੰ ਇੰਡੀਆ ਨੂੰ ਚੜਾਇਆ ਕਿ ਉਹ ਆਪਣੇ ਘਰ ਪ੍ਰੀਵਾਰ ਵਾਲਿਆਂ ਨਾਲ ਮਿਲ ਸਕੇ, ਤੇ ਇਥੇ ਹੀ ਸੁਰਿੰਦਰਪਾਲ ਸਿੰਂਘ ਮਿਲ ਗਿਆ ਉਸ ਨੇ ਦਸਿਆ ਕਿ ਉਹ ਪਿਛਲੇ ਸ਼ੁਕਰਵਾਰ ਹੀ ਇਟਲੀ ਪਹੁੰਚਿਆ ਸੀ ਤੇ ਏਜੰਟ ਨੇ ਉਸ ਕੋਲੋਂ 8 ਲਖ ਰੁਪਇਆ ਲੈਣਾ ਕੀਤਾ ਸੀ, ਚਾਰ ਲ¤ਖ ਤਾਂ ਦੇ ਦਿਤਾ ਸੀ ਪਰ ਚਾਰ ਲ¤ਖ ਅਜੇ ਹੋਰ ਦੇਣਾ ਬਾਕੀ ਸੀ, ਪਰ ਮੈਂ ਇਟਲੀ ਦੇ ਹਾਲਾਤ ਦੇਖੇ ਤੇ ਸੋਚਿਆ ਕਿ 8 ਲ¤ਖ ਕਿਦਾਂ ਪੂਰਾ ਕਰਾਂਗਾ ਚਾਰ ਲਖ ਤਾਂ ਬਚਾਵਾਂ , ਉਸ ਨੇ ਦਸਿਆ ਕਿ ਸੰਨ 2003 ‘ਚ ਵੀ ਮੈਂ ਇਟਲੀ ਆਇਆ ਸੀ ਤੇ ਫਿਰ ਬਾਦ ਵਿਚ ਇਥੋਂ ਹੀ ਬੈਲਜੀਅਮ ਹੁੰਦਾ ਹੋਇਆ ਇੰਗਲੈਂਡ ਚਲਾ ਗਿਆ ਸੀ। ਪਰ ਹੁਣ ਤਾਂ ਇਟਲੀ ‘ਚ ਕੰਮ ਦੀ ਕੋਈ ਆਸ ਨਹੀਂ ਤੇ ਜੇ ਕੰਮ ਮਿਲਦਾ ਹੈ ਉਹ ਹੈ ਪਬਲੀਸਿਟੀ ਦਾ । ਸਾਰਾ ਸਾਰਾ ਦਿਨ 25-30 ਕਿਲੋਮੀਟਰ ਦਾ ਫਾਸਲਾ ਤਹਿ ਕਰਨਾ ਪੈਂਦਾ ਹੈ ਤੇ ਮੋਢਿਆਂ ਤੇ ਪਬਲੀਸਿਟੀ ਵਾਲੇ ਪੇਪਰਾਂ ਦਾ ਬੈਗ ਚੁਕਣਾ ਪੈਂਦਾ ਹੈ, ਸਵੇਰੇ 6 ਵਜੇ ਕੰਮ ਤੇ ਲੈ ਜਾਂਦੇ ਹਨ ਤੇ ਰਾਤ ਦੇ 10 ਵਜੇ ਤਕ ਵੀ ਕੰਮ ਕਰਾਉਂਦੇ ਹਨ ਤੇ ਪੈਸੇ ਕਿਂਨੇ ? ਸਿਰਫ 25 ਐਰੋ….
ਮੈਂ ਸੋਚਿਆ ਕਿ 25 ਐਰੋਆਂ ਨਾਲ ਮੈਂ ਅਠ ਲਖ ਕਿਵੇਂ ਪੂਰਾ ਕਰਾਂਗਾ ਤੇ ਨਾਲੇ ਪੇਪਰ ਵੀ ਹੁਣ ਇਟਲੀ ਦੀ ਸਰਕਾਰ ਜਲਦੀ ਨਹੀਂ ਦੇਂਦੀ ਤੇ ਜੇ ਕਰ ਮਿਲਦੇ ਹਨ ਤਾਂ ਉਹ ਵੀ ਬਹੁਤ ਘਟ ਟਾਇਮ ਦੇ। ਇਸ ਤਰਾਂ ਦੀਆਂ ਗਲਾਂ ਨੇ ਮੈਂਨੂੰ ਇਹ ਸੋਚਣ ਲਈ ਮਜਬੂਰ ਕਰ ਦਿਤਾ ਕਿ ਕਿਉਂ ਨਾ ਹੁਣੇ ਹੀ ਵਾਪਿਸ ਇੰਡੀਆ ਚਲਾ ਜਾਵਾਂ। ਕੰਮ ਸੇ- ਕੰਮ 4 ਲਖ ਤੇ ਬਚੇਗਾ। ਇਹ ਸੀ ਸੁਰਿੰਦਰਪਾਲ ਸਿੰਘ ਦੀ ਕਹਾਣੀ । ਉਸਦੇ ਨਾਲ ਹੀ ਇਕ ਹੋਰ ਨੌਜਵਾਨ ਹੋਰ ਮਿਲਿਆ ਉਸ ਨੇ ਵੀ ਇਹੀ ਆਖਿਆ ਕਿ ਮੈਂ ਇਕ ਸਾਲ ਤੋਂ ਪਬਲੀਸਿਟੀ ਕਰਦਾ ਰਿਹਾਂ ਪਰ ਮੇਰੇ ਪਿੜ ਪਲੇ ਕੁਂਝ ਨਹੀਂ ਪਿਆ ਉਹ ਨੌਜਵਾਨ ਦਾ ਨਾਮ ਰਾਬੀ ਤੇ ਗਵਾਲੀਅਰ ਦਾ ਰਹਿਣ ਵਾਲਾ ਸੀ , ਉਸਨੇ ਕਿਹਾ ਕਿ ਮੈਂ ਆਪਣੇ ਮਾਂਪਿਆਂ ਦਾ ਇਕਲਾ- ਇਕਲਾ ਪੁਤਰ ਹਾਂ , ਮੇਂਨੂੰ ਇਕ ਸਾਲ ਰਹਿਣ ਤੇ ਵੀ ਕੋਈ ਕੰਮ ਨਹੀ ਮਿਲਿਆ ਤੇ ਅ¤ਜ ਮੈਂ ਵੀ ਇਟਲੀ ਦੇ ਪੇਪਰ ਛ¤ਡ ਕੇ ਜਾ ਰਿਹਾ ਹਾਂ। ਉਸਨੇ ਕਿਹਾ ਕਿ ਵੀਰ ਜੀ ਮੇਰੇ ਵਲੋਂ ਅਖਬਾਰ ‘ਚ ਜਰੂਰ ਖਬਰ ਲਵਾਉਣੀ ਕਿ ਇਟਲੀ ਆਉਣ ਤੋਂ ਪਹਿਲਾਂ ਆਪਣਾ ਅਗਾ-ਪਿਛਾ ਦੇਖ ਕੇ ਆਓ। ਨਹੀਂ ਤਾਂ ਉਜੜ ਜਾਓਗੇ।
ਹੁਣ ਤੁਸੀਂ ਆਪ ਹਿਸਾਬ ਲਾ ਲਵੋ ਕਿ ਇਟਲੀ ‘ਚ ਕੰਮ ਦੇ ਕੀ ਹਾਲਾਤ ਹੋਣਗੇ ?
…. ਤੇ ਕੀ ਕਦੇ ਇਦਾਂ ਵੀ ਹੋ ਜਾਂਦੈ ?…
ਬਰੇਸ਼ੀਆ- 29 ਅਗਸਤ –(ਘੋਤੜਾ ਇਟਲੀ)-
ਹਾਂ ਜੀ ਬਾਈ ਜੀ ਇਦ੍ਹਾਂ ਵੀ ਹੋ ਜਾਂਦੇ, ਗਲ ਇਸ ਤਰਾਂ ਬਣੀ ਕਿ ਇਟਲੀ ਤੋਂ ਕਤਰ ਏਅਰਵੇਜ ਦੀ ਫਲਾਇਟ ਤੇ ਅੰਮ੍ਰਿਤਸਰ ਜਾਣ ਵਾਲਿਆਂ ਨੇ, ਜਿਨਾਂ ਨੇ ਜੁਲਾਈ ਮਹੀਨੇ ਟਿਕਟਾਂ ਲਈਆਂ ਸਨ ਤੇ ਉਹ ਇੰਡੀਆ ਚਲੇ ਗਏ ਸਨ, ਪਰ ਜਦੋਂ ਵਾਪਿਸ ਏਅਰਪੋਰਟ ਤੇ ਇਟਲੀ ਨੂੰ ਵਾਪਿਸ ਆਉਣ ਲਈ ਆਏ ਤਾਂ ਉਨਾਂ ਨੂੰ ਕਤਰ ਏਅਰਵੇਜ ਨੇ ਪ੍ਰਤੀ ਟਿਕਟ 910 ਰੁ( ਨੌਂ ਸੋ ਦ¤ਸ) ਰੁਪਏ ਏਅਰਪੋਰਟ ਫੀਸ ਅਲ¤ਗ ਭਰਨ ਲਈ ਕਿਹਾ ਜਦੋਂ ਕਿ ਹੋਰ ਯੂਰਪ ਏਅਰ ਲਾਇਨਜ਼ ਦਾ ਕੋਈ ਵੀ ਜਹਾਜ ਯਾਤਰੀ ਕੋਲੋਂ ਅਲਗ ਪੈਸੇ ਨਹੀਂ ਲੈ ਰਿਹਾ , ਹੈ ਨਾ ਹੈਰਾਨੀ ਵਾਲੀ ਗਲ, ਅਗਰ ਫੀਸ ਵਧੀ ਹੋਣ ਕਰਕੇ 910 ਰ. ਭਰਨਾ ਜਰੂਰੀ ਹੀ ਸੀ ਤਾਂ ਕੰਪਨੀ ਦੇ ਡੀਲਰਾਂ ਨੂੰ ਇਸ ਦੀ ਅਗਾਉੂਂ ਸੂਚਨਾ ਭੇਜਨੀ ਬਣਦੀ ਸੀ। ਸੋ ਡੀਲਰਾਂ ਅਗੇ ਵੀ ਬੇਨਤੀ ਹੈ ਕਿ ਲੋਕਾਂ ਨੂੰ ਖਜਲ. ਖਰਾਬੀ ਅਤੇ ਬੇਇਜਤ ਨਾ ਕਰਨ ਇਸ ਵਿਚ ਹੀ ਸਾਰਿਆਂ ਦੀ ਭਲਾਈ ਹੈ। ਇਸ ਦੀ ਜਾਣਕਾਰੀ ਉਨ੍ਹਾਂ ਵੀਰਾਂ ਨੇ ਫੋਨ ਤੇ ਦਿਤੀ ਜਿਹੜੇ ਐਸੇ ਹਾਲਾਤਾਂ ਦਾ ਸਾਹਮਣਾ ਕਰਕੇ ਆਏ ਹਨ।
ਸੰਤ ਬਾਬਾ ਨੰਦ ਸਿੰਘ ਨਾਨਕਸਰ ਕਲੇਰਾਂ ਵਾਲਿਆਂ ਤੇ ਸੰਤ ਬਾਬਾ ਈਸ਼ਰ ਸਿੰਘ ਰਾੜਾ ਸਾਹਿਬ ਵਾਲਿਆਂ ਦੀ ਬਰਸੀ਼ 5ਸਤੰਬਰ ਨੂੰ ਐਸਨ ਵਿਖੇ ਮਨਾਈ ਜਾਵੇਗੀ।
ਹਮਬਰਗ(ਅਮਰਜੀਤ ਸਿੰਘ ਸਿੱਧੂ):-28 Aug 2010
ਗੁਰਦੁਆਰਾ ਸੱਤ ਸੰਗ ਨਾਨਕ ਦਰਵਾਰ ਐਸਨ ਵਿਖੇ ਸਮੂੰਹ ਸੰਗਤ ਅਤੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋ ਮਹਾਨ ਤਪੱਸਵੀ ਸੰਤ ਬਾਬਾ ਨੰਦ ਸਿੰਘ ਨਾਨਕਸਰ ਕਲੇਰਾਂ ਵਾਲੇ ਅਤੇ ਸੰਤ ਬਾਬਾ ਈਸ਼ਰ ਸਿੰਘ ਰਾੜਾ ਸਾਹਿਬ ਵਾਲਿਆਂ ਦੀ ਬਰਸ਼ੀ 5 ਸਤੰਬਰ ਨੂੰ ਮਨਾਈ ਜਾ ਰਹੀ ਹੈ। ਇਸ ਸਬੰਧ ਵਿੱਚ 3 ਸਤੰਬਰ ਨੂੰ ਰੱਬੀ ਬਾਣੀ ਸਾਹਿਬ“ ਸ੍ਰੀ ਗੁਰੂ ਗਰੰਥ ਸਾਹਿਬ ‘‘ਜੀ ਦੇ ਅਖੰਡ ਪਾਠ ਪ੍ਰਕਾਸ਼ ਕੀਤੇ ਜਾਣਗੇ, 5 ਸਤੰਬਰ ਦਿਨ ਐਤਵਾਰ ਨੂੰ ਭੋਗ ਪਾਏ ਜਾਣਗੇ। ਭੋਗ ਉਪਰੰਤ ਗੁਰੂ ਘਰ ਦੇ ਹੈਡ ਗਰੰਥੀ ਭਾਈ ਕੁਲਦੀਪ ਸਿੰਘ ਕੋਮਲ ਇਲਾਹੀ ਬਾਣੀ ਦਾ ਕੀਰਤਨ ਕਰਨਗੇ। ਗੁਰੂ ਘਰ ਦੇ ਮੁਖ ਸੇਵਾਦਾਰ ਭਾਈ ਅਮਰੀਕ ਸਿੰਘ ਜੀ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਸਮੂੰਹ ਸਿੱਖ ਸੰਗਤਾਂ ਦੇ ਚਰਨਾਂ ਵਿੱਚ ਬੇਨਤੀ ਕੀਤੀ ਕਿ ਸਾਰੀਆਂ ਸੰਗਤਾਂ ਨੇ ਤਿੰਨੇ ਦਿਨ ਗੁਰੂ ਘਰ ਪਹੁੰਚ ਕੇ ਗੁਰੂ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰਦੇ ਹੋਏ ਉਹਨਾਂ ਮਹਾਨ ਆਤਮਾਂ ਨੂੰ ਆਪਣੀ ਸਰਧਾ ਦੇ ਫੁੱਲ ਅਰਪਨ ਕਰਨ ਲਈ ਜਰੂਰ ਹੀ ਦਰਸ਼ਨ ਦੇਣ ਦੀ ਕ੍ਰਿਪਾਲਤਾ ਕਰਨੀ।
ਪੰਜਾਬ ਸਰਕਾਰ ਦੇ ਮੁੱਖ ਸੰਸਦੀ ਸਕੱਤਰ ਚੌਧਰੀ ਨੰਦ ਲਾਲ ਦਾ ਆਸਟ੍ਰੇਲੀਆ ਦੇ ਮਿੰਨੀ ਪੰਜਾਬ “ਵਲਗੂਲਗਾ” ਦੇ ਪੰਜਾਬੀਆਂ ਵਲੋਂ ਸਨਮਾਨ
ਸਿਡਨੀ (ਅਮਰਜੀਤ ਖੇਲਾ) 28 Agsq
ਪੰਜਾਬ ਦੇ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ) ਦੇ ਹਲਕਾ ਬਲਾਚੌਰ ਤੋਂ ਵਿਧਾਇਕ ਤੇ ਪੰਜਾਬ ਸਰਕਾਰ ਦੇ ਮੁੱਖ ਸੰਸਦੀ ਸਕੱਤਰ ਚੌਧਰੀ ਨੰਦ ਲਾਲ ਜੀ ਪਿਛਲੇ ਦਿਨੀਂ ਆਸਟ੍ਰੇਲੀਆ ਪਹੁੰਚੇ ਹੋਏ ਸਨ।ਚੌਧਰੀ ਨੰਦ ਲਾਲ ਜੀ ਸਿਡਨੀ,ਐਡੀਲੇਡ,ਰੈਨਮਾਰਕ,ਕੈਨਬਰਾ,ਮੈਲਬੌਰਨ ਤੇ ਸ਼ੈਪਰਟਨ ਦੇ ਪੰਜਾਬੀਆਂ ਨਾਲ ਮੁਲਾਕਾਤ ਕਰਨ ਤੋਂ ਬਾਅਦ ਆਸਟ੍ਰੇਲੀਆ ਦੇ ਮਿੰਨੀ ਪੰਜਾਬ ਵਜੋਂ ਜਾਣੇ ਜਾਂਦੇ ਖੂਬਸੂਰਤ ਇਲਾਕੇ ਵਲਗੂਲਗਾ ਵਸਦੇ ਪੰਜਾਬੀਆਂ ਤੇ ਉਹਨਾਂ ਦੇ ਨਜਦੀਕੀ ਮਿੱਤਰ ਸੁਲੱਖਣ ਸ਼ੇਤਰਾ ਵਲੋਂ ਸੱਦਾ ਭੇਜਣ ਉੱਤੇ ਵਲਗੂਲਗੇ ਪਹੁੰਚੇ।ਵਲਗੂਲਗੇ ‘ਚ ਚੌਧਰੀ ਨੰਦ ਲਾਲ ਜੀ 4 ਕੁ ਦਿਨ ਰੁਕੇ ਅਤੇ ਇੱਥੋਂ ਦੇ ਪੰਜਾਬੀ ਭਾਈਚਾਰੇ ਨਾਲ ਮੁਲਾਕਾਤ ਕੀਤੀ ਤੇ ਇੱਥੋਂ ਦੇ ਗੁਰੁੂ ਘਰ ਗੁਰੁ ਨਾਨਕ ਸਿੱਖ ਟੈਂਪਲ ‘ਚ ਹਾਜਰੀ ਲਗਵਾ ਕੇ ਸੰਗਤ ਦੇ ਰੂਬਰੂ ਵੀ ਹੋਏ।ਗੁਰੁੂ ਘਰ ਪਹੁੰਚਣ ਉੱਤੇ ਵਲਗੂਲਗੇ ਦੇ ਪੰਜਾਬੀਆਂ ਜਿਹਨਾਂ ‘ਚ ਸੁਲੱਖਣ ਸ਼ੇਤਰਾ (ਕੌਲਗੜ੍ਹ),ਮਨਜੀਤ ਸਿੱਧੂ,ਹਰਦੀਪ ਮਾਨ (ਸੁਜਾਵਲਪੁਰ),ਬਲਦੇਵ ਸਿੰਘ ਸਾਹਧੜਾ,ਯਸ਼ਪਾਲ ਸਿੰਘ ਘੁੰਮਣ ਤੇ ਹਰਦੀਪ ਸਿੰਘ ਸੋਹੀ ਗੁਰੁ ਘਰ ਦੇ ਹਜੂਰੀ ਸੇਵਾਦਾਰ ਤੇ ਹੋਰਨਾਂ ਨੇ ਚੌਧਰੀ ਸਾਹਿਬ ਨੂੰ ਜੀ ਆਇਆਂ ਕਿਹਾ ਤੇ ਸਿਰੋਪਾਇ ਦੇ ਕੇ ਸਨਮਾਨਿਤ ਕੀਤਾ।ਇਸ ਮੌਕੇ ਚੌਧਰੀ ਨੰਦ ਲਾਲ ਜੀ ਨੇ ਸਮੂਹ ਪੰਜਾਬੀਆਂ ਦਾ ਧੰਨਵਾਦ ਕੀਤਾ ਤੇ ਕਿਹਾ ਕਿ ਉਹਨਾਂ ਦੇ ਮਨ ਨੂੰ ਇਹ ਦੇਖ ਕੇ ਅਥਾਹ ਖੁਸੀ ਮਿਲ਼ੀ ਹੈ ਕਿ ਪੰਜਾਬੀਆਂ ਨੇ ਸਖਤ ਮਿਹਨਤਾਂ ਕਰਕੇ ਪਰਿਵਾਰ ਪਾਲਣ ਦੇ ਨਾਲ ਨਾਲ ਆਪਣੇ ਧਰਮ ਤੇ ਵਿਰਸੇ ਨੂੰ ਪੂਰੀ ਤਰ੍ਹਾਂ ਕਾਇਮ ਰੱਖਿਆ ਹੋਇਆ ਤੇ ਹਰ ਸ਼ਹਿਰ ‘ਚ ਗੁਰੁੂ ਸਾਹਿਬਾਨਾਂ ਦੇ ਕੇਸਰੀ ਨਿਸ਼ਾਨ ਝੂਲ ਰਹੇ ਹਨ।ਇਸਤੋਂ ਬਾਅਦ ਚੌਧਰੀ ਨੰਦ ਲਾਲ ਜੀ ਸਿਡਨੀ ਵਾਪਿਸ ਪਹੁੰਚੇ ਜਿੱਥੋਂ ਉਹ ਆਪਣੇ ਸਾਥੀ ਠੇਕੇਦਾਰ ਅਵਤਾਰ ਸਿੰਘ ਨਾਲ ਪੰਜਾਬ ਰਵਾਨਾ ਹੋ ਗਏ।
ਬ੍ਰਿਟਿਸ਼ ਏਅਰਵੇਜ ਦੇ ਇੱਕ ਪਾਇਲਟ ਤੋਂ ਜਹਾਜ ਦੇ ਉਡਾਣ ਭਰਨ ਤੋਂ ਬਾਅਦ ਗਲਤੀ ਨਾਲ ਦੁਰਘਟਨਾਂ ਦੀ ਚਿਤਾਵਨੀ
27 Aug 2010
ਅੱਜ ਬ੍ਰਿਟਿਸ਼ ਏਅਰਵੇਜ ਦੇ ਇੱਕ ਪਾਇਲਟ ਤੋਂ ਜਹਾਜ ਦੇ ਉਡਾਣ ਭਰਨ ਤੋਂ ਬਾਅਦ ਗਲਤੀ ਨਾਲ ਦੁਰਘਟਨਾਂ ਦੀ ਚਿਤਾਵਨੀ ਵਾਲਾ ਵਟਨ ਦੱਬ ਜਾਣ ਨਾਲ ਯਾਤਰੀ ਡਰ ਗਏ ਸਮਾਚਾਰ ਏਜੰਸੀ ਅਨੁਸਾਰ ਪਾਇਲਟ ਦੇ ਬਟਣ ਦਬਾੳੇਣ ਨਾਲ ਜਹਾਜ ਵਿੱਚ ਐਲਾਣ ਹੋਇਆ ਕਿ ਇਹ ਇੱਕ ਐਮਰਜੈਂਸੀ ਘੋਸ਼ਨਾ ਹੈ ਸਾਨੂੰ ਜਲਦੀ ਹੀ ਪਾਣੀ ਵਿੱਚ ਲੈਂਡ ਕਰਨ ਦੀ ਜਰੂਰਤ ਪੈ ਸਕਦੀ ਹੈ ਇਸ ਜਹਾਜ ਵਿੱਚ 275 ਯਾਰਤੀ ਸਵਾਰ ਸਨ ਤੇ ਇਹ ਘੋਸ਼ਨਾ ਸੁਨਣ ਤੋਂ ਬਾਅਦ ਸਾਰੇ ਸਹਿਮ ਗਏ ਪਰੰਤੂ ਚਾਲਕ ਦਲ ਦੇ ਇੱਕ ਮੈਬਰ ਨੇ ਨਾਲ ਹੀ ਇਹ ਘੋਸ਼ਨਾ ਕੀਤੀ ਕਿ ਇਹ ਮਹਿਜ ਇੱਕ ਗਲਤੀ ਸੀ ਤੇ ਪਾਇਲਟ ਦੀ ਗਲਤੀ ਕਾਰਣ ਗਲਤ ਬਟਨ ਪ੍ਰੇਸ ਹੋ ਗਿਆ ਸੀ ਉਸ ਤੋਂ ਬਾਅਦ ਬ੍ਰਿਟਸ਼ ਏਅਰਬੇਜ ਦੇ ਪ੍ਰਬੰਧਕਾ ਨੇ ਯਾਰਤੀਆਂ ਤੋਂ ਮੁਆਫੀ ਮੰਗੀ
‘ਨਾ ਪੀਆ ਕਰ ਮਰ ਜਾਣਿਆ,ਇਟਲੀ ਦੀ ਵੀਨੋ (ਸ਼ਰਾਬ) ਮਾੜੀ….
ਬਰੇਸ਼ੀਆ-27 ਅਗਸਤ( ਸਵਰਨਜੀਤ ਸਿੰਘ ਘੋਤੜਾ)-
ਸ਼ਰਾਬ, ਬੀਅਰ ਤੇ ਭਾਂਵੇ ਵੀਨੋ ਹੋਵੇ ਨਿਰੀਆਂ ਹਡੀਆਂ ਹੀ ਗਾਲਦੀ ਹੈ, ਇਸ ਦੀ ਤਾਜਾ ਉਦਾਹਰਣ ਉਦੋਂ ਸਾਹਮਣੇ ਆਈ ਕਿ ਰਾਜਿੰਦਰ ਸਿੰਘ ਪਿੰਡ ਢੋਲਣ ਖੁਰਦ ਜਿਲਾ ਲੁਧਿਆਣਾ ਦਾ ਚੰਗਾ ਭਲਾ ਪੇਪਰਾਂ ਤੇ ਇਟਲੀ ਆਇਆ ਸੀ ਤੇ ਪਰ ਲਗਾਤਾਰ ਸਸਤੀ ਵੀਨੋ ਪੀਣ ਕਰਕੇ ਹੋਲੀ-ਹੋਲੀ ਉਸਦੀ ਸਿਹਤ ਡਾਉੂਨ ਹੁੰਦੀ-ਹੁੰਦੀ ਹੋ ਗਈ, ਜਿਥੇ ਰਹਿੰਦਾ ਸੀ ਉਥੋਂ ਵੀ ਨਿਕਲ ਆਇਆ ਤੇ ਪਾਰਕਾਂ ਵਿਚ ਹੀ ਸੋਂਦਾ, ਸਾਰਾ-ਸਾਰਾ ਦਿਨ ਵੀਨੋ ਪੀਣੀ ਤੇ ਫਿਰ ਗਰਮੀਆਂ ਤੇ ਸਰਦੀਆਂ ਪਾਰਕਾਂ ਵਿਚ ਹੀ ਬੀਤਾਉਣ ਲਗ ਪਿਆ , ਇਕ ਦਿਨ ਪੁਲਿਸ ਦੀ ਗਡੀ ਐਮਬੂਲੈਂਸ ਵਿਚ ਪਾ ਕੇ ਹਸਪਤਾਲ ਲੈ ਗਈ । ਇਕ ਮਹੀਨਾ ਹਸਪਤਾਲ ਵਿਚ ਰਖਣ ਤੋਂ ਬਾਦ ਫਿਰ ਪੁਲਿਸ ਵਾਲੇ ਉਸਨੂੰ ਪਾਰਕ ਲਾਗੇ ਛਡ ਗਏ, ਉਸਦੀ ਹਾਲਤ ਵੇਖੀ ਨਹੀਂ ਸੀ ਜਾ ਰਹੀ , ਹਰੇਕ ਚੰਗੇ ਦਿਲ ਵਾਲਾ ਇਨਸਾਨ ਸੋਚ ਰਿਹਾ ਸੀ ਤੇ ਕਹਿ ਰਿਹਾ ਸੀ ਕਿ ਕਿਵੇਂ ਨਾ ਕਿਵੇਂ ਇਸਨੂੰ ਤੁਰੰਤ ਹੀ ਇੰਡੀਆ ਭੇਜ ਦੇਣਾ ਚਾਹੀਦਾ ਹੈ ਨਹੀਂ ਤਾਂ ਇਹ ਇਨਸਾਨ ਰਾਤ ਤਕ ਹੀ ਮਰ ਜਾਵੇਗਾ, ਕਿਸੇ ਭਲੇ ਬੰਦੇ ਨੇ ਗੁਰਦੁਆਰਾ ਕਮੇਟੀ ਫਲੈਰੋ ਨਾਲ ਗਲਬਾਤ ਕੀਤੀ ਤੇ ਨਾਲ ਹੀ ਨਵਗਠਿਤ ਸੰਗਠਨ ਸ਼ਹੀਦ ਊਧਮ ਸਿੰਘ ਕਲਬ ਨਾਲ ਰਾਫਤਾ ਕੀਤਾ, ਉਨਾਂ ਸਾਰਿਆਂ ਦੀ ਸਲਾਹ ਨਾਲ ਉਸਦੀ ਤੁਰੰਤ ਹੀ ਇੰਡੀਆ ਨੂੰ ਜਾਣ ਲਈ ਟਿਕਟ ਕਰਵਾਈ, ਤੇ ਸਵੇਰੇ 27 ਅਗਸਤ ਨੂੰ ਉਸਦੀ ਫਲਾਇਟ ਹੈ। ਇਸ ਨੇਕ ਕੰਮ ਨੂੰ ਅਮਲ ਵਿਚ ਲਿਆਉਣ ਲਈ ਸ. ਜਸਪਾਲ ਸਿੰਘ (ਚਾਚਾ),ਜਨਕ ਕੁਮਾਰ ਜੇ.ਕੇ., ਹਰਜੀਤ ਸਿੰਘ, ਭੁਪਿੰਦਰ ਮੁਲਤਾਨੀ,ਸੋਨੂੰ ਅਤੇ ਸ਼ਰਮਾ ਸਾਹਿਬ ਨੇ ਵਿਸ਼ੇਸ਼ ਸਹਿਯੋਗ ਦਿਤਾ। ਵਰਨਣਯੋਗ ਹੈ ਕਿ ਅਗਰ ਕੋਈ ਐਸੀ ਹਾਲਤ ਵਿਚ ਰਬ ਨਾ ਕਰੇ ਮਰ ਜਾਵੇ ਤਾਂ ਫਿਰ ਉਸਨੂੰ ਇੰਡੀਆ ਭੇਜਣਾ ਬਹੁਤ ਹੀ ਲੰਬੀ ਤੇ ਮੁਸ਼ਕਲ ਪ੍ਰਕ੍ਰਿਆ ਹੈ। ਇਸ ਲਈ ਪਤਵੰਤੇ ਸਜਣਾਂ ਨੇ ਉਸਨੂੰ ਜਿਉਂਦੇ ਜੀਅ ਆਪਣੇ ਪ੍ਰੀਵਾਰ ਤਕ ਪਹੁੰਚਾਣ ਵਿਚ ਹੀ ਭਲਾ ਸਮਝਿਆ। ਗੁਰਦੁਆਰਾ ਕਮੇਟੀ ਫਲੈਰੋ ਦੇ ਪ੍ਰਧਾਨ ਸ. ਨਿਸ਼ਾਨ ਸਿੰਘ, ਸੈਕਟਰੀ ਸਾਹਿਬ ਪਰਮਜੀਤ ਸਿੰਘ ਕਾਰਮੋਨਾਂ ਅਤੇ ਐੈਡਵੋਕੇਟ ਕੰਵਲਜੀਤ ਸਿੰਘ ਮਲੀ ਨੇ ਵੀ ਵਿਸ਼ੇਸ਼ ਯੋਗਦਾਨ ਦਿਤਾ।
ਜਰਮਨ ਦੇ ਸ਼ਹਿਰ ਨਿਉਨਬਰਗ ਵਿੱਚ ਵਿਸ਼ੇਸ਼ ਸੈਮੀਨਾਰ ਤੇ ਸਿੱਖ ਚਿੰਤਕ ਸ੍ਰ. ਅਜਮੇਰ ਸਿੰਘ ਦਾ ਸ੍ਰ. ਹਰਿੰਦਰ ਸਿੰਘ ਮਹਿਬੂਬ ਯਾਦਗਰੀ ਗੋਲਡ ਮੈਡਲ ਨਾਲ ਹੋਇਆ ਸਨਮਾਨ ।
ਜਰਮਨ(ਅਮਰਜੀਤ ਸਿੰਘ ਸਿਧੂ)25 Aug 2010
ਜਰਮਨ ਦੇ ਸ਼ਹਿਰ ਨਿਉਨਬਰਗ ਦੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਸੰਗਤਾਂ ਦੇ ਸਹਿਯੋਗ ਨਾਲ ਗੁਰਦੁਆਰਾ ਸਾਹਿਬ ਦੀ ਨਵੀਂ ਖਰੀਦੀ ਬਿਲਡਿੰਗ ਲਈ ਸਤਿਗੁਰਾਂ ਦਾ ਸ਼ੁਕਰਾਨਾ ਕਰਨ ਲਈ ਤੇ ਗੁਰਦੁਆਰਾ ਕੇਂਦਰੀ ਕਮੇਟੀ ਜਰਮਨੀ ਨੇ ਸਿੱਖ ਕੌਮ ਦੇ ਮਜੂੌਦਾਂ ਹਲਾਤਾਂ ਤੇ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਗਿਆ ਜਿਸ ਵਿੱਚ ਦੇਸ਼ ਪੰਜਾਬ ਦੀ ਧਰਤੀ ਤੋਂ ਵੀਹਵੀ ਸਦੀ ਦੀ ਸਿੱਖ ਰਾਜਨੀਤੀ ਦੇ ਲੇਖਕ ਤੇ ਚਿੰਤਕ ਸ੍ਰ. ਅਜਮੇਰ ਸਿੰਘ ਜੀ ਤੇ ਇੰਗਲੈਡ ਤੋਂ ਪੰਥਕ ਰਹਿਤ ਮਰਯਾਦਾ ਦਰਪਣ ਦੇ ਲੇਖਕ ਸਿੱਖ ਵਿਦਵਾਨ ਭਾਈ ਗੁਰਬਖਸ਼ ਸਿੰਘ ਗੁਲਸ਼ਨ ਜੀ ਪ੍ਰਬੰਧਕਾਂ ਦੇ ਵਿਸ਼ੇਸ਼ ਸੱਦੇ ਤੇ ਪੰਹੁਚੇ ਸਮਾਗਮ ਦੀ ਅਰੰਭਤਾ ਗੁਰਦੁਆਰਾ ਸਾਹਿਬ ਜੀ ਦੇ ਗੰਥੀ ਸਾਹਿਬਾਨ ਨੇ ਇਲਾਹੀ ਗੁਰਬਾਣੀ ਦੇ ਕੀਰਤਨ ਦੁਆਰਾ ਕੀਤੀ । ਸਟੇਜ ਦੀ ਸੇਵਾ ਗੁਰਦੁਆਰਾ ਕੇਂਦਰੀ ਕਮੇਟੀ ਜਰਮਨੀ ਦੇ ਪ੍ਰੈਸ ਸਕੱਤਰ ਭਾਈ ਤਰਸੇਮ ਸਿੰਘ ਨੇ ਕਰਦਿਆ ਹੋਇਆ ਅੱਜ ਦੇ ਸਮਾਗਮ ਦੀ ਵਿਸਥਾਰ ਨਾਲ ਜਾਣਕਾਰੀ ਦਿੰਦਿਆਂ ਹੋਇਆ ਸਿੱਖ ਵਿਦਵਾਨ ਭਾਈ ਗੁਰਬਖਸ਼ ਸਿੰਘ ਗੁਲਸ਼ਨ ਜੀ ਨੂੰ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸਿੱਖਾਂ ਦੇ ਸ਼ਬਦ ਗੁਰੂ ਤੇ ਪੰਥਕ ਰਹਿਤ ਮਰਯਾਦਾ ਵਿਸ਼ੇ ਤੇ ਸੰਗਤਾਂ ਨੂੰ ਵੀਚਾਰ ਸਰਵਣ ਕਰਾਉਣ ਦੀ ਬੇਨਤੀ ਕੀਤੀ ਤੇ ਸੰਗਤਾਂ ਨੂੰ ਵੀ ਇਹਨਾਂ ਦੇ ਵੀਚਾਰ ਸਰਵਣ ਕਰਨ ਤੋਂ ਬਾਅਦ ਆਪਣੇ ਗੁਰਮਤਿ ਨਾਲ ਸਬੰਧਤ ਸਵਾਲ ਆਪ ਜਾਂ ਲਿਖਕੇ ਦੇਣ ਦੀ ਬੇਨਤੀ ਕੀਤੀ। ਭਾਈ ਗੁਰਬਖਸ਼ ਸਿੰਘ ਜੀ ਨੇ ਬਹੁਤ ਹੀ ਵਿਸਥਾਰ ਨਾਲ ਗੁਰਬਾਣੀ ਦੇ ਹਵਾਲਿਆ ਨਾਲ ਕਿ ਸਾਡੇ ਗੁਰੂ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਹੀ ਹਨ ਤੇ ਇਸ ਦੇ ਬਰਾਬਰ ਹੋਰ ਕੋਈ ਥਾਂ ਨਹੀ ਲੈ ਸਕਦਾ ਤੇ ਉਹਨਾਂ ਨੇ ਗੁਰਬਾਣੀ ਤੇ ਦੁਨਿਆਵੀ ਵੱਖ ਤੋਂ ਵੀ ਇੱਕ ਸੁਹਾਗਣ ਤਾਂ ਹੀ ਕਹਾ ਸਕਦੀ ਹੈ ਕਿ ਜੇਕਰ ਉਸਦਾ ਸਿਰਫ ਆਪਣੇ ਪਤੀ ਨਾਲ ਹੀ ਸਨੇਹ ਹੋਵੇ ਤੇ ਜੇਕਰ ਕੋਈ ਬੇਸ਼ੱਕ ਹਾਰ ਸ਼ਿਗਾਰ ਲਾਕੇ ਸੁਹਾਗਣ ਕਹਾਉਣ ਦਾ ਯਤਨ ਕਰੇ ਤੇ ਉਸਦੇ ਮਨ ਵਿੱਚ ਪਤੀ ਤੋਂ ਬਿਨ੍ਹਾਂ ਹੋਰ ਕਿਸੇ ਦਾ ਸਨੇਹ ਵੀ ਹੋਵੇ ਤਾਂ ਉਹ ਸੁਹਾਗਣ ਨਹੀ ਕਹਾ ਸਕਦੀ ਪਰ ਸੁਹਗਣ ਕਹਾਉਣ ਦਾ ਸਵਾਂਗ ਤਾਂ ਰਚਾ ਸਕਦੀ ਹੈ ਇਸੇ ਤਰ੍ਹਾਂ ਸਿੱਖ ਕਹਾਉਣ ਵਾਲਾ ਪੰਜ ਕਕਾਰੀ ਸਿੰਘ ਜੋ ਗੁਰੂ ਗ੍ਰੰਥ ਸਾਹਿਬ ਜੀ ਤੋਂ ਬਿਨ੍ਹਾਂ ਹੋਰ ਕਿਸੇ ਗ੍ਰੰਥ ਅੱਗੇ ਸੀਸ ਝੁਕਾਉਦੇ ਹਨ ।ਉਹ ਵੀ ਗੁਰੂ ਦੇ ਹੁਕਮਾਂ ਤੋਂ ਉਲਟ ਜਾਕੇ ਸਿੱਖ ਹੋਣ ਦਾ ਸਵਾਂਗ ਹੀ ਕਰ ਰਹੇ ਹਨ ।ਗੁਰੂ ਗੋਬਿੰਦ ਸਿੰਘ ਜੀ ਨੇ ਜੀ ਨੇ ਸਭ ਸਿੱਖਾਂ ਨੂੰ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਲਾਇਆ ਹੈ ਆਤਮਾ ਗ੍ਰੰਥ ਵਿੱਚ ਸਰੀਰ ਖਾਲਸੇ ਵਿੱਚ ਸੋ ਸਾਨੂੰ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਉਪਦੇਸ਼ਾਂ ਤੇ ਪੰਥ ਪ੍ਰਮਾਣਤ ਰਹਿਤ ਮਰਯਾਦਾ ਨੂੰ ਹੀ ਮੰਨਣਾ ਚਾਹੀਦਾ ਹੈ ।ਇਸ ਤੋਂ ਬਾਅਦ ਦੇਸ਼ ਪੰਜਾਬ ਦੀ ਧਰਤੀ ਤੋਂ ਆਏ ਸਿੱਖ ਚਿੰਤਕ ਸ੍ਰ. ਅਜਮੇਰ ਸਿੰਘ ਜੀ ਨੂੰ ਸਿੱਖ ਰਾਜਨੀਤੀ ਦੇ ਵਿਸ਼ੇ ਤੇ ਵੀਚਾਰ ਸਾਝੇ ਕਰਨ ਲਈ ਬੇਨਤੀ ਕੀਤੀ ਗਈ ।ਜਿਨ੍ਹਾਂ ਨੇ ਪੰਜਾਬ ਦੀ ਧਰਤੀ ਤੇ ਵਾਪਰੀ ਦੁੱਖਦਾਈ ਘਟਨਾ ਕਿ ਜਝਾਰੂ ਲਹਿਰ ਦੇ ਸਿਰਕੱਢ ਤੇ ਪੰਚ ਪ੍ਰਧਾਨੀ ਦੇ ਆਗੂ ਭਾਈ ਸੁਰਿੰਦਰਪਾਲ ਸਿੰਘ ਦੇ ਸਰੀਰਕ ਤੌਰਤੇ ਸਦੀਵੀ ਵਿਛੋੜਾ ਦੇ ਗਏ ਨੂੰ ਭਾਵਭਿੰਨੀ ਸ਼ਰਧਾਜਲੀ ਤੇ ਉਸ ਨਾਲ ਲੰਮੇ ਸਮੇਂ ਦੀ ਸਾਂਝ ਤੇ ਭਾਈ ਸੁਰਿੰਦਰਪਾਲ ਸਿੰਘ ਵੱਲੋਂ ਸਿੱਖ ਸੰਘਰਸ਼ ਵਿੱਚ ਦ੍ਰਿੜਤਾ ਨਾਲ ਨਿਭਾਏ ਰੋਲ ਤੇ ਸਿੱਖ ਸੰਘਰਸ਼ ਦੇ ਸਿਧਾਤਕ ਆਗੂ ਭਾਈ ਦਲਜੀਤ ਸਿੰਘ ਬਿੱਟੂ ਦੀ ਅਗਵਾਈ ਵਿੱਚ ਪਾਏ ਯੋਗਦਾਨ ਦੀ ਤੇ ਕੀਤੀਆਂ ਅਣਥੱਕ ਸੇਵਾਵਾਂ ਦੀ ਸਾਝ ਪਾਉਣ ਤੋਂ ਬਾਅਦ ਸਿੱਖ ਕੌਮ ਦੀ ਮੌਜੂਦਾਂ ਹਲਾਤਾਂ ਤੇ ਬਹੁਤ ਹੀ ਉੱਚ ਪਾਏ ਦੀਆਂ ਵੀਚਾਰਾਂ ਦੀ ਸਾਂਝ ਸੰਗਤਾਂ ਨਾਲ ਪਾਈ ਉਹਨਾਂ ਨੇ ਸਿੱਖ ਕੌਮ ਨਾਲ ਬ੍ਰਹਮਵਾਦ ਵੱਲੋ ਸਿੱਖ ਕੌਮ ਤੇ ਕੀਤੇ ਜਾ ਰਹੇ ਦਿੱਸ ਰਹੇ ਤੇ ਅਣਦਿੱਸ ਰਹੇ ਹਮਲਿਆਂ ਤੋਂ ਜਾਣੂ ਕਰਾਉਦਿਆਂ ਹੋਇਆ ਕਿਹਾ ਕਿ ਸਿੱਖ ਕੌਮ ਜੋ ਇਸ ਤੇ ਬਾਹਰੀ ਹਮਲੇ ਹੋ ਰਹੇ ਹਨ ਜਾਂ ਸਰੀਰਕ ਤੌਰਤੇ ਹੁੰਦੇ ਹਨ ਉਹਨਾਂ ਦਾ ਬਹੁਤ ਛੇਤੀ ਰੈਕਸ਼ਨ ਕਰਦੀ ਹੈ । ਪਰ ਜੋ ਹਮਲੇ ਲੁਕਵੇ ਰੂਪ ਵਿੱਚ ਜੋ ਕਿ ਉਹ ਬਹੁਤ ਹੀ ਲੰਮੇ ਸਮੇਂ ਕੀਤੇ ਜਾ ਰਹੇ ਹਨ । ਜਿਨ੍ਹਾਂ ਦਾ ਕੌਮ ਪੂਰੀ ਤਰ੍ਹਾਂ ਬ੍ਰਹਮਵਾਦ ਅਸਰ ਕਬੂਲ ਕਰ ਚੁੱਕੀ ਹੈ । ਜਿਵੇਂ ਕਿ ਬ੍ਰਹਮਵਾਦ ਦੀ ਸੋਚ ਸੀ ਕਿ ਸਿੱਖ ਕੌਮ ਕੋਲੋ ਗੁਰੂ ਸਾਹਿਬਾਂ ਦਾ ਸਿਧਾਤ ਗੁਰਬਾਣੀ ਦਾ ਭੰਡਾਰ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਹਨ ਇਸ ਵਿੱਚ ਤਾਂ ਕਿਸੇ ਤਰ੍ਹਾਂ ਦੀ ਮਿਲਾਵਟ ਹੋ ਨਹੀ ਸਕਦੀ । ਉਹਨਾਂ ਨੇ ਬਹੁਤ ਹੀ ਚਲਾਕੀ ਨਾਲ ਇਸਦੇ ਇਤਿਹਾਸ ਵਿੱਚ ਮਿਲਾਵਟ ਕਰਨ ਦੇ ਨਾਲ ਨਾਲ ਗੁਰੂ ਸਾਹਿਬਾਂ ਨੂੰ ਮਨੁੱਖਤਾ ਦੇ ਰਹਿਬਰ ਨਾ ਹੋਕੇ ਸ਼ਿਵਾ ਜੀ ਮਰਹੱਟਾ, ਰਾਣਾ ਪ੍ਰਤਾਪ ਵਾਂਗ ਰਾਸ਼ਟਰਵਾਦੀ ਜਾਂ ਇਸ ਤਰ੍ਹਾਂ ਕਿ ਉਹਨਾਂ ਨੇ ਹਿੰਦੋਸਤਾਨ ਲਈ ਕੁਰਬਾਨੀਆਂ ਕੀਤੀਆਂ ਤੇ ਸਿੱਖਾਂ ਦੇ ਮਨਾਂ ਅੰਦਰ ਇਹ ਭਰਨ ਦੀ ਕੋਸ਼ਿਸ਼ ਕੀਤੀ ਜਾਂ ਰਿਹੀ ਹੈ । ਕਿ ਦੇਸ਼ ਪਹਿਲਾਂ ਸਿੱਖੀ ਬਾਅਦ ਵਿੱਚ ਹੈ ।ਜੋ ਕਿ ਇਹ ਵਰਤਾਰਾ ਬਹੁਤ ਹੀ ਲੰਮੇਂ ਸਮੇਂ ਤੋਂ ਚਲਦਾ ਆ ਰਿਹਾ ਹੈ । ਜਿਸ ਦਾ ਸਰੂਪ ਤਹਾਡੇ ਸਾਹਮਣੇ ਹੈ, ਕਿ ਅੰਗਰੇਜ਼ਾਂ ਦੀ ਫੌਜ ਵਿੱਚ ਨੌਕਰੀ ਕਰਨ ਵਾਲੇ ਸੈਨਿਕ ਜੋ ਸੰਸਾਰ ਦੀ ਪਹਿਲੀ ਤੇ ਦੂਜੀ ਜੰਗ ਵਿੱਚ ਸ਼ਹੀਦ ਹੋਏ ਸਿੰਘਾਂ ਦੀ ਇਟਲੀ ਦੇ ਸਿੰਘ ਵੱਲੋਂ ਯਾਦਗਰ ਬਣਾਈ ਜਾਂ ਰਿਹੀ ਜਿਸ ਦਾ ਨੀਹ ਪੱਥਰ ਪੰਜ ਸਿੰਘਾਂ ਨੇ ਰੱਖਿਆਂ ਮੈਨੂੰ ਇਹ ਖਬਰ ਪੜ੍ਹਕੇ ਬੜੀ ਹੈਰਾਨੀ ਹੋਈ ਕਿ ਦੂਜੇ ਦੇਸ਼ ਦੀ ਖਾਤਰ ਲੜਨ ਵਾਲੇ ਫੌਜੀਆਂ ਦੀ ਯਾਦਗਰ ਤਾਂ ਸਿੱਖ ਬਣਾ ਰਹੇ ਹਨ ਮੈ ਇਹ ਨਹੀ ਕਹਿੰਦਾ ਕਿ ਯਾਦਗਰ ਨਹੀ ਬਣਨੀ ਚਹੀਦੀ ।ਪਰ ਸੋਚੋ ਕਿ ਸਿੱਖ ਕੌਮ ਦਾ ਆਪਣਾ ਦੇਸ਼ ਪੰਜਾਬ ਤੇ ਰਾਜ ਸੀ । ਸਿੱਖ ਰਾਜ ਦੀ ਖਾਤਰ ਲੜਨ ਵਾਲਿਆਂ ਦੀਆਂ ਸਿੱਖਾਂ ਨੇ ਕਿੰਨੀਆਂ ਕੁ ਯਾਦਗਾਰਾਂ ਬਣਾਈਆਂ ਹਨ ।ਅੱਜ ਤੋਂ 26 ਸਾਲ ਪਹਿਲਾਂ ਹਿੰਦੋਸਤਾਨ ਦੀ ਹਕੂਮਤ ਵੱਲੋ ਜੂਨ 84 ਦੇ ਵਿੱਚ ਵਰਤਾਏ ਖੂਨੀ ਘਲੂਘਾਰੇ ਵਿੱਚ ਸ਼ਹੀਦ ਹੋਏ ਸਿੰਘਾਂ ਦੀ ਕੌਮ ਤੇ ਲੀਡਰਾਂ ਨੇ ਯਾਦਗਰ ਕਿਉ ਨਹੀ ਬਣਾ ਰਿਹੀ । ਜਿਨ੍ਹਾਂ ਸਿੰਘਾਂ ਨੇ ਸ੍ਰੀ ਦਰਬਾਰ ਸਾਹਿਬ ਦੀ ਪਵਿੱਤਰਤਾਂ ਦੀ ਖਾਤਰ ਆਪਣੀਆਂ ਜਾਨਾਂ ਕੁਰਬਾਨ ਕੀਤੀਆਂ।ਉਨਾਂ ਸਿੰਘਾਂ ਦੀ ਯਾਦਗਰ ਨਾ ਬਣਾਕੇ ਕੀ ਅਸੀ ਬਜੱਰ ਗੁਨਾਹ ਕਰਨ ਦੇ ਭਾਗੀ ਤਾਂ ਨਹੀ ਬਣ ਰਹੇ । ਅੱਜ ਇਹਨਾਂ ਗੱਲ਼ ਨੂੰ ਸਮਝਣ ਦੀ ਲੋੜ ਹੈ ।ਤੇ ਹੋਰਾਂ ਲਈ ਸ਼ਹੀਦ ਹੋਣ ਵਾਲਿਆਂ ਦੀਆਂ ਯਾਦਗਾਰਾਂ ਬਣਾਉਣ ਤੋਂ ਪਹਿਲਾਂ ਆਪਣੇ ਧਰਮ ਤੇ ਸਿੱਖ ਰਾਜ ਲਈ ਆਪਾਂ ਵਾਰ ਗਿਆ ਦੀ ਯਾਦਗਰਾਂ ਬਣਾਉਣੀਆਂ ਚਾਹੀਦੀਆਂ । ਸ੍ਰ. ਅਜਮੇਰ ਸਿੰਘ ਦੇ ਵੀਚਾਰ ਤੇ ਬੋਲਣ ਦੀ ਸ਼ੈਲੀ ਨੇ ਸਾਹਮਣੇ ਬੈਠੀ ਸੰਗਤ ਨੂੰ ਇਸ ਤਰ੍ਹਾਂ ਪ੍ਰਭਾਵਤ ਕੀਤਾ ਕਿ ਸੰਗਤਾਂ ਵਿੱਚ ਕਈ ਪੜ੍ਹੇ ਲਿਖੇ ਸੱਜਣ ਇਹ ਕਹਿਣ ਲਈ ਮਜ਼ਬੂਰ ਹੋ ਗਏ ਕਿ ਸ੍ਰ: ਅਜਮੇਰ ਸਿੰਘ ਜੀ ਦੇ ਵੀਚਾਰਾਂ ਨੇ ਸਾਡੀਆਂ ਅੱਖਾਂ ਖੋਲ ਦਿੱਤੀਆਂ ਸ੍ਰ. ਅਜਮੇਰ ਸਿੰਘ ਜੀ ਬਹੁਤ ਹੀ ਸੁਲਝੇ ਹੋਏ ਤਰੀਕੇ ਤੇ ਪਿਆਰ ਨਾਲ ਅਜ਼ਾਦੀ ਦੀ ਗੱਲ ਕਰਨ ਵਾਲੇ ਵੀਰਾਂ ਨੂੰ ਕਿਹਾ ਕਿ ਬਹੁਤ ਹੀ ਸਲੀਕੇ ਤੇ ਤਿਆਗ ਦੀ ਭਾਵਨਾਂ ਨਾਲ ਆਪਸੀ ਵਿਰੋਧ ਭਾਵਨਾਂ ਤੋਂ ਉਪਰ ਉਠਕੇ ਵਿਚਰਨਾਂ ਚਾਹੀਦਾ ਹੈ ।ਜਰਮਨ ਵਿੱਚ ਸ੍ਰ. ਅਜਮੇਰ ਸਿੰਘ ਜੋ ਕਿ ਗੁਰਦੁਆਰਾ ਕੇਂਦਰੀ ਕਮੇਟੀ ਦੇ ਸੱਦੇ ਤੇ ਪਿਛਲੇ ਇੱਕ ਮਹੀਨੇ ਤੋਂ ਸੈਮੀਨਾਰਾਂ ਵਿਸ਼ੇਸ਼ ਮੀਟਿੰਗਾਂ ਰਾਹੀ ਆਪਣੇ ਕੀਮਤੀ ਵੀਚਾਰਾਂ ਦੀ ਸਾਂਝ ਪਾਈ ਤੇ ਹਰ ਇਕ ਨੇ ਇਹਨਾਂ ਦੇ ਵੀਚਾਰਾਂ ਦੀ ਸ਼ਲਾਘਾਂ ਕੀਤੀ ਪਰ ਹੁਣ ਦੇਖਣਾ ਹੈ ਕਿ ਇਸ ਨੂੰ ਅਮਲ ਵਿੱਚ ਕਿਤਨਾ ਕੁ ਲੈ ਕੇ ਆਉਦੇ ਹਨ ।ਗੁਰਦੁਆਰਾ ਕੇਂਦਰੀ ਕਮੇਟੀ ਜਰਮਨੀ ਦੇ ਪ੍ਰਧਾਨ ਭਾਈ ਕਮਲਜੀਤ ਸਿੰਘ ਰਾਏ ਨੇ ਸੰਗਤਾਂ ਤੇ ਪੰਥਕ ਜਥੇਬੰਦੀਆਂ ਵੱਲੋ ਮਿਲੇ ਭਰਵੇਂ ਸਹਿਯੋਗ ਲਈ ਧੰਨਵਾਦ ਕੀਤਾ । ਗੁਰਦੁਆਰਾ ਗੁਰੂ ਨਾਨਕ ਮਿਸ਼ਨ ਨਿਉਨਬਰਗ ਦੇ ਪ੍ਰਧਾਨ ਭਾਈ ਦਿਲਬਾਗ ਸਿੰਘ ਨੇ ਸਮੂਹ ਸੰਗਤਾਂ ਤੇ ਗੁਰਦੁਆਰਾ ਸਾਹਿਬ ਜੀ ਦੀ ਨਵੀਂ ਬਿਲਡਿੰਗ ਖਰੀਦਣ ਲਈ ਵੱਖ ਵੱਖ ਗੁਰਦੁਆਰਿਆਂ ਵੱਲੋ ਮਾਈਕ ਤੌਰਤੇ ਮਿਲੀ ਸਾਹਾਇਤਾ ਲਈ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਤੇ ਸੰਗਤਾਂ ਦਾ ਧੰਨਵਾਦ ਕੀਤਾ । ਸੰਗਤਾਂ ਵਿੱਚੋ ਗੁਰਮਤਿ ਨਾਲ ਸਬੰਧਤ ਕਈ ਸਵਾਲ ਜਵਾਬ ਹੋਏ ਜਿਹਨਾਂ ਦੇ ਸਿੱਖ ਵਿਦਵਾਨਾਂ ਨੇ ਸੰਗਤਾਂ ਨਾਲ ਸ਼ਾਂਝੇ ਕੀਤੇ ।ਸਮਾਗਮ ਦੇ ਅੰਤ ਵਿੱਚ ਗੁਰਦੁਆਰਾ ਕੇਂਦਰੀ ਕਮੇਟੀ ਦੇ ਪ੍ਰਧਾਨ ਭਾਈ ਕਮਲਜੀਤ ਸਿੰਘ ਰਾਏ ਮੀਤ ਪ੍ਰਧਾਨ ਭਾਈ ਦਿਲਬਾਗ ਸਿੰਘ, ਸਕੱਤਰ ਭਾਈ ਮੁਖਤਿਆਰ ਸਿੰਘ, ਪ੍ਰੈਸ ਸਕੱਤਰ ਭਾਈ ਤਰਸੇਮ ਸਿੰਘ ਸਿੱਖ ਫੈਡਰੇਸ਼ਨ ਜਰਮਨੀ ਦੇ ਆਗੂ ਭਾਈ ਗੁਰਚਰਨ ਸਿੰਘ ਗੁਰਾਇਆ,ਬੱਬਰ ਖਾਲਸਾ ਇੰਟਰਨੈਸ਼ਨਲ ਜਰਮਨੀ ਦੇ ਆਗੂ ਭਾਈ ਸਤਨਾਮ ਸਿੰਘ ਬੱਬਰ ਬਾਬਾ ਬਕਾਲਾ, ਦਲ ਖਾਲਸਾ ਇੰਟਰਨੈਸ਼ਨਲ ਦੇ ਭਾਈ ਗੁਰਦੀਪ ਸਿੰਘ ਪ੍ਰਦੇਸੀ, ਗੁਰਦੁਆਰਾ ਸਿੱਖ ਸੈਟਰ ਫਰੈਕਫਰਟ ਦੇ ਪ੍ਰਧਾਨ ਭਾਈ ਅਨੂਪ ਸਿੰਘ ਗੁਰਦੁਆਰਾ ਲਾਇਪਸਿਕ ਦੇ ਪ੍ਰਧਾਨ ਤੇ ਮੀਡੀਆ ਪੰਜਾਬ ਦੇ ਮਾਲਕ ਭਾਈ ਬਲਦੇਵ ਸਿੰਘ ਬਾਜਵਾ,ਗੁਰਦੁਆਰਾ ਰੀਗਨਸਬਰਗ ਦੇ ਭਾਈ ਸੁਖਵਿੰਦਰ ਸਿੰਘ ਲਾਡੀ, ਗੁਰਦੁਆਰਾ ਅਕਸਬਰਗ ਦੇ ਭਾਈ ਕਸ਼ਮੀਰ ਸਿੰਘ ਤੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨਿਉਨਬਰਗ ਨੇ ਸ੍ਰ. ਅਜਮੇਰ ਸਿੰਘ ਨੂੰ ਸਿੱਖ ਵਿਦਵਾਨ ਸ੍ਰ. ਹਰਿੰਦਰ ਸਿੰਘ ਮਹਿਬੂਬ ਮੈਮੋਰੀਅਲ ਗੋਲਡ ਮੈਡਲ ਨਾਲ ਸਨਮਾਨਤ ਕੀਤਾ ਗਿਆ ਤੇ ਗਿਆਨੀ ਗੁਰਬਖਸ਼ ਸਿੰਘ ਗੁਲਸ਼ਨ ਦਾ ਯਾਦਗਰੀ ਸ਼ੀਲਡ ਤੇ ਸਿਰੋਪਾਉ ਨਾਲ ਸਨਮਾਨ ਕੀਤਾ ਗਿਆ ।ਇਸ ਸਮਾਗਮ ਵਿੱਚ ਗੁਰਦੁਆਰਾ ਸਿੱਖ ਸੈਂਟਰ ਫਰੈਕਫਰਟ ਤੇ ਮਿਉਚਿਨ ਦੀ ਪ੍ਰਬੰਧਕ ਕਮੇਟੀਆਂ ਸੰਗਤਾਂ ਦੀ ਬੱਸ ਕਰਕੇ ਪੰਹੁਚੀਆਂ ਹੋਈਆਂ ਸਨ ।ਇਸ ਸਮਗਾਮ ਵਿੱਚ ਦਲ ਖਾਲਸਾ ਦੇ ਆਗੂ ਭਾਈ ਸੁਰਿੰਦਰ ਸਿੰਘ ਸੇਖੋ, ਭਾਈ ਬਲਜਿੰਦਰ ਸਿੰਘ ਪੰਨੂ, ਗੁਰਦੁਆਰਾ ਬਰਲਿਨ ਦੇ ਖਜਾਨਚੀ ਭਾਈ ਮਨਜੀਤ ਸਿੰਘ ਭੰਡਾਲ, ਭਾਈ ਸੁਖਦੇਵ ਸਿੰਘ ਕਾਮੈਸਿਟ, ਬੱਬਰ ਖਾਲਸਾ ਜਰਮਨੀ ਦੇ ਭਾਈ ਗੁਰਵਿੰਦਰ ਸਿੰਗ ਗੋਲਡੀ,ਭਾਈ ਰਾਸ਼ਪਾਲ ਸਿੰਘ ਬੀਰਪਿੰਡ ਭਾਈ ਗੁਰਵਿੰਦਰ ਸਿੰਘ, ਸ੍ਰ. ਰਣਜੀਤ ਸਿੰਘ ਦੂਲੇ, ਸ੍ਰ. ਗੁਲਜ਼ਾਰ ਸਿੰਘ ਨਿਉਨਬਰਗ ਭਾਈ ਮਲਕੀਤ ਸਿੰਘ ਮਨਹਾਈਮ , ਸ੍ਰ, ਮੰਗਲ ਸਿੰਘ ਭਾਈ ਹਰਮਿੰਦਰ ਸਿੰਘ ਇਸ ਸਮਾਗਮ ਸ਼ਾਮਲ ਹੋਏ ਅੰਤ ਵਿੱਚ ਸਮਾਪਤੀ ਦੀ ਅਰਦਾਸ ਤੇ ਗੁਰੂ ਕੇ ਅਤੁੱਟ ਲੰਗਰ ਵਰਤਾਏ ਗਏ
ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ ਵਲੋ ਕਰਵਾਏ ਗਏ ਖੇਡ ਮੇਲੇ ਚ ਪਹਿਲਵਾਨ ਗੁਰਮੇਲ ਸਿੰਘ ਦਾ ਸੋਨੇ ਦੀ ਮੁੰਦੀ ਨਾਲ ਸਨਮਾਨ
ਰੋਮ(ਇਟਲੀ) 25 ਅਗਸਤ/ ਟੇਕ ਚੰਦ ਜਗਤਪੁਰ
-ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ, ਸਪੋਰਟਸ ਕਲੱਬ ਰਿਜੋਮਿਲੀਆ ਵਲੋ ਜਿਲਾ ਬਰੇਸ਼ੀਆ ਦੇ ਕਸਬਾ ਸਨਪਾਉਲੋ ਦੇ ਨਜਦੀਕੀ ਪਿੰਦ ਕੌਡੀਨਾਨੋ ਵਿਖੇ ਇਟਲੀ ਕਬੱਡੀ ਫੈਡਰੇਸ਼ਨ ਇਟਲੀ ਲਾਲੀ ਦੇ ਸਹਿਯੋਗ ਨਾਲ ਆਯੋਜਿਤ ਹੋਏ ਖੇਡ ਮੇਲੇ ਚ ਸ੍ਰੀ ਅਨਿਲ ਕੁਮਾਰ ਸ਼ਰਮਾਂ ਪ੍ਰਧਾਨ ਐਮਚਿਉਰ ਕਬੱਡੀ ਫੈਡਰੇਸ਼ਨ ਵਲੋ ਪ੍ਰਸਿੱਧ 87 ਸਾਲਾਂ ਪਹਿਲਵਾਨ ਗੁਰਮੇਲ ਸਿੰਘ ਦਾ ਇਟਲੀ ਕਬੱਡੀ ਫੈਡਰੇਸ਼ਨ ਵਲੋ ਖੇਡ ਖੇਤਰ ਚ ਉਸ ਦੀਆਂ ਪਿਛਲੇ ਸਮੇ ਤੋ ਨਿਭਾਈਆਂ ਸੇਵਾਵਾਂ ਨੂੰ ਮੁੱਖ ਰਖਦਿਆਂ ਸੋਨੇ ਦੀ ਮੁੰਦੀ ਨਾਲ ਸਨਮਾਨਿਤ ਕੀਤਾ ਹੈ।ਪਹਿਲਵਾਨ ਗੁਰਮੇਲ ਸਿੰਘ ਹਰ ਖੇਡ ਮੇਲੇ ਚ ਉਚੇਚੇ ਤੌਰ ਤੇ ਪਹੁੰਚ ਕੇ ਖੇਡ ਦੋਰਾਨ ਜੇਕਰ ਕਿਸੇ ਖਿਡਾਰੀ ਦੇ ਸੱਟ ਲੱਗ ਜਾਵੇ ਜਾਂ ,ਮਚਕੋੜ, ਆ ਜਾਵੇ ਤਾਂ ਉਸ ਦੀ ਮੋਕੇ ਤੇ ਆਪਣੀ ਤਕਨੀਕ ਨਾਲ ਇਲਾਜ ਕਰਕੇ ਠੀਕ ਕਰ ਦਿੰਦਾ ਹੈ ਅਤੇ ਉਹ ਹਰ ਐਤਵਾਰ ਸਿੰਘ ਸਭਾ ਗੁਰਦੁਆਰਾ ਨਵਲਾਰਾ(ਰਿਜੋਮਿਲੀਆ) ਵਿਖੇ ਬੜੀ ਸ਼ਰਧਾ ਭਾਵਨਾ ਨਾਲ ਬਿਨਾ ਕਿਸੇ ਲਾਲਚ ਮੁਫਤ ਸੇਵਾ ਕਰਦਾ ਹੈ,ਅਤੇ ਲਾਲੀ ਫੈਡਰੇਸ਼ਨ ਇਟਲੀ ਵਲੋ ਕਰਵਾਏ ਹਰ ਮੇਲੇ ਚ ਉਨ੍ਹਾਂ ਦੇ ਵਿਸ਼ੇਸ਼ ਸੱਦੇ ਤੇ ਪਹੁੰਚ ਕੇ ਆਪਣੀ ਕਲਾ ਦਾ ਜਿਥੇ ਪ੍ਰਦਰਸ਼ਨ ਕਰਦਾ ਹੈ ਉੇਥੇ ਮੇਲੇ ਦਾ ਵੀ ਖੂਬ ਆਨੰਦ ਮਾਣਦਾ ਹੈ।ਇਸ ਸਨਮਾਨ ਮੋਕੇ ਯੂਰਪ ਦੇ ਉਘੇ ਖੇਡ ਪ੍ਰਮੋਟਰ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ, ਸ ਸੁਰਜੀਤ ਸਿੰਘ ਵਿਰਕ ਪ੍ਰਧਾਨ ਸੱਲ੍ਹਾਂ ਸਪੋਰਟਸ ਕਲੱਬ ਇਟਲੀ,ਸ੍ਰੀ ਅਨਿਲ ਕੁਮਾਰ ਸ਼ਰਮਾਂ ਪ੍ਰਧਾਨ ਐਮਚਿਉਰ ਕਬੱਡੀ ਫੈਡਰੇਸ਼ਨ ਯੂਰਪ, ਜੈਲਦਾਰ ਅਵਤਾਰ ਸਿੰਘ ਚੈੜੀਆਂ, ਸ੍ਰੀ ਜਸਵੀਰ ਖਾਨ ਚੈੜੀਆਂ ਸੁਲਤਾਨ ਪਿਸਰੀਆ ਬਰੇਸੀ਼ਆ,ਸ ਸੰਤੋਖ ਸਿੰਘ ਲਾਲੀ ਪ੍ਰਧਾਨ ਇਟਲੀ ਕਬੱਡੀ ਫੈਡਰੇਸ਼ਨ ਇਟਲੀ, ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਪ੍ਰਧਾਨ ਮੁਖਤਿਆਰ ਸਪੋਰਟਸ ਕਲੱਬ ਤਰਵੀਜੋ,ਸ ਸਤਵਿੰਦਰ ਸਿੰਘ ਟੀਟਾ, ਸ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ਖੇਡ ਕੁਮੈਟਰ ਪੱਪਾਸਿੰਘਪੁਰੀਆ,ਸ ਪਰਮਜੀਤ ਸਿੰਘ ਢਿੱਲੋ,ਸ੍ਰੀ ਪਵਨ ਕੁਮਾਰ ,ਸ੍ਰੀ ਕਿਸ਼ਨ ਲਾਲ ਕੁਰਾਲੀ,ਤੇਜਵੀਰ ਸਿੰਘ ਬੈਂਸ,ਸ ਨਿਰਮਲ ਸਿੰਘ ਡੀ ਐਮ ਵਾਸ਼, ਗਾਇਕ ਕੁਲਵਿੰਦਰ ਸੁੰਨਰ ਆਦਿ ਹਾਜਰ ਸਨ।
ਸ਼ਹੀਦ ਊਧਮ ਸਿੰਘ ਕਲਬ ਬਰੇਸ਼ੀਆ ਦਾ ਗਠਨ ਕੀਤਾ ਗਿਆ
ਬਰੇਸ਼ੀਆ -25 ਅਗਸਤ –(ਸਵਰਨਜੀਤ ਸਿੰਘ ਇਟਲੀ)-
ਜਿਵੇਂ ਜਿਵੇਂ ਇਟਲੀ ਵਿਚ ਲੋਕ ਆਪਣੇ ਪੈਰਾਂ ਸਿਰ ਹੋ ਰਹੇ ਹਨ, ਉਵੇਂ ੳੇਵੇਂ ਹੀ ਉਨ੍ਹਾਂ ਦੇ ਦਿਲ ਵਿਚ ਆਪਣੇ ਮੁਲਕ ਦੇ ਉਨ੍ਹਾਂ ਦੇਸ਼ ਭਗਤਾਂ ਦਾ ਪਿਆਰ ਉਮੜ ਰਿਹਾ ਹੈ ਜਿਨ੍ਹਾਂ ਨੇ ਦੇਸ਼ ਦੀ ਅਜਾਦੀ ਲਈ ਆਪਾ ਵਾਰਿਆ, ਇਸੇ ਹੀ ਸੰਦਰਭ ਵਿਚ ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਵਿਚ ਸ਼ਹੀਦ ਊਧਮ ਸਿੰਘ ਕਲਬ ਇਟਲੀ ਦੀ ਸਥਾਪਨਾ ਹੋਈ।ਜਿਸ ਦੀ ਪ੍ਰਧਾਨਗੀ ਕਰਦਿਆਂ ਸ੍ਰ ਸੁਰਿੰਦਰ ਸਿੰਘ ਚੰਦੀ(ਅਵਾਣ ਖਾਲਸਾ) ਨੇ ਕਿਹਾ ਕਿ ਇਸ ਕਲਬ ਦਾ ਮਨੋਰਥ ਪ੍ਰਦੇਸਾਂ ਵਿਚ ਰਹਿੰਦੇ ਵੀ ਆਪਣੀ ਮਿਟੀ ਨਾਲ ਜੁੜੇ ਰਹਿਣ ਦਾ ਮਕਸਦ ਹੈ,ਇਹ ਕਲਬ ਜਿਥੇ ਸ਼ਹੀਦ ਊਧਮ ਸਿੰਘ ਨੂੰ ਸਮਰਪਿਤ ਹੋਵੇਗਾ ਉਥੇ ਉਨ੍ਹਾਂ ਬੇਅੰਤ ਸ਼ਹੀਦਾਂ ਪ੍ਰਤੀ ਵੀ ਸਚੀ ਸ਼ਰਧਾ ਰਖੇਗਾ, ਜਿਨ੍ਹਾਂ ਨੇ ਦੇਸ਼ ਕੌਮ ਲਈ ਕੁਰਬਾਨੀਆਂ ਕਰਕੇ ਸਾਨੂੰ ਅਜਾਦੀ ਦਿਵਾਈ, ਸ਼ਹੀਦ ਭਗਤ ਸਿੰਘ, ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਵਰਗੇ ਦੇਸ਼ ਭਗਤਾਂ ਦੀ ਲਾਸਾਨੀ ਕੁਰਬਾਨੀ ਨਾਲ ਹੀ ਸਾਨੂੰ ਆਜਾਦੀ ਦਾ ਨਿਘ ਪ੍ਰਾਪਤ ਹੋਇਆ। ਇਸ ਕਲਬ ਦਾ ਮਕਸਦ ਇਹ ਵੀ ਹੋਵੇਗਾ ਕਿ ਕਿਸੇ ਵੀ ਲੋੜਵੰਦ ਜਾਂ ਬੇ-ਸਹਾਰਾ,ਜਾਂ ਗਰੀਬ ਪ੍ਰੀਵਾਰਾਂ ਦੀ ਵੀ ਮਾਇਕ ਸਹਾਇਤਾ ਕੀਤੀ ਜਾਵੇ। 22 ਤਰੀਕ ਐਤਵਾਰ ਨੂੰ ਗੁਰੂ ਘਰ ਫਲੈਰੋ ਵਿਖੇ ਕਲਬ ਵਲੋਂ ਸ਼ਹੀਦ ਊਧਮ ਸਿੰਘ ਜੀ ਦਾ ਸ਼ਹੀਦੀ ਦਿਹਾੜਾ ਮਨਾਇਆ ਗਿਆ ਤੇ ਆਏ ਹੋਏ ਮਸ਼ਹੂਰ ਢਾਡੀ ਜਥੇ ਗਿਆਨੀ ਅਮਰਜੀਤ ਸਿੰਘ ‘ਜੌਹਲ’ ਬਿਧੀਪੁਰ ਵਾਲਿਆਂ ਨੂੰ ਸਪੈਸ਼ਲ ਸਨਮਾਨਿਤ ਕੀਤਾ ਗਿਆ। ਕਲਬ ਦੇ ਕਰਤਾ ਧਰਤਾ ਸ੍ਰ ਮਨਿੰਦਰ ਸਿੰਘ ਨੀਟਾ ਨੇ ਕਿਹਾ ਕਿ ਕਲਬ ਇਸ ਕਰਕੇ ਹੀ ਗਠਿਤ ਕੀਤਾ ਗਿਆ ਹੈ ਕਿ ਅਸੀਂ ਉਨ੍ਹਾਂ ਲੋੜਵੰਦਾਂ ਦੀ ਮਦਦ ਕਰ ਸਕੀਏ , ਵਿਦੇਸ਼ੀ ਧਰਤੀ ਤੇ ਆ ਕੇ ਆਪਣੇ ਆਪ ਨੂੰ ਇਕਲਾ ਮਹਿਸੂਸ ਨਾ ਕਰਨ,ਕਲਬ ਹਰ ਤਰਾਂ ਦੀ ਮਦਦ ਕਰਨ ਲਈ ਤਿਆਰ ਹੋਵੇਗਾ। ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਫਲੈਰੋ ਤੇ ਬਾਬਾ ਪ੍ਰੇਮ ਸਿੰਘ ਯਾਦਗਾਰ ਕਮੇਟੀ ਬਰੇਸ਼ੀਆ ਨੇ ਵੀ ਇਸ ਕਲਬ ਦੀ ਸਥਾਪਨਾ ਹੋਣ ਦੀ ਵਧਾਈ ਦਿਤੀ ।ਵਧਾਈ ਦੇਣ ਵਾਲਿਆਂ ‘ਚ ਸ. ਨਿਸ਼ਾਨ ਸਿੰਘ, ਸ. ਬਲਕਾਰ ਸਿੰਘ , ਸ. ਸੁਖਦੇਵਪਾਲ ਸਿੰਘ( ਅਪਣਾ ਬਾਜਾਰ) ਸ. ਲਾਲ ਸਿੰਘ ਸੁਰਤਾਪੁਰ,ਡਾ. ਦਲਬੀਰ ਸਿੰਘ ਹਾਜਰ ਸਨ। ਕਲਬ ਦੀ ਪੂਰੀ ਬਾਡੀ ਦੀ ਰੂਪ ਰੇਖਾ ਆਉਣ ਵਾਲੇ ਦਿਨਾਂ ਵਿਚ ਤਿਆਰ ਕਰ ਲਈ ਜਾਵੇਗੀ। ਇਸ ਮੀਟਿੰਗ ਵਿਚ ਚੇਅਰਮੈਨ ਪ੍ਰਿਤਪਾਲ ਸਿੰਘ,ਬਲਵੀਰ ਸਿੰਘ ਸੈਕਟਰੀ,ਸ. ਸ਼ਮਸ਼ੇਰ ਸਿੰਘ ( ਵਾਇਸ ਪ੍ਰਧਾਨ), ਸ. ਬਲਰਾਜ ਸਿੰਘ,ਪਰਮਜੀਤ ਸਿੰਘ, ਗੁਰਬਖਸ਼ ਸਿੰਘ, ਜਗਦੀਪ ਸਿੰਘ(ਪੰਮਾ), ਪ੍ਰਧਾਨ ਸੁਰਿੰਦਰ ਸਿੰਘ ਚੰਦੀ ਅਤੇ ਮਨਿੰਦਰ ਸਿੰਘ ਨੀਟਾ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ।
ਭਰੂਣ ਹਤਿਆ’ ਨੂੰ ਰੋਕਣ ਬਾਰੇ ਵਿਸ਼ੇਸ਼ ਸੇਮੀਨਾਰ ਕਰਵਾਇਆ ਜਾ ਰਿਹਾ ਹੈ।
ਬਰੇਸ਼ੀਆ-25 ਅਗਸਤ (ਸਵਰਨਜੀਤ ਸਿੰਘ ਇਟਲੀ)
-‘ਸੋ ਕਿਉਂ ਮੰਦਾ ਆਖੀਐ ਜਿਤੁ ਜੰਮੇ ਰਾਜਾਨ’ ਗੁਰਬਾਣੀ ਦੇ ਮੁਖ ਵਾਕ ਅਨੁਸਾਰ ਕੁਖ ਵਿਚ ਧੀਆਂ ਨੂੰ ਕਤਲ ਕਰਨ ਤੋਂ ਰੋਕਣ ਲਈ ਬਰੇਸ਼ੀਆ ਦੇ ਪ੍ਰਮੁਖ ਗੁਰੂ ਘਰ ਫਲੈਰੋ ਵਿਖੇ 29 ਅਗਸਤ ਦਿਨ ਐਤਵਾਰ ਨੂੰ ਧਰਮ ਪ੍ਰਚਾਰ ਕਮੇਟੀ ਇਟਲੀ ਵਲੋਂ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ, ਉਪਰੋਕਤ ਜਾਣਕਾਰੀ ਦਿੰਦਿਆਂ ਧਰਮ ਪ੍ਰਚਾਰ ਕਮੇਟੀ ਦੇ ਚੇਅਰਮੈਨ ਸ.ਸੁਰਿੰਦਰਜੀਤ ਸਿੰਘ ‘ਪੰਡੋਰੀ’ ਨੇ ਕਿਹਾ ਐਤਵਾਰ ਨੂੰ ਹਫਤਾਵਾਰੀ ਦੀਵਾਨ ਦੌਰਾਨ ਤਕਰੀਬਨ ਇਕ ਵਜੇ ਸੈਮੀਨਾਰ ਸ਼ੁਰੂ ਕਰਵਾਇਆ ਜਾ ਰਿਹਾ ਹੈ ਜਿਸ ਵਿਚ ਭਾਗ ਲੈਣ ਲਈ ਇਟਲੀ ਭਰ ਤੋਂ ਬੁਧੀਜੀਵੀ ਤੇ ਪ੍ਰਚਾਰਕ ਭਾਗ ਲੈਣ ਗਏ।ਉਨਾਂ ਨੇ ਕਿਹਾ ਕਿ ਜਿਸ ਤਰਾਂ ਪੰਜਾਬ ਵਿਚ ਦਿਨੋ ਦਿਨ ਧੀਆਂ ਦੀ ਗਿਣਤੀ ਘਟਦੀ ਜਾ ਰਹੀ ਹੈ, ਸਮਾਜ ਵਾਸਤੇ ਬੜੀ ਮੰਦਭਾਗੀ ਖਬਰ ਹੈ, ਉਨਾਂ ਮਾਪਿਆਂ ਨੂੰ ਇਹ ਆਪਣੇ ਦਿਲ ਵਿਚ ਧਾਰ ਲੈਣ ਚਾਹੀਦਾ ਹੈ ਕਿ ਧੀਆਂ ਦੇ ਨਾਲ ਹੀ ਸਮਾਜ ਦੀ ਸਾਂਝ ਬਣਦੀ ਹੈ। ਜੇਕਰ ਧੀਆਂ ਕੋਈ ਪੈਦਾ ਨਾ ਕਰੇਗਾ ਤੇ ਆਪਣੇ ਪੁ¤ਤਾਂ ਦੇ ਵਿਆਹ ਕੀਹਦੇ ਨਾਲ ਕਰੋਗੇ। ਜੇਕਰ ਵੇਖਿਆ ਜਾਵੇ ਤੇ ਧੀਆਂ ਤੇ ਪ¤ੁਤਰਾਂ ਤੋਂ ਜ਼ਿਆਦਾ ਮਾਪਿਆਂ ਦਾ ਮੋਹ ਕਰਦੀਆਂ ਹਂਨ। ‘ਜਿਵੇ ਕਿਸੇ ਕਵੀ ਨੇ ਠੀਕ ਹੀ ਲਿਖਿਆ ਹੈ’ ਪ¤ੁਤ ਵੰਡਾਉਣ ਜ਼ਮੀਨਾਂ ,ਧੀਆਂ ਦੁਖ ਵੰਡਾਉਦੀਆਂ ਨੇ। ਸੋ ਆਉ ਆਪਣੇ ਆਪਣੇ ਵੀਚਾਰ ਪੇਸ਼ ਕਰੀਏ ਤੇ ਇਸ ਭਰੂਣ ਹ¤ਤਿਆ ਖਿਲਾਫ ਸੰਘਰਸ਼ ਵਿਢੀਏ ਤਾਂ ਜੋ ਆਉਣ ਵਾਲੀਆਂ ਪੀੜੀਆਂ ਲਈ ਇਕ ਉਦਾਹਰਣ ਪੇਸ਼ ਕਰ ਸਕੀਏ।‘ਉਨਾਂ ਦੇ ਨਾਲ ਸ.ਪਰਮਜੀਤ ਸਿੰਘ ਕਾਰਮੋਨਾ, ਸ. ਨਿਸ਼ਾਨ ਸਿੰਘ ਪ੍ਰਧਾਨ, ਡਾ. ਦਲਬੀਰ ਸਿੰਘ ਚੇਅਰਮੈਨ, ਸਾਬਕਾ ਪ੍ਰਧਾਨ ਸ. ਕੁਲਵਿੰਦਰ ਸਿੰਘ ਖਾਲਸਾ ਵੀ ਮੌਜੂਦ ਸਨ।
ਪਹਿਲੀ ਵਿਸ਼ਵ ਜੰਗ ਦੌਰਾਨ ਜਰਮਨੀ ਦੇ ਸ਼ਾਸਕ ਕੈਸਰ ਨੇ ਸਿੱਖ ਫ਼ੌਜੀਆਂ ਦਾ ਕਰਵਾਇਆ ਸੀ ਕਤਲੇਆਮ
ਐਡਿਨਬਰਗ, 24 ਅਗੱਸਤ :
ਫ਼ੌਜ ਦੇ ਇਤਿਹਾਸਕਾਰ ਮੈਥਿਊ ਲੋਅ ਨੇ ਸਨਸਨੀਖ਼ੇਜ਼ ਪ੍ਰਗਟਾਵਾ ਕਰਦਿਆਂ ਕਿਹਾ ਹੈ ਕਿ ਪਹਿਲੀ ਵਿਸ਼ਵ ਜੰਗ ਦੌਰਾਨ ਉਸ ਵੇਲੇ ਦੇ ਜਰਮਨੀ ਦੇ ਸ਼ਾਸਕ ਕੈਸਰ ਦੀ ਫ਼ੌਜ ਨੇ ਸਿੱਖ ਫ਼ੌਜੀਆਂ, ਸਕਾਟਲੈਂਡ ਦੇ ਫ਼ੌਜੀਆਂ ਅਤੇ ਚੀਨੀਆਂ ਦਾ ਬੇਰਹਿਮੀ ਨਾਲ ਕਤਲੇਆਮ ਕੀਤਾ। ਉਨ੍ਹਾਂ ਨੇ ਇਹ ਪ੍ਰਗਟਾਵਾ ਜਰਮਨੀ ਦੇ ਇਕ ਪੋਸਟ ਕਾਰਡ ਦੀ ਖੋਜ ਕਰਨ ਮਗਰੋਂ ਕੀਤਾ। ਸਕਾਟਸਮੈਨ ਅਖ਼ਬਾਰ ਨੇ ਲੋਅ ਦੇ ਹਵਾਲੇ ਨਾਲ ਲਿਖਿਆ, ‘‘ਮੈਂ ਇਸ ਕਾਰਡ ਦੀ ਖੋਜ ਮਗਰੋਂ ਕਾਫ਼ੀ ਉਤਸ਼ਾਹਤ ਸੀ। ਇਹ ਜਰਮਨ ਫ਼ੌਜਾਂ ਵਲੋਂ ਸਿੱਖਾਂ ਸਣੇ ਹੋਰਾਂ ਨਸਲਾਂ ਦੇ ਲੋਕਾਂ ਦੇ ਕੀਤੇ ਗਏ ਘਾਣ ਦੀ ਸਪੱਸ਼ਟ ਤਸਵੀਰ ਪੇਸ਼ ਕਰਦਾ ਹੈ।’’ ਮੈਥਿਊੂ ਲੋਅ ਨੂੰ ਇਹ ਕਾਰਡ ਫ਼ਰਾਂਸ ਵਿਚ ਇਕ ਕਬਾੜ ਦੀ ਦੁਕਾਨ ਵਿਚੋਂ ਮਿਲਿਆ। ਉਨ੍ਹਾਂ ਦਸਿਆ ਕਿ ਜਰਮਨ ਫ਼ੌਜਾਂ ਕਿਸੇ ਹੋਰ ਦੀ ਚੜ੍ਹਤ ਬਰਦਾਸ਼ਤ ਨਹੀਂ ਕਰ ਸਕਦੀਆਂ ਸਨ ਅਤੇ ਸਕਾਟਲੈਂਡ ਦੀਆਂ ਫ਼ੌਜਾਂ ਨਾਲ ਉਨ੍ਹਾਂ ਦੀ ਵੱਡੀ ਦੁਸ਼ਮਣੀ ਸੀ। ਅਖ਼ਬਾਰ ਮੁਤਾਬਕ ਬਰਤਾਨੀਆ ਨੇ 11 ਫ਼ੀ ਸਦੀ ਫ਼ੌਜੀਆਂ ਦੇ ਮਾਰੇ ਜਾਣ ਦੇ ਅੰਕੜੇ ਪੇਸ਼ ਕੀਤੇ ਸਨ ਜਦਕਿ ਅਸਲ ਵਿਚ 26ਫ਼ੀ ਸਦੀ ਫ਼ੌਜੀ ਮਾਰੇ ਗਏ।
ਸ਼ਹੀਦ ਭਗਤ ਸਿੰਘ ਸਭਾ ਰੋਮ ਦੀ ਅਹਿਮ ਮੀਟਿੰਗ
ਰੋਮ(ਇਟਲੀ) 23ਅਗਸਤ/ਟੇਕ ਚੰਦ ਜਗਤਪੁਰ
-ਸ਼ਹੀਦ ਭਗਤ ਸਿੰਘ ਸਭਾ ਰੋਮ ਦੀ ਅਹਿਮ ਮੀਟਿੰਗ ਚੇਅਰਮੈਨ ਸ ਬਲਦੇਵ ਸਿੰਘ ਫਤਿਹਪੁਰ ਦੀ ਪ੍ਰਧਾਨਗੀ ਹੇਠ ਕ੍ਰਿਸ਼ਨਾਂ ਇੰਡੀਅਨ ਰੈਸਟੋਰੈਟ ਵਿਖੇ ਹੋਈ।ਜਿਸ ਵਿਚ ਸਮਾਜਿਕ,ਧਾਰਮਿਕ ਵਿਸਿ਼ਆਂ ਚੇ ਗੰਭੀਰ ਵਿਚਾਰ ਵਿਟਾਦਰਾ ਕੀਤਾ ਗਿਆ। ਮੀਟਿੰਗ ਚ ਸ ਦੀਦਾਰ ਸਿੰਘ ਦਾਰੀ ਨੇ ਕਿਹਾ ਕਿ ਇਹ ਸਭਾ ਰੋਮ ਵਿਚ ਹਰ ਪੰਜਾਬੀਆਂ ਦੀਆਂ ਸਮੱਸਿਆ ਨੂੰ ਹਲ ਕਰਨ ਦਾ ਯਤਨ ਕਰੇਗੀ,ਅਤੇ ਲਾਸ਼ੀਓ ਇਕਾਈ ਦਾ ਗਠਨ ਵੀ ਜਲਦੀ ਕੀਤਾ ਜਾਵੇਗਾ।ਅਮਰ ਸ਼ਹੀਦ ਸ ਭਗਤ ਸਿੰਘ ਦਾ ਜਨਮ ਦਿਨ ਵੀ ਸਭਾ ਵਲੋੇ ਮਨਾੳਣ ਤੇ ਵੀ ਵਿਚਾਰ ਚਰਚਾ ਹੋਈ। ਸ ਕੁਲਵਿੰਦਰ ਸਿੰਘ ਅਟਵਾਲ ਨੇ ਕਿਹਾ ਕਿ ਜੇਕਰ ਰੋਮ ਨਿਵਾਸੀਆਂ ਵਲੋ ਭਵਿੱਖ ਚ ਇਸੇ ਤਰਾਂ ਸਹਿਯੋਗ ਮਿਲਦਾ ਰਿਹਾ ਤਾਂ ਸਭਾ ਆਪਣੀਆਂ ਸਰਗਰਮੀਆਂ ਬਰਕਰਾਰ ਰੱਖੇਗੀ।ਇਸ ਮੋਕੇ ਤੇ ਸ੍ਰੀ ਰਾਜ ਕੁਮਾਰ ਕਰਨਾਣਾ ,ਸ ਸੁਖਵਿੰਦਰ ਸਿੰਘ ਝਿੱਕਾ, ਸ ਕਰਨਵੀਰ ਸਿੰਘ ਦਿੱਲੀ,ਸ੍ਰੀ ਲਲਿਤ ਮੋਹਣ, ਸ ਖੁਸ਼ਵਿੰਦਰ ਸਿੰਘ, ਸ ਜਸਵੰਤ ਸਿੰਘ ਚੀਮਾ ਸ ਰਮਨ ਸਹੋਤਾ ਅਤੇ ਸ ਸੁਰਜੀਤ ਸਿੰਘ ਮੱਲਾਬੇਦੀਆਂ ਹਾਜਰ ਸਨ।
ਸ਼ਹੀਦ ਊਧਮ ਸਿੰਘ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਵਿਸ਼ੇਸ਼ ਦੀਵਾਨ ਸਜਾਏ
ਬਰੇਸ਼ੀਆ 22 ਅਗਸਤ (ਸਵਰਨਜੀਤ ਸਿੰਘ ਇਟਲੀ)-
ਜਿਥੇ ਡੁਲਦਾ ਖੂਨ ਸ਼ਹੀਦਾਂ ਦਾ ਤਕਦੀਰ ਬਦਲਦੀ ਕੌਮਾਂ ਦੀ,ਹਸ-ਹਸ ਕੇ ਦੇਸ਼ ਦੀ ਖਾਤਿਰ ਮਰ ਮਿਟਣ ਵਾਲੇ ਕੌਮੀ ਯੋਧੇ ਨੌਜਵਾਨ ਸ਼ਹੀਦ ਊਧਮ ਸਿੰਘ ਜੀ ਦਾ ਸ਼ਹੀਦੀ ਦਿਹਾੜਾ ਬਰੇਸ਼ੀਆ ਦੀਆਂ ਸੰਗਤਾਂ ਵਲੋਂ ਬੜੀ ਸ਼ਰਧਾ ਤੇ ਉਤਸ਼ਾਹ ਨਾਲ ਗੁਰਦੁਆਰਾ ਸਿੰਘ ਸਭਾ ਫਲੈਰੋ ਵਿਖੇ ਮਸ਼ਹੂਰ ਢਾਡੀ ਜਥੇ ਗਿਆਨੀ ਅਮਰਜੀਤ ਸਿੰਘ ਜੀ ਜੌਹਲ ਬਿਧੀਪੁਰ ਵਾਲਿਆਂ ਦੀਆਂ ਢਾਡੀ ਵਾਰਾਂ ਨਾਲ ਮਨਾਇਆ ਗਿਆ। ਆਖੰਡ ਪਾਠ ਸਾਹਿਬ ਦੇ ਭੋਗ ਉਪਰੰਤ ਭਾਈ ਜਰਨੈਲ ਸਿੰਘ ਜੀ ਦੇ ਜਥੇ ਨੇ ਕੀਰਤਨ ਦੀ ਆਰੰਭਤਾ ਕੀਤੀ ਉਪਰੰਤ ਢਾਡੀ ਜਥੇ ਨੇ ਆਪਣੀਆਂ ਜੋਸ਼ੀਲੀਆਂ ਵਾਰਾਂ ਨਾਲ ਜਿਥੇ ਸ਼ਹੀਦ ਊਧਮ ਸਿੰਘ ਜੀ ਦੇ ਜੀਵਨ ਬਾਰੇ ਚਾਨਣਾ ਪਾਇਆ ਉਥੇ ਉਨਾਂ ਨੇ ਆਪਣੀ ਮਸ਼ਹੂਰ ਰਚਨਾ ਪਤਾ- ਪਤਾ ਸਿੰਘਾਂ ਦਾ ਵੈਰੀ ਸੁਣਾ ਕੇ ਸੰਨ 84 ਯਾਦ ਕਰਵਾ ਦਿਤਾ ਇਸ ਗੀਤ ਨੂੰ ਉਸ ਸਮੇਂ ਹੰਸ ਰਾਜ ਹੰਸ ਨੇ ਗਾਇਆ ਸੀ ਤੇ ਗੀਤ ਦੀ ਰਚਨਾ ਕੀਤੀ ਸੀ ਗਿਆਨੀ ਅਮਰਜੀਤ ਸਿੰਘ ਜੀ ਜੌਹਲ ਬਿਧੀਪੁਰ ਵਾਲਿਆਂ ਨੇ, ਉਸ ਸਮੇਂ ਇਹ ਗੀਤ ਬਚੇ -ਬਚੇ ਦੀ ਜ਼ੁਬਾਨ ਤੇ ਚੜ੍ਹ ਗਿਆ ਸੀ, ਇਸ ਕਰਕੇ ਜਿਥੇ ਜਥੇ ਦਾ ਸੰਗਤਾਂ ਵਲੌਂ ਬੇਹਦ ਸਤਿਕਾਰ ਕੀਤਾ ਗਿਆ ਉਥੇ ਪ੍ਰਬੰਧਕ ਕਮੇਟੀ ਵਲੋਂ ਵੀ ਉਨਾਂ ਨੂੰ ਵਿਸ਼ੇਸ਼ ਸਨਮਾਨ ਨਾਲ ਨਿਵਾਜ਼ਿਆ, ਜੌਹਲ ਜੀ ਨੇ ਵੀ ਸੰਗਤਾਂ ਦਾ ਤਹਿਦਿਲੋਂ ਧੰਨਵਾਦ ਕੀਤਾ। ਇਸ ਮੌਕੇ ਸ. ਪਰਮਜੀਤ ਸਿੰਘ ਕਾਰਮੋਨਾ,ਸ. ਨਿਸ਼ਾਨ ਸਿੰਘ ਜੀ ਪ੍ਰਧਾਨ, ਚੇਅਰਮੈਨ ਡਾ. ਦਲਬੀਰ ਸਿੰਘ ਜੀ, ਸ. ਭੁਪਿੰਦਰ ਸਿੰਘ ਜੀ ਭਦਾਸ, ਸ. ਕੁਲਵਿੰਦਰ ਸਿੰਘ ਸਾਬਕਾ ਪ੍ਰਧਾਨ, ਸ. ਜਸਵਿੰਦਰ ਸਿੰਘ ਰਾਮਗੜ,ਸ. ਲਾਲ ਸਿੰਘ ਸੁਰਤਾਪੁਰ, ਗਿਆਨੀ ਸੁਖਦੇਵਪਾਲ ਸਿੰਘ ਜੀ (ਅਪਣਾ ਬਜਾਰ ਵਾਲੇ),ਸ. ਸ਼ਰਨਜੀਤ ਸਿੰਘ ਠਾਕਰੀ, ਜਸਵਿੰਦਰ ਸਿੰਘ ਚੀਕਾ ਅਤੇ ਜੋਗਿੰਦਰ ਸਿੰਘ ਬੇਅੰਤ ਸੰਗਤਾਂ ਸਮੇਤ ਹਾਜਿਰ ਸਨ। ਸੰਗਤਾਂ ਲਈ ਅਤੁਟ ਲੰਗਰ ਵਰਤਾਇਆ ਗਿਆ॥
ਉਘੇ ਖੇਡ ਪ੍ਰਮੋਟਰ ਸ ਜਸਵੀਰ ਸਿੰਘ ਜੱਸਾ ਪੀ ਟੀ ਦਾ ਕਾਦਨੀਆਨੋ (ਸਨਪਾਉਲੋ )ਦੇ ਖੇਡ ਮੇਲੇ ਚ ਗੋਲਡ ਮੈਡਲ ਨਾਲ ਸਨਮਾਨ
ਰ੍ਰੋਮ(ਇਟਲੀ)22ਅਗਸਤ/ਟੇਕ ਚੰਦ ਜਗਤਪੁਰ
-ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ,ਰਿਜੋਮਿਲੀਆਂ ਵਲੋ ਸਨਪਾਉਲੋ ਵਿਖੇ ਆਯੋਜਿਤ ਹੋਏ ਸ਼ਾਨਦਾਰ ਖੇਡ ਮੇਲੇ ਚ ਇਟਲੀ ਦੇ ਉਘੇ ਖੇਡ ਪ੍ਰਮੋਟਰ ਸ ਜਸਵੀਰ ਸਿੰਘ ਜੱਸਾ ਪੀ ਟੀ (ਜੋ ਕਿ ਲੰਬੇ ਸਮੇਂ ਤੋ ਖੇਡ ਜਗਤ ਨਾਲ ਜੁੜੇ ਹੋਏ ਹਨ ਅਤੇ ਉਹ ਪੰਜਾਬ ਸਪੋਰਟਸ ਕਲੱਬ ਰਿਜੋਮਿਲੀਆ ਦੇ ਚੇਅਰਮੈਨ ਵੀ ਹਨ ,) ਦਾ ਉਸ ਦੀਆਂ ਖੇਡ ਜਗਤ ਚ ਪ੍ਰਾਪਤੀਆਂ ਨੂੰ ਮੁਖ ਰੱਖਦਿਆ ਨੂੰ ਉਸ ਨੂੰ ਚੜਦੀ ਕਲਾ ਸਪੋਰਟਸ ਕਲੱਬ ਦੇ ਪ੍ਰਧਾਨ ਸ ਧਰਮਿੰਦਰ ਸਿੰਘ ਕੰਗ ਵਲੋ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ । ਕਲੱਬ ਦੇ ਪ੍ਰਧਾਨ ਸ ਧਰਮਿੰਦਰ ਸਿੰਘ ਕੰਗ ਨੇ ਕਿਹਾ ਕਿ ਖੇਡ ਜਗਤ ਨੂੰ ਸਮਰਪਿਤ ਅਜਿਹੀਆਂ ਸ਼ਖਸ਼ੀਅਤਾਂ ਜੋ ਵੀ ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੂੰ ਉਪਰ ਚੁੱਕਣ ਲਈ ਸ਼ਲਾਘਾਯੋਗ ਉਪਰਾਲੇ ਕਰਨਗੀਆਂ ਜਾਂ ਕੋਈ ਵੀ ਖਿਡਾਰੀ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦਾ ਹੈ ਤਾਂ ਕਲੱਬ ਵਲੋ ਉਸ ਦਾ ਉਚੇਚਾ ਸਨਮਾਨ ਕੀਤਾ ਜਾਵੇਗਾ।ਵਰਨਣਯੋਗ ਹੈ ਕਿ ਕੰਗ ਵਲੋ ਪਹਿਲਾ ਵੀ ਵੱਖ-ਵੱਖ ਖਿਡਾਰੀਆਂ ਦਾ ਸਨਮਾਨ ਕੀਤਾ ਜਾ ਚੁੱਕਾ ਹੈ।ਉਨ੍ਹਾਂ ਸਮੂੰਹ ਖੇਡ ਪ੍ਰੇਮੀਆ ਨੂੰ ਪੁਰਜੋਰ ਅਪੀਲ ਕੀਤੀ ਕਿ ਅਨੁਸ਼ਾਸ਼ਨ,ਸਹਿਣਸੀ਼ਲਤਾ,ਸਮਾਨਤਾ ਅਤੇ ਭਾਈਚਾਰਕ ਸਾਂਝ ਦਾ ਸਬੂਤ ਦਿੰਦੇ ਹੋਏ ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਅਧੀਨ ਹੋ ਰਹੇ ਹਰ ਖੇਡ ਮੇਲੇ ਨੁੰ ਕਾਮਯਾਬ ਕਰਨ ਲਈ ਹੁੰਮ-ਹੂੰਮਾ ਕੇ ਪਹੁੰਚਣ।ਇਸ ਸਨਮਾਨ ਮੌਕੇ ਸ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਪ੍ਰਧਾਨ ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ,ਸ ਸਖਵਿੰਦਰ ਸਿੰਘ ਗੋਬਿੰਦਪੁਰੀ ਪ੍ਰਧਾਨ ਮੀਰੀ-ਪੀਰੀ ਸਪੋਰਟਸ ਕਲੱਬ ਇਟਲੀ,ਸ ਧਰਮਿੰਦਰ ਸਿੰਘ ਕੰਗ,ਸ ਜੈਲਦਾਰ ਅਵਤਾਰ ਸਿੰਘ ਚੈੜੀਆਂ, ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ,ਪ੍ਰਧਾਨ ਮੁਖਤਿਆਰ ਸਪੋਰਟਸ ਕਲੱਬ ਤਰਵੀਜੋ, ਸ ਸੰਤੋਖ ਸਿੰਘ ਲਾਲੀ ਪ੍ਰਧਾਨ ਇਟਲੀ ਕਬੱਡੀ ਫੈਡਰੇਸ਼ਨ,ਸ ਜਸਵੀਰ ਸਿੰਘ ਉਪਲ,ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ,ਸ ਪਰਮਜੀਤ ਸਿੰਘ ਢਿੱਲੋ, ਸ ਸੁਰਜੀਤ ਸਿੰਘ ਵਿਰਕ ,ਸ੍ਰੀ ਅਨਿਲ ਕੁਮਾਰ ਸ਼ਰਮਾ, ਸ ਸਤਵਿੰਦਰ ਸਿੰਘ ਟੀਟਾ,ਸ੍ਰੀ ਜਸਵੀਰ ਖਾਨ ਚੈੜੀਆਂ, ਸ੍ਰੀ ਦਿਲਵਰ ਖਾਨ ਚੈੜੀਆਂ, ਸ ਗੁਰਵਿੰਦਰ ਸਿੰਘ ਪਾਸ਼ਟਾ, ਸ ਨਿਰਮਲ ਸਿੰਘ ਡੀ ਐਮ ਵਾਸ਼, ਸ ਤੇਜਵੀਰ ਸਿੰਘ ਬੈਂਸ , ਸ੍ਰੀ ਕ੍ਰਿਸ਼ਨ ਲਾਲ ਕੁਰਾਲੀ, ਸ੍ਰੀ ਪਵਨ ਕੁਮਾਰ ਸੰਧੂ ਚੱਠਾ,ਸ ਰਣਜੀਤ ਸਿੰਘ ਧਾਮੀ,ਸ੍ਰੀ ਜੀ ਐਸ ਕਲੇਰ,ਸ੍ਰੀ ਅਸੋ਼ਕ ਕੁਮਾਰ ਧੁੰਨਾ,ਸ ਦਰਸ਼ਨ ਸਿੰਘ ਲੁਧਿਆਣਾ, ਪਰਮਜੀਤ ਸਿੰਘ ਦੋਸਾਝ, ਗਾਇਕ ਕੁਲਵਿੰਦਰ ਸੁੰਨਰ ਆਦਿ ਹਾਜਰ ਸਨ,
ਪੰਜਾਬੀ ਗਾਇਕ ਦੇਬੀ ਮਖਸੂਸਪੁਰੀ ਦੀ ਗਾਇਕੀ ਦਾ ਜਾਦੂ ਆਸਟ੍ਰੇਲੀਆ ਦੇ ਪੰਜਾਬੀਆਂ ਦੇ ਸਿਰ ਚੜ੍ਹ ਕੇ ਬੋਲਿਆ
ਮੈਲਬੌਰਨ (ਬਲਜੀਤ ਖੇਲਾ) 21 Aug 2010
ਪੰਜਾਬੀ ਸੰਗੀਤ ਜਗਤ ਦਾ ਬਿਹਤਰੀਨ ਗਾਇਕ ਤੇ ਗੀਤਕਾਰ ਇਹਨੀਂ ਦਿਨੀਂ ਆਸਟ੍ਰੇਲੀਆ ਪਹੁੰਚਿਆ ਹੋਇਆ ਹੈ।ਦੇਬੀ ਮਖਸੂਸਪੁਰੀ ਦੇ ਆਸਟ੍ਰੇਲੀਆ ਦੌਰੇ ਦੀ ਸ਼ੁਰੂਆਤ ਆਸਟ੍ਰੇਲੀਆ ਦੇ ਸ਼ਹਿਰ ਐਡੀਲੇਡ ਤੋਂ ਹੋਈ ਜਿੱਥੇ ਦੇਬੀ ਨੇ ਐਡੀਲੇਡ ਦੇ ਖਚਾ ਖਚ ਭਰੇ ਫੈਸਟੀਵਲ ਹਾਲ ‘ਚ ਹਜਾਰਾਂ ਹੀ ਪੰਜਾਬੀਆਂ ਨੂੰ ਆਪਣੇ ਗੀਤਾਂ ਤੇ ਸ਼ੇਅਰਾਂ ਨਾਲ ਝੂਮਣ ਲਾ ਕੇ ਆਪਣੀ ਗਾਇਕੀ ਦਾ ਲੋਹਾ ਮਨਵਾਇਆ।ਇਸਤੋਂ ਬਾਅਦ ਮੈਲਬੌਰਨ ਦੇ ਟਾਊਨ ਹਾਲ ‘ਚ ਮੈਲਬੌਰਨ ਦੇ ਹਜਾਰਾਂ ਹੀ ਪੰਜਾਬੀਆਂ ਦਾ ਖੂਬ ਮਨੋਰੰਜਨ ਕਰਨ ਤੋਂ ਬਾਅਦ ਦੇਬੀ ਮਖਸੂਸਪੁਰੀ ਆਸਟ੍ਰੇਲੀਆ ਦੇ ਦਿਲ ਵਜੋਂ ਜਾਣੇ ਜਾਂਦੇ ਸ਼ਹਿਰ ਸਿਡਨੀ ‘ਚ ਪਹੁੰਚਿਆ।ਸਿਡਨੀ ਦੇ ਇਲਾਕੇ ਪੈਰਾਮੈਟਾ ਵਿਖੇ ਸਥਿਤ ਯੂਨੀਵਰਸਿਟੀ ਆਫ ਵੈਸਟਰਨ ਸਿਡਨੀ ਦੇ ਕੈਂਪਸ ‘ਚ “ਪੰਜਾਬੀ ਵਰਲਡ ਇੰਟਰਟੇਨਰਜ” ਦੇ ਸਵਰਨ ਬਰਨਾਲਾ,ਕੁਲਵਿੰਦਰ ਬਦੇਸ਼ਾ,ਸਤਨਾਮ ਸਿੰਘ,ਹਰਪ੍ਰੀਤ ਸੰਧੂ ਤੇ ਸਾਥੀਆਂ ਵਲੋਂ ਜੱਸ ਖੱਟੜਾ,ਕਰਨ ਟਿਵਾਣਾ ਤੇ ਰਣਦੀਪ ਗਿੱਲ ਦੇ ਸਹਿਯੋਗ ਨਾਲ ਕਰਵਾਏ ਇਸ ਸ਼ੋਅ ਦੀ ਸ਼ੁਰੂਆਤ ‘ਚ ਆਸਟ੍ਰੇਲੀਆ ਦੀਆਂ ਪੰਜਾਬੀ ਸਟੇਜਾਂ ਦੀ ਸ਼ਾਨ ਹਰਜਿੰਦਰ ਜੌਹਲ ਤੇ ਸੁਖਵੀਰ ਕੌਰ ਬਰਨਾਲਾ ਨੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਨ ਲਈ ਸਿਡਨੀ ਦੇ ਹਜਾਰਾਂ ਹੀ ਪੰਜਾਬੀਆਂ ਦੀ ਮੌਜੂਦਗੀ ‘ਚ ਸਿਡਨੀ ਦੇ ਉਭਰਦੇ ਗਾਇਕ ਪ੍ਰੀਤ ਸਗਰਮ ਨੂੰ ਬੁਲਾਇਆ ਤੇ ਪ੍ਰੀਤ ਨੇ ਮਾਂ ਸਰਸਵਤੀ ਦੀ ਬੰਦਨਾ ਤੋਂ ਬਾਅਦ ਇੱਕ ਭੰਗੜੇ ਵਾਲਾ ਇੱਕ ਗੀਤ ਸੁਣਾ ਕੇ ਵਧੀਆ ਫਨਕਾਰ ਹੋਣ ਦਾ ਸਬੂਤ ਦਿੱਤਾ।ਇਸਤੋਂ ਬਾਅਦ ਹਰਜਿੰਦਰ ਜੌਹਲ ਤੇ ਸੁਖਵੀਰ ਕੌਰ ਵਲੋਂ ਜਦੋਂ ਦੇਬੀ ਮਖਸੂਸਪੁਰੀ ਨੂੰ ਸਟੇਜ ਤੇ ਬੁਲਾਇਆ ਤਾਂ ਸਿਡਨੀ ਹਜਾਰਾਂ ਹੀ ਪੰਜਾਬੀਆਂ ਨੇ ਆਪਣੇ ਇਸ ਮਹਿਬੂਬ ਫਨਕਾਰ ਦਾ ਸਵਾਗਤ ਤਾੜੀਆਂ,ਕੂਕਾਂ ਚੀਕਾਂ ਮਾਰੇ ਕੀਤਾ।ਦੇਬੀ ਸਟੇਜ ਤੇ ਆਉਂਦੇ ਹੀ ਸ਼ੁਰੂਆਤ ਇੱਕ ਧਾਰਮਿਕ ਗੀਤ “ਉਸ ਖੁਦਾ ਦੇ ਰੰਗਾਂ ਨੂੰ ਆਪ ਖੁਦਾਬੰਦ ਜਾਣੇ” ਤੋਂ ਕਰਕੇ ਇੱਕ ਤੋਂ ਬਾਅਦ ਇੱਕ ਸੁਪਰਹਿੱਟ ਗੀਤ ਗਾ ਕੇ ਤੇ ਸਰੋਤਿਆਂ ਦੀਆਂ ਫਰਮਾਇਸ਼ਾਂ ਪੂਰੀਆਂ ਕਰਕੇ ਹਾਲ ‘ਚ ਮਜੂਦ ਹਰ ਕਿਸੇ ਨੂੰ ਮੰਤਰਮੁਗਧ ਕਰ ਦਿੱਤਾ ਤੇ ਆਪਣੀ ਗਾਇਕੀ ਦਾ ਲੋਹਾ ਮਨਵਾਇਆ।ਇਸ ਪ੍ਰੋਗਰਾਮ ਦੇ ਦੌਰਾਨ ਹੀ ਪੰਜਾਬੀ ਵਰਲਡ ਇੰਟਰਟੇਨਰਜ ਅਤੇ ਸਿਡਨੀ ਦੇ ਕਾਰੋਬਾਰੀ ਸੱਜਣਾਂ ਵਲੋਂ ਦੇਬੀ ਮਖਸੂਸਪੁਰੀ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ।ਇਸ ਸਫਲ ਪ੍ਰੋਗਰਾਮ ਲਈ ਸਮੂਹ ਪ੍ਰਬੰਧਕ ਵਧਾਈ ਦੇ ਪਾਤਰ ਹਨ।
ਉਘੇ ਖੇਡ ਪ੍ਰਮੋਟਰ ਸ ਜਸਵੀਰ ਸਿੰਘ ਜੱਸਾ ਪੀ ਟੀ ਦਾ ਕਾਦਨੀਆਨੋ (ਸਨਪਾਉਲੋ )ਦੇ ਖੇਡ ਮੇਲੇ ਚ ਹੋਵੇਗਾ ਗੋਲਡ ਮੈਡਲ ਨਾਲ ਸਨਮਾਨ
ਰ੍ਰੋਮ(ਇਟਲੀ)21ਅਗਸਤ/ਟੇਕ ਚੰਦ ਜਗਤਪੁਰ-
ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ,ਰਿਜੋਮਿਲੀਆਂ ਵਲੋ ਸਨਪਾਉਲੋ ਵਿਖੇ ਆਯੋਜਿਤ ਹੋ ਰਹੇ ਖੇਡ ਮੇਲੇ ਚ ਇਟਲੀ ਦੇ ਉਘੇ ਖੇਡ ਪ੍ਰਮੋਟਰ ਸ ਜਸਵੀਰ ਸਿੰਘ ਜੱਸਾ ਪੀ ਟੀ (ਜੋ ਕਿ ਲੰਬੇ ਸਮੇਂ ਤੋ ਖੇਡ ਜਗਤ ਨਾਲ ਜੁੜੇ ਹੋਏ ਹਨ ਅਤੇ ਉਹ ਪੰਜਾਬ ਸਪੋਰਟਸ ਕਲੱਬ ਰਿਜੋਮਿਲੀਆ ਦੇ ਚੇਅਰਮੈਨ ਵੀ ਹਨ ,) ਦਾ ਉਸ ਦੀਆਂ ਖੇਡ ਜਗਤ ਚ ਪ੍ਰਾਪਤੀਆਂ ਨੂੰ ਮੁਖ ਰੱਖਦਿਆ ਨੂੰ ਉਸ ਨੂੰ ਚੜਦੀ ਕਲਾ ਸਪੋਰਟਸ ਕਲੱਬ ਵਲੋ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ। ਉਪਰੋਕਤ ਵਿਚਾਰਾਂ ਦਾ ਪ੍ਰਗਟਾਵਾ ਕਲੱਬ ਦੇ ਪ੍ਰਧਾਨ ਸ ਧਰਮਿੰਦਰ ਸਿੰਘ ਕੰਗ ਨੇ ਵਿਸੇ਼ਸ਼ ਗਲਬਾਤ ਦੋਰਾਨ ਕੀਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਕੋਈ ਵੀ ਖਿਡਾਰੀ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦਾ ਹੈ ਤਾਂ ਕਲੱਬ ਵਲੋ ਉਸ ਦਾ ਉਚੇਚਾ ਸਨਮਾਨ ਕੀਤਾ ਜਾਵੇਗਾ।ਵਰਨਣਯੋਗ ਹੈ ਕਿ ਉਸ ਵਲੋ ਪਹਿਲਾ ਵੀ ਵੱਖ-ਵੱਖ ਖਿਡਾਰੀਆਂ ਦਾ ਸਨਮਾਨ ਕੀਤਾ ਜਾ ਚੁੱਕਾ ਹੈ।ਉਨ੍ਹਾਂ ਸਮੂੰਹ ਖੇਡ ਪ੍ਰੇਮੀਆ ਨੂੰ ਪੁਰਜੋਰ ਅਪੀਲ ਕੀਤੀ ਕਿ ਅਨੁਸ਼ਾਸ਼ਨ,ਸਹਿਣਸੀ਼ਲਤਾ,ਸਮਾਨਤਾ ਅਤੇ ਭਾਈਚਾਰਕ ਸਾਂਝ ਦਾ ਸਬੂਤ ਦਿੰਸੇ ਹੋਏ ਇਸ ਮੇਲੇ ਨੁੰ ਕਾਮਯਾਬ ਕਰਨ ਲਈ ਹੁੰਮ-ਹੂੰਮਾ ਕੇ ਪਹੁੰਚਣ।
ਮੁੱਖਤਿਆਰ ਸਪੋਰਟਸ ਕਲੱਬ ਔਰਮੇਲੇ(ਤਰਵੀਜੋ) ਵਲੋ ਖੇਡ ਮੇਲਾ ਸਫਲਤਾਪੂਰਨ ਸਾਪੰਨ ਹੋਣ ਤੇ ਖੇਡ ਪ੍ਰੇਮੀਆਂ ਦਾ ਧੰਨਵਾਦ -ਮੁੱਖਤਿਆਰ ਸਿੰਘ ਮਜਾਰਾ
ਰੋਮ(ਇਟਲੀ) 19ਅਗਸਤ/ਟੇਕ ਚੰਦ ਜਗਤਪੁਰ, -
ਮੁੱਖਤਿਆਰ ਸਪੋਰਟਸ ਸਪੋਰਟਸ ਕਲੱਬ ਅੀਰਮੇਲੇ ਵਲੋ ਇਟਲੀ ਕਬੱਡੀ ਫੈਡਰੇਸ਼ਨ (ਲਾਲੀ) ਦੇ ਸਹਿਯੋਗ ਨਾਲ ਅਰਮੇਲੇ ਵਿਖੇ ਕਰਵਾਏ ਖੇਡ ਮੇਲੇ ਨੂੰ ਬੇਹੱਦ ਸਫਲਤਾਪੂਰਨ ਹੋਣ ਤੇ ਕਲੱਬ ਦੇ ਪ੍ਰਧਾਨ ਸ ਮੁੱਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਨੇ ਸਮੂੰਹ ਖੇਡ ਪ੍ਰੇਮੀਆਂ,ਦਰਸ਼ਕਾਂ,ਕਲੱਬਾਂ,ਖੇਡ ਪ੍ਰਮੋਟਰਾਂ ਦਾ ਦਿਲ ਦੀਆਂ ਗਹਰਾਈਆਂ ਚੋ ਨਿਘਾ ਧੰਨਵਾਦ ਕਰਦਿਆ ਭਵਿਖ ਚ ਵੀ ਆਸ ਪ੍ਰਗਟਾਈ ਕਿ ਉਹ ਇਸੇ ਤਰ੍ਹਾਂ ਕਲੱਬ ਦਾ ਸਹਿਯੋਗ ਦਿੰਦੇ ਰਹਿਣਗੇ।ਉਨ੍ਹਾਂ ਉਚੇਚੇ ਤੌਰ ਤੇ ਸ ਦਰਸ਼ਨ ਸਿੰਘ ਭੋਜੇਮਾਜਰਾ, ਸ ਗੁਰਜੀਤ ਸਿੰਘ ਗੋਸਲ,ਸ੍ਰੀ ਪਵਨ ਕੁਮਾਰ ਸੰਧੂ ਚੱਠਾ,ਸ ਨਿਰਭੈ ਸਿੰਘ,ਸ ਪਰਲਾਦ ਸਿੰਘ,ਭੂੰਡਾ ਸੇ਼ਖੂਪੁਰੀਆਂ,ਮੇਜਰ ਸਿੰਘ,ਸ ਜਸਪਾਲ ਸਿੰਘ ਪਨੇਸਰ,ਪੰਮੀ ਚਮਕੌਰ ਸਾਹਿਬ,ਰਾਜੂ ਚਮਕੌਰ ਸਾਹਿਬ, , ਜੈਲਦਾਰ ਅਵਤਾਰ ਸਿੰਘ ਚੈੜੀਆਂ, ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ,ਸ ਸੰਦੀਪ ਸਿੰਘ ਫਗਵਾੜਾ, ਸ ਭੁਪਿੰਦਰ ਸਿੰਘ ਕਾਹਨਗੜ,ਸ੍ਰੀ ਕ੍ਰਿਸ਼ਨ ਲਾਲ ਕੁਰਾਲੀ,ਸ ਜਸਵੀਰ ਸਿੰਘ ਮਾਗਟ ,ਸ ਧਰਮਿੰਦਰ ਸਿੰਘ ਕੰਗ, ਸ ਸੰਤੋਖ ਸਿੰਘ ਲਾਲੀ ਪ੍ਰਧਾਨ ਇਟਲੀ ਕਬੱਡੀ ਫੈਡਰੇਸ਼ ,ਸ ਸੁਰਜੀਤ ਸਿੰਘ ਵਿਰਕ, ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆ, ,ਸ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ,ਸ ਲਖਵਿੰਦਰ ਸਿੰਘ ਗੋਲੂ, ,ਘੁੱਕਾ ਕਾਰੀਸਾਹਰੀ,ਮਾਂਪੀ ਹੁਸਿਆਰਪੁਰੀਆ, ਸ ਸੁਰਜੀਤ ਸਿੰਘ ਭੰਗਲ,ਸ ਪਰਮਜੀਤ ਸਿੰਘ ਢਿਲੋ, ਘੁੱਕਾ ਕਾਰੀਸਾਰੀ,ਅਤੇ ਪ੍ਰੈਸ ਦਾ ਧੰਨਵਾਦ ਕੀਤਾ। ਇਸ ਮੋਕੇ ਤੇ ਮਦਨ,ਰਾਣਾ ਕੌਲਧਾਰ ਰਾਜੀ,ਸ ਪਰਦੌਪ ਸਿੰਘ ,ਰਿਕੂ ,ਗੁਰਮੁੱਖ ਸਿੰਘ ਆਦਿ ਨਾਲ ਸਨ।
ਵੀਹਵੀ ਸਦੀ ਦੀ ਸਿੱਖ ਰਾਜਨੀਤੀ ਦੇ ਲੇਖਕ ਤੇ ਉੱਘੇ ਚਿੰਤਕ ਸ੍ਰ. ਅਜਮੇਰ ਸਿੰਘ ਦਾ ਸ੍ਰ: ਹਰਿੰਦਰ ਸਿੰਘ ਮਹਿਬੂਬ ਯਾਦਗਰੀ, ਗੋਲਡ ਮੈਡਲ ਨਾਲ ਗੁਰਦੁਆਰਾ ਕੇਂਦਰੀ ਕਮੇਟੀ ਤੇ ਪੰਥਕ ਜਥੇਬੰਦੀਆਂ ਵੱਲੋ 22 ਅਗਸਤ ਨੂੰ ਨਿਉਨਬਰਗ ਵਿੱਚ ਹੋਵੇਗਾ ਸਨਮਾਣ ।
ਹੳਮਬੁਰਗ(ੳਮਰਜਤਿਗਿੰਘ ਸ਼ਿਧੂ):-19 Aug 2010
ਗੁਰਦੁਆਰਾ ਕੇਂਦਰੀ ਕਮੇਟੀ ਜਰਮਨੀ ਦੇ ਵਿਸ਼ੇਸ਼ ਸੱਦੇ ਤੇ ਜਰਮਨ ਵਿੱਚ ਪੰਹੁਚੇ ਸਿੱਖ ਕੌਮ ਦੇ ਉਘੇ ਚਿੰਤਕ ਜਿਨ੍ਹਾਂ ਨੇ ਵੀਹਵੀ ਸਦੀ ਦੀ ਸਿੱਖ ਰਾਜਨੀਤੀ( ਇੱਕ ਗੁਲਾਮੀ ਤੋਂ ਦੂਜੀ ਗੁਲਾਮੀ ਤੱਕ), ਕਿਸ ਬਿਧ ਰੁਲੀ ਪਾਤਸ਼ਾਹੀ (ਸਿੱਖ ਕੌਮ ਦਾ ਦੁਖਾਂਤ) ,ਜੂਨ 84 ਦੇ ਖੂਨੀ ਘਲੂਘਾਰਾ ਅਣਚਿਤਵਿਆ ਕਹਿਰ ,ਕਿਤਾਬਾਂ ਵਿੱਚ ਸਿੱਖ ਕੌਮ ਤੇ ਬ੍ਰਹਵਾਦੀ ਸੋਚ ਵੱਲੋ ਕੀਤੇ ਹਮਲਿਆ, ਸਿੱਖ ਲੀਡਰਾਂ ਦੀਆਂ ਕੰਮਜ਼ੋਰੀਆਂ ਦਾ ਬਰੀਕੀ ਨਾਲ ਮੁਲਅੰਕਣ ਤੇ ਵੀਹਵੀ ਸਦੀ ਦੇ ਮਹਾਨ ਸ਼ਹੀਦ ਸੰਤ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਦੀ ਅਦੁੱਤੀ ਕੁਰਬਾਨੀ ਨਾਲ ਇਤਿਹਾਸਿਕ ਹਵਾਲੇ ਦੇ ਕੇ ਨਿਆਂ ਹੀ ਨਹੀ ਕੀਤਾ ਸਗੋ ਇਸ ਮਹਾਨ ਸ਼ਹੀਦ ਦੀ ਸ਼ਹਾਦਤ ਤੋਂ ਅਣਜਾਣ ਲੋਕਾਂ ਨੂੰ ਵੀ ਬਹੁਤ ਹੀ ਸੁਲਝੇ ਹਏ ਵੀਚਾਰਾਂ ਰਾਹੀ ਜਾਣੂ ਕਰਵਾਇਆ ਹੈ ।ਸ੍ਰ. ਅਜਮੇਰ ਸਿੰਘ ਜੀ ਨੇ 31 ਜੁਲਾਈ ਨੂੰ ਬਾਬਾ ਬੰਦਾ ਸਿੰਘ ਬਹਾਦਰ ਦੇ ਪਹਿਲੇ ਖਾਲਸਾ ਰਾਜ ਦੀ ਤੀਜੀ ਸ਼ਤਾਬਦੀ ਨੂੰ ਸਮਰਪਿਤ ਫਰੈਕਫਰਟ ਦੇ ਸੈਮੀਨਾਰ ਤੋਂ ਸ਼ੁਰੂਆਤ ਕੀਤੀ ਤੇ ਇਸ ਤੋਂ ਬਾਅਦ ਸਟੁਟਗਾਟ, ਫਰਾਂਸ ,ਕਲੋਨ ਵਿੱਚ ਵਿਸ਼ੇਸ਼ ਵੀਚਾਰਾਂ ਸੰਗਤਾਂ ਨਾਲ ਸਾਂਝੀਆਂ ਕਰਨ ਤੋਂ ਬਾਅਦ 22 ਅਗਸਤ ਨੂੰ ਗੁਰਦੁਆਰਾ ਗੁਰੂ ਨਾਨਕ ਮਿਸ਼ਨ ਨਿਉਨਬਰਗ ਦੀਆਂ ਸੰਗਤਾਂ ਵੱਲੋਂ ਗੁਰਦੁਆਰਾ ਸਾਹਿਬ ਜੀ ਦੀ ਨਵੀ ਬਿਲਡਿੰਗ ਲੈਣ ਤੇ ਸਤਿਗੁਰਾਂ ਦਾ ਸ਼ੁਕਰਾਨਾ ਕਰਨ ਲਈ ਤੇ ਸਿੱਖ ਕੌਮ ਦੇ ਮੌਜੂਦਾਂ ਹਲਾਤਾਂ ਤੇ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਜਾ ਰਿਹਾ ਹੈ ਜਿਸ ਵਿੱਚ ਸਿੱਖ ਕੌਮ ਦੇ ਉਘੇ ਚਿੰਤਕ ਸ੍ਰ. ਅਜਮੇਰ ਸਿੰਘ ਜੀ ਦਾ ਸਿੱਖ ਕੌਮ ਦੇ ਸ਼ਰੋਮਣੀ ਸਾਹਿਤਕਾਰ ਸ੍ਰ. ਹਰਿੰਦਰ ਸਿੰਘ ਮਹਿਬੂਬ ਯਾਦਗਰੀ ਅਵਾਰਡ ਨਾਲ ਗੁਰਦੁਆਰਾ ਕੇਂਦਰੀ ਕਮੇਟੀ, ਪੰਥਕ ਜਥੇਬੰਦੀਆਂ , ਸਿੱਖ ਸੰਸਥਾਵਾਂ ਵੱਲੋ ਸਨਮਾਣ ਕੀਤਾ ਜਾਵੇਗਾ ।ਇਸ ਵਿਸ਼ੇਸ਼ ਸੈਮੀਨਾਰ ਤੇ ਆਸਟਰੀਆਂ , ਸਵਿਟਜ਼ਲੈਡ, ਇੰਗਲੈਂਡ,ਤੇ ਬੈਲਜ਼ੀਅਮ ਦੇ ਸਿੱਖ ਨਮਿੰਦਿਆਂ ਦੇ ਨਾਲ ਜਰਮਨ ਦੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ, ਪੰਥਕ ਜਥੇਬੰਦੀਆਂ ਤੇ ਸਿੱਖ ਸੰਸਥਾਵਾਂ ਦੇ ਸੇਵਾਦਾਰ ਵੀ ਪੰਹੁਚ ਰਹੇ ਹਨ । ਸੋ ਜਰਮਨ ਦੀਆਂ ਸਮੂਹ ਸਿੱਖ ਸੰਗਤਾਂ ਨੂੰ ਨਿਮਰਤਾ ਸਾਹਿਤ ਬੇਨਤੀ ਹੈ ।ਕਿ 22 ਅਗਸਤ ਨੂੰ ਗੁਰਦੁਆਰਾ ਨਿਉਨਬਰਗ ਵਿੱਚ ਪੰਹੁਚਕੇ ਆਏ ਵਿਦਵਾਨਾਂ ਦੇ ਵੀਚਾਰ ਸਰਵਣ ਕਰਨ ਤੇ ਸਿੱਖ ਰਾਜਨੀਤੀ ਨਾਲ ਸਬੰਧਤ ਆਪਣਾ ਕੋਈ ਵੀ ਸਵਾਲ ਉਹਨਾਂ ਨਾਲ ਸਾਂਝਾ ਕਰ ਸਕਦੇ ਹਨ ।ਸਿੱਖ ਕੌਮ ਦੇ ਮਹਾਨ ਵਿਦਵਾਨ ਸ੍ਰ. ਹਰਿੰਦਰ ਸਿੰਘ ਜੀ ਮਹਿਬੂਬ ਜਿਹਨਾਂ ਨੇ ਸਿੱਖ ਕੌਮ ਨੂੰ ਬਹੁਤ ਹੀ ਵਿਦਵੱਤਾ ਭਰਪੂਰ ਰਚਨਾਵਾਂ ਸਹਿਜੇ ਰਚਿਓ ਖਾਲਸਾ, ਇਲਾਹੀ ਨਦਰ ਦੇ ਪੈਡੇ(ਮਹਾਂ-ਕਾਵਿ), ਝਨਾਂ ਦੀ ਰਾਤ ਦਿੱਤੀਆਂ ਹਨ ਜੋ ਕਿ ਪਿਛਲੇ ਸਮੇਂ ਸਰੀਰਕ ਤੌਰਤੇ ਵਿਛੋੜਾ ਦੇਕੇ ਵੀ ਇਹਨਾਂ ਰਚਨਾਂ ਦੇ ਜਰੀਏ ਉਹਨਾਂ ਦੀ ਰੂਹ ਸਦਾ ਕੌਮ ਵਿੱਚ ਵਿਰਚਰਦੀ ਰਹੇਗੀ ਨੂੰ ਯਾਦ ਕਰਨ ਲਈ ਉਹਨਾਂ ਦੀ ਯਾਦ ਵਿੱਚ ਹੀ ਸ੍ਰ: ਹਰਿੰਦਰ ਸਿੰਘ ਮਹਿਬੂਬ ਯਾਦਗਰੀ ਗੋਲਡਮੈਡਲ ਨਾਲ ਸ੍ਰ. ਅਜਮੇਰ ਸਿੰਘ ਜੀ ਨੂੰ ਗੁਰਦੁਆਰਾ ਕੇਦਰੀ ਕਮੇਟੀ ਪ੍ਰਧਾਨ ਭਾਈ ਕਮਲਜੀਤ ਸਿੰਘ ਰਾਏ, ਚੇਅਰਮੈਨ ਭਾਈ ਸਤਨਾਮ ਸਿੰਘ ਬੱਬਰ, ਮੀਤ ਪ੍ਰਧਾਨ ਭਾਈ ਦਿਲਬਾਗ ਸਿੰਘ, ਜਨਰਲ ਸਕੱਤਰ ਭਾਈ ਮਨਜੀਤ ਸਿੰਘ ਹੋਠੀ ਸਕੱਤਰ ਭਾਈ ਮੁਖਤਿਆਰ ਸਿੰਘ, ਖਜਾਨਚੀ ਭਾਈ ਰੁਲਦਾ ਸਿੰਘ ਮੀਤ ਖਜਾਨਚੀ ਭਾਈ ਮਨਜੀਤ ਸਿੰਘ ਰਾਂਸੀ, ਪ੍ਰੈਸ ਸਕੱਤਰ ਭਾਈ ਤਰਸੇਮ ਸਿੰਘ ਗੁਰਦੁਆਰਾ ਸਿੱਖ ਸੈਟਰ ਫਰੈਕਫਰਟ ਦੇ ਪ੍ਰਧਾਨ ਭਾਈ ਅਨੂਪ ਸਿੰਘ, ਲਾਇਪਸਿਕ ਦੇ ਪ੍ਰਧਾਨ ਭਾਈ ਬਲਦੇਵ ਸਿੰਘ ਬਾਜਵਾ, ਰੀਗਨਸਬਰਗ ਦੇ ਭਾਈ ਸੁਖਵਿੰਦਰ ਸਿੰਘ ,ਅਕਸਬਰਗ ਦੇ ਭਾਈ ਕਸ਼ਮੀਰ ਸਿੰਘ , ਗੁਰਦੁਆਰਾ ਏਸਨ ਪ੍ਰਧਾਨ ਭਾਈ ਅਮਰੀਕ ਸਿੰਘ, ਗੁਰਦੁਆਰਾ ਮਨਹਾਈਮ ਭਾਈ ਇਕਬਾਲ ਸਿੰਘ ਪੰਥਕ ਜਥੇਬੰਦੀਆਂ ਸਿੱਖ ਫੈਡਰੇਸ਼ਨ ਜਰਮਨੀ ਦੇ ਆਗੂ ਭਾਈ ਗੁਰਚਰਨ ਸਿੰਘ ਗੁਰਾਇਆ ,ਬੱਬਰ ਖਾਲਸਾ ਇੰਟਰਨੈਸ਼ਨਲ ,ਜਥੇਦਾਰ ਹਰਦਵਿੰਦਰ ਸਿੰਘ ਬੱਬਰ, ਦਲ ਖਾਲਸਾ ਇੰਟਰਨੈਸ਼ਨਲ ਦੇ ਭਾਈ ਗੁਰਦੀਪ ਸਿੰਘ ਪ੍ਰਦੇਸੀ ਤੇ ਸਿੱਖ ਸੰਸਥਾਵਾਂ ਵੱਲੋ ਸਾਂਝੇ ਰੂਪ ਵਿੱਚ ਸਨਮਾਨਤ ਕੀਤਾ ਜਾਵੇਗਾ
ਹੜ ਪ੍ਰਭਾਵਿਤ ਪਾਕਿ ਨੂੰ ਮਿਲੇਗੀ ਹੋਰ ਅਮਰੀਕੀ ਮਦਦ
ਵਾਸ਼ਿੰਗਟਨ, 19 ਅਗਸਤ -
ਹੜ ਪ੍ਰਭਾਵਿਤ ਪਾਕਿਸਤਾਨ ਦੀ ਸਥਿਤੀ ਵਿੱਚ ਛੇਤੀ ਕਿਸੇ ਸੁਧਾਰ ਦੀ ਸੰਭਾਵਨਾ ਨੂੰ ਨਾ ਦੇਖਦਿਆਂ ਅਮਰੀਕਾ ਨੇ ਕਿਹਾ ਹੈ ਕਿ ਆਫ਼ਤ ਨਾਲ ਜੂਝ ਰਹੇ ਇਸ ਦੇਸ਼ ਨੂੰ ਹੋਰ ਅਮਰੀਕੀ ਸਹਾਇਤਾ ਦਿੱਤੇ ਜਾਣ ਦਾ ਐਲਾਨ ਕੀਤਾ ਜਾ ਸਕਦਾ ਹੈ। ਅਮਰੀਕਾ ਹੁਣ ਤੱਕ ਪਾਕਿਸਤਾਨ ਨੂੰ ਰਾਹਤ ਕਾਰਜਾਂ ਲਈ 7 ਕਰੋੜ 60 ਲੱਖ ਡਾਲਰ ਦੀ ਸਹਾਇਤਾ ਰਾਸ਼ੀ ਦੇ ਚੁੱਕਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਪਾਕਿਸਤਾਨ ਵਿੱਚ ਇਸ ਹੜ ਨਾਲ ਦੋ ਕਰੋੜ ਲੋਕ ਪ੍ਰਭਾਵਿਤ ਹੋਏ ਹਨ।
ਸੰਯੁਕਤ ਰਾਸ਼ਟਰ ਦੇ ਜਨਰਲ ਸਕੱਤਰ ਬਾਨ ਕੀ ਮੂਨ ਨੇ ਪਾਕਿਸਤਾਨ ਵਿੱਚ ਆਏ ਭਿਆਨਕ ਹੜ ਨੂੰ ਸੁਨਾਮੀ ਅਤੇ ਹੈਤੀ ਭੂਚਾਲ ਤੋਂ ਵੱਡੀ ਕੁਦਰਤੀ ਆਫ਼ਤ ਦੱਸਿਆ ਹੈ। ਅਮਰੀਕੀ ਵਿਦੇਸ਼ ਮੰਤਰਾਲੇ ਦੇ ਉਪ ਬੁਲਾਰੇ ਮਾਰਕ ਟੋਨਰ ਨੇ ਕਿਹਾ– ਕਿਸੇ ਨੂੰ ਨਹੀਂ ਲੱਗ ਰਿਹਾ ਕਿ ਇਹਨਾਂ ਸਥਿਤੀਆਂ ਵਿੱਚ ਛੇਤੀ ਹੀ ਕੁਝ ਬਦਲਾਅ ਹੋਣ ਵਾਲਾ ਹੈ ਇਸ ਲਈ ਮੈਨੂੰ ਨਹੀਂ ਲੱਗਦਾ ਹੈ ਕਿ ਅਸੀਂ ਲਗਾਤਾਰ ਸਥਿਤੀ ਦਾ ਦੌਰਾ ਕਰਾਂਗੇ ਅਤੇ ਸੰਭਾਵਿਤ ਸਹਾਇਤਾ ਵਧਾਈ ਜਾਵੇਗੀ।
——————————————————————-
ਚੀਨ ਦੀ ਵਧਦੀ ਤਾਕਤ ਤੋਂ ਚਿੰਤਿਤ ਨਹੀਂ ਅਮਰੀਕਾ
ਵਾਸ਼ਿੰਗਟਨ, 19 ਅਗਸਤ -
ਅਮਰੀਕਾ ਦਾ ਕਹਿਣਾ ਹੈ ਕਿ ਚੀਨ ਦੀ ਪੀਪੁਲਸ ਲਿਬਰੇਸ਼ਨ ਆਰਮੀ (ਪੀ.ਐਲ.ਏ.) ਦੀ ਵਧਦੀ ਤਾਕਤ ਅਤੇ ਸੈਨਾ ਤਿਆਰੀਆਂ ਉਸ ਦੇ ਲਈ ਚਿੰਤਾ ਦਾ ਸਬੱਬ ਨਹੀਂ ਹੈ। ਰੱਖਿਆ ਹੈਡ ਕੁਆਰਟਰ ਪੈਂਟਾਗਨ ਨੇ ਆਪਣੀ ਸਾਲਾਨਾ ਰਿਪੋਰਟ ਵਿੱਚ ਪੀ.ਐਲ.ਏ. ਦੀਆਂ ਸੈਨਾ ਤਿਆਰੀਆਂ ਬਾਰੇ ਦੱਸਿਆ ਹੈ। ਵਿਦੇਸ਼ ਵਿਭਾਗ ਦੇ ਉਪ ਬੁਲਾਰੇ ਮਾਰਕ ਟੋਨਰ ਦਾ ਕਹਿਣਾ ਹੈ ਕਿ ਅਸੀਂ ਚੀਨ ਦੇ ਨਾਲ ਭਰੋਸੇਮੰਦ ਅਤੇ ਟਿਕਾਊ ਸੈਨਾ ਸਾਂਝੇਦਾਰੀ ਜਾਰੀ ਰੱਖਣਾ ਚਾਹੁੰਦੇ ਹਾਂ। ਸਾਡੇ ਉਹਨਾਂ ਦੇ ਨਾਲ ਮਜ਼ਬੂਤ ਰਾਜਨੀਤਿਕ ਸੰਬੰਧ ਹਨ। ਮੈਂ ਇਸ ਨੂੰ ਚਿੰਤਾ ਦੀ ਵਜਾ ਦੇ ਰੂਪ ਵਿੱਚ ਨਹੀਂ ਦੇਖਦਾ। ਪੈਂਟਾਗਨ ਦੀ ਰਿਪੋਰਟ ਬਾਰੇ ਪੁੱਛੇ ਜਾਣ ’ਤੇ ਉਹਨਾਂ ਕਿਹਾ–ਅਸੀਂ ਚੀਨ ਦੇ ਨਾਲ ਰਾਜਨੀਤਿਕ ਸੰਬੰਧ ਅਤੇ ਗੱਲਬਾਤ ਜਾਰੀ ਰੱਖਾਂਗੇ। ਅਸੀਂ ਆਪਸੀ ਸੈਨਾ ਸਹਿਯੋਗ ਵੀ ਕਰਦੇ ਰਹਿਣਗੇ।
ਸ਼ਰੋਮਣੀ ਅਕਾਲੀ ਦਲ (ਪੰਚ ਪ੍ਰਧਾਨੀ) ਦੇ ਆਗੂ ਭਾਈ ਸੁਰਿੰਦਰਪਾਲ ਸਿੰਘ ਦੇ ਅਕਾਲ ਚਲਾਣੇ ਤੇ ਡੂੰਘੇ ਦੁਖ ਦਾ ਪ੍ਰਗਟਾਵਾਂ ।
ੳਮਬੁਰਗ(ੳਮਰਜੀਟ ਸਿੰਘ ਸਿਾਧੂ :-18 Aug 2010
ਸਿੱਖ ਫੈਡਰੇਸ਼ਨ ਜਰਮਨੀ ਦੇ ਆਗੂ ਭਾਈ ਗੁਰਚਰਨ ਸਿੰਘ ਗੁਰਾਇਆ, ਭਾਈ ਜਤਿੰਦਰਬੀਰ ਸਿੰਘ, ਭਾਈ ਰਸ਼ਪਾਲ ਸਿੰਘ, ਭਾਈ ਜਸਵੀਰ ਸਿੰਘ ,ਭਾਈ ਅਵਤਾਰ ਸਿੰਘ ਪ੍ਰਧਾਨ ਭਾਈ ਤਰਲੋਕ ਸਿੰਘ, ਭਾਈ ਗੁਰਵਿੰਦਰ ਸਿੰਘ, ਸਿੱਖ ਫੈਡਰੇਸ਼ਨ ਸਵਿਟਜ਼ਰਲੈਡ ਦੇ ਆਗੂ ਭਾਈ ਅਮਰਜੀਤ ਸਿੰਘ, ਭਾਈ ਗੁਰਦਾਵਰ ਸਿੰਘ ਇੰਟਰਨੈਸ਼ਨਲ ਬੈਲਜ਼ੀਅਮ ਦੇ ਪ੍ਰਧਾਨ ਭਾਈ ਜਗਦੀਸ਼ ਸਿੰਘ ਭੂਰਾ ਨੇ ਪ੍ਰੈਸ ਦੇ ਨਾ ਜਾਰੀ ਬਿਆਨ ਵਿੱਚ ਸ਼ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਆਗੂ ਭਾਈ ਸੁਰਿੰਦਰਪਾਲ ਸਿੰਘ ਜੀ ਬੀਮਾਰੀ ਦੇ ਕਾਰਣ ਪਿਛਲੇ ਸਮੇਂ ਤੋਂ ਕੌਮਾਂ ਵਿੱਚ ਚਲੇ ਜਾਣ ਤੋਂ ਬਾਅਦ ਕਲ੍ਹ ਅਕਾਲ ਚਾਲਣਾ ਕਰ ਗਏ ਇਸ ਨਾਲ ਪਰਿਵਾਰ, ਸ਼ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਤੇ ਸਿੱਖ ਸੰਘਰਸ਼ ਨੂੰ , ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ ।ਭਾਈ ਸੁਰਿੰਦਰਪਾਲ ਸਿੰਘ ਜਿਨ੍ਹਾਂ ਨੇ ਅਕਾਲ ਪੁਰਖ ਦੇ ਬਖਸ਼ੇ ਸਵਾਸਾਂ ਦਾ ਬਹੁਤਾਂ ਸਮਾਂ ਸਿੱਖ ਕੌਮ ਦੀ ਸੇਵਾ ਕਰਦਿਆਂ ਹੀ ਬਿਤਾਇਆ ।ਪਹਿਲਾਂ ਰੂਪ ਪੋਸ਼ ਹੋਕੇ ਸਿੱਖ ਕੌਮ ਦੀ ਅਜ਼ਾਦੀ ਦੇ ਸੰਘਰਸ਼ ਵਿੱਚ ਅਹਿਮਯੋਗਦਾਨ ਪਾਇਆ ਹੈ । ਉੱਥੇ ਪਲਿਸ ਦੇ ਹੱਥ ਆਉਣ ਤੇ ਭਾਰੀ ਤਸ਼ਦੱਦ ਦਾ ਸਾਹਮਣਾ ਕਰਨ ਤੇ ਜੇਲ੍ਹ ਦੀਆਂ ਕਾਲ ਕੋਠੜੀਆਂ ਦੇ ਸਫਰ ਤੋਂ ਬਾਅਦ ਜੇਲ੍ਹ ਵਿੱਚ ਬੰਦ ਸਿੰਘਾਂ ਦੇ ਕੇਸਾਂ ਦੀ ਪੈਰਵਾਈ ,ਭਾਈ ਦਲਜੀਤ ਸਿੰਘ ਬਿੱਟੂ ਦੇ ਦਿਸ਼ਾਂ ਨਿਰਦੇਸ਼ਾਂ ਤੇ ਚਲਦੇ ਹੋਏ, ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਨੂੰ ਮੁੜ ਲੀਹਾਂ ਤੇ ਖੜ੍ਹਾਂ ਕਰਨ, ਸਿੱਖ ਸ਼ਹਾਦਤ ਪੇਪਰ ਸ਼ੁਰੂ ਕਰਨਾ , ਭਾਈ ਦਵਿੰਦਰਪਾਲ ਸਿੰਘ ਭੁੱਲਰ ਦੇ ਕੇਸ ਦੀ ਪੈਰਵਾਈ ਤੇ ਸ਼ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਲਈ ਭਾਈ ਦਲਜੀਤ ਸਿੰਘ ਬਿੱਟੂ ਨਾਲ ਮੋਢੇ ਨਾਲ ਮੋਢਾ ਢਾਹ ਕੇ ਨਿਭਾਈ ਸੇਵਾ ਭਾਈ ਸੁਰਿੰਦਰਪਾਲ ਸਿੰਘ ਜੀ ਦੇ ਅਕਾਲ ਚਲਾਣੇ ਕਰਕੇ ਘਾਟ ਹਮੇਸ਼ਾਂ ਰੜਕਦੀ ਰਹੇਗੀ । ਇਸ ਬੇਵਕਤ ਅਕਾਲੇ ਚਲਾਣੇ ਤੇ ਸਰੀਰਕ ਤੌਰਤੇ ਵਿਛੜੇ ਭਾਈ ਸੁਰਿੰਦਰਪਾਲ ਸਿੰਘ ਨੂੰ ਭਾਵਭਿੰਨੀ ਸ਼ਰਧਾਜ਼ਲੀ ਅਰਪਣ ਕਰਦੇ ਹੋਏ । ਉਸ ਅਕਾਲ ਪੁਰਖ ਦੇ ਚਰਨਾਂ ਵਿੱਚ ਅਰਦਾਸ ਹੈ, ਕਿ ਅਕਾਲ ਪੁਰਖ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬੱਲ ਬਖਸ਼ੇ ।
ਪੰਜਾਬੀ ਗਾਇਕ ਦੇਬੀ ਮਖਸੂਸਪੁਰੀ ਦੱਖਣੀ ਆਸਟ੍ਰੇਲੀਆ ਦੇ ਪੰਜਾਬੀਆਂ ਵਲੋਂ ਸਨਮਾਨਿਤ
ਐਡੀਲੇਡ (ਬਲਜੀਤ ਖੇਲਾ) 18 ਅਗਸਤ
ਪੰਜਾਬੀ ਦੇ ਮਸ਼ਹੂਰ ਗਾਇਕ ਤੇ ਗੀਤਕਾਰ ਇਹਨੀਂ ਦਿਨੀਂ ਆਸਟ੍ਰੇਲੀਆ ਦੌਰੇ ਉੱਤੇ ਆਏ ਹੋਏ ਹਨ।ਦੇਬੀ ਮਖਸੂਸਪੁਰੀ ਵਲੋਂ ਆਪਣੇ ਇਸ ਦੌਰੇ ਦੀ ਸ਼ੁਰੂਆਤ ਇੱਥੋਂ ਦੇ ਸ਼ਹਿਰ ਐਡੀਲੇਡ ਤੋਂ ਕੀਤੀ ਤੇ ਆਜਾਦੀ ਦਿਵਸ ਮੌਕੇ ਆਪਣੇ ਗੀਤਾਂ ਤੇ ਸ਼ੇਅਰਾਂ ਰਾਹੀਂ ਇੱਥੋਂ ਦੇ ਫੈਸਟੀਵਲ ਹਾਲ ‘ਚ ਐਡੀਲੇਡ ਦੇ ਪੰਜਾਬੀਆਂ ਦਾ ਖੂਬ ਮਨੋਰੰਜਨ ਕੀਤਾ।ਇਸਤੋਂ ਬਾਅਦ ਦੇਬੀ ਮਖਸੂਸਪੁਰੀ ਦੱਖਣੀ ਆਸਟ੍ਰੇਲੀਆ ‘ਚ ਪੰਜਾਬੀਆਂ ਦੇ ਗੜ੍ਹ ਵਜੋਂ ਜਾਣੇ ਜਾਂਦੇ ਇਲਾਕੇ ‘ਚ ਸੁਲੱਖਣ ਸਹੋਤਾ ਦੇ ਘਰ ਪਹੁੰਚੇ ਜਿੱਥੇ ਰੈਨਮਾਰਕ ਦੇ ਕਰੀਬ 50 ਕੁ ਪੰਜਾਬੀਆਂ ਨੇ ਮਾਂ ਬੋਲੀ ਪੰਜਾਬੀ ਦੇ ਬਿਹਤਰੀਨ ਫਨਕਾਰ ਦੇਬੀ ਮਖਸੂਸਪੁਰੀ ਨੂੰ ਜੀ ਆਇਆਂ ਕਿਹਾ ਤੇ ਰੈਨਮਾਰਕ ਵਿਚਲੇ ਪੰਜਾਬੀਆਂ ਵਾਰੇ ਜਾਣਕਾਰੀ ਵੀ ਦਿੱਤੀ।ਇਸ ਮੌਕੇ ਸੁਲੱਖਣ ਸਹੋਤਾ ਤੋਂ ਇਲਾਵਾ ਠੇਕੇਦਾਰ ਪਲਮਿੰਦਰ ਸਿੰਘ ਕਿੰਦੀ ਨਾਗਰਾ,ਮਹਿੰਦਰ ਸਿੰਘ ਕਾਹਲੋਂ,ਜੱਸ ਖੱਟੜਾ,ਰਣਦੀਪ ਗਿੱਲ ਤੇ ਰੈਨਮਾਰਕ ਦੇ ਬਹੁਤ ਸਾਰੇ ਪੰਜਾਬੀ ਹਾਜਿਰ ਸਨ।ਇਸ ਮੌਕੇ ਗੱਲਾਂਬਾਤਾਂ ਤੋਂ ਬਾਅਦ ਸ਼ੇਅਰੋ ਸ਼ਾਇਰੀ ਦਾ ਦੌਰ ਵੀ ਚੱਲਿਆ ਤੇ ਬਾਅਦ ‘ਚ ਸੁਲੱਖਣ ਸਹੋਤਾ ਤੇ ਹੋਰ ਪੰਜਾਬੀਆਂ ਵਲੋਂ ਦੇਬੀ ਮਖਸੂਸਪੁਰੀ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਤੇ ਰੈਨਮਾਰਕ ਦੀ ਫੇਰੀ ਪਾਉਣ ਲਈ ਧੰਨਵਾਦ ਕੀਤਾ।ਅਖੀਰ ‘ਚ ਦੇਬੀ ਨੇ ਹਾਜਿਰ ਸਮੂਹ ਪੰਜਾਬੀਆਂ ਦਾ ਉਹਨਾਂ ਵਲੋਂ ਦਿੱਤੇ ਗਏ ਅਥਾਹ ਪਿਆਰ ਤੇ ਸਤਿਕਾਰ ਲਈ ਧੰਨਵਾਦ ਕੀਤਾ।ਦੇਬੀ ਮਖਸੂਸਪੁਰੀ ਦੇ ਅਗਲਾ ਸ਼ੋਅ ਮੈਲਬੌਰਨ ‘ਚ 20 ਅਗਸਤ ਨੂੰ ਸਿਡਨੀ ‘ਚ 21 ਅਗਸਤ ਨੂੰ ਤੇ ਆਖਰੀ ਸ਼ੋਅ ਬ੍ਰਿਸਬੇਨ ‘ਚ 22 ਅਗਸਤ ਨੂੰ ਹੋਵੇਗਾ।
ਸਿਡਨੀ ਦੇ ਭਾਰਤੀਆਂ ਵਲੋਂ ਆਯੋਜਿਤ ਸਮਾਗਮ ‘ਚ ਆਸਟ੍ਰੇਲੀਅਨ ਸਰਕਾਰ ਦੇ ਐਮ.ਪੀਜ ਨੇ ਸ਼ਿਰਕਤ ਕੀਤੀ
ਸਿਡਨੀ (ਅਮਰਜੀਤ ਖੇਲਾ) 18 ਅਗਸਤ
ਸਿਡਨੀ ਵਿਚਲੇ ਕੁੱਝ ਕੁ ਭਾਰਤੀ ਬਿਜਨੈੱਸਮੈਨਾਂ ਵਲੋਂ ਭਾਰਤ ਦੇ ਆਜਾਦੀ ਦਿਵਸ ਦੇ ਜਸ਼ਨਾਂ ਦੇ ਸੰਬੰਧ ‘ਚ ਇੱਕ ਵਿਸ਼ੇਸ ਸਮਾਰੋਹ ਦਾ ਆਯੋਜਿਨ ਇੱਥੋਂ ਦੇ ਕਸਬਾ ਕਾਸਲ ਹਿੱਲ ‘ਚ ਕੀਤਾ ਗਿਆ।ਡਾ. ਜਗਵਿੰਦਰ ਵਿਰਕ ਵਲੋਂ ਭੇਜੀ ਜਾਣਕਾਰੀ ਮੁਤਾਬਿਕ ਇਸ ਸਮਾਗਮ ‘ਚ ਸੈਂਕੜੇ ਹੀ ਭਾਰਤੀ ਬਿਜਨੈਸਮੈਨਾਂ ਤੋਂ ਇਲਾਵਾ ਨਿਊ ਸਾਊਥ ਵੇਲਜ ਪਾਰਲੀਮੈਂਟ ‘ਚ ਵਿਰੋਧੀ ਧਿਰ ਦੇ ਆਗੂ ਸ਼੍ਰੀ ਬੈਰੀ ਓ ਫੈਰਲ,ਫੈਡਰਲ ਸਰਕਾਰ ਦੇ ਮੈਂਬਰ ਪਾਰਲੀਮੈਂਟ ਸ਼੍ਰੀ ਅਲੈਕਸ ਹਾਕ,ਰੇਅ ਵਿਲੀਅਮਜ ਤੇ ਆਉਣ ਵਾਲੀਆਂ ਚੋਣਾਂ ਦੇ ਉਮੀਦਵਾਰ ਸ਼੍ਰੀ ਜੇਮਸ ਡਿਆਜ ਤੇ ਚਾਰਲਸ ਕੈਮਿਉਲੀ ਨੇ ਸ਼ਮੂਲੀਅਤ ਕੀਤੀ ਤੇ ਹਾਜਿਰ ਭਾਰਤੀ ਭਾਈਚਾਰੇ ਨੂੰ ਆਜਾਦੀ ਦਿਵਸ ਦੀ ਵਧਾਈ ਦਿੱਤੀ।ਇਸ ਸਮਾਗਮ ਦੀ ਸ਼ੁਰੂਆਤ ਬਾਲੀਵੁੱਡ ਡਾਂਸ ਦੇ ਨਾਲ ਹੋਈ ਜਿਸ ‘ਚ ਸਿਡਨੀ ਦੇ ਵੱਖ ਵੱਖ ਭਾਰਤੀ ਕਲਾਕਾਰਾਂ ਨੇ ਹਾਜਿਰ ਸਾਰਿਆਂ ਦਾ ਖੂਬ ਮਨੋਰੰਜਨ ਕੀਤਾ।ਇਸ ਮੌਕੇ ਰਾਸ਼ਟਰੀ ਗੀਤ ਗਾ ਕੇ ਦੇਸ਼ ਦੀ ਆਜਾਦੀ ਲਈ ਜਾਨਾਂ ਵਾਰਨ ਵਾਲਿਆਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਤੇ ਬਾਅਦ ‘ਚ ਭਾਰਤ ਤੋਂ ਆਸਟ੍ਰੇਲੀਆ ਆ ਕੇ ਮੱਲਾਂ ਮਾਰਨ ਵਾਲਿਆਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।ਇਸ ਮੌਕੇ ਸਿਡਨੀ ਦੇ ਉੱਘੇ ਭਾਰਤੀ ਬਿਜਨੈਸਮੈਨ ਅਵਤਾਰ ਬਿੱਲੂ,ਸ਼੍ਰੀਮਤੀ ਅਨੁਰਾਧਾ ਚੰਦਰਾਲਾ,ਹਰੀ ਕਪਿਲਾ,ਵਿਕਰਮ ਸ਼ਰਮਾ,ਕੁਲਵੰਤ ਸਿੰਘ ਗੁਰਤੇਜ ਸਿੰਘ ਤੇ ਹੋਰ ਬਹੁਤ ਸਾਰੇ ਹਾਜਿਰ ਸਨ।ਅਖੀਰ ‘ਚ ਡਾ. ਵਿਰਕ ਸਭ ਦਾ ਇਸ ਸਮਾਗਮ ‘ਚ ਆਉਣ ਲਈ ਧੰਨਵਾਦ ਕੀਤਾ।
ਖੇਡ ਪ੍ਰੇਮੀਆਂ ਦੇ ਦਿਲਾਂ ਤੇ ਅਮਿੱਟ ਪੈੜ੍ਹਾਂ ਪਾ ਗਿਆ ਔਰਮੇਲੇ (ਤਰਵੀਜੋ) ਦਾ ਖੇਡ ਮੇਲਾ ।
ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ ਨੇ ਸ਼ਾ਼ਨੋ-ਸ਼ੌਕਤ ਨਾਲ ਜਿੱਤਿਆ ਇਸ ਖੇਡ ਮੇਲੇ ਦਾ ਕਬੱਡੀ ਕੱਪ
ਰੋਮ(ਇਟਲੀ)1 7ਅਗਸਤੀ/ਟੇਕ ਚੰਦ ਜਗਤਪੁਰ-
ਵਿਦੇਸ਼ਾਂ ਚ ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੂੰ ਪ੍ਰਫੁਲਿਤ ਕਰਨ ਲਈ ਮੁਖਤਿਆਰ ਸਪੋਰਟਸ ਕਲੱਬ ਔਰਮੇਲੇ(ਤਰਵੀਜੋ)ਵਲੋ ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਦੇ ਸਹਿਯੋਗ ਨਾਲ ਕਲੱਬ ਦੇ ਪ੍ਰਧਾਨ ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਦੀ ਸਰਪ੍ਰਸਤੀ ਹੇਠ ਸ਼ਾਨਦਾਰ ਖੇਡ ਮੇਲੇ ਦਾ ਆਯੋਜਿਨ ਕੀਤਾ ਗਿਆ।ਇਸ ਖੇਡ ਮੇਲੇ ਦਾ ਉਦਘਾਟਨ ਉਘੇ ਖੇਡ ਪ੍ਰਮੋਟਰ ਜੈਲਦਾਰ ਅਵਤਾਰ ਸਿੰਘ ਚੈੜੀਆਂ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤਾ।ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਚੇਅਰਮੈਨ ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ,ਸ ਸੁਰਜੀਤ ਸਿੰਘ ਵਿਰਕ ਪ੍ਰਧਾਨ ਸੱਲ੍ਹਾਂ ਸਪੋਰਟਸ ਕਲੱਬ ਬਰੇਸ਼ੀਆਂ, ਸ ਸੰਤੋਖ ਸਿੰਘ ਲਾਲੀ ਪ੍ਰਧਾਨ ਇਟਲੀ ਕਬੱਡੀ ਫੈਡਰੇਸ਼ਨ,ਸ ਸਖਵਿੰਦਰ ਸਿੰਘ ਗੋਬਿੰਦਪੁਰੀ,ਸ ਜਸਵੀਰ ਸਿੰਘ ਉਪਲ,ਸ ਧਰਮਿੰਦਰ ਸਿੰਘ ਕੰਗ ਪ੍ਰਧਾਨ ਚੜਦੀ ਕਲਾ ਸਪੋਰਟਸ ਕਲੱਬ ਇਟਲੀ,ਸੱਤੀ ਕੰਵਰ ਜ ਸਕੱਤਰ ਇੰਡੀਅਨ ਸਪੋਰਟਸ ਕਲੱਬ ਵਿਚੈਸ਼ਾ, ਸ ਬਲਜੀਤ ਸਿੰਘ ਕੁਹਾਲਾ, ਆਦਿ ਨੇ ਵਿਸੇ਼ਸ਼ ਮਹਿਮਾਨ ਵਜੋ ਸਿ਼ਰਕਤ ਕੀਤੀ।ਇਸ ਖੇਡ ਮੇਲੇ ਚ ਅੰਤਰ-ਰਾਸਟਰੀ ਪੱਧਰ ਦੇ ਖਿਡਾਰੀਆਂ ਨੇ ਆਪਣੀ ਖੇਡ ਦਾ ਪ੍ਰਦਰਸ਼ਨ ਕੀਤਾ ।ਇਸ ਸ਼ਾਨਦਾਰ ਖੇਡ ਮੇਲੇ ਦਾ ਅਨੰਦ ਮਾਨਣ ਲਈ ਦਰਸ਼ਕਾਂ/ਖੇਡ ਪ੍ਰੇਮੀਆਂ ਨੇ ਭਾਰੀ ਗਿਣਤੀ ਚ ਸ਼ਮੂਲੀਅਤ ਕੀਤੀ।ਇਸ ਕਬੱਡੀ ਕੱਪ ਚ ਇਟਲੀ ਦੀਆਂ ਉਚਕੋਟੀ ਦੀਆਂ ਟੀਮਾਂ ਸ਼ਹੀਦ ਬਾਬਾ ਦੀਪ ਸਿੰਘ ਸਪੋਰਟਸ ਐਡ ਕਲਚਰਲ ਕਲੱਬ ਬੈਰਗਾਮੋ,ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ,ਚੜਦੀ ਕਲਾਂ ਸਪੋਰਟਸ ਕਲੱਬ ਇਟਲੀ,ਸੇ਼ਰ-ਏ-ਪੰਜਾਬ ਸਪੋਰਟਸ ਕਲੱਬ ਪੋਰਦੀਨੋਨੇ,ਮੁਖਤਿਆਰ ਸਪੋਰਟਸ ਕਲੱਬ ਔਰਮੇਲੇ,ਅਜਾਦ ਸਪੋਰਟਸ ਕਲੱਬ ਵਿਰੋਨਾ,ਧੰਨ-ਧੰਨ ਬਾਬਾ ਬੁੱਢਾ ਜੀ ਸਪੋਰਟਸ ਕਲੱਬ ਸੁਜਾਰਾ (ਪਿਗੋਨਿਆਗਾ), ਜੰਗ ਸਪੋਰਟਸ ਕਲੱਬ ਮੌਤੀਕਿਆਰੀ +ਪਜਾਬ ਯੂਥ ਸਪੋਰਟਸ ਕਲੱਬ ਮਾਨਤੋਵਾ ਆਦਿ ਨੇ ਹਿੱਸਾ ਲਿਆ।। ਇਸ ਖੇਡ ਮੇਲੇ ਦਾ ਪਹਿਲਾ ਮੈਚ ਅਜਾਦ ਸਪੋਰਟਸ ਕਲੱਬ ਵਿਰੋਨਾ ਅਤੇ ਮੁੱਖਤਿਆਰ ਸਪੋਰਟਸ ਕਲੱਬ ਔਰਮੇਲੇ ਵਿਚਕਾਰ ਹੋਇਆਜਿਸ ਚ ਵਿਰੋਨਾ ਦੀ ਟੀਮ ਨੇ ਔਰਮੇਲੇ ਦੀ ਟੀਮ ਨੂੰ ਸਾਢੇ31/9 ਦੇ ਫਰਕ ਨਾਲ ਹਰਾ ਕੇ ਜਿੱਤ ਪ੍ਰਪਤ ਕੀਤੀ।ਕਬੱਡੀ ਸੈਮੀ ਫਾਈਨਲ ਮੁਕਾਬਲੇ ਚ ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ ਅਤੇ ਬਾਬਾ ਦੀਪ ਸਿੰਘ ਸਪੋਰਟਸ ਕਲੱਬ ਬੈਰਗਾਮੋ ਚ ਬਹੁਤ ਫਸਵਾ ਮੁਕਾਬਲਾ ਹੋਇਆ ਜਿਸ ਚ ਬੈਰਗਾਮੋ ਕਲੱਬ ਦੇ ਗੌਰੀ ਮਰਨਾਈਆ ਅਤੇ ਧੜੱਲੇਦਾਰ ਖਿਡਾਰੀ ਲੱਡੂ ਚੁਟਾਲਾ ਨੂੰ ਰੋਕਣ ਲਈ ਦਰਸ਼ਕਾਂ ਨੇ 50-50 ਯੂਰੋ ਤੱਕ ਲਾ ਕੇ ਮੈਚ ਨੂੰ ਦਿਲਚਪਸ਼ ਬਣਾ ਕੇ ਧਾਵੀਆਂ ਅਤੇ ਜਾਫੀਆਂ ਤੇ ਯੂਰਿਆਂ ਦਾ ਮੀਂਹ ਵਰਸਾਇਆ ।ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆਂ ਦੀ ਜੋਸ਼ੀਲੀ ਕੁਮੈਟਰੀ ਨੇ ਮੀਰੀ-ਪੀਰੀ ਸਪੋਰਟਸ ਕਲੱਬ ਦੀ ਟੀਮ ਦੇ ਖਿਡਾਰੀਆਂ ਚ ਨਿਵੇਕਲਾ ਜੋਸ਼ ਅਤੇ ਉਤਸ਼ਾਹ ਭਰ ਕੇ ਹੌਸਲੇ ਬੁਲੰਦ ਕਰੀ ਰੱਖੇ।ਇਸ ਮੈਚ ਨੂੰ ਦਰਸ਼ਕਾਂ ਨੇ ਪੱਬਾਂ ਭਾਰ ਹੋ ਕੇ ਵੇਖਿਆ।ਜਿੱਤ ਮੀਰੀ ਪੀਰੀ ਕਲੱਬ ਨੇ ਹਾਸਿਲ ਕੀਤੀ।ਕਬੱਡੀ ਦੇ ਹੋਏ ਜਬਰਦਸਤ ਅਤੇ ਦਿਲਚਪਸ ਮੁਕਾਬਲਿਆਂ ਚ ਮੀਰੀ-ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ ਨੇ ਧੰਨ-ਧੰਨ ਬਾਬਾ ਬੁੱਢਾ ਜੀ ਸਪੋਰਟਸ ਕਲੱਬ ਸ਼ਜਾਰਾ(ਪਿਗੋਨਿਆਗਾ) ਨੂੰ 34/10 ਅੰਕਾਂ ਦੇ ਭਾਰੀ ਫਰਕ ਨਾਲ ਹਰਾ ਕੇ ਜਿੱਤ ਹਾਸਿਲ ਕੀਤੀ। ਪ੍ਰਸਿੱਧ ਧਾਵੀ ,ਲੱਡੂ ਚਟਾਲਾ,ਗੌਰੀ ਮਰਨਾਈਆਂ,ਗੀਤੂ ਪੱਤੜ,ਅਵਤਾਰ ਪਟਿਆਲਾ, ਮਨ ਅੰਮ੍ਰਿਤਸਰੀਆਂ,ਯੋਧਾ ਚੱਕ ਚੇਲਿਆਂ ਵਾਲਾ,ਭਿੰਦੀ ਹਿੰਮਤਪੁਰੀਆ,ਅਮਨ ਟਿਬਾ, ਨੇ ਖੇਡ ਦਾ ਵਧੀਆ ਪ੍ਰਦਰਸ਼ਨ ਕਰਕੇ ਖੇਡ ਪ੍ਰੇਮੀਆਂ ਦੇ ਦਿਲ ਮੋਹੇ।ਜੇਤੂ ਟੀਮ ਨੂੰ 2500 ਯੂਰੋ ਨਕਦ ਅਤੇ ਸ਼ਾਨਦਾਰ ਕੱਪ ਦੇ ਕੇ ਕਲੱਬ ਵਲੋ ਸਨਮਾਨਿਤ ਕੀਤਾ ਅਤੇ ਉਪ-ਜੇਤੂ ਟੀਮ ਨੂੰ 2100 ਯੂਰੋ ਅਤੇ ਯਾਦਗਾਰੀ ਕੱਪ ਦੇ ਕੇ ਨਿਵਾਜਿਆ।ਇਸ ਮੋਕੇ ਬੱਚਿਆਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਲਈ ਵੱਖ-ਵੱਖ ਉਮਰ ਦੇ ਬੱਚਿਆਂ ਦੀਆਂ ਦੌੜਾਂ ਵਕਿਰਵਾਈਆਂ ਗਈਆਂ ਜਿੰਨ੍ਹਾਂ ਚ 5 ਸਾਲ ਉਮਰ ਵਰਗ ਚ ਮਨਪਿੰਦਰ ਸਿੰਘ ਨੇ ਪਹਿਲਾ ਅਤੇ ਜਤਿੰਦਰ ਢਿਲੋ ਨੇ ਦੂਜਾ ਸਥਾਨ ਹਾਸਿਲ ਕੀਤਾ,7ਸਾਲ ਚ ਗੁਰਸਾਹਿਬ ਸਿੰਘ ਫਸਟ ਅਤੇ ਬਲਵਿੰਦਰ ਸਿੰਘ ਸੈਕਿੰਡ,9ਸਾਲ ਚ ਮਨਪੀਤ ਸਿੰਘ ਸੋਨੂੰ , ਨੇ ਪਹਿਲਾ ਅਤੇ ਅਮਨਦੀਪ ਸਿੰਘ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਅਤੇ ਜੇਤੂ ਬੱਚਿਆਂ ਨੂੰ ਸ਼ਾਨਦਾਰ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆਂ। ਖੇਡ ਮੇਲੇ ਦੀ ਕੁਮੈਟਰੀ ਯੂਰਪ ਦੇ ਉਘੇ ਖੇਡ ਕੁਮੈਟਰ ਪੱਪਾ ਸਿੰਘਪੁਰੀਆਂ , ਮਾਪੀ ਹੁਸਿ਼ਆਰਪੁਰੀਆ,ਅਤੇ ਪਰਮਜੀਤ ਸਿੰਘ ਢਿੱਲੋ ਨੇ ਖੁਬਸੂਰਤ ,ਵਿਅੰਗਮਈ ਅੰਦਾਜ ਅਤੇ ਸ਼ੇਅਰੋ-ਸ਼ੇਅਰੀ ਨਾਲ ਦਰਸ਼ਕਾਾਂ ਨੂੰ ਕੀਲੀ ਰੱਖਿਆ।ਕਬੱਡੀ ਦੀ ਜੇਤੂ ਟੀਮ ਵਲੋ ਜਿੱਤ ਦੀ ਖੁਸ਼ੀ ਚ ਭੰਗੜੇ ਪਾ ਕੇ ਜਸ਼ਨ ਮਨਾਏ ਗਏ।ਕਲੱਬ ਪ੍ਰਧਾਨ ਸ ਸ ਮੁਖਤਿਆਰ ਸਿੰਘ ਮਜਾਰਾ ਰਾਜਾ ਸਾਹਿਬ ਨੇ ਮੇਲੇ ਦੇ ਸਫਲਤਾ ਪੂਰਵਕ ਨਿਬੜਨ ਤੇ ਸਮੂੰਹ ਖੇਡ ਕਲੱਬਾਂ,ਖਿਡਾਰੀਆਂ,ਅਤੇ ਖੇਡ ਪ੍ਰੇਮੀਆਂ ਦਾ ਧੰਨਵਾਦ ਕੀਤਾ।ਇਸ ਮੋਕੇ ਤੇ ਹੋਰਨਾਂ ਤੋ ਇਲਾਵਾ ਸ ਦਰਸ਼ਨ ਸਿੰਘ ਭੇਜੋਮਾਜਰਾ,ਸ ਜਸਵੀਰ ਸਿੰਘ ਮਾਂਗਟ,ਪੰਮੀ ਚਮਕੌਰ ਸਾਹਿਬ,ਸ ਸੰਦੀਪ ਸਿੰਘ ਫਗਵਾੜਾ, ਸ੍ਰੀ ਕ੍ਰਿਸ਼ਨ ਲਾਲ ਕੁਰਾਲੀ,ਸ ਭੁਪਿੰਦਰ ਸਿੰਘ ਕਾਹਨਗੜ,ਸ ਗੁਰਜੀਤ ਸਿੰਘ ਗੋਸਲ,,ਸ ਲਖਵਿੰਦਰ ਸਿੰਘ ਗੋਲੂ,ਸ ਮੇਜਰ ਸਿੰਘ ,ਸੀ ਪਵਨ ਕੁਮਾਰ,ਸ ਨਿਰਭੈ ਸਿੰਘ ,ਮਦਨ ,ਬਲਕਾਰ ਸਿੰਘ,ਬੰਟੀ ਪਾਸੀਆਨੋ,ਧਰਮਪਾਲ ਹੀਰਾ, ਭੂੰਡਾ ਸੇ਼ਖੂਪੁਰੀਆ, ਆਦਿ ਹਾਜਰ ਸਨ।
ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਅਮਰੀਕਾ ਦੀ ਦੂਜੀ ਕਨਵੈਨਸ਼ਨ ਨੇ ਕਾਮਯਾਬੀ ਦੀਆਂ ਸਿਖਰਾਂ ਨੂੰ ਛੋਹਿਆ
ਲਾਸ ਏਂਜਲਸ-18 Aug.2010
ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਅਮਰੀਕਾ ਦੀ ਦੂਜੀ ਕਾਨਫਰੰਸ ਇਕ ਬਹੁਤ ਹੀ ਕਾਮਯਾਬ ਕਾਨਫਰੰਸ ਸਾਬਤ ਹੋਈ ਹੈ, ਜਿਸ ‘ਤੇ ਸਾਨੂੰ ਸਾਰਿਆਂ ਨੂੰ ਮਾਣ ਹੈ। ਇਹ ਸ਼ਬਦ ਐਨ ਆਰ ਆਈ ਵਿੰਗ ਦੇ ਪ੍ਰਧਾਨ ਅਤੇ ਦੂਜੀ ਕਾਨਫਰੰਸ ਦੇ ਮੁੱਖ ਮਹਿਮਾਨ ਸ: ਸੁਰਜੀਤ ਸਿੰਘ ਰੱਖੜਾ ਨੇ ਕਾਨਫਰੰਸ ਵਿਚ ਸ਼ਾਮਲ ਹੋਏ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਅਮਰੀਕਾ ਦੇ ਅਹੁਦੇਦਾਰਾਂ ਦੇ ਨਾਲ ਸਾਂਝੇ ਕਰਦੇ ਹੋਏ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਸ: ਸੁਰਜੀਤ ਸਿੰਘ ਰੱਖੜਾ ਨੇ ਕੈਲੀਫੋਰਨੀਆ ਵਿਖੇ ਕਾਨਫਰੰਸ ਕਰਵਾਉਣ ਲਈ ਅਮਰੀਕਾ ਅਤੇ ਖਾਸ ਕਰਕੇ ਲਾਸ ਏਂਜਲਸ ਦੇ ਅਕਾਲੀ ਅਹੁਦੇਦਾਰਾਂ ਨੂੰ ਖਾਸ ਵਧਾਈ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਕਾਨਫਰੰਸ ਵਿਚ ਜਿਹੜੇ ਮੁੱਦੇ ਸਾਹਮਣੇ ਆਏ ਹਨ ਉਨ੍ਹਾਂ ਨੂੰ ਉਹ ਪੰਜਾਬ ਦੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਅਤੇ ਪਾਰਟੀ ਦੇ ਪ੍ਰਧਾਨ ਅਤੇ ਉਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਦੇ ਪਾਸ ਜ਼ਰੂਰ ਪਹੁੰਚਾਉਣਗੇ। ਉਨ੍ਹਾਂ ਨੇ ਪੂਰਨ ਵਿਸ਼ਵਾਸ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਬਾਹਰਲੇ ਦੇਸ਼ਾਂ ਵਿਚ ਬੈਠੇ ਪੰਜਾਬੀਆਂ ਨੂੰ ਪੇਸ਼ ਆਉਣ ਵਾਲੀਆਂ ਸਾਰੀਆਂ ਹੀ ਮੁਸ਼ਕਲਾਂ ਨੂੰ ਪੰਜਾਬ ਸਰਕਾਰ ਪਹਿਲ ਦੇ ਆਧਾਰ ‘ਤੇ ਸੁਲਝਾਏਗੀ। ਸ: ਰੱਖੜਾ ਨੇ ਕਿਹਾ ਕਿ ਜਿਹੜੀਆਂ ਸਮਸਿਆਵਾਂ ਕੇਂਦਰ ਸਰਕਾਰ ਨਾਲ ਸਬੰਧਤ ਹਨ ਉਨ੍ਹਾਂ ਨੂੰ ਕੇਂਦਰ ਸਰਕਾਰ ਤੱਕ ਪਹੁੰਚਾਕੇ ਇਨ੍ਹਾਂ ਸਮੱਸਿਆਵਾਂ ਨੂੰ ਜਲਦੀ ਹੱਲ ਕਰਵਾਉਣ ਲਈ ਜ਼ੋਰ ਪਾਇਆ ਜਾਵੇਗਾ। ਇਸ ਕਾਨਫਰੰਸ ਵਿਚ ਵਿਦੇਸ਼ਾਂ ਵਿਚ ਰਹਿੰਦੇ ਪੰਜਾਬੀਆਂ ਨੂੰ ਪਾਸਪੋਰਟ ਅਤੇ ਵੀਜਿ਼ਆਂ ਸਬੰਧੀ ਦਰਪੇਸ਼ ਮੁਸ਼ਕਲਾਂ ਦਾ ਮੁੱਦਾ ਸਭ ਤੋਂ ਅਹਿਮ ਮੁੱਦਾ ਬਣਕੇ ਸਾਹਮਣੇ ਆਇਆ ਜਿਸਨੂੰ ਸੁਲਝਾਉਣ ਲਈ ਉਨ੍ਹਾਂ ਨੇ ਕੇਂਦਰ ਸਰਕਾਰ ਨਾਲ ਤਾਲਮੇਲ ਕਰਨ ਦੀ ਗੱਲ ਕਹੀ।
ਸ: ਰੱਖੜਾ ਨੇ ਕਿਹਾ ਕਿ ਪਾਰਟੀ ਦੇ ਪ੍ਰਧਾਨ ਸ: ਸੁਖਬੀਰ ਸਿੰਘ ਬਾਦਲ ਇਕ ਬਹੁਤ ਹੀ ਸੂਝਵਾਨ ਸ਼ਖਸੀਅਤ ਦੇ ਮਾਲਕ ਹਨ। ਉਨ੍ਹਾਂ ਨੂੰ ਪੂਰਬੀ ਅਤੇ ਪੱਛਮੀ ਦੋਵੇਂ ਹੀ ਪ੍ਰਕਾਰ ਦੇ ਦੇਸ਼ਾਂ ਦੀ ਜੀਵਨਸ਼ੈਲੀ ਵਿਚ ਵਿਚਰਨ ਦਾ ਮੌਕਾ ਮਿਲਿਆ ਹੈ। ਉਹ ਇੱਕ ਨਵੀਂ ਸੋਚ ਅਤੇ ਉਤਸ਼ਾਹ ਨਾਲ ਭਰਪੂਰ ਨੌਜਵਾਨ ਆਗੂ ਹਨ।
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਆਉਂਦੀਆਂ ਚੋਣਾਂ ਦਾ ਜਿ਼ਕਰ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਇਨ੍ਹਾਂ ਚੋਣਾਂ ਵਿਚ ਤਾਂ ਜਿੱਤ ਹਾਸਲ ਕਰੇਗਾ ਹੀ ਸਗੋਂ ਵਿਧਾਨਸਭਾ ਚੋਣਾਂ ਵਿਚ ਵੀ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਜੇਤੂ ਪਾਰਟੀ ਵਾਂਗ ਉਭਰਕੇ ਸਾਹਮਣੇ ਆਵੇਗਾ। ਕਾਂਗਰਸ ਵਿਚ ਪਈ ਖਾਨਾਜੰਗੀ ਦਾ ਜਿ਼ਕਰ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਆਪਸੀ ਲੜਾਈ ਵਿਚ ਪਈ ਹੋਈ ਹੈ ਪਰੰਤੂ ਅਕਾਲੀ ਦਲ ਪੰਜਾਬ ਦੇ ਸਰਬਪੱਖੀ ਵਿਕਾਸ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਿਸੇ ਵੀ ਸੂਬੇ ਦੇ ਵਿਕਾਸ ਲਈ ਬਿਜਲੀ ਇਕ ਅਹਿਮ ਭੂਮਿਕਾ ਨਿਭਾਉਂਦੀ ਹੈ ਅਤੇ ਪੰਜਾਬ ਵਿਚ ਅਕਾਲੀ ਸਰਕਾਰ ਵਲੋਂ ਅਨੇਕਾਂ ਪਾਵਰ ਪ੍ਰਾਜੈਕਟ ਸ਼ੁਰੂ ਕੀਤੇ ਗਏ ਹਨ। ਸ: ਰੱਖੜਾ ਨੇ ਕਿਹਾ ਕਿ ਆਉਂਦੇ ਕੁਝ ਸਾਲਾਂ ਵਿਚ ਪੰਜਾਬ ਬਿਜਲੀ ਦੇ ਮਾਮਲੇ ਵਿਚ ਪੂਰੀ ਤਰ੍ਹਾਂ ਆਤਮ ਨਿਰਭਰ ਹੋ ਜਾਵੇਗਾ।
ਇਸ ਕਾਨਫਰੰਸ ਦਾ ਆਰੰਭ ਸ: ਹਰਬੰਸ ਸਿੰਘ ਚਾਹਲ ਨੇ ਸ: ਸੁਰਜੀਤ ਸਿੰਘ ਰੱਖੜਾ ਨੂੰ ਜੀ ਆਇਆਂ ਕਰਕੇ ਕੀਤਾ। ਇਸ ਕਾਨਫਰੰਸ ਦੌਰਾਨ ਬੋਲਦੇ ਹੋਏ ਸ: ਦੀਦਾਰ ਸਿੰਘ ਬੈਂਸ ਸਰਪ੍ਰਸਤ ਨੇ ਸੁਝਾਅ ਦਿੱਤਾ ਕਿ ਐਨ ਆਰ ਆਈਜ਼ ਦੀਆਂ ਮੁਸ਼ਕਲਾਂ ਨੂੰ ਕੇਂਦਰ ਸਰਕਾਰ ਤੱਕ ਪਹੁੰਚਾਉਣ ਲਈ ਪਾਰਟੀ ਦਾ ਇਕ ਦਫ਼ਤਰ ਦਿੱਲੀ ਵਿਖੇ ਹੋਣਾ ਚਾਹੀਦਾ ਹੈ ਤਾਂ ਜੋ ਜਦੋਂ ਵੀ ਵਿਦੇਸ਼ੀ ਪੰਜਾਬੀ ਨਾਗਰਿਕਾਂ ਦਾ ਕੋਈ ਵਫ਼ਦ ਕੇਂਦਰ ਸਰਕਾਰ ਦੇ ਕਿਸੇ ਮੰਤਰੀ ਜਾਂ ਅਹੁਦੇਦਾਰ ਨੂੰ ਮਿਲਣਾ ਚਾਹੇ ਤਾਂ ਉਥੇ ਮੌਜੂਦ ਪਬਲਿਕ ਰਿਲੇਸ਼ਨ ਅਫ਼ਸਰ ਉਨ੍ਹਾਂ ਦੇ ਮਿਲਣ ਦੇ ਪੂਰੇ ਪ੍ਰਬੰਧ ਕਰਵਾ ਸਕੇ। ਜਿਸਦੀ ਸਾਰਿਆਂ ਵਲੋਂ ਹਿਮਾਇਤ ਕੀਤੀ ਗਈ। ਇਸਦੇ ਨਾਲ ਹੀ ਸ: ਬੈਂਸ ਨੇ ਸ: ਪ੍ਰਕਾਸ਼ ਸਿੰਘ ਬਾਦਲ ਦੇ ਬੇਦਾਗ਼ ਸ਼ਖਸੀਅਤ ਅਤੇ ਤਜਰਬੇ ਦੀ ਭਰਪੂਰ ਸ਼ਲਾਘਾ ਕੀਤੀ।
ਸ: ਰੱਖੜਾ ਵਲੋਂ ਇਸ ਕਾਨਫਰੰਸ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਣ ਲਈ ਉਨ੍ਹਾਂ ਦਾ ਧੰਨਵਾਦ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੀ ਅਮਰੀਕਾ ਇਕਾਈ ਦੇ ਪ੍ਰਧਾਨ ਸ: ਮਨਜੀਤ ਸਿੰਘ ਦਸੂਹਾ ਨੇ ਕਿਹਾ ਕਿ ਇਹ ਸਾਡੇ ਲਈ ਬੜੇ ਹੀ ਮਾਣ ਦੀ ਗੱਲ ਹੈ। ਸ: ਦਸੂਹਾ ਨੇ ਆਸ ਪ੍ਰਗਟਾਈ ਕਿ ਭਵਿੱਖ ਵਿਚ ਹੋਣ ਵਾਲੀਆਂ ਕਾਨਫਰੰਸਾਂ ਵਿਚ ਵੀ ਉਹ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਕੇ ਸਾਡੀ ਹੌਂਸਲਾ ਅਫ਼ਜ਼ਾਈ ਕਰਦੇ ਰਹਿਣਗੇ। ਉਨ੍ਹਾਂ ਨੇ ਪਿਛਲੇ ਇਕ ਸਾਲ ਦੌਰਾਨ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਵਲੋਂ ਕੀਤੇ ਗਏ ਕੰਮਾਂ ਦਾ ਵੇਰਵਾ ਅਮਰੀਕਾ ਦੀਆਂ ਸਾਰੀਆਂ ਹੀ ਸਟੇਟਾਂ ਤੋਂ ਸ਼ਾਮਲ ਹੋਣ ਲਈ ਪਹੁੰਚੇ ਅਕਾਲੀ ਅਹੁਦੇਦਾਰਾਂ ਦੇ ਸਨੁਮੁੱਖ ਪੇਸ਼ ਕੀਤਾ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਅਮਰੀਕਾ ਦੀਆਂ ਕਈ ਸਟੇਟਾਂ ਵਲੋਂ ਐਨ ਆਰ ਆਈ ਭੈਣਾਂ ਭਰਾਵਾਂ ਨੂੰ ਅਕਾਲੀ ਦਲ ਨਾਲ ਜੋੜਣ ਲਈ ਮੈਂਬਰ ਬਣਾਏ ਜਾ ਰਹੇ ਹਨ ਅਤੇ ਆਸ ਹੈ ਕਿ ਤੀਜੀ ਕਾਨਫਰੰਸ ਵਿਚ ਇਹ ਗਿਣਤੀ ਇਕ ਲੱਖ ਦੇ ਅੰਕੜੇ ਨੂੰ ਛੋਹ ਜਾਵੇਗੀ। ਸ: ਦਸੂਹਾ ਨੇ ਅਮਰੀਕਾ ਦੇ ਸਾਰੇ ਹੀ ਅਹੁਦੇਦਾਰਾਂ ਵਲੋਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਵਿਚ ਆਪਣਾ ਯੋਗਦਾਨ ਪਾਉਣ ਦਾ ਪੂਰਨ ਵਿਸ਼ਵਾਸ ਸ: ਰੱਖੜਾ ਨੂੰ ਦਿਵਾਇਆ। ਅਮਰੀਕਾ ਇਕਾਈ ਦੇ ਚੇਅਰਮੈਨ ਸ: ਹਰਿੰਦਰ ਸਿੰਘ (ਹੈਰੀ) ਗਿੱਲ ਨੇ ਪੰਜਾਬ ਸਰਕਾਰ ਦੀ ਹਰ ਪੱਖੋਂ ਪੂਰਣ ਹਿਮਾਇਤ ਕਰਨ ਦਾ ਭਰੋਸਾ ਦਿਵਾਇਆ। ਉਨ੍ਹਾਂ ਨੇ ਕਿਹਾ ਕਿ ਐਨ ਆਰ ਆਈਜ਼ ਨੇ ਅਕਾਲੀ ਦਲ (ਬਾਦਲ) ਪੰਜਾਬ ਦੀ ਚੜ੍ਹਦੀ ਕਲਾ ਲਈ ਹਮੇਸ਼ਾਂ ਹੀ ਉੱਘਾ ਯੋਗਦਾਨ ਪਾਇਆ ਹੈ। ਕੈਲੀਫੋਰਨੀਆ ਇਕਾਈ ਦੇ ਪ੍ਰਧਾਨ ਸ: ਬਲਜੀਤ ਸਿੰਘ ਮਾਨ ਨੇ ਇਸ ਕਾਨਫਰੰਸ ਨੂੰ ਕਾਮਯਾਬ ਕਰਵਾਉਣ ਲਈ ਸਾਰੇ ਹੀ ਪਤਵੰਤੇ ਸੱਜਣਾਂ ਦਾ ਉਚੇਚੇ ਤੌਰ ‘ਤੇ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ਅਤੇ ਵਿਦੇਸ਼ਾਂ ਵਿਚ ਅਕਾਲੀ ਦਲ (ਬਾਦਲ) ਨੂੰ ਸਾਨੂੰ ਪੂਰਨ ਸਹਿਯੋਗ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਕਾਲੀ ਦਲ ਹਮੇਸ਼ਾਂ ਪੰਜਾਬ ਅਤੇ ਪੰਥ ਦੀ ਚੜ੍ਹਦੀ ਕਲਾ ਲਈ ਫਿਕਰਮੰਦ ਰਿਹਾ ਹੈ। ਅਮਰੀਕਾ ਦੇ ਸੀਨੀਅਰ ਮੀਤ ਪ੍ਰਧਾਨ ਸ: ਕੁਲਵੰਤ ਸਿੰਘ ਖਹਿਰਾ ਨੇ ਕਿਹਾ ਕਿ ਜਦੋਂ ਵੀ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ਹੁੰਦੀਆਂ ਹਨ ਤਾਂ ਅਸੀਂ ਹਰ ਪ੍ਰਕਾਰ ਨਾਲ ਅਕਾਲੀ ਦਲ ਨੂੰ ਕਾਮਯਾਬ ਬਨਾਉਣ ਲਈ ਕਾਰਜਸ਼ੀਲ ਰਹੇ ਹਾਂ ਅਤੇ ਭਵਿੱਖ ਵਿਚ ਵੀ ਸਾਨੂੰ ਚਾਹੀਦਾ ਹੈ ਕਿ ਅਸੀਂ ਹੋਰ ਵਧੇਰੇ ਉਤਸ਼ਾਹ ਪੂਰਣ ਢੰਗ ਨਾਲ ਸਿਆਸੀ ਅਤੇ ਪੰਥਕ ਕਾਰਜਾਂ ਵਿਚ ਆਪਣਾ ਯੋਗਦਾਨ ਪਾਕੇ ਪੰਜਾਬ ਵਿਰੋਧੀ ਤਾਕਤਾਂ ਨੂੰ ਮੂੰਹ ਤੋੜ ਜਵਾਬ ਦੇਈਏ। ਅਮਰੀਕਾ ਇਕਾਈ ਦੇ ਜਨਰਲ ਸਕੱਤਰ ਸ: ਦਵਿੰਦਰ ਸਿੰਘ ਰਣੀਆਂ ਨੇ ਪੰਜਾਬ ਦੇ ਮਾਣ ਮਤੇ ਇਤਿਹਾਸ ਦਾ ਜਿ਼ਕਰ ਕਰਦੇ ਹੋਏ ਕਿਹਾ ਕਿ ਪੰਜਾਬ ਨੂੰ ਤਰੱਕੀ ਦੀਆਂ ਰਾਹਾਂ ‘ਤੇ ਲਿਜਾਣ ਲਈ ਸ:ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸ: ਸੁਖਬੀਰ ਸਿੰਘ ਬਾਦਲ ਨੇ ਇਕ ਨਵਾਂ ਇਤਿਹਾਸ ਸਿਰਜਿਆ ਹੈ। ਉਨ੍ਹਾਂ ਦੀ ਅਣਥਕ ਮਿਹਨਤ ਸਦਕਾ ਹੀ ਪੰਜਾਬ ਤਰੱਕੀ ਦੀਆਂ ਰਾਹਾਂ ‘ਤੇ ਅੱਗੇ ਵਧਦਾ ਜਾ ਰਿਹਾ ਹੈ। ਸ: ਗੁਰਨਾਮ ਸਿੰਘ ਪੰਮਾ ਮੀਤ ਸਰਪ੍ਰਸਤ ਨੇ ਪਾਰਟੀ ਦੇ ਮਾਣਮਤੇ ਇਤਿਹਾਸ ਦਾ ਜਿ਼ਕਰ ਕਰਨ ਤੋਂ ਉਪਰੰਤ ਪਾਰਟੀ ਅੰਦਰ ਹੋਰ ਜੋਸ਼ ਨਾਲ ਕੰਮ ਕਰਨ ਲਈ ਅਪੀਲ ਕੀਤੀ। ਜਸਪ੍ਰੀਤ ਸਿੰਘ ਕਾਨੂੰਨੀ ਸਲਾਹਕਾਰ ਨੇ ਕਿਹਾ ਕਿ ਅਸੀਂ ਪਾਰਟੀ ਦੇ ਮਿਆਰ ਨੂੰ ਉਚਿਆਂ ਚੁਕਣ ਲਈ ਹਮੇਸ਼ਾਂ ਹੀ ਆਪਣੀਆਂ ਸੇਵਾਵਾਂ ਅਰਪਣ ਕਰਨ ਲਈ ਤਤਪਰ ਹਾਂ। ਹਰਜੀਤ ਸਿੰਘ ਪ੍ਰੈਸ ਸਕੱਤਰ ਨੇ ਆਪਣੇ ਵਿਚਾਰ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਸਾਨੂੰ ਆਪਣੇ ਵਿਚਾਰਾਂ ਵਿਚਲੀ ਭਿੰਨਤਾ ਅਤੇ ਵਖਰਤਾ ਵਿਚੋਂ ਪੈਦਾ ਹੋਏ ਨਵੇਂ ਪਹਿਲੂਆਂ ਉਪਰ ਪੂਰਨ ਵਿਚਾਰ ਕਰਨਾ ਚਾਹੀਦਾ ਹੈ। ਕਿਉਂਕਿ ਨਵੀਂ ਸੋਚ ਅਤੇ ਵਿਚਾਰ ਪਾਰਟੀ ਅੰਦਰ ਕੰਮ ਕਰਨ ਦੀ ਸ਼ੈਲੀ ਨੂੰ ਹੋਰ ਨਿਖਾਰਦੇ ਹਨ। ਗੁਰਦੁਆਰਾ ਬਾਬਾ ਮੱਖਣ ਸ਼ਾਹ ਲੁਬਾਣਾ ਦੇ ਪ੍ਰਧਾਨ ਸ: ਜਰਨੈਲ ਸਿੰਘ ਨੇ ਆਪਣੇ ਵਿਚਾਰ ਪ੍ਰਗਟਾਉਂਦੇ ਹੋਏ ਪਾਰਟੀ ਅੰਦਰ ਵੱਧ ਤੋਂ ਵੱਧ ਮੈਂਬਰਸਿ਼ਪ ਵਧਾਉਣ ਉਪਰ ਜ਼ੋਰ ਦਿੰਦੇ ਹੋਏ ਅਮਰੀਕਾ ਵਿਚ ਅਕਾਲੀ ਦਲ ਦੀ ਜੜ੍ਹਾਂ ਨੂੰ ਹੋਰ ਮਜ਼ਬੂਤ ਕਰਨ ਉਪਰ ਜ਼ੋਰ ਦਿੱਤਾ। ਸ: ਰਘਬੀਰ ਸਿੰਘ ਸੁਭਾਨਪੁਰ ਨੇ ਅਮਰੀਕਾ ਵਿਚ ਪਾਰਟੀ ਦੇ ਸਰਬ ਪੱਖੀ ਵਿਕਾਸ ਉਪਰ ਜ਼ੋਰ ਦਿੱਤਾ। ਇਸ ਕਾਨਫਰੰਸ ਵਿਚ ਮੁੱਖ ਤੌਰ ‘ਤੇ ਬੁਲਾਰਿਆਂ ਵਲੋਂ ਪ੍ਰਵਾਸੀਆਂ ਨੂੰ ਪੇਸ਼ ਆਉਣ ਵਾਲੀਆਂ ਮੁਸ਼ਕਲਾਂ ਦੇ ਨਾਲ ਨਾਲ ਸਿਆਸੀ ਅਤੇ ਧਾਰਮਿਕ ਮਸਲਿਆਂ ਨੂੰ ਬੜੇ ਦੀ ਸੁਲਝੇ ਹੋਏ ਢੰਗ ਨਾਲ ਵਿਚਾਰਿਆ ਗਿਆ।
ਇਸਦੇ ਨਾਲ ਹੀ ਇਸ ਕਾਨਫਰੰਸ ਵਿਚ ਸੱਤ ਮਤੇ ਜੈਕਾਰਿਆਂ ਦੀ ਗੂੰਜ ਵਿਚ ਪਾਸ ਕੀਤੇ ਗਏ, ਜੋ ਇਸ ਪ੍ਰਕਾਰ ਹਨ:
1- ਵਿਦੇਸ਼ਾਂ ਵਿਚ ਵੱਸਦੇ ਐਨ ਆਰ ਆਈਜ਼ ਨੂੰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਿਚ ਨੁਮਾਇੰਦਗ਼ੀ ਮਿਲਣੀ ਚਾਹੀਦੀ ਹੈ, ਤਾਂ ਜੋ ਉਹ ਵਿਦੇਸ਼ਾਂ ਵਿਚਲੀਆਂ ਸਮਸਿਆਵਾਂ ਨੂੰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪਾਸ ਪਹੁੰਚਾ ਸਕਣ।
2- ਐਨ ਆਰ ਆਈ ਵਰਕਿੰਗ ਕਮੇਟੀ ਵਿਚ ਪ੍ਰਵਾਸੀਆਂ ਨੂੰ ਵੀ ਨੁਮਾਇੰਦਗੀ ਮਿਲਣੀ ਚਾਹੀਦੀ ਹੈ। ਇਸਤਰ੍ਹਾਂ ਉਹ ਇਸ ਕਮੇਟੀ ਨਾਲ ਯੋਗ ਤਾਲਮੇਲ ਕਰਕੇ ਵਿਦੇਸ਼ਾਂ ਵਿਚ ਰਹਿੰਦੇ ਪੰਜਾਬੀਆਂ ਦੀਆਂ ਮੁਸ਼ਕਲਾਂ ਤੋਂ ਇਸ ਕਮੇਟੀ ਨੂੰ ਭਲੀ ਭਾਤ ਜਾਣੂੰ ਕਰਵਾ ਸਕਣਗੇ।
3- ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੀ ਅਮਰੀਕਾ ਵਿਚ ਮਜ਼ਬੂਤੀ ਲਈ ਉਚੇਚੇ ਕਦਮ ਚੁਕਣੇ ਚਾਹੀਦੇ ਹਨ।
4- ਐਨ ਆਰ ਆਈ ਨੂੰ ਪਾਸਪੋਰਟ ਅਤੇ ਵੀਜ਼ੇ ਮਿਲਣ ਦੇ ਮਸਲੇ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਅਤੇ ਪਾਰਟੀ ਦੇ ਪ੍ਰਧਾਨ ਅਤੇ ਉਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਸਨਮੁੱਖ ਪੇਸ਼ ਕੀਤਾ ਜਾਵੇ।5- ਸ: ਐਚ ਐਸ ਫੁਲਕਾ ਜਿਨ੍ਹਾਂ ਨੇ 1984 ਦੇ ਦੰਗਾ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਬਹੁਤ ਮਿਹਨਤ ਕੀਤੀ ਹੈ। ਉਨ੍ਹਾਂ ਵਲੋਂ ਕੀਤੀ ਗਈ ਸੇਵਾ ਲਈ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੀ ਅਮਰੀਕਾ ਇਕਾਈ ਉਨ੍ਹਾਂ ਦੀ ਭਰਪੂਰ ਸ਼ਲਾਘਾ ਕਰਦੀ ਹੈ।6- ਐਨ ਆਰ ਆਈਜ਼ ਨੂੰ ਵਿਧਾਨਸਭਾ ਵਿਚ ਵੀ ਉਚਿਤ ਸਥਾਨ ਮਿਲਣਾ ਚਾਹੀਦਾ ਹੈ ਤਾਂ ਜੋ ਵਿਦੇਸ਼ਾਂ ਵਿਚ ਵਸਦੇ ਪੰਜਾਬੀਆਂ ਨੂੰ ਵਿਦੇਸ਼ਾਂ ਵਿਚ ਜਾਂ ਪੰਜਾਬ ਵਿਚ ਪੇਸ਼ ਆਉਣ ਵਾਲੀਆਂ ਮੁਸ਼ਕਲਾਂ ਨੂੰ ਸੁਲਝਾਉਣ ਲਈ ਉਚਿਤ ਨੁਮਾਇੰਦਗ਼ੀ ਦਿਤੀ ਜਾ ਸਕੇ।7- ਅਸੀਂ ਅਪੀਲ ਕਰਦੇ ਹਾਂ ਕਿ ਪੰਜਾਬ ਤੋਂ ਅਮਰੀਕਾ ਆਉਣ ਵਾਲੇ ਅਕਾਲੀ ਲੀਡਰਾਂ ਨੂੰ ਹਿਦਾਇਤ ਕੀਤੀ ਜਾਵੇ ਕਿ ਜਦੋਂ ਵੀ ਉਹ ਅਮਰੀਕਾ ਦੇ ਦੌਰੇ ‘ਤੇ ਆਉਣ ਤਾਂ ਉਨ੍ਹਾਂ ਦੇ ਆਉਣ ਦੀ ਜਾਣਕਾਰੀ ਉਸ ਸੂਬੇ ਦੇ ਪ੍ਰਧਾਨ ਜਾਂ ਜਨਰਲ ਸਕੱਤਰ ਨੂੰ ਹੋਵੇ, ਤਾਂ ਜੋ ਅਸੀਂ ਪਾਰਟੀ ਪੱਧਰ ‘ਤੇ ਉਨ੍ਹਾਂ ਨੂੰ ਸਨਮਾਨ ਦੇ ਸਕੀਏ।
ਇਨ੍ਹਾਂ ਮਤਿਆਂ ਦੀ ਪ੍ਰਵਾਨਗੀ ਤੋਂ ਉਪਰੰਤ ਸ: ਹਰਦੀਪ ਸਿੰਘ ਵਲੋਂ ਤੀਜੀ ਕਾਨਫਰੰਸ ਨਿਊਜਰਸੀ ਵਿਖੇ ਕਰਾਉਣ ਲਈ ਬੇਨਤੀ ਕੀਤੀ ਗਈ, ਜਿਸਨੂੰ ਜੈਕਾਰਿਆਂ ਦੀ ਗੂੰਜ ਵਿਚ ਪ੍ਰਵਾਨਗੀ ਦੇ ਦਿੱਤੀ ਗਈ।
ਉਪਰੋਕਤ ਬੁਲਾਰਿਆਂ ਤੋਂ ਇਲਾਵਾ ਇਸ ਕਾਨਫਰੰਸ ਨੂੰ ਸੰਬੋਧਨ ਕਰਨ ਵਾਲਿਆਂ ਵਿਚ ਸ: ਹਰਿੰਦਰ ਸਿੰਘ ਹੁੰਦਲ, ਸ: ਚਰਨਜੀਤ ਸਿੰਘ ਬਾਠ, ਸ: ਰੌਣਕ ਸਿੰਘ, ਸ: ਜਸਵੰਤ ਸਿੰਘ ਢਿਲੋਂ, ਸ: ਜਸਪ੍ਰੀਤ ਸਿੰਘ, ਸ: ਹਰਦੀਪ ਸਿੰਘ ਗੋਲਡੀ, ਸ: ਨਾਜਰ ਸਿੰਘ ਕੂਨਰ, ਮਾ: ਮਹਿੰਦਰ ਸਿੰਘ, ਸ: ਨਰਿੰਦਰਪਾਲ ਸਿੰਘ, ਸ: ਹਰਬੰਸ ਸਿੰਘ ਸੰਧੂ, ਸ: ਬਲਦੇਵ ਸਿੰਘ ਸੱਲ੍ਹਾ, ਸ: ਹਰਬੰਸ ਸਿੰਘ ਪੰਮਾ, ਸ: ਮਲਕੀਤ ਸਿੰਘ, ਸ: ਮਲਵਿੰਦਰ ਸਿੰਘ ਚਾਹਲ, ਸ: ਅਰਵਿੰਦਰ ਸਿੰਘ, ਸ: ਪ੍ਰੀਤਮ ਸਿੰਘ ਗਿਲਝੀਆਂ, ਸ: ਮਨਿੰਦਰ ਸਿੰਘ ਬਰਾੜ, ਸ: ਮੋਹਣ ਸਿੰਘ, ਸ: ਜਰਨੈਲ ਸਿੰਘ ਗਿਲਝੀਆਂ, ਸ; ਜਸਬੀਰ ਸਿੰਘ ਲਾਲੀ, ਸ: ਕੁਲਬੀਰ ਸਿੰਘ ਦੇ ਨਾਮ ਵਰਣਨਯੋਗ ਹਨ।
ਇਸ ਕਾਨਫਰੰਸ ਵਿਚ ਸ਼ਾਮਲ ਹੋਣ ਵਾਲਿਆਂ ਵਿਚ ਸ: ਹਰਬੰਸ ਸਿੰਘ ਚਾਹਲ, ਸ: ਦਲਬੀਰ ਸਿੰਘ ਸੰਘੇੜਾ, ਸ: ਜਗਤਾਰ ਸਿੰਘ ਸਮਰਾ, ਸ: ਸੁਖਮਿੰਦਰ ਸਿੰਘ ਸਮਰਾ, ਸ: ਗੁਰਸ਼ਰਨ ਸਿੰਘ ਨੱਤ, ਸ: ਜਸਵਿੰਦਰ ਸਿੰਘ, ਸ: ਕੁਲਬੀਰ ਸਿੰਘ, ਸ: ਸੁੱਖੀ ਘੁੰਮਣ, ਸ: ਜਰਨੈਲ ਸਿੰਘ ਸੰਧੂ, ਸ: ਰਾਣਾ ਸੰਧੂ, ਸ: ਘੁੰਮਣ, ਸ: ਸਰਬਜੀਤ ਸਿੰਘ ਸਰਾਓ, ਸ: ਜਸਵੰਤ ਸਿੰਘ ਸਰਾਂ, ਜਸਵੰਤ ਸਿੰਘ ਸਮਰਾ, ਬਲਜਿੰਦਰ ਸਿੰਘ ਬਰਾੜ, ਜਸਬੀਰ ਸਿੰਘ ਪਠਾਨਕੋਟ, ਸ: ਰਛਪਾਲ ਸਿੰਘ ਰਾਣਾ, ਸ: ਸੁਖਦੇਵ ਸਿੰਘ ਮੂਨੜ, ਸ: ਅੰਮਿਤਪਾਲ ਸਿੰਘ, ਸ: ਅਜਾਇਬ ਸਿੰਘ ਸੰਧੂ, ਸ: ਪ੍ਰਮਜੀਤ ਸਿੰਘ ਨਿੱਝਰ, ਰੁਪਿੰਦਰ ਸਿੰਘ ਜੱਜ, ਸ: ਬਲਜਿੰਦਰ ਸਿੰਘ ਵੜੈਚ, ਸ: ਸੁਰਜੀਤ ਸਿੰਘ ਕਾਹਲੋਂ ਆਦਿ ਦੇ ਨਾਮ ਵਰਣਨਯੋਗ ਹਨ।
ਇਸ ਕਾਨਫਰੰਸ ਦੇ ਅੰਤ ਵਿਚ ਸਟੇਜ ਸਕੱਤਰ ਸ: ਇਕਬਾਲ ਸਿੰਘ ਸਮਰਾ ਨੇ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੇ ਜਨਰਲ ਸਕੱਤਰ ਸ: ਸੁਖਦੇਵ ਸਿੰਘ ਢੀਂਡਸਾ, ਰਾਜਸਭਾ ਮੈਂਬਰ ਵਲੋਂ ਪੰਜਾਬ ਤੋਂ ਆਇਆ ਸੰਦੇਸ਼ ਪੜ੍ਹਕੇ ਸੁਣਾਇਆ। ਉਨ੍ਹਾਂ ਨੇ ਵੀ ਪਾਰਟੀ ਦੀ ਅਮਰੀਕਾ ਇਕਾਈ ਵਲੋਂ ਕੀਤੀ ਜਾ ਰਹੀ ਦੂਜੀ ਕਾਨਫਰੰਸ ਲਈ ਸਾਰਿਆਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਮੋਢੇ ਨਾਲ ਮੋਢਾ ਜੋੜਕੇ ਚਲਣਾ ਚਾਹੀਦਾ ਹੈ।
ਇਨ੍ਹਾਂ ਤੋਂ ਇਲਾਵਾ ਇਸ ਕਾਨਫਰੰਸ ਨੂੰ ਸ਼ਾਨਦਾਰ ਢੰਗ ਨਾਲ ਕਰਾਉਣ ਲਈ ਲਾਸ ਏਂਜਲਸ ਦੇ ਸਾਰੇ ਹੀ ਅਹੁਦੇਦਾਰ ਵਧਾਈ ਦੇ ਪਾਤਰ ਹਨ। ਇਸ ਕਾਨਫਰੰਸ ਦੀ ਸੇਵਾ ਸ: ਇਕਬਾਲ ਸਿੰਘ ਸਮਰਾ ਵਲੋਂ ਬਹੁਤ ਹੀ ਸੁਚੱਜੇ ਢੰਗ ਨਾਲ ਨਿਭਾਈ ਗਈ।
ਸ੍ਰੀ ਲੰਕਾਂ ਕ੍ਰਿਕਟ ਬੋਰਡ ਨੇ ਸਹਿਵਾਗ ਤੋਂ ਮਾਫ਼ੀ ਮੰਗੀ
ਦਾਂਬੁਲਾ, 17 ਅਗਸਤ
ਭਾਰਤੀ ਸਲਾਮੀ ਬੱਲਬਾਜ਼ ਵੀਰੇਂਦਰ ਸਹਿਵਾਗ ਨੂੰ ਜਾਣ–ਬੁੱਝ ਕੇ ਨੋਬਾਲ ਸੁੱਟ ਕੇ ਸੈਂਕੜਾ ਤੋਂ ਵਾਂਝੇ ਕਰਨ ਵਾਲੇ ਸਪਿੰਨਰ ਸੂਰਜ ਰਣਦੀਵ ਦੇ ਵਰਤਾਓ ਤੋਂ ਪ੍ਰੇਸ਼ਾਨ ਸ੍ਰੀ ਲੰਕਾਂ ਕ੍ਰਿਕਟ ਬੋਰਡ ਨੇ ਸਹਿਵਾਗ ਤੋਂ ਮਾਫ਼ੀ ਮੰਗਦੇ ਹੋਏ ਜਾਂਚ ਰਿਪੋਰਟ ਮਿਲਣ ਤੋਂ ਬਾਅਦ ਕਾਰਵਾਈ ਦਾ ਵਾਅਦਾ ਕੀਤਾ ਹੈ। ਸ੍ਰੀ¦ਕਾ ਕ੍ਰਿਕਟ ਬੋਰਡ ਦੇ ਸਕੱਤਰ ਨਿਸ਼ਾਂਤਾ ਰਣਤੁੰਗਾ ਨੇ ਭਾਰਤੀ ਟੀਮ ਦੇ ਮੈਨੇਜਰ ਰੰਜੀਬ ਬਿਸਵਾਲ ਨੂੰ ਮਿਲ ਕੇ ਕੱਲ• ਦੀ ਘਟਨਾ ਲਈ ਮਾਫ਼ੀ ਮੰਗੀ ਹੈ।ਸਹਿਵਾਗ ਉਸ ਸਮੇਂ ਆਪਣੇ 13ਵੇਂ ਸੈਂਕੜੇ ਤੋਂ ਇੱਕ ਦੌੜ ਦੀ ਦੂਰੀ ’ਤੇ ਸਨ ਜਦ ਰਣਦੀਵ ਨੇ ਨੋਬਾਲ ਸੁੱਟ ਦਿੱਤੀ। ਸਹਿਵਾਗ ਨੇ ਉਸ ’ਤੇ ਛੱਕਾ ਲਗਾਇਆ ਪਰ ਭਾਰਤ ਲਈ ਜਿੱਤ ਦੀ ਦੌੜ ਨੋ–ਬਾਲ ਤੋਂ ਹੀ ਮਿਲ ਜਾਣ ਕਾਰਨ ਉਸ ਨੂੰ ਗਿਣਿਆ ਨਹੀਂ ਗਿਆ। ਸਹਿਵਾਗ 99 ’ਤੇ ਅਜੇਤੂ ਰਹਿ ਗਏ। ਬਿਸਵਾਲ ਨੇ ਦੱਸਿਆ– ਸਵੇਰੇ ਰਣਤੁੰਗਾ ਨੇ ਮੈਨੂੰ ਮਿਲ ਕੇ ਬੋਰਡ ਵੱਲੋਂ ਇਸ ਘਟਨਾ ਲਈ ਮਾਫ਼ੀ ਮੰਗੀ ਹੈ। ਰਣਤੁੰਗਾ ਨੇ ਦੱਸਿਆ ਕਿ ਕਾਰਵਾਈ ਦੀ ਦਿਸ਼ਾ ਤੈਅ ਕਰਨ ਲਈ ਸ੍ਰੀਲੰਕਾ ਕ੍ਰਿਕਟ ਬੋਰਡ ਟੀਮ ਮੈਨੇਜਰ ਦੀ ਰਿਪੋਰਟ ਦਾ ਇੰਤਜ਼ਾਰ ਕਰ ਰਿਹਾ ਹੈ।
ਚੀਨ ਦੀ ਵਧਦੀ ਤਾਕਤ ਤੋਂ ਅਮਰੀਕਾ ਚਿੰਤਿਤ
ਵਾਸ਼ਿੰਗਟਨ, 17 ਅਗਸਤ
ਅਮਰੀਕਾ ਨੇ ਚੀਨ ਦੀ ਵਧਦੀ ਸੈਨਾ ਤਾਕਤ ’ਤੇ ਚਿੰਤਾ ਪ੍ਰਗਟ ਕਰਦਿਆਂ ਕਿਹਾ ਹੈ ਕਿ ਉਹ ਆਪਣੇ ਗੁਆਂਢ ਤੋਂ ਪਰੇ ਦੁਨੀਆਂ ਭਰ ਵਿੱਚ ਆਪਣੇ ਪੈਰ ਪਸਾਰਨ ਵਿੱਚ ਜੁਟਿਆ ਹੈ। ਪੈਂਟਾਗਨ ਦੀ ਰਿਪੋਰਟ ਵਿੱਚ ਇਸ ਗੱਲ ’ਤੇ ਚਿੰਤਾ ਪ੍ਰਗਟ ਕੀਤੀ ਗਈ ਹੈ ਕਿ ਚੀਨ ਨੇ ਆਪਣੀ ਸੈਨਾ ਸਮਰੱਥਾ ਨੂੰ ਜੋ ਅਨੁਮਾਨ ਦਿੱਤਾ ਹੈ ਉਸ ਵਿੱਚ ਪਾਰਦਰਸ਼ਿਤਾ ਨਹੀਂ ਹੈ ਅਤੇ ਉਸ ਬਾਰੇ ਪਤਾ ਲਗਾਉਣਾ ਵੀ ਮੁਸ਼ਕਲ ਹੈ। ਦੂਸਰੀ ਗੱਲ ਉਹ ਕਿਸ ਪ੍ਰਕਾਰ ਆਪਣੀ ਸੈਨਾ ਸਮਰੱਥਾ ਵਿੱਚ ਵਿਸਤਾਰ ਕਰ ਰਿਹਾ ਹੈ ਅਤੇ ਉਸ ਦਾ ਇਰਾਦਾ ਕੀ ਹੈ ਇਹ ਵੀ ਪਤਾ ਨਹੀਂ ਲੱਗ ਰਿਹਾ ਹੈ। ਪੈਂਟਾਗਨ ਦਾ ਅੰਦਾਜ਼ਾ ਹੈ ਕਿ ਚੀਨ ਨੇ ਇਕੱਲੇ 2009 ਵਿੱਚ 150 ਅਰਬ ਡਾਲਰ ਸੈਨਾ ’ਤੇ ਖਰਚ ਕੀਤਾ। ਹਾਲਾਂਕਿ ਸੈਨਾ ਸਮਰੱਥਾ ਵਿਸਤਾਰ ਤਹਿਤ ਮਨੁੱਖੀ ਅਤੇ ਸਮੁੰਦਰੀ ਲੁੱਟ–ਖਸੁੱਟ ਖ਼ਿਲਾਫ ਵਿਵਸਥਾ ਕਰਨ ਵਰਗੇ ਸਕਾਰਾਤਮਿਕ ਕਾਰਜਾਂ ’ਤੇ ਧਿਆਨ ਦਿੱਤਾ ਗਿਆ ਪਰ ਚੀਨ ਨੇ ਹਮੇਸ਼ਾ ਚਾਹਿਆ ਹੈ ਕਿ ਉਹ ਆਪਣੇ ਤੱਟ ਤੋਂ ਦੂਰ ਹੋਰ ਖੇਤਰਾਂ ਵਿੱਚ ਵੀ ਆਪਣੇ ਪੈਰ ਪਸਾਰ ਸਕੇ ਜੋ ਅਮਰੀਕਾ ਲਈ ਚਿੰਤਾਜਨਕ ਹੈ।
ਚੀਨ ’ਚ ਭਾਰੀ ਬਾਰਿਸ਼, 36 ਦੀ ਮੌਤ
ਪੇਈਚਿੰਗ, 17 ਅਗਸਤ
ਚੀਨ ’ਚ ਭਾਰੀ ਬਾਰਿਸ਼ ਦੀ ਵਜਾ ਕਰਕੇ ਜਾਨਮਾਲ ਦਾ ਨੁਕਸਾਨ ਜਾਰੀ ਹੈ। ਦੇਸ਼ ਦੇ ਉਤਰੀ ਪ੍ਰਾਂਤ ਗੰਸ਼ੂ ਵਿੱਚ ਹੜ ਕਾਰਨ 36 ਲੋਕ ਮਾਰੇ ਗਏ ਹਨ ਜਦਕਿ 23 ਹੋਰ ਲਾਪਤਾ ਹਨ। ਗੰਸ਼ੂ ਵਿੱਚ ਹੀ ਇਸ ਮਹੀਨੇ ਦੀ ਸ਼ੁਰੂਆਤ ਵਿੱਚ ਵੱਡੇ ਪੈਮਾਨੇ ’ਤੇ ਜ਼ਮੀਨ ਖਿਸਕਣ ਹੋਇਆ ਹੈ। ਗੰਸ਼ੂ ਦੇ ਲਾਂਗਨਾਨ ਸ਼ਹਿਰ ਵਿੱਚ ਸੋਮਵਾਰ ਨੂੰ ਮੂਹਲੇਧਾਰ ਬਾਰਿਸ਼ ਤੋਂ ਬਾਅਦ ਹੜ ਆ ਗਿਆ ਜਿਸ ਵਿੱਚ ਘੱਟੋ–ਘੱਟੋ 36 ਲੋਕ ਮਾਰੇ ਗਏ ਹਨ। ਚੀਨ ਵਿੱਚ ਹੜ ਅਤੇ ਹੋਰ ਸਥਿਤੀਆਂ ਵਿੱਚ ਸਾਲ ਹੁਣ ਤੱਕ 2300 ਲੋਕ ਮਾਰੇ ਜਾ ਚੁੱਕੇ ਹਨ ਅਤੇ 12 ਹੋਰ ਲਾਪਤਾ ਹਨ। ਸੂਤਰਾਂ ਦਾ ਕਹਿਣਾ ਹੈ ਕਿ ਭਾਰੀ ਬਾਰਿਸ਼ ਕਾਰਨ 6000 ਤੋਂ ਜ਼ਿਆਦਾ ਘਰ ਤਬਾਹ ਹੋ ਗਏ ਹਨ। ਹੜ ਕਾਰਨ ਸੜਕਾਂ ਨੂੰ ਬਹੁਤ ਨੁਕਸਾਨ ਪਹੁੰਚਿਆ ਹੈ ਅਤੇ ਬਿਜਲੀ ਸਪਲਾਈ ਠੱਪ ਹੋ ਗਈ ਹੈ। ਕੁਝ ਥਾਵਾਂ ’ਤੇ ਹੜ ਅਤੇ ਜ਼ਮੀਨ ਖਿਸਕਣ ਨੇ ਅਜਿਹੀ ਤਬਾਹੀ ਮਚਾਈ ਕਿ ਰਾਹਤ ਅਤੇ ਬਚਾਅ ਕਰਮਚਾਰੀਆਂ ਨੂੰ ਮਲਬਾ ਹਟਾਉਣ ਲਈ ਬੁਲਡੋਜ਼ਰਾਂ ਅਤੇ ਵੱਡੀਆਂ–ਵੱਡੀਆਂ ਕ੍ਰੇਨਾਂ ਦਾ ਸਹਾਰਾ ਲੈਣਾ ਪੈ ਰਿਹਾ ਹੈ।
ਓਬਾਮਾ ਦੇ ਕੰਮ ਤੋਂ 42 ਫੀਸਦੀ ਅਮਰੀਕੀ ਹੀ ਸੰਤੁਸ਼ਟ
ਵਾਸ਼ਿੰਗਟਨ, 17 ਅਗਸਤ
ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਕੰਮਕਾਜ ਤੋਂ ਇਤਫਾਕ ਰੱਖਣ ਵਾਲਿਆਂ ਦੀ ਗਿਣਤੀ ਵਿੱਚ ਜ਼ਬਰਦਸਤ ਗਿਰਾਵਟ ਆਈ ਹੈ ਅਤੇ ਤਾਜ਼ਾ ਸਰਵੇਖਣ ਅਨੁਸਾਰ 9 ਅਗਸਤ ਤੋਂ 15 ਅਗਸਤ ਦੇ ਹਫ਼ਤੇ ਦੌਰਾਨ ਇਹ ਹੁਣ ਦੇ ਸਭ ਤੋਂ ਘੱਟ 44 ਪ੍ਰਤੀਸ਼ਤ ’ਤੇ ਜਾ ਪਹੁੰਚੀ। ਇਸ ਹਫ਼ਤੇ ਦੇ ਅੰਤ ਵਿੱਚ ਓਬਾਮਾ ਦੇ ਕੰਮ ਦੀ ਰੇਟਿੰਗ ਵਿੱਚ ਗਿਰਾਵਟ ਆਈ ਅਤੇ 12 ਤੋਂ 14 ਅਗਸਤ ਅਤੇ 13 ਤੋਂ 15 ਅਗਸਤ ਦੌਰਾਨ ਇਹ 42 ਫੀਸਦੀ ਤੱਕ ਜਾ ਪਹੁੰਚਿਆ। ਰੇਟਿੰਗ ਵਿੱਚ ਕਿਹਾ ਗਿਆ ਹੈ ਕਿ ਇਸ ਤੋਂ ਪਹਿਲਾਂ ਓਬਾਮਾ ਦਾ ਤਿੰਨ ਦਿਨਾਂ ਵਿੱਚ ਸਭ ਤੋਂ ਘੱਟ ਪ੍ਰਦਰਸ਼ਨ 44 ਪ੍ਰਤੀਸ਼ਤ ਦਾ ਸੀ। ਨਾਲ ਹੀ 13 ਤੋਂ 15 ਅਗਸਤ ਦੌਰਾਨ ਇਹ ਪਹਿਲੀ ਵਾਰ ਓਬਾਮਾ ਨਾਲ ਅਸਹਿਮਤੀ ਰੱਖਣ ਵਾਲਿਆਂ ਦੀ ਰੇਟਿੰਗ 50 ਫੀਸਦੀ ਤੱਕ ਜਾ ਪਹੁੰਚੀ।ਹਫ਼ਤੇ ਦੇ ਅੰਤ ਵਿੱਚ ਓਬਾਮਾ ਛੁੱਟੀ ਮਨਾਉਣ ਲਈ ਪਰਿਵਾਰ ਦੇ ਨਾਲ ਫਲੋਰਿਡਾ ਦੇ ਗਲਫ਼ ਕੋਸਟ ਗਏ ਸਨ ਕਿ ਇੰਟਰਨੈਟ ਅਤੇ ਨਿਊਜ਼ ਚੈਨਲਾਂ ਵਿੱਚ ਉਹਨਾਂ ਦਾ ਨਿਊਯਾਰਕ ਵਿੱਚ ਮਸਜਿਦ ਨਿਰਮਾਣ ਦੇ ਸਮਰਥਨ ਵਿੱਚ ਦਿੱਤਾ ਬਿਆਨ ਛਾਇਆ ਰਿਹਾ।
ਬ੍ਰਿਟੇਨ ਦੇ ਹਵਾਈ ਅੱਡਿਆਂ ’ਤੇ ਹੋਣ ਵਾਲੀ ਹੜਤਾਲ ਟਲੀ
, 17 ਅਗਸਤ ਬ੍ਰਿਤਾਨੀ
ਹਵਾਈ ਅੱਡਿਆਂ ’ਤੇ ਇਸ ਹਫ਼ਤੇ ਪ੍ਰਸਤਾਵਿਤ ਹੜਤਾਲ ਪ੍ਰਬੰਧਨ ਦੇ ਵੇਤਨ ਢਾਂਚੇ ਨੂੰ ਸੁਧਾਰਨ ਦੇ ਪ੍ਰਸਤਾਵ ਤੋਂ ਬਾਅਦ ਟਲ ਗਈ ਹੈ। ਇਸ ਹੜਤਾਲ ਤੋਂ ਛੇ ਹਵਾਈ ਅੱਡੇ ਪ੍ਰਭਾਵਿਤ ਹੁੰਦੇ। ਦੋਵੇਂ ਪੱਖਾਂ ਨੇ ਇਸ ਗੱਲ ਦਾ ਐਲਾਨ ਕੀਤਾ ਹੈ। ਇਸ ਗੱਲ ਦਾ ਡਰ ਸੀ ਕਿ ਯੂਨੀਅਨ ਦੇ ਨੇਤਾਵਾਂ ਨੇ ਸਾਲ ਦੇ ਸਭ ਤੋਂ ਰੁਝੇਵੇਂ ਭਰੇ ਸਮੇਂ 28–30 ਅਗਸਤ ਦੀਆਂ ਛੁੱਟੀਆਂ ਨੂੰ ਧਿਆਨ ਵਿੱਚ ਰੱਖ ਕੇ ਹੜਤਾਲ ਦਾ ਸੱਦਾ ਦਿੱਤਾ ਸੀ।ਇਸ ਹੜਤਾਲ ਦੇ ਵਿਸ਼ਵ ਦਾ ਸਭ ਤੋਂ ਰੁਝੇਵੇਂ ਭਰਿਆ ਹਵਾਈ ਅੱਡਾ ਹੀਥਰੋ ਪ੍ਰਭਾਵਿਤ ਹੁੰਦਾ। ਪਰ ਯੂਨਾਈਟ ਦੇ ਰਾਸ਼ਟਰੀ ਅਧਿਕਾਰੀ ਬ੍ਰਾਇਨ ਬੋਇਡ ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ ਹੜਤਾਲ ਵਾਪਸ ਲੈ ਰਹੇ ਹਨ। ਉਹਨਾਂ ਕਿਹਾ– ਯੂਨਾਈਟ ਦੀ ਸਲਾਹਕਾਰ ਕਮੇਟੀ ਬੀ.ਏ.ਏ. ਵੱਲੋਂ ਹੋਰ ਸੁਧਰਿਆ ਹੋਇਆ ਪ੍ਰਸਤਾਵ ਸੁਝਾਵੇਗੀ।
।
ਸ੍ਰੀ ਲੰਕਾ ਕ੍ਰਿਕਟ ਬੋਰਡ ਨੇ ਸਹਿਵਾਗ ਤੋਂ ਮਾਫ਼ੀ ਮੰਗੀ
ਦਾਂਬੁਲਾ, 17 ਅਗਸਤ
ਭਾਰਤੀ ਸਲਾਮੀ ਬੱਲਬਾਜ਼ ਵੀਰੇਂਦਰ ਸਹਿਵਾਗ ਨੂੰ ਜਾਣ–ਬੁੱਝ ਕੇ ਨੋਬਾਲ ਸੁੱਟ ਕੇ ਸੈਂਕੜਾ ਤੋਂ ਵਾਂਝੇ ਕਰਨ ਵਾਲੇ ਸਪਿੰਨਰ ਸੂਰਜ ਰਣਦੀਵ ਦੇ ਵਰਤਾਓ ਤੋਂ ਪ੍ਰੇਸ਼ਾਨ ਸ੍ਰੀਲੰਕਾ ਕ੍ਰਿਕਟ ਬੋਰਡ ਨੇ ਸਹਿਵਾਗ ਤੋਂ ਮਾਫ਼ੀ ਮੰਗਦੇ ਹੋਏ ਜਾਂਚ ਰਿਪੋਰਟ ਮਿਲਣ ਤੋਂ ਬਾਅਦ ਕਾਰਵਾਈ ਦਾ ਵਾਅਦਾ ਕੀਤਾ ਹੈ। ਸ੍ਰੀ¦ਕਾ ਕ੍ਰਿਕਟ ਬੋਰਡ ਦੇ ਸਕੱਤਰ ਨਿਸ਼ਾਂਤਾ ਰਣਤੁੰਗਾ ਨੇ ਭਾਰਤੀ ਟੀਮ ਦੇ ਮੈਨੇਜਰ ਰੰਜੀਬ ਬਿਸਵਾਲ ਨੂੰ ਮਿਲ ਕੇ ਕੱਲ• ਦੀ ਘਟਨਾ ਲਈ ਮਾਫ਼ੀ ਮੰਗੀ ਹੈ।ਸਹਿਵਾਗ ਉਸ ਸਮੇਂ ਆਪਣੇ 13ਵੇਂ ਸੈਂਕੜੇ ਤੋਂ ਇੱਕ ਦੌੜ ਦੀ ਦੂਰੀ ’ਤੇ ਸਨ ਜਦ ਰਣਦੀਵ ਨੇ ਨੋਬਾਲ ਸੁੱਟ ਦਿੱਤੀ। ਸਹਿਵਾਗ ਨੇ ਉਸ ’ਤੇ ਛੱਕਾ ਲਗਾਇਆ ਪਰ ਭਾਰਤ ਲਈ ਜਿੱਤ ਦੀ ਦੌੜ ਨੋ–ਬਾਲ ਤੋਂ ਹੀ ਮਿਲ ਜਾਣ ਕਾਰਨ ਉਸ ਨੂੰ ਗਿਣਿਆ ਨਹੀਂ ਗਿਆ। ਸਹਿਵਾਗ 99 ’ਤੇ ਅਜੇਤੂ ਰਹਿ ਗਏ। ਬਿਸਵਾਲ ਨੇ ਦੱਸਿਆ– ਸਵੇਰੇ ਰਣਤੁੰਗਾ ਨੇ ਮੈਨੂੰ ਮਿਲ ਕੇ ਬੋਰਡ ਵੱਲੋਂ ਇਸ ਘਟਨਾ ਲਈ ਮਾਫ਼ੀ ਮੰਗੀ ਹੈ। ਰਣਤੁੰਗਾ ਨੇ ਦੱਸਿਆ ਕਿ ਕਾਰਵਾਈ ਦੀ ਦਿਸ਼ਾ ਤੈਅ ਕਰਨ ਲਈ ਸ੍ਰੀਲੰਕਾ ਕ੍ਰਿਕਟ ਬੋਰਡ ਟੀਮ ਮੈਨੇਜਰ ਦੀ ਰਿਪੋਰਟ ਦਾ ਇੰਤਜ਼ਾਰ ਕਰ ਰਿਹਾ ਹੈ।
ਚੀਨ ਦੀ ਵਧਦੀ ਤਾਕਤ ਤੋਂ ਅਮਰੀਕਾ ਚਿੰਤਿਤ
ਵਾਸ਼ਿੰਗਟਨ, 17 ਅਗਸਤ
ਅਮਰੀਕਾ ਨੇ ਚੀਨ ਦੀ ਵਧਦੀ ਸੈਨਾ ਤਾਕਤ ’ਤੇ ਚਿੰਤਾ ਪ੍ਰਗਟ ਕਰਦਿਆਂ ਕਿਹਾ ਹੈ ਕਿ ਉਹ ਆਪਣੇ ਗੁਆਂਢ ਤੋਂ ਪਰੇ ਦੁਨੀਆਂ ਭਰ ਵਿੱਚ ਆਪਣੇ ਪੈਰ ਪਸਾਰਨ ਵਿੱਚ ਜੁਟਿਆ ਹੈ। ਪੈਂਟਾਗਨ ਦੀ ਰਿਪੋਰਟ ਵਿੱਚ ਇਸ ਗੱਲ ’ਤੇ ਚਿੰਤਾ ਪ੍ਰਗਟ ਕੀਤੀ ਗਈ ਹੈ ਕਿ ਚੀਨ ਨੇ ਆਪਣੀ ਸੈਨਾ ਸਮਰੱਥਾ ਨੂੰ ਜੋ ਅਨੁਮਾਨ ਦਿੱਤਾ ਹੈ ਉਸ ਵਿੱਚ ਪਾਰਦਰਸ਼ਿਤਾ ਨਹੀਂ ਹੈ ਅਤੇ ਉਸ ਬਾਰੇ ਪਤਾ ਲਗਾਉਣਾ ਵੀ ਮੁਸ਼ਕਲ ਹੈ। ਦੂਸਰੀ ਗੱਲ ਉਹ ਕਿਸ ਪ੍ਰਕਾਰ ਆਪਣੀ ਸੈਨਾ ਸਮਰੱਥਾ ਵਿੱਚ ਵਿਸਤਾਰ ਕਰ ਰਿਹਾ ਹੈ ਅਤੇ ਉਸ ਦਾ ਇਰਾਦਾ ਕੀ ਹੈ ਇਹ ਵੀ ਪਤਾ ਨਹੀਂ ਲੱਗ ਰਿਹਾ ਹੈ। ਪੈਂਟਾਗਨ ਦਾ ਅੰਦਾਜ਼ਾ ਹੈ ਕਿ ਚੀਨ ਨੇ ਇਕੱਲੇ 2009 ਵਿੱਚ 150 ਅਰਬ ਡਾਲਰ ਸੈਨਾ ’ਤੇ ਖਰਚ ਕੀਤਾ। ਹਾਲਾਂਕਿ ਸੈਨਾ ਸਮਰੱਥਾ ਵਿਸਤਾਰ ਤਹਿਤ ਮਨੁੱਖੀ ਅਤੇ ਸਮੁੰਦਰੀ ਲੁੱਟ–ਖਸੁੱਟ ਖ਼ਿਲਾਫ ਵਿਵਸਥਾ ਕਰਨ ਵਰਗੇ ਸਕਾਰਾਤਮਿਕ ਕਾਰਜਾਂ ’ਤੇ ਧਿਆਨ ਦਿੱਤਾ ਗਿਆ ਪਰ ਚੀਨ ਨੇ ਹਮੇਸ਼ਾ ਚਾਹਿਆ ਹੈ ਕਿ ਉਹ ਆਪਣੇ ਤੱਟ ਤੋਂ ਦੂਰ ਹੋਰ ਖੇਤਰਾਂ ਵਿੱਚ ਵੀ ਆਪਣੇ ਪੈਰ ਪਸਾਰ ਸਕੇ ਜੋ ਅਮਰੀਕਾ ਲਈ ਚਿੰਤਾਜਨਕ ਹੈ।
ਚੀਨ ’ਚ ਭਾਰੀ ਬਾਰਿਸ਼, 36 ਦੀ ਮੌਤ
ਪੇਈਚਿੰਗ, 17 ਅਗਸਤ
ਚੀਨ ’ਚ ਭਾਰੀ ਬਾਰਿਸ਼ ਦੀ ਵਜਾ ਕਰਕੇ ਜਾਨਮਾਲ ਦਾ ਨੁਕਸਾਨ ਜਾਰੀ ਹੈ। ਦੇਸ਼ ਦੇ ਉਤਰੀ ਪ੍ਰਾਂਤ ਗੰਸ਼ੂ ਵਿੱਚ ਹੜ• ਕਾਰਨ 36 ਲੋਕ ਮਾਰੇ ਗਏ ਹਨ ਜਦਕਿ 23 ਹੋਰ ਲਾਪਤਾ ਹਨ। ਗੰਸ਼ੂ ਵਿੱਚ ਹੀ ਇਸ ਮਹੀਨੇ ਦੀ ਸ਼ੁਰੂਆਤ ਵਿੱਚ ਵੱਡੇ ਪੈਮਾਨੇ ’ਤੇ ਜ਼ਮੀਨ ਖਿਸਕਣ ਹੋਇਆ ਹੈ। ਗੰਸ਼ੂ ਦੇ ਲਾਂਗਨਾਨ ਸ਼ਹਿਰ ਵਿੱਚ ਸੋਮਵਾਰ ਨੂੰ ਮੂਹਲੇਧਾਰ ਬਾਰਿਸ਼ ਤੋਂ ਬਾਅਦ ਹੜ• ਆ ਗਿਆ ਜਿਸ ਵਿੱਚ ਘੱਟੋ–ਘੱਟੋ 36 ਲੋਕ ਮਾਰੇ ਗਏ ਹਨ। ਚੀਨ ਵਿੱਚ ਹੜ• ਅਤੇ ਹੋਰ ਸਥਿਤੀਆਂ ਵਿੱਚ ਸਾਲ ਹੁਣ ਤੱਕ 2300 ਲੋਕ ਮਾਰੇ ਜਾ ਚੁੱਕੇ ਹਨ ਅਤੇ 12 ਹੋਰ ਲਾਪਤਾ ਹਨ। ਸੂਤਰਾਂ ਦਾ ਕਹਿਣਾ ਹੈ ਕਿ ਭਾਰੀ ਬਾਰਿਸ਼ ਕਾਰਨ 6000 ਤੋਂ ਜ਼ਿਆਦਾ ਘਰ ਤਬਾਹ ਹੋ ਗਏ ਹਨ। ਹੜ• ਕਾਰਨ ਸੜਕਾਂ ਨੂੰ ਬਹੁਤ ਨੁਕਸਾਨ ਪਹੁੰਚਿਆ ਹੈ ਅਤੇ ਬਿਜਲੀ ਸਪਲਾਈ ਠੱਪ ਹੋ ਗਈ ਹੈ। ਕੁਝ ਥਾਵਾਂ ’ਤੇ ਹੜ• ਅਤੇ ਜ਼ਮੀਨ ਖਿਸਕਣ ਨੇ ਅਜਿਹੀ ਤਬਾਹੀ ਮਚਾਈ ਕਿ ਰਾਹਤ ਅਤੇ ਬਚਾਅ ਕਰਮਚਾਰੀਆਂ ਨੂੰ ਮਲਬਾ ਹਟਾਉਣ ਲਈ ਬੁਲਡੋਜ਼ਰਾਂ ਅਤੇ ਵੱਡੀਆਂ–ਵੱਡੀਆਂ ਕ੍ਰੇਨਾਂ ਦਾ ਸਹਾਰਾ ਲੈਣਾ ਪੈ ਰਿਹਾ ਹੈ। ਓਬਾਮਾ ਦੇ ਕੰਮ ਤੋਂ 42 ਫੀਸਦੀ ਅਮਰੀਕੀ ਹੀ ਸੰਤੁਸ਼ਟ ਵਾਸ਼ਿੰਗਟਨ, 17 ਅਗਸਤ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਕੰਮਕਾਜ ਤੋਂ ਇਤਫਾਕ ਰੱਖਣ ਵਾਲਿਆਂ ਦੀ ਗਿਣਤੀ ਵਿੱਚ ਜ਼ਬਰਦਸਤ ਗਿਰਾਵਟ ਆਈ ਹੈ ਅਤੇ ਤਾਜ਼ਾ ਸਰਵੇਖਣ ਅਨੁਸਾਰ 9 ਅਗਸਤ ਤੋਂ 15 ਅਗਸਤ ਦੇ ਹਫ਼ਤੇ ਦੌਰਾਨ ਇਹ ਹੁਣ ਦੇ ਸਭ ਤੋਂ ਘੱਟ 44 ਪ੍ਰਤੀਸ਼ਤ ’ਤੇ ਜਾ ਪਹੁੰਚੀ। ਇਸ ਹਫ਼ਤੇ ਦੇ ਅੰਤ ਵਿੱਚ ਓਬਾਮਾ ਦੇ ਕੰਮ ਦੀ ਰੇਟਿੰਗ ਵਿੱਚ ਗਿਰਾਵਟ ਆਈ ਅਤੇ 12 ਤੋਂ 14 ਅਗਸਤ ਅਤੇ 13 ਤੋਂ 15 ਅਗਸਤ ਦੌਰਾਨ ਇਹ 42 ਫੀਸਦੀ ਤੱਕ ਜਾ ਪਹੁੰਚਿਆ। ਰੇਟਿੰਗ ਵਿੱਚ ਕਿਹਾ ਗਿਆ ਹੈ ਕਿ ਇਸ ਤੋਂ ਪਹਿਲਾਂ ਓਬਾਮਾ ਦਾ ਤਿੰਨ ਦਿਨਾਂ ਵਿੱਚ ਸਭ ਤੋਂ ਘੱਟ ਪ੍ਰਦਰਸ਼ਨ 44 ਪ੍ਰਤੀਸ਼ਤ ਦਾ ਸੀ। ਨਾਲ ਹੀ 13 ਤੋਂ 15 ਅਗਸਤ ਦੌਰਾਨ ਇਹ ਪਹਿਲੀ ਵਾਰ ਓਬਾਮਾ ਨਾਲ ਅਸਹਿਮਤੀ ਰੱਖਣ ਵਾਲਿਆਂ ਦੀ ਰੇਟਿੰਗ 50 ਫੀਸਦੀ ਤੱਕ ਜਾ ਪਹੁੰਚੀ।ਹਫ਼ਤੇ ਦੇ ਅੰਤ ਵਿੱਚ ਓਬਾਮਾ ਛੁੱਟੀ ਮਨਾਉਣ ਲਈ ਪਰਿਵਾਰ ਦੇ ਨਾਲ ਫਲੋਰਿਡਾ ਦੇ ਗਲਫ਼ ਕੋਸਟ ਗਏ ਸਨ ਕਿ ਇੰਟਰਨੈਟ ਅਤੇ ਨਿਊਜ਼ ਚੈਨਲਾਂ ਵਿੱਚ ਉਹਨਾਂ ਦਾ ਨਿਊਯਾਰਕ ਵਿੱਚ ਮਸਜਿਦ ਨਿਰਮਾਣ ਦੇ ਸਮਰਥਨ ਵਿੱਚ ਦਿੱਤਾ ਬਿਆਨ ਛਾਇਆ ਰਿਹਾ।
ਬ੍ਰਿਟੇਨ ਦੇ ਹਵਾਈ ਅੱਡਿਆਂ ’ਤੇ ਹੋਣ ਵਾਲੀ ਹੜਤਾਲ ਟਲੀ
ਲੰਡਨ, 17 ਅਗਸਤ
ਬ੍ਰਿਤਾਨੀ ਹਵਾਈ ਅੱਡਿਆਂ ’ਤੇ ਇਸ ਹਫ਼ਤੇ ਪ੍ਰਸਤਾਵਿਤ ਹੜਤਾਲ ਪ੍ਰਬੰਧਨ ਦੇ ਵੇਤਨ ਢਾਂਚੇ ਨੂੰ ਸੁਧਾਰਨ ਦੇ ਪ੍ਰਸਤਾਵ ਤੋਂ ਬਾਅਦ ਟਲ ਗਈ ਹੈ। ਇਸ ਹੜਤਾਲ ਤੋਂ ਛੇ ਹਵਾਈ ਅੱਡੇ ਪ੍ਰਭਾਵਿਤ ਹੁੰਦੇ। ਦੋਵੇਂ ਪੱਖਾਂ ਨੇ ਇਸ ਗੱਲ ਦਾ ਐਲਾਨ ਕੀਤਾ ਹੈ। ਇਸ ਗੱਲ ਦਾ ਡਰ ਸੀ ਕਿ ਯੂਨੀਅਨ ਦੇ ਨੇਤਾਵਾਂ ਨੇ ਸਾਲ ਦੇ ਸਭ ਤੋਂ ਰੁਝੇਵੇਂ ਭਰੇ ਸਮੇਂ 28–30 ਅਗਸਤ ਦੀਆਂ ਛੁੱਟੀਆਂ ਨੂੰ ਧਿਆਨ ਵਿੱਚ ਰੱਖ ਕੇ ਹੜਤਾਲ ਦਾ ਸੱਦਾ ਦਿੱਤਾ ਸੀ।ਇਸ ਹੜਤਾਲ ਦੇ ਵਿਸ਼ਵ ਦਾ ਸਭ ਤੋਂ ਰੁਝੇਵੇਂ ਭਰਿਆ ਹਵਾਈ ਅੱਡਾ ਹੀਥਰੋ ਪ੍ਰਭਾਵਿਤ ਹੁੰਦਾ। ਪਰ ਯੂਨਾਈਟ ਦੇ ਰਾਸ਼ਟਰੀ ਅਧਿਕਾਰੀ ਬ੍ਰਾਇਨ ਬੋਇਡ ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ ਹੜਤਾਲ ਵਾਪਸ ਲੈ ਰਹੇ ਹਨ। ਉਹਨਾਂ ਕਿਹਾ– ਯੂਨਾਈਟ ਦੀ ਸਲਾਹਕਾਰ ਕਮੇਟੀ ਬੀ.ਏ.ਏ. ਵੱਲੋਂ ਹੋਰ ਸੁਧਰਿਆ ਹੋਇਆ ਪ੍ਰਸਤਾਵ ਸੁਝਾਵੇਗੀ।
।
ਅਮੀਰਾਤ ਅਤੇ ਬਹਰੀਨ ਨਾਲ ਗੱਲਬਾਤ ਕਰੇਗਾ ਅਮਰੀਕਾ
ਦੁਬਈ, 17 ਅਗਸਤ
ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਵੱਲੋਂ ਇਰਾਨ ’ਤੇ ਉਸ ਦੇ ਪ੍ਰੋਗਰਾਮ ਦੀ ਵਜਾ ਕਰਕੇ ਲਗਾਈ ਗਈ ਪਾਬੰਦੀ ’ਤੇ ਅਮਰੀਕੀ ਅਧਿਕਾਰੀ ਇਸ ਹਫ਼ਤੇ ਸੰਯੁਕਤ ਅਰਬ ਅਮੀਰਾਤ, ਬਹਰੀਨ ਅਤੇ ਲਿਬਨਾਨ ਨਾਲ ਗੱਲ ਕਰਨਗੇ। ਅਮਰੀਕਾ ਦੇ ਅੱਤਵਾਦ ਅਤੇ ਵਿੱਤ ਸੂਚਨਾ ਵਿਭਾਗ ਦੇ ਉਪ ਮੰਤਰੀ ਸਟੁਅਰਟ ਲੇਵੀ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਇਸ ਗੱਲਬਾਤ ਵਿੱਚ ਯੂ.ਐਨ. ਸੁਰੱਖਿਆ ਪਰਿਸ਼ਦ ਵੱਲੋਂ ਜੂਨ ਵਿੱਚ ਪੇਸ਼ ਕੀਤੇ ਗਏ ਪ੍ਰਸਤਾਵ ’ਤੇ ਚਰਚਾ ਹੋਵੇਗੀ ਜਿਸ ਵਿੱਚ ਤਹਿਰਾਨ ’ਤੇ ਚੌਥੇ ਦੌਰ ਦੀ ਪਾਬੰਦੀ ਲਗਾਉਣ ਦੀ ਗੱਲ ਕਹੀ ਗਈ ਸੀ।ਉਹਨਾਂ ਕਿਹਾ ਕਿ ਇਸ ਤੋਂ ਇਲਾਵਾ ਇਸ ਬੈਠਕ ਵਿੱਚ ਅਮਰੀਕਾ ਵੱਲੋਂ ਜੂਨ ਵਿੱਚ ਇਸ ਪਾਬੰਦੀ ਦੇ ਸੰਬੰਧ ਵਿੱਚ ਬਣਾਏ ਗਏ ਕਾਨੂੰਨ ’ਤੇ ਵੀ ਚਰਚਾ ਹੋਵੇਗੀ। ਲੇਵੀ ਨੇ ਕਿਹਾ ਕਿ ਸਿਰਫ਼ ਪੱਛਮੀ ਏਸ਼ੀਆ ਵਿੱਚ ਹੀ ਨਹੀਂ ਬਲਕਿ ਬ੍ਰਾਜ਼ੀਲ, ਜਾਪਾਨ, ਦੱਖਣੀ ਕੋਰੀਆ ਅਤੇ ਤੁਰਕੀ ਵਿੱਚ ਵੀ ਇਸ ਸੰਬੰਧ ਵਿੱਚ ਗੱਲ ਕੀਤੀ ਜਾ ਰਹੀ ਹੈ। ਉਹਨਾਂ ਕਿਹਾ– ਅਸੀਂ ਛੇਤੀ ਹੀ ਉਹਨਾਂ ਥਾਵਾਂ ’ਤੇ ਜਾਵਾਂਗੇ ਜਿੱਥੇ ਅਸੀਂ ਜਾ ਸਕਦੇ ਹਾਂ ਕਿਉਂਕਿ ਮਹੱਤਵਪੂਰਨ ਗੱਲ ਇਹਨਾਂ ਪਾਬੰਦੀਆਂ ਨੂੰ ਵਿਸ਼ਵ–ਵਿਆਪੀ ਪੱਧਰ ’ਤੇ ਅਮਲ ਕਰਾਉਣਾ ਹੈ।
ਖੱਡ ’ਚ ਡਿੱਗਣ ਕਾਰਨ 10 ਮੌਤਾਂ
ਦੇਹਰਾਦੂਨ, 16 ਅਗਸਤ
ਉਤਰਾਖੰਡ ਦੇ ਅਲਮੋੜਾ ਜ਼ਿਲੇ ਦੇ ਸਲਟ ਥਾਣੇ ਦੇ ਕੂਫੀ ਪਿੰਡ ਕੋਲ ਇੱਕ ਮਿੰਨੀ ਬੱਸ ਦੇ ਕਰੀਬ 400 ਫੁੱਟ ਡੂੰਘੀ ਖੱਡ ਵਿੱਚ ਡਿੱਗਣ ਨਾਲ 10 ਵਿਅਕਤੀਆਂ ਦੀਆਂ ਮੌਤ ਹੋ ਗਈ ਜਦਕਿ ਅੱਠ ਹੋਰ ਜ਼ਖਮੀ ਹੋ ਗਏ ਹਨ। ਪੁਲਿਸ ਪ੍ਰਮੁੱਖ ਆਰ.ਐਸ. ਜਯੰਤ ਨੇ ਇੱਥੇ ਦੱਸਿਆ ਕਿ 18 ਯਾਤਰੀਆਂ ਨੂੰ ਲੈ ਕੇ ਰਾਮਨਗਰ ਤੋਂ ਗੌਲੀਖਾਲ ਜਾ ਰਹੀ ਬੱਸ ਦੇ ਡਰਾਈਵਰ ਕੂਫੀ ਪਿੰਡ ਕੋਲ ਇੱਕ ਮੋੜ ’ਤੇ ਕੰਟਰੋਲ ਖੋਹ ਬੈਠਾ ਜਿਸ ਕਰਕੇ ਬੱਸ ਡੂੰਘੀ ਖੱਡ ’ਚ ਜਾ ਡਿੱਗੀ।
ਉਹਨਾਂ ਦੱਸਿਆ ਕਿ ਸੂਚਨਾ ਮਿਲਦੇ ਹੀ ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ 10 ਜ਼ਖਮੀਆਂ ਨੂੰ ਰਾਮਨਗਰ ਹਸਪਤਾਲ ਵਿੱਚ ਪਹੁੰਚਾਇਆ, ਜਿੱਥੇ ਬਾਅਦ ਵਿੱਚ ਦੋ ਦੀ ਮੌਤ ਹੋ ਗਈ। ਪੁਲਿਸ ਪ੍ਰਮੁੱਖ ਨੇ ਦੱਸਿਆ ਕਿ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪਾਕਿਸਤਾਨ ’ਚ ਛੁਪਿਆ ਹੈ ਲਾਦੇਨ– ਅਮਰੀਕਾ
ਵਾਸ਼ਿੰਗਟਨ, 17 ਅਗਸਤ
ਅਮਰੀਕਾ ਦੇ ਇੱਕ ਉਚ ਜਨਰਲ ਡੇਵਿਡ ਪ੍ਰੈਟ੍ਰਾਯਸ ਨੇ ਕਿਹਾ ਹੈ ਕਿ ਅੰਤਰ–ਰਾਸ਼ਟਰੀ ਅੱਤਵਾਦੀ ਸੰਗਠਨ ਅਲਕਾਇਦਾ ਦਾ ਨੇਤਾ ਓਸਾਮਾ–ਬਿਨ–ਲਾਦੇਨ ਸੰਭਾਵਿਤ ਪਾਕਿਸਤਾਨ ਦੇ ਸੁਦੂਰ ਪਰਬਤੀ ਖੇਤਰਾਂ ਵਿੱਚ ਛੁਪਿਆ ਹੈ ਪਰ ਕਿਸੇ ਨੂੰ ਇਹ ਨਹੀਂ ਪਤਾ ਹੈ ਕਿ ਦਰਅਸਲ ਉਹ ਉਥੇ ਕਿਸ ਜਗਾ ’ਤੇ ਹੈ। ਅਫ਼ਗਾਨਿਸਤਾਨ ਵਿੱਚ ਅਮਰੀਕਾ ਦੀ ਅਗਵਾਈ ਵਾਲੇ ਨਾਟੋ ਬਲ ਦੇ ਕਮਾਂਡਰ ਪੈਟ੍ਰਾਯਸ ਨੇ ਇੱਕ ਟੀ.ਵੀ. ਚੈਨਲ ਨੂੰ ਕਿਹਾ– ਮੈਨੂੰ ਲੱਗਦਾ ਹੈ ਕਿ ਲਾਦੇਨ ਹੁਣ ਵੀ ਕੁਝ ਲੋਕਾਂ ਲਈ ਪ੍ਰੇਰਣਾ ਬਣਿਆ ਹੋਇਆ ਹੈ ਅਤੇ ਮਂ ਮੰਨਦਾ ਹਾਂ ਕਿ ਉਸ ਨੂੰ ਫੜਨਾ ਜਾਂ ਮਾਰਨਾ ਹੁਣ ਵੀ ਉਹਨਾਂ ਸਾਰੇ ਲੋਕਾਂ ਲਈ ਬਹੁਤ ਵੱਡੀ ਜ਼ਿੰਮੇਵਾਰੀ ਹੈ ਜੋ ਦੁਨੀਆਂ ਭਰ ਵਿੱਚ ਅੱਤਵਾਦ ਰੋਕੂ ਮੁਹਿੰਮ ਵਿੱਚ ਲੱਗੇ ਹੋਏ ਹਨ। ਉਹਨਾਂ ਕਿਹਾ– ਮੈਨੂੰ ਨਹੀਂ ਲੱਗਦਾ ਕਿ ਕਿਸੇ ਨੂੰ ਇਹ ਪਤਾ ਹੈ ਕਿ ਉਹ ਕਿੱਥੇ ਹੈ। ਸੱਚਾਈ ਇਹ ਹੈ ਕਿ ਪਿਛਲੇ ਸਾਲ ਇੱਕ ਮੁਹਿੰਮ ਦੌਰਾਨ ਉਸ ਨੂੰ ਆਪਣਾ ਵਧਾਈ ਸੰਦੇਸ਼ ਜਾਂ ਨਿੰਦਾ ਭੇਜਣ ਵਿੱਚ ਚਾਰ ਹਫ਼ਤੇ ਲੱਗ ਗਏ ਸਨ। ਇਸ ਕਰਕੇ ਪਤਾ ਲੱਗਦਾ ਹੈ ਕ ਉਹ ਸੁਦੂਰ ਅਤੇ ਪਰਬਤੀ ਖੇਤਰ ਵਿੱਚ ਕਿਤੇ ਛੁਪਿਆ ਹੈ। ਪੈਟ੍ਰਾਯਸ ਤੋਂ ਅਲਕਾਇਦਾ ਦੇ ਟਿਕਾਣੇ ਬਾਰੇ ਪੁੱਛਿਆ ਗਿਆ ਸੀ। ਉਹਨਾਂ ਨੇ ਤਾਲਿਬਾਨ ਨੇਤਾ ਮੁੱਲਾ ਉਮਰ ਨਾਲ ਸ਼ਾਂਤੀ ਵਾਰਤਾ ਦੀ ਕਿਸੇ ਸੰਭਾਵਨਾ ਤੋਂ ਇਨਕਾਰ ਕੀਤਾ ਪਰ ਨਾਲ ਹੀ ਇਹ ਵੀ ਕਿਹਾ ਕਿ ਹੇਠਲੇ ਅਤੇ ਮਧਿਅਮ ਵਰਗ ਦੇ ਅੱਤਵਾਦੀ ਇੱਕਜੁਟ ਹੋ ਰਹੇ ਹਨ।
ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੂੰ ੳੋਲੰਪਿਕ ਤੱਕ ਪਹੁੰਚਾਉਣਾ ਹੀ ਮੇਰੀ ਜਿੰਦਗੀ ਦਾ ਸੁਨਿਹਰੀ ਸੁਫਨਾ-ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ
ਜਦੋ ਸਮੁੱਚਾ ਸੰਸਾਰ ਆਰਥਿਕ ਮੰਦਹਾਲੀ ਦਾ ਸੰਤਾਪ ਹਿੰਢਾ ਰਿਹਾ ਹੋਵੇ ਅਤੇ ਉਸ ਸਮੇ ਹਰ ਵਿਅਕਤੀ ਨੂੰ ਆਪੋ-ਆਪਣੀ ਰੋਜੀ-ਰੋਟੀ ਦਾ ਫਿਕਰ ਹੋਵੇਗਾ,ਆਪਣੇ ਸੱਭਿਆਚਾਰਕ ਵਿਰਸੇ ਅਤੇ ਵਿਰਾਸਤ ਨੂੰ ਸੰਭਾਲਣ ਦੀ ਗੱਲ ਤਾਂ ਦੂਰ ਰਹੀ।ਅਜਿਹੇ ਨਾਜੁਕ ਦੌਰ ਚ ਜੋ ਵਿਅਕਤੀ ਆਪਣੇ ਸਭਿਆਚਾਰਕ ਅਤੇ ਰਵਾਇਤੀ ਖੇਡਾਂ ਨਾਲ ਮੋਹ ਪਾ ਕੇ ਕਬੱਡੀ ਨੂੰ ਬੁਲੰਦੀਆਂ ਤੇ ਪਹੁੰਚਾਉਣਾ ਲੋਚਦੇ ਹਨ ਉਹ ਲਾਭ/ਹਾਨੀ ਦੀ ਪ੍ਰਵਾਹ ਨਹੀਂ ਕਰਦੇ , ਸਮਾਜ ਵਿੱਚ ਉਹ ਇਕ ਵਿਅਕਤੀ ਨਹੀਂ ਸਗੋ ਇਕ ਸ਼ਖਸ਼ੀਅਤ ਵਜੋ ਜਾਣੇ ਜਾਂਦੇ ਹਨ। ਹੱਦੋ ਵੱਧ ਖੇਡਾਂ ਨਾਲ ਸ਼ੌ਼ਕ ੍ਹ ਦਾ ਜਨੂੰਨ ਜਦੋ ਸਿਰ ਚੜ ਬੋਲਦਾ ਹੈ ਤਾਂ ਵਿਦੇਸ਼ਾਂ ਚ ਖੇਡਾਂ ਨਾਲ ਮੋਹ ਪਾਲੀ ਵਸਦੇ ਪੰਜਾਬੀਆਂ ਦਾ ਜਿਕਰ ਆਪ ਮੁਹਾਰੇ ਹਰ ਖੇਡ ਪ੍ਰੇਮੀ ਦੀ ਜੁਬਾਨ ਤੇ ਆ ਜਾਂਦਾ ਹੈ ਜਿਨ੍ਹਾਂ ਨੇ ਆਪਣੇ ਵਤਨ ਤੋ ਕੋਹਾਂ ਦੂਰ ਰਹਿ ਕੇ ਆਪਣੇ ਵਿਰਸੇ/ਸਭਿਆਚਾਰ ਅਤੇ ਵਿਰਾਸਤ ਨੂੰ ਨਹੀ ਵਿਸਾਰਿਆ ਸਗੋ ਉਨ੍ਹਾਂ ਨੂੰ ਜਿਉਦਾ ਰੱਖਣ ਲਈ ਆਪਣੀ ਮਿਹਨਤ ਦੀ ਕਮਾਈ ਚੋ ਦਸਵੰਧ ਕੱਢ ਕੇ ਤਨ,ਮਨ ਅਤੇ ਧਨ ਨਾਲ ਪੰਜਾਬੀਆਂ ਦੀ ਮਹਿਬੂਬ ਖੇਡ ਕਬੱਡੀ ਨੂੰ ਪ੍ਰਫੁਲਿਤ ਕਰਨ ਚ ਵਿਸੇ਼ਸ਼ ਯੋਗਦਾਨ ਪਾ ਕੇ ਵੱਡੀ ਪੱਧਰ ਤੇ ਖੇਡ ਮੇਲਿਆਂ ਦਾ ਆਯੋਜਿਨ ਕਰਕੇ ਖੇਡਾਂ ਪ੍ਰਤੀ ਆਪਣੇ ਮੋਹ ਦਾ ਪੁੱਖਤਾ ਸਬੂਤ ਦਿੱਤਾ। ਖੇਡ ਜਗਤ ਨੂੰ ਅਮਿੱਟ ਛੋਹਾਂ ਦੇ ਕੇ ਨਵੀਆਂ ਪੈੜ੍ਹਾਂ ਪਾਉਣ ਵਾਲਿਆਂ ਚ ਇਟਲੀ ਜਾਂ ਯੂਰਪ ਭਰ ਚ ਨਹੀ ਸਗੋ ਸਮੁੱਚੇ ਸੰਸਾਰ ਭਰ ਚ ਦਰਵੇਸ਼ ਰੂਹ ਦੇ ਮਾਲਕ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆ ਦਾ ਨਾਂਅ ਹਰ ਪਲ ਸਤਕਾਰਿਤ ਹੈ।ਜਿਸ ਦੀ ਖੇਡਾਂ ਪ੍ਰਤੀ ਮੋਹ ਦੀ ਤਸਵੀਰ ਅਤੇ ਪ੍ਰਾਪਤੀਆਂ ਦੀ ਚਮਕ ਪਿੰਡ ਦੀ ਇਕਾਈ ਤੋ ਲ ੇਕੇ ਅੰਤਰ-ਰਾਸ਼ਟਰੀ ਪੱਧਰ ਤੱਕ ਦੇਸ਼/ਵਿਦੇਸ਼/ ਇਟਲੀ ਅਤੇ ਯੂਰਪ ਭਰ ਚ ਹੁੰਦੇ ਖੇਡ ਮੇਲਿਆਂ ਚ ਦਰਸ਼ਕਾਂ/ ਖੇਡ ਪ੍ਰ੍ਰੇਮੀਆਂ ਨੂੰ ਆਪ-ਮੁਹਾਰੇ ਝਲਕਦੀ ਦਿਖਾਈ ਦਿੰਦੀ ਹੈ । , ਪ੍ਰਮਾਤਮਾਂ ਚ ਅਥਾਹ ਭਰੋਸਾ ਰੱਖਣ ਵਾਲੀ ਇਹ ਸਖਸੀਅਤ ਨੇ “ਮੈ-ਮੇਰੀ”,ਚਤਰ ਚਤਰਾਈਆਂ,ਵਧੀਕੀਆਂ ਅਤੇ ਆਹੁੱਦੇਦਾਰੀ ਦੀ ਲਾਲਸਾ ਤੋ ਉਪਰ ਉਠ ਕੇ ਸਮਰਪਿਤ ਭਾਵਨਾ ਨਾਲ ਖੇਡਾਂ ਪ੍ਰਤੀ ਰੂਹਾਨੀ ਸਾਝਾਂ ਪਾ ਕੇ ਨਿਵੇਕਲਾ ਇਤਿਹਾਸ ਸਿਰਜਿਆ। ਆਰਥਿਕ ਪੱਖੋ ਰੱਜੇ-ਪੁਜੇ ਮਾਹਿਲ ਇੰਟਰਪ੍ਰਾਇਜ ਅਤੇਜੈਲਦਾਰ ਕੌਪਰਾਟੀਵਾ ਆਾ ਕੰਪਨੀ ਦੇ ਐਮ ਡੀ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਨੇ ੇ ਵਿਉਪਾਰਿਕ ਖੇਤਰ ਚ ਇਟਲੀ ਚ ਆਪਣੇ ਕਾਰੋਬਾਰ ਨੂੰ ਵੱਡੇ ਪੱਧਰ ਤੇ ਸਥਾਪਿਤ ਕਰਕੇ ਬੇਮਿਸਾਲ ਮਾਅਰਕਾ ਮਾਰਿਆ ।੍ਹੇ ਖੇਡਾਂ ਤੋ ਇਲਾਵਾ ਕੋਈ ਵੀ ਅਜਿਹਾ ਖੇਤਰ ਨਹੀ ਜਿਸ ਚ ਉਨ੍ਹਾਂ ਆਪਣੇ ਕਰ ਕਮਲਾਂ ਨਾਲ ਯੋਗਦਾਨ ਨਾ ਪਾਇਆ ਹੋਵੇ। ਕੋਈ ਵੀ ਸਮਾਜਿਕ,ਸਾਹਿਤਕ,ਧਾਰਮਿਕ,ਸਭਿਆਚਾਰਕ ਜਾ ਰਾਜਨਤਿਕ ਜਥੇਬੰਦੀ ਸੰਸਥਾਂ ਨੇ ਫੋਨ ਕਾਲ ਕਰਕੇ ਆਰਥਿਕ ਮੱਦਦ ਮੰਗੀ ਜਾਂ ਉਨ੍ਹਾਂ ਦੇ ਦਰ ਤੇ ਆਈ,ਉਨ੍ਹਾਂ ਕਦੇ ਵੀ ਮੱਥੇ ਵੱਟ ਨਹੀਂ ਪਾਇਆ, ਪਹਿਲੇ ਬੋਲ ਤੇ ਫੁੱਲ ਚੜ੍ਹਾ ਕੇ ੳੇੁਨ੍ਹਾਂ ਨੂੰ ਹੋਸਲਾ,ਦਲੇਰੀ ਅਤੇ ਹੱਲਾਸ਼ੇਰੀ ਹੀ ਨਹੀਂ ਦਿੱਤੀ ਸਗੋ ਮਾਇਆ ਦੇ ਖੁੱਲੇ ਗੱਫੇ ਬਖਸ਼ ਕੇ ਉਨ੍ਹਾਂ ਦਾ ਵੀ ਮਾਣ ਵਧਾਇਆ ਅਤੇ ਅਜਿਹੇ ਕਾਰਜਾਂ ਚ ਡੱਟ ਕੇ ਚੱਲਣ ਲਈ ਵੀ ਪ੍ਰੇਰਿਤ ਕੀਤਾ।ਪੰਜਾਬ ਚ ਪੈਦੇ ਰੋਪੜ ਜਿਲੇ ਚ ਚੈੜੀਆਂ ਪਿੰਡ ਚ ਪਿਤਾ ਸ ਲਖਮੀਰ ਸਿੰਘ ਅਤੇ ਮਾਤਾ ਸਰਦਾਰਨੀ ਅਜਮੇਰ ਕੌਰ ਦੇ ਘਰ ਜਨਮੀ ਇਸ ਮਾਣਮੱਤੀ ਸ਼ਖਸ਼ੀਅਤ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਨੂੰ ਬਚਪਨ ਦੇ ਸੌ਼ਕ ਨੇ ਅਤੇ ਸਕੂਲ ਚ ਪੜਦੇ ਸਮੇ ਦੋਰਾਨ ਅਧਿਆਪਕਾਂ ਦੀ ਹੱਲਾਸੇ਼ਰੀ ਨੇ ਯੂਰਪ ਚ ਉਨ੍ਹਾਂ ਨੂੰ ਇਕ ਉਚਕੋਟੀ ਦੇ ਮੰਨੇ-ਪ੍ਰਮੰਨੇ ਖੇਡ ਪ੍ਰਮੋਟਰਾਂ ਅਤੇ ਖੇਡਾਂ ਦੇ ਮਹਾਨ ਮਹਾਰਥੀਆਂ ਵਜੋ ਸਥਾਪਿਤ ਕੀਤਾ ਹੈ । ਜਿਸ ਕਾਰਨ ਉਨ੍ਹਾਂ ਜਿਥੇ ਇਟਲੀ ਕਬੱਡੀ ਫੈਡਰੇਸ਼ਨ ਲਾਲੀ ਅਧੀਨ ਹੁੰਦੇ ਹੋ ਰਹੇ ਖੇਡ ਮੇਲਿਆਂ ੇਦੇ ਆਯੋਜਿਨ ਲਈ ਯੂਰਪ ਦੀ ਕਰੰਸੀ ਯੂਰੋ ਦਾ ਮੀਹ ਵਰਾ ਕੇ ਹਰ ਮੇਲਾ ਪ੍ਰਬੰਧਕਾਂ, ਖਿਡਾਰੀਆਂ ਨੂੰ ਨਿਹਾਲ ਕੀਤਾ ਉਥੇ ਉਨ੍ਹਾਂ ਪਿੰਡ ਚੈੜੀਆਂ ਵਿਖੇ ਵੀ ਕਬੱਡੀ ਤੋ ਇਲਾਵਾ ਰਵਾਇਤੀ ਖੇਡਾਂ ਦਾ ਮਹਾਕੁੰਭ ਲਾ ਕੇ ਖਿਡਾਰੀਆਂ ਨੂੰ ਆਪਣੀ ਜਵਾਨੀ ਦਾ ਜੋਰ ਪਰਖਣ ਲਈ ਸੁਨਿਹਰੀ ਮੋਕਾ ਦੇ ਕੇ ਲੱਖਾਂ ਦੇ ਇਨਾਮਾਂ ਨਾਲ ਨਿਵਾਜ ਕੇ ਖਿਡਾਰੀਆਂ ਦਾ ਸਿਰ ਮਾਣ ਨਾਲ ਉੱਚਾ ਕੀਤਾ । ਖੇਡਾਂ ਦੇ ਨਾਲ-ਨਾਲ ਪੰਜਾਬੀ ਸਭਿਆਚਾਰ ਨਾਲ ਜੋੜਨ ਲਈ ਅਤੇ ਉਨ੍ਹਾਂ ਦੇ ਮੰਨੋਰੰਜਨ ਲਈ ਹਰ ਸਾਲ ਇਕ ਸਭਿਆਚਾਰਕ ਮੇਲੇ ਦਾ ਵੀ ਉਚੇਚੇ ਤੌਰ ਤੇ ਪ੍ਰਬੰਧ ਉਨ੍ਹਾਂ ਵਲੋ ਕੀਤਾ ਜਾਂਦਾ ਹੈ।ਇਸ ਮੇਲੇ ਚ ਵਧੀਆਂ ਖਿਡਾਰੀਆਂ ਨੂੰ ਮੋਟਰ ਸਾਇਕਲਾਂ ਨਾਲ ਵੀ ਸਨਮਾਨਿਤ ਕੀਤਾ ਜਾਂਦਾ ਹੈ।ਇਸ ਮਹਾਕੁੰਭ ਦਾ ਅਨੇਕਾਂ ਹੀ ਖੇਡ ਪ੍ਰੇਮੀ ਭਾਰੀ ਗਿਣਤੀ ਚ ਪਹੁੰਚ ਕੇ ਅਨੰਦ ਮਾਣਦੇ ਹਨ ।ਦ੍ਰਿੜ ਇਰਾਦੇ ਦੇ ਪੱਕੇ ਸੰਕਲਪ ਸੋਚ ਦੇ ਪ੍ਰਤੀਕ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਦਾ ਖੇਡਾਂ ਪ੍ਰਤੀ ਅਥਹਾ ਮੋਹ ਨੂੰ ਵੇਖਦਿਆਂ ਉਨ੍ਹਾਂ ਦੇ ਪਰਿਵਾਰ ਨੇ ਕਦੇ ਵੀ ਅਜਿਹੇ ਕੰਮਾਂ ਚੋ ਕਦੇ ਨਹੀ ਰੋਕਿਆ ਸਗੋ ਉਨ੍ਹਾਂ ਦੇ ਵੱਡੇ ਵੀਰ ਸ ਅਵਤਾਰ ਸਿੰਘ ਚੈੜੀਆਂ ਅਤੇ ਸ ਸਤਵਿੰਦਰ ਸਿੰਘ ਚੈੜੀਆਂ (ਚੇਅਰਮੈਨ ਬਲਾਕ ਸੰਮਤੀ ਰੋਪੜ) ਜੈਲਦਾਰ ਜਗਤਾਰ ਸਿੰਘ ਚੈੜੀਆਂਅਤੇ ਪ੍ਰਭਜਿੰਦਰਪਾਲ ਸਿੰਘ ਚੈੜੀਆਂ ਦਾ ਸਹਿਯੋਗ ਤਾਂ ਉਨ੍ਹਾਂ ਲਈ ਹਰ ਖੇਤਰ ਚ ਵਰਦਾਨ ਸਾਬਿਤ ਹੋਇਆ ਜੋ ਕਿ ਉਸ ਦੀਆਂ ਹਰ ਸਰਗਰਮੀਆਂ ਨੂੰ ਬਰਕਰਾਰ ਰੱਖਣ ਉਸ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਚਲ ਰਹੇ ਹਨ।, , , ਸਮਾਜ ਦੇ ਹਰ ਪਹਿਲੂ ਤੋ ਸੇਵਾ ਹਿੱਤ ਸਮਰਪਿਤ ਬਾਬਾ ਰਾਮ ਚੰਦ ਯਾਦਗਾਰੀ ਟਰੱਸਟ ਯੂਰਪ ਵਲੋ ਕਰਵਾਏ ਜਾਂਦੇ ਹਰ ਸਾਲ ਲੋਕ ਮੇਲੇ ਚ ਵੀ ਉਨ੍ਹਾਂ ਵਲੋ ਨਿਭਾਈ ਵਿਸੇ਼ਸ਼ ਭੁਮਿਕਾ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਦੀ ਮੂੰਹ ਬੋਲਦੀ ਤਸਵੀਰ ਹੈ ਜੋ ਸਭਿਆਚਾਰਕ ਨੂੰ ਵੀ ਉਤਸ਼ਾਹਿਤ ਕਰਨ ਦੀ ਤਰਜਮਾਨੀ ਕਰਦੀ ਹੈ।। ਗੁਰ ਸਿੱਖੀ ਨੂੂੰ ਪਿਆਰ ਕਰਨ ਵਾਲੇ ਖੇਡ ਜਗਤ ਦੇ ਅਨਮੋਲ ਹੀਰੇ ਦੀ ਅਗਵਾਈ ਚ ਮੀਰੀ -ਪੀਰੀ ਸਪੋਰਟਸ ਕਲੱਬ ਸਨਪਾਉਲੋ ਦੇ ਬੈਨਰ ਹੇਠ ਕਲੱਬ ਦਾ ਗਠਨ ਕਰਕੇ ਸਾਲ 2009 ਚ ਹੋਏ ਖੇਡ ਮੇਲਿਆਂ ਚ ਸਭ ਤੋ ਵੱਧ ਕੱਪ ਜਿੱਤੇ ।ਜਿਸ ਦਾ ਸਿਹਰਾ ਉਨ੍ਹਾਂ ਟੀਮ ਦੇ ਖਿਡਾਰੀਆਂ ਸਿਰ ਬੰਨਿਆ।ਅਪਣੱਤ ਚ ਗਹਿਗੱਚ +ਸੁਨਿਹਰੀ ਸੋਚ+ਨਿਮਰਤਾਅਤੇ ਹਲੀਮੀ ਦੀ ਸਮੀਕਰਨ ਦਾ ਨਾਅ ਹੈ= ਗੋਲਡ ਮੈਡਲ ਨਾਲ ਸਨਮਾਨਿਤ ਸ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ। ਖੇਡ ਜਗਤ ਦੇ ਇਤਿਹਾਸ ਦੇ ਨਕਸ਼ੇ ਤੇ ਸੁਨਿਹਰੀ ਅੱਖਰਾਂ ਚ ਅੰਕਿਤ ਹੋਣ ਲਈ ਤੱਤਪਰ ਅੰਤਰ-ਰਾਸ਼ਟਰੀ ਸੰਸਥਾ ਦਾ ਰੂਪ ਅਖਤਿਆਰ ਕਰ ਚੁੱਕੇ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਇਟਲੀ ਕਬੱਡੀ ਫੈਡਰੇਸ਼ਨ ਦੇ ਪ੍ਰਧਾਨ ਸ ਸੰਤੋਖ ਸਿੰਘ ਲਾਲੀ ,ਸ੍ਰੀ ਰਾਜ ਕੁਮਾਰ ਸੱਲ੍ਹਾਂ ,ਸ ਸੁਖਵਿੰਦਰ ਸਿੰਘ ਗੋਬਿੰਦਪੁਰੀ ,ਸ ਸਤਵਿੰਦਰ ਸਿੰਘ ਟੀਟਾ ,ਸ ਗੁਰਦਿਆਲ ਸਿੰਘ ਪੱਡਾ ਨਾਰਵੇ, ਸ੍ਰੀ ਜਸਵੀਰ ਖਾਨ ਚੈੜੀਆਂ,ਸ੍ਰੀ ਅਨਿਲ ਕੁਮਾਰ ਸ਼ਰਮਾਂ, ਸ ਸੁਰਜੀਤ ਸਿੰਘ ਵਿਰਕ , ਸ ਧਰਮਿੰਦਰ ਸਿੰਘ ਕੰਗ, ਦੇ ਹਮੇਸ਼ਾਂ ਰਿਣੀ ਰਹਿਣਗੇ ਜਿਨ੍ਹਾਂ ਦੀਆਂ ਨੇਕ ਸਲਾਹਾਂ ਉਸ ਦੀ ਜਿੰਦਗੀ ਚ ਇਤਿਹਾਸਿਕ ਹੋ ਨਿਬੜੀਆਂ।ਨਸਿ਼ਆਂ ਨੂੰ ਮਨੁੱਖਾਂ ਜਿੰਦਗੀ ਲਈ ਮਾਰੂ ਮੰਨਣ ਵਾਲੇ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਹਮੇਸ਼ਾਂ ਹੀ ਖਿਡਾਰੀਆਂ ਨੂੰ ਅਜਿਹੀਆਂ ਅਲਾਮਤਾਂ ਤੋ ਗੁਰੇਜ ਕਰਨ ਲਈ ਪ੍ਰੇਰਿਤ ਕਰਦੇ ਰਹਿੰਦੇ ਹਨ।ਉਨ੍ਹਾਂ ਅਨੁਸਾਰ ਨਸ਼ਾ ਜਿਥੇ ਪੈਸੇ ਦੀ ਬਰਬਾਦੀ ਦਾ ਕਾਰਨ ਬਣਦਾ ਹੈ ਉਥੇ ਮਨੁੱਖਾਂ ਜਿੰਦਗੀ ਨੁੰ ਵੀ ਮੌਤ ਦੇ ਮੂੰਹ ਵੱਲ ਲੈ ਜਾਂਦਾ ਹੈ।ਖੇਡਾਂ ਜਿਥੇ ਸਾਡੇ ਸਭਿਆਚਾਰ ਦਾ ਅਨਿਖੜਵਾਂ ਅੰਗ ਹਨ ਉਥੇ ਮਨੁੱਖਾਂ ਸਰੀਰ ਨੂੰ ਤੰਦਰੁਸਤੀ ਵੀ ਪ੍ਰਦਾਨ ਕਰਦੀਆਂ ਹਨ। ਆਪਸੀ ਮੱਤਭੇਦ, ਵਿਤਕਰੇਬਾਜੀ,ਜਾਤਪਾਤ ,ਕੌਮ ਮਜਬ,ਦੀ ਭਾਵਨਾ ਤੋ ਉਪਰ ਉਠ ਕੇ ਖਿਡਾਰੀਆਂ ਨੂੰ ਅਨੁਸ਼ਸ਼ਨ,ਸਹਿਣਸ਼ੀਲਤਾ ,ਅਤੇ ਭਾਈਚਾਰਕ ਸਾਂਝ ਦਾ ਸੰਦੇਸ਼ ਵਾਲੀਆਂ ਖੇਡਾਂ ਨੂੰ ਖੇਡ ਭਾਵਨਾ ਨਾਲ ਹੀ ਖੇਡਣਾ ਚਾਹੀਦਾ ਹੈ। ਕਬੱਡੀ ਨੂੰ ਉਲੰਪਿਕ ਤੱਕ ਲਿਜਾਣ ਦਾ ਸੁਪਨਾ ਸੰਜੋਈ ਬੈਠੇ ਅਤੇ ਚੌਥੇ ਦਹਾਕੇ ਚ ਪ੍ਰਵੇਸ਼ ਕਰ ਚੁੱਕੇ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆ ਦਾ ਸੁਪਨਾ ਜਲਦੀ ਸਕਾਰ ਹੋਵੇ । ਮੇਰੀ ਦਿਲੀ ਇੱਛਾ ਹੈ ਕਿ ਭਵਿੱਖ ਚ ਵੀ ਜੈਲਦਾਰ ਸੁਰਿੰਦਰ ਸਿੰਘ ਚੈੜੀਆਂ ਖੇਡ ਜਗਤ ਨੂੰ ਦੁਨੀਆ ਦੇ ਨਕਸੇ਼ ਤੇ ਖੇਡਾਂ ਪੱਖੋ ਉਭਾਰਨ ਚ ਮੋਹਰੀ ਰੋਲ ਨਿਭਾਉਦੇ ਰਹਿਣਗੇ ਅਤੇ ਉਨ੍ਹਾਂ ਵਲੋ ਖੇਡਾਂ ਪ੍ਰਤੀ ਪੁਟਿਆ ਹਰ ਕਦਮ ਹਰ ਖੇਡ ਪ੍ਰੇਮੀ ਲਈ ਪ੍ਰੇਰਨਾ ਸਰੋਤ ਹੋਵੇਗਾ।
ਟੇਕ ਚੰਦ ਜਗਤਪੁਰ (ਇਟਲੀ)
ਫੋਨ-00393274736138
ਸਿਡਨੀ ਵਸਦੇ ਭਾਰਤੀਆਂ ਨੇ ਧੂਮਧਾਮ ਨਾਲ ਮਨਾਇਆ ਭਾਰਤੀ ਆਜਾਦੀ ਦਿਵਸ
ਸਿਡਨੀ (ਅਮਰਜੀਤ ਖੇਲਾ)17 Aug 2010
15 ਅਗਸਤ ਜਾਣੀ ਕਿ ਭਾਰਤ ਦਾ ਆਜਾਦੀ ਦਿਵਸ ਜਿੱਥੇ ਭਾਰਤ ਸਮੇਤ ਦੁਨੀਆਂ ਦੇ ਚੱਪੇ-ਚੱਪੇ ‘ਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ ਉੱਥੇ ਹੀ ਆਸਟ੍ਰੇਲੀਆ ਵਸਦੇ ਭਾਰਤੀਆਂ ਵਲੋਂ ਵੀ ਆਪਣਾ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ।ਇਸੇ ਸੰਬੰਧ ‘ਚ ਆਸਟ੍ਰੇਲੀਆ ਦੇ ਸ਼ਹਿਰ ਸਿਡਨੀ ਦੀ ਸੰਸਥਾ “ਯੁਨਾਈਟਿਡ ਇੰਡੀਅਨ ਐਸੋਸੀਏਸ਼ਨ ਆਫ ਆਸਟ੍ਰੇਲੀਆ” ਜੋ ਕਿ ਪਿਛਲੇ ਕਈ ਸਾਲਾਂ ਤੋਂ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਉਂਦੀ ਆ ਰਹੀ ਹੈ ਵਲੋਂ ਇਸ ਵਾਰ ਵੀ ਇਹ ਦਿਹਾੜਾ ਧੂਮਧਾਮ ਨਾਲ ਮਨਾਇਆ ਗਿਆ।ਸਿਡਨੀ ਦੇ ਉਲੰਪਿਕ ਪਾਰਕ ‘ਚ ਆਯੋਜਿਤ ਆਜਾਦੀ ਦਿਵਸ ਦੇ ਵਿਸ਼ੇਸ ਸਮਾਗਮਾਂ ‘ਚ ਸਿਡਨੀ ਸਮੇਤ ਆਸਟ੍ਰੇਲੀਆ ਦੇ ਹੋਰ ਸ਼ਹਿਰਾਂ ‘ਚ ਵਸਦੇ ਭਾਰਤੀਆਂ ਵਲੋਂ ਭਾਰੀ ਗਿਣਤੀ ‘ਚ ਸ਼ਮੂਲੀਅਤ ਕੀਤੀ ਤੇ ਆਪਣਾ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਇਆ ਗਿਆ।ਕਰੀਬ 25000 ਭਾਰਤੀਆਂ,ਨੇਪਾਲੀਆਂ,ਬੰਗਲਾਦੇਸ਼ੀਆਂ,ਪਾਕਿਸਤਾਨੀਆਂ ਤੇ ਆਸਟ੍ਰੇਲੀਅਨ ਲੋਕਾਂ ਨਾਲ ਖਚਾਖਚ ਭਰੇ ਉਲੰਪਿਕ ਪਾਰਕ ਸਟੇਡੀਅਮ ‘ਚ ਭਾਰਤ ਦੇ ਵੱਖ ਵੱਖ ਪ੍ਰਾਂਤਾਂ ਨਾਲ ਸੰਬੰਧਿਤ ਕਲਾਕਾਰਾਂ ਵਲੋਂ ਸੱਭਿਆਚਾਰਿਕ ਪ੍ਰੋਗਰਾਮ ਪੇਸ਼ ਕੀਤੇ ਅਤੇ ਜਦੋਂ ਵੀ ਪੰਜਾਬ ਦੇ ਲੋਕ ਨਾਚ ਭੰਗੜੇ ਤੇ ਗਿੱਧੇ ਦੀ ਵਾਰੀ ਆਉਂਦੀ ਸੀ ਤਾਂ ਸਟੇਡੀਅਮ ‘ਚ ਹਰ ਵਿਅਕਤੀ ਨੱਚਣ ਲਈ ਮਜਬੂਰ ਹੋ ਜਾਂਦਾ ਸੀ ਇਸ ਮੌਕੇ ਬ੍ਰਾਜੀਲੀਅਨ ਕਲਾਕਾਰਾਂ ਨੇ ਵੀ ਖੂਬਸੂਰਤ ਡਾਂਸ ਪੇਸ਼ ਕੀਤਾ।ਇਸ ਪ੍ਰੋਗਰਾਮ ‘ਚ ਆਸਟ੍ਰੇਲੀਆ ‘ਚ ਭਾਰਤੀ ਹਾਈ ਕਮਿਸ਼ਨਰ ਸ਼੍ਰੀਮਤੀ ਸੁਜਾਤਾ ਸਿੰਘ ਸਮੇਤ ਨਿਊ ਸਾਊਥ ਵੇਲਜ ਦੀ ਪ੍ਰੀਮੀਅਰ (ਮੁੱਖ ਮੰਤਰੀ)ਕ੍ਰਿਸਟੀਨਾ ਕੈਨਲੀ,ਆਸਟ੍ਰੇਲੀਅਨ ਸਰਕਾਰ ਦੇ ਅਨੇਕਾਂ ਮੈਂਬਰ ਪਾਰਲੀਮੈਂਟ,ਨੁਮਾਇੰਦੇ ਤੇ ਆਸਟ੍ਰੇਲੀਅਨ ਕ੍ਰਿਕਟ ਟੀਮ ਦੇ ਖਿਡਾਰੀ ਨਾਥਨ ਬ੍ਰੈਕਨ,ਅਥਲੀਟ ਹੇਅਲੀ ਬਟਲਰ,ਗੈਵਿਨ ਰੌਬਰਟਸਨ,ਮਾਸਟਰ ਸ਼ੈਫ ਸ਼ੋਅ ਤੋਂ ਜਿੰਮੀ ਤੇ ਹੋਰ ਉੱਚ ਅਧਿਕਾਰੀ ਵੀ ਪਹੁੰਚੇ ਹੋਏ ਸਨ।ਇਸ ਮੌਕੇ ਪਹਿਲਾਂ ਆਸਟ੍ਰੇਲੀਆ ਦਾ ਰਾਸ਼ਟਰੀ ਗੀਤ ਤੇ ਬਾਅਦ ‘ਚ ਭਾਰਤ ਦਾ ਰਾਸ਼ਟਰੀ ਗੀਤ ਛੋਟੇ ਛੋਟੇ ਬੱਚਿਆਂ ਵਲੋਂ ਗਾਉਣ ਤੋਂ ਬਾਅਦ ਇਹਨਾਂ ਸਾਰਿਆਂ ਨੂੰ ਸੰਸਥਾ ਦੇ ਸਕੱਤਰ ਮਨਿੰਦਰ ਸਿੰਘ ਨੇ ਜੀ ਆਇਆਂ ਕਿਹਾ ਤੇ ਸੰਸਥਾ ਦੀ ਪ੍ਰਧਾਨ ਸ਼੍ਰੀਮਤੀ ਅਰੁਣਾ ਚੰਦਰਾਲਾ ਨੂੰ ਮੰਚ ਤੇ ਬੁਲਾਇਆ।ਸ਼੍ਰੀਮਤੀ ਚੰਦਰਾਲਾ ਨੇ ਇਸ ਮੌਕੇ ਸਾਰੇ ਭਾਰਤੀਆਂ ਨੂੰ ਆਜਾਦੀ ਦਿਵਸ ਦੀ ਵਧਾਈ ਦਿੱਤੀ ਤੇ ਭਾਰਤੀ ਭਾਈਚਾਰੇ ਵਲੋਂ ਆਸਟ੍ਰੇਲੀਆ ਦੀ ਤਰੱਕੀ ‘ਚ ਪਾਏ ਜਾ ਰਹੇ ਯੋਗਦਾਨ ਵਾਰੇ ਚਾਨਣਾ ਪਾਉਣ ਦੇ ਨਾਲ-2 ਆਸਟ੍ਰੇਲੀਆ ਵਿੱਚ ਪੜ੍ਹਦੇ ਭਾਰਤੀ ਵਿਦਿਆਰਥੀਆਂ ਦੇ ਭਵਿੱਖ ਨੂੰ ਬਚਾਉਣ ਦੀ ਮੰਗ ਵੀ ਹਾਜਿਰ ਮੈਂਬਰ ਪਾਰਲੀਮੈਂਟਾਂ ਕੋਲੋਂ ਕੀਤੀ ਤੇ ਨਿਊ ਸਾਊਥ ਵੇਲਜ ਸੂਬੇ ‘ਚ ਪੜ੍ਹਦੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਟਰੇਨਾਂ-ਬੱਸਾਂ ਆਦਿ ਦੇ ਕਿਰਾਇਆਂ ‘ਚ ਛੋਟ ਦੇਣ ਦੀ ਮੰਗ ਵੀ ਕੀਤੀ।ਇਸਤੋਂ ਬਾਅਦ ਨਿਉੂ ਸਾਊਥ ਵੇਲਜ ਦੀ ਪ੍ਰੀਮੀਅਰ(ਮੁੱਖ ਮੰਤਰੀ) ਨੇ ਸਾਰੇ ਭਾਰਤੀਆਂ ਨੂੰ ਆਜਾਦੀ ਦਿਵਸ ਦੀ ਵਧਾਈ ਦਿੱਤੀ ਤੇ ਸੰਸਥਾ ਨੂੰ 50,000 ਆਸਟ੍ਰੇਲੀਅਨ ਡਾਲਰ ਗ੍ਰਾਂਟ ਦੇਣ ਦਾ ਐਲਾਨ ਕੀਤਾ।ਇਸ ਮੌਕੇ ਭਾਰਤੀ ਹਾਈ ਕਮਿਸ਼ਨਰ ਸ਼੍ਰੀਮਤੀ ਸੁਜਾਤਾ ਸਿੰਘ ਤੇ ਹੋਰ ਬੁਲਾਰਿਆਂ ਨੇ ਵੀ ਸੰਬੋਧਨ ਕੀਤਾ।ਬਾਅਦ ‘ਚ ਮਸ਼ਹੂਰ ਬਾਲੀਵੁੱਡ ਗਾਇਕ ਮੀਕਾ ਸਿੰਘ ਹਾਜਿਰ ਸਰੋਤਿਆਂ ਦਾ ਮਨੋਰੰਜਨ ਕਰਨ ਲਈ ਸਟੇਜ ਤੇ ਆਇਆ।ਕਾਲੀ ਪਗੜੀ ਸਜਾ ਕੇ ਮੀਕਾ ਸਿੰਘ ਨੇ ਆਉਂਦਿਆਂ ਹੀ ਬੋਲੇ ਸੋ ਨਿਹਾਲ ਦਾ ਜੈਕਾਰਾ ਛੱਡ ਕੇ ਜਿਵੇਂ ਹੀ “ਸਿੰਘ ਇਜ ਕਿੰਗ” ਗਾਣਾ ਗਾਇਆ ਤਾਂ ਸਟੇਡੀਅਮ ‘ਚ ਮੌਜੂਦ ਹਰ ਕੋਈ ਨੱਚਣ ਲਈ ਮਜਬੂਰ ਹੋ ਗਿਆ ਤੇ ਇੱਕ ਵਾਰ ਇੰਝ ਲੱਗ ਰਿਹਾ ਸੀ ਜਿਵੇਂ ਪੂਰਾ ਸਿਡਨੀ ਹੀ ਨੱਚ ਰਿਹਾ ਹੋਵੇ।ਇਸਤੋਂ ਬਾਅਦ ਮੀਕਾ ਸਿੰਘ ਨੇ ਦਰਸ਼ਕਾਂ ਦੀ ਫਰਮਾਇਸ਼ ਤੇ ਮੋਢਿਆਂ ਤੇ ਡਾਂਗਾਂ,ਤੇਰੇ ਅੱਗੇ ਨਹੀਂ ਚੱਲਣੀ,ਦਾਰੂ ਪੀਣੀ ਮੁਰਗੇ ਖਾਣੇ ਤੇ ਹੋਰ ਅਨੇਕਾਂ ਹੀ ਹਿੰਦੀ ਗੀਤ ਗਾ ਕੇ ਹਰ ਕਿਸੇ ਦਾ ਮਨ ਜਿੱਤ ਲਿਆ ਇਸ ਮੌਕੇ ਮੀਕਾ ਸਿੰਘ ਨੇ ਦੱਖਣੀ ਭਾਰਤੀਆਂ ਲਈ ਉਹਨਾਂ ਦੀ ਭਾਸ਼ਾ ‘ਚ ਗੁਜਰਾਤੀਆਂ ਲਈ ਉਹਨਾਂ ਦੀ ਭਾਸ਼ਾ ‘ਚ ਵੀ ਗੀਤ ਗਾਏ।ਰਾਤ ਨੂੰ ਆਜਾਦੀ ਦਿਵਸ ਦੇ ਜਸ਼ਨਾਂ ਦੇ ਸੰਬੰਧ ‘ਚ ਖੂਬਸੂਰਤ ਆਤਿਸ਼ਬਾਜੀ ਵੀ ਕੀਤੀ ਗਈ।
ਸਿਡਨੀ ਵਸਦੇ ਭਾਰਤੀਆਂ ਨੇ ਧੂਮਧਾਮ ਨਾਲ ਮਨਾਇਆ ਭਾਰਤੀ ਆਜਾਦੀ ਦਿਵਸ
ਸਿਡਨੀ (ਅਮਰਜੀਤ ਖੇਲਾ)17 Aug
15 ਅਗਸਤ ਜਾਣੀ ਕਿ ਭਾਰਤ ਦਾ ਆਜਾਦੀ ਦਿਵਸ ਜਿੱਥੇ ਭਾਰਤ ਸਮੇਤ ਦੁਨੀਆਂ ਦੇ ਚੱਪੇ-ਚੱਪੇ ‘ਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ ਉੱਥੇ ਹੀ ਆਸਟ੍ਰੇਲੀਆ ਵਸਦੇ ਭਾਰਤੀਆਂ ਵਲੋਂ ਵੀ ਆਪਣਾ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ।ਇਸੇ ਸੰਬੰਧ ‘ਚ ਆਸਟ੍ਰੇਲੀਆ ਦੇ ਸ਼ਹਿਰ ਸਿਡਨੀ ਦੀ ਸੰਸਥਾ “ਯੁਨਾਈਟਿਡ ਇੰਡੀਅਨ ਐਸੋਸੀਏਸ਼ਨ ਆਫ ਆਸਟ੍ਰੇਲੀਆ” ਜੋ ਕਿ ਪਿਛਲੇ ਕਈ ਸਾਲਾਂ ਤੋਂ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਉਂਦੀ ਆ ਰਹੀ ਹੈ ਵਲੋਂ ਇਸ ਵਾਰ ਵੀ ਇਹ ਦਿਹਾੜਾ ਧੂਮਧਾਮ ਨਾਲ ਮਨਾਇਆ ਗਿਆ।ਸਿਡਨੀ ਦੇ ਉਲੰਪਿਕ ਪਾਰਕ ‘ਚ ਆਯੋਜਿਤ ਆਜਾਦੀ ਦਿਵਸ ਦੇ ਵਿਸ਼ੇਸ ਸਮਾਗਮਾਂ ‘ਚ ਸਿਡਨੀ ਸਮੇਤ ਆਸਟ੍ਰੇਲੀਆ ਦੇ ਹੋਰ ਸ਼ਹਿਰਾਂ ‘ਚ ਵਸਦੇ ਭਾਰਤੀਆਂ ਵਲੋਂ ਭਾਰੀ ਗਿਣਤੀ ‘ਚ ਸ਼ਮੂਲੀਅਤ ਕੀਤੀ ਤੇ ਆਪਣਾ ਆਜਾਦੀ ਦਿਵਸ ਧੂਮਧਾਮ ਨਾਲ ਮਨਾਇਆ ਗਿਆ।ਕਰੀਬ 25000 ਭਾਰਤੀਆਂ,ਨੇਪਾਲੀਆਂ,ਬੰਗਲਾਦੇਸ਼ੀਆਂ,ਪਾਕਿਸਤਾਨੀਆਂ ਤੇ ਆਸਟ੍ਰੇਲੀਅਨ ਲੋਕਾਂ ਨਾਲ ਖਚਾਖਚ ਭਰੇ ਉਲੰਪਿਕ ਪਾਰਕ ਸਟੇਡੀਅਮ ‘ਚ ਭਾਰਤ ਦੇ ਵੱਖ ਵੱਖ ਪ੍ਰਾਂਤਾਂ ਨਾਲ ਸੰਬੰਧਿਤ ਕਲਾਕਾਰਾਂ ਵਲੋਂ ਸੱਭਿਆਚਾਰਿਕ ਪ੍ਰੋਗਰਾਮ ਪੇਸ਼ ਕੀਤੇ ਅਤੇ ਜਦੋਂ ਵੀ ਪੰਜਾਬ ਦੇ ਲੋਕ ਨਾਚ ਭੰਗੜੇ ਤੇ ਗਿੱਧੇ ਦੀ ਵਾਰੀ ਆਉਂਦੀ ਸੀ ਤਾਂ ਸਟੇਡੀਅਮ ‘ਚ ਹਰ ਵਿਅਕਤੀ ਨੱਚਣ ਲਈ ਮਜਬੂਰ ਹੋ ਜਾਂਦਾ ਸੀ ਇਸ ਮੌਕੇ ਬ੍ਰਾਜੀਲੀਅਨ ਕਲਾਕਾਰਾਂ ਨੇ ਵੀ ਖੂਬਸੂਰਤ ਡਾਂਸ ਪੇਸ਼ ਕੀਤਾ।ਇਸ ਪ੍ਰੋਗਰਾਮ ‘ਚ ਆਸਟ੍ਰੇਲੀਆ ‘ਚ ਭਾਰਤੀ ਹਾਈ ਕਮਿਸ਼ਨਰ ਸ਼੍ਰੀਮਤੀ ਸੁਜਾਤਾ ਸਿੰਘ ਸਮੇਤ ਨਿਊ ਸਾਊਥ ਵੇਲਜ ਦੀ ਪ੍ਰੀਮੀਅਰ (ਮੁੱਖ ਮੰਤਰੀ)ਕ੍ਰਿਸਟੀਨਾ ਕੈਨਲੀ,ਆਸਟ੍ਰੇਲੀਅਨ ਸਰਕਾਰ ਦੇ ਅਨੇਕਾਂ ਮੈਂਬਰ ਪਾਰਲੀਮੈਂਟ,ਨੁਮਾਇੰਦੇ ਤੇ ਆਸਟ੍ਰੇਲੀਅਨ ਕ੍ਰਿਕਟ ਟੀਮ ਦੇ ਖਿਡਾਰੀ ਨਾਥਨ ਬ੍ਰੈਕਨ,ਅਥਲੀਟ ਹੇਅਲੀ ਬਟਲਰ,ਗੈਵਿਨ ਰੌਬਰਟਸਨ,ਮਾਸਟਰ ਸ਼ੈਫ ਸ਼ੋਅ ਤੋਂ ਜਿੰਮੀ ਤੇ ਹੋਰ ਉੱਚ ਅਧਿਕਾਰੀ ਵੀ ਪਹੁੰਚੇ ਹੋਏ ਸਨ।ਇਸ ਮੌਕੇ ਪਹਿਲਾਂ ਆਸਟ੍ਰੇਲੀਆ ਦਾ ਰਾਸ਼ਟਰੀ ਗੀਤ ਤੇ ਬਾਅਦ ‘ਚ ਭਾਰਤ ਦਾ ਰਾਸ਼ਟਰੀ ਗੀਤ ਛੋਟੇ ਛੋਟੇ ਬੱਚਿਆਂ ਵਲੋਂ ਗਾਉਣ ਤੋਂ ਬਾਅਦ ਇਹਨਾਂ ਸਾਰਿਆਂ ਨੂੰ ਸੰਸਥਾ ਦੇ ਸਕੱਤਰ ਮਨਿੰਦਰ ਸਿੰਘ ਨੇ ਜੀ ਆਇਆਂ ਕਿਹਾ ਤੇ ਸੰਸਥਾ ਦੀ ਪ੍ਰਧਾਨ ਸ਼੍ਰੀਮਤੀ ਅਰੁਣਾ ਚੰਦਰਾਲਾ ਨੂੰ ਮੰਚ ਤੇ ਬੁਲਾਇਆ।ਸ਼੍ਰੀਮਤੀ ਚੰਦਰਾਲਾ ਨੇ ਇਸ ਮੌਕੇ ਸਾਰੇ ਭਾਰਤੀਆਂ ਨੂੰ ਆਜਾਦੀ ਦਿਵਸ ਦੀ ਵਧਾਈ ਦਿੱਤੀ ਤੇ ਭਾਰਤੀ ਭਾਈਚਾਰੇ ਵਲੋਂ ਆਸਟ੍ਰੇਲੀਆ ਦੀ ਤਰੱਕੀ ‘ਚ ਪਾਏ ਜਾ ਰਹੇ ਯੋਗਦਾਨ ਵਾਰੇ ਚਾਨਣਾ ਪਾਉਣ ਦੇ ਨਾਲ-2 ਆਸਟ੍ਰੇਲੀਆ ਵਿੱਚ ਪੜ੍ਹਦੇ ਭਾਰਤੀ ਵਿਦਿਆਰਥੀਆਂ ਦੇ ਭਵਿੱਖ ਨੂੰ ਬਚਾਉਣ ਦੀ ਮੰਗ ਵੀ ਹਾਜਿਰ ਮੈਂਬਰ ਪਾਰਲੀਮੈਂਟਾਂ ਕੋਲੋਂ ਕੀਤੀ ਤੇ ਨਿਊ ਸਾਊਥ ਵੇਲਜ ਸੂਬੇ ‘ਚ ਪੜ੍ਹਦੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਟਰੇਨਾਂ-ਬੱਸਾਂ ਆਦਿ ਦੇ ਕਿਰਾਇਆਂ ‘ਚ ਛੋਟ ਦੇਣ ਦੀ ਮੰਗ ਵੀ ਕੀਤੀ।ਇਸਤੋਂ ਬਾਅਦ ਨਿਉੂ ਸਾਊਥ ਵੇਲਜ ਦੀ ਪ੍ਰੀਮੀਅਰ(ਮੁੱਖ ਮੰਤਰੀ) ਨੇ ਸਾਰੇ ਭਾਰਤੀਆਂ ਨੂੰ ਆਜਾਦੀ ਦਿਵਸ ਦੀ ਵਧਾਈ ਦਿੱਤੀ ਤੇ ਸੰਸਥਾ ਨੂੰ 50,000 ਆਸਟ੍ਰੇਲੀਅਨ ਡਾਲਰ ਗ੍ਰਾਂਟ ਦੇਣ ਦਾ ਐਲਾਨ ਕੀਤਾ।ਇਸ ਮੌਕੇ ਭਾਰਤੀ ਹਾਈ ਕਮਿਸ਼ਨਰ ਸ਼੍ਰੀਮਤੀ ਸੁਜਾਤਾ ਸਿੰਘ ਤੇ ਹੋਰ ਬੁਲਾਰਿਆਂ ਨੇ ਵੀ ਸੰਬੋਧਨ ਕੀਤਾ।ਬਾਅਦ ‘ਚ ਮਸ਼ਹੂਰ ਬਾਲੀਵੁੱਡ ਗਾਇਕ ਮੀਕਾ ਸਿੰਘ ਹਾਜਿਰ ਸਰੋਤਿਆਂ ਦਾ ਮਨੋਰੰਜਨ ਕਰਨ ਲਈ ਸਟੇਜ ਤੇ ਆਇਆ।ਕਾਲੀ ਪਗੜੀ ਸਜਾ ਕੇ ਮੀਕਾ ਸਿੰਘ ਨੇ ਆਉਂਦਿਆਂ ਹੀ ਬੋਲੇ ਸੋ ਨਿਹਾਲ ਦਾ ਜੈਕਾਰਾ ਛੱਡ ਕੇ ਜਿਵੇਂ ਹੀ “ਸਿੰਘ ਇਜ ਕਿੰਗ” ਗਾਣਾ ਗਾਇਆ ਤਾਂ ਸਟੇਡੀਅਮ ‘ਚ ਮੌਜੂਦ ਹਰ ਕੋਈ ਨੱਚਣ ਲਈ ਮਜਬੂਰ ਹੋ ਗਿਆ ਤੇ ਇੱਕ ਵਾਰ ਇੰਝ ਲੱਗ ਰਿਹਾ ਸੀ ਜਿਵੇਂ ਪੂਰਾ ਸਿਡਨੀ ਹੀ ਨੱਚ ਰਿਹਾ ਹੋਵੇ।ਇਸਤੋਂ ਬਾਅਦ ਮੀਕਾ ਸਿੰਘ ਨੇ ਦਰਸ਼ਕਾਂ ਦੀ ਫਰਮਾਇਸ਼ ਤੇ ਮੋਢਿਆਂ ਤੇ ਡਾਂਗਾਂ,ਤੇਰੇ ਅੱਗੇ ਨਹੀਂ ਚੱਲਣੀ,ਦਾਰੂ ਪੀਣੀ ਮੁਰਗੇ ਖਾਣੇ ਤੇ ਹੋਰ ਅਨੇਕਾਂ ਹੀ ਹਿੰਦੀ ਗੀਤ ਗਾ ਕੇ ਹਰ ਕਿਸੇ ਦਾ ਮਨ ਜਿੱਤ ਲਿਆ ਇਸ ਮੌਕੇ ਮੀਕਾ ਸਿੰਘ ਨੇ ਦੱਖਣੀ ਭਾਰਤੀਆਂ ਲਈ ਉਹਨਾਂ ਦੀ ਭਾਸ਼ਾ ‘ਚ ਗੁਜਰਾਤੀਆਂ ਲਈ ਉਹਨਾਂ ਦੀ ਭਾਸ਼ਾ ‘ਚ ਵੀ ਗੀਤ ਗਾਏ।ਰਾਤ ਨੂੰ ਆਜਾਦੀ ਦਿਵਸ ਦੇ ਜਸ਼ਨਾਂ ਦੇ ਸੰਬੰਧ ‘ਚ ਖੂਬਸੂਰਤ ਆਤਿਸ਼ਬਾਜੀ ਵੀ ਕੀਤੀ ਗਈ।
